Japan Illegal Mosque Inauguration: జపాన్లో పాకిస్తాన్కు ఊహించని షాక్ - పర్మిషన్ లేని మసీదును ప్రారంభించిన రాయబారి.. కూల్చివేతకు జపాన్ ఆర్డర్!
Illegal Mosque Japan: టోక్యో సమీపంలో పాకిస్తాన్ రాయబారి ప్రారంభించిన మసీదు తీవ్ర వివాదాస్పదమైంది. చట్టాలను ఉల్లంఘించి అక్రమంగా కట్టిన ఈ మసీదును కూల్చివేయాలని జపాన్ అధికారులు నిర్మయం తీసుకున్నారు.
Japan Illegal Mosque Inauguration Tokyo Demolition: ఏ దేశానికి వెళ్లినా పాకిస్తానీయుల తీరు మారదు.చివరికి అంబాసిడర్లు అయినా అంతే. జపాన్ రాజధాని టోక్యో సమీపంలోని కవాగోయ్ నగరంలో నిర్మించిన ఒక మసీదు తీవ్ర దౌత్య, న్యాయపరమైన వివాదానికి దారితీసింది. స్థానిక పురపాలక చట్టాలను బేఖాతరు చేస్తూ, ఎటువంటి ముందస్తు అనుమతులు లేకుండా అక్రమంగా నిర్మించిన ఈ మసీదును కూల్చివేయడానికి జపాన్ అధికారులు రంగం సిద్ధం చేశారు.
అంబాసిడర్ హ్యాండ్ - అక్రమ నిర్మాణం
ఈ వివాదానికి ప్రధాన కారణం ఏప్రిల్ 3, 2026న జరిగిన ఈ మసీదు ప్రారంభోత్సవమే. జపాన్లో పాకిస్తాన్ రాయబారి అబ్దుల్ హమీద్ ఈ మసీదును అత్యంత ప్రతిష్టాత్మకంగా ప్రారంభించారు. అయితే, ఆ తర్వాత స్థానిక మున్సిపల్ అధికారులు జరిపిన తనిఖీల్లో అసలు నిజాలు బయటపడ్డాయి. జపాన్ నగర ప్రణాళిక చట్టం ప్రకారం ఎటువంటి నిర్మాణాలకూ అనుమతి లేని అర్బన్ డెవలప్మెంట్ కంట్రోల్ జోన్ లో ఈ మసీదును నిర్మించినట్లు అధికారులు గుర్తించారు. ఎలాంటి అనుమతులు లేకుండా నిర్మించిన ఈ కట్టడం పూర్తిగా అక్రమమైనదని జపాన్ అధికారులు తేల్చిచెప్పారు.
కూల్చివేతకు నిర్ణయం
నిబంధనలను ఉల్లంఘించి కట్టిన ఈ మసీదుపై కవాగోయ్ నగర అధికారులు తీవ్రస్థాయిలో మండిపడుతున్నారు. భవన నిర్మాణానికి ముందే చట్టపరమైన నిబంధనలను పాటించాలని తాము గతంలోనే హెచ్చరించినప్పటికీ, నిర్వాహకులు పట్టించుకోకుండా అక్రమంగా ముందుకు సాగారని నగర కార్పొరేషన్ స్పష్టం చేసింది. ఈ చట్ట ఉల్లంఘనను తీవ్రంగా పరిగణించిన జపాన్ అధికారులు.. సదరు మసీదును కూల్చివేయడానికి అవసరమైన పరిపాలనాపరమైన దరఖాస్తులను స్వీకరిస్తూ ఎన్ఫోర్స్మెంట్ ప్రక్రియను వేగవంతం చేశారు.
【川越モスク】🇯🇵語の声明から12時間後に投稿されたウルドゥー語の声明文。大使が違法だと知らなかったとて,🇸🇦サウジ等が禁じている原理主義組織「タブリーグ・ジャマート」も出入りする同モスクの開所式に主賓として出席した事実は重い↓多忙で慎重を期すべき大使が何故出席したのか?日本にモスクが増… https://t.co/AZhKu71qP1 pic.twitter.com/mwmeflVYbu
— はびぶ (@Kemal_Bourguiba) June 1, 2026
చేతులు ఎత్తేసిన పాకిస్తాన్ ఎంబసీ
ఈ వ్యవహారం అంతర్జాతీయంగా వివాదాస్పదం కావడంతో, జపాన్లోని పాకిస్తాన్ రాయబార కార్యాలయం వెంటనే ఆత్మరక్షణలో పడింది. ఈ నిర్మాణంతో తమకు ఎలాంటి సంబంధం లేదంటూ చేతులు ఎత్తేసింది. జపాన్ చట్టాలకు కట్టుబడి ఉండాలంటూ మే 31న సోషల్ మీడియా వేదికగా పాక్ ఎంబసీ ఒక వివరణ ఇచ్చింది. మసీదు నిర్వాహకులు తమకు అన్ని చట్టపరమైన అనుమతులు ఉన్నాయని తప్పుడు సమాచారం ఇచ్చి నమ్మించడం వల్లే తమ అంబాసిడర్ అబ్దుల్ హమీద్ ఆ కార్యక్రమానికి హాజరయ్యారని, స్థానిక ప్రభుత్వాల చట్టాలను ఉల్లంఘించే ఎలాంటి ప్రాజెక్టులకు పాకిస్తాన్ రాయబార కార్యాలయం మద్దతు ఇవ్వదని స్పష్టం చేస్తూ బుకాయించే ప్రయత్నం చేసింది.
జపాన్ చట్టాలు చాలా స్ట్రిక్ట్
జపాన్ దేశంలో జోనింగ్ , నగర నిర్మాణ చట్టాలు అత్యంత కఠినంగా ఉంటాయి. గ్రీన్ జోన్లు, అర్బన్ కంట్రోల్ ఏరియాల్లో ప్రభుత్వ అనుమతి లేకుండా చిన్న గది కట్టినా సరే.. తక్షణమే స్టాప్-వర్క్ ఆర్డర్లు ఇవ్వడం, భారీ జరిమానాలు విధించడం లేదా పూర్తిగా కూల్చివేయడం లాంటి చర్యలు తీసుకుంటారు. ఒక విదేశీ రాయబార కార్యాలయం ప్రమేయం ఉన్నప్పటికీ, చట్ట ఉల్లంఘనల విషయంలో ఏమాత్రం వెనక్కి తగ్గేదే లేదని జపాన్ అధికారులు స్పష్టం చేయడం ప్రపంచవ్యాప్తంగా చర్చనీయాంశమైంది.
ఈ ఘటన జపాన్లో నివసిస్తున్న పాకిస్తానీ కమ్యూనిటీని తీవ్ర ఇరకాటంలోకి నెట్టింది. స్థానిక జపాన్ ప్రజల సెంటిమెంట్లతో పాటు, మున్సిపల్ చట్టాలను గౌరవించకుండా ఇలాంటి మతపరమైన కట్టడాలను అక్రమంగా నిర్మించడంపై అక్కడి స్థానికులు ఆగ్రహం వ్యక్తం చేస్తున్నారు. ఒక దేశ రాయబారి స్వయంగా వచ్చి అక్రమ కట్టడాన్ని ప్రారంభించడం పాకిస్తాన్కు దౌత్యపరంగా పెద్ద అవమానంగా మారింది.
Before You Go
MahuaMoitra: మహువా మొయిత్రాకు షాక్.. చోర్ అంటూ నినాదాలు|
టాప్ హెడ్ లైన్స్
ట్రెండింగ్ వార్తలు
