Friday OTT Movies : శుక్రవారం ఓటీటీ మూవీస్ - బోల్డ్ మూవీ To సస్పెన్స్ థ్రిల్లర్స్... ఒకే రోజు 10 సినిమాలు స్ట్రీమింగ్

Jagadatri Serial Today october 22: మురళిని పట్టుకుని దివ్యాంకకు బుద్ధి చెప్పిన జగధాత్రి..కేదార్‌ గురించి పార్టీలో కమలాకర్ చెప్పకుండా అడ్డుపడిన యువరాజు

Ajay Kumar — Thu, 22 Oct 2026 22:15:40 +0530

Jagadatri Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది. దివ్యాంక దగ్గర ఉన్న డబ్బులును సింధూ కొట్టేయించిన జగధాత్రి ఆ నేరం మురళిపైకి వెళ్లేలా ప్లాన్ చేస్తుంది.ఇది నిజమేనని నమ్మిన దివ్యాంక మురళికి ఫోన్ చేయగా..ఆ నెంబర్ ట్రేస్‌ చేసి మురళి ఎక్కడ ఉన్నాడో కనిపెట్టి దివ్యాంకకు జగధాత్రి బుద్ది చెబుతుంది. అటు పార్టీ లో కమలాకర్‌ కేదార్‌ గురించి నిజం చెబుతుండగా యువరాజు అడ్డుపడి పార్టీ అయిపోయిన తర్వాత చెబుదామని అంటాడు.

దివ్యాంకకు షాక్‌
కౌషికి ఇచ్చిన డబ్బులు తీసుకుని ఇంటికి బయలుదేరిన దివ్యాంకను సింధూ తన టీమ్‌తో అడ్డుకుంటుంది. దివ్యాంకను కారులో నుంచి బయటకు లాగి కొడుతుంది. మా మురళి సాయంతో కోట్లు సంపాదించి వాడికి డబ్బులు ఇవ్వకుండా ఇష్టమొచ్చినట్లు మాట్లాడతావా అని సింధూ తిడుతుంది. అంటే మీరు మురళి మనుషులా అని దివ్యాంక ఆడిగితే...అవునని మా మురళికి అన్యాయం జరిగితే సహించేది లేదని చెప్పి దివ్యాంక దగ్గర ఉన్న డబ్బులన్నీ లాక్కుని వెళ్లిపోతారు. అలాగే దివ్యాంక కారులో బగ్‌ ఉన్న ఓ ఫోన్ పడేస్తారు. మురళినే నిజంగా ఈ పని చేసి ఉంటాడని దివ్యాంకకు కోపం వస్తుంది. వెంటనే మురళికి ఫోన్ చేసి చెడామడా తిడుతుంది. నేను నీకు డబ్బులు ఇవ్వనని చెప్పానని నీ మనుషులను పంపించి నాపై దాడి చేయిస్తావా నిన్ను ప్రాణాలతో వదలనని అంటుంది. ఆ మాటలకు షాక్‌ తిన్న మురళి...నేను మీ ఇంట్లో మీ వాటర్ ట్యాంకు కిందే ఉన్నానని మీరు ఇచ్చిన ఫోన్ మాత్రమే నా దగ్గర ఉందని అంటాడు. అలాంటప్పుడు నేను వేరే వాళ్లకు ఎలా ఇన్ఫర్మేషన్ ఇస్తానని నిలదీస్తాడు. అంటే ఇదంతా ఆ జగధాత్రి ఆడిన నాటకమా అని దివ్యాంక అనుకుంటుంది.

దివ్యాంకకు బుద్ధి చెప్పిన జగధాత్రి
మురళి దివ్యాంక వాళ్ల ఇంట్లోనే ఉన్నాడని తెలుసుకుని కౌషికి, కేదార్‌ను తీసుకుని జగధాత్రి అక్కడికి వెళ్తుంది. తమ ప్లాన్ జగధాత్రికి తెలిసిపోయిందనుకున్న మురళి దివ్యాంక ఇంటి నుంచి పారిపోయేందుకు బయలుదేరగా...అప్పుడే అక్కడికి ధాత్రి, కేదార్ వస్తారు. మురళికి నాలుగు తగిలిస్తారు. నీకు ఎన్నిసార్లు చెప్పినా మా ఫ్యామిలీ జోలికి వస్తున్నావేంట్రా అని గట్టిగా కొడతారు. వాడిని తీసుకుని బయలుదేరతారు. అప్పుడే సింధూ ఫోన్ చేసి దివ్యాంక బయలుదేరిందని మేం ఆమెను ఫాలో అవుతున్నామని చెబుతుంది. కేదార్ దివ్యాంక కారును అడ్డగించి ఆమెను కిందకు దింపుతారు. ఇప్పుడు నువ్వు నీ ఛానెల్‌కు వెళ్లి ఆ వీడియో ప్లే చేయాలని తెగ ఆరాటపడుతున్నావని మాకు తెలుసు అని జగధాత్రి అంటుంది. కాకపోతే...నువ్వు ఛానెల్‌కు చేరుకునేలోపే మేం మురళిని తీసుకుని స్టేషన్‌కు వెళ్తామని బెదిరిస్తుంది. అప్పుడు నీ ఛానెల్‌లో నువ్వే అరెస్ట్ అయినట్లు బ్రేకింగ్‌ న్యూస్ వేసుకోవాల్సి వస్తుందంటుంది. దీంతో భయపడిన దివ్యాంక వీడియో జగధాత్రికి ఇచ్చి అక్కడి నుంచి వెళ్లిపోతుంది.

నిజం చెప్పకుండా ఆపిన యువరాజు
ఎలాగైనా పార్టీ ఆపాలని కుట్రలు పన్నుతున్న యువరాజు, నిషిక...విగ్‌ పెట్టుకుని కాచీ ఇప్పుడు పార్టీకి వస్తే బాగుండదని అంటారు. ఇంతలో కాచీ లోపల నుంచి విగ్‌తో బయటకు రాగానే అందరూ ఆశ్చర్యపోతారు. అసలు విగ్ పెట్టుకున్నట్లే తెలియదని అంటారు. అయినా పార్టీ మధ్యలో విగ్ ఊడిపోతే పరువుపోతుందని అందుకే పార్టీ క్యాన్సిల్ చేద్దామని యువరాజు అంటాడు. జగధాత్రి కల్పించుకుని కాచీ ఎలా అంటే అలా చేద్దామని అంటుంది. నాకు ఎలాంటి ప్రాబ్లం లేదని కాచీ చెప్పడంతో అందరూ పార్టీకి వెళ్లిపోతారు. అక్కడ కాచీ, బూచీ యానివర్సిరీ కేక్ కట్ చేసిన తర్వాత...కమలాకర్‌ కేదార్‌ను తమ ఇంటి వారసుడిగా ప్రకటించబోతుండగా యువరాజు అడ్డుపడతాడు. ఇప్పుడు ఈ ప్రకటన ఎందుకని ముందు అందరూ పార్టీని ఎంజాయి చేయనివ్వమని..ఆ తర్వాత చివరిలో ప్రకటన చేద్దామని చెప్పి ఆపుతాడు.

2026 దీపావళి నవంబర్ 8 లేదా 9? లక్ష్మీ పూజకు శుభ ముహూర్తం ఇదే!

AP SEC Anil Chandra Punetha: ఎస్ఈసీ బిగ్ అప్‌డేట్ - 2 కార్పొరేషన్లు, 2 మున్సిపాలిటీల్లో 72 వార్డుల్లో నామినేషన్ల గడువు పొడిగింపు !

