White House Gun Fire: వైట్ హౌస్ వద్ద కాల్పులు.. సీక్రెట్ సర్వీస్ ఎదురుకాల్పుల్లో దుండగుడు హతం, ట్రంప్ సేఫ్

Donald Trump At White House | అమెరికా అధ్యక్ష భవనం వైట్ హౌస్ సమీపంలో శనివారం కాల్పులు జరిగాయి. సీక్రెట్ సర్వీస్ ఎదురుకాల్పుల్లో నిందితుడు మృతిచెందాడు. ఆ సమయంలో డొనాల్డ్ ట్రంప్ లోపలే ఉన్నారు.

వైట్ హౌస్ సమీపంలో కాల్పులు

Source : ANI

Show Quick Read

Key points generated by AI, verified by newsroom

• వైట్ హౌస్ సమీపంలో దుండగుడు కాల్పులు, సీక్రెట్ సర్వీస్ ఎదురుదాడి.
• కాల్పులు జరిపిన 21 ఏళ్ల యువకుడిని అదుపులోకి తీసుకున్నారు.
• తీవ్రగాయాలైన నిందితుడు ఆసుపత్రిలో చికిత్స పొందుతూ మృతిచెందాడు.
• మానసిక సమస్యలతో బాధపడుతున్న దుండగుడిపై FBI విచారణ ప్రారంభించింది.

White House GunFire | వాషింగ్టన్ డీసీ: అమెరికా అధ్యక్ష భవనం వైట్ హౌస్ సమీపంలో శనివారం సాయంత్రం ఒక దుండగుడు కాల్పులు జరపడం కలకలం రేపింది.  అధ్యక్ష భవనం పశ్చిమ భాగంలో ఓ 21 ఏళ్ల యువకుడు కొన్ని రౌండ్లు కాల్పులు జరిపాడు. ఈ ఘటన జరిగిన సమయంలో అమెరికా అధ్యక్షుడు డొనాల్డ్ ట్రంప్ వైట్ హౌస్‌లోనే ఉన్నారు. దాంతో వెంటనే అప్రమత్తమైన అమెరికా సీక్రెట్ సర్వీస్ కొన్ని సెకన్లలోనే ఎదురుదాడి చేసి కాల్పులకు పాల్పడిన నిందితుడిపై తూటాల వర్షం కురిపించింది. తీవ్రగాయాల పాలైన నిందితుడ్ని జార్జ్ వాషింగ్టన్ హాస్పిటల్‌కు తరలించగా చికిత్స పొందుతూ మృతిచెందాడని సీక్రెట్ సర్వీస్ అధికారులు తెలిపారు. ఈ కాల్పుల్లో మరో వ్యక్తి కూడా గాయపడ్డాడు. అయితే, అతని పరిస్థితిపై అధికారులు ఎలాంటి సమాచారం ఇవ్వలేదు.

అసలేం జరిగిందంటే..  

అమెరికా మీడియా, సీక్రెట్ సర్వీస్ అధికారుల సమాచారం ప్రకారం, శనివారం సాయంత్రం 6 గంటల ప్రాంతంలో ఓ దుండగుడు వైట్ హౌస్ పశ్చిమ వైపు గేట్ దగ్గరకు చేరుకున్నాడు. దాదాపు 6 గంటల 10 నిమిషాలకు, సీక్రెట్ సర్వీస్ అతన్ని 17వ స్ట్రీట్ నార్త్ వెస్ట్ లో అనుమానాస్పదంగా తిరుగుతున్నట్లు గమనించింది. దాంతో అతను ఒక్కసారిగా గన్ తీసి కాల్పులు జరిపాడు. నివేదికల ప్రకారం, నిందితుడి వద్ద హ్యాండ్ గన్ ఉంది. వైట్ హౌస్ పశ్చిమ వైపు గేట్ దగ్గర చాలా రౌండ్లు కాల్పులు జరిపాడు.

