నవంబర్ 13 శుక్రవారం రాశిఫలాలు: మేషం, వృషభం, మిథునం, కర్కాటక రాశుల వారికి అదృష్టం, ఆర్థిక లాభాలు!

Visakha CII Summit: విశాఖలో ఘనంగా సీఐఐ భాగస్వామ్య సదస్సు.. ప్రగతి, సంప్రదాయాల సమ్మేళనంగా ఆంధ్రా వేదిక

Satyaprasad Bandaru — Thu, 12 Nov 2026 17:45:02 +0530

Visakha CII Summit: సాగర తీర నగరం విశాఖపట్నంలో గురువారం ఘనంగా ప్రారంభమైన భారత పరిశ్రమల సమాఖ్య భాగస్వామ్య సదస్సు (CII - Partnership Summit) వేదిక సరికొత్త శోభను సంతరించుకుంది. ఆహ్లాదకరమైన వాతావరణం, సరికొత్త ఆలోచనలకు ఊపిరిలూదేలా సదస్సు ప్రాంగణాన్ని అత్యద్భుతంగా తీర్చిదిద్దారు. గురువారం ఉదయం సదస్సును సీఎం చంద్రబాబు నాయుడు ప్రారంభించారు.

ప్లీనరీ హాల్, మూడు సమావేశ మందిరాలు, పెట్టుబడులకు అంకురార్పణ చేసే వ్యవస్థాపక మందిరంతో పాటు ఏపీ ఘన కీర్తిని ప్రపంచానికి చాటిచెప్పేలా ఏర్పాటు చేసిన ప్రదర్శన సందర్శకులను కట్టిపడేస్తోంది. రాష్ట్ర సంస్కృతి, సంప్రదాయాలు, నోరూరించే వంటకాలు, చేనేత-కలంకారీ హస్తకళలు, పర్యాటక సొబగులు, పారిశ్రామిక ప్రగతి, పెట్టుబడి అవకాశాలను ఈ వేదికపై కళ్లకు కట్టినట్లు ఆవిష్కరించారు.

కట్టిపడేస్తున్న చేనేత, కలంకారీ వైభవం

చేనేత, కలంకారీ కళలకు ఆంధ్రప్రదేశ్ పుట్టినిల్లు. రాష్ట్ర చేనేత, జౌళి శాఖ ఆధ్వర్యంలో ఏర్పాటు చేసిన స్టాల్స్ ప్రత్యేక ఆకర్షణగా నిలుస్తున్నాయి. శ్రీకాకుళం నుండి అనంతపురం వరకు రాష్ట్రవ్యాప్తంగా ప్రసిద్ధి చెందిన పట్టు, కలంకారీ వస్త్రాలను ప్రదర్శించారు. వస్త్రాల తయారీ విధానాన్ని ప్రత్యక్షంగా వివరించడం సందర్శకులను ఎంతగానో ఆకట్టుకుంటోంది. వీటితో పాటు విభిన్న రకాల అందమైన తివాచీలు చూపరులను మంత్రముగ్ధులను చేస్తున్నాయి.

‘హాల్ ఆఫ్ ఫేమ్’ – ‘టేస్ట్ ఆఫ్ ఆంధ్రా’

వివిధ రంగాల్లో విశేష సేవలందించి, రాష్ట్రానికి ఖ్యాతి తెచ్చిన మహనీయుల కీర్తిని చాటుతూ 'హాల్ ఆఫ్ ఫేమ్' పేరుతో లబ్ధప్రతిష్ఠుల చిత్రపటాలను ఏర్పాటు చేశారు. మరోవైపు, ఆంధ్రా రుచులను ప్రపంచానికి పరిచయం చేసే 'టేస్ట్ ఆఫ్ ఆంధ్రా' విభాగం సందర్శకులకు సరికొత్త అనుభూతిని పంచుతోంది. ప్రపంచ ప్రఖ్యాత అరకు కాఫీ ఘుమఘుమలతో పాటు, వంటకాలకు మరింత రుచిని జోడించే సుగంధ ద్రవ్యాలు, ప్రత్యేక మసాలా దినుసులు ప్రదర్శనలో ప్రత్యేక ఆకర్షణగా నిలిచాయి.

డిజిటల్ సొబగులతో పర్యాటకం, హస్తకళలు

ఏపీ పర్యాటక అందాలను ఆధునిక డిజిటల్ విధానంలో ఆవిషరించిన తీరు అద్భుతంగా ఉంది. ఎకో టూరిజం, ఆధ్యాత్మిక, వారసత్వ, సాంస్కృతిక పర్యాటక రంగాలతో పాటు రాష్ట్ర సంప్రదాయ జీవనశైలిని కళ్లకు కట్టినట్లు చూపుతున్నారు. అలాగే, 'మేకర్స్ స్టూడియో' విభాగంలో కొలువుదీరిన పెన్ కలంకారీ, కొండపల్లి బొమ్మలు, సవర ఆదివాసీ కళాకృతులు, ప్రఖ్యాత తోలుబొమ్మలు చూడముచ్చట గొలుపుతున్నాయి.

Also Read: పెట్టుబడిదారులకు చంద్రబాబు సావరిన్ గ్యారెంటీ .. ప్రభుత్వాలు మారినా రక్షణ - సీఐఐ సమ్మిట్‌లో కీలక ప్రకటన

పెట్టుబడుల స్వర్గధామంగా ఆంధ్రప్రదేశ్

ఆధునిక యుగంలో రాష్ట్రం సాధిస్తున్న శరవేగవంతమైన పారిశ్రామిక అభివృద్ధిని ఈ ప్రదర్శన అద్దం పడుతోంది. ముఖ్యంగా ఫుడ్ ప్రాసెసింగ్, గ్రీన్ ఎనర్జీ, గ్రీన్ అమ్మోనియా, ఉక్కు, ఉపాధి కల్పన రంగాల్లో రాష్ట్ర ప్రగతిని ఘనంగా వివరించారు. పెట్టుబడులకు ఉన్న విస్తృత అవకాశాలు, ప్రభుత్వ ప్రోత్సాహకాలను స్పష్టంగా తెలియజేస్తూ "పెట్టుబడుల స్వర్గసీమ ఆంధ్రప్రదేశ్‌లో పెట్టుబడులు పెట్టండి" అనే స్ఫూర్తిని పారిశ్రామికవేత్తల్లో నింపేలా ఈ ప్రదర్శన విజయవంతంగా కొనసాగుతోంది.

Also Read: ఏపీలో 23 పట్టణ స్థానిక సంస్థల ఎన్నికలకు నోటిఫికేషన్.. ఈ నెల 26న పోలింగ్

Hyderabad Bharat Summit : హైదరాబాద్‌లో భారత్ సమ్మిట్.. 70 దేశాల ప్రతినిధుల రాక, రాహుల్ గాంధీ పర్యటనపై ఉత్కంఠ!

