Keralam CM Oath Taking: కేరళం కొత్త సీఎంగా వి.డి సతీశన్ ప్రమాణం.. 14 మంది కొత్త వారికి మంత్రి పదవులతో రికార్డ్

Keralam New CM | కేరళం ముఖ్యమంత్రిగా వి.డి. సతీశన్ ప్రమాణం చేశారు. కేరళ గవర్నర్ రాజేంద్ర విశ్వనాథ్ అర్లేకర్ తిరువనంతపురంలోని సెంట్రల్ స్టేడియంలో జరిగిన కార్యక్రమంలో సీఎం, మంత్రులతో ప్రమాణం చేయించారు.

కేరళం కొత్త ముఖ్యమంత్రిగా వి.డి సతీశన్ ప్రమాణం

Source : ANI

 Kearala New CM VD Satheesan | తిరువనంతపురం: కేరళం నూతన ముఖ్యమంత్రిగా కాంగ్రెస్ సీనియర్ నేత వి.డి. సతీశన్ ప్రమాణ స్వీకారం చేశారు. తిరువనంతపురంలోని సెంట్రల్ స్టేడియంలో సోమవారం కొత్త ప్రభుత్వం కొలువుదీరింది. కేరళం గవర్నర్ రాజేంద్ర అర్లేకర్‌ మొదట ముఖ్యమంత్రి సతీశన్‌తో ప్రమాణం చేయించారు. ఈ కార్యక్రమానికి లోక్‌సభలో ప్రతిపక్షనేత, కాంగ్రెస్ ఎంపీ రాహుల్ గాంధీ, తెలంగాణ సీఎం రేవంత్ రెడ్డి సహా పలువురు ప్రముఖులు హాజరయ్యారు. అనంతరం మంత్రులతో గవర్నర్ అర్లేకర్ ప్రమాణం చేయించారు. రమేశ్ చెన్నితాలకు హోం శాఖ ఇచ్చే అవకాశం ఉందని ప్రచారం జరుగుతోంది.

కేబినెట్‌లో 14 మంది కొత్త వారికి ఛాన్స్ 
కేరళ క్యాబినెట్ లో ఒక ప్రత్యేకత ఉంది. మొత్తం 20 మంది మంత్రులలో 14 మంది తొలిసారిగా మంత్రి పదవులను చేపడుతున్నారని సీఎం సతీశన్ ప్రకటించారు. కొత్త రక్తాన్ని ప్రోత్సహించడంతో పాటు, మంత్రివర్గంలో ఇద్దరు మహిళలకు, అలాగే ఎస్సీ (SC) వర్గానికి చెందిన ఇద్దరు నేతలకు చోటు కల్పించినట్లు వివరించారు. ఈ మేరకు ఖరారు చేసిన మంత్రుల తుది జాబితాను కేరళ గవర్నర్ రాజేంద్ర అర్లేకర్‌కు సతీశన్ ఇదివరకే అందజేశారు.

#WATCH | Congress leader VD Satheesan takes oath as Chief Minister of Keralam at the Central Stadium in Thiruvananthapuram

(Source: PRD) pic.twitter.com/MKCPgnpO3F

— ANI (@ANI) May 18, 2026

కేరళ మంత్రుల జాబితా (Kerala Ministers List)
కాంగ్రెస్ పార్టీ

1. వి.డి. సతీశన్ (ముఖ్యమంత్రి)
2. రమేశ్ చెన్నితాల
3. కె. మురళీధరన్
4. సన్నీ జోసెఫ్
5. ఎ.పి. అనిల్ కుమార్
6. పి.సి. విష్ణునాథ్
7. టి. సిద్ధిఖ్
8. బిందు కృష్ణ (మహిళ)
9. కె.ఎ. తులసి (మహిళ)
10. రోజీ ఎమ్. జాన్
11. ఎమ్. లిజు
12. ఒ.జె. జనీష్

ఇండియన్ యూనియన్ ముస్లిం లీగ్ (IUML)
13. పి.కె. కున్హలికుట్టి
14. ఎన్. శంషుద్దీన్
15. కె.ఎమ్. షాజీ
16. పి.కె. బషీర్
17. వి.ఇ. అబ్దుల్ గఫూర్

ఇతర కూటమి పార్టీలు 
18. మోన్స్ జోసెఫ్ (కేరళ కాంగ్రెస్ - జోసెఫ్)
19. షిబు బేబీ జాన్ (రివల్యూషనరీ సోషలిస్ట్ పార్టీ - RSP)
20. అనూప్ జాకబ్ (కేరళ కాంగ్రెస్ - జాకబ్)
21. సి.పి. జాన్ (కమ్యూనిస్ట్ మార్క్సిస్ట్ పార్టీ - CMP)

ఇదివరకే వి.డి. సతీశన్ క్యాబినెట్ కూర్పును అధికారికంగా పూర్తి చేశారు. యూడీఎఫ్ (UDF) కూటమిలోని భాగస్వామ్య పక్షాలతో విస్తృతంగా చర్చలు జరిపిన అనంతరం మొత్తం 20 మందితో కూడిన మంత్రుల జాబితాను ఆయన ఆదివారం నాడు ఖరారు చేశారు. ఈ కొత్త మంత్రివర్గంలో సామాజిక, ప్రాంతీయ సమీకరణాలకు పెద్దపీట వేసినట్లు కాంగ్రెస్ నేతలు వెల్లడించారు.

మంత్రివర్గంలో కాంగ్రెస్ పార్టీకి చెందిన సీనియర్ నేతలు రమేశ్ చెన్నితాల, కె.మురళీధరన్, ఎ.పి.అనిల్ కుమార్, సన్నీ జోసెఫ్‌లకు కీలక స్థానాలు లభించాయి. అలాగే, కూటమిలోని ప్రధాన భాగస్వామ్య పక్షమైన ఇండియన్ యూనియన్ ముస్లిం లీగ్ (IUML) పార్టీకి ఐదు మంత్రి పదవులు దక్కాయి. ఈ ఐదుగురి పేర్లను ఐయూఎంఎల్ అధినేత సాదిక్ అలీ షిహాబ్ తంగల్ అధికారికంగా ప్రకటించారు. ప్రభుత్వ ఏర్పాటులో భాగంగా అసెంబ్లీ స్పీకర్‌గా సీనియర్ నేత థిరువాంచూర్ రాధాకృష్ణన్‌ను, డిప్యూటీ స్పీకర్‌గా మహిళా నేత షనిమోల్ ఉస్మాన్‌ను నియమించనున్నట్లు ముఖ్యమంత్రి వీడీ సతీశన్ స్పష్టం చేశారు.

 

మరిన్ని చదవండి

ఆకలితో అలమటిస్తున్న కేరళ పర్యాటకలు - అన్ని హోటళ్లూ మూసేశారు - కారణం ఇదే

కేరళలో ఊపిరి పీల్చుకున్న కాంగ్రెస్ కూటమి - లెఫ్ట్ ఓటమికి 5 ప్రధాన కారణాలు