రూ.100 లక్షల కోట్లతో 'పీఎం గతి శక్తి'కి మోదీ శ్రీకారం.. ప్రతిపక్షాలపై తనదైన శైలిలో సెటైర్లు

GatiShakti Launch: రూ.100 లక్షల కోట్లతో 'పీఎం గతి శక్తి'కి మోదీ శ్రీకారం.. ప్రతిపక్షాలపై తనదైన శైలిలో సెటైర్లు

ABP Desam | Murali Krishna | 16 Oct 2021 05:32 PM (IST)

పీఎం గతి శక్తి కార్యక్రమాన్ని ప్రధాని నరేంద్ర మోదీ ప్రారంభించారు. రూ.100 లక్షల కోట్లతో రూపొందించిన పీఎం గతిశక్తి ద్వారా 21వ శతాబ్దంలో అభివృద్ధి పరుగులు పెడుతుందని మోదీ అన్నారు.

గతంలో ఎక్కడ చూసినా 'వర్క్ ఇన్ ప్రోగ్రెస్' బోర్డులు కనిపించేవి. అవి చూసిన ప్రజలు.. ఈ పనులు ఎప్పటికీ కావు అనుకునేవారు. ఎంతో నిరాశ చెందేవారు. కానీ ఈ ప్రభుత్వం అలా కాదు. అభివృద్ది ప్రాజెక్టులకు తగిన ప్రణాళికలు సిద్ధం చేస్తున్నాం.. పనులు పూర్తి చేస్తున్నాం. దేశానికి రాబోయే 25 ఏళ్ల కోసం గతి శక్తితో పునాది వేశాం. మౌలిక సదుపాయాల కల్పన కోసం రూపొందించిన నేషనల్ మాస్టర్ ప్లాన్.. 21వ శతాబ్దంలో దేశ అభివృద్ధి ప్రణాళికలకు 'గతి శక్తి'గా మారుతుంది. - ప్రధాని నరేంద్ర మోదీ

మన దేశంలో చాలా రాజకీయ పార్టీలకు మౌలిక వసతుల కల్పన, అభివృద్ధి అనేది అంత ప్రాధాన్యం కాదు. కనీసం వారి మేనిఫెస్టోలో కూడా ఇది కనపించదు. ప్రస్తుత పరిస్థితి ఎలా ఉందంటే.. దేశానికి కావాల్సిన మౌలిక సదుపాయాల కల్పన చేస్తుంటే కూడా రాజకీయ పార్టీలు విమర్శిస్తున్నాయి. - ప్రధాని నరేంద్ర మోదీ