English Speaking Skills : ఇంగ్లీష్ అర్థమవుతున్నా మాట్లాడలేకపోతున్నారా? రోజూ ఈ అలవాట్లు ఫాలో అయితే ఫ్లూయెంట్గా మాట్లాడొచ్చు!
Tips To Speak English More Confidently : చాలామందికి ఇంగ్లీష్ అర్థమవుతుంది కానీ.. మాట్లాడేందుకు భయపడతూ ఉంటారు. మీరు కూడా అలాంటి వారిలో ఒకరు అయితే.. ఈ చిట్కాలు ఫాలో