Raja Sekhar Allu — Thu, 22 Oct 2026 22:12:28 +0530

AP Local Body Polls Supreme Court: ఆంధ్రప్రదేశ్ స్థానిక సంస్థల ఎన్నికలకు సంబంధించి రాష్ట్ర ఎన్నికల కమిషనర్ అనిల్ చంద్ర పునేఠా కీలక నిర్ణయం తీసుకున్నారు. అత్యున్నత న్యాయస్థానం సుప్రీంకోర్టు ఉత్తర్వులు, క్షేత్రస్థాయి విచారణల ఆధారంగా.. వైఎస్సార్ కడప , తిరుపతి జిల్లాల పరిధిలోని నాలుగు స్థానిక సంస్థలకు చెందిన మొత్తం 72 వార్డుల్లో నామినేషన్ల గడువును పొడిగిస్తూ ఆయన ఉత్తర్వులు ఇచ్చారు. గతంలో ప్రత్యర్థుల దౌర్జన్యాలు, అడ్డంకుల వల్ల నామినేషన్లు వేయలేకపోయిన అభ్యర్థులకు మళ్లీ అవకాశం కల్పిస్తూ ఎస్ఈసీ పక్కా వార్డుల వారీ జాబితాను విడుదల చేసింది.

రాష్ట్ర ఎన్నికల కమీషనర్ విడుదల చేసిన అధికారిక నోటిఫికేషన్ ప్రకారం.. వైఎస్సార్ కడప జిల్లాలోని కడప మున్సిపల్ కార్పొరేషన్ పరిధిలోని 11 వార్డులలో నామినేషన్ల దాఖలుకు పునరుద్ధరణ అవకాశం కల్పించారు. వార్డు నంబర్లు 6, 11, 13, 15, 16, 17, 24, 31, 34, 52, 55 లలో ఈ ప్రక్రియ తిరిగి ప్రారంభం కానుంది. అదేవిధంగా, రాజంపేట మున్సిపాలిటీ లోని 11 వార్డులలో వార్డు నంబర్లు 6, 12, 13, 14, 17, 19, 23, 24, 25, 26, 27 నామినేషన్ల గడువును పొడిగిస్తూ నిర్ణయం తీసుకున్నారు.

ఇక అత్యంత రగడకు వేదికైన మైదుకూరు మున్సిపాలిటీ విషయంలో ఎస్ఈసీ సంచలన నిర్ణయం తీసుకుంది. మైదుకూరులోని మొత్తం 32 వార్డులలోనూ నామినేషన్ల గడువును పొడిగిస్తూ నూతన అవకాశం కల్పిస్తున్నట్లు నోటిఫికేషన్‌లో పేర్కొన్నారు. నామినేషన్ల స్వీకరణలో తీవ్ర అక్రమాలు జరిగాయనే ఫిర్యాదులు రుజువు కావడంతో మైదుకూరు మున్సిపాలిటీ మొత్తానికి రీ-నామినేషన్ల వెసులుబాటు కల్పించారు.

తిరుపతి మున్సిపల్ కార్పొరేషన్ పరిధిలోని 18 వార్డులలో నామినేషన్ల ప్రక్రియను మళ్లీ ప్రారంభించనున్నారు. ఆ వార్డుల వివరాలు 1, 2, 3, 4, 5, 6, 9, 11, 12, 13, 14, 19, 55, 56, 57, 59, 65, 66. క్షేత్రస్థాయి పరిశీలనలో వీడియో రికార్డింగ్స్, పోలీసు నివేదికలను ఆధారంగా చేసుకుని ఈ 18 వార్డులలో అభ్యర్థులను భౌతికంగా అడ్డుకున్నట్లు ఎస్ఈసీ నిర్ధారించింది. మొత్తంగా కడప , రాజంపేట , మైదుకూరు , తిరుపతి కలిపి మొత్తం 72 వార్డుల్లో నామినేషన్ల ప్రక్రియ పునరుద్ధరించారు. నామినేషన్లు వేయబోయే అభ్యర్థులకు ఎస్ఈసీ కఠిన భద్రతా మార్గదర్శకాలను జారీ చేసింది. ఆయా జిల్లాల కలెక్టర్లు, పోలీస్ కమిషనర్లు, ఎస్పీల పర్యవేక్షణలో అభ్యర్థులకు పూర్తిస్థాయి పోలీస్ రక్షణ కల్పించి, ఏ ఒక్కరికీ ఎలాంటి అభ్యంతరం కలగకుండా నామినేషన్లు స్వీకరించాలని నిబంధనలు విధించారు.

Live Cricket Streaming: మ్యాచ్ టీవీలో కాదు రీల్స్‌లో చూడండి.. టిక్‌టాక్‌లో ఇండియా న్యూజిలాండ్ లైవ్ స్ట్రీమింగ్, పవర్‌ప్లే క్రేజ్ కోసం కివీస్ సరికొత్త ప్రయోగం

Ayesha — Thu, 22 Oct 2026 21:52:41 +0530

Cricket Innovation Brings Live T20 Action Directly To Mobile Devices Via Popular Short Video App: క్రికెట్ ప్రత్యక్ష ప్రసార రంగంలో సరికొత్త విప్లవానికి తెరలేచింది. గురువారం క్రైస్ట్‌చర్చ్‌లోని హాగ్లీ ఓవల్ వేదికగా భారత్, న్యూజిలాండ్ జట్ల మధ్య జరిగిన తొలి టీ20 మ్యాచ్‌కు సంబంధించి నిర్వాహకులు ఒక వినూత్న నిర్ణయం తీసుకున్నారు. మ్యాచ్ ప్రారంభ ఆరు ఓవర్ల పవర్‌ప్లే యాక్షన్‌ను ప్రముఖ షార్ట్ వీడియో ఫ్లాట్‌ఫామ్ టిక్‌టాక్‌లో ప్రత్యక్ష ప్రసారం చేశారు. న్యూజిలాండ్ క్రికెట్ బోర్డు, అధికారిక బ్రాడ్‌కాస్టర్ స్కై సంయుక్తంగా ఈ సరికొత్త ఆలోచనతో ముందుకు వచ్చాయి. యువ తరం ప్రేక్షకులను క్రికెట్ వైపు ఆకర్షించేందుకు బ్లాక్‌క్యాప్స్ అధికారిక టిక్‌టాక్ ఖాతా ద్వారా ఈ లైవ్ స్ట్రీమింగ్ అందుబాటులోకి తెచ్చారు. ముఖ్యంగా స్మార్ట్‌ఫోన్లలో వీడియోలు వీక్షించే యూజర్ల కోసం వర్టికల్ ఫార్మాట్‌లో ప్రత్యేక కవరేజీని డిజైన్ చేశారు. పొట్టి ఫార్మాట్‌లో పవర్‌ప్లే అత్యంత కీలకమైన, ఉత్కంఠభరితమైన ఘట్టం కావడంతో ఫీల్డింగ్ ఆంక్షల వేళ బ్యాటర్ల బాదుడు, బౌలర్ల వికెట్ల వేటను లైవ్‌లో చూపించి యువతను ఆకట్టుకోవడమే లక్ష్యంగా బోర్డు భావిస్తోంది.

