US Iran War Latest News: ఇరాన్ నిఘా స్థావరాలపై అమెరికా బాంబు దాడులు.. గల్ఫ్ దేశాల్లో మరో అలజడి
Middle East Conflict: నౌకలను ఇరానియన్ డ్రోన్లు లక్ష్యంగా చేసుకున్నాయని అమెరికా సైన్యం భావిస్తోంది. గోరుక్, ఖేష్మ్ దీవులలోని నిఘా కేంద్రాలతో సహా ఇరాన్ నిఘా కేంద్రాలపై అమెరికా దాడులు ప్రారంభించింది.
US Iran War: అమెరికా శనివారం నాడు ఇరాన్ తీర ప్రాంతంలోని రాడార్ స్థావరాలపై దాడి చేసింది. అంతకుముందు హర్మూజ్ వైపు ఇరాన్ ప్రయోగించిన డ్రోన్ను అమెరికా సైన్యం కూల్చివేసింది. ఈ క్రమంలో రెండు దేశాల మధ్య మరోసారి ఉద్రిక్తత చోటుచేసుకుంది. దాంతో ఈ దేశాల మధ్య శాంతి చర్చలు జరిగే ప్రయత్నాలు కష్టతరం కావచ్చు.
నాలుగు ఇరాన్ డ్రోన్లు ఆ ప్రాంతంలోని నౌకలను లక్ష్యంగా చేసుకున్నాయని అమెరికా సైన్యం నమ్ముతోందని ఒక అమెరికా అధికారి రాయిటర్స్కు తెలిపారు. ఆ తరువాత అమెరికా ఇరాన్ నిఘా స్థావరాలపై దాడి చేసింది. వాటిలో గోరుక్, కేశం ద్వీపాలు ఉన్నాయి. ఈ రెండు హర్ముజ్ జలసంధికి చాలా దగ్గరగా ఉన్నాయి.
అమెరికా తాజా దాడులను ఏప్రిల్ 8న జరిగిన కాల్పుల విరమణ ఒప్పంద ఉల్లంఘనగా ఇరాన్ విదేశాంగ మంత్రిత్వ శాఖ పేర్కొంది. ఇలాంటి ఉల్లంఘనలు పదేపదే జరగడం వల్ల అమెరికా ఉద్రిక్తతలను తగ్గించే ఉద్దేశంలో లేదని తాము భావిస్తున్నట్లు స్పష్టం చేసింది. చట్టవిరుద్ధమైన చర్యలు, ఉద్రిక్తతలు పెరగడానికి అమెరికా బాధ్యత వహించాల్సి ఉంటుందని హెచ్చరించింది.
కువైట్- బహ్రెయిన్లోని అమెరికా స్థావరాలపై ఇరాన్ దాడులు
తమ దేశంపై అమెరికా దాడులకు ప్రతీకారంగా ఇరాన్.. కువైట్, బహ్రెయిన్లోని అమెరికా స్థావరాలను లక్ష్యంగా చేసుకున్నట్లు ఇరాన్ రెవల్యూషనరీ గార్డ్స్ కార్ప్స్ (IRGC) తెలిపింది. వారి 4 ట్యాంకర్లపై కూడా కాల్పులు జరిగాయి. అనుమతి లేకుండా హర్మూజ్ నుంచి వెళ్లడానికి ప్రయత్నించిన ఓడలు, ట్యాంకర్లపై ఇరాన్ దాడులు కొనసాగిస్తోంది.
కువైట్ సైన్యం తెలిపిన ప్రకారం, ఉదయం దేశ వైమానిక సరిహద్దుల్లోకి ప్రవేశించిన 7 బాలిస్టిక్ క్షిపణులను అది అడ్డుకుంది. అంతేకాకుండా, మిస్సైల్స్ అనేక నివాస ప్రాంతాల మీదుగా వెళ్ళాయి. దీని వల్ల కొంత శిథిలాలు అక్కడ పడ్డాయి. ఇరాన్ దాడి వల్ల ఆస్తికి చాలా నష్టం జరిగిందని కువైట్ సైన్యం తెలిపింది. ప్రస్తుతానికి ఎలాంటి ప్రాణనష్టం జరగలేదని తెలుస్తోంది. మరోవైపు బహ్రెయిన్లో సైరన్లు మోగాయి. ప్రజలను సురక్షిత ప్రాంతాలకు వెళ్లాలని ప్రభుత్వం కోరింది.
🚨 BREAKING NEWS :
— Iranian Force (@MrImranPk) June 6, 2026
Iran Launches Massive Strike on Kuwait’s Oil Facilities
According to reports, Iran has carried out another major airstrike targeting Kuwait’s oil infrastructure. The attack is being described as one of the most significant strikes so far, sending shockwaves… pic.twitter.com/WWmUJiANRM
దాడులను ఖండించిన కువైట్, బహ్రెయిన్
అమెరికా, ఇరాన్ మధ్య పరిస్థితులు మరింత దిగజారుతున్న సమయంలో పాకిస్తాన్ మంత్రులు ఇరాన్కు వెళ్తున్నట్లు సమాచారం. ఇరాన్ సైన్యం తమపై చేస్తున్న దాడులను కువైట్, బహ్రెయిన్ ఖండించాయి. ఈ దేశాలు ఇరాన్ దాడులను బహిరంగ దాడిగా పేర్కొంటూనే, దీని వల్ల పౌరుల భద్రతకు ముప్పు పెరిగిందని పేర్కొన్నాయి. ఈ దాడులు లక్ష్యాన్ని చేరుకోవడానికి ముందే అమెరికా సైన్యం విజయవంతంగా అడ్డుకుందని తెలిపారు.
టాప్ హెడ్ లైన్స్
ట్రెండింగ్ వార్తలు