Hema Nidadhana — Thu, 12 Nov 2026 17:29:51 +0530

Revanth Reddy Congress Govt Bharat Summit: తెలంగాణ రాజధాని హైదరాబాద్ మరోసారి అంతర్జాతీయ స్థాయి మేధోమథనానికి, దౌత్య చర్చలకు ప్రధాన వేదిక కానుంది. నవంబర్ 13, 14 తేదీల్లో అత్యంత ప్రతిష్టాత్మకంగా నిర్వహించనున్న రెండో విడత భారత్ సమ్మిట్ కు ప్రపంచవ్యాప్తంగా సుమారు 70 దేశాలకు చెందిన ప్రముఖులు, విధాన నిర్ణేతలు, ప్రతినిధులు హాజరుకానుండటంతో జాతీయ స్థాయిలో రాజకీయ ఆసక్తి నెలకొంది. ప్రజాస్వామ్య పరిరక్షణ, సామాజిక న్యాయం, అంతర్జాతీయ అభివృద్ధి మరియు సమకాలీన భౌగోళిక రాజకీయ అంశాలపై లోతైన చర్చలు జరిపేందుకు ఈ సదస్సు ఒక కీలక వేదికగా నిలవనుంది.

ఈ అంతర్జాతీయ సదస్సు విషయంలో అందరి దృష్టి కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీ హైదరాబాద్ పర్యటనపైనే కేంద్రీకృతమైంది. ఈ సమ్మిట్‌కు రాహుల్ గాంధీ హాజరవుతారా? ఒకవేళ ఆయన పర్యటన ఖరారైతే సదస్సులో ఎలాంటి అంశాలపై ప్రసంగిస్తారు? అలాగే రాష్ట్ర నేతలతో ఏమైనా ప్రత్యేక భేటీలు నిర్వహిస్తారా? అనే అంశాలపై రాజకీయ వర్గాల్లో తీవ్ర ఉత్కంఠ కొనసాగుతోంది. రాహుల్ రాకపై అధికారిక షెడ్యూల్‌పై స్పష్టత రావాల్సి ఉన్నప్పటికీ, ఆయన పర్యటన ఖరారైతే తెలంగాణ కాంగ్రెస్ శ్రేణుల్లో నూతన ఉత్సాహం వెల్లివిరియడం ఖాయంగా కనిపిస్తోంది.

మరోవైపు, భారత్ సమ్మిట్ వేదికను కాంగ్రెస్ పార్టీ అంతర్జాతీయ స్థాయిలో తన సిద్ధాంతాలను, ప్రగతిశీల విధానాలను ప్రపంచానికి చాటిచెప్పేందుకు వినియోగించుకుంటుందన్న చర్చ జరుగుతోంది. వివిధ దేశాల నుంచి వచ్చే ప్రతినిధులు, మేధావులతో జరిగే ముఖాముఖి సమావేశాలు, చర్చాగోష్ఠుల ద్వారా అంతర్జాతీయ స్థాయిలో ప్రజాస్వామ్య విలువలు, భారత విదేశాంగ దృక్పథంపై కాంగ్రెస్ తన గళాన్ని బలంగా వినిపించే అవకాశం ఉంది.

అదే సమయంలో, తెలంగాణలో అధికారంలో ఉన్న రేవంత్ రెడ్డి నేతృత్వంలోని కాంగ్రెస్ ప్రభుత్వం ఈ సదస్సును అత్యంత ప్రతిష్టాత్మకంగా తీసుకుని భారీ ఏర్పాట్లు చేస్తోంది. హైదరాబాద్ నగరానికి అంతర్జాతీయ స్థాయిలో మరింత గుర్తింపు తీసుకురావడంతో పాటు, తెలంగాణను ప్రపంచ స్థాయి మేధో చర్చలకు, పెట్టుబడుల ఆకర్షణకు కేంద్రబిందువుగా నిలబెట్టాలన్న లక్ష్యంతో ప్రభుత్వ యంత్రాంగం పనిచేస్తోంది.

నవంబర్ 13, 14 జరగబోయే ఈ రెండు రోజుల 'భారత్ సమ్మిట్'పై దేశ రాజకీయ, దౌత్య వర్గాల దృష్టి నిలిచింది. రాహుల్ గాంధీ రాకపై వీడనున్న ఉత్కంఠ, 70 దేశాల ప్రతినిధుల సమక్షంలో ఈ అంతర్జాతీయ వేదికపై కాంగ్రెస్ నాయకత్వం ఇవ్వబోయే సందేశం రాబోయే రోజుల్లో జాతీయ రాజకీయ సమీకరణాలపై ఎలాంటి ప్రభావం చూపుతుందో వేచి చూడాలి.

Telangana IPS Transfers 2026: తెలంగాణలో భారీగా ఐపీఎస్‌ల బదిలీలు.. హైదరాబాద్ సీపీగా మహేష్ భగవత్, ఫైర్ సర్వీసెస్ డీజీగా సజ్జనార్!

Raja Sekhar Allu — Thu, 12 Nov 2026 17:15:21 +0530

Mahesh Bhagwat New Hyderabad Police Commissioner: తెలంగాణ రాష్ట్ర పోలీసు శాఖలో భారీ ప్రక్షాళన జరిగింది. ముఖ్యమంత్రి రేవంత్ రెడ్డి నేతృత్వంలోని రాష్ట్ర ప్రభుత్వం పరిపాలనా సౌలభ్యం, శాంతిభద్రతల పర్యవేక్షణలో వేగం పెంచే దిశగా ఒకేసారి 21 మంది ఐపీఎస్ అధికారులను బదిలీ చేస్తూ గురువారం కీలక ఉత్తర్వులు జారీ చేసింది. ప్రభుత్వ ప్రధాన కార్యదర్శి సంజయ్ జాజు జారీ చేసిన ఈ ఉత్తర్వుల్లో అత్యంత కీలకమైన హైదరాబాద్ నగర పోలీస్ కమిషనర్ మార్పుతో పాటు, అవినీతి నిరోధక శాఖ , శాంతిభద్రతలు , ఆర్టీసీ , సివిల్ సప్లైస్ వంటి ప్రధాన విభాగాలకు కొత్త అధిపతులను నియమించారు.

హైదరాబాద్ సీపీ సజ్జనార్ బదిలీ

ఈ బదిలీల ప్రక్రియలో అత్యంత చర్చనీయాంశంగా మారిన అంశం సీనియర్ ఐపీఎస్ అధికారి వి.సి. సజ్జనార్ బదిలీ. ఇప్పటివరకు హైదరాబాద్ నగర పోలీస్ కమిషనర్‌గా వ్యవహరించిన సజ్జనార్‌ను ఆ కీలక బాధ్యతల నుంచి తప్పించి, తెలంగాణ ఫైర్, డిజాస్టర్ రెస్పాన్స్, ఎమర్జెన్సీ అండ్ సివిల్ డిఫెన్స్ డైరెక్టర్ జనరల్ గా బదిలీ చేశారు. దీనితో పాటు తదుపరి ఉత్తర్వులు వెలువడే వరకు డీజీ, స్పెషల్ ప్రొటెక్షన్ ఫోర్స్ పూర్తి అదనపు బాధ్యతలను కూడా ఆయనకు అప్పగించారు. హైదరాబాద్ సీపీ వంటి అత్యంత ప్రభావవంతమైన పోస్టు నుంచి సజ్జనార్‌ను అగ్నిమాపక, విపత్తు నిర్వహణ విభాగానికి మార్చడం పోలీసు, రాజకీయ వర్గాల్లో చర్చకు దారితీసింది.

