Donald Trump : సుప్రీంకోర్టు షాక్ ఇచ్చినా వెనక్కి తగ్గని ట్రంప్! ప్రపంచవ్యాప్తంగా సుంకాల 15%కి పెంచుతున్నట్టు ప్రకటన
Donald Trump : అమెరికా అధ్యక్షుడు డొనాల్డ్ ట్రంప్ కోర్టు నిర్ణయాన్ని విమర్శించారు. అన్యాయమైన వాణిజ్య పద్ధతులు అనుసరించే దేశాలను లక్ష్యంగా చేసుకుని టారిఫ్ పెంచడం తప్పులేదన్నారు.
Donald Trump : అమెరికా సుప్రీంకోర్టు భారీ సుంకాల జీవోను కొట్టివేసిన కొన్ని గంటల తర్వాత, అమెరికా అధ్యక్షుడు డొనాల్డ్ ట్రంప్ ప్రపంచవ్యాప్తంగా సుంకాల రేటును వెంటనే 15%కి పెంచుతున్నట్లు ప్రకటించారు.
ట్రూత్ సోషల్ పై సుదీర్ఘ పోస్ట్లో కోర్టు తీసుకున్న "హాస్యాస్పదమైన, పేలవంగా రాసిన, అసాధారణమైన అమెరికన్ వ్యతిరేక నిర్ణయం" అని ట్రంప్ తీవ్రంగా విమర్శించారు. ప్రస్తుతం ఉన్న 10% ప్రపంచ సుంకాన్ని "పూర్తిగా అనుమతి పొందిన, చట్టబద్ధంగా పరీక్షించిన" 15% స్థాయికి పెంచుతామని ఆయన ప్రకటించారు.
"వెంటనే అమలులోకి వస్తుంది" అని ట్రంప్ రాశారు, దశాబ్దాలుగా అమెరికాను చీల్చేందుకు యత్నించిన దేశాలకు కొత్త రేటు వర్తిస్తుంది. రాబోయే నెలల్లో, తన అధికారికంగా చట్టబద్ధంగా అనుమతించదగిన పరిమితుల్లోపు ఈ కొత్త టారిఫ్లు ఉంటాయన్నారు. సవరించిన టారిఫ్ల జీవో త్వరలోనే జారీ అవుతుందని చెప్పారు.
ఈ పరిణామంతో సుప్రీంకోర్టుతో ఢీ కొట్టేందుకు అధ్యక్షుడు సిద్ధమైనట్టు స్పష్టం చేస్తోంది. శుక్రవారం జాతీయ అత్యవసర పరిస్థితుల కోసం రూపొందించిన చట్టం కింద విస్తృత సుంకాలను విధించేటప్పుడు ట్రంప్ తన అధికారాన్ని అధిగమించారని యునైటెడ్ స్టేట్స్ సుప్రీంకోర్టు తీర్పు ఇచ్చింది. దీన్ని ఆయన తీవ్రంగా వ్యతిరేకించారు.
టాప్ హెడ్ లైన్స్
ట్రెండింగ్ వార్తలు
