Texas Resident Rips Indian Flag: డాలస్‌లో రెచ్చిపోతున్న పనీపాటా లేని అమెరికన్ యువత - భారత జెండాలు చించి జాత్యాహంకారం -సోషల్ మీడియా వైరల్ కోసమే !

Anti Indian Racism in Dallas: అమెరికాలో భారత జాతీయ జెండాను చించివేస్తూ విద్వేషాలు రగిల్చేందుకు కొంత మంది ప్రయత్నించారు. శ్వేతజాతీయులు అసూయ, సోషల్ మీడియా రీచ్ కోసం ఇటీవల బరి తెగిస్తున్నారు

డాలస్‌లో రెచ్చిపోతున్న పనీపాటా లేని అమెరికన్ యువత - భారత జెండాలు చించి జాత్యాహంకారం -సోషల్ మీడియా వైరల్ కోసమే !

Source : x

Racist Attacks on Indian Americans in USA:   అమెరికాలోని టెక్సాస్ రాష్ట్రం డల్లాస్ సబర్బ్ పరిధిలోకి వచ్చే  ఫ్రిస్కో   సిటీ హాల్ వద్ద భారతీయులను, భారత జాతీయ జెండాను అవమానిస్తూ సాగుతున్న విద్వేషపూరిత చర్యలు అంతర్జాతీయంగా తీవ్ర కలకలం రేపుతున్నాయి. ఒక శ్వేతజాతీయుడు ఫ్రిస్కో సిటీ హాల్ ఎదుట భారత త్రివర్ణ పతాకాన్ని చించివేస్తూ,  బూతులు తిట్టిన వీడియో సోషల్ మీడియాలో విపరీతంగా వైరల్ అయింది. డల్లాస్ రీజియన్‌లోకి భారతీయుల వలసలు  విపరీతంగా పెరిగిపోతున్నాయంటూ.. స్థానిక శ్వేతజాతీయుల్లోని కొందరు అతివాద ఆలోచనలున్న వ్యక్తులు ఈ రకమైన జాత్యహంకార దాడులకు ఒడిగడుతున్నారు.  

వలసల ముసుగులో జాత్యహంకార దాడి 

టెక్సాస్‌లోని ఫ్రిస్కో, ప్లానో వంటి నగరాలు ఐటీ హబ్‌లుగా మారడంతో గత దశాబ్ద కాలంలో భారతీయుల, ప్రత్యేకించి తెలుగువారి జనాభా అక్కడ ఊహించని స్థాయిలో పెరిగింది. అయితే, ఈ డెమోగ్రాఫిక్ మార్పులను అక్కడి కొందరు స్థానిక శ్వేతజాతీయులు జీర్ణించుకోలేకపోతున్నారు. హెచ్-1బీ వీసాల ద్వారా భారతీయులు వచ్చి తమ ఉద్యోగాలను, ఇళ్లను లాగేసుకుంటున్నారనే నెపంతో.. సిటీ కౌన్సిల్ సమావేశాల్లోనూ, బహిరంగ ప్రదేశాల్లోనూ భారతీయులను టార్గెట్ చేయడం మొదలుపెట్టారు. ఒక దేశ అధికారిక పతాకాన్ని ముక్కలు చేస్తూ నినాదాలు చేయడం కేవలం వలసలపై వ్యతిరేకత మాత్రమే కాదు, అది స్పష్టమైన  హేట్ క్రైమ్ ని అక్కడి ప్రవాస భారతీయులు ఆందోళన వ్యక్తం చేస్తున్నారు. 

FRISCO: “F*ck India! F*ck India!”

A Texas resident @Channel6ixNEWS rips an Indian flag in front of city hall

Voicing anger against the Indian immigration invasion in north Dallas pic.twitter.com/N6Ec0oVSUT

— E (@ElijahSchaffer) June 3, 2026

 సోషల్ మీడియా  రీచ్  కోసం బరితెగింపు 

ఈ మధ్యకాలంలో అమెరికాలో భారతీయులకు వ్యతిరేకంగా మాట్లాడితే సోషల్ మీడియాలో మిలియన్ల కొద్దీ వ్యూస్, విపరీతమైన ఎంగేజ్‌మెంట్ వస్తుండటంతో.. కొందరు ఇన్‌ఫ్లుయెన్సర్లు, కరడుగట్టిన యాక్టివిస్టులు దీన్ని ఒక వ్యాపారంగా మార్చుకున్నారు. కేవలం వ్యూస్, ఫాలోవర్లను పెంచుకోవడమే పరమావధిగా పెట్టుకుని.. భారతీయ సంస్కృతిని, భాషను వెక్కిరిస్తూ వీడియోలు చేస్తున్నారు. ఫ్రిస్కో సిటీ హాల్ ఘటనలో కూడా సదరు వ్యక్తి వీడియోలు తీసి ఆన్‌లైన్‌లో పెట్టడం వెనుక.  సోషల్ మీడియా రీచ్ , పబ్లిసిటీ సాధించాలనే చౌకబారు వ్యూహం స్పష్టంగా కనిపిస్తోంది.

