రాష్ట్రాలు ఆదాయ లోటు ఎదుర్కొంటున్నా, అభివృద్ధికి బదులుగా ఉచితాలపై పెట్టుబడి పెడుతున్నాయని సుప్రీంకోర్టు అసంతృప్తి వ్యక్తం చేసింది. అందరికీ ఉచిత సేవలు అందించడం వల్ల దేశంలో ఎలాంటి సంస్కృతి అభివృద్ధి చెందుతుందని ప్రశ్నించింది.
అన్వేషించండి
Supreme Court on Free Schemes: ఉచిత పథకాలపై సుప్రీంకోర్టు సీరియస్ కామెంట్స్! ఉచితాలే ఇస్తే అభివృద్ధి సంగతేంటని ప్రశ్న!
Supreme Court on Free Schemes: తమిళనాడు విద్యుత్ పంపిణీ సంస్థ దాఖలు చేసిన పిటిషన్ను విచారించిన సుప్రీంకోర్టు రాష్ట్ర ప్రభుత్వానికి, కేంద్ర ప్రభుత్వానికి నోటీసులు జారీ చేసింది.
ఉచిత పథకాలపై సుప్రీంకోర్టు సీరియస్ కామెంట్స్! ఉచితాలే ఇస్తే అభివృద్ధి సంగతేంటని ప్రశ్న!
Source : PTI
Supreme Court on Free Schemes: ప్రభుత్వాలు ఇస్తున్న ఉచితాలపై సుప్రీంకోర్టు తీవ్ర అసంతృప్తి వ్యక్తం చేసింది. పౌరులకు ఉచిత విద్యుత్ అందించాలనే తమిళనాడు ప్రణాళికపై కఠిన వైఖరిని తీసుకుంటూ, తమిళనాడుతో సహా అన్ని రాష్ట్రాలను కోర్టు తీవ్రంగా మందలించింది. చాలా రాష్ట్రాలు ఆదాయ లోటును ఎదుర్కొంటున్నప్పటికీ అభివృద్ధికి బదులుగా ఉచితాలపై పెట్టుబడి పెడుతున్నాయని ప్రధాన న్యాయమూర్తి సూర్యకాంత్ నేతృత్వంలోని ధర్మాసనం అసహనం వ్యక్తం చేసింది.
కేంద్ర ప్రభుత్వ రూల్స్పై సవాల్
కేంద్ర ప్రభుత్వ విద్యుత్ (సవరణ) నిబంధనలు, 2024లోని నిబంధన 23ని తమిళనాడు విద్యుత్ పంపిణీ సంస్థ సవాలు చేసింది. ఈ నియమం విద్యుత్ ధరలను నియంత్రిస్తుంది. ఇది రాష్ట్ర కార్యకలాపాల్లో జోక్యం చేసుకుంటుందని, ప్రజల సంక్షేమం కోసం ఏర్పాటు చేసిన పథకానికి ఇది పూర్తిగా విరుద్ధమని కార్పొరేషన్ వాదించింది. కార్పొరేషన్ తరపున వాదిస్తున్న సీనియర్ న్యాయవాది గోపాల్ సుబ్రమణ్యం వాదనలు విన్న తర్వాత, కోర్టు కేంద్ర ప్రభుత్వానికి, తమిళనాడు ప్రభుత్వానికి నోటీసులు జారీ చేసింది. అయితే, తమిళనాడులో పెద్ద సంఖ్యలో ప్రజలకు ఉచిత విద్యుత్ అందించడంపై అసంతృప్తి వ్యక్తం చేసింది.
'మనం ఎలాంటి సంస్కృతిని డెవలప్ చేస్తున్నాం'
విచారణ సందర్భంగా, ప్రధాన న్యాయమూర్తి మాట్లాడుతూ,"ఈ దేశంలో మనం ఎలాంటి సంస్కృతిని అభివృద్ధి చేస్తున్నాం? విద్యుత్ బిల్లులు చెల్లించలేని వారి కోసం సంక్షేమ కార్యక్రమాలు ఉండాలి. అందరికీ ఉచిత సేవలు ఎందుకు అందించాలి? సమస్య ఏమిటంటే ఈ ధోరణి ఇప్పుడు ప్రతి రాష్ట్రంలోనూ పెరుగుతోంది. దీని గురించి మేం ఆందోళన చెందుతున్నాం" అని అన్నారు.
