Dollar vs Indian Rupee: డొనాల్డ్ ట్రంప్ ఒక్క ప్రకటనతో భారత రూపాయి ఢమాల్.. ఆల్ టైమ్ కనిష్టానికి కరెన్సీ

Indian Rupee Hits Record Low Against US Dollar: డాలర్ తో పోలిస్తే భారత రూపాయి మరింత పతనం అయింది. అంతర్జాతీయ మార్కెట్లో చమురు ధరల పెరుగుదల రూపాయి 96.17 కనిష్ట స్థాయికి చేరింది.

డాలర్ తో పోలిస్తే రూపాయి నేడు చారిత్రాత్మక పతనం

Source : ABPLIVE

Show Quick Read

Key points generated by AI, verified by newsroom

• అమెరికన్ డాలర్‌తో పోలిస్తే భారత రూపాయి కనిష్టానికి చేరింది.
• అధిక ముడి చమురు దిగుమతి వ్యయాలు రూపాయి పతనానికి కారణమవుతున్నాయి.
• ట్రంప్ హెచ్చరికలతో విదేశీ పెట్టుబడులు ఉపసంహరించుకోవడం ఒత్తిడిని పెంచింది.
• రూపాయి బలహీనపడటంతో దిగుమతులు, నిత్యావసరాల ధరలు పెరుగుతాయి.

Indian Rupee vs Dollar: భారత కరెన్సీ విలువ చరిత్రలో ఎన్నడూ లేనంతగా దిగజారిపోయింది. సోమవారం నాడు  వారంలోని మొదటి ట్రేడింగ్ రోజున అమెరికన్ డాలర్‌తో పోలిస్తే భారత రూపాయి కనిష్ట స్థాయికి పడిపోయింది. మే 18న భారత రూపాయి అమెరికన్ డాలర్‌తో పోలిస్తే 96.17 వద్ద చారిత్రాత్మక కనిష్ట స్థాయికి (Indian Rupee All Time Low) పడిపోయింది.

ట్రేడింగ్ సమయంలో కొంత సమయం పాటు ఒక డాలర్‌కు భారత రూపాయి 96.18  పడిపోయింది. ఇది మునుపటి క్లోజింగ్ ధర కంటే దాదాపు 0.2 శాతం కంటే తక్కువ. ఈ క్షీణతతో గత రికార్డు కనిష్ట స్థాయి ధర 96.1350ని కూడా నేటి ట్రేడింగ్‌లో దాటింది.

రూపాయి పతనానికి  ముడి చమురుకు లింకేంటి ?‌

భారత్ తన అవసరాలలో దాదాపు 85 శాతం ముడి చమురును ఇతర దేశాల నుండి దిగుమతి చేసుకుంటుందని తెలిసిందే. అంతర్జాతీయ మార్కెట్లలో ముడి చమురు ధర బ్యారెల్‌కు 111 డాలర్లకు చేరడంతో భారత దిగుమతి వ్యయం భారీగా పెరుగుతుంది. దాంతో భారత చమురు దిగుమతిదారులు చెల్లింపులు చేయడానికి మరిన్ని డాలర్లు అవసరం అవుతాయి. మార్కెట్‌లో డాలర్లను కొనుగోలు చేయడానికి డిమాండ్ పెరిగినప్పుడు, రూపాయి విలువ డాలర్‌తో పోలిస్తే వేగంగా తగ్గడం ప్రారంభమవుతుంది. 

డొనాల్డ్ ట్రంప్ కొత్త హెచ్చరిక కారణం 

అమెరికా అధ్యక్షుడు డొనాల్డ్ ట్రంప్ తన సోషల్ మీడియా ప్లాట్‌ఫారమ్ ట్రూత్ సోషల్‌లో ఇలా పోస్ట్ చేశారు. 'ఇరాన్ కోసం అమెరికా ఎదురుచూస్తోంది. పరిస్థితి మరింత దిగజారకూడదంటే ఇరాన్ వేగంగా చర్యలు తీసుకోవాలి. చర్చల ద్వారా ఒప్పందం చేసుకుంటే వారికే మంచిది. లేకపోతే ప్రపంచ పటంలో వారి జాడ లేకుండా చేస్తాం. సమయం చాలా తక్కువగా ఉందని, ఇరాన్ త్వరగా మేల్కోవాలని’ ట్రంప్ తాజాగా హెచ్చరించారు. ట్రంప్ తాజా వార్నింగ్ ప్రకటన కారణంగా ప్రపంచ పెట్టుబడిదారులు రిస్క్ తీసుకోవడానికి వెనుకాడుతున్నారు. దాంతో భారత స్టాక్ మార్కెట్ నుంచి విదేశీ ఇన్వెస్టర్లు తమ డబ్బును వెనక్కి తీసుకుని సేఫ్ అని భావించే అమెరికన్ డాలర్లలో ఇన్వెస్ట్ చేస్తున్నారు. ఈ కారణంగా భారత రూపాయిపై ఒత్తిడి మరింత పెరుగుతోంది. 

సామాన్యులపై ప్రభావం ఏమిటి? 

భారత కరెన్సీ రూపాయి బలహీనపడితే, విదేశాలలో విద్య నుంచి వైద్య చికిత్స వరకు ఎన్నో విషయాలు మరింత ఖరీదు అవుతాయి. టిక్కెట్లు లేదా ట్యూషన్ ఫీజులు చెల్లించడానికి ఎక్కువ డాలర్లు ఖర్చు చేయాల్సి వస్తోంది.

రూపాయి బలహీనపడితే, భారత్‌లోకి దిగుమతి చేసుకునే మొబైల్, ఆటోమొబైల్ భాగాలు, ల్యాప్‌టాప్‌లు, ల్యాప్‌టాప్ భాగాలు మరింత ఖరీదు అవుతాయి. 

డాలర్ మరింత ఖరీదు అయితే దేశంలో రవాణా ఖర్చు పెరుగుతుంది. దీనివల్ల నిత్యావసర వస్తువులతో పాటు పలు ఉత్పత్తుల ధర క్రమంగా పెరుగుతుంది.

మరిన్ని చదవండి

బంగారం గురించి భవిష్య మాలికలో ఏముంది? ప్రధాని మోదీ విజ్ఞప్తి మరింత ఆందోళన పెంచిందా?

కొత్త సంవత్సరం నుంచి ఖర్చులు తగ్గించి ఈ పని చేయండి.. ఫ్యూచర్​లో మంచి లాభం పొందుతారు