Israel Iran War: పశ్చిమాసియాలో మళ్లీ మొదలైన యుద్ధం.. ఇజ్రాయెల్ పై బాలిస్టిక్ మిస్సైల్స్‌తో ఇరాన్ ప్రతీకార దాడులు

US Iran War Updates | మధ్యప్రాచ్యంలో మరోసారి ఉద్రిక్తతలు పెరుగుతున్నాయి ఇజ్రాయెల్ బీరూట్‌పై దాడి చేయగా ఇరాన్ ప్రతీకార దాడి చేసింది. మళ్లీ దాడి చేస్తే IRGC దీటుగా బదులిస్తుందని హెచ్చరించింది

ఇజ్రాయెల్ మీద ప్రతీకార దాడులు చేసిన ఇరాన్

Source : AI

Show Quick Read

Key points generated by AI, verified by newsroom

• ఇజ్రాయెల్ బీరుట్ దాడికి ప్రతీకారంగా ఇరాన్ క్షిపణులు ప్రయోగించింది.
• ఇజ్రాయెల్ అనేక క్షిపణులను అడ్డుకుంది, ఉత్తరాన పేలుళ్లు వినిపించాయి.
• ఇరు దేశాలు తీవ్ర ప్రతీకార దాడులకు సిద్ధంగా ఉన్నాయని హెచ్చరించాయి.

Israel Iran War Updates | వాషింగ్టన్: ఒకవైపు అమెరికా అధ్యక్షుడు డొనాల్డ్ ట్రంప్ శాంతి ఒప్పందం త్వరలో ఖరారు అవుతుందని చెబుతున్నప్పటికీ, మరోవైపు  ఉద్రిక్తతలు పెరుగుతున్నాయి. ఇరాన్ సైన్యం ఇజ్రాయెల్‌ను లక్ష్యంగా చేసుకుని దాడులు చేసింది. ఏప్రిల్‌లో అమలులోకి వచ్చిన కాల్పుల విరమణ (Ceasefire) తర్వాత క్షిపణి దాడి చేయడం ఇదే మొదటిసారి. దీంతో ఇరాన్, ఇజ్రాయెల్ మధ్య మళ్లీ మేఘాలు కమ్ముకున్నాయి. టెహ్రాన్ ప్రతీకార చర్యకు వార్నింగ్ ఇచ్చిన ఒక రోజు తర్వాత ఈ దాడి జరిగింది.

ఇరాన్ మిస్సైల్స్ దాడి తర్వాత, ఇజ్రాయెల్‌లోని అనేక ప్రాంతాల్లో సైరన్ శబ్దాలు వినిపించాయి. అంటే ప్రజలు సురక్షిత ప్రాంతాలకు వెళ్లిపోవాలని దాని అర్థం. ఇజ్రాయెల్ సైన్యం కనీసం మూడు ఇరాన్ క్షిపణి దాడులను అడ్డుకున్నట్లు పేర్కొంది. అయితే ఉత్తరాన అనేక పేలుళ్ల శబ్దాలు వినిపించాయి. CNN నివేదిక ప్రకారం, కనీసం 10 బాలిస్టిక్ క్షిపణులను అడ్డుకున్నట్లు తెలుస్తోంది. ఇరాన్ ఎన్ని మిస్సైల్స్ ప్రయోగించిందో తెలియాల్సి ఉంది.

ఇరాన్ ప్రతీకార దాడి

ఇజ్రాయెల్ ఆదివారం (జూన్ 7) ఏ హెచ్చరిక లేకుండా బీరుట్ దక్షిణ శివారు ప్రాంతాలపై దాడులకు దిగడం పరిస్థితిని దిగజార్చింది. దాంతో తాము ప్రతీకారం తీర్చుకుంటామని ఇరాన్ హెచ్చరించింది. చెప్పినట్లుగానే ఇరాన్ మిస్సైల్స్ దాడులతో ఇజ్రాయెల్ మీద విరుచుకుపడింది. ఇరాన్, ఇజ్రాయెల్ దాడులు మళ్లీ మొదలుపెట్టడంతో పశ్చిమాసియా ఘర్షణ ఇప్పట్లో ముగిసేలా కనిపించడం లేదు.

దాడి జరిగితే దీటుగా జవాబిస్తాం

తమ దేశంపై ఇజ్రాయెల్ చేసిన దాడులపై ఇరాన్ రివల్యూషనరీ గార్డ్ (IRGC) స్పందించింది. 'దాడులు జరిగితే ప్రతీకార చర్యలు మరింత తీవ్రంగా ఉంటాయి. ప్రాంతంలోని అన్ని అమెరికా, ఇజ్రాయెల్ లక్ష్యాలను మేం టార్గెట్ చేస్తామని’ హెచ్చరించింది. లెబనాన్, ఇరాన్ తీరప్రాంతాలు, హర్మూజ్ జలసంధి చుట్టుపక్కల ఉన్న నౌకలపై జరిగిన దాడుల్ని ప్రస్తావించింది. 

ఇరాన్ రివల్యూషనరీ గార్డ్స్ మాట్లాడుతూ, IRGC ఏరోస్పేస్ ఫోర్స్ బాలిస్టిక్ క్షిపణులతో ఇజ్రాయెల్‌లోని రామాట్ డేవిడ్ ఎయిర్ బేస్‌ను లక్ష్యంగా చేసుకుందని తెలిపారు. ఈ దాడి ఒక హెచ్చరిక మాత్రమేనని, దాడి మళ్లీ జరిగితే ఇరాన్ ప్రతిస్పందన ఊహించలేరని ఇజ్రాయెల్‌ను హెచ్చరించింది. ఈ ప్రాంతంలోని అన్ని US, ఇజ్రాయెల్ తమ టార్గెట్స్ అవుతాయని IRGC పేర్కొంది. అన్ని రంగాలలో కాల్పుల విరమణ ముగుస్తుందనే షరతుపై ఇరాన్ కాల్పుల విరమణను అంగీకరించిందని, అయితే అమెరికా, ఇజ్రాయెల్ తమ వాగ్దానాలు, హామీలను నెరవేర్చలేదని IRGC క్లారిటీ ఇచ్చింది.

ఇజ్రాయెల్ ప్రతీకార దాడికి హెచ్చరిక

మరోవైపు, దాడి తర్వాత ఇజ్రాయెల్ సైన్యం సైతం ధీటుగా బదులిస్తామని హెచ్చరించింది.  ఇజ్రాయెల్ సైన్యం ప్రతినిధి బ్రిగేడియర్ జనరల్ ఎఫీ డెఫ్రిన్ మాట్లాడుతూ.. 'ఇరాన్ దాడి చేసి పెద్ద తప్పిదం చేసింది. ఆదేశాలు అందిన వెంటనే మేం కూడా శత్రువుపై దాడి చేస్తాం' అని సైన్యం చీఫ్ ఆఫ్ స్టాఫ్ లెఫ్టినెంట్ జనరల్ ఇయాల్ జమీర్ తెలిపారు.

మరిన్ని చదవండి

ఇరాన్ నిఘా స్థావరాలపై అమెరికా బాంబు దాడులు.. గల్ఫ్ దేశాల్లో మరో అలజడి

హొర్ముజ్‌ జలసంధి వద్ద మరోసారి ఉద్రిక్తత! ఇరాన్ డ్రోన్‌లను కూల్చివేసిన అమెరికా! ఆయుధాలపై ట్రంప్ కీలక ప్రకటన!