 హిందూ దేవాలయాలు, మసీదులపై అభ్యంతరాలు 

ఇటీవల ఫ్రిస్కో సిటీ కౌన్సిల్ సమావేశాల్లో కొందరు నేరుగా వచ్చి వివాదాస్పద వ్యాఖ్యలు చేశారు. నగరంలో కొత్తగా నిర్మించ తలపెట్టిన రెండు హిందూ దేవాలయాలు, ఒక మసీదు నిర్మాణానికి అనుమతులు ఇవ్వకూడదంటూ వారు కౌన్సిల్ అధికారులపై ఒత్తిడి తెస్తున్నారు.  వలసదారులు వచ్చి టెక్సాస్‌ను ఆక్రమిస్తున్నారు, క్రైస్తవత్వాన్ని తుడిచిపెట్టేయాలని చూస్తున్నారు  అంటూ మతపరమైన రంగు పులిమి పల్లెల్లో విద్వేషాలు రగిల్చే ప్రయత్నం చేస్తున్నారు.  

FRISCO, TX- First look at the “Redneck Rally” outside of Frisco City Hall.

This is a direct counterprotest to the planned “Rally against Rednecks” that was planned by Zul Mohamed.

Mohamed stated that tonight was, “dedicated to celebrating the contributions of our local Asian… pic.twitter.com/Hoiqjzvb1a

— FRONTLINES TPUSA (@FrontlinesTPUSA) June 2, 2026

 తిరగబడుతున్న ప్రవాస భారతీయులు 

అమెరికా ఆర్ధిక వ్యవస్థకు, శాస్త్ర సాంకేతిక రంగాలకు భారతీయులు అందిస్తున్న సహకారం ఎనలేనిది. అత్యధిక పన్నులు చెల్లిస్తూ, అత్యంత క్రమశిక్షణ కలిగిన కమ్యూనిటీగా పేరు తెచ్చుకున్న భారతీయ అమెరికన్లు.. ఈ జాత్యహంకార దాడులపై ఇప్పుడు గట్టిగా తిరగబడుతున్నారు. ఫ్రిస్కో సిటీ కౌన్సిల్ సమావేశాల్లో నేహా సూరత్ రాణి, సాహస్ కౌల్ వంటి భారతీయ సంతతి ప్రతినిధులు స్థానిక అధికారుల ముందే నిలబడి..  పాలసీలపై చర్చల ముసుగులో మా కమ్యూనిటీని టార్గెట్ చేస్తూ జాత్యహంకారాన్ని ప్రదర్శిస్తే ఊరుకోబోం అంటూ గట్టిగా కౌంటర్ ఇస్తున్నారు.

The Indians are making AI of me now

Why are you so mad it’s just a flag pic.twitter.com/dDfPG7QtPZ

— Clayton Walker (@Channel6ixNEWS) June 3, 2026

 
అమెరికా చట్టాల ప్రకారం బహిరంగ వేదికలపై ఇలాంటి విద్వేషపూరిత ప్రసంగాలను ఫ్రీడమ్ ఆఫ్ స్పీచ్  కింద పరిగణించడం అక్కడి భారతీయులకు శాపంగా మారింది. కేవలం సోషల్ మీడియా క్రేజ్ కోసం, రాజకీయ ప్రయోజనాల కోసం కొందరు చేస్తున్న ఇటువంటి అనాగరిక చర్యలు.. డల్లాస్ రీజియన్‌లో శాంతిభద్రతలకు విఘాతం కలిగించేలా ఉన్నాయి.   

మరిన్ని చదవండి

అమెరికాలో ఫ్రీ మ్యాంగో ఫెస్టివల్ పెట్టిన భారతీయులు - క్యూలో నిలబడి తిన్న అమెరికన్లు - వీడియోలు వైరల్

జపాన్‌లో చేసింది దొంగపని - పైగా పోలీసులకు లంచం ఆఫర్ - భారతీయ పర్యాటకురాలికి ఏ శిక్ష పడిందంటే?