PM Modi దేశ ద్రోహులకు భస్మాసురుడు, ప్రజలకు నారాయణుడు - కాంగ్రెస్ నేతకు బీజేపీ కౌంటర్

BJP on Congress PM Modi Bhasmasura Comments: కాంగ్రెస్ సీనియర్ నేత ఉగ్రప్ప ప్రధానమంత్రి నరేంద్ర మోదీని భస్మాసురుడు అని శుక్రవారం చేసిన వ్యాఖ్యలపై బీజేపీ నాయకులు కౌంటర్ ఇచ్చారు. మోదీ భస్మాసురుడు అని కాంగ్రెస్ చేసిన తీవ్ర వ్యాఖ్యలపై స్పందించిన బీజేపీ జాతీయ ప్రధాన కార్యదర్శి సీటీ రవి ప్రతిపక్ష పార్టీ నేతలకు స్ట్రాంగ్ కౌంటరిచ్చారు. దేశ ప్రజలకు మోదీ నారాయణుడు అని, దేశ ద్రోహులకు ఆయన భస్మాసురుడు అని సీటీ రవి అన్నారు.

బీజేపీ నేత సీటీ రవి శనివారం నాడు మీడియాతో మాట్లాడుతూ.. ‘ ప్రధాని మోదీ అవినీతికి, దేశ ద్రోహులకు వ్యతిరేకం అని.. అలాంటి వారికి ఆయన భస్మాసురుడు అని, దేశ ప్రజలకు మోదీ నారాయణుడు అని వ్యాఖ్యానించారు. ప్రధాని మోదీ అవినీతిపరులను అంతం చేసేందుకు భస్మారుడిగా మారుతాడన్నారు. కర్ణా టక, మహారాష్ట్ర ప్రజల సంస్కృతి దాదాపు ఒకే విధంగా ఉంటాయని, కన్నడ ప్రజలు, మరాఠాలు మధ్య మంచి సంబంధాలు ఉన్నాయని చెప్పారు. సుప్రీం కోర్టు తీర్పు ఎలా వచ్చినా ఈ బంధం ఇలాగే కొనసాగించాలని రెండు రాష్ట్రాల ప్రజలను సీటీ రవి కోరారు.
కాంగ్రెస్ మాజీ ఎంపీ ఉగ్రప్ప ప్రధాని మోదీపై చేసిన వ్యాఖ్యల్ని బీజేపీ జాతీయ అధికార ప్రతినిధి సంబిత్ పాత్ర ఖండించారు. జీ 20 దేశాలు ప్రధాని మోదీని కొనియాడుతుంటే, కాంగ్రెస్ నేతలు విమర్శించడం, దూషించడం సరికాదని సూచించారు.

PM Modi is against the corrupt&anti-nationals so for them he's 'Bhasmasura' but for countrymen, he's like Lord Narayana. PM Modi is in power to 'bhasma' (burn&turn to ashes)the corrupt: BJP National General Secy CT Ravi on ex-Cong MP VS Ugrappa's 'Bhasmasura' statement on PM Modi pic.twitter.com/Jecg3cVZlg

— ANI (@ANI) December 3, 2022

2020లోనూ వివాదాస్పద వ్యాఖ్యలు..
కాంగ్రెస్ నేత ఉగ్రప్ప 2020లోనూ ఇలాంటి వివాదాస్పద వ్యాఖ్యలు చేశారు. ప్రధాని మోదీని భస్మాసురుడు అని, కేంద్ర హోంమంత్రి అమిత్ షా ను శని అంటూ తీవ్ర వ్యాఖ్యలు చేశారు. దేశంలో ఆర్థిక వ్యవస్థ రోజురోజుకూ దిగజారిపోతుందని, నిరుద్యోగం పెరిగిందని, పేదరికం వంటి ఎన్నో సమస్యలు ఉండగా.. బీజేపీ, సంఘ్ పరివార్ నేతలు భావోద్వేగ, మత పరమైన సున్నిత అంశాల గురించి మాట్లాడుతూ  ప్రజల దృష్టిని మరల్చడానికి ప్రయత్నిస్తున్నారని రెండేళ్ల కిందట ఉగ్రప్ప విమర్శించారు. ఈ కారణాలతో తాను ప్రధాని మోదీ, హోం మంత్రి అమిత్ షాలను భస్మాసురుడు, శని అన్నట్లు చెప్పారు.