Garib Rath Express: పంజాబ్లోని సర్హింద్ రైల్వే స్టేషన్ సమీపంలో నేడు పెను ప్రమాదం తప్పింది. అమృత్సర్ నుంచి సహర్సా వెళ్తున్న గరీబ్ రథ్ ఎక్స్ప్రెస్ రైలులో ఒక్కసారిగా మంటలు చెలరేగడంతో ప్రయాణికులు భయాందోళనకు గురయ్యారు. అంబాలాకు అర కిలోమీటర్ దూరంలో ఉన్న సర్హింద్ స్టేషన్ సమీపంలోకి రైలు చేరుకున్నప్పుడు ఈ ఘటన జరిగింది. రైలు బోగీలో నుంచి పొగలు రావడంతో ప్రయాణికులు వెంటనే రైల్వే సిబ్బందికి సమాచారం అందించారు. అప్రమత్తమైన డ్రైవర్ వెంటనే రైలును నిలిపివేయడంతో పెను ప్రమాదం తప్పింది.
ఈ ఘటన ఉదయం 7:30 గంటలకు జరిగినట్లు సమాచారం. రైల్వే అధికారుల ప్రకారం, ప్రయాణికులందరూ సురక్షితంగా ఉన్నారు. ఎటువంటి ప్రాణనష్టం లేదా గాయాలు కాలేదు. మంటలు చెలరేగడానికి గల కారణం ఇంకా తెలియరాలేదు, అయితే సాంకేతిక లోపం లేదా షార్ట్ సర్క్యూట్ కారణం కావచ్చని భావిస్తున్నారు.
రైలు త్వరలో గమ్యస్థానానికి..
మంటలను అదుపులోకి తెచ్చిన తర్వాత రైలు పరిస్థితిని పరిశీలిస్తున్నట్లు అధికారులు తెలిపారు. దెబ్బతిన్న కోచ్ను పరిశీలించిన తర్వాత రైలును త్వరలో సహర్సాకు పంపుతామని చెప్పారు. రైల్వే భద్రతా దళం (RPF), GRP బృందాలు మొత్తం ప్రాంతాన్ని తమ ఆధీనంలోకి తీసుకుని ప్రయాణికులకు అవసరమైన అన్ని సౌకర్యాలను అందిస్తున్నాయి.