US Attacks Iran: ఇరాన్‌పై మెరుపుదాడులు చేసిన అమెరికా సైన్యం.. చమురు విక్రయాల లైసెన్స్ రద్దు, ఆంక్షలు కఠినతరం

US Iran Conflict | హర్మూజ్ జలసంధిలో వాణిజ్య నౌకలపై దాడుల తర్వాత అమెరికా సైన్యం మెరుపు దాడులు చేసింది. ఇరాన్‌పై దాడి చేయడంతో పాటు ఆ దేశానికి ఉన్న చమురు అమ్మకాల అనుమతిని రద్దు చేసింది

ఇరాన్‌పై మెరుపుదాడులు చేసిన అమెరికా సైన్యం.. చమురు విక్రయాల లైసెన్స్ రద్దు

Source : social media

Show Quick Read

Key points generated by AI, verified by newsroom

• హర్మూజ్ నౌకల దాడులకు ప్రతిగా అమెరికా సైన్యం ఇరాన్‌పై దాడులు.
• ఇరాన్ ఒప్పంద ఉల్లంఘన, ప్రాంతీయ భద్రతకు ముప్పుగా అమెరికా ఆరోపణ.
• ఇరాన్ వైమానిక, నిఘా, క్షిపణి స్థావరాలపై దాడులు జరిగాయి.
• అమెరికా చర్య కాల్పుల విరమణ ఒప్పంద ఉల్లంఘనగా ఇరాన్ స్పందన.

US Airstrikes on Iran: పశ్చిమ ఆసియాలో మరోసారి ఉద్రిక్తత చోటుచేసుకుంది. అమెరికా, ఇరాన్ మధ్య జూన్ నెలలో కుదిరిన కాల్పుల విరమణ ఒప్పందం కొనసాగడంపై సందిగ్దత నెలకొంది. అమెరికా సైన్యం మంగళవారం నాడు ఇరాన్‌పై కొత్త దాడులను ప్రారంభించింది. అదే సమయంలో ఇరాన్ చమురు అంతర్జాతీయ విక్రయాలకు ఇచ్చిన మినహాయింపును అమెరికా అధ్యక్షుడు డొనాల్డ్ ట్రంప్ రద్దు చేశారు. హర్మూజ్ జలసంధిలో మూడు వాణిజ్య నౌకలపై దాడుల తర్వాత ఊహించని పరిణామాలు చోటుచేసుకుంటున్నాయి. 

ఇరాన్‌ కాల్పుల విరమణ ఒప్పందాన్ని ఉల్లంఘించి, ప్రాంతీయ భద్రతకు ముప్పు కలిగించిందని అమెరికా సైనిక కమాండ్ (CENTCOM) ఆరోపించింది. అదే సమయంలో, అమెరికా చర్యను కాల్పుల విరమణ ఒప్పంద ఉల్లంఘనగా పేర్కొంటూ ఇరాన్ తీవ్రంగా స్పందించింది. ఇరాన్ ఎయిర్ డిఫెన్స్, తీరప్రాంత నిఘా వ్యవస్థలు, మిస్సైల్స్ సెంటర్, డ్రోన్‌ల ప్రయోగ స్థావరాలను లక్ష్యంగా చేసుకుని సైన్యం దాడులు చేస్తున్నట్లు ఓ అమెరికా అధికారి తెలిపారు. నాటో కూటమి శిఖరాగ్ర సమావేశం కోసం అమెరికా అధ్యక్షుడు ట్రంప్ టర్కీ పర్యటనలో ఉన్న సమయంలో ఈ దాడులు జరిగాయి.

U.S. Central Command forces have begun launching a series of powerful strikes against Iran to impose heavy costs for targeting and attacking commercial shipping crewed by innocent civilians in an international waterway. The U.S. strikes are in response to Iranian attacks on three…

— U.S. Central Command (@CENTCOM) July 7, 2026

ఇరాన్ సైనిక స్థావరాలపై అమెరికా దాడి

అమెరికా సైనిక కమాండ్ (CENTCOM) ప్రకారం.. అమెరికా సైన్యం ఇరాన్ ఎయిర్ డిఫెన్స్ సిస్టమ్, తీరప్రాంత నిఘా కేంద్రాలు, క్షిపణి వ్యవస్థలు, డ్రోన్ ప్రయోగ స్థావరాలను లక్ష్యంగా చేసుకుంది. ఇరాన్ నౌకాశ్రయాల మౌలిక సదుపాయాలపై, ఖేష్మ్‌, బందర్ అబ్బాస్‌, సిరిక్ లలో పేలుళ్ల శబ్దాలు వినిపించినట్లు ఇరాన్ ప్రభుత్వ మీడియా ధ్రువీకరించింది.

ఇరాన్ చమురు విక్రయాలపై ఆంక్షలు

ఇరాన్‌ చమురు విక్రయాలకు సంబంధించి అమెరికా కీలక నిర్ణయం తీసుకుంది. ఇరాన్‌ దేశానికి ఉన్న చమురు విక్రయాల లైసెన్స్‌ను అమెరికా (USA) రద్దు చేసింది. వ్యూహాత్మకంగా ఎంతో ప్రాధాన్యత ఉన్న హర్మూజ్ జలసంధి (Strait of Hormuz) ప్రాంతంలో ఇరాన్ అనుసరిస్తున్న తీరు, చేపడుతున్న చర్యలు ఏమాత్రం ఆమోదయోగ్యం కావని అమెరికా స్పష్టం చేసింది. ఈ కారణంతో ఇరాన్ చమురు లైసెన్స్‌ను రద్దు చేయాల్సి వచ్చిందని ఓ అధికారి వెల్లడించారు.

అమెరికా తీసుకున్న ఈ ఆకస్మిక నిర్ణయంపై ఇరాన్ విదేశాంగ శాఖ తీవ్రంగా స్పందించింది. వాషింగ్టన్ చర్యను తీవ్రంగా ఖండించింది. ఇది ఇరు దేశాల మధ్య గతంలో కుదిరిన తాత్కాలిక ఒప్పందాన్ని ముమ్మాటికీ ఉల్లంఘించడమేనని ఇరాన్ ఆగ్రహం వ్యక్తం చేసింది. అమెరికా ఏకపక్షంగా వ్యవహరించిందని ఆరోపిస్తూ, ఈ నిర్ణయం వల్ల భవిష్యత్తులో తలెత్తే తీవ్ర పర్యవసానాలకు పూర్తిగా అమెరికా ప్రభుత్వమే బాధ్యత వహించాల్సి ఉంటుందని ఇరాన్ హెచ్చరించింది.

మరిన్ని చదవండి

ఇరాన్, అమెరికా మధ్య ముగింపు దశకు సీజ్‌ఫైర్ ఒప్పందం! దాడులతో తీవ్ర ఉద్రిక్తత

ట్రంప్ వలస విధానానికి గట్టి దెబ్బ ! జన్మహక్కు పౌరసత్వంపై ఉత్తర్వు కొట్టేసిన సుప్రీంకోర్టు!