Voter ID Card: ఓటర్‌ ఐడీ కార్డులో చిరునామాను ఆన్‌లైన్‌లో సింపుల్‌గా ఎలా మార్చుకోవాలి? పూర్తి ప్రక్రియ ఇదే

Voter ID Card Address Change Online: ఇల్లు మారినట్లయితే మీ ఓటరు IDలో కొత్త చిరునామాను అప్‌డేట్ చేయాలి. లేకుంటే మీరు ఓటు హక్కు కోల్పోయే ప్రమాదం ఉంది.

ఓటర్‌ ఐడీ కార్డులో చిరునామాను ఆన్‌లైన్‌లో సింపుల్‌గా ఎలా మార్చుకోవాలి? 

Source : ABPLIVE AI

Show Quick Read

Key points generated by AI, verified by newsroom

Voter ID Card Address Change Online: భారత్‌లో నివసించడానికి అనేక పత్రాలు అవసరం. ఇవి వివిధ ప్రయోజనాలు కల్పిస్తుంటాయి. ఇలాంటి వాటిలో ఓటరు గుర్తింపు కార్డు కూడా చాలా ముఖ్యమైంది. భారత ఎన్నికల సంఘం ఓటరు గుర్తింపు కార్డులను జారీ చేస్తుంది. మీరు 18 సంవత్సరాల వయస్సు వచ్చిన తర్వాత ఓటు వేయడానికి అర్హులు అవుతారు. అప్పుడు మీరు ఓటు హక్కుతోపాటు ఐడీ కార్డు కూడా పొందుతారు.  

కానీ కార్డులో చిరునామా, పేరు లేదా జెండర్‌ నమోదులో తప్పులు ఉంటే సరి చేసుకోవాలి. లేకుంటే ఓటు వేసేటప్పుడు, లేదా ఏదైనా గుర్తింపు కోసం ఆ కార్డు చూపించినప్పుడు సమస్యలు వస్తాయి. ఇలాంటి లోపాలు సరి చేసుకోవాలంటే ఇప్పటి వరకు రోజుల తరబడి ఎదురు చూడాల్సి వచ్చేది. ఇప్పుడు మాత్రం ఆ శ్రమ లేదు. భారీ క్యూలలో నిలబడాల్సిన అవసరం అంతకంటే లేదు. మొత్తం అప్‌డేట్‌ ప్రక్రియను డిజిటలైజ్ చేశారు. ఇంటిలోనే కూర్చొని మీరు మీ ఓటర్ ఐడీ కార్డును అప్‌డేట్ చేసుకోవచ్చు. ఆ ప్రక్రియల ఎలాగో తెలుసుకోండి.

ఏ పత్రాలు అవసరం?

18 సంవత్సరాలు లేదా అంతకంటే ఎక్కువ వయస్సు ఉన్న, చెల్లుబాటు అయ్యే చిరునామా ప్రూఫ్‌ కావాలి. ఈ ప్రూఫ్స్‌ ఉన్న వారు ఎవరైనా సరే ఓటరు గుర్తింపు కార్డు కోసం దరఖాస్తు చేసుకోవచ్చు. దరఖాస్తు చేసేటప్పుడు కొన్ని డాక్యుమెంట్స్  కచ్చితంగా అప్‌లోడ్ చేయాలి. గుర్తింపు కోసం ఆధార్ కార్డ్, పాస్‌పోర్ట్, డ్రైవింగ్ లైసెన్స్, పాన్ కార్డ్, బర్త్ సర్టిఫికెట్‌, ఎడ్యుకేషన్ సర్టిఫికెట్‌ అవసరం అవుతాయి. విద్యుత్ బిల్లు, నీటి బిల్లు లేదా బ్యాంక్ పాస్‌బుక్‌ను అడ్రస్‌ ప్రూఫ్‌గా సబ్‌మిట్ చేయవచ్చు. ఇటీవలి పాస్‌పోర్ట్ సైజు ఫోటో కూడా అవసరం అవుతుంది. దరఖాస్తులో ఆలస్యం లేకుండా ప్రక్రియ సులభంగా అయ్యేందుకు ఈ పత్రాలు క్లియర్‌గా ఉండాలి. లేటెస్ట్ సర్టిఫికెట్స్ ఉంటే మరీ మంచిది.  

మీ చిరునామాను ఆన్‌లైన్‌లో ఎలా మార్చాలి 

మీ ఓటరు ఐడిలోని చిరునామా తప్పుగా ఉంటే, దానిని ఆన్‌లైన్‌లో సరి చేసుకోవచ్చు. దీని కోసం, ఓటరు సేవల పోర్టల్‌కు వెళ్లి ఫారమ్ 8 ఫిల్ చేయాల్సి ఉంటుంద. సరైన సమాచారాన్ని నమోదు చేసి, అవసరమైన పత్రాలను అప్‌లోడ్ చేయాలి. తర్వాత అప్లికేషన్‌ను సబ్‌మిట్ చేయాలి. సమర్పించిన తర్వాత, మీకు ట్రాకింగ్ నంబర్‌ వస్తుంది. ఆ ట్రాకింగ్ నెంబర్‌తో అప్లికేషన్ స్టాటస్‌ను ఎప్పటికప్పుడు చెక్ చేసుకోవాలి. ఆఫ్‌లైన్‌లో దరఖాస్తు చేసుకోవాలనుకునే వారు  మీకు కేటాయించిన బిఎల్‌ఓను సంప్రదించాలి. ఫారమ్ 8 నింపి, పైన పేర్కొన్న డాక్యుమెంట్స్‌ జిరాక్స్‌‌లను అటాచ్ చేసి దరఖాస్తు సమర్పించారు. ఆన్‌లైన్ ప్రక్రియ ఆఫ్‌లైన్ ప్రక్రియ కంటే చాలా సులభమైంది. 

ఎంత సమయం పడుతుంది?

ఓటరు ఐడిని పొందడానికి లేదా సరిదిద్దడానికి ఎటువంటి డబ్బులు చెల్లించాల్సిన అవసరం లేదు. ఆన్‌లైన్, ఆఫ్‌లైన్ ప్రక్రియలు రెండూ పూర్తిగా ఉచితంగానే లభిస్తాయి. దరఖాస్తును సమర్పించిన తర్వాత, సంబంధిత అధికారులు పత్రాలను చెక్ చేసి వాటిని వెరిఫై చ్సాతుర. ప్రతిదీ సరిగ్గా ఉందని తేలితే ఓకే చెబుతారు. దీంతో మీరు అప్‌డేట్ చేసిన వివరాలతో కొత్త కార్డు జారీ అవుతుంది. ఈ ప్రక్రియ పూర్తి కావడానికి సాధారణంగా కొన్ని వారాలు పట్టవచ్చు. కాబట్టి, మీరు మీ అడ్రస్‌ మారిన వెంటనే ఓటర్ ఐడీలో కూడా చిరునామాను అప్‌డేట్ చేసుకోవడం చాలా మంచిది. లేకుంటే సమస్యలు ఎదుర్కోవాల్సి ఉంటుంది.  

మరిన్ని చదవండి

మీరు 2 ఓటర్ కార్డులు కలిగి ఉన్నారా? జైలుశిక్ష, జరిమానా విధిస్తారని మీకు తెలుసా..

ఆధార్‌కు ఓటర్ కార్డు అనుసంధానం - అక్రమాలకు చెక్ పెట్టే దిశగా ఈసీ