మహేష్ భగవత్‌కు సీపీ పోస్టింగ్

సజ్జనార్ స్థానంలో నూతన హైదరాబాద్ పోలీస్ కమిషనర్‌గా 1995 బ్యాచ్‌కు చెందిన సీనియర్ ఐపీఎస్ అధికారి మహేష్ మురళీధర్ భగవత్ నియమితులయ్యారు. ఇప్పటివరకు రాష్ట్ర శాంతిభద్రతల విభాగం డీజీపీ గా పనిచేసిన మహేష్ భగవత్‌కు రాజధాని శాంతిభద్రతల పర్యవేక్షణ బాధ్యతలను ప్రభుత్వం అప్పగించింది. గతంలో రాచకొండ కమిషనర్‌గా సుదీర్ఘకాలం పనిచేసిన అనుభవం ఉన్న భగవత్ నియామకం, రాజధాని పోలీసింగ్‌లో కీలక మార్పులకు సంకేతంగా భావిస్తున్నారు. మరోవైపు, పోస్టింగ్ కోసం ఎదురుచూస్తున్న 2001 బ్యాచ్ అధికారి అకున్ సబర్వాల్ *‌ను అదనపు డీజీపీ గా నియమించడంతో పాటు, కోఆర్డినేషన్, టెక్నికల్ సర్వీసెస్ విభాగాల అదనపు బాధ్యతలను అప్పగించారు.

ఏసీబీ డైరక్టర్ జనరల్‌గా చారు సిన్హా

సీనియర్ మహిళా ఐపీఎస్ అధికారిణి చారు సిన్హా పూర్తిస్థాయి ఏసీబీ డైరెక్టర్ జనరల్‌గా బదిలీ అయ్యారు. అంతేకాకుండా ఆమెకు సీఐడీ డీజీపీగా పూర్తి అదనపు బాధ్యతలు కొనసాగించారు. జైళ్ల శాఖ డీజీగా ఉన్న డాక్టర్ సౌమ్య మిశ్రా ను మహిళా భద్రత, షీ టీమ్స్ , భరోసా విభాగం డీజీపీగా నియమించగా, స్వాతి లక్రా జైళ్ల శాఖ డీజీగా బదిలీ అయ్యారు. గ్రేహౌండ్స్, ఆక్టోపస్ ఆపరేషన్స్ డీజీపీగా ఉన్న డాక్టర్ అనిల్ కుమార్ ను టీజీఎస్‌ఆర్టీసీ వీసీ అండ్ ఎండీగా నియమించారు.

అలాగే, ఇప్పటివరకు ఆర్టీసీ ఎండీగా ఉన్న వై. నాగిరెడ్డి ని పౌరసరఫరాల శాఖ కమిషనర్, ఎక్స్-అఫీషియో ప్రిన్సిపల్ సెక్రటరీగా బదిలీ చేశారు. ప్రస్తుతం ఆ స్థానంలో ఉన్న ఎం. స్టీఫెన్ రవీంద్ర ను కొత్తగా ఏర్పాటైన తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో డైరెక్టర్‌గా నియమించారు. ఫైర్ సర్వీసెస్ డీజీగా ఉన్న విక్రమ్ సింగ్ మాన్ గ్రేహౌండ్స్ అండ్ ఆక్టోపస్ ఆపరేషన్స్ డీజీపీగా, మల్టీజోన్-1 ఐజీగా ఉన్న ఎస్. చంద్రశేఖర్ రెడ్డి ఏసీబీ డైరెక్టర్‌గా బదిలీ అయ్యారు. ఇంటెలిజెన్స్ ఐజీగా ఉన్న కార్తికేయ ను మల్టీజోన్-1 ఐజీగా, ఐసీసీసీ డైరెక్టర్ అదనపు బాధ్యతలతో నియమించారు.

Major IPS reshuffle in #Telangana, key police officers transferred. Mahesh Muralidhar Bhagwat - #Hyderabad Police Commissioner V.C. Sajjanar - Director General, Telangana Fire, Disaster Response, Emergency and Civil Defence https://t.co/KWcUDqFQdQ
— సందీప్ ఎరుకల Sandeep Erukala (@ESandeep97) November 12, 2026

సజ్జనార్ వంటి కీలక అధికారిని లూప్ లైన్ తరహా విభాగానికి పంపడం, మహేష్ భగవత్, అకున్ సబర్వాల్, చారు సిన్హా, కార్తికేయ వంటి అధికారులకు శాంతిభద్రతలు, ఏసీబీ, ఇంటెలిజెన్స్ విభాగాల్లో కీలక బాధ్యతలు అప్పగించడం ద్వారా రేవంత్ సర్కార్ పోలీసు వ్యవస్థపై తన పట్టును మరింత బిగించినట్లయింది. త్వరలో జరగబోయే పాలనాపరమైన కార్యక్రమాలు, క్షేత్రస్థాయి పర్యటనల నేపథ్యంలోనే ఈ భారీ బదిలీలకు శ్రీకారం చుట్టినట్లు స్పష్టమవుతోంది.

Pat Cummins Sandpapergate: శాండ్ పేపర్ గేట్ పై ఖవాజా పుస్త‌కంతో ఆస్ట్రేలియా క్రికెట్‌లో పెను ప్రకంపనలు.. ఎట్టకేలకు మౌనం వీడనున్న పాట్ కమిన్స్, మీడియా ముందుకు రానున్న‌ ఆసీస్ కెప్టెన్

Ayesha — Thu, 12 Nov 2026 16:47:58 +0530

Cummins Breaks Sandpapergate Silence: ఆస్ట్రేలియా క్రికెట్‌ను కుదిపేసిన 2018 శాండ్ పేపర్ గేట్ ఉదంతం మరోసారి తెరపైకి వచ్చి పెను దుమారం రేపుతోంది. మాజీ ఆటగాడు ఉస్మాన్ ఖవాజా తన ఆత్మకథ 'సబర్' పుస్తకంలో చేసిన సంచలన ఆరోపణలతో ఆసీస్ జట్టులో కలకలం మొదలైంది. కేప్ టౌన్ టెస్టులో బాల్ ట్యాంపరింగ్ కోసం శాండ్ పేపర్ వాడిన విషయం కెప్టెన్ పాట్ కమిన్స్‌తో సహా అప్పటి జట్టులోని ప్రతి ఒక్కరికీ ముందే తెలుసని ఖవాజా బాంబు పేల్చాడు. అంతకుముందు పోర్ట్ ఎలిజబెత్ టెస్టులోనూ ఇలాంటి ప్రయత్నమే జరిగిందని పేర్కొనడంతో ఆసీస్ క్రికెట్ చరిత్రలోని చీకటి అధ్యాయం మళ్లీ చర్చనీయాంశమైంది. ఇప్పటికే స్టార్ పేసర్ మిచెల్ స్టార్క్ ఈ ఆరోపణలను పూర్తిగా ఖండించగా, ఇప్పటివరకు మౌనంగా ఉన్న కెప్టెన్ పాట్ కమిన్స్ శుక్రవారం స్పందించేందుకు సిద్ధమయ్యాడు.

