Who is Zohran Mamdani: తొలి స్పీచ్లో నెహ్రూ మాటలతో అదరగొట్టిన న్యూయార్క్ మేయర్.. జోహ్రాన్ మమ్దాని బ్యాక్గ్రౌండ్ ఏంటీ..
జోహ్రాన్ మమ్దాని అతిపిన్న వయసులో న్యూయార్క్ మేయర్ అయ్యారు. ఎన్నికల్లో ఇద్దరు ప్రముఖులను ఓడించి తొలి భారతీయ ముస్లిం మేయర్గా చరిత్ర సృష్టించారు.
భారత సంతతికి చెందిన జోహ్రాన్ మమ్దాని అమెరికా ఎన్నికల్లో సంచలనం సృష్టించారు. అమెరికాలోని ప్రముఖ నగరాల్లో ఒకటైన న్యూయార్క్ మేయర్ అయ్యారు. మమ్దాని న్యూయార్క్ మేయర్ అయిన తొలి భారతీయ ముస్లిం కావడం విశేషం. మమ్దాని తల్లిదండ్రులు ప్రవాస భారతీయులు. తండ్రి గుజరాత్కు చెందిన వ్యక్తి, తల్లి ఒడిశాకు చెందినవారు. అమెరికా అధ్యక్షుడు డొనాల్డ్ ట్రంప్ మేయర్ అభ్యర్థిని జోహ్రాన్ మమ్దానిని ఇష్టపడలేదు. న్యూయార్క్ మేయర్ ఎన్నికలకు ముందు ట్రంప్ మమ్దానిని తీవ్రంగా వ్యతిరేకించారు. అతడు కచ్చితంగా ఓడిపోతాడని వ్యాఖ్యానించారు. కానీ తాజాగా జరిగిన న్యూయార్క్ మేయర్ ఎన్నికల్లో మమ్దాని ఘన విజయం సాధించారు.
మమ్దాని కేవలం 34 సంవత్సరాల వయసులోనే న్యూయార్క్ మేయర్ అయ్యారు. మమ్దాని ఉగాండాలో జన్మించారు, పుట్టిన కొన్ని సంవత్సరాలకు న్యూయార్క్ నగరానికి వచ్చారు. ముఖ్యమైన విషయం ఏమిటంటే జోహ్రాన్ మమ్దాని ప్రముఖ చిత్రనిర్మాత మీరా నాయర్ కుమారుడు. మీరా హిందూ మతానికి చెందిన మహిళ కాగా, ఆమె భర్త మహమూద్ మమ్దాని ఇస్తాంకు చెందినవారు. మహమూద్ కు భారత్తో అనుబంధం ఉంది. ఆయన భారతదేశంలోని గుజరాత్ నుండి ఉగాండాలోని కంపాలాకు వెళ్లారు. తరువాత అమెరికాకు షిఫ్ట్ అయ్యారు.
న్యూయార్క్ నగర మేయర్గా ఇండో అమెరికన్ జోహ్రాన్ మమ్దానీ విజయం సాధించిన తరువాత తన ప్రసంగంతో ఆకట్టుకున్నారు. బుధవారం (నవంబర్ 5) మమ్దానీ ప్రజలను ఉద్దేశించి ప్రసంగించారు. మమ్దానీ తన ప్రసంగంలో భారత తొలి ప్రధాని పండిట్ జవహర్లాల్ నెహ్రూను గుర్తు చేసుకున్నారు. భారతదేశ స్వాతంత్ర్యం తర్వాత ఆగస్టు 15, 1947న నెహ్రూ ప్రసంగంలోని మాటలను ఆయన ప్రస్తావించారు. దాంతో జోహ్రాన్ మమ్దాని స్పీచ్ హైలైట్ అయింది. బాలీవుడ్ పాటతో తన స్పీచ్ ముగించారు.
న్యూయార్క్ నగర మేయర్ మమ్దానీ మాట్లాడుతూ.. ‘జవహర్లాల్ నెహ్రూ మాటలు నాకు గుర్తున్నాయి. మనం పాత నుండి కొత్త వైపు అడుగులు వేస్తున్నాం. ఒక యుగం ముగిసి, ఒక దేశం ఆత్మ వ్యక్తీకరణను గుర్తంచినప్పుడు అలాంటి క్షణం చరిత్రలో చాలా అరుదుగా వస్తుంది. మనం పాత నుండి కొత్త వైపు అడుగులు వేస్తున్నాం’ అన్నారు.
#WATCH | Newly-elected Mayor of New York City, Zohran Mamdani says, "Standing before you, I think of the words of Jawaharlal Nehru. A moment comes but rarely in history when we step out from the old to the new, when an age ends and when the soul of a nation long suppressed finds… pic.twitter.com/42Vef68kgj
— ANI (@ANI) November 5, 2025
జోహ్రాన్ మమ్దాని తల్లి మీరా నాయర్ ఎవరు?
మీరా నాయర్ 1957లో రూర్కెలాలో జన్మించారు. ఆమె ఫేమస్ ఫిల్మ్ ప్రొడ్యూసర్ మాత్రమే కాదు. వలసలు, సాంస్కృతిక విషయాలు అన్వేషించడంతో ప్రముఖురాలు. మీరా నాయర్ హార్వర్డ్ నుండి పట్టా పుచ్చుకున్నారు. ఆమె చిత్రం సలాం బాంబే! (1988) చాలా ఫేమస్. ఈ సినిమా కేన్స్ ఫిల్మ్ ఫెస్టివల్ లో కామెరా డి'ఓర్ అవార్డు గెలుచుకుంది. దాంతోపాటు ఆస్కార్కు కూడా నామినేట్ అయింది.
రాజకీయాల్లోకి రాకముందు మమ్దాని ఏం చేసేవారు..
డెమెక్రాటిక్ అభ్యర్థిగా పోటీ చేసి న్యూయార్క్ మేయర్గా విజయం సాధించిన జోహ్రాన్ మమ్దాని రాజకీయాల్లోకి రాకముందు ఓ కళాకారుడు. అతను రాపర్ గా కెరీర్ ఎంచుకున్నాడు. ఆయన రాప్ సాంగ్ 'నాని' చాలా ఫేమస్ అయింది. ఈ పాటను తన నానమ్మ కోసం రూపొందించినట్లు తెలిపారు.
మమ్దాని పొలిటికల్ కెరీర్..
జోహ్రాన్ మమ్దాని 2020లో రాజకీయాల్లోకి వచ్చారు. తరువాత ఆయన న్యూయార్క్ అసెంబ్లీకి ఎన్నికయ్యారు. మమ్దాని క్వీన్స్ లోని ఆస్టోరియా నుంచి సభ్యుడిగా ఎన్నికైన తర్వాత గుర్తింపు తెచ్చుకున్నాడు. అక్కడి ప్రజల కోసం ఉచిత బస్సు సర్వీసును ప్రారంభించారు. ఆ ప్రకటన తర్వాత మమ్దాని పేరు మార్మోగిపోయింది. తరచుగా వార్తల్లో నిలిచేవారు.
టాప్ హెడ్ లైన్స్
ట్రెండింగ్ వార్తలు
