ఫ్యామిలీ వాట్సాప్ గ్రూప్లో బీర్ టిన్ ఫొటో పెట్టాడు, బుక్ అయ్యాడు - కాస్త చూసుకోవాలిగా బ్రో
Beer Tin: ఓ కుర్రాడు పొరపాటున ఫ్యామిలీ గ్రూప్లో బీర్ ఫోటో పెట్టి అడ్డంగా బుక్ అయ్యాడు.
Beer Tin Photo:
ఐపీఎల్ సంబరాల్లో..
"మా వాడు చాలా బుద్ధిమంతుడు. ఒక్క చెడ్డ అలవాటు కూడా లేదు" మన ఇండియన్ పేరెంట్స్ అందరూ తమ పిల్లల గురించి ఇలానే గొప్పలు చెప్పుకుంటారు. తల్లిదండ్రుల ముందు కొందరు అలా అమాయకంగా నటిస్తారు. ఫ్రెండ్స్తో కలిసి చేయాల్సినవన్నీ చేసేస్తారు. కానీ...ఒక్కోసారి అనుకోకుండా దొరికిపోతారు. ఓ కుర్రాడు అలానే అడ్డంగా బుక్ అయ్యాడు. IPL సంబరంలో బీర్ తాగుతున్నాడు. తాగినోడు సైలెంట్గా ఊరుకోవచ్చుగా. వెంటనే బీర్ టిన్ ఫోటో తీసి "ముంబయి గెలుస్తుంది...లెట్స్ గో" అని వాట్సాప్ గ్రూప్లో పెట్టాడు. ఫ్రెండ్స్ గ్రూప్లో పెట్టాననే అనుకున్నాడు. కానీ...ట్విస్ట్ ఏంటంటే...మనోడు ఆ ఫోటోని ఫ్యామిలీ గ్రూప్లో పెట్టాడు. ఇంకేముంది...ఆ కుర్రాడి తల్లిదండ్రులు ఇది చూసి షాక్ అయ్యారు. "నీకు తాగే అలవాటుందా..? ఇదేంటి..?' అని ప్రశ్నించారు. అప్పటికి కానీ ఆ కుర్రాడికి అర్థం కాలేదు ఎంత తప్పు చేశాడో. అంటూ ఆ ఫ్యామిలీ గ్రూప్లో ఉన్న అన్న పర్సనల్గా ఆ కుర్రాడికి మెసేజ్ పెట్టాడు. "రేయ్ నువ్వు ఫ్యామిలీ గ్రూప్లో షేర్ చేశావ్రా" అని అలెర్ట్ చేశాడు. డిలీట్ చేయమని తిట్టాడు. అప్పుడైనా ఒళ్లు దగ్గర పెట్టుకోవాలిగా. "డిలీట్ ఫర్ ఆల్" కి బదులుగా "డిలీట్ ఫర్ మి" అనే ఆప్షన్ని క్లిక్ చేశాడు. ఇంకేముంది...గ్రూప్లో నుంచి ఆ ఫోటో డిలీట్ అవ్వలేదు. ఆ తరవాత పెద్ద రచ్చ జరిగింది. ఆ కుర్రాడి అన్న ఈ ఛాటింగ్కి సంబంధించిన స్క్రీన్షాట్స్ని ట్విటర్లో షేర్ చేశాడు. "మా తమ్ముడు చేసిన పని ఇది" అంటూ పోస్ట్ చేశాడు. అలా పెట్టాడో లేదో వెంటనే వైరల్ అయిపోయాయి. నెటిజన్లు ఈ మెసేజ్లు చదువుకుని కడుపుబ్బా నవ్వుకుంటున్నారు. "తాగితే తాగావ్..ఆ ఫోటోలు అవసరమా" అని ఆ కుర్రాడికి క్లాస్ పీకుతున్నారు. ఇంకొందరైతే "సెల్ఫ్ డ్యామేజ్ ఎలా చేసుకోవాలి అనే కోర్స్ చేసుంటాడు" అని ఫన్నీగా స్పందిస్తున్నారు.
No way my brother sent this on the family group 😭 pic.twitter.com/FKnrcYiu3K
— Saniya Dhawan (@SaniyaDhawan1) May 26, 2023
Is he alive? 😭
— S. (@daalmakhniiii) May 26, 2023
He is rightly eligible for creating “How to do self damage” course over udemy
— Mridul (@MridulRajB1) May 26, 2023
వైరల్ వీడియో..
పొట్ట దగ్గర కొవ్వు తగ్గించుకోడానికి జిమ్లలో రకరకాల ఎక్సర్సైజ్లు చెబుతుంటారు. అయితే...పొట్ట తగ్గించుకోడానికి ఆ మెథడ్స్ అన్నింటితో పాటు మరో ఎక్సర్సైజ్నీ కనిపెట్టాడో జిమ్ ట్రైనర్. రొట్టెలు చేసుకున్న కర్ర ఉంటుందిగా. దాంతో పొట్టపై రుద్దితే పొట్ట తగ్గిపోతుందని చెప్పాడు. ఇంకేముంది ట్రైనింగ్ సెంటర్కి వచ్చే ఆడవాళ్లందరూ తలా ఓ రొట్టెల కర్ర తెచ్చుకున్నారు. అందరూ వరుసలో నిలబడి డ్యాన్స్ చేస్తూ పొట్టపై రొట్టెల క్రరతో రుద్దుకున్నారు. ఓ వైపు నవ్వుకుంటూనే ఎక్సర్సైజ్ చేశారు. ఈ వీడియోని ఓ నెటిజన్ ట్విటర్లో పోస్ట్ చేశాడు. ఇంకే ముంది కాసేపటికే వైరల్ అయిపోయింది. పొట్ట ఇలా కూడా తగ్గించుకోవచ్చా అని ఆశ్చర్యపోతున్నారంతా. అంతే కాదు. ఇదే వీడియోలో కొందరు స్కాల్ప్ మసాజర్లతో స్ట్రెస్ తగ్గించుకుంటున్నారు. ఇప్పటికే ఈ వీడియోకి 8 లక్షల వ్యూస్ వచ్చాయి. కామెంట్స్ అయితే ఆగడం లేదు.
Main bol raha hu bohot scope hai iss desh mein. pic.twitter.com/YAEZhltCzM
— Chirag Barjatya (@chiragbarjatyaa) May 4, 2023
Also Read: New Parliament Carpet: పార్లమెంట్లోని కార్పెట్ల తయారీకి 10 లక్షల గంటలు, 60 కోట్ల అల్లికలతో డిజైన్
టాప్ హెడ్ లైన్స్
ట్రెండింగ్ వార్తలు
and tablets