ప్రపంచంలో ఎక్కువగా ఆరాధించే.. నేతల్లో ప్రధాని మోడీ ముందు వరుసలో ఉన్నారు. 70 శాతం మంది ఆమోదంతో మిగతా దేశాల నేతలతో పోల్చుకుంటే ప్రధాని మోడీ టాప్ లో ఉన్నారు. మార్నింగ్ కన్సల్ట్ చేసిన సర్వేలో ఈ విషయం వెల్లడైంది. ఆ తర్వాతి స్థానాల్లో మిగతా దేశాల నేతలు ఉన్నారు. ఈ విషయాన్ని.. కేంద్రమంత్రి పియూష్ గోయాల్ 'కూ' యాప్ లో ప్రకటించారు.
ఈ జాబితాలో ఆస్ట్రేలియా పీఎం స్కాట్ మారిసన్, కెనడా పీఎం ట్రూడో, యూకే ప్రధాని బోరిస్ జాన్సన్, బ్రెజిల్ ప్రెసిడెంట్ జైర్ బోల్సోనారో తదితరులు ఉన్నారు. 70 శాతం ఆమోదం పొందిన నేతగా ప్రపంచంలోనే అత్యధికంగా అభిమానించే నాయకుడిగా ప్రధాని నరేంద్ర మోడీ చోటు సంపాదించారు. 70 శాతం ఆమోదంతో మరోసారి గ్లోబల్ లీడర్‌లలో అగ్రస్థానంలో ఉన్నారు అని పియూష్ గోయల్ ప్రకటించారు. ప్రధాని మోడీ 13 మంది ప్రపంచ నేతల కంటే ముందు వరుసలో ఉన్నారని సర్వే తెలిపింది. మెక్సికో అధ్యక్షుడు ఆండ్రెస్ మాన్యుయెల్ లోపెజ్ ఒబ్రడార్, ఇటాలియన్ ప్రధాని మారియో డ్రాగి, జర్మనీ ఛాన్సలర్ ఏంజెలా మెర్కెల్, అమెరికా అధ్యక్షుడు జో బిడెన్‌ల కంటే ప్రధాని మోదీ ముందు ఉన్నట్టు సర్వేలో తేలింది.
1.నరేంద్ర మోదీ: 70 శాతం
2. లోప్ ఒబ్రాడర్: 66 శాతం
3. మారియో డ్రాగి: 58 శాతం
4. ఏంజెలా మెర్కెల్: 54 శాతం
5. స్కాట్ మోరిసన్: 47 శాతం
6. జస్టిన్ ట్రూడో: 45 శాతం
7. జో బిడెన్: 44 శాతం
8. Fumio Kishida: 42 శాతం
9. మూన్ జే-ఇన్: 41 శాతం
10. బోరిస్ జాన్సన్: 40 శాతం
11. పెడ్రో శాంచెజ్: 37 శాతం
12. ఇమ్మాన్యుయేల్ మాక్రాన్: 36 శాతం
13. జైర్ బోల్సోనారో: 35 శాతం
ప్రతి దేశంలోని కొంతమందితో ఇంటర్వ్యూ ఆధారంగా మార్నింగ్ కన్సల్ట్ ఈ రేటింగ్ ఇస్తుంది. మార్నింగ్ కన్సల్ట్ భారతదేశంలో 2,126 మందిని ఆన్‌లైన్‌లో ఇంటర్వ్యూ చేసింది.
అమెరికన్ డేటా ఇంటెలిజెన్స్ సంస్థ మార్నింగ్ కన్సల్ట్ ఆస్ట్రేలియా, బ్రెజిల్, కెనడా, ఫ్రాన్స్, జర్మనీ, ఇండియా, ఇటలీ, జపాన్, మెక్సికో, దక్షిణ కొరియా, స్పెయిన్, యునైటెడ్ కింగ్‌డమ్, యునైటెడ్ స్టేట్స్‌లోని అగ్ర నాయకులకు రేటింగ్ ఇచ్చింది.
Also Read: Deepa Mohanan: ఎవరీ దీపా మోహనన్.. ఎంజీ యూనివర్సిటీలో నిరాహార దీక్ష ఎందుకు చేస్తున్నారు?