Mangal Gochar 2025: వృశ్చిక రాశిలోకి మంగళుడు! మిథునం సహా ఈ 5 రాశులవారిని అదృష్టం వరిస్తుంది

అక్టోబర్ 27న మంగళుడు తులారాశి నుంచి తన సొంతరాశి అయిన వృశ్చికంలోకి ప్రవేశించాడు. డిసెంబర్ 7 వరకు ఈ రాశిలోనే ఉంటాడు. జ్యోతిష్య శాస్త్రం ప్రకారం మంగళుడు తన సొంత రాశిలోకి తిరిగి వచ్చినప్పుడు రుచక రాజయోగం ఏర్పరుస్తాడు. ఈ రాజయోగం వల్ల వ్యక్తి ధైర్యం, ఆత్మవిశ్వాసం, ఉన్నత పదవి, ధన సంపద, నాయకత్వ సామర్థ్యంలో పెరుగుదల ఉంటుంది.

మంగళుడు మిథున రాశి నుంచి ఆరవ ఇంట్లో సంచరిస్తున్నాడు. ఈ సమయంలో మంచి ఫలితాలు వస్తాయి. మిథున రాశి వారు ఈ సమయంలో బంగారం, వెండి కొనుగోలు చేస్తారు..ఆదాయం పెరుగుతుంది.

కన్యా రాశి మూడవ స్థానంలో కుజుడి ప్రవేశం ఈ రాశివారికి మంచి జరుగుతుంది. ఈ సమయంలో మీ ఆత్మవిశ్వాసం పెరుగుతుంది. శుభవార్తలు వింటారు. శత్రువులకు దీటుగా బదులిచ్చే అవకాశం లభిస్తుంది. సాధారణంగా మంచి ఫలితాలే ఉంటాయి.

మకర రాశి నుంచి 11వ స్థానంలో కుజుడు సంచరించనున్నాడు. ఈ సమయం మకర రాశి వారికి చాలా ప్రత్యేకంగా ఉండబోతుంది. ఆదాయం పెరుగుతుంది. ఇది ఆరోగ్యానికి సంబంధించిన సమయం

కుంభ రాశి వారికి దశమ భావంలో కుజుడి సంచారం మంచి చేస్తుంది. ఈ సమయంలో చేపట్టిన పనుల్లో విజయం మీ సొంతం అవుతుంది. మునుపటి కంటే ఎక్కువ దృష్టితో కష్టపడి పనిచేస్తారు. కార్యాలయం లేదా వ్యాపారంలో మీ ప్రయత్నాలను ప్రశంసిస్తారు. మీ లక్ష్యాన్ని వేగంగా సాధిస్తారు.

మీన రాశిలో తొమ్మిదవ స్థానంలో అంటే అదృష్టం, యాత్రలకు సంబంధించిన స్థానంలో కుజుడు సంచరిస్తున్నాడు. ఈ సమయంలో మీకు అదృష్టం బాగా కలిసి వస్తుంది. ఆగిపోయిన పనులు పూర్తవుతాయి . మీ తెలివితేటలు ఆచరణాత్మక ఆలోచనల వల్ల ప్రతి కష్టమూ సులభమవుతుంది. వివాదం లేదా అనవసర చర్చలకు దూరంగా ఉండటం మంచిది.