Dhurandhar Washma Butt Chai Shop Real Location: ధురంధర్‌ సినిమా ఎఫెక్ట్‌! లడఖ్‌లో టీ కొట్టు కిటకిట! అసలు రీజన్ ఏంటంటే?

Dhurandhar Washma Butt Chai Shop Real Location:ధురంధర్‌ సినిమాలో కనిపించే ఐకానిక్‌ వష్మా బట్‌ చాయ్‌ షాప్ సినిమా సెట్ కాదు. సినిమా దెబ్బకు లడక్‌లోని ఈ టీ కొట్టు పర్యాటకులతో కిటకిటలాడుతోంది. 

లడఖ్‌లోని లేహ్‌లో ఉన్న అసలైన టీ కొట్టు.. ఇప్పుడు దీని పేరు 'వష్మా బట్ చాయ్ షాప్'గా ఫేమస్ అయ్యింది

Source : Social Media

Show Quick Read

Key points generated by AI, verified by newsroom

• సినిమాలో చూపిన టీ కొట్టు నిజమైనదని తెలిసింది.
• లడఖ్ లోని ఈ చాయ్ షాప్ వైరల్ అవుతోంది.
• పర్యాటకులు టీ తాగడానికి, ఫోటోలు దిగడానికి వస్తున్నారు.
• ఈ చాయ్ షాప్ లడఖ్ పర్యాటకానికి కొత్త ఆకర్షణ.

Dhurandhar Washma Butt Chai Shop Real Location:వెండితెరపై కనిపించే కొన్ని ప్రదేశాలు ఎంత అద్భుతంగా ఉంటాయి. ఇలా అద్భుతంగా కనిపించేవన్నీ కూడా నిజమేనని నమ్మలేం. అలాగని అన్నీ గ్రాఫిక్స్, సెట్టింగ్స్ అనుకుంటే కూడా పొరపాటే. ఇప్పుడు మనం పైన చెప్పిన టీ కొట్టు కూడా అలాంటిదే. ఇప్పుడు ఈ టీ కొట్టు మాత్రం సోషల్ మీడియాలో తెగ వైరల్ అవుతోంది. రీసెంట్‌ బ్లాక్‌బస్టర్‌ ధురంధర్‌లోని హంజా అలీ మజారీ, ఆలం భాయ్ మధ్య సాగే సన్నివేశాల్లో టీ సీన్ గుర్తుందా. ఆ వష్మ బట్‌ చాయ్‌ షాప్‌ ఇప్పుడు సోషల్ మీడియాను ఊపేస్తోంది. ఇది సినిమా కోసం వేసిన సెట్ అని  చాలా మంది అనుకునే ఉంటారు. కానీ అది తప్పు. లడఖ్‌లోని లేహ్‌లో ఉన్న నిజమైన టీ కొట్టు అది.

టీ కొట్టుకు పరుగులు పెడుతున్న పర్యాటకులు

లడఖ్‌ పర్యటనకు వెళ్లిన సౌమ్య ఛటర్జీ అనే ట్రావెల్‌ వ్లాగర్‌, ఇన్‌ స్టాగ్రామ్‌లో షేర్ చేసిన ఒక వీడియోతో ఈ రహస్యం బయటపడింది. ఈ టీ కొట్టు లేహ్‌లో ఉంది. నిజానికి దీని అసలు పేరు ఎస్‌ హెచ్‌ ఖాన్ రెస్టారెంట్‌. పేరు మార్చి అక్కడ సీన్స్ తీసారు. అయితే సినిమా పాపులారిటీని చూసి, ఆ హోటల్ యజమాని సినిమాలో వాడిన వష్మా బట్‌ చాయ్‌ షాప్ అనే సైన్ బోర్డును అలాగే ఉంచేశారు. సినిమా సెట్ అనుకొని పొరపడిన ఫ్యాన్స్‌, ఇది నిజంగానే ఉందని తెలియడంతో ఇప్పుడు అక్కడికి క్యూ కడుతున్నారు. 

సోషల్ మీడియాలో పోస్టులు

వష్మా బట్‌ చాయ్‌ షాప్‌లో టీ తాగేందుకు వెళ్తున్న పర్యాటకులు ఆ ప్రాంతాన్ని ఆస్వాదిస్తున్నారు. అక్కడ జరిగిన సీన్స్‌ను గుర్తు చేసుకుంటున్నారు. సెల్ఫీలు, ఫొటోలు దిగుతున్నారు. సోషల్ మీడియాలో ఈ ఫొటోలు, వాటికి సంబంధించిన పోస్టులు చేసిన వారంతా ప్రత్యేకంగా టీ కొట్టును చూసేందుకు ఆ ప్రాంతాన్ని సందర్శిస్తున్నారు. 

ఎక్కువ మంది చదివిన ఈ వార్తలు మిస్ అవ్వొద్దు

1

2

3

4

5

ధురంధర్ 2 ప్రపంచవ్యాప్తంగా 1850 కోట్లను కొల్లగొట్టింది. ఈ సినిమాలోని కనిపించిన ప్రాంతాలను ఎక్స్‌ప్లోర్ చేస్తున్నారు. అందులో భాగంగానే ఇప్పుడు టీ కొట్టు వెలుగులోకి వచ్చింది. ఇదే కాదు భారత్‌లో సినిమా టూరిజం వేగంగా పెరుగుతోంది. కశ్మీర్‌ నుంచి రాజస్థాన్ వరకు సినిమాల్లో కనిపించే లొకేషన్‌లకు పర్యాటకుల తాకిడి పెరగడం సహజం. ఇప్పుడు లడఖ్‌లోని ఈ వష్మా బట్‌ చాయ్‌ షాప్ టీ కొట్టు కూడా ఆ జాబితాలో చేరింది. పాతకాలపు సైన్ బోర్డులు, ఆ గదిలో ఇంటీరియర్స్‌ ప్రేక్షకులను పాత రోజుల్లోకి తీసుకెళ్తున్నాయి. 

లడఖ్‌ టూరిజానికి కొత్త కలర్

లడఖ్ అంటేనే సాధారణంగా మొనాస్టరీలు, సాహస క్రీడలు, ప్రకృతి అందాలకు ప్రసిద్ధి. కానీ ఇప్పుడు ఈ టీకొట్టు ఒక కొత్త పర్యాటక ఆకర్షణగా మారింది. స్థానికంగా ఉండే చిన్న చిన్న వ్యాపారాలకు సోషల్ మీడియా ఏవిధంగా అండగా నిలుస్తుందో చెప్పడానికి ఈ చాయ్‌షాపు మంచి ఎగ్జాంపుల్. ఒకప్పుడు కేవలం స్థానికులు మాత్రమే టీ తాగేవారు. అలాంటి హోటల్ ఇప్పుడు జాతీయ స్థాయిలో గుర్తింపు పొందింది.

మరిన్ని చదవండి

ధురంధర్ 2 దెబ్బకు నెట్‌ఫ్లిక్స్‌ సర్వర్లు క్రాష్... పాకిస్తాన్ ప్రజల్లో రణవీర్ సినిమాపై భారీ క్రేజ్

ఓటీటీలోకి ధురంధర్ 2 - ఇండియాలో ఎప్పుడు, ఎందులో స్ట్రీమింగ్ అంటే?