- స్పేస్ ఎక్స్ నాస్డాక్ లిస్టింగ్ తర్వాత ఎలాన్ మస్క్ నిరక ఆస్తుల విలువ 1.1 ట్రిలియన్ డాలర్లకు చేరుకుంది.
- భారత అపర కోటీశ్వరులు గౌతమ్ అదానీ సంపద కంటే ఇది 9 రెట్లు, ముకేష్ అంబానీ కంటే పది రెట్లు ఎక్కువ
- మస్క్ సంపద ప్రస్తుతం భారత్ జీడీపీలో దాదాపు నాలుగో వంతుకు సమానం.
Elon Musk Net Worth 2026:ప్రపంచ కుబేరుడు ఎలాన్ మాస్క్ మరో చరిత్ర సృష్టించారు. తన అంతరిక్ష పరిశోధన సంస్థ స్పేస్ ఎక్స్ స్టాక్ మార్కెట్లో అడుగు పెట్టిన వేళ, ఆయన సంపద ఊహకందని స్థాయిలో పెరిగింది. నాస్డాక్ మార్కెట్లో స్పేస్ ఎక్స్ షేర్లు రికార్డు స్థాయి ధర వద్ద ముగిశాయి. దీంతో మస్క్ నికర ఆస్తి విలువ ఇప్పుడు ఏకంగా 1.1ట్రిలియన్ డాలర్ల మార్కును తాకింది. ఈ భారీ సంపదతో భారతీయ వ్యాపార దిగ్గజాలు గౌతమ్ అదానీ, ముకేష్ అంబానీలతో పోలిస్తే మస్క్ ఎంతో ఎత్తులో నిలిచారు. ఈ గ్యాప్ ఇప్పుడు ప్రపంచవ్యాప్తంగా హాట్టాపిక్ అయ్యింది.
స్పేస్ ఎక్స్ సృష్టించిన ప్రభంజనం
జూన్ 12 స్పేస్ ఎక్స్ సంస్థ నాస్డాక్ మార్కెట్లో గ్రాండ్ ఎంట్రీ ఇచ్చింది. ఐపీఓ ధర 135 డాలర్లు కాగా, తొలి రోజే షేరు 160.95 వద్ద ముగిసింది. ఈ ఒక్క రోజులోనే స్టాక్ విలువ ఇరవై శాతం పెరగడంతో స్పేస్ ఎక్స్ మార్కెట్ క్యాపిటలైజేషన్ 2.1 ట్రలియన్ డాలర్లను దాటిపోయింది. ఇది మస్క్ వ్యక్తిగత సంపదను అమాంతం పెంచేసింది. కేవలం టెస్లా మాత్రమేకాదు, ఇప్పుడు స్పేస్ ఎక్స్ కూడా మస్క్ను ప్రపంచంలోనే అత్యంత శక్తివంతమైన ఆర్థిక శక్తిగా మార్చింది.
అదానీ, అంబానీతో పోలిక
ప్రస్తుత అంచనాల ప్రకారం, అదానీ గ్రూప్ చైర్మన్ గౌతమ్ అదానీ నికర ఆస్తి విలువ సుమారు 12.55 లక్షల కోట్లుగా ఉంది. మరోవైపు రిలయన్స్ ఇండస్ట్రీస్ అధినేత ముకేష్ అంబానీ సంపద సుమారు 9.40 లక్షల కోట్లుగా నమోదైంది. అయితే మస్క్ వద్ద ఉన్న 1.1 ట్రిలియన్ల సంపదతో పోలిస్తే ఆయన అదానీ కంటే 8 రెట్లు, అంబానీ కంటే పది రెట్లు ఎక్కువ సంపన్నవంతుడిగా నిలిచాడు.
మస్క్ సంపదను దేశ ఆర్థిక వ్యవస్థతో పోలిస్తే ఆశ్చర్యకరమైన విషయాలు వెలుగులోకి వచ్చాయి. భారత్ దేశ నామినల్ జీడీపీ సుమారు 4.15 ట్రిలియన్ల డాలర్లుగా ఉంది. అంటే భారత్ ఒక డాదిలో ఉత్పత్తి చేసే మొత్తం వస్తు సేవల్లో నాలుగో వంతు విలువ ఒక్క మస్క్ ఆస్తికే సమానం. ఇది ఒక వ్యక్తిగత సామ్రాజ్యానికి ఉన్న పట్టును చూపుతుంది. భారత్లోని అతి పెద్ద కంపెనీలైన రిలయన్స్, హెచ్డీఎఫ్సీ బ్యాంక్, టీసీఎస్, ఎయిటెల్ వంటి సంస్థల మొత్తం మార్కెట్ విలువను కలిపినా మస్క్ సంపద ముందు తక్కువే.
ఎలాన్ మస్క్ కేవలం వ్యాపారవేత్త మాత్రమే కాదు, ఆధునిక ప్రపంచ ఆర్థిక వ్యవస్థలో ఒక తిరుగులేని శక్తిగా ఎదిగారు. అంతరిక్ష రంగంలో ఆయన వేస్తున్న అడుగులు భూమిపై సంపద వర్షం కురిపిస్తున్నాయి.