I'm training at Cricket Central tomorrow morning before the Blues play in the Shield match. Happy to speak with any and all media about the events of this week at 9.30 am. I've taken some time to try and better understand the long list and full extent of Uzzy’s allegations so I can respond properly. Afterwards please stay and support the Blues! I’ll ask CA to send out details
— Pat Cummins (@patcummins30) November 11, 2026

క్రికెట్ సెంట్రల్ వేదికగా న్యూ సౌత్ వేల్స్, సౌత్ ఆస్ట్రేలియా మధ్య జరుగుతున్న షెఫీల్డ్ షీల్డ్ మ్యాచ్ మూడో రోజు ఆటకు ముందు ఉదయం 9:30 గంటలకు మీడియాతో మాట్లాడనున్నట్లు కమిన్స్ ఎక్స్ వేదికగా ప్రకటించాడు. "రేపు ఉదయం షీల్డ్ మ్యాచ్‌కు ముందు క్రికెట్ సెంట్రల్‌లో ప్రాక్టీస్ చేస్తాను. ఈ వారం జరిగిన పరిణామాలపై ఉదయం 9:30 గంటలకు మీడియా అడిగే అన్ని ప్రశ్నలకు సమాధానం చెప్పడానికి సిద్ధంగా ఉన్నాను. ఉస్మాన్ ఖవాజా చేసిన సుదీర్ఘ ఆరోపణలను పూర్తిగా అర్థం చేసుకుని సరిగ్గా బదులివ్వడానికి కొంత సమయం తీసుకున్నాను" అని కమిన్స్ పోస్ట్ చేశాడు. గతంలో ఈ కుంభకోణం కారణంగా అప్పటి కెప్టెన్ స్టీవ్ స్మిత్, డేవిడ్ వార్నర్, కామెరాన్ బాన్‌క్రాఫ్ట్ క్రికెట్ ఆస్ట్రేలియా నిషేధానికి గురైన సంగతి తెలిసిందే.

Sandpaper Crisis! Pat Cummins and his wife Becky look so animated. Something is not good in between them. #patcummins #CricketNews https://t.co/naj4yPz179
— Nadir Emaan (@NadirEmaanz) November 12, 2026

భార్యతో విభేదాల వార్తలకు చెక్: ఇన్‌స్టాగ్రామ్ పోస్టుతో క్లారిటీ
శాండ్ పేపర్ గేట్ 2.0 వివాదం నడుస్తున్న వేళ, పాట్ కమిన్స్ తన భార్య బెకీతో బహిరంగంగా వాగ్వాదానికి దిగినట్లు ఒక వీడియో వైరల్ అయింది. అయితే వారిద్దరి మధ్య విభేదాలు తలెత్తాయన్న ఊహాగానాలకు కమిన్స్ భార్య బెకీ తెరదించింది. కమిన్స్, తమ కుమార్తెతో కలిసి ఉన్న అందమైన ఫొటోను ఇన్‌స్టాగ్రామ్ స్టోరీలో షేర్ చేస్తూ 'మై లవ్స్' అని క్యాప్షన్ పెట్టి అంతా బాగానే ఉందని సంకేతాలిచ్చింది.

మీడియా ప్రశ్నల వర్షం: కమిన్స్ సమాధానంపై ఉత్కంఠ
శుక్రవారం జరగబోయే మీడియా సమావేశంలో కమిన్స్‌కు అత్యంత ఇబ్బందికరమైన ప్రశ్నలు ఎదురుకావడం ఖాయంగా కనిపిస్తోంది. ఆనాటి బాల్ ట్యాంపరింగ్ కుట్రలో మిగతా ఆటగాళ్ల ప్రమేయంపై ఆసీస్ కెప్టెన్ ఎలాంటి వివరణ ఇస్తాడోనని క్రీడా ప్రపంచం ఆసక్తిగా ఎదురుచూస్తోంది.

Maharani Series Season 5 OTT : ఓటీటీలోకి మహారాణి సరికొత్త సీజన్ - గుండులో బాలీవుడ్ హీరోయిన్... ఎప్పుడు, ఎందులో స్ట్రీమింగ్ అంటే?

Ganesh Guptha — Thu, 12 Nov 2026 16:08:01 +0530

Huma Qureshi's Maharani Season 5 Web Series OTT Release Date Locked : ఓటీటీల్లో సూపర్ రెస్పాన్స్ అందుకున్న వెబ్ సిరీస్‌ల్లో 'మహారాణి' ఒకటి. బాలీవుడ్ స్టార్ హీరోయిన్ హుమా ఖురేషి ప్రధాన పాత్రలో నటించిన ఈ సిరీస్ 4 సీజన్స్ ఆడియన్స్‌ను అలరించాయి. తాజాగా ఈ పొలిటికల్ థ్రిల్లర్ సరికొత్త సీజన్ ఓటీటీలోకి రాబోతోంది. ఈ మేరకు అఫీషియల్ అనౌన్స్‌మెంట్ వచ్చేసింది.

ప్రోమో రిలీజ్

ఈ సిరీస్ ప్రోమో రిలీజ్ చేశారు మేకర్స్. సీఎం 'రాణి భారతి' పాత్రలో హుమా ఖురేషీ తన అద్భుతమైన నటనతో ఆకట్టుకున్నారు. సరికొత్త ప్రోమోలో సరికొత్త లుక్‌లో గుండులో కనిపించారు. గత సీజన్లలో రాజకీయ పరిణామాలు, అధికార పోరు, ఆసక్తికరమైన మలుపులతో అలరించిన ‘మహారాణి’ కొత్త సీజన్‌పై భారీ హైప్ క్రియేట్ అయ్యింది. గుండుతో హుమా ఖురేషీని చూసిన ఫ్యాన్స్, నెటిజన్స్... అసలు 'రాణి భారతి'కి ఏమైంది? కొత్త కథలో ఏ ట్విస్ట్ నెలకొంటుందో? అని కామెంట్స్ చేస్తున్నారు.

ఈ సిరీస్ ప్రముఖ ఓటీటీ 'సోనీ లివ్' (SonyLIV) సొంతం చేసుకోగా... ఫిబ్రవరి 2027 నుంచి స్ట్రీమింగ్ కానుంది. పునీత్ ప్రకాశ్ దర్శకత్వం వహించగా... హుమా ఖురేషీతో పాటు సోహమ్ షా, అమిత్ సియాల్, వినీత్ కుమార్ తదితరులు కీలక పాత్రల్లో నటిస్తున్నారు. నరేన్ కుమార్ నిర్మించారు. త్వరలోనే అఫీషియల్ రిలీజ్ డేట్ అనౌన్స్ చేయనున్నారు.