"మీ దగ్గర డబ్బు ఉంటే, మౌలిక సదుపాయాలు, ఆసుపత్రులు, పాఠశాలలు, కళాశాలలను అభివృద్ధి చేయడంలో ఎందుకు పెట్టుబడి పెట్టకూడదు? ఎన్నికల సమయంలో వస్తువులను పంపిణీ చేయడానికి బదులుగా, రాష్ట్రాలు తమ విధానాలను సమీక్షించుకోవాలి. చాలా రాష్ట్రాలు రెవెన్యూ లోటులో ఉన్నాయి, అయినప్పటికీ ఈ విధానాలు వాటిని ఖర్చు చేయవలసి వస్తుంది" అని కోర్టు రాష్ట్రాలను హెచ్చరించింది.
తెరపైకి ప్రత్యక్ష నగదు బదిలీ పథకాలు
ప్రత్యక్ష నగదు బదిలీ పథకాలను కూడా ధర్మాసనం ప్రశ్నించింది. "ఉపాధి అవకాశాలను సృష్టించడం రాష్ట్ర విధి. మీరు ఉదయం నుంచి సాయంత్రం వరకు ఉచిత భోజనం, ఉచిత సైకిళ్లు, ఉచిత విద్యుత్తు అందించడంలో బిజీగా ఉన్నారు. ఇప్పుడు ప్రజల ఖాతాల్లోకి నేరుగా నగదు బదిలీ చేస్తున్నారు. అటువంటి పరిస్థితిలో, అభివృద్ధికి డబ్బు ఎక్కడ మిగులుతుంది?" అని ప్రధాన న్యాయమూర్తి అన్నారు.
Frequently Asked Questions
ఉచిత పథకాలపై సుప్రీంకోర్టు ఎందుకు అసంతృప్తి వ్యక్తం చేసింది?
తమిళనాడు విద్యుత్ పంపిణీ సంస్థ కేంద్ర ప్రభుత్వ నిబంధనలను ఎందుకు సవాలు చేసింది?
కేంద్ర ప్రభుత్వ విద్యుత్ (సవరణ) నిబంధనలు, 2024లోని నిబంధన 23 విద్యుత్ ధరలను నియంత్రిస్తుంది. ఇది రాష్ట్ర కార్యకలాపాల్లో జోక్యం చేసుకుంటుందని, సంక్షేమ పథకాలకు విరుద్ధమని సంస్థ వాదించింది.
ఉచిత విద్యుత్ అందించడంపై సుప్రీంకోర్టు ఏమని అభిప్రాయపడింది?
విద్యుత్ బిల్లులు చెల్లించలేని వారికి మాత్రమే సంక్షేమ కార్యక్రమాలు ఉండాలని, అందరికీ ఉచిత విద్యుత్ అందించడం సరైన పద్ధతి కాదని సుప్రీంకోర్టు అభిప్రాయపడింది.
రాష్ట్రాలు తమ ఆదాయాన్ని ఎలా ఉపయోగించుకోవాలని సుప్రీంకోర్టు సూచించింది?
రాష్ట్రాలు తమ ఆదాయాన్ని మౌలిక సదుపాయాలు, ఆసుపత్రులు, పాఠశాలలు, కళాశాలల అభివృద్ధికి పెట్టుబడి పెట్టాలని సుప్రీంకోర్టు సూచించింది. ఎన్నికల సమయంలో ఉచితాలు పంచడం కాకుండా విధానాలను సమీక్షించుకోవాలని హెచ్చరించింది.
ఇంకా చదవండి
Advertisement
టాప్ హెడ్ లైన్స్
ఇండియా
బైక్ ఆన్ చేసి గదిలో ఉంచితే ప్రాణాలు మిగలవు - పుంగనూరు ఘటనలో జరిగింది ఇదే - ఎందుకంటే ?
ఇండియా
రజనీ ఫ్యాన్స్ తో కయ్యం పెట్టుకున్న టీవీకే విజయ్ పార్టీ నేత - ఇక రాజకీయం కాదు ఫ్యాన్ వార్స్ తప్పవా?
ఇండియా
వీసా ఇంటర్వ్యూలో సక్సెస్ అవ్వాలా? ముందుగానే ఇలా ప్రిపేర్ అవ్వండి, వీసా రిజెక్ట్ కాదు
ఇండియా
రాక్ అండ్ రోల్ థీమ్ రెస్టారెంట్స్కు గడ్డు కాలం - భారతదేశంలో మూతపడిన హార్డ్ రాక్ కేఫ్లు
Advertisement
Advertisement
ట్రెండింగ్ వార్తలు
Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