డిజిటల్ వ్యూహం: సాంప్రదాయ టీవీ చానెళ్ల వైపు యూజర్లు
క్రీడా ప్రసారకర్తలు అభిమానులను చేరుకోవడానికి వారు నిరంతరం ఉపయోగించే డిజిటల్ వేదికలపై దృష్టి పెడుతున్నారు. టిక్‌టాక్ ద్వారా మ్యాచ్ మొత్తం రాకపోయినప్పటికీ, ఆరంభ ఆరు ఓవర్ల ఉత్కంఠను చూసిన యువత మిగిలిన ఆటను చూడటానికి టీవీ బ్రాడ్‌కాస్ట్ ఛానెళ్ల వైపు మొగ్గు చూపేలా ఈ వ్యూహం రచించారు. న్యూజిలాండ్ స్థానిక కాలమానం ప్రకారం రాత్రి ఎనిమిది గంటలకు, భారత కాలమానం ప్రకారం మధ్యాహ్నం 12:30 గంటలకు మ్యాచ్ జ‌రిగింది. కివీస్ ప్రేక్షకులకు త్రీ, త్రీనౌ ప్లాట్‌ఫామ్‌లలో పూర్తి మ్యాచ్ ఉచితంగా ప్రసారమైంది.

భారత వీక్షకులకు ప్రసార వివరాలు: సోనీ వేదికగా మ్యాచ్‌లు
ఈ సరికొత్త టిక్‌టాక్ లైవ్ స్ట్రీమింగ్ సదుపాయం కేవలం న్యూజిలాండ్ దేశీయ ప్రేక్షకులకు మాత్రమే వర్తిస్తుంది. ప్రస్తుతం ఇతర దేశాలకు ఈ ఫీచర్ అందుబాటులో లేదు. ఇక భారత్‌లోని క్రికెట్ ప్రేమికులు ఈ సిరీస్‌ను సోనీ స్పోర్ట్స్ నెట్‌వర్క్ ఛానెళ్లలో వీక్షించవచ్చు. డిజిటల్ ప్లాట్‌ఫామ్ అయిన సోనీలివ్ యాప్‌లో పూర్తి మ్యాచ్‌ల లైవ్ స్ట్రీమింగ్ ప్రసారం కానుంది.

కివీస్ పర్యటన షెడ్యూల్: సుదీర్ఘ పోరుకు టీమిండియా రెడీ
న్యూజిలాండ్ గడ్డపై భారత జట్టు ఐదు టీ20ల సిరీస్‌తో పాటు ఐదు వన్డేలు, రెండు టెస్టు మ్యాచ్‌ల సుదీర్ఘ పర్యటనను కొనసాగించనుంది. సంప్రదాయ టీవీ ప్రసారాలకు ఆధునిక షార్ట్ వీడియో ఫార్మాట్‌ను జోడించి చేపట్టిన ఈ ప్రయోగం రాబోయే రోజుల్లో క్రీడా ప్రసార రంగంలో పెద్ద మార్పులకు దారితీయనుంది.

AP Municipal Elections Postponed: నవంబర్ 1న ఏపీ మున్సిపల్ ఎన్నికల పోలింగ్ - నామినేషన్లపై నిర్ణయం పెండింగ్ !

Raja Sekhar Allu — Thu, 22 Oct 2026 21:16:20 +0530

AP SEC Local Body Elections Postponed: ఆంధ్రప్రదేశ్ స్థానిక సంస్థల ఎన్నికల సమరంలో కీలక పరిణామం చోటుచేసుకుంది. రాష్ట్రంలోని 99 మున్సిపాలిటీలు , నగర పాలక సంస్థల పోలింగ్ తేదీలను రాష్ట్ర ఎన్నికల సంఘం సవరించింది. ముందస్తు షెడ్యూల్ స్థానంలో నూతన ప్రకటన విడుదల చేస్తూ.. నవంబర్ 1వ తేదీన మున్సిపల్ పోలింగ్ నిర్వహించనున్నట్లు, అనంతరం నవంబర్ 3వ తేదీన ఓట్ల లెక్కింపు ప్రక్రియ పూర్తి చేసి ఫలితాలు వెల్లడించనున్నట్లు ఎస్ఈసీ స్పష్టం చేసింది. అయితే, వివాదాస్పదంగా మారిన మైదుకూరు మున్సిపాలిటీకి సంబంధించి ప్రస్తుతానికి ఎలాంటి ప్రకటన చేయలేదని, అక్కడ ప్రత్యేకంగా నూతన నోటిఫికేషన్ విడుదల చేయనున్నట్లు అధికారులు వెల్లడించారు.

ఎన్నికల నిర్వహణ, న్యాయపరమైన అంశాలు , సమస్యాత్మక ప్రాంతాల్లో భద్రతా ఏర్పాట్లను సమీక్షించిన పిదప ఎస్ఈసీ ఈ నిర్ణయం తీసుకుంది. వైఎస్సార్ కడప జిల్లాలోని మైదుకూరు మున్సిపాలిటీలో గతంలో చోటుచేసుకున్న పరిణామాలు, అక్రమాలు , చట్టపరమైన సంక్లిష్టతల దృష్ట్యా అక్కడ ఎన్నికల ప్రక్రియను తాత్కాలికంగా పక్కన పెట్టారు. త్వరలోనే మైదుకూరుకు ప్రత్యేక సవరించిన ఎన్నికల షెడ్యూల్ జారీ చేస్తామని, మిగిలిన 99 పట్టణ స్థానిక సంస్థల్లో మాత్రం నవంబర్ 1న పూర్తి పారదర్శకతతో పోలింగ్ నిర్వహిస్తామని ఎస్ఈసీ అధికారులు వివరించారు.

అయితే, ఈ నూతన షెడ్యూల్ వచ్చినప్పటికీ.. సుప్రీంకోర్టు ఉత్తర్వులు ఇచ్చిన 19 సమస్యాత్మక మున్సిపాలిటీలలో నామినేషన్ల గడువు పొడిగింపు అంశంపై ఇంకా ఉత్కంఠ కొనసాగుతోంది. ఈ 19 మున్సిపాలిటీలలో నామినేషన్లు వేయలేకపోయిన అభ్యర్థులకు 48 గంటల అదనపు సమయం ఇస్తూ రీ-నామినేషన్లను అనుమతించడంపై ఎస్ఈసీ తన తుది నిర్ణయాన్ని ఇంకా అధికారికంగా వెల్లడించలేదు. న్యాయ నిపుణుల సలహాలు, జిల్లాల కలెక్టర్లు , ఎస్పీల నుంచి వస్తున్న గ్రౌండ్ రిపోర్టులను పరిశీలిస్తున్నందున దీనిపై స్పష్టత రావడానికి మరికొంత సమయం పట్టే అవకాశం ఉంది.

ఈ 19 స్థానాల్లో రీ-నామినేషన్లకు గ్రీన్ సిగ్నల్ ఇస్తే, ఆయా మున్సిపాలిటీలకు వేరుగా నోటిఫికేషన్ ఇస్తారా లేక నవంబర్ 1న జరగబోయే ఎన్నికల్లోనే వాటిని కూడా కలిపి నిర్వహిస్తారా అనే దానిపై సస్పెన్స్ నెలకొంది. విపక్షాలు దాఖలు చేసిన ఫిర్యాదులలో నిజానిజాలను క్షుణ్ణంగా వెరిఫై చేసిన తర్వాతే నిర్ణయం తీసుకోవాలని ఎస్ఈసీ భావిస్తోంది. సుప్రీంకోర్టు ఆదేశాల ప్రకారం ప్రతి అభ్యర్థికి రక్షణ కల్పించి, పారదర్శకంగా ఎన్నిక నిర్వహించడమే లక్ష్యమని రాష్ట్ర ఎన్నికల సంఘం వర్గాలు పేర్కొంటున్నాయి.

