Chandrababu Oath Ceremony: ఆంధ్రప్రదేశ్ సీఎంగా చంద్రబాబు - మెమెరబుల్ మూమెంట్స్ చూశారా!
'చంద్రబాబు అనే నేను..'.. ఆంధ్రప్రదేశ్ సీఎంగా నాలుగోసారి చంద్రబాబు ప్రమాణ స్వీకారం చేశారు. ఆయనతో గవర్నర్ అబ్దుల్ నజీర్ ప్రమాణం చేయించారు.
Download ABP Live App and Watch All Latest Videos
View In Appసీఎంగా ప్రమాణస్వీకారం అనంతరం చంద్రబాబు ప్రధాని మోదీకి అభివాదం చేశారు. ఆయనతో సరదాగా ముచ్చటించారు.
ప్రమాణ స్వీకారం అనంతరం సీఎం చంద్రబాబు ప్రధాని మోదీకి పుష్పగుచ్ఛం అందించారు. అనంతరం శాలువా కప్పి సత్కరించారు.
ఈ సందర్భంగా ప్రధాని మోదీ చంద్రబాబును ఆత్మీయ ఆలింగనం చేసుకున్నారు. ఈ క్రమంలో చంద్రబాబు భావోద్వేగానికి గురయ్యారు.
ప్రధాని మోదీకి వెంకటేశ్వరుని ప్రతిమను అందించిన సీఎం చంద్రబాబు, జనసేనాని, మంత్రి పవన్ కల్యాణ్
రాష్ట్ర మంత్రిగా జనసేన అధినేత పవన్ కల్యాణ్ ప్రమాణస్వీకారం చేశారు. ఈ సందర్భంగా అభిమానులు, కూటమి శ్రేణుల నినాదాలతో సభ మార్మోగిపోయింది.
ప్రధాని మోదీకి పవన్, చంద్రబాబు ఆత్మీయ సత్కారం. ఈ సందర్భంగా వారు సరదా సంభాషణతో నవ్వులు పూశాయి.
మంత్రిగా ప్రమాణ స్వీకారం అనంతరం జనసేనాని పవన్ కల్యాణ్ తన అన్న చిరంజీవి కాళ్లకు మొక్కి ఆశీర్వచనం అందుకున్నారు.
పవన్ ప్రమాణ స్వీకార ఘట్టాన్ని ఆయన భార్య అన్నా లెజీనోవా ఆనందంతో తన ఫోన్లో బంధించారు.
తన తమ్ముడు పవన్ మంత్రిగా ప్రమాణ స్వీకారం చేస్తున్న క్రమంలో మెగాస్టార్ చిరంజీవి హర్షం వ్యక్తం చేశారు. ఆయన ముఖంలో ఆనందం వెల్లివిరిసింది.
మంత్రిగా నారా లోకేశ్ ప్రమాణ స్వీకారం చేశారు.
చూడు నాన్నా.. నాన్న మంత్రిగా ప్రమాణ స్వీకారం చేస్తున్నారు. మంత్రిగా లోకేశ్ ప్రమాణం సందర్భంగా ఆయన సతీమణి నారా బ్రాహ్మణి, కుమారుడు దేవాన్ష్ చప్పట్లతో హర్షం వ్యక్తం చేశారు.
మంత్రిగా ప్రమాణం చేసిన అనంతరం లోకేశ్ సీఎం చంద్రబాబుకు పాదాభివందనం చేశారు.
మాజీ ఉప రాష్ట్రపతి వెంకయ్యనాయుడు కాళ్లకు మంత్రి లోకేశ్ నమస్కారం చేశారు. అనంతరం కేంద్ర హోంమంత్రి అమిత్ షాకు ఇతర ప్రముఖులను సైతం ఆప్యాయంగా పలుకరించి అభివాదం చేశారు.
తన మామయ్య బాలకృష్ణ కాళ్లకు మంత్రి లోకేశ్ నమస్కరించి ఆశీర్వాదం తీసుకున్నారు.
సభా వేదికపై బాలకృష్ణ తన సోదరి, చంద్రబాబు సతీమణి భువనేశ్వరిని ఆప్యాయంగా పలుకరించి నుదిటిపై ఆత్మీయంగా ముద్దు పెట్టారు.
సీఎంగా చంద్రబాబు, ఇతర మంత్రులు ప్రమాణ స్వీకారం చేసిన అనంతరం ప్రధాని మోదీతో ఏపీ మంత్రి వర్గం ఫోటో దిగింది. అనంతరం మోదీ వేదికపై అందరినీ పేరు పేరునా ఆప్యాయంగా పలుకరించారు.