Kerala fights snail menace:
కేరళలో 2018 వరదల తర్వాత నత్తలు బాగా పెరిగిపోయాయి. రాష్ట్రంలోని వివిధ ప్రాంతాల్లో ఇవి బాగా వ్యాపించాయి. వీటి నిర్మూలనకు 'చాప్టర్ వన్- నత్తలు' అనే కార్యక్రమాన్ని అక్కడి ప్రభుత్వం చేపట్టబోతోంది. ఆగష్టు 25 నుంచి 31 వరకు ఇది కొనసాగనుంది.
భారీ ఆఫ్రికన్ నత్తల సాంద్రత పెరగడంతో, కేరళలోని కొట్టాయం జిల్లాలో వాటి సంఖ్యను తగ్గించేందుకు వారం రోజుల పాటు ఈ కార్యక్రమాన్ని అమలు చేయనున్నారు. పీటీఐ నివేదికల ప్రకారం, నత్తలు కూరగాయలు, పండ్లను నాశనం చేస్తాయి. మానవులలో మెనింజైటిస్‌కు కూడా కారణమవుతాయి.
ఆర్థికంగా నష్టం
'చాప్టర్ వన్- నత్త' కార్యక్రమం ద్వారా నత్తలను పట్టుకుని చంపుతారు. ఈ కార్యక్రమం ఆగస్టు 25 నుంచి ఆగస్టు 31 వరకు జిల్లా అంతటా అమలు చేయనున్నట్టు కలెక్టర్ డాక్టర్ పీకే జయశ్రీ ఒక ప్రకటనలో తెలిపారు. ఈ నత్తల విస్తరణ వ్యవసాయ పంటలను తీవ్రంగా ప్రభావితం చేస్తుందని.. దీని వలన రైతులు, స్థానికులు ఆర్థికంగా నష్టపోతారని చెప్పారు.
ఆరోగ్య పరిరక్షణే లక్ష్యం
మానవులు, జంతువులు, ప్రకృతి , ఇతర జీవుల ఆరోగ్యాన్ని పరిరక్షించడమే లక్ష్యంగా రాష్ట్ర ప్రభుత్వం చేపట్టిన 'వన్ హెల్త్' ప్రాజెక్ట్‌లో భాగంగా ఈ కార్యక్రమం అమలు చేయనున్నారు. రైతు సంఘాలు, , కుటుంబశ్రీ, హరితకర్మ సేన, పాదశేఖర సమితి తదితర సంఘాలు ఈ కార్యక్రమాన్ని అమలు చేస్తాయి.
నత్తల బెడదపై కేరళ ప్రభుత్వం ఇలా పోరాడబోతోంది
రాష్ట్ర ప్రభుత్వ కార్యక్రమం ప్రకారం.. క్యాబేజీ, కాలీఫ్లవర్ లేదా బొప్పాయి ఆకులను చిన్న ముక్కలుగా కోసి లేదా చూర్ణం చేసి, తడి గోనె లేక బెడ్‌షీట్‌లో వేసి, నత్తలను ఆకర్షించడానికి వాటిని ఇంటి చుట్టూ పెట్టి ఉచ్చులు సిద్ధం చేస్తారు. అవి చిక్కుకున్న తర్వాత, వాటిని ఉప్పునీటిలో ముంచి చంపి, ఆ తర్వాత సమీపంలోని గుంతల్లో పాతిపెడతారు. ఈ ప్రక్రియ ఒక వారం పాటు కొనసాగుతుందని కలెక్టర్ తెలిపారు. కొట్టాయం జిల్లాలోని ఉజ్వూర్, పంపాడి బ్లాక్‌లు, మేలుకావు పంచాయతీలు ఈ నత్తల కారణంగా ఎక్కువ నష్టపోతున్నాయని చెప్పారు.
Also Read: Bilkis Bano Case: సుప్రీం కోర్టు గడప తొక్కిన బిల్కిస్ బానో కేసు, దోషుల విడుదలను సవాలు చేస్తూ పిటిషన్
Also Read: Rashmi Gautam : 'జబర్దస్త్' స్టేజి మీద రష్మీకి అవమానమా!?