10-09-2026 గురువారం మీ రాశిఫలాలు! మేషం, వృషభ రాశుల దినఫలాలు!

Ranabaali Teaser Review : రణబాలి టీజర్ వచ్చేసింది - వారియర్‌గా విజయ్ దేవరకొండ... న్యూ కపుల్ ఫస్ట్ మూవీ

Ganesh Guptha — Wed, 9 Sep 2026 16:13:46 +0530

Vijay Deverakonda's Ranabaali Teaser Telugu Review : యంగ్ అండ్ సెన్సేషనల్ హీరో విజయ్ దేవరకొండ, రష్మిక మందన్న ప్రధాన పాత్రలో నటించిన పీరియాడికల్ డ్రామా రణబాలి (Ranabaali). 'టాక్సీవాలా' ఫేమ్ రాహుల్ సంకృత్యాన్ దర్శకత్వం వహించిన ఈ సినిమా నుంచి ఇప్పటికే రిలీజైన లుక్స్, అనౌన్స్‌మెంట్ వీడియో భారీ హైప్ క్రియేట్ చేస్తుండగా... తాజాగా టీజర్ రిలీజ్ చేశారు.

టీజర్ ఎలా ఉందంటే?

1854 - 1878 మధ్య బ్రిటిష్ పాలనా కాలంలో జరిగిన యదార్థ సంఘటనల ఆధారంగా రాయలసీమ నేపథ్యంలో సాగే పీరియాడికల్ యాక్షన్ డ్రామాగా రణబాలి తెరకెక్కుతోంది. విజయ్ యోధుడిగా కనిపించనున్నారు.

#NeverForget
The Men who came as guests and stayed as oppressors.
The Men in our villages, who decided to draw blood.

'The Savage's Oath'#RanabaaliTeaser https://t.co/9gwqJ6NuHi pic.twitter.com/7DLgWng1ED
— Vijay Deverakonda (@TheDeverakonda) September 9, 2026

Also Read : Lust Stories 3 Trailer : బోల్డ్ అంథాలజీ లస్ట్ స్టోరీస్ 3 ట్రైలర్ వచ్చేసింది - రొమాన్స్ విత్ కామెడీ డైలాగ్స్... ఎప్పటి నుంచి స్ట్రీమింగ్ అంటే?

Kalavari Kodalu Kanaka Mahalakshmi Serial Today September 9th: కలవారి కోడలు కనక మహాలక్ష్మీ: సిరి పేరు మీద ఆస్తి రాసేసిన విహారి! అంబిక ప్లాన్ బీ కూడా ఫెయిలా!

Jhanshi Balleda — Wed, 9 Sep 2026 15:55:19 +0530

Kalavari Kodalu Kanaka Mahalakshmi Serial Today Episode | బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 9న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

కేక్ తోసేసిన మహా..

కేక్‌లో విషం ఉందని తెలుసుకున్న మహా పరుగున కేక్ కటింగ్ దగ్గరకు వెళ్లి విహారి పాపకి కేక్ తినిపించకుండా కేక్ తోసేస్తుంది. తర్వాత టేబుల్ మీద ఉన్న కేక్ మొత్తం కిందకి తోసేస్తుంది. అందరూ షాక్ అయిపోతారు. దాంతో సహస్ర మహాని లాగి పెట్టి కొడుతుంది. భర్త్‌డేని ఎందుకు స్పాయిల్ చేశావ్ అని సహస్ర మహాని అడిగితే విషం విషయం చెప్తే అందరూ భయపడతారు అని కేక్ పాడైపోయింది పాడైన కేక్ తింటే అందరి ఆరోగ్యం ఎఫెక్ట్ అవుతుందని ఇలా చేశానని మహా అంటుంది. అబద్ధాలు చెప్తున్నావ్ అని అంబిక అంటుంది. క్రిష్ భర్త్‌డే చేయనివ్వలేదు అని ఇలా చేశావ్ అని పద్మాక్షి అంటుంది. అయిపోయింది ఏదో అయిపోయింది కేక్ పాడైంది అని చెప్తుంది కదా వదిలేయండి అని విహారి అంటాడు. కావాలనే మహా ఇదంతా చేసింది అని సహస్ర అంటుంది.

నేనే కేక్ తెస్తా..

నా వల్లే ఫంక్షన్ స్పాయిల్ అయింది అన్నారు కదా ఇప్పుడే నేను వేరే కేక్ తెచ్చి సిరితో కట్ చేయిస్తా అని మహా బయటకు వెళ్తుంది. లక్ష్మీ అలియాస్ మహా బయటకు వెళ్లి ఓ కేక్ తీసుకొస్తుంది. ఇక సిరి కేక్ కటింగ్ దగ్గరకు క్రిష్‌ని పిలుస్తుంది. మహా, విహారి కూడా పిలుస్తారు. పద్మాక్షి రావొద్దని తలూపుతుంది. కానీ విహారి పిలవడంతో క్రిష్ వెళ్తాడు. ఇద్దరూ కేక్ కట్ చేస్తారు. ఒకరికి ఒకరు తినిపించుకుంటారు.

ప్లాన్ బీ ఉంది..

అంబికతో సుభాష్ మన ప్లాన్ మహా పాడు చేసేసింది.. ఒకప్పుడు ఆ లక్ష్మీ ఇప్పుడు ఈ మహా తయారైంది.. ఇప్పుడు ఆస్తి మొత్తం సరికి రాసేస్తారు ఏం చేస్తాం అని సుభాష్ అంటే ప్లాన్ ఏ ఫెయిల్ అయితే బ్యాక్‌అప్ కోసం ప్లాన్ బీ కూడా రెడీ చేసి ఉంచా అని అంబిక అంటుంది. ఏంటి అని సుభాష్ అడిగితే డాక్యుమెంట్స్ మీద సంతకం పెట్టడానికి ఉంచిన పెన్ మార్చేశాను అని.. తను మార్చేసిన పెన్‌తో సంతకం చేస్తే సంతకం పెట్టిన కొన్ని క్షణాల్లోనే సంతకాలు మాయం అయిపోతాయి. అందులో మ్యాజిక్ ఇంక్ ఉంది.. కొంత సేపు సంతకాలు కనిపించి తర్వాత మాయం అయిపోతాయి అని అంబిక అంటుంది. ప్లాన్ సూపర్ అని సుభాష్ అంటాడు.

మా వారసురాలు సిరి..

విహారి మీడియాతో మాట్లాడి ఈ తరం మా వారసురాలు సిరి తనకి మా ఆస్తి మొత్తం రాసిచ్చేస్తున్నాం అని విహారి అంటాడు. విహారి సంతకం పెట్టి తాతతో వేలిముద్ర వేయిస్తాడు. తర్వాత సిరి కూడా సంతకం చేస్తుంది. తర్వాత చారుకేశవ రిజిస్ట్రేషన్ పనులు చూసుకుంటా అని చెప్తాడు. డాక్యుమెంట్స్ మీద సంతకాలు కనిపించకుండా అయితే కదా నేను నా ప్లాన్ ఇంప్లిమెంట్ చేసేది అని అంబిక మనసులో అనుకుంటుంది. ఇక సహస్ర డాక్యుమెంట్స్ చూసి సిరికి ఇచ్చి ఇది మన ఫ్యామిలీ మొత్తం నీకు ఇచ్చిన గిఫ్ట్ అని అంటుంది. సంతకాలు కనిపించకుండా పోవడంతో అంబిక తెగ కంగారు పడుతుంది. సిరమ్మా ఇక నుంచి ఈ ఇంటికి నువ్వు మహారాణివి అని యమున అంటుంది. సంతకాలు మాయం అవ్వలేదు ఏంటి అని అంబిక టెన్షన్ పడుతుంది. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Telangana Politics: కేసీఆర్‌కు దళితుల పట్ల చిత్తశుద్ధి లేదా! స్పీకర్‌కు, మహిళలకు క్షమాపణ ఎప్పుడు చెబుతారు?