సీక్రెట్ సర్వీస్ ఎదురుదాడిలో నిందితుడు హతం 

దుండగుడు కాల్పులు మొదలుపెట్టగానే అమెరికా సీక్రెట్ సర్వీస్ అప్రమత్తమై వెంటనే ఎదురు కాల్పులు జరిపింది. కొన్ని సెకన్లలోనే సెక్యూరిటీ సిబ్బంది సాయుధుడిపై బుల్లెట్ల వర్షం కురిపించింది. హాస్పిటల్‌కు తరలించగా కాల్పులు జరిపిన వ్యక్తి చికిత్స పొందుతూ మృతిచెందాడు. బుల్లెట్ గాయాలు, తీవ్ర రక్తస్రావం కావడంతో చనిపోయాడని సీక్రెట్ సర్వీస్ పేర్కొంది. ఈ కాల్పుల ఘటనలో ఓ వ్యక్తి సైతం గాయపడ్డాడు.

 సురక్షిత ప్రాంతానికి జర్నలిస్టుల తరలింపు

I was in the middle of taping on my iPhone for a social video from the White House North Lawn when we heard the shots. It sounded like dozens of gunshots. We were told to sprint to the press briefing room where we are holding now. pic.twitter.com/iqdQwh4soq

— Selina Wang (@selinawangtv) May 23, 2026

కాల్పుల శబ్దం వినగానే సీక్రెట్ సర్వీస్ వైట్ హౌస్ కాంపౌండ్ లో ఉన్న జర్నలిస్టులను వెంటనే నార్త్ లాన్ వైపు వెళ్లాలని, ప్రెస్ బ్రీఫింగ్ రూమ్ లోకి చేరుకోవాలని ఆదేశించింది. వైట్ హౌస్ నార్త్ లాన్ లో తన ఐఫోన్ తో సోషల్ మీడియా వీడియో రికార్డ్ చేస్తున్నప్పుడు, ఒక్కసారిగా కాల్పుల శబ్దం వినిపించిందని ABC న్యూస్ రిపోర్టర్ చెప్పారు. NBC న్యూస్ నివేదిక ప్రకారం, ఈ ఘటనలో మొత్తం 20 నుండి 30 రౌండ్ల వరకు కాల్పులు జరిగినట్లు రిపోర్ట్ చేసింది. 

దుండగుడికి మానసిక సమస్యలు

న్యూయార్క్ పోస్ట్, ఫాక్స్ న్యూస్ నివేదికల ప్రకారం, కాల్పులు జరిపిన వ్యక్తిని నాసిరే బెస్ట్ గా గుర్తించారు. ఏజెన్సీ అధికారులు సీక్రెట్ సర్వీస్ దర్యాప్తునకు సహాయం చేస్తున్నారని FBI డైరెక్టర్ కాష్ పటేల్ తెలిపారు. నిందితుడు మానసికంగా కలత చెందాడని, అతడి పరిస్థితికి సంబంధించి ఇటీవల ఓ ఆర్డర్ కూడా జారీ అయిందని రాయిటర్స్ పేర్కొంది. 

ట్రంప్ ఇరాన్ శాంతి ఒప్పందంపై పోస్ట్ 

ఇరాన్‌తో సీజ్ ఫైర్ కొనసాగుతుందని, రెండు దేశాల మధ్య యుద్ధం ముగిసిందని డొనాల్డ్ ట్రంప్ ప్రకటించిన సమయంలో ఇటీవల కాల్పులు జరిగాయి. వైట్ హౌస్, అమెరికా కాంగ్రెస్ ప్రతినిధుల డిన్నర్ ఈవెంట్ లక్ష్యంగా ఓ వ్యక్తి కాల్పులు జరపడం తెలిపిందే. సెక్యూరిటీ సిబ్బంది త్వరగా స్పందించి నిందితుడ్ని అరెస్ట్ చేశారు. ఇరాన్ తో శాంతి ఒప్పందంపై పని చేస్తున్నానని డొనాల్డ్ ట్రంప్ సోషల్ మీడియా పోస్ట్ చేసిన రెండు గంటల తర్వాత ఈ కాల్పుల ఘటన జరిగింది. 

మరిన్ని చదవండి

అమెరికా-ఇరాన్ మధ్య ముగిసిన పోరు! ప్రపంచానికి ఊరటనిచ్చిన శాంతి ఒప్పందం!

ఎంతకు తెగించార్రా ? - ఇవాంకా ట్రంప్ హత్యకు ప్లాన్ చేస్తారా?