Also Read : Anirudh Ravichander Kavya Maran : అనిరుధ్ కావ్య మారన్ వెడ్డింగ్ ఫోటోస్ - గ్రీస్‌లో గ్రాండ్‌గా సంబరాలు

స్టోరీ ఏంటంటే?

గత సీజన్‌లో రాణి భారతి తన కుమారుడు జై హత్యతో తీవ్ర విషాదంలో మునిగిపోతుంది. అతడి శరీరంపై 39 బుల్లెట్ గాయాలున్న విషయాన్ని గుర్తు చేసుకుంటూ, తన కొడుకును చంపిన వారిపై ప్రతీకారం తీర్చుకోవాలని నిర్ణయించుకుంటుంది. ఈసారి రాణి భారతి ప్రయాణం కేవలం రాజకీయాలకే పరిమితం కాకుండా వ్యక్తిగత ప్రతీకారం చుట్టూ తిరగనుంది. తన కొడుకు మరణానికి కారణమైన వారిని గుర్తించి వారికి శిక్ష పడేలా చేయాలని ఆమె ప్రయత్నిస్తుంది. మరోవైపు బీహార్ రాజకీయాలు, ఢిల్లీ అధికార వర్గాల్లో జరిగే పరిణామాలు కూడా కథలో కీలకంగా ఉండనున్నాయి.

Also Read : Alcohol Release Date : అల్లరి నరేష్ ఆల్కహాల్ - ఏడాది తర్వాత న్యూ రిలీజ్ డేట్ ఫిక్స్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Alcohol Release Date : అల్లరి నరేష్ ఆల్కహాల్ - ఏడాది తర్వాత న్యూ రిలీజ్ డేట్ ఫిక్స్

Ganesh Guptha — Thu, 12 Nov 2026 15:30:04 +0530

Allari Naresh's Alcohol Release Date Locked : అల్లరి నరేష్ హీరోగా నటించిన లేటెస్ట్ కామెడీ డ్రామా 'ఆల్కహాల్' (Alcohol). ఈ ఏడాది జనవరి 1న రిలీజ్ కావాల్సిన సినిమా వివిధ కారణాలతో వాయిదా పడుతూ వచ్చింది. దాదాపు ఏడాది తర్వాత ఎట్టకేలకు న్యూ రిలీజ్ డేట్ ఫిక్స్ చేశారు మేకర్స్.

రిలీజ్ ఎప్పుడంటే?

ఈ మూవీని డిసెంబర్ 18న రిలీజ్ చేయనున్నారు. 'ఫ్యామిలీ డ్రామా' మూవీ ఫేమ్ మెహర్ తేజ్ దర్శకత్వం వహించగా... అల్లరి నరేష్ సరసన రుహానీ శర్మ, నిహారిక ఎన్‌ఎం నటిస్తున్నారు. గిరీష్ కులకర్ణి, హర్షవర్ధన్, చైతన్య కృష్ణ తదితరులు కీలక పాత్రలు పోషించారు. మెహర్ తేజ్ దర్శకత్వం వహించగా... గిబ్రాన్ మ్యూజిక్ అందించారు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ నిర్మాణ సంస్థలపై సూర్యదేవర నాగవంశీ, సాయి సౌజన్య నిర్మించారు. ఇప్పటికే రిలీజ్ చేసిన టీజర్ హైప్ క్రియేట్ చేసింది.

మరోసారి కామెడీ జానర్‌లో...

వైవిధ్యమైన కథలు, విభిన్నమైన రోల్స్‌తో ఆకట్టుకునే అల్లరి నరేష్... మళ్లీ కామెడీ జానర్‌తో అలరించబోతున్నారు. 'ఆల్కహాల్' మూవీలో నరేష్ రిచ్చెస్ట్ పర్సన్‌గా కనిపించనున్నారు. ఆదాయం లక్షల్లో ఉన్నప్పటికీ ఆయనకు మద్యం తాగే అలవాటు ఉండదు. డ్రింకింగ్ తన మనసును కంట్రోల్ చేయడం తనకు ఇష్టం లేదని ఓ సందర్భంలో చెబుతారు. అయితే ఆయన ప్రవర్తన, చేసే పనులు మాత్రం అందరినీ ఆశ్చర్యపరిచేలా ఉంటాయి.

మరోవైపు తన స్నేహితుల కోసం నరేష్ ఓ ఆల్కహాల్ పార్టీ ఏర్పాటు చేస్తారు. అయితే ఈ పార్టీ వెనుక ఓ పెద్ద ప్లాన్ ఉన్నట్లు టీజర్‌ను బట్టి తెలుస్తుంది. పార్టీలో పాల్గొన్న వారందరినీ చంపేస్తానని నరేష్ చెప్పడంతో సస్పెన్స్ నెలకొంటుంది. అసలు ఈ పార్టీ వెనుక ఉన్న రహస్యం ఏంటి? గతంలో ఏదైనా సంఘటన జరిగిందా? అనేది తెలియాలంటే సినిమా రిలీజ్ వరకూ ఆగాల్సిందే.

Also Read : Baththa Movie OTT : ఓటీటీలో విజయ్ సేతుపతి కొత్త మూవీ రికార్డ్ - 48 లక్షల వ్యూస్‌తో ట్రెండింగ్‌లో బత్తా... ఎందుకు చూడాలంటే?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

నవంబర్ 13 శుక్రవారం రాశిఫలాలు: ధనుస్సు, మకరం, కుంభం, మీనం - మీ అదృష్టం ఎలా?

RAMA — Thu, 12 Nov 2026 15:24:25 +0530

Horoscope Today November 13th - ధనుస్సు, మకరం, కుంభం, మీన రాశుల నవంబర్ 13రాశిఫలాలు

ధనుస్సు రాశి నవంబర్ 13, 2026

నవంబర్ 13 శుక్రవారం ధనుస్సు రాశివారు అత్యంత వివేకంతో ముందుకు సాగడానికి అనువైన రోజు. కుటుంబ విషయాలలో జాగ్రత్త వహించండి అందరితో సమన్వయం పాటించండి. తొందరపాటుతో వ్యవహరించవద్దు...ఎందుకంటే అది సమస్యలకు దారితీయవచ్చు. మీ పదవి గౌరవాన్ని కాపాడుకోండి. కుటుంబ సభ్యులతో మీ సంబంధాలలో కొనసాగుతున్న ఏవైనా విభేదాలు పరిష్కారమవుతాయి. ఒక గొప్ప విజయాన్ని సాధించడంపై పూర్తిగా దృష్టి సారించండి. వినయాన్ని పాటించండి. మీ వివిధ ప్రయత్నాలు మునుపటి కంటే మెరుగ్గా ఉంటాయి. భూమి, భవనం లేదా ఇల్లు కొనడం మీకు శుభప్రదం.