ముగింపుగా చెప్పాలంటే.. నవంబర్ 1న పోలింగ్, 3న కౌంటింగ్ ఖరారు కావడంతో కూటమి , ప్రతిపక్ష వైఎస్సార్‌సీపీలు తమ ప్రచార వ్యూహాలకు పదును పెడుతున్నాయి. మరోవైపు ఎస్ఈసీ నిర్ణయం ఆధారంగా ఆ 19 మున్సిపాలిటీల భవిష్యత్తు , మైదుకూరు ప్రత్యేక నోటిఫికేషన్ తేదీలు ఆధారపడి ఉన్నందున ఏపీ స్థానిక పోరు రాబోయే రోజుల్లో మరింత ఆసక్తికరమైన మలుపులు తిరగడం ఖాయం.

Brook Historic Blitz: గిల్ రికార్డును బ‌ద్ద‌లు కొట్టిన ఇంగ్లండ్ కెప్టెన్.. వన్డేల్లో ఫాస్టెస్ట్ డబుల్ సెంచరీతో బ్రూక్ వరల్డ్ రికార్డు

Ayesha — Thu, 22 Oct 2026 21:01:33 +0530

England Skipper Breaks Shubman Gills World Record With Sensational Double Ton In Tri Series Encounter: వన్డే క్రికెట్ చరిత్రలోనే కనీవినీ ఎరుగని సరికొత్త సంచలనం నమోదైంది. ఇంగ్లండ్ కెప్టెన్ హ్యారీ బ్రూక్ విధ్వంసకర బ్యాటింగ్‌తో రికార్డుల పుస్తకాలను తిరగరాశాడు. గురువారం రావల్పిండి వేదికగా శ్రీలంకతో జరిగిన వన్డే ట్రై సిరీస్ మ్యాచ్‌లో బ్రూక్ కేవలం 114 బంతుల్లోనే డబుల్ సెంచరీ సాధించి, పురుషుల వన్డేల్లో ఫాస్టెస్ట్ ద్విశతకం నమోదు చేసిన ప్లేయర్‌గా చరిత్ర సృష్టించాడు. ఇంగ్లండ్ తరఫున వన్డేల్లో ఈ ఘనత సాధించిన మొట్టమొదటి బ్యాటర్‌గా నిలిచాడు. ఇన్నింగ్స్ ఆఖరి బంతికి ఔటయ్యే సమయానికి 116 బంతుల్లో 21 ఫోర్లు, 10 భారీ సిక్సర్ల సాయంతో 202 పరుగులు జోడించాడు. గత నెలలో గువాహటి వేదికగా వెస్టిండీస్‌పై భారత స్టార్ బ్యాటర్ శుభ్‌మన్ గిల్ 116 బంతుల్లో సాధించిన రికార్డును బ్రూక్ బద్దలు కొట్టాడు. తొలి శతకాన్ని 75 బంతుల్లో చేరుకున్న బ్రూక్, తర్వాతి సెంచరీని కేవలం 39 బంతుల్లోనే పూర్తి చేయడం అతడి విధ్వంసానికి అద్దం పడుతోంది.

పరుగుల సునామీ: ఇంగ్లండ్ భారీ స్కోరు
టాస్ ఓడి తొలుత బ్యాటింగ్‌కు దిగిన ఇంగ్లండ్ నిర్ణీత 50 ఓవర్లలో 4 వికెట్ల నష్టానికి 429 పరుగుల భారీ స్కోరు సాధించింది. వన్డే చరిత్రలో ఇది ఇంగ్లండ్‌కు నాలుగో అత్యధిక స్కోరు. బ్రూక్‌తో పాటు జో రూట్ (69), విల్ జాక్స్ (66 నాటౌట్), టామ్ బాంటన్ (50) అర్ధ శతకాలతో రాణించారు. ఆఖరి 10 ఓవర్లలో బ్రూక్, జాక్స్ జోడీ ఏకంగా 156 పరుగులు పిండుకోవడంతో శ్రీలంక బౌలర్లు తీవ్రంగా విలవిల్లాడారు. లంక పేసర్లు ఇషాన్ మలింగ వికెట్ లేకుండా 91 పరుగులు, దిల్షాన్ మదుశంక 89 పరుగులు సమర్పించుకున్నారు. రెండేళ్ల తర్వాత వన్డేల్లోకి రీఎంట్రీ ఇచ్చిన దాసున్ శనక ఆరు ఓవర్లలోనే 74 పరుగులు ఇచ్చాడు. లెఫ్టార్మ్ స్పిన్నర్ దునిత్ వెల్లలాగే మాత్రమే 56 పరుగులిచ్చి రెండు వికెట్లు తీశాడు.

వన్డేల్లో వేగవంతమైన డబుల్ సెంచరీలు: అగ్రస్థానంలో బ్రూక్
ఈ అద్భుత ఇన్నింగ్స్‌తో అంతర్జాతీయ వన్డేల్లో అత్యంత వేగంగా డబుల్ సెంచరీ చేసిన దిగ్గజాల జాబితాలో హ్యారీ బ్రూక్ అగ్రస్థానాన్ని దక్కించుకున్నాడు. గిల్ (116 బంతులు), ఇషాన్ కిషన్ (126 బంతులు), గ్లెన్ మ్యాక్స్‌వెల్ (128 బంతులు), పథుమ్ నిస్సాంక (136 బంతులు), క్రిస్ గేల్ (138 బంతులు), వీరేంద్ర సెహ్వాగ్ (140 బంతులు) తర్వాత స్థానాల్లో ఉన్నారు.

పాకిస్థాన్ గడ్డపై ఆల్ టైమ్ రికార్డు: తొలి విజయం కోసం పోరు
పాకిస్థాన్ గడ్డపై ఒక వన్డే ఇన్నింగ్స్‌లో నమోదైన అత్యధిక వ్యక్తిగత స్కోరుతో పాటు శ్రీలంకపై ఇంగ్లండ్‌ కు ఇదే అత్యధిక స్కోరుగా నిలిచింది. పాకిస్థాన్‌తో జరిగిన తమ మొదటి మ్యాచ్‌లలో ఓటమి పాలైన ఇరు జట్లకు ఈ మ్యాచ్ విజయం ఎంతో కీలకం గా మారింది.

