Bihar politics viral memes 2026: బీహార్ సీఎం సమ్రాట్ చౌదరిని రోజూ చాలా మంది కలుస్తూంటారు. తాజాగా ఆయనను బిల్డర్ సంజీవ్ శ్రీవాస్తవ కలిశారు. సీఎంను కలుస్తున్నందున ఓ మెమరబుల్ గిఫ్ట్ ఇవ్వాలనుకున్నారు. బాగా ఆలోచించి.. సీఎం మర్చిపోలేని విధంగా స్కెచ్ వేయాలనుకున్నారు. వేశారు కూడా. దాన్ని ఫ్రేమ్ కట్టించి తీసుకెళ్లి నేరుగా సీఎంకు ఇచ్చారు. ఇప్పుడు నిజంగానే సీఎంగా అది మెమరబుల్..మర్చిపోలేని స్కెచ్ అయింది. కాకపోతే కామెడీగా
సంజీవ్ శ్రీవాస్తవ ఒక పెద్ద బిల్డర్ అయినప్పటికీ, తన అభిమానాన్ని ఒక పెన్సిల్ స్కెచ్ రూపంలో చూపించాలనుకున్నారు. కానీ, ఆ బొమ్మ చూసిన నెటిజన్లు మాత్రం తమదైన శైలిలో కామెంట్లు పెడుతున్నారు. బహుశా బిల్డర్ గారు ఇల్లు కట్టినంత పక్కాగా బొమ్మ గీయలేకపోయారేమో అని కొందరు, సెటైర్లు వేస్తున్నారు. ఆ బొమ్మలో ఉన్న కళ్లు, గడ్డం చూస్తుంటే అవి సామ్రాట్ చౌదరివి కావని, ఎవరో కార్టూన్ క్యారెక్టర్వి అని ట్రోలర్లు ఆటాడుకుంటున్నారు.
ఈ ఫోటోలో మరో ప్రధాన ఆకర్షణ బిల్డర్ సంజీవ్ శ్రీవాస్తవ వేసుకున్న కిలోల కొద్దీ బంగారం. మెడలో దండలు, చేతులకు భారీ కడియాలు.. చూస్తుంటే ఆయన ఒక గోల్డ్ మ్యాన్ లా కనిపిస్తున్నారు. అంత బంగారం వేసుకున్న వ్యక్తి కనీసం ఒక ప్రొఫెషనల్ ఆర్టిస్ట్తో బొమ్మ గీయించలేకపోయారా అన్నది నెటిజన్ల ప్రధాన ప్రశ్న. ఒకవైపు అంతటి విలాసవంతమైన ఆహార్యం, మరోవైపు భయపెట్టేలా ఉన్న స్కెచ్.. ఈ విరుద్ధమైన కలయికే ఈ ఫోటోను గ్లోబల్ లెవల్లో మీమ్ మెటీరియల్గా మార్చేసింది.
సామ్రాట్ చౌదరి రియాక్షన్
ఆ బొమ్మను అందుకుంటున్నప్పుడు సామ్రాట్ చౌదరి ముఖంలో ఉన్న ఎక్స్ప్రెషన్ ఇప్పుడు హైలైట్గా నిలుస్తోంది. అభిమాని ఇచ్చాడు కాబట్టి నవ్వుతూ తీసుకోవాలి.. కానీ ఆ బొమ్మను చూస్తే ఏడుపొస్తోంది అన్నట్లుగా ఆయన ఇచ్చిన లుక్ ఇప్పుడు వేల కొద్దీ మీమ్స్కు కారణమైంది. రాజకీయ నాయకులకు అభిమానులు రకరకాల కానుకలు ఇస్తుంటారు. కానీ, సంజీవ్ శ్రీవాస్తవ ఇచ్చిన ఈ స్కెచ్ మాత్రం సామ్రాట్ చౌదరి రాజకీయ జీవితంలోనే కాకుండా, ఇంటర్నెట్ చరిత్రలోనూ ఒక చిరస్థాయి ‘కామెడీ’గా మిగిలిపోవడం ఖాయం.