నవంబర్ 13 శుక్రవారం రాశిఫలాలు: మేషం, వృషభం, మిథునం, కర్కాటక రాశుల వారికి అదృష్టం, ఆర్థిక లాభాలు!

మకర రాశి నవంబర్ 13, 2026

ఈ రోజు మకర రాశివారికి ధైర్యం పెరుగుతుంది..ఏ రంగంలో ఉన్నవారైనా దూసుకెళ్తారు. మీరు పనిలో ముఖ్యమైన సమాచారాన్ని పొందవచ్చు , ఒక సామూహిక కార్యక్రమంలో పాల్గొనవచ్చు. మీరు మీ జీవనశైలిని మెరుగుపరచుకోవడానికి ప్రయత్నిస్తారు. మీరు పెట్టుబడి పెట్టాలని ఆలోచిస్తుంటే, అలా చేసే ముందు మీ తండ్రిని సంప్రదించండి. మీరు పనిలో బాగా రాణిస్తారు. స్నేహితులతో కలిసి బయటకు వెళ్ళడానికి ప్రణాళిక వేసుకోవచ్చు. ఏదో ఒక విషయంలో మీ జీవిత భాగస్వామి మీపై కోపంగా ఉండవచ్చు.

నవంబర్ 13 రాశిఫలాలు: సింహం, కన్యా, తులా, వృశ్చికం.. మీ భవిష్యత్తు ఏంటి?

కుంభ రాశి నవంబర్ 13, 2026

నవంబర్ 13 శుక్రవారం కుంభ రాశివారికి మిశ్రమ ఫలితాలు ఉంటాయి. మీరు ఎవరికైనా మాట ఇస్తే, దాన్ని నిలబెట్టుకోవడానికి శాయశక్తులా ప్రయత్నించండి. మీ ప్రవర్తనతో అందరూ సంతోషిస్తారు, ఇంటికి ఒక అతిథి రావచ్చు. మీరు ఒక శుభకార్యానికి హాజరు కావచ్చు. మీ జీవన ప్రమాణాన్ని మెరుగుపరచుకోవడానికి మీరు అన్ని విధాలా ప్రయత్నిస్తారు. ఒక కోరిక నెరవేరడం మీకు అపారమైన ఆనందాన్ని ఇస్తుంది. మీరు ఒక స్నేహితుని ఆరోగ్యం గురించి ఆందోళన చెందుతారు

మీన రాశి నవంబర్ 13, 2026

మీన రాశివారికి ఈ రోజు ఆత్మవిశ్వాసంతో నిండిన రోజుగా ఉంటుంది. దీర్ఘకాలిక వ్యాపార ప్రణాళికలు ఊపందుకుంటాయి. సృజనాత్మక ప్రయత్నాలు మీకు ప్రయోజనం చేకూరుస్తాయి, మీరు వ్యక్తిగత విషయాలపై ప్రత్యేక శ్రద్ధ వహిస్తారు. విదేశాలలో వ్యాపారం చేసేవారు జాగ్రత్తగా ఉండాలి. కొత్త వ్యాపారాన్ని ప్రారంభించడం మంచి ఆలోచన. భాగస్వామ్య వ్యాపారాలను జాగ్రత్తగా పరిశీలించండి. వివిధ ప్రయత్నాలలో విజయం సాధించే అవకాశం ఉంది, భావోద్వేగ సంబంధాలు బలపడతాయి.

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. దీనిని అనుసరించేముందు మీరు విశ్వశించే పండితుల సలహాలు స్వీకరించగలరు. మీ వ్యక్తిగత జాతకంలో గ్రహస్థితి ఆధారంగా ఫలితాల్లో మార్పులుంటాయని గమనించగలరు.

మేష రాశి నుంచి మీన రాశివరకూ..12 రాశుల డైలీ రాశిఫలాలు, వారఫలాలు, నెలవారీ ఫలితాలు, రాశులు గ్రహాలు మారినప్పుడు మీ రాశిపై ఉండే ప్రభావానికి సంబంధించిన కథనాలన్నీ తెలుసుకునేందుకు ఈ లింక్ క్లిక్ చేయండి

Ramayana Collections : రామాయణ న్యూ రికార్డ్ - వెయ్యి కోట్లకు చేరువలో విజువల్ వండర్

Ganesh Guptha — Thu, 12 Nov 2026 15:06:23 +0530

Ranbir Kapoor's Ramayana Box Office World Wide Collections : రీసెంట్ మైథలాజికల్ ఎపిక్ 'రామాయణ' బాక్సాఫీస్ వద్ద రికార్డు కలెక్షన్స్‌తో దూసుకెళ్తోంది. అంతే కాకుండా 99వ ఆస్కార్ అవార్డ్ రేసింగ్‌లోనూ నిలిచింది. నవంబర్ 5న ప్రేక్షకుల ముందుకు వచ్చిన ఈ సినిమా 7 రోజుల్లోనే రూ.1000 కోట్లకు చేరువలో ఉంది.

రామాయణ వారం రోజుల్లోనే ప్రపంచవ్యాప్తంగా మొత్తం రూ.934.55 కోట్ల గ్రాస్ కలెక్షన్స్ సాధించినట్లు ట్రేడ్ వర్గాలు అంచనా వేస్తున్నాయి. ఇండియావ్యాప్తంగా రూ.611.05 కోట్ల గ్రాస్ కలెక్షన్స్ సాధించగా... రూ.511.10 కోట్ల నెట్ కలెక్ట్ చేసినట్లు తెలుస్తోంది. ఓవర్సీస్‌లో రూ.323.50 కోట్ల గ్రాస్ కలెక్షన్లు సాధించింది.

కలెక్షన్స్ వివరాలు ఇలా :

వరల్డ్‌వైడ్ గ్రాస్ - రూ.934.55 కోట్లు
ఓవర్సీస్ గ్రాస్ - రూ.323.50 కోట్లు
ఇండియా గ్రాస్ - రూ.611.05 కోట్లు
ఇండియా నెట్ - రూ.511.10 కోట్లు

ఆస్కార్ బరిలో...

నితీశ్ తివారీ దర్శకత్వం వహించిన ఈ సినిమాలో శ్రీరాముడిగా రణబీర్, సీతగా సాయిపల్లవి, రావణుడిగా కన్నడ రాకింగ్ స్టార్ యశ్ ప్రధాన పాత్రల్లో నటించారు. వారం రోజుల్లోనే సూపర్ కలెక్షన్స్‌తో దూసుకెళ్తోన్న సినిమా ఆస్కార్ బరిలోనూ నిలిచింది. అకాడమీ తదుపరి దశల్లో ఈ మూవీ ఎంపికైతే ఇండియన్ సినీ ఇండస్ట్రీలో అంతర్జాతీయ స్థాయిలో మరో గుర్తింపు లభిస్తుంది.

