Man Dragged By Scooter In Bengaluru: కర్ణాటకలోని బెంగళూరులో దారుణం జరిగింది. స్కూటీపై వెళ్తున్న ఓ యువకుడు ఓ వృద్ధుడిని రోడ్డుపై ఈడ్చుకెళ్లాడు. వృద్ధుడిని చాలా దూరం ఈడ్చుకెళ్లాడు. దాని వల్ల అతనికి గాయాలు అయ్యాయి. ప్రస్తుతం ఆయనకు ఓ ఆస్పత్రిలో చికిత్స అందిస్తున్నారు.
ఈ మొత్తం ఘటనకు సంబంధించిన వీడియో బయటకు వచ్చింది. వృద్ధుడిని స్కూటీతో రోడ్డుపై ఈడ్చుకెళ్లిన యువకుడిని స్థానికులు పట్టుకున్నారు. ఇలా ఎందుకు చేస్తున్నావని నిలదీశారు. ఆ యువకుడు మాత్రం సమాధానం చెప్పలేదు. పోలీసులు రంగ ప్రవేశం చేసి యువకుడిని అరెస్టు చేశారు. బెంగళూరులోని మాగడి రోడ్డులో ఈ ఘటన చోటు చేసుకుందని వెస్ట్ బెంగళూరు డీసీపీ తెలిపారు. పీఎస్ గోవిందరాజ్ నగర్ కు చెందిన యువకుడిని పోలీసులు అరెస్టు చేశారు.