ABP Desam — Wed, 9 Sep 2026 15:44:07 +0530

హైదరాబాద్: తెలంగాణ అసెంబ్లీ సమావేశాల ప్రారంభం సందర్భంగా స్పీకర్ గడ్డం ప్రసాద్ కుమార్‌పై బీఆర్ఎస్ ఎమ్మెల్యేలు అనుచిత వ్యాఖ్యలు చేశారని ప్రభుత్వం ఆరోపిస్తోంది. దళిత స్పీకర్‌తో పాటు ఆయన తల్లిని అవమానించేలా బీఆర్ఎస్ సభ్యులు వ్యాఖ్యలు చేయడంపై ప్రభుత్వం చర్యలు చేపట్టింది. ప్రతిపక్షనేత కేసీఆర్ దీనిపై బాధ్యత వహించలేదని, ఆయనకు దళితులపై గౌరవం లేదని మంత్రులు, కాంగ్రెస్ ప్రజాప్రతినిధులు అసెంబ్లీ లోపల, బయట సైతం విమర్శలు గుప్పిస్తున్నారు. దళితులు నిరసన తెలిపిన చోట శుద్ధి చేయడమే బీఆర్ఎస్ అధినేత కేసీఆర్ గడీల పాలనకు నిదర్శనమని విమర్శలు వస్తున్నాయి. ఇకనైనా కేసీఆర్ స్పందించి.. దళితులకు, స్పీకర్‌కు, మహిళలకు క్షమాపణ చెప్పాలని ప్రభుత్వం డిమాండ్ చేస్తోంది.

దళిత స్పీకర్‌పై అనుచిత వ్యాఖ్యలు చేశారన్న ఆరోపణలతో బీఆర్ఎస్ ఎమ్మెల్సీలు తాతా మధు, నవీన్ కుమార్ రెడ్డిలపై ఈ సెషన్ పూర్తయ్యే వరకు సస్పెన్షన్ వేటు వేశారు. నేడు మరోసారి సభలో బీఆర్ఎస్ ఎమ్మెల్యేలు వెనక్కి తగ్గకకుండా సమావేశాలు సజావుగా సాగకుండా చేస్తున్నందుకు మంత్రి శ్రీధర్ రెడ్డి తీర్మానం చేయడంతో స్పీకర్ బీఆర్ఎస్ సభ్యులను ఈ సెషన్ పూర్తయ్యే వరకు సస్పెండ్ చేసినట్లు ప్రకటించారు. మరోవైపు వైరల్ అవుతున్న ఫొటోలు, వీడియోలు అన్నీ ఫేక్ అని, ఆర్టిఫీషియల్ ఇంటెలిజెన్స్ ద్వారా క్రియేట్ చేశారని బీఆర్ఎస్ నేతలు చెబుతున్నారు.

శాసనసభలో ముఖ్యమంత్రి అయినా, సాధారణ శాసనసభ్యుడైనా స్పీకర్‌కు అందరూ సమానమేనని, అలాంటి అత్యున్నత స్థానంలో ఉన్న స్పీకర్ మనసు గాయపడేలా బీఆర్‌ఎస్ నాయకులు ప్రవర్తించడం దారుణమని సీఎం రేవంత్ రెడ్డి మండిపడ్డారు. ఇది కేవలం గడ్డం ప్రసాద్ కుమార్ అనే వ్యక్తికి జరిగిన అవమానం కాదని, ఇది సభకే కాకుండా నాలుగు కోట్ల తెలంగాణ ప్రజలకు, ముఖ్యంగా ఎస్సీలకు జరిగిన తీవ్ర అవమానమని అభివర్ణించారు. స్పీకర్ స్థానాన్ని, ఆయన కుటుంబ సభ్యులను లక్ష్యంగా చేసుకుని అనుచిత భాషతో దూషించడం క్షమించరాని నేరమని సీఎం రేవంత్ రెడ్డి ఆగ్రహం వ్యక్తం చేశారు.

దళితుడు సీఎం అని చెప్పి కేసీఆర్ మోసాలు
గతంలో తెలంగాణ వస్తే దళితుడిని సీఎం చేస్తామని, మూడెకరాల భూమి, దళిత బంధు ఇస్తామని నమ్మించి బీఆర్ఎస్ అధినేత కేసీఆర్ మోసం చేశారని ధ్వజమెత్తారు. గతంలో దళిత ఉప ముఖ్యమంత్రి రాజయ్యను తొలగించడం, నేరెళ్ల ఘటన, కాంగ్రెస్ సీఎల్పీ నాయకుడిగా ఉన్న దళిత నేతకు ప్రతిపక్ష హోదా లేకుండా చేయడం లాంటి చర్యలే బీఆర్‌ఎస్ దళిత వ్యతిరేక వైఖరికి నిదర్శనమన్నారు. సభాపతి తల్లిని కూడా అవమానించేలా మాట్లాడటం సభ్య సమాజం తలవంచుకునేలా ఉందన్న ఆయన, రాజకీయాలకు అతీతంగా ఈ తీరును అందరూ ఖండించాలని పిలుపునిచ్చారు.

అసెంబ్లీ గేట్ నంబర్ 3 సమీపంలో స్పీకర్ గడ్డం ప్రసాద్ కుమార్‌ను అవమానిస్తూ, మహిళలను కించపరిచే వ్యాఖ్యలు చేసిన బీఆర్ఎస్ ఎమ్మెల్సీలు తాతా మధుసూదన్, ఎన్. నవీన్ కుమార్ రెడ్డిల తీరును వైద్య ఆరోగ్య శాఖ మంత్రి దామోదర రాజనర్సింహ తీవ్రంగా ఖండించారు. ఈ వ్యాఖ్యలను తెలంగాణ శాసనసభ తీవ్రంగా ఖండిస్తూ మంగళవారం తీర్మానం ఆమోదించింది. బీఆర్ఎస్ ఎమ్మెల్సీల ప్రవర్తన రాజ్యాంగబద్ధమైన స్పీకర్ పదవికి, చట్టసభల గౌరవానికి తీవ్ర భంగం కలిగించిందని తీర్మానం పేర్కొన్నారు.

తమ పార్టీ సభ్యుల అసభ్యకర ప్రవర్తనకు ప్రతిపక్ష నేత కేసీఆర్ పూర్తి బాధ్యత వహిస్తూ, స్పీకర్ గడ్డం ప్రసాద్ కుమార్‌కు బేషరతుగా క్షమాపణ చెప్పాలని సభ డిమాండ్ చేసింది. ఆ తీర్మానం సభలో ఆమోదం పొందగా, శాసనమండలికి పంపించారు. సభా హక్కుల ఉల్లంఘన నోటీసుతో పాటు ఆధారాలన్నింటినీ శాసనమండలి చైర్మన్‌కు పంపి, అక్కడ కూడా తీర్మానం ప్రవేశపెట్టగా మూజువాణి ఓటుతో ఆమోదం పొందింది. దాంతో శాసనమండలి చైర్మన్ గుత్తా సుఖేందర్ రెడ్డి ఇద్దరు బీఆర్ఎస్ ఎమ్మెల్సీలు తాతా మధు, నవీన్ కుమార్ రెడ్డిలను ఈ అసెంబ్లీ సమావేశాలు పూర్తయ్యే వరకు సస్పెండ్ చేసినట్లు ప్రకటించారు.

Veerabhadruni Rahasyam Part 2 OTT : వీరభద్రుని ఆలయం మిస్టరీ రివీల్ అవుతుందా? - ఓటీటీలోకి పార్ట్ 2 స్ట్రీమింగ్

Ganesh Guptha — Wed, 9 Sep 2026 15:42:03 +0530

Annie's Veerabhadruni Rahasyam Season 1 Part 2 OTT Streaming : వీరభద్రుని రహస్యం... 90s కాలంలో బుల్లితెరపై సూపర్ రెస్పాన్స్ అందుకున్న మిస్టరీ థ్రిల్లర్ సీరియల్ మర్మదేశం ప్రపంచం నుంచి వచ్చిన వెబ్ సిరీస్. ప్రముఖ ఓటీటీ ZEE5లో 30 ఎపిసోడ్స్‌తో ఫస్ట్ సీజన్ పార్ట్ 1 స్ట్రీమింగ్ అయ్యింది. ఫస్ట్ పార్ట్ భారీ హైప్ క్రియేట్ చేయగా బుధవారం నుంచి రెండో పార్ట్ స్ట్రీమింగ్ అవుతోంది.

