అన్వేషించండి
Ashok Gajapati Raju: సింహాద్రి అప్పన్నను తొలి దర్శనం చేసుకొని పట్టువస్త్రాలు సమర్పించిన అనువంశిక ధర్మకర్త అశోక్ గజపతి రాజు
Simhachalam Temple | సింహాచలంలోని శ్రీ లక్ష్మీనరసింహ స్వామివారి తొలి దర్శనం చేసుకొని పట్టువస్త్రాలను సమర్పించారు అనువంశిక ధర్మకర్త పూసపాటి అశోక్ గజపతి రాజు.
సింహాద్రి అప్పన్నను తొలి దర్శనం చేసుకొని పట్టువస్త్రాలు సమర్పించిన అశోక్ గజపతి రాజు
1/7

విశాఖపట్నం జిల్లాలోని సింహాచలం అప్పన్న స్వామి నిజరూప దర్శనం చేసుకునేందుకు భక్తులు పెద్ద సంఖ్యలో మంగళవారం రాత్రి నుంచే ఆలయానికి చేరుకుంటున్నారు.
2/7

వేకువజామున ఒంటిగంటకు సింహాద్రి అప్పన్నను సుప్రభాత సేవతో అర్చకులు మేల్కొలిపారు. అనంతరం స్వామివారి చందనాన్ని అత్యంత సున్నితంగా వేరు చేశారు అర్చకులు. నిజరూప దర్శనంలోకి వచ్చిన స్వామివారికి అర్చకులు వైదిక కార్యక్రమాలు, పూజలు నిర్వహించారు.
3/7

అనంతరం ఆలయ అనువంశిక ధర్మకర్త పూసపాటి అశోక్ గజపతి రాజు, ఆయన కుటుంబసభ్యులు సింహాద్రి అప్పన్న (శ్రీ లక్ష్మీనరసింహ స్వామివారి) నిజరూప దర్శనం చేసుకున్నారు.
4/7

తొలి దర్శనం చేసుకొని పట్టువస్త్రాలను సమర్పించారు అశోక్ గజపతిరాజు. అప్పన్న చందనోత్సవం సందర్భంగా ఏపీ ప్రభుత్వం తరఫున రెవెన్యూ మంత్రి అనగాని సత్యప్రసాద్ స్వామి వారికి పట్టువస్త్రాలు సమర్పించారు.
5/7

బుధవారం ఉదయం 3 గంటల నుంచి ఆరు గంటల వరకు సింహాద్రి అప్పన్న ఆలయంలో ప్రొటోకాల్, గర్భగుడి దర్శనాలకు అనుమతించారు. భక్తులు పెద్ద ఎత్తున సింహాచలం ఆలయానికి తరలి వస్తున్నారు.
6/7

కాగా, సింహాద్రి అప్పన్న స్వామి చందనోత్సవంలో విషాదం చోటుచేసుకుంది. సింహగిరి బస్టాండ్ నుంచి పైకి వెళ్లే మార్గంలో రూ.300 టికెట్ క్యూలైన్పై సిమెంట్ గోడ కూలడంతో ఏడుగురు భక్తులు మృతి చెందారు.
7/7

వెంటనే రంగంలోకి దిగిన ఎన్డీఆర్ఎఫ్ సిబ్బంది, అధికారులు సహాయక చర్యలు చేపట్టి పూర్తిచేశారు. ఏపీ హోంమంత్రి వంగలపూడి అనిత, విశాఖపట్నం జిల్లా కలెక్టర్ హరేంధిర ప్రసాద్, ఘటనాస్థలికి చేరుకొని సహాయక చర్యలు పర్యవేక్షించారు.
Published at : 30 Apr 2025 06:59 AM (IST)
వ్యూ మోర్
Advertisement
Advertisement

Nagesh GVDigital Editor
Opinion




