ABP Desam Top 10, 22 October 2026: ఏబీపీ దేశం సాయంకాల బులెటిన్‌లో నేటి బ్రేకింగ్ న్యూస్, టాప్ 10 ముఖ్యాంశాలు చదవండి - Evening

ABP Desam — Thu, 22 Oct 2026 21:00:03 +0530

Hyderabad Kangaroos : హైదరాబాద్ జూకు కొత్త మెరుపులు - వంతారా నుంచి కంగారూలు, లెమూర్ల రాక!
Hyderabad Zoo Kangaroos: హైదరాబాద్ నెహ్రూ జూలాజికల్ పార్క్‌కు గుజరాత్ వంతారా నుంచి కంగారూలు, వాలబీలు, రింగ్ టెయిల్డ్ లెమూర్లు రానున్నాయి. వీటి సంరక్షణకు ప్రత్యేక జాగ్రత్తలు తీసుకుంటున్నారు. Read More
Washing Machines: ఫ్రంట్ లోడ్ వర్సెస్ టాప్ లోడ్ వాషింగ్ మెషీన్లు.. ఏది బెటర్? మోటార్, వాటర్, స్పిన్ స్పీడ్ తేడాలు ఇవే!
Washing Machines: మార్కెట్లో ఉన్న ఫ్రంట్ లోడ్, టాప్ లోడ్ వాషింగ్ మెషీన్లలో ఏది బెస్ట్. బట్టల సెఫ్టీ, కరెంట్ వాడకం తేడాలేంటో తెలుసుకుందాం. Read More
Google Search: గూగుల్ సెర్చ్‌లో కీలక మార్పులు.. AI ఓవర్ వ్యూస్‌తో పాటు వెబ్‌సైట్ లింక్‌లకు చోటు
Google Search: గూగుల్ సెర్చ్‌లో కీలక మార్పులు చేయనుంది. వెబ్‌సైట్ల ట్రాఫిక్ తగ్గకుండా ట్రాఫిక్‌ను బ్యాలెన్స్ చేసేలా చర్యలు తీసుకోనుంది. Read More
FCRI Admissions 2026: ములుగు ఎఫ్‌సీఆర్ఐ ఎంఎస్సీ, పీహెచ్‌డీ ఫారెస్ట్రీ కోర్సుల్లో ప్రవేశాలు.. అర్హతలు, సీట్లు వివరాలు ఇలా!
FCRI Admissions 2026: ములుగులోని ఫారెస్ట్ కాలేజీలో 2026 అడ్మిషన్లకు నోటిఫికేషన్ విడుదలైంది. అర్హులైన అభ్యర్థులు దరఖాస్తు చేసుకోవచ్చు. Read More
Nuvvu leka Neanu Lenu Serial Today Sep 22: విక్కీ తల్లిదండ్రుల మనసులో విషం నింపిన దమయంతి..రాధ మీ కొడుకుని మీకు దూరం చేస్తుందంటూ తప్పుడు ప్రచారం
Nuvvu leka Neanu Lenu Serial Today Episode Sep22: రాధను చూడటానికి విక్కీ రాగా...రామచంద్రం తిప్పి పంపిస్తాడు. అప్పుడే దమయంతి సునంద దగ్గరకు వచ్చి మీ కొడుకుని రాధ మీకు దూరం చేస్తోందంటూ చెబుతుంది Read More
Pavithra Naik: నిండు మనసులు ప్రేరణ నటనకు తెలుగువాళ్లు ఫిదా.. పవిత్ర నాయక్ కెరీర్, రెమ్యూనిరేషన్ విషయాలివే!
Pavithra Naik: నిండు మనసులు సీరియల్‍లో హీరోయిన్ క్యారెక్టర్ చేస్తున్న ప్రేరణ అలియాస్ పవిత్ర నాయక్ కన్నడ ముద్దుగుమ్మ. ఆమె కెరీర్ గురించి ఇంట్రెస్టింగ్ విషయాలు తెలుసుకుందాం. Read More
PV Sindhu Bathukamma Controversy: పీవీ సింధు వెండి బతుకమ్మపై ట్రోలింగ్.. నెటిజన్‌కు దిమ్మతిరిగే కౌంటర్
బతుకమ్మ ఫోటోలపై నెటిజన్ చేసిన విమర్శలకు ఒలింపిక్ మెడలిస్ట్ పీవీ సింధు హుందాగా సమాధానమిస్తూ, విమర్శించే ముందు కుటుంబ సంప్రదాయాలను, భావోద్వేగాలను అర్థం చేసుకోవాలన్నారు. Read More
Asian Games 2026 Closing Ceremony: 16 రోజుల ఆసియా క్రీడల‌ సమరానికి ముగింపు .. మువ్వన్నెల పతాకధారిగా డబుల్ గోల్డ్ స్టార్ నీరు ధాండా, 85 పతకాలతో నాలుగో స్థానంలో భారత్ ప్రస్థానం
ఆసియా క్రీడల ముగింపు వేడుకల్లో భారత పతాకధారిగా డబుల్ గోల్డ్ మెడలిస్ట్ నీరు ధాండా నిలవగా, భారత్ మొత్తం 85 పతకాలతో నాలుగో స్థానంలో త‌న ప్రస్థానాన్ని ముగించింది. Read More
Slim Waist Surgery : నడుమును సన్నగా చేసే రిబ్ మోడలింగ్ సర్జరీ.. ఎంత ప్రమాదమో తెలుసా?
Rib Modeling Surgery : సన్నని నడుము కోసం పక్కటెముకలను విరగ్గొట్టుకుంటున్నారా? సోషల్ మీడియాలో ట్రెండ్ అవుతోన్న రిబ్ మోడలింగ్ సర్జరీ ప్రమాదమా? నిపుణులు ఏమంటున్నారో తెలుసా? Read More
Jio IPO Subscribed 3.47 Times: జియో ఐపీఓ ప్రభంజనం - రెండో రోజే 3.47 రెట్ల సబ్‌స్క్రిప్షన్ - రూ. 3.5 లక్షల కోట్లు
Jio IPO Subscription Status Day 2: రిలయన్స్ జియో ఐపీఓ రెండో రోజు మధ్యాహ్నానికి 3.47 రెట్లు సబ్‌స్క్రైబ్ అయింది. క్యూఐబీ, రిటైల్ కేటగిరీ బిడ్డింగ్ సంచలనం సృష్టించింది. Read More

AP Local Elections: ఏపీలో స్థానిక పోరు- తీవ్ర ఉద్రిక్తతల మధ్య నామినేషన్లు.. సుప్రీం ఆదేశాలతో ఎస్ఈసీ నిర్ణయంపై ఉత్కంఠ!

Satyaprasad Bandaru — Thu, 22 Oct 2026 20:56:27 +0530

AP Local Elections: ఏపీలో స్థానిక సంస్థల ఎన్నికలు రాజకీయంగా తీవ్ర ఉత్కంఠను రేపుతోంది. ఒకవైపు నామినేషన్ల పర్వంతో వివిధ నియోజకవర్గాల్లో భారీ ర్యాలీలు, సభలు సాగుతుండగా, మరోవైపు అభ్యర్థుల ఫిర్యాదులు, సవాళ్లు-ప్రతిసవాళ్లు, సుప్రీంకోర్టు ఆదేశాలు, ప్రధాన పార్టీల భేటీలతో రాష్ట్ర రాజకీయాలు ఒక్కసారిగా వేడెక్కాయి.

ఉద్రిక్తతల మధ్య నామినేషన్ల పర్వం

రాష్ట్రవ్యాప్తంగా స్థానిక సంస్థల స్థానాలకు నామినేషన్ల ప్రక్రియ ఊపందుకుంది. కూటమి అభ్యర్థులు, ప్రతిపక్ష వైఎస్సార్‌సీపీ అభ్యర్థులు తమ మద్దతుదారులతో కలిసి భారీ ర్యాలీగా వచ్చి నామినేషన్ పత్రాలను దాఖలు చేస్తున్నారు. అనేక చోట్ల ర్యాలీలు, నామినేషన్ కేంద్రాల వద్ద పోటాపోటీ నినాదాలు చోటుచేసుకున్నాయి. నామినేషన్ల దాఖలు చేయడంలో అడ్డంకులు ఎదురవుతున్నాయని, పలుచోట్ల హింసాత్మక ఘటనలు చోటుచేసుకున్నాయని పరస్పర ఆరోపణలు వస్తు్న్నాయి. నామినేషన్ కేంద్రాల వద్ద ఎలాంటి అవాంఛనీయ సంఘటనలు జరగకుండా బారికేడ్లు ఏర్పాటు చేసి, అదనపు పోలీసు బలగాలతో భారీ భద్రతను ఏర్పాటు చేశారు.