ప్రతీ బుధవారం 5 ఎపిసోడ్స్

వీరభద్రుని రహస్యం పార్ట్ 2 ఇక ప్రతీ బుధవారం ఐదేసి ఎపిసోడ్స్ చొప్పున స్ట్రీమింగ్ కానుంది. పురాతన మిస్టీరియస్ ఆలయం చుట్టూ సాగిన స్టోరీలో ఎన్నో ప్రశ్నలకు ఫస్ట్ పార్ట్‌లో సమాధానాలను సస్పెన్స్‌లో ఉంచారు. సెకండ్ పార్ట్‌లో వాటికి ఆన్సర్స్ రివీల్ చేయనున్నారు. డివోషనల్ మిస్టరీతో పాటు క్రైమ్, హారర్, థ్రిల్లింగ్ అంశాలు మరింత హైప్ పెంచనున్నాయి. ఫస్ట్ పార్ట్‌కు 300 మిలియన్స్ ప్లస్ వ్యూస్ వచ్చాయి. ఈ సిరీస్‌కు భీమగాని శ్రీవర్దన్ రెడ్డి దర్శకత్వం వహించగా... రఘు కుంచె, అనూరాధ, అనీ, అభినవ్, రఘు ప్రధాన పాత్రల్లో నటించారు.

స్టోరీ ఏంటంటే?

'వీరభద్రపురం' అనే ఊరిలో చెట్టు కింద వీరభద్రుని పురాతన ఆలయం చాలా పవర్ ఫుల్. గ్రామంలో ఎవరు ఏ తప్పు చేసినా వీరభద్రుడు కచ్చితంగా శిక్షిస్తాడనేది అక్కడి గ్రామస్థుల నమ్మకం. అలా తప్పు చేసిన వాడు చనిపోయాక ఆ గుడి గంట మోగుతుంది. ఆ శవాన్ని ఊరి పెద్ద కొండలపై విసిరేయాలి. ఇదీ అక్కడ ఆచారం. అసలు ఆ ఊరిలో ఏం జరుగుతోంది. ఈ చావుల వెనుక అసలు రహస్యం ఏంటి? ఊరిలో పెద్ద మనిషికి వీరభద్రునికి ఉన్న సంబంధం ఏంటి? రహస్యం ఛేదించాలనుకునే వారికి జరిగింది ఏంటి? అనేది ఫస్ట్ 30 ఎపిసోడ్స్‌లో కొంత భాగం చూపించారు. ఫస్ట్ పార్ట్‌లో మిగిలిన ఎన్నో ప్రశ్నలకు సెకండ్ పార్ట్‌లో సమాధానాలు రివీల్ కానున్నాయి.

View this post on Instagram

A post shared by Zee 5 Telugu (@zee5telugu)

Also Read : Nivetha Thomas Srimathi : మిడిల్ క్లాస్ హౌస్ వైఫ్‌గా శ్రీమతి - రెండేళ్ల తర్వాత నివేదా కొత్త మూవీ... ఫస్ట్ లుక్ చూశారా?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Kavya Shree: 'బిగ్ బాస్'పై కావ్య శ్రీ కామెంట్స్... నిఖిల్ పేరు కూడా తీయలేదుగా

S Niharika — Wed, 9 Sep 2026 15:36:08 +0530

'బిగ్ బాస్' రియాలిటీ షోపై బుల్లితెర అందాల భామ కావ్య శ్రీ (Actress Kavya Shree) సెన్సేషనల్ కామెంట్స్ చేశారు. ప్రస్తుతానికి తాను ఆ ఇంటిలోకి వెళ్ళాలని అనుకోవడం లేదన్నారు. 'బిగ్ బాస్'కి వెళ్ళడానికి ఇది సరైన సమయం కాదని భావిస్తున్నట్లు చెప్పారు. ప్రస్తుతానికి కుటుంబంతో సమయాన్ని గడపాలని అనుకుంటున్నట్లు చెప్పారు. ఒకవేళ అవకాశం వస్తే రిజెక్ట్ చేయడం కరెక్ట్ కాదని, భవిష్యత్తులో ఏం జరుగుతుందో ఇప్పుడే చెప్పలేమని కావ్య శ్రీ పేర్కొన్నారు. ఇక, 'బిగ్ బాస్' తెలుగు సీజన్ 8 విన్నర్ నిఖిల్ మలియక్కల్ పేరు కూడా తీయలేదు ఆవిడ.

అర్హత ఉంది కాబట్టి విజేతగా నిలిచాడు!
'గోరింటాకు' సీరియల్‌లో కావ్య శ్రీ, నిఖిల్ మలియక్కల్ జంటగా నటించారు. ఆ సీరియల్ చేసేటప్పుడు వాళ్ళిద్దరూ ప్రేమలో పడ్డారని ప్రచారం జరిగింది. ఆ తర్వాత ఏమైందో ఏమో... బ్రేకప్ జరిగింది. నిఖిల్ 'బిగ్ బాస్'కి వెళ్లి విజేతగా నిలిచారు. ఆ తర్వాత 'చిన్ని' సీరియల్ చేశారు. అందులో కావ్య శ్రీది మెయిన్ రోల్ కావడం... బ్రేకప్ తర్వాత వాళ్ళిద్దరూ కలిసి నటించడంతో 'చిన్ని' సీరియల్ వార్తల్లో నిలిచింది. ఇప్పుడు 'బిగ్ బాస్' విజేతల గురించి స్పందించమని అడిగితే నిఖిల్ పేరు కూడా తీయకుండా సమాధానం ఇచ్చారు కావ్య శ్రీ.

Also Read: Deepika Padukone Baby Bump - కడుపులో ఓ బిడ్డ... కళ్ళముందు మరో బిడ్డ... భర్తతో దీపిక... వైరల్ బేబీ బంప్ & బర్త్‌డే ఫోటోషూట్

'బిగ్ బాస్' విన్నర్స్‌లో మీకు ఎవరంటే ఇష్టం? ఆయన పేరు ఏమైనా చెబుతారా? అని కావ్య శ్రీని ప్రశ్నించగా... ''ఇష్టం అంటూ ఎవరూ లేరు. వాళ్ళకు అర్హత ఉంది కాబట్టి విన్నర్ అయ్యారు. అందరూ కష్టపడి విన్నర్ అయ్యారు. ఇష్టమంటూ ఎవరూ లేరు'' అని సమాధానం ఇచ్చారు. జీవితంలో బాధపడిన సందర్భాలు ఏమైనా ఉన్నాయా? అని అడిగితే... ''ఉండే ఉంటాయి. ఓ దశలో బాధపడి ఉంటాం. నేను అటువంటి బ్యాడ్ మూమెంట్స్ గుర్తు పెట్టుకోను'' అని చెప్పారు కావ్య శ్రీ. అదీ సంగతి.

Also Read: Epic First Review - ఎపిక్ ఫస్ట్ రివ్యూ: యూత్ కోసం ఫస్టాఫ్... ఆలోచింపజేసేలా సెకండాఫ్, కొత్త క్లైమాక్స్

టాలీవుడ్‌లో తనకు అత్యంత ఇష్టమైన కథానాయకుడు పవన్ కళ్యాణ్ అని కావ్య శ్రీ తెలిపారు. ఆయన హీరో మాత్రమే కాదని, ప్రతి విషయంలోనూ తనకు ఎంతో స్ఫూర్తి ఇస్తారని ఆమె వివరించారు. సినిమాల్లో అవకాశం వస్తే ఏ హీరోతోనైనా స్క్రీన్ షేర్ చేసుకోవడానికి తాను సిద్ధమని కావ్య శ్రీ చెప్పారు.

