CJI Surya Kant Remarks: "కొందరు యువకులు బొద్దింకల్లా మారి వ్యవస్థపై దాడి చేస్తున్నారు" సుప్రీంకోర్టు ప్రధాన న్యాయమూర్తి సంచలన వ్యాఖ్యలు 

CJI Surya Kant Remarks: నిరుద్యోగ యువతలో కొందరు బొద్దింకల్లా మారుతున్నారని భారత ప్రధాన న్యాయమూర్తి కామెంట్ చేశారు. సోషల్ మీడియా, ఆర్టీఐ కార్యకర్తల అవతారమెత్తి వ్యవస్థపై దాడి చేస్తున్నారన్నారు. 

"కొందరు యువకులు బొద్దింకల్లా మారి వ్యవస్థపై దాడి చేస్తున్నారు" సుప్రీంకోర్టు ప్రధాన న్యాయమూర్తి సంచలన వ్యాఖ్యలు 

Source : PTI

Show Quick Read

Key points generated by AI, verified by newsroom

• సీనియర్ న్యాయవాది హోదా కోసం పిటిషన్, ధర్మాసనం తీవ్రంగా స్పందించింది.
• వ్యవస్థపై దాడి చేసే బొద్దింకల్లా కొందరు యువకులు మారుతున్నారని సీజేఐ ఆవేదన.
• డిగ్రీల వాస్తవికతపై అనుమానాలు, సీబీఐ విచారణకు సుప్రీంకోర్టు ఆదేశించే ఆలోచన.
• న్యాయవాది తప్పును అంగీకరించి, క్షమాపణ చెప్పి పిటిషన్ ఉపసంహరించుకున్నారు.

CJI Surya Kant Remarks: సమాజంలోని కొన్ని ధోరణులపై ప్రధాన న్యాయమూర్తి జస్టిస్ సూర్యకాంత్(CJI Surya Kant ) చేసిన కామెంట్స్ చర్చనీయాంశం అవుతున్నాయి. ఓ న్యాయవాది దాఖలు చేసిన పిటిషన్ విచారణ సందర్భంగా ఆయన ఈ వ్యాఖ్యలు చేశారు. కొందరు యువకులు బొదింకల్లా మారి వ్యవస్థపై దాడి చేస్తున్నారని అసహనం వ్యక్తం చేశారు. 

భారత ప్రధాన న్యాయమూర్తి జస్టిస్ సూర్యకాంత్, జస్టిస్‌ జాయ్‌మాల్యా బాగ్చీ(Justice Joymalya Bagchi)లతో కూడిన ధర్మాసనం ఒక న్యాయవాది దాఖలు చేసిన పిటిషన్ విచారించింది. సదరు న్యాయవాది తనకు సీనియర్ అడ్వకేట్ హోదా(Senior Advocate designation rules) కల్పించాలని కోరుతూ ఈ పిటిషన్ వేశారు. దీనిపై ధర్మాసనం తీవ్రంగా స్పందించింది. సీనియర్‌ హోదా అనేది కోరుకుంటే వచ్చేది కాదని, అది వ్యక్తి ప్రవర్తన, అర్హతను బట్టి లభించే గౌరవమని స్పష్టం చేసింది. 

సదరు పిటిషనర్‌ గతంలో సోషల్ మీడియా వేదికగా ఉపయోగించిన భాషను ప్రధాన న్యాయమూర్తి ఈ సందర్భంగా ప్రస్తావించారు. వృత్తిపరమైన క్రమశిక్షణ లేని వ్యక్తులు ఇటువంటి హోదాలకు అర్హులు కారని ధర్మాసనం అభిప్రాయపడింది. ఈ క్రమంలోనే నిరుద్యోగ యువత దారి తప్పడంపై సీజేఐ ఆవేదన వ్యక్తం చేశారు. 

సమాజంలో ఇప్పటికే కొన్ని పారాసైట్స్‌ ఉన్నాయి. వారు వ్యవస్థపై దాడులు చేస్తున్నారు. మీరు కూడా వారితో చేతులు కలపాలని అనుకుంటున్నారా అని ధర్మాసనం పిటిషనర్‌ను ప్రశ్నించింది. ఉపాధి లేని కొందరు యువకులు బొద్దింకల్లా (Cockroaches)తయారవుతున్నారని వారు మీడియా, సోషల్ మీడియా, ఆర్టీఐ కార్యకర్తలు(RTI Activists )గా మారి ప్రతి ఒక్కరిపై దాడులు చేయడం ప్రారంభిస్తున్నారని సీజేఐ వ్యాఖ్యానించారు. 

ఈ విచారణ సందర్భంగా న్యాయవాద వృత్తిలోని లోపాలను కూడా ధర్మాసనం ఎత్తి చూపింది. ఢిల్లీ హైకోర్టు ఒకవేళ  పిటిషనర్‌కు సీనియర్ హోదా ఇచ్చినా ఆ వ్యక్తి ప్రవర్తనను బట్టి సుప్రీం కోర్టు దానిని రద్దు చేస్తుందని సిజేఐ హెచ్చరించింది. నల్లకోట్లు ధరించి అనేక మంది వ్యక్తుల డిగ్రీల వాస్తవికతపై తమకు తీవ్రమైన అనుమానాలు ఉన్నాయని, దీనిపై సీబీఐ విచారణకు ఆదేశించాలని అనుకుంటున్నట్టు ధర్మాసనం పేర్కొంది.    ఓట్ల రాజకీయ కారణంగా బార్ కౌన్సిల్‌ ఆఫ్ ఇండియా ఆ అంశాలపై ఎలాంటి చర్యలు తీసుకోవడం లేదని ధర్మాసనం విమర్శించింది. 

సుప్రీంకోర్టు(Supreme Court of India) వ్యాఖ్యలతో ఏకీభవించిన పిటిషనర్‌ న్యాయవాది, తన తప్పును అంగీకరిస్తూ క్షమాపణలు చెప్పారు. అనంతరం తన పిటిషన్‌ను ఉపసంహరించుకోవడానికి అనుమతి కోరగా ధర్మాసనం అందుకు అంగీకరించింది. 

మరిన్ని చదవండి

నూతన CJIగా ప్రమాణం చేసిన జస్టిస్ సూర్యకాంత్.. ఆయన ఇచ్చిన 10 ముఖ్యమైన తీర్పులు ఇవే