Chaos at Yuva Bharati Stadium: ఫుట్బాల్ దిగ్గజం, అర్జెంటీనా ఆటగాడు లియోనెల్ మెస్సీ ప్రస్తుతం భారతదేశంలో పర్యటిస్తున్నారు. శనివారం ఉదయం లియోనెల్ మెస్సీ కోల్కతాలోని సాల్ట్ లేక్ స్టేడియానికి చేరుకోగా, కొద్దిసేపటికే అక్కడ సంబరాలు ఉద్రిక్తతలకు దారితీశాయి. వేల రూపాయలు పెట్టి టికెట్లు కొన్నా కూడా మెస్సీని చూడలేకపోతున్నామని ఫ్యాన్స్ ఫిర్యాదు చేశారు. చాలా మంది స్టేడియంలోకి వాటర్ బాటిల్స్ విసిరేశారు. కొందరు కుర్చీలను ఎత్తి పడేసి రచ్చ రచ్చ చేశారు.
అర్జెంటీనాకు చెందిన ఫుట్బాల్ క్రీడాకారుడు మెస్సీ 14 సంవత్సరాల తర్వాత భారత్ పర్యటనకు వచ్చాడు. మెస్సీతో పాటు ఉరుగ్వేకు చెందిన లూయిస్ సువారెజ్, అర్జెంటీనా మిడ్ఫీల్డర్ రోడ్రిగో డి పాల్ కూడా భారత్ వచ్చారు. ఈ ముగ్గురు రాత్రి 2:30 గంటలకు కోల్కతా విమానాశ్రయానికి చేరుకున్నారు. అక్కడ ఉదయం 11 గంటలకు 70 అడుగుల ఎత్తులో ఉన్న మెస్సీ విగ్రహాన్ని వర్చువల్గా ప్రారంభించారు. ఈ కార్యక్రమంలో బాలీవుడ్ నటుడు షారుఖ్ ఖాన్ కూడా పాల్గొన్నారు.
శనివారం ఉదయం సాల్ట్ లేక్ స్టేడియంలో లియోనెల్ మెస్సీ కోల్కతా పర్యటన అస్తవ్యస్తంగా మారింది. ప్రపంచంలోనే అత్యంత ప్రజాదరణ పొందిన ఫుట్బాల్ ప్లేయర్ లియోనెల్ మెస్సీని చూడలేకపోయిన అభిమానులు భద్రతా నిబంధనలను ఉల్లంఘించి మైదానంలోకి ప్రవేశించారు. ఈ గందరగోళం కారణంగా మెస్సీ కేవలం 22 నిమిషాల్లోనే సాల్ట్ లేక్ స్టేడియం నుండి బయటకు వెళ్లవలసి వచ్చింది.
'సిటీ ఆఫ్ జాయ్'లో ఫుట్బాల్ అభిమానులకు గుర్తుండిపోయే చెడు కలగా మారింది. సాల్ట్ లేక్ స్టేడియం లోపల గందరగోళం కారణంగా మెస్సీ ఉనికి కంటే ఎక్కువ గందరగోళం నెలకొంది. దాంతో మెస్సీ మైదానంలోకి రాగానే పరిస్థితి అదుపు తప్పింది. గందరగోళం కారణంగా కార్యక్రమాన్ని మధ్యలోనే నిలిపివేశారు. ఈ పరిస్థితుల్లో స్టేడియంలో ఈ కార్యక్రమానికి హాజరైన బాలీవుడ్ సూపర్ స్టార్ షారుఖ్ ఖాన్, భారత క్రికెట్ జట్టు మాజీ కెప్టెన్ సౌరవ్ గంగూలీ, పశ్చిమ బెంగాల్ ముఖ్యమంత్రి మమతా బెనర్జీ కూడా లియోనెల్ మెస్సీని కలిసి ఫొటో దిగారు.
పరిస్థితి ఎంతగా దిగజారిందంటే ‘గోట్ టూర్’ నిర్వాహకులు శతద్రు దత్తా, భద్రతా సిబ్బంది మెస్సీని స్టేడియం నుండి సురక్షితంగా బయటకు తీసుకురావాల్సి వచ్చింది. జెడ్ ప్లస్ కేటగిరీ భద్రతతో ఇండియాలో పర్యటిస్తున్న మెస్సీ సైతం జరుగుతున్నది చూసి షాకయ్యాడు. అర్జెంటీనా స్టార్ ప్లేయర్ మెస్సీని చూడటానికి 4,500 నుండి 10,000 రూపాయల వరకు చెల్లించి టిక్కెట్లు కొనుగోలు చేసిన అభిమానులు నిరాశతో బాటిల్స్ విసిరి సీట్లను ధ్వంసం చేశారు. ఆ తర్వాత పరిస్థితిని అదుపులోకి తీసుకురావడానికి పోలీసులు తీశ్రంగా శ్రమించాల్సి వచ్చింది.