Also Read: Vishwanath And Sons OTT Release Date - ఓటీటీలోకి ఈ వారమే సూర్య సినిమా... నెట్‌ఫ్లిక్స్‌లో 'విశ్వనాథ్ అండ్ సన్స్' స్ట్రీమింగ్ ఎప్పుడంటే?

ఇండియాలో కార్ మోడిఫికేషన్స్‌పై రూల్స్ ఇవే.. ఏవి చట్టబద్ధం? ఏవి నేరం?

Arun Kumar Veera — Wed, 9 Sep 2026 15:25:24 +0530

Car Modification Rules in India: కారు కొనుకున్న తర్వాత దాన్ని మరింత స్టైలిష్‌గా మార్చుకోవాలని చాలామందికి ఉంటుంది. కొందరు కారు లుక్ కోసం మార్పులు చేస్తారు. మరికొందరు డ్రైవింగ్ పనితీరు కోసం మోడిఫికేషన్స్ చేయిస్తారు. అయితే ప్రతి మార్పూ చట్టబద్ధం కాదు. కొన్ని మోడిఫికేషన్స్ చేస్తే ట్రాఫిక్ నిబంధనలను ఉల్లంఘించినట్లే అవుతుంది.

భారత్‌లో కార్ మోడిఫికేషన్స్‌కు సంబంధించి కొన్ని కీలక నిబంధనలు ఉన్నాయి. 2019లో, సుప్రీంకోర్టు కూడా వాహనాల మార్పులకు సంబంధించి ముఖ్యమైన మార్గదర్శకాలను స్పష్టం చేసింది. అందుకే కారుకు ఏదైనా మార్పు చేసే ముందు అది చట్టబద్ధమైనదేనా కాదా తెలుసుకోవడం చాలా ముఖ్యం.

చట్టబద్ధమైన మోడిఫికేషన్స్ ఏవి?

కారు టైర్లను మార్చుకోవచ్చు. అయితే కొత్త టైర్లు కంపెనీ సూచించిన ప్రమాణాలకు అనుగుణంగా ఉండాలి. టైర్ సైజు పెంచితే లోడ్ ఇండెక్స్ & స్పీడ్ రేటింగ్ పాత టైర్లతో సమానంగా లేదా అంతకంటే ఎక్కువగా ఉండాలి. ఎక్కువ వెడల్పు ఉన్న టైర్లను పెట్టుకుంటే, తక్కువ సైడ్‌వాల్ ఎత్తు ఉన్న టైర్లను ఎంచుకోవాల్సి ఉంటుంది.

కారు రంగును కూడా మార్చుకోవచ్చు. అయితే ఇందుకోసం RTO అనుమతి తీసుకోవాలి. రంగు మార్పు గురించి రిజిస్ట్రేషన్ సర్టిఫికెట్‌లో కూడా నమోదు చేయించాలి. ముఖ్యంగా ఆర్మీ గ్రీన్ రంగును మాత్రం ఉపయోగించకూడదు. ఈ రంగు సైనిక వాహనాలకు కేటాయించారు.

సస్పెన్షన్‌ను కూడా అప్‌గ్రేడ్ చేసుకోవచ్చు. అయితే దీనివల్ల కారు గ్రౌండ్ క్లియరెన్స్‌లో భారీ మార్పు రాకూడదు. కారు బాడీకి వినైల్ లేదా బాడీ ర్యాప్ చేయడం కూడా చట్టబద్ధమే. సాధారణంగా దీనికి RTO అనుమతి అవసరం లేదు.

ఫ్రంట్ స్ప్లిటర్, బాడీ క్లాడింగ్, సైడ్ ప్యానెల్స్ వంటి బాడీ కిట్‌లను కూడా అమర్చుకోవచ్చు. అయితే ఇవి కారు నిర్మాణాన్ని మార్చకూడదు.

ఆఫ్టర్‌మార్కెట్ CNG కిట్‌ను కూడా అమర్చుకోవచ్చు. కానీ దీనిని RTOలో నమోదు చేయించాలి. అనంతరం కొత్త వివరాలతో అప్డేట్ చేసిన రిజిస్ట్రేషన్ సర్టిఫికెట్ పొందాలి.

కారులో LED DRLs అమర్చుకోవచ్చు. వర్షం, పొగమంచు వంటి పరిస్థితుల్లో ఇవి సహాయపడతాయి. దివ్యాంగుల కోసం ఆటోమేటిక్ క్లచ్, బ్రేక్ లేదా యాక్సిలరేటర్ వంటి మార్పులు చేయడాన్ని కూడా అనుమతిస్తారు.

ఇంజిన్‌లో కొన్ని మార్పులు చేయవచ్చు. అయితే, దీనికి RTO అనుమతి అవసరం. కొత్త ఇంజిన్ సామర్థ్యం కారు కంపెనీ నిర్దేశించిన పరిమితిని మించకూడదు.

ఇది కూడా చదవండి: 2026 మారుతి బలెనో ఫేస్‌లిఫ్ట్‌ vs పాత మోడల్‌.. మైలేజ్, పవర్‌లో వచ్చిన మార్పులేంటి?

ఈ మోడిఫికేషన్స్ చేస్తే మాత్రం నేరం!

కారు కిటికీలకు ఎక్కువగా టింట్ ఫిల్మ్ వేయడం చట్టవిరుద్ధం. వాహనాల వెనుక కిటికీలు & విండ్‌స్క్రీన్‌కు కనీసం 70 శాతం కనిపించే సామర్థ్యం ఉండాలి. పక్క కిటికీలకు కనీసం 50 శాతం విజిబిలిటీ ఉండాలి. ఈ పరిమితికి తగ్గితే నిబంధనల ఉల్లంఘనగా పరిగణిస్తారు. కిటికీలకు సన్‌షేడ్స్ ఉపయోగించడంపైనా నిబంధనలు ఉన్నాయి.

ఎక్కువ శబ్దం చేసే హారన్‌లను అమర్చకూడదు. 100 డెసిబెల్స్ కంటే ఎక్కువ శబ్దం చేసే హారన్‌లకు అనుమతి లేదు. ప్రెజర్ హారన్‌లు, సైరన్‌లు వంటి ఫ్యాన్సీ హారన్‌లను ఉపయోగిస్తే జరిమానా పడుతుంది.

డిజైనర్ నంబర్ ప్లేట్లు కూడా చట్టవిరుద్ధమే. కొత్త వాహనాలకు IND గుర్తుతో కూడిన హై సెక్యూరిటీ రిజిస్ట్రేషన్ ప్లేట్లు మాత్రమే ఉండాలి. పాత కార్ల నంబర్ ప్లేట్లపై అక్షరాలు స్పష్టంగా కనిపించేలా ఉండాలి.

కారు ఎగ్జాస్ట్‌ను మార్చి ఎక్కువ శబ్దం వచ్చేలా చేయడం కూడా నిబంధనలకు విరుద్ధం. దీనివల్ల శబ్ద కాలుష్యం & వాయు కాలుష్యం పెరుగుతుంది. అంతేకాదు ఇలాంటి మార్పులు PUC పరీక్షలో సమస్యలకు దారితీయవచ్చు.

హెడ్‌ల్యాంప్స్‌లో హాలోజన్ స్థానంలో తెల్లటి LED లైట్లు పెట్టుకోవచ్చు. కానీ నీలం, ఆకుపచ్చ, ఎరుపు వంటి రంగుల లైట్లను ఉపయోగించకూడదు.

కారు పరిమాణానికి మించిన భారీ అల్లాయ్ వీల్స్ అమర్చడం కూడా సమస్యలకు దారితీస్తుంది.

ఇది కూడా చదవండి: Hyundai Creta Electric లాంగ్‌టర్మ్‌ రిపోర్ట్‌.. 11,000 km తిరిగిన ఈ కారులో లోపాలు ఏవైనా కనిపించాయా?

మోడిఫికేషన్‌కు ముందు ఇవి గుర్తుంచుకోండి

కారుకు మార్పులు చేసే ముందు ఖర్చును లెక్కించుకోవాలి. అవసరం లేని మోడిఫికేషన్స్‌పై డబ్బు ఖర్చు చేయకూడదు. ముఖ్యంగా, కారు భద్రత విషయంలో రాజీ పడకూడదు.