సుప్రీంకోర్టు ఆదేశాలు – ఎస్ఈసీ చర్యలు

నామినేషన్ల ప్రక్రియలో అడ్డంకులు ఎదురవుతున్నాయని వైఎస్సార్‌సీపీ వేసిన పిటిషన్‌పై విచారణ జరిపిన సుప్రీంకోర్టు, నామినేషన్ ప్రక్రియ పారదర్శకంగా జరగాలని, అభ్యర్థులందరికీ రక్షణ కల్పించాలని ఆదేశించింది. ఈ పరిణామాల నేపథ్యంలో, సుప్రీంకోర్టు ఆదేశాలతో రాష్ట్ర ఎన్నికల కమిషన్ 100 మున్సిపల్ స్థానాల్లో ఎన్నికల ప్రక్రియను తాత్కాలికంగా నిలిపివేస్తూ నిర్ణయం తీసుకుంది. నామినేషన్ల గడువు పొడిగింపు, అభ్యర్థుల తుది జాబితా ప్రకటనపై నివేదికల ఆధారంగా చర్యలు చేపడతామని తెలిపింది.

కూటమి వ్యూహాలు

స్థానిక పోరులో అనుసరించాల్సిన వ్యూహాలపై ప్రధాన రాజకీయ పార్టీల నాయకులు తీవ్ర స్థాయిలో సమీక్షలు నిర్వహిస్తున్నారు. సీఎం చంద్రబాబు, డిప్యూటీ సీఎం పవన్ కళ్యాణ్, బీజేపీ నేతలతో కలిసి ఎన్నికల పురోగతి, శాంతిభద్రతలపై ఉమ్మడి వ్యూహాలపై చర్చించారు. ఎన్నికలు పారదర్శకంగా జరగాలని, ఎస్ఈసీ నిర్ణయాలకు కట్టుబడి ఉంటామని స్పష్టం చేశారు.

ప్రతిపక్షం సవాళ్లు

వైఎస్సార్‌సీపీ అధినేత వైఎస్ జగన్ మోహన్ రెడ్డి పార్టీ ముఖ్య నేతలతో భేటీ అయి నామినేషన్ వేయలేకపోయిన అభ్యర్థుల పరిస్థితిపై, న్యాయపోరాటంపై చర్చలు జరిపారు. ప్రాంతీయంగా ఉద్రిక్తతలు చోటుచేసుకున్నప్పటికీ, జిల్లా యంత్రాంగం, ఎస్పీలు, కలెక్టర్ల నివేదికల ఆధారంగా ఎన్నికల కమిషన్ ప్రక్రియను ముందుకు తీసుకెళ్తోంది.

ఈసీ నిర్ణయంపై సర్వత్రా ఉత్కంఠ

ఏపీలో పట్టణ స్థానిక సంస్థల ఎన్నికల ప్రక్రియపై ఉత్కంఠ నెలకొంది. సుప్రీంకోర్టు ఇచ్చిన గడువు మరికొన్ని గంటల్లో ముగుస్తుండడంతో రాష్ట్ర ఎన్నికల సంఘం ఎలాంటి నిర్ణయం తీసుకుంటుందోనని ఉత్కంఠ కొనసాగుతోంది. సుప్రీంకోర్టు ఆదేశాలతో ఎస్‌ఈసీ అనిల్‌ చంద్ర పునేఠా ఇప్పటికే వివిధ జిల్లాల కలెక్టర్లు, ఎస్పీల నుంచి నివేదికలు తెప్పించుకున్నారు. ఎన్నికల సంఘం కార్యదర్శి మల్లికార్జున, ఐజీ రాజకుమారితో సమీక్ష నిర్వహించారు. సుప్రీంకోర్టు ఆదేశాల మేరకు ఇవ్వాల్సిన గడువు, ఇతర తేదీలపై కసరత్తు చేస్తున్నారు. మిగిలిన ఎన్నికల షెడ్యూల్‌కు ఎలాంటి ఆటంకం లేకుండా షెడ్యూల్ విడుదలపై పునేఠా కసరత్తు చేశారు. అంశాల వారీగా ఎస్‌ఈసీ నిర్ణయం ప్రకటించే ఛాన్స్ ఉంది. పలుచోట్ల నామినేషన్లు వేయనీయకుండా తమ అభ్యర్థులను అడ్డుకున్నారని వైసీపీ సుప్రీంకోర్టును ఆశ్రయించిన సంగతి తెలిసిందే. దీనిపై విచారణ చేపట్టిన సుప్రీంకోర్టు 25వ తేదీ వరకు అభ్యర్థుల జాబితా ప్రకటన నిలిపివేసి ఫిర్యాదులపై ఒక నిర్ణయం ప్రకటించాలని ఎస్ఈసీని ఆదేశించింది.

Bigg Boss Season 10 Today Promo: బిగ్‌బాస్ సీజన్ 10 టుడే ప్రోమో: అందర్ని నవ్వించే నరేశ్‌ని ఏడిపించేశారు కదయ్యా! అరాచకంగా ఆడిన రాంప్రసాద్, అమన్!

Jhanshi Balleda — Thu, 22 Oct 2026 19:09:30 +0530

Bigg Boss Season 10 Letest Promo: బిగ్‌బాస్ ఇంట్లో ఏడో వారం బిగ్‌బాస్ ఏడో అవతారం "గోట్.. గ్రేటెస్ట్ ఆఫ్ ఆల్ టైం" ప్రారంభమైంది. బిగ్‌బాస్ హౌస్‌లో ఇప్పటివరకు ఒక లెక్క.. ఇకపై మరో లెక్క..ఆటగాళ్లకు అసలైన పరీక్ష పెట్టడానికి బిగ్‌బాస్ తీసుకొచ్చిన కొత్త అవతారం గోట్ ఇప్పుడు హౌస్‌లో టెన్షన్ పెంచేస్తోంది. ఇక్కడ ఎవరికి ఎప్పుడు ప్రమాదం వస్తుందో, ఎవరు ఆట నుంచి బయటకు వెళ్లాల్సి వస్తుందో ఊహించడం కూడా కష్టమే! ఎందుకంటే ఈసారి ఎలిమినేషన్ అనేది కేవలం నామినేషన్లకే పరిమితం కాదు.. సడన్ ఎలిమినేషన్ కూడా ఉండొచ్చని బిగ్‌బాస్ అనౌన్స్ చేశారు.

బిగ్‌బాస్ హౌస్‌లోని సభ్యులందరినీ రెండు క్యాటగిరీలుగా విభజించారు. ఒకటి రెడ్ లెవల్.. మరొకటి ఎల్లో లెవల్. నిన్న రెడ్ లెవల్‌లో ఉన్న సభ్యులకు ఎల్లో లెవల్‌కు వెళ్లే అవకాశం ఇస్తూ ఓ గేమ్ పెట్టగానే రాంప్రసాద్ విన్ అయి ఎల్లో టీంలోకి వెళ్లాడు. ఇక ఈ రోజు ఎల్లో కేటగిరిలో ఉన్న వాళ్లకి గోట్ అయ్యే ఛాన్స్ ఇచ్చి మూటలు మోసే టాస్క్ ఇస్తారు. తాజాగా ఇందుకు సంబంధించిన ప్రోమోని బిగ్‌బాస్ టీం విడుదల చేసింది. ఎంతో ఇంట్రస్టింగ్‌గా ఉన్న ఆ ప్రోమోలో ఏం ఉందో ఇప్పుడు తెలుసుకుందాం..