సినిమాలో లక్ష్మణుడిగా రవి దూబే, రావణుడిగా యశ్, మండోదరిగా కాజల్ అగర్వాల్, భరతుడిగా ఆదినాథ్ కొఠారే, శతృఘ్నుడిగా నితీశ్ శర్మ, శూర్ఫణఖగా రకుల్ ప్రీత్ సింగ్ నటించారు. దాదాపు రూ. 4 వేల కోట్ల బడ్జెట్‌తో నమిత్ మల్హోత్రా, కన్నడ స్టార్ యశ్ సంయుక్తంగా నిర్మించారు.

Also Read : Idupu Kayitham Teaser : ఇడుపు కాయితం టీజర్ రివ్యూ - అందమైన వివాహ బంధంలో బిగ్ ట్విస్ట్

స్టోరీ ఏంటంటే?

రామాయణం కథలో డైరెక్టర్ నితీశ్ తివారీ సరికొత్త కోణాన్ని చూపించారు. రావణుడి రోల్ పరిచయంతో ప్రారంభమైన రామాయణ... లంకలో అసుర సామ్రాజ్యంపై ఇంద్రుడు (కునాల్ కపూర్) తన దేవతల సమాహారంతో భీకర యుద్ధం చేసి నగరాన్ని సొంతం చేసుకుని ఆ బాధ్యతను కుబేరునికి అప్పగిస్తాడు. ఓటమి తర్వాత కైకసి (శోభన) అవమాన భారంతో పెద్ద కొడుకు దశానన (యష్) దగ్గరకు వెళ్తుంది. దీంతో ఘోర తపస్సు చేసిన బ్రహ్మ నుంచి వరాలు పొందిన దశానన... రావణుడిగా వచ్చి లంకా నగరాన్ని హస్తగతం చేసుకుంటాడు. ముల్లోకాలకు అధిపతిగా అవతరిస్తాడు.

రావణుడి పాలనలో యజ్ఞ యాగాదులు ఆటంకం కలుగుతుంది. సృష్టి వినాశనం అవుతుందని బ్రహ్మ దగ్గరకు వెళ్తాడు దేవేంద్రుడు (కునాల్ కపూర్). అప్పుడు మానవుడిగా అవతారం దాలుస్తారు బ్రహ్మ. అయోధ్యలో దశరథుని ఇంట రాముడు (రణబీర్ కపూర్) జన్మిస్తారు. ఆయన బాల్యం నుంచి సీతాదేవి (సాయి పల్లవి)తో స్వయంవరం, వివాహం... కైకేయి (లారా దత్తా)కు తండ్రి దశరథ మహారాజు (అరుణ్ గోవిల్) ఇచ్చిన వాగ్దానాన్ని నెరవేర్చడం కోసం వనవాసానికి వెళ్లడం, అక్కడ శూర్పణఖ (రకుల్ ప్రీత్ సింగ్) ముక్కును లక్ష్మణుడు (రవి దూబే) కోయడం, సీతను రావణుడు అపహరించడం వరకు... ఇందులో చూపించారు.

నవంబర్ 13 రాశిఫలాలు: సింహం, కన్యా, తులా, వృశ్చికం.. మీ భవిష్యత్తు ఏంటి?

RAMA — Thu, 12 Nov 2026 14:50:20 +0530

Horoscope Today November 13- సింహం, కన్యా, తులా, వృశ్చిక రాశుల నవంబర్ 13 రాశిఫలాలు

సింహ రాశి నవంబర్ 13, 2026

సింహం రాశివారికి నవంబర్ 13 ముఖ్యమైన పనులను సమయానికి పూర్తి చేయడానికి అనువైన రోజు. వ్యాపారంలో ఎవరి ప్రభావానికీ లోనుకాకండి. మీ పై అధికారులు మీ పనిని ప్రశంసిస్తారు, కానీ కొంతమంది శత్రువులు అసూయపడవచ్చు. కుటుంబ సభ్యుల సలహాలను పాటించడం వల్ల మంచి లాభాలు చేకూరుతాయి. మీరు పొదుపు పథకాలలో డబ్బును పెట్టుబడి పెట్టాలి, అప్పుడే మీరు ఉజ్వల భవిష్యత్తును పొందగలరు. మీరు మీ అమ్మకు బహుమతి తీసుకురావచ్చు. ఉద్యోగస్తులకు కొంత గౌరవం లభించవచ్చు.

నవంబర్ 13 శుక్రవారం రాశిఫలాలు: మేషం, వృషభం, మిథునం, కర్కాటక రాశుల వారికి అదృష్టం, ఆర్థిక లాభాలు!

కన్యారాశి నవంబర్ 13, 2026

కన్యా రాశివారు ఈ రోజు ప్రజా సంక్షేమం కోసం పనిచేయడానికి అనువైన రోజు. మీ నాయకత్వ నైపుణ్యాలు మెరుగుపడతాయి. వ్యాపారవేత్తలకు మిశ్రమ ఫలితాలు ఎదురవుతాయి. మీరు ఒక ప్రధాన లక్ష్యానికి అంకితభావంతో ఉంటారు .. బృందకృషితో పనిచేయడం వలన గణనీయమైన లాభాలు వస్తాయి. అందరినీ ఏకం చేసే ప్రయత్నాలు విజయవంతమవుతాయి. మీరు మీ తల్లిదండ్రులతో కొనసాగుతున్న కుటుంబ సమస్యల గురించి చర్చించవచ్చు. మీలో స్థిరత్వ భావన బలపడుతుంది. ఇల్లు, ఆస్తి లేదా వ్యాపార స్థలం కొనుగోలు చేయాలనే మీ కల రేపు నెరవేరవచ్చు.

అరుణాచలం కార్తీకదీపోత్సవం 2026: గిరి ప్రదక్షిణ ఫలితాలు, పూర్తి షెడ్యూల్!

తులా రాశి నవంబర్ 13, 2026

తులా రాశివారు నవంబర్ 13న ఆర్థిక లావాదేవీల విషయంలో స్పష్టత పాటించాల్సిన రోజు. మీరు మీ అత్తమామల కుటుంబంలోని వారి నుంచి డబ్బు అప్పుగా తీసుకున్నట్లయితే, ఇది మీ సంబంధాన్ని దెబ్బతీయవచ్చు. మీ బాధ్యతలను నెరవేర్చడంలో ఏ అవకాశాన్నీ వదులుకోవద్దు. పని ప్రదేశంలో వాదనలకు దూరంగా ఉండండి. మీ దినచర్యపై దృష్టి పెట్టండి; అప్పుడే పనులన్నీ సమయానికి పూర్తవుతాయి. సోమరితనం వల్ల పనిలో అలసత్వం ఏర్పడి, ఆలస్యం జరగవచ్చు. పొంచి ఉన్న శత్రువుల పట్ల జాగ్రత్తగా ఉండండి.