మోడిఫికేషన్స్ వల్ల కారు వారంటీపై ప్రభావం పడొచ్చు. మార్చిన భాగం వల్ల సమస్య వచ్చిందని తయారీదారు భావిస్తే, వారంటీ క్లెయిమ్‌ను తిరస్కరించే అవకాశం ఉంటుంది.

మార్పులు చేసిన కారుకు రీసేల్ విలువ కూడా తగ్గే అవకాశం ఉంది. కొన్ని ఇంజిన్ మోడిఫికేషన్స్ వల్ల కార్ ఇన్సూరెన్స్ ప్రీమియం కూడా పెరగొచ్చు. పాత కార్లకు విడిభాగాలు దొరకడం కూడా కష్టం అవుతుంది.

కారు లుక్ లేదా పనితీరు కోసం మోడిఫికేషన్ చేయించుకునే ముందు RTO నిబంధనలు తెలుసుకోవాలి. చట్టబద్ధమైన మార్పులకే పరిమితం కావాలి. లేకపోతే జరిమానాతో పాటు ఇతర చట్టపరమైన సమస్యలను కూడా ఎదుర్కోవాల్సి రావచ్చు.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

Epic Review : ఎపిక్ ఓ బ్యూటిఫుల్ జర్నీ - 90s బయోపిక్ సీక్వెల్ కాదు... యంగ్ హీరో ఆనంద్ దేవరకొండ

Ganesh Guptha — Wed, 9 Sep 2026 15:04:06 +0530

Anand Deverakonda's Epic First Semester First Review : 'బేబీ' మూవీతో బెస్ట్ పెయిర్ అనిపించుకున్న ఆనంద్ దేవరకొండ, వైష్ణవి చైతన్య జంటగా నటించిన లేటెస్ట్ రొమాంటిక్ యూత్ ఫుల్ ఎంటర్టైనర్ 'ఎపిక్ : ఫస్ట్ సెమిస్టర్' (Epic First Semester). 90s వెబ్ సిరీస్ ఫేమ్ ఆదిత్య హాసన్ ఈ సినిమాతో వెండితెరకు డైరెక్టర్‌గా పరిచయం కాబోతున్నారు. సెప్టెంబర్ 11న సినిమా ప్రేక్షకుల ముందుకు రానుంది. హీరో ఆనంద్ ప్రమోషన్లలో భాగంగా తాజా ఇంటర్వ్యూలో ఇంట్రెస్టింగ్ విషయాలు షేర్ చేసుకున్నారు.

బ్యూటిఫుల్ జర్నీ ఎపిక్

ఎపిక్ మూవీ ఓ బ్యూటిఫుల్ జర్నీ అని చెప్పారు ఆనంద్ దేవరకొండ. 'వనపర్తికి చెందిన ఒక సాధారణ కుర్రాడు, తన ప్యాషన్ పక్కన పెట్టి పేరెంట్స్ కోసం విదేశాలకు వెళ్తాడు. అక్కడ ఒకమ్మాయిని ప్రేమించి, లివిన్ రిలేషన్‌లో ఉంటే ఎలాంటి పరిస్థితులు ఎదురవుతాయి? అనేది సహజంగా చూపించాం. చదువు కోసం విదేశాలకు వెళ్లిన వారికి మాత్రమే కాకుండా, కుటుంబానికి దూరంగా ఉండే ప్రతి ఒక్కరికీ కనెక్ట్ అవుతుంది.

ఒక మధ్య తరగతి యువకుడి జీవితంలో చిన్న చిన్న విషయాలకు కూడా ఎంతో ప్రాధాన్యత ఉంటుంది. జాబ్, లవ్, కుటుంబ బాధ్యతల గురించి ఇలా ఎన్నో అంశాలను సహజంగా, అందంగా చూపించాం. ఇది ప్రతి ఒక్కరి కథ. నిజ జీవితంలో జరిగే కొన్ని సంఘటలను మనం అద్దంలో చూసుకుంటే ఎలా ఉంటుందో ఎపిక్ సినిమా అలా ఉంటుంది.' అని చెప్పారు.

'90sకి సీక్వెల్ కాదు'

ఎపిక్ స్టోరీ విన్నప్పుడే నా కథలాగే ఉందని అనిపించిందని చెప్పారు ఆనంద్ దేవరకొండ. 'విదేశాల్లో చదువుకుంటున్న తెలుగువారంతా ఈ సినిమాకు బాగా కనెక్ట్ అవుతారు. ఆదిత్య రోల్ చాలా ఇన్నోసెంట్‌గా ఉంటుంది. ప్రతి విషయంలో కన్ఫ్యూజ్ అవుతుంటాడు. లైఫ్‌లో తనకి నచ్చింది చేయాలా? లేక పేరెంట్స్‌కి నచ్చినట్టు బ్రతకాలా? అమ్మాయితో అసలు ప్రేమనా కాదా? తనను పెళ్లి చేసుకోవాలా లేదా? తనతో జీవితాంతం ఉండగలనా? ఇలా ఎన్నో ఆలోచనలు చేస్తుంటాడు.

బేబీకి, ఎపిక్ సినిమాకి పోలిక లేదు. రెండూ దేనికవే ప్రత్యేకమైనవి. బేబీ ఒక సంచలనమైతే, ఇది ఒక అందమైన ప్రయాణం లాంటిది. అలాగే, 90s సిరీస్‌కి సీక్వెల్ కాదు. కానీ, ఆ ప్రపంచంలో నుంచి, ఆ పాత్రల నుంచి పుట్టిన కథే ఇది. చిన్న కొడుకు ఆదిత్య విదేశాలకు చదువుకోవడానికి వెళ్ళినప్పుడు అక్కడ జరిగే కథగా ఇది ఉంటుంది. కథకు ఎంతవరకు అవసరమో, అంతవరకు తల్లిదండ్రుల పాత్రలను చూపించాం. 90s సిరీస్ అనేది ఒక ఫ్యామిలీ స్టోరీ అయితే, ఎపిక్ అనేది ఒక లవ్ స్టోరీ. అయినా సహజమైన హాస్యం, హత్తుకునే భావోద్వేగాలు ఉంటాయి.' అని తెలిపారు.

కడలి పాత్ర వెనుక

వైష్ణవి చైతన్య కడలి రోల్ ప్రతి అమ్మాయికి కనెక్ట్ అవుతుందని అన్నారు ఆనంద్ దేవరకొండ. 'ఒక అమ్మాయి పైకి నవ్వుతూ కనిపిస్తున్నంత మాత్రాన, తను సంతోషంగా ఉందని కాదు. ఆమె వెనుక ఎన్నో భయాలు, బాధ్యతలు ఉంటాయి. అలాంటి పాత్ర కడలి.' అని అన్నారు.

తన రాబోయే చిత్రాల గురించి మాట్లాడుతూ... 'తక్షకుడు' సినిమా షూటింగ్ పూర్తైందని తెలిపారు ఆనంద్ దేవరకొండ. అలాగే ఒక ఇండో - కొరియన్ మూవీ కూడా పూర్తి చేశాను.

Also Read : Nandus World Nandana : యూట్యూబర్ నందనను ఎందుకు అరెస్ట్ చేయలేదు? - నోటీసులిచ్చి పంపేశారు... లీగల్ ప్రొసీడింగ్స్ ఏంటంటే?