ప్రోమోలో ఉంది ఇదే..

బిగ్‌బాస్ ఎల్లో కేటగిరిలో ఉన్న వాళ్లు గ్రీన్‌ కేటగిరిలోకి వెళ్లి గోట్ అయ్యేందుకు గోట్ ఆఫ్ ఎన్జ్యూరెన్స్ టాస్క్ ఇస్తారు. 1, 2, 3, 4 ఇలా రకరకాల కేజీల బరువు ఉన్న మూటలను ఏర్పాటు చేసి ఎల్లో టీంలో ఉన్న అందరికీ ఓ కర్రని ఇచ్చి భుజం మీద మోస్తూ రడ్ కేటగిరిలో ఉన్న వాళ్లు బజర్ మోగినప్పుడు ఒక్కొక్కరు వచ్చి ఎవరిని అవుట్ చేయాలి అనుకుంటున్నారో వాళ్లకి బిగ్‌బాస్ చెప్పినంత వెయిట్ పెట్టాల్సి ఉంటుంది. రాంప్రసాద్ వర్షిణిని టార్గెట్ చేసి బరువు పెట్టడంతో వర్షిణి ఏడ్చేస్తుంది. ఇక రోహిత్ అయితే త్రిగుణ్‌కి ఒకవైపు మాత్రమే మూడు నాలుగు మూటలు పెడతాడు. ఇక చివరకు రాంప్రసాద్, అమన్, వంశీ మిగులుతారు. అప్పటికే రాంప్రసాద్ ఎక్కువ బరువు మోస్తుంటాడు. వంశీ వచ్చి అమన్‌కి మోటలు వేయాలి అనుకుంటే అమన్ వేయొద్దు అని అరుస్తాడు. బతిమాలుతాడు. 51 కేజీలు మోసిన రాంప్రసాద్ బరువు మోయలేక వదిలేస్తాడు. అమన్ నరేశ్‌కి వదిలేయమని బతిమాలితే నాకు ఈ ఇంట్లో ఏం గుర్తింపు లేదురా ఇదొక్కటే చివరి వరకు వచ్చానురా అని నరేశ్ చెప్తాడు. రాంప్రసాద్‌కి ఛాన్స్ వస్తే అమన్‌కి వేయాలని వెళ్తాడు. తర్వాత శివ్ వచ్చి అమన్, నరేశ్ ఇద్దరికీ వేస్తాడు. ముకేశ్ అమన్‌కి వేసే టైంకి అమన్ లగేజ్ కింద పడేసి ఇంట్లో నాకు ఎవ్వరూ లేరు అని ఏడుస్తాడు. నరేశ్ కూడా ఏడుస్తూ రాంప్రసాద్‌తో మూడు గంటలు ఆడాను అన్న బరువు మోస్తూనే ఉన్నాను. సేఫ్ గేమ్ అంటారేంటి అన్న మరి నన్ను ఎందుకు ఆడించడం అని ఏడుస్తాడు.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Super Thriller Series OTT : ఫోన్‌లో ఫ్యూచర్ ముందే తెలిస్తే? - ఓటీటీలో మెగా డాటర్ సూపర్ థ్రిల్లర్ సిరీస్... 7 భాషల్లో స్ట్రీమింగ్

Ganesh Guptha — Thu, 22 Oct 2026 19:00:57 +0530

Vishwadev's Super Natural Thriller Series OTT Streaming : మెగా డాటర్ సుస్మిత కొణిదెల నిర్మించిన సూపర్ నేచరల్ థ్రిల్లర్ సిరీస్ 'వరం' (Varam). '35 చిన్న కథ కాదు' మూవీ ఫేమ్ విశ్వదేవ్, శివాత్మక రాజశేఖర్ ప్రధాన పాత్రల్లో నటించిన ఈ సిరీస్ ఓటీటీలోకి వచ్చేసింది.

ఎందులో స్ట్రీమింగ్ అవుతుందంటే?

ఈ సిరీస్ ప్రముఖ ఓటీటీ జియో హాట్ స్టార్‍‌లో (Jio Hotstar) గురువారం నుంచి స్ట్రీమింగ్ అవుతోంది. తెలుగుతో పాటు హిందీ, బెంగాళీ, కన్నడ, మలయాళం, మరాఠీ, తమిళం భాషల్లో అందుబాటులోకి వచ్చింది. సీజన్ 1లో ఫస్ట్ డే రెండు ఎపిసోడ్స్ స్ట్రీమ్ అవుతున్నాయి. సిరీస్‌కు ఆదిత్య మండల దర్శకత్వం వహించగా... అవసరాల శ్రీనివాస్, శివాజీ రాజా, అజయ్, ధన్ రాజ్, జైత్రి మకానా, శృతి జయన్, సురభి ప్రభావతి, వినీత్ రమేష్ తదితరులు కీలకపాత్రలు పోషించారు. గోల్డ్ బాక్స్ ఎంటర్టైన్మెంట్ బ్యానర్‌పై సుస్మిత కొణిదెల నిర్మిస్తున్నారు.

Also Read : Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

స్టోరీ ఏంటంటే?

తాగొచ్చి తల్లిని నిత్యం కొట్టే తండ్రి (శివాజీ రాజా). పేదరికంలో ఉంటే తన కోసం కష్టపడే తల్లికి తన వంతు సాయం చేయాలనుకునే నిరుపేద కుర్రాడు రాజు (విశ్వదేవ్). పబ్లిక్ టాయిలెట్‌లో పని చేస్తూ ఎన్నో అవమానాలు ఎదుర్కొంటాడు. తొలి చూపులోనే సత్య (శివాత్మిక) అనే అమ్మాయిని ప్రేమిస్తాడు. అయితే, ఆ అమ్మాయిని రాష్ట్ర మంత్రి కూడా సొంతం చేసుకోవాలని చూస్తాడు. అనుకోకుండా రాజుకు ఓ వరం లభిస్తుంది. రేపు ఏం జరగ బోతుందో ఒక రోజు ముందే ఫోన్‌లో వార్తల రూపంలో తెలుస్తుంది. దీంతో ఒక్క రోజులోనే అతని లైఫ్ స్టైల్ మారిపోతుంది.

ఈ వరంతో తాను పేదరికం నుంచి బయటపడి తన కోరికలను నెరవేర్చుకోవాలని భావిస్తాడు రాజు. అలా, ఐపీఎల్ బెట్టింగ్, కౌన్ బనేగా కరోడ్ పతి వంటి గేమ్స్‌లో గెలిచేలా చేసి డబ్బు సంపాదిస్తాడు. అయితే, టాయిలెట్స్ కడిగే యువకుడు ఒక్క రోజులో కోటీశ్వరుడిగా ఎలా మారిపోయాడు? అని మంత్రికి అనుమానం కలుగుతుంది. దీని వెనుక సీక్రెట్ ఏంటో తెలుసుకోవాలనుకుంటాడు. ఆ తర్వాత ఏం జరిగింది? అసలు రాజుకు ఆ వరం ఎలా వచ్చింది? ఫ్యూచర్‌ను మార్చాలనుకుని ఎలాంటి ప్రమాదాలు కొనితెచ్చుకున్నాడు? తాను ప్రేమించిన అమ్మాయిని పెళ్లాడాడా? అనేది తెలియాలంటే సిరీస్ చూడాల్సిందే.