వృశ్చిక రాశి నవంబర్ 13, 2026

నవంబర్ 13 వృశ్చిక రాశివారికి అనుకూల ఫలితాలను తెస్తుంది. మీ ఆత్మవిశ్వాసం గరిష్ట స్థాయిలో ఉంటుంది. మీరు ఏ పనినైనా చేపట్టడానికి ఉత్సాహంగా ఉంటారు. రాజకీయాల్లో పనిచేసే వారికి ఉన్నత పదవి లభించవచ్చు, కానీ ఏమరపాటుగా ఉండకండి, లేకపోతే మీ పురోగతికి ఆటంకం కలగవచ్చు. కుటుంబ సభ్యులతో నాణ్యమైన సమయం గడపడం మీకు ఆనందాన్నిస్తుంది. మేధోపరమైన , మానసిక భారాల నుంచి ఉపశమనం లభిస్తుందని ఆశించవచ్చు. ప్రభుత్వ ఉద్యోగాలకు సిద్ధమవుతున్న వారు తమ ప్రయత్నాలను కొనసాగించాలి.

మేష రాశి నుంచి మీన రాశివరకూ..12 రాశుల డైలీ రాశిఫలాలు, వారఫలాలు, నెలవారీ ఫలితాలు, రాశులు గ్రహాలు మారినప్పుడు మీ రాశిపై ఉండే ప్రభావానికి సంబంధించిన కథనాలన్నీ తెలుసుకునేందుకు ఈ లింక్ క్లిక్ చేయండి

నవంబర్ 13 శుక్రవారం రాశిఫలాలు: మేషం, వృషభం, మిథునం, కర్కాటక రాశుల వారికి అదృష్టం, ఆర్థిక లాభాలు!

RAMA — Thu, 12 Nov 2026 14:42:10 +0530

Horoscope Today November 13th - మేషం, వృషభం, మిథునం, కర్కాటక రాశుల నవంబర్ 13 రాశిఫలాలు

మేష రాశి నవంబర్ 13, 2026

మేష రాశి వారికి నవంబర్ 13 శుక్రవారం ఆర్థికంగా మంచి రోజుగా ఉంటుంది. వ్యాపార విషయాలలో జాగ్రత్త వహించాలి. పని చేసే చోట ఎవరినీ గుడ్డిగా నమ్మవద్దు. బడ్జెట్‌ను పాటించడం మంచిది. అపరిచితుల ప్రభావానికి లోనవకండి, ఎందుకంటే అది నష్టాలకు దారితీయవచ్చు. మీ ముఖ్యమైన పనులలో ఏమరపాటుగా ఉండకండి. మీరు పనులను పూర్తి చేయడంలో నిమగ్నమై ఉంటారు. మీ కుటుంబం నుంచి మీకు పూర్తి మద్దతు లభిస్తుంది.

డిసెంబర్ 11 నుంచి శని మార్గంలో మార్పు! మేషం, మిథునం సహా ఈ 6 రాశులవారికి పదోన్నతులు!

వృషభ రాశి నవంబర్ 13, 2026

శుక్రవారం వృషభ రాశివారు ముఖ్యమైన చర్చలలో పాల్గొనడానికి అనువైన రోజు. మీ విశ్వసనీయత, గౌరవం పెరుగుతాయి. మీ ఆత్మీయుల మధ్య గౌరవాన్ని కాపాడుకోండి, అప్పుడు మీరు అందరి నమ్మకాన్ని గెలుచుకోవడంలో విజయం సాధిస్తారు. మీరు వివిధ రంగాలలో బాగా రాణిస్తారు. వ్యాపారం బలపడుతుంది. మీ ఆర్థిక పరిస్థితి మెరుగుపడుతుంది, ఇది మీకు ఆనందాన్ని కలిగిస్తుంది. ఏదైనా ఒక పనికి సంబంధించి మీరు అనుభవిస్తున్న ఒత్తిడి తగ్గే అవకాశం ఉంది. కుటుంబ విషయాలలో ఏకపక్షంగా వ్యవహరించకుండా, పెద్దలతో మాట్లాడిన తర్వాతే ముందుకు సాగండి.

సూర్య గోచారం 2026: నవంబర్ 17 నుంచి ఈ 8 రాశుల జీవితాల్లో స్వర్ణయుగం!

మిథున రాశి నవంబర్ 13, 2026

సామాజిక రంగంలో పనిచేసే వారికి నవంబర్ 13న మంచి రోజు. మీ పని అనుభవాల నుంచి మీరు పూర్తి ప్రయోజనం పొందుతారు. మీకు వివాదాస్పద ఆస్తి విషయం ఉంటే, దానిపై నిశితంగా దృష్టి పెట్టండి. వ్యాపారవేత్తలు ప్రయాణించే అవకాశం ఉంది. మీకు కొత్త పదవి లభించవచ్చు. యువత చేసిన తప్పులను ఉదారంగా క్షమించడం వివేకం. పాత లావాదేవీ తలనొప్పిగా మారవచ్చు. విద్యార్థులు తమ విద్యా సమస్యల గురించి సీనియర్లతో చర్చించాలి.

కర్కాటక రాశి నవంబర్ 13, 2026

ప్రజా సంక్షేమ కార్యక్రమాలలో పాల్గొనడం ద్వారా పేరు సంపాదించుకోవడానికి నవంబర్ 13న మంచి రోజు. మీరు ఒక సామాజిక కార్యక్రమంలో పాల్గొనవచ్చు, దానివల్ల మీ కీర్తి పెరుగుతుంది. మీ పనికి ఉన్న అడ్డంకులు తొలగిపోతాయి , కుటుంబ సభ్యుల నుంచి మీకు పూర్తి మద్దతు లభిస్తుంది. మీ ఆదాయం పెరగడం మీకు ఆనందాన్ని కలిగిస్తుంది. కుటుంబ సభ్యుల నుంచి మీకు ముఖ్యమైన సమాచారం అందవచ్చు. మీరు ప్రయాణానికి వెళుతున్నట్లయితే, వెళ్ళే ముందు మీ తల్లిదండ్రులను సంప్రదించండి. మీ అమ్మకు ఇచ్చిన వాగ్దానాలను సకాలంలో నెరవేర్చండి.

మేష రాశి నుంచి మీన రాశివరకూ..12 రాశుల డైలీ రాశిఫలాలు, వారఫలాలు, నెలవారీ ఫలితాలు, రాశులు గ్రహాలు మారినప్పుడు మీ రాశిపై ఉండే ప్రభావానికి సంబంధించిన కథనాలన్నీ తెలుసుకునేందుకు ఈ లింక్ క్లిక్ చేయండి

అరుణాచలం గిరి ప్రదక్షిణ ఆలయం నుంచి వరుసగా 17వ ఎనర్జీ పాయింట్ వరకూ వివరాల కోసం ఈ లింక్ క్లిక్ చేయండి

అరుణాచలం గిరి ప్రదక్షిణ 18వ ఎనర్జీ పాయింట్ నుంచి 44వ ఎనర్జీ పాయింట్ వరకూ వివరాల కోసం ఈ లింక్ క్లిక్ చేయండి