KTR: సబిత, సునీతా లక్ష్మారెడ్డిపై దాడి, కేసీఆర్ చావు కోరుకుంటున్నారు: ప్రభుత్వంపై గవర్నర్‌కు బీఆర్ఎస్ ఫిర్యాదు

Shankar Dukanam — Wed, 9 Sep 2026 14:42:07 +0530

హైదరాబాద్: శాసనసభ సమావేశాల మొదటి రోజున బీఆర్ఎస్ ప్రజాప్రతినిధులైన తమపై ప్రభుత్వం, పోలీసుల ద్వారా చేయించిన దాష్టీకాన్ని గవర్నర్‌కు వివరించామని పార్టీ వర్కింగ్ ప్రెసిడెంట్ కేటీఆర్ చెప్పారు. రాహుల్ గాంధీ పార్లమెంటులో నిరసన తెలిపిన తరహాలోనే, తాము కూడా టీ-షర్ట్స్ ద్వారా నిరసన తెలపాలని భావించామని తెలిపారు. చివరకు కేసీఆర్ చావును కోరుకునే స్థాయికి కాంగ్రెస్ పాలన దిగజారినట్లు తెలిపారు. తెలంగాణ గవర్నర్‌ను కలిసిన అనంతరం కేటీఆర్ మీడియాతో మాట్లాడారు. తమకు సమయం ఇచ్చినందుకు గవర్నర్‌కు ముందుగా ధన్యవాదాలు తెలిపిన కేటీఆర్, ఆయన ఇటీవల అనారోగ్యానికి గురైన నేపథ్యంలో ఆరోగ్యం గురించి వాకబు చేశామన్నారు. పార్టీ అధినేత కేసీఆర్ ఆదేశాల మేరకే ఈరోజు గవర్నర్‌ను కలిసినట్లు వెల్లడించారు. 1000 హామీలతో అధికారంలోకి వచ్చిన కాంగ్రెస్ పార్టీ, గత 1000 రోజుల పాలనలో అన్ని హామీల అమలులోనూ, పరిపాలనలోనూ పూర్తిగా విఫలమైందని తెలిపారు.

తమ హక్కులను కాలరాస్తూ శాసనసభ్యులను సభలోకి రానివ్వకుండా రోడ్డుపైనే అడ్డుకున్న తీరును వివరించారు. తమపై జరిగిన దాడిని, ముఖ్యంగా మహిళా ప్రజాప్రతినిధులపై జరిగిన అరాచకాన్ని ఫోటోలు, సాక్ష్యాలతో సహా గవర్నర్ ముందుంచామన్నారు. బీఆర్‌ఎస్ మహిళా నాయకురాలు సునీతా లక్ష్మారెడ్డి చీరను లాగి దుశ్శాసన పర్వానికి తెరలేపిన తీరును తెలియజేశామన్నారు. ప్రతిపక్షంపై దాడులు చేసి, తిరిగి తమపైనే బద్నాం చేసేందుకు కాంగ్రెస్ కుట్రలు పన్నుతోందని, పోలీసుల దాష్టీకంపై ఫిర్యాదు చేసినా ఎలాంటి చర్యలూ తీసుకోలేదని ఆరోపించారు. ఈ పాలనలో ప్రజలు అనుభవిస్తున్న బాధలు, రైతన్నలు ఎదుర్కొంటున్న కష్టాలు, అలాగే నిరుద్యోగ విద్యార్థులను, యువతను రాహుల్ గాంధీ ఏ విధంగా మోసం చేశారో విజ్ఞప్తి ద్వారా గవర్నర్‌కు వివరించారు. పాలిటెక్నిక్ విద్యార్థులు చేస్తున్న ఆందోళనలు, వారి డిమాండ్లను కూడా ఆయన దృష్టికి తీసుకెళ్లినట్లు పేర్కొన్నారు.

కేసీఆర్ ఇంటిపై దాడికి వెళ్లారు

చివరకు కేసీఆర్ చావును కోరుకునే స్థాయికి కాంగ్రెస్ దిగజారిందని, ఎర్రవెల్లిలోని ఆయన ఇంటిపైకి కాంగ్రెస్ ఎమ్మెల్యేలు గుండాల మాదిరిగా దాడికి వెళ్లారని గవర్నర్‌కు విచారకరంగా వివరించారు. హైకోర్టు ఉత్తర్వులు ఇచ్చినప్పటికీ తమను శాసనసభ, శాసనమండలిలోకి రాకుండా ప్రభుత్వం అడ్డుకుందన్నారు. ఈ ప్రభుత్వానికి రాజ్యాంగం, న్యాయస్థానాలపై ఎలాంటి గౌరవం లేదని స్పష్టం చేశారు. సభలో లేని విషయాలను, మండలి సభ్యులు అనని మాటలను ఆపాదిస్తూ, దళిత స్పీకర్ పేరిట కాంగ్రెస్ నీచ రాజకీయాలు చేస్తోందని మండిపడ్డారు. తమకు స్పీకర్ గారిపై అపారమైన గౌరవం ఉందని, కానీ కాంగ్రెస్ పార్టీయే ఆయనను దళిత స్పీకర్ అంటూ పదేపదే ప్రస్తావిస్తూ అవమానిస్తోందని విమర్శించారు. అందుకే ప్రస్తుత శాసనసభ కౌరవ సభగా, దుశ్శాసన సభగా మారిపోయిందని ధ్వజమెత్తారు.

కేసీఆర్ నివాసం వద్ద చావు డప్పు కొడుతూ, ఆయన హత్యాయత్నానికి ప్రభుత్వం ప్రయత్నించిందని, స్వయంగా సీఎం రేవంత్ రెడ్డి ఈ మొత్తం వ్యవహారం వెనుక ఉన్నారని కేటీఆర్ ఆరోపించారు. తెలంగాణ ప్రజల తరఫున న్యాయం అడిగినందుకే తమపై ఈ రీతిలో కక్షసాధింపు దాడులు చేస్తున్నారని వివరించారు. తాము అందించిన ఆధారాలు, వినతులపై స్పందించిన గవర్నర్, శాసనసభ వ్యవహారాలు, బయట జరిగిన ప్రతి సంఘటనపై నిష్పాక్షిక విచారణ జరిపిస్తామని హామీ ఇచ్చారని, ప్రస్తుతం జరుగుతున్న దౌర్జన్యకాండలో ఆయన జోక్యం చేసుకుంటారని భావిస్తున్నామని కేటీఆర్ తెలిపారు. ప్రభుత్వం విడుదల చేసిన ఏఐ (AI) ఫోటోలు, వీడియోలపై ఇప్పటికే ఫిర్యాదు చేశామని, తప్పుడు చిత్రాలు, ఫిర్యాదులు ఉపయోగించే వారిపై చట్టపరంగా ముందుకెళ్తామని స్పష్టం చేశారు. ఒకవేళ రాష్ట్రంలో న్యాయం జరగకపోతే జాతీయ స్థాయిలోని జాతీయ మహిళా కమిషన్‌ను ఆశ్రయించి ఫిర్యాదు చేస్తామని కేటీఆర్ స్పష్టం చేశారు.

10-09-2026 గురువారం మీ రాశిఫలాలు! మిథునం, కర్కాటక రాశుల దినఫలాలు!

RAMA — Wed, 9 Sep 2026 14:37:55 +0530

Horoscope Today September 10th - మిథునం, కర్కాటక రాశుల సెప్టెంబర్ 10 రాశిఫలాలు

మిథున రాశి

కుటుంబ జీవితం: ఇంట్లో వాతావరణం సాధారణంగా ఉంటుంది, కానీ తొందరపాటుతో చేసే వ్యాఖ్య మీ సన్నిహితులను బాధపెట్టవచ్చు, కాబట్టి మీ మాటల్లో సంయమనం పాటించండి. పిల్లల చదువు లేదా కుటుంబ నిర్ణయాల గురించిన చర్చలలో మీ అభిప్రాయానికి ప్రాముఖ్యత ఉంటుంది. ఏవైనా విభేదాలను ప్రశాంతమైన సంభాషణ ద్వారా పరిష్కరించుకోవడం ప్రయోజనకరంగా ఉంటుంది.

వ్యాపారం , ఉద్యోగం: వ్యాపారవేత్తలు కొత్త క్లయింట్‌లను పొందే అవకాశం ఉంది. సమావేశాలు , ఒప్పందాల సమయంలో సమర్థవంతమైన సంప్రదింపులు మీకు అనుకూలంగా ఉంటాయి. ఉద్యోగంలో ఉన్నవారికి తమ సామర్థ్యాలను ప్రదర్శించే అవకాశం లభిస్తుంది. మీరు ఉద్యోగం మారాలని ఆలోచిస్తుంటే, నిర్ణయం తీసుకునే ముందు అన్ని అవకాశాలను జాగ్రత్తగా పరిశీలించండి. ఎవరినీ గుడ్డిగా నమ్మవద్దు .. ముందుకు వెళ్లే ముందు అన్ని సమాచారాన్ని జాగ్రత్తగా ధృవీకరించుకోండి.