View this post on Instagram

A post shared by JioHotstar Telugu (@jiohotstartelugu)

Also Read : Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Friday OTT Movies : శుక్రవారం ఓటీటీ మూవీస్ - బోల్డ్ మూవీ To సస్పెన్స్ థ్రిల్లర్స్... ఒకే రోజు 10 సినిమాలు స్ట్రీమింగ్

Ganesh Guptha — Thu, 22 Oct 2026 18:18:52 +0530

Friday OTT Streaming Complete List : దసరా ఫెస్టివల్ ఎంటర్టైన్మెంట్ వీక్‌లో శుక్రవారం కాంట్రవర్సియల్ బోల్డ్ మూవీతో పాటు క్రైమ్ యాక్షన్ థ్రిల్లర్స్ స్ట్రీమింగ్ అవుతున్నాయి. మరి ఏ ఓటీటీల్లో ఏ మూవీస్ చూడొచ్చో ఓసారి చూస్తే...

డోరతీ (Dorothy) - స్టార్ హీరోయిన్ కీర్తి సురేష్ ప్రధాన పాత్రలో నటించిన బోల్డ్ మూవీ డోరతీ. ఇంటర్నేషనల్ ఓటీటీ 'నెట్ ఫ్లిక్స్' (Netflix)లో శుక్రవారం (అక్టోబర్ 23) నుంచి తమిళంతో పాటు తెలుగు, కన్నడ, మలయాళం, హిందీ భాషల్లో స్ట్రీమింగ్ అవుతోంది. కార్తిక్ సుబ్బరాజు దర్శకత్వం వహించిన ఈ సినిమాలో కీర్తి సురేష్ తోపాటు రిషికాంత్ సనత్ ప్రధాన పాత్రల్లో నటించారు.

గజబ్ రాత్ (Gajab Rath) - బాలీవుడ్ స్టార్ నటుడు మనోజ్ బాజ్‌పాయ్ ప్రధాన పాత్రలో నటించిన లేటెస్ట్ క్రైమ్ సస్పెన్స్ థ్రిల్లర్ 'గజబ్ రాత్'. ఈ మూవీ డైరెక్ట్‌గా నెట్ ఫ్లిక్స్ (Netflix) ఓటీటీలో శుక్రవారం (అక్టోబర్ 23) (శుక్రవారం) నుంచి స్ట్రీమింగ్ అవుతోంది. ఈ సినిమాకు నీరజ్ పాండే, రితేశ్ షా దర్శకత్వం వహించారు.

చార్ యార్ (Chaar Yaar) - పాపులర్ యూట్యూబర్ పూరవ్ ఝా, నమన్ జైన్, సాఖిబ్ అయూబ్, ప్రయ్రాక్ మెహతా ప్రధాన పాత్రలో నటించిన క్రైమ్ డ్రామా థ్రిల్లర్ సిరీస్ 'చార్ యార్'. అమెజాన్ ప్రైమ్ వీడియో(Amazon Prime Video)లో అక్టోబర్ 23 (శుక్రవారం) నుంచి స్ట్రీమింగ్ అవుతోంది. వినయ్ వైకుల్ దర్శకత్వం వహించగా పి.ఎస్. శ్యామ్, ప్రణతి నగర్‌శేఠ్, నిరాజ్ నగర్‌శేఠ్ నిర్మించారు.

సుమో దీదీ (Sumo Didi) - శ్రియం భగ్నాని ప్రధాన పాత్రలో నటించిన బయోగ్రాఫికల్ స్పోర్ట్స్ డ్రామా ఇది. ఇండియాస్ ఫస్ట్ ప్రొఫెషనల్ మహిళా సుమో రెజ్లర్ హేతల్ డేవ్ రియల్ లైఫ్ ఆధారంగా రూపొందింది. శుక్రవారం (అక్టోబర్ 23) నుంచి ZEE5లో స్ట్రీమింగ్ కానుంది. జయంత్ రోహత్గి ఈ సినిమాకి దర్శకత్వం వహించారు. జ్యోతి దేశ్‌పాండే, ఆకాష్ చావ్లా, అరుణవ సేన్‌గుప్తా, అమిత్ చంద్ర నిర్మించారు.

ది లెజెండ్ ఆఫ్ హనుమాన్ సీజన్ 7 - యానిమేటెడ్, మైథాలజీ, అడ్వెంచర్ సిరీస్ 'ది లెజెండ్ ఆఫ్ హనుమాన్' మరోసారి ప్రేక్షకులను అలరించేందుకు సిద్ధమైంది. సరికొత్త సీజన్ 7 శుక్రవారం నుంచి జియో హాట్‌స్టార్‌లో (Jio Hotstar) స్ట్రీమింగ్ కానుంది. హిందీతో పాటు తెలుగు, తమిళ, కన్నడ, మలయాళం, బెంగాలీ, మరాఠీ భాషల్లో స్ట్రీమింగ్ అవుతోంది.

ధూమకేతు (Dhoomakethu) - రీసెంట్ మలయాళం సైన్స్ ఫిక్షన్ కామెడీ థ్రిల్లర్ ధూమకేతు. శుక్రవారం (అక్టోబర్ 23) నుంచి ఇంటర్నేషనల్ ఓటీటీ నెట్ ఫ్లిక్స్ (Netflix)లో మలయాళంతో పాటు తెలుగు, తమిళం, కన్నడ, హిందీ భాషల్లో స్ట్రీమింగ్ కానుంది. మూవీలో సజిన్ గోపు, నిఖిలా విమల్ (Nikhila Vimal) ప్రధాన పాత్రల్లో నటించారు. అలాగే, గణపతి, షైన్ టామ్ చాకో, సిద్దార్థ్ భరతన్ తదితరులు కీలకపాత్రలు పోషించారు.

Also Read : Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

ఓటీటీ మూవీస్/ వెబ్ సిరీస్

నెట్ ఫ్లిక్స్ (Netflix) - ది ప్యారడైజ్ (తెలుగు మూవీ), గజబ్ రాత్ (తెలుగు డబ్బింగ్ మూవీ), డోరతీ (తెలుగు డబ్బింగ్ మూవీ), ధూమకేతు (తెలుగు డబ్బింగ్ మూవీ), ల్యూపీన్ పార్ట్ 4 (ఇంగ్లీష్ సిరీస్), సర్వైవింగ్ హరికేన్ ఓటిస్ (ఇంగ్లీష్ సిరీస్), ప్యారలైజ్డ్ బై హోప్ (ఇంగ్లీష్ సిరీస్).

జీ5 (ZEE5) - సుమో దీదీ (బయోగ్రఫీ మూవీ), ద ఇన్వైట్ (ఇంగ్లీష్ మూవీ), సట్టమమ్ నీదుయుమ్ సీజన్ 2 (తెలుగు డబ్బింగ్ సిరీస్).

జియో హాట్ స్టార్ (Jio Hotstar) - వరం (తెలుగు సిరీస్), ద లెజెండ్ ఆఫ్ హనుమాన్ (తెలుగు డబ్బింగ్ సిరీస్).

అమెజాన్ ప్రైమ్ వీడియో (Amazon Prime Video) - చార్ యార్ (హిందీ సిరీస్).

ఆహా (Aha) - నా వైఫ్ మిస్సింగ్ (తెలుగు క్రైమ్ థ్రిల్లర్ మూవీ).

Also Read : Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.