వృత్తి , విద్య: రచన, మీడియా, విద్య , కమ్యూనికేషన్ రంగాలలో ఉన్నవారు గణనీయంగా ప్రయోజనం పొందుతారు. ఇంటర్వ్యూలు, సమావేశాలు లేదా ప్రజెంటేషన్లలో విజయం సాధిస్తారు. విద్యార్థులకు మంచి ఏకాగ్రత ఉంటుంది .. పోటీ పరీక్షల సన్నద్ధతలో పురోగతి సాధిస్తారు.

ఆరోగ్యం: మానసిక ఒత్తిడి అలసటకు కారణమవుతుంది. నిరంతరాయంగా పనిచేయడం మానుకోండి...తరచుగా విరామం తీసుకోండి. మీ నిద్ర విధానాలను మెరుగుపరచుకోవడానికి ప్రయత్నించండి. తేలికపాటి భోజనం, పుష్కలంగా నీరు ..ఉదయపు నడక మీ శక్తిని నిలబెడతాయి.

ఆర్థిక పరిస్థితి: మీ ఆర్థిక పరిస్థితి సమతుల్యంగా ఉంటుంది , మీ ఆదాయం స్థిరంగా ఉంటుంది, కానీ చిన్న చిన్న ఖర్చులు పెరగవచ్చు. స్నేహితునితో లావాదేవీ చేసే ముందు, అన్ని నియమ నిబంధనలను స్పష్టం చేసుకోండి. మీ పొదుపును పెంచుకోవడం , అనవసరమైన ఖర్చులను తగ్గించుకోవడంపై ప్రత్యేక శ్రద్ధ వహించండి.

ప్రేమ జీవితం: ప్రేమ సంబంధాలలో సంభాషణే మీ బలం. మీ భాగస్వామితో మనసు విప్పి మాట్లాడటం భావోద్వేగ దూరాన్ని తగ్గిస్తుంది. ఒంటరిగా ఉన్నవారు ఆన్‌లైన్‌లో లేదా తమ స్నేహితుల వలయంలో కొత్తవారితో సంభాషణను ప్రారంభించవచ్చు. పాత వివాదాలను ప్రస్తావించడం మానుకోండి.

అదృష్ట సంఖ్య: 5 | అదృష్ట రంగు: లేత ఆకుపచ్చ

పరిష్కారం: ఆవుకు గ్రాసం వేయండి

కర్కాటక రాశి

కుటుంబ జీవితం: ఇంట్లో వాతావరణం స్నేహపూర్వకంగా, సహాయకరంగా ఉంటుంది. ముఖ్యమైన నిర్ణయాలలో, అనుభవజ్ఞుడైన కుటుంబ సభ్యుని మార్గదర్శకత్వం మీకు సహాయపడుతుంది. పాత ప్రాజెక్టులో విజయం సాధించడం ఇంటికి ఆనందాన్ని తెస్తుంది. బాధ్యతలు పెరుగుతాయి, కానీ మీ కుటుంబం మీకు పూర్తి మద్దతు ఇస్తుంది.

వ్యాపారం , ఉద్యోగం: ఉద్యోగుల కష్టాన్ని వారి పై అధికారులు గుర్తిస్తారు. పనిలో పెరుగుతున్న బాధ్యతలు మానసిక ఒత్తిడికి కారణం కావచ్చు, కాబట్టి అన్ని పనులూ మీరే చేయడానికి ప్రయత్నించవద్దు. సహోద్యోగులతో అనవసరమైన వాదనలకు దూరంగా ఉండండి. వ్యాపారవేత్తలు పాత పరిచయాల ద్వారా లాభదాయకమైన అవకాశాలను పొందే అవకాశం ఉంది.

వృత్తి, విద్య: పనిలో మీ గౌరవం, మర్యాద పెరుగుతాయి ..పదోన్నతి లేదా పెద్ద బాధ్యతలు పొందే అవకాశాలు ఉన్నాయి. సకాలంలో తీసుకున్న నిర్ణయాలు భవిష్యత్తులో గణనీయమైన ప్రయోజనాలను చేకూరుస్తాయి. విద్యార్థులకు ఈ రోజు శుభప్రదంగా ఉంటుంది; వారి కష్టానికి తగిన ఫలితం లభిస్తుంది , పెండింగ్‌లో ఉన్న పనులు పూర్తవుతాయి.

ఆరోగ్యం: ఈ రోజు మానసిక ప్రశాంతతను కాపాడుకోవడం చాలా ముఖ్యం. పని ఒత్తిడి నిద్రపై ప్రభావం చూపవచ్చు, కాబట్టి తగినంత విశ్రాంతి తీసుకోండి అనవసరమైన ఆందోళనను నివారించండి. క్రమం తప్పకుండా ఆహారం తీసుకోండి .. తగినంత నీరు త్రాగండి. ధ్యానం , ప్రాణాయామం ఒత్తిడిని తగ్గించడంలో సహాయపడతాయి.

ఆర్థిక పరిస్థితి: భూమి, ఇల్లు లేదా పూర్వీకుల ఆస్తికి సంబంధించిన విషయాలలో లాభం వచ్చే మంచి అవకాశాలు ఉన్నాయి. మీరు ఒక పెద్ద కొనుగోలుకు ప్రణాళిక వేయవచ్చు. మీ ఆర్థిక పరిస్థితి స్థిరంగా ఉంటుంది, కానీ మీ బడ్జెట్‌ను అదుపులో ఉంచుకోవడం ముఖ్యం. ఏ ఆస్తి లావాదేవీలలోనూ తొందరపడకండి .. పత్రాలపై సంతకం చేసే ముందు వాటన్నింటినీ జాగ్రత్తగా చదవండి.

ప్రేమ జీవితం: మీ కెరీర్‌కు సంబంధించిన నిర్ణయాలలో మీ జీవిత భాగస్వామి మీకు పూర్తి మద్దతు ఇస్తారు. మీ ప్రేమ సంబంధంలో భావోద్వేగ సాన్నిహిత్యం పెరుగుతుంది ,సంభాషణ ద్వారా పాత అపార్థాలను పరిష్కరించుకోవచ్చు. మీ భావాలతో పాటు మీ భాగస్వామి భావాలకు కూడా సమాన ప్రాధాన్యత ఇవ్వండి.

అదృష్ట సంఖ్య: 4 | అదృష్ట రంగు: టర్కోయిస్ గ్రీన్

పరిహారం: శివలింగానికి పాలతో అభిషేకం చేయండి. ఇది మీ మనసుకు శాంతిని, మీ ప్రయత్నాలలో విజయాన్ని చేకూరుస్తుంది.

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. దీనిని అనుసరించేముందు మీరు విశ్వశించే పండితుల సలహాలు స్వీకరించగలరు

మేష రాశి నుంచి మీన రాశివరకూ..12 రాశుల డైలీ రాశిఫలాలు, వారఫలాలు, నెలవారీ ఫలితాలు, రాశులు గ్రహాలు మారినప్పుడు మీ రాశిపై ఉండే ప్రభావానికి సంబంధించిన కథనాలన్నీ తెలుసుకునేందుకు ఈ లింక్ క్లిక్ చేయండి

10-09-2026 గురువారం మీ రాశిఫలాలు! మేషం, వృషభ రాశుల దినఫలాలు!

RAMA — Wed, 9 Sep 2026 14:27:25 +0530

Horoscope Today September 10th - మేషం, వృషభం రాశుల సెప్టెంబర్ 10 రాశిఫలాలు

మేష రాశి

కుటుంబ జీవితం: ఇంట్లో వాతావరణం సామరస్యంగా ఉంటుంది. మీకు మీ జీవిత భాగస్వామి , కుటుంబం నుంచి మద్దతు లభిస్తుంది. కుటుంబంలో ఏదైనా శుభకార్యం లేదా శుభవార్త వినే అవకాశం ఉంది. కుటుంబ వివాదాలను పరిష్కరించడంలో మీ మధ్యవర్తిత్వం ప్రశంసలు అందుకుంటుంది. పెద్దల సలహాలను గౌరవించండి.

వ్యాపారం, ఉద్యోగం: ఉద్యోగస్తులకు కొత్త బాధ్యతలు లేదా ముఖ్యమైన ప్రాజెక్టులు లభించవచ్చు. మీ పనితీరుకు మీ పై అధికారులు ముగ్ధులై, పదోన్నతికి అవకాశాలు కల్పిస్తారు. వ్యాపారవేత్తలు కొత్త పరిచయాల ద్వారా ప్రయోజనం పొందుతారు. పాత క్లయింట్ నుంచి మళ్ళీ పని దొరికే అవకాశం ఉంది. పని చేసే చోట దాగివున్న శత్రువు పట్ల జాగ్రత్తగా ఉండండి .. మీ ప్రణాళికలను అందరితో పంచుకోవద్దు.

వృత్తి , విద్య: మీ వృత్తిలో పురోగతి కనిపిస్తుంది .. మీ నాయకత్వ నైపుణ్యాలు బయటపడతాయి. విద్యార్థులు తమ చదువుపై దృష్టి పెడతారు. పోటీ పరీక్షలకు సిద్ధమవుతున్న వారు క్రమశిక్షణతో కూడిన దినచర్యను అలవర్చుకోవాలి; ఏకాగ్రతతో చదవడానికి ఈ సమయం అనుకూలంగా ఉంటుంది.

ఆరోగ్యం: మీ ఆరోగ్యం సాధారణంగానే ఉంటుంది, కానీ అధిక పనిభారం అలసటకు కారణం కావచ్చు. నిద్రలేమి మానసిక ఒత్తిడిని పెంచుతుంది. పుష్కలంగా నీరు త్రాగండి, సమతుల్య ఆహారం తీసుకోండి .. విశ్రాంతి తీసుకోవడానికి సమయం కేటాయించండి.

ఆర్థిక పరిస్థితి: మీ ఆర్థిక పరిస్థితి మెరుగుపడే సూచనలు కనిపిస్తున్నాయి. మీ ఆదాయంతో పాటు అదనపు లాభాలకు కూడా అవకాశాలు లభిస్తాయి. పాత పెట్టుబడులు లాభాలను అందించే అవకాశం ఉంది. అనవసరమైన కొనుగోళ్లు మరియు తొందరపాటు ఆర్థిక నిర్ణయాలను నివారించండి. ఏవైనా పెద్ద పెట్టుబడులు పెట్టే ముందు, నష్టాలను , భవిష్యత్తు ప్రయోజనాలను జాగ్రత్తగా బేరీజు వేసుకోండి.

ప్రేమ జీవితం: ప్రేమ సంబంధాలలో సంభాషణ పెరుగుతుంది, పాత అపార్థాలు తొలగిపోవచ్చు. మీ భాగస్వామి నుంచి మీకు పూర్తి మద్దతు లభిస్తుంది. ఒంటరిగా ఉన్నవారు తమకు ప్రత్యేకమైన వారితో సంభాషణను ప్రారంభించవచ్చు. భావోద్వేగాలకు తొందరపడకుండా, మీ సంబంధాన్ని క్రమంగా బలపరుచుకోండి.

అదృష్ట సంఖ్య: 7 | అదృష్ట రంగు: కాటెచు

పరిహారం: విష్ణుమూర్తికి పసుపు రంగు పువ్వులను సమర్పించి, పసుపు రంగు దుస్తులు ధరించండి.

వృషభ రాశి

కుటుంబ జీవితం: కుటుంబంలో చిన్న చిన్న వాదనలు తలెత్తవచ్చు, కాబట్టి మీ అభిప్రాయాన్ని ప్రశాంతంగా, మర్యాదపూర్వకంగా తెలియజేయడానికి ప్రయత్నించండి. ఓర్పు ఇంట్లో శాంతి సామరస్యాలను కాపాడుతుంది. కుటుంబంలోని పెద్దల సలహా ముఖ్యమైన నిర్ణయాలు తీసుకోవడానికి, మీ ప్రణాళికలను పటిష్టం చేసుకోవడానికి సహాయపడుతుంది.

వ్యాపారం , ఉద్యోగం: ఆర్థిక విషయాలలో సానుకూల అవకాశాలు లభించవచ్చు. రియల్ ఎస్టేట్‌కు సంబంధించి శుభవార్త వెలువడే అవకాశం ఉంది. బ్యాంకింగ్, ఫైనాన్స్ , ఆస్తి రంగాలలో ఉన్న వ్యాపారాలకు ఈ రోజు మంచి రోజుగా ఉంటుంది. కొత్త ఒప్పందాలు కుదుర్చుకునే ముందు క్షుణ్ణంగా పరిశీలన చేయండి.

వృత్తి , విద్య: మీ కృషి , నిలకడ కార్యాలయంలో ఫలిస్తాయి. పాత ప్రాజెక్టులను ముందుకు తీసుకెళ్లే అవకాశాలు మీకు లభిస్తాయి, కొన్ని ముఖ్యమైన పనులలో మీ పాత్ర కూడా విస్తరించవచ్చు. విద్యార్థులు చదువుపై ఏకాగ్రత పెంచుకుని, పోటీ పరీక్షలకు సిద్ధమవడంలో విజయం సాధిస్తారు.

ఆరోగ్యం: మీ ఆరోగ్యం సాధారణంగానే ఉంటుంది, కానీ అజాగ్రత్తగా తినే అలవాట్లు సమస్యలకు కారణం కావచ్చు. వేయించిన ఆహారాలు తినడం, బయట తినడం చేయొద్దు. పుష్కలంగా నీరు త్రాగడం, క్రమం తప్పకుండా నడవడం, పని మధ్యలో చిన్న విరామాలు తీసుకోవడం ప్రయోజనకరంగా ఉంటుంది.

ఆర్థిక పరిస్థితి: ఆర్థిక విషయాలలో లాభాలు వచ్చే అవకాశం ఉంది. పాత పెట్టుబడులు మంచి రాబడిని ఇవ్వవచ్చు మరియు చెల్లించాల్సిన బకాయిలు వసూలు అయ్యే అవకాశం ఉంది. ఆస్తి లావాదేవీలు లాభదాయకంగా ఉంటాయి. అయితే, ఎవరి సలహా మీదనో పెట్టుబడి పెట్టవద్దు. ఆస్తి పత్రాలను జాగ్రత్తగా పరిశీలించండి.

ప్రేమ జీవితం: మీ సంబంధంలో నమ్మకం, స్థిరత్వం పెరుగుతాయి. మీరు మీ భాగస్వామితో భవిష్యత్ ప్రణాళికల గురించి చర్చించుకోవచ్చు. వైవాహిక జీవితం సామరస్యంగా ఉంటుంది. ఒంటరిగా ఉన్నవారు కుటుంబం లేదా పరిచయస్తుల ద్వారా మంచి జోడీని కనుగొనవచ్చు.

అదృష్ట సంఖ్య: 4 | అదృష్ట రంగు: క్రీమ్

పరిహారం: గోధుమలు లేదా ధాన్యాలు దానం చేయండి. లక్ష్మీదేవికి స్వచ్ఛమైన నెయ్యితో దీపాన్ని వెలిగించండి

మేష రాశి నుంచి మీన రాశివరకూ..12 రాశుల డైలీ రాశిఫలాలు, వారఫలాలు, నెలవారీ ఫలితాలు, రాశులు గ్రహాలు మారినప్పుడు మీ రాశిపై ఉండే ప్రభావానికి సంబంధించిన కథనాలన్నీ తెలుసుకునేందుకు ఈ లింక్ క్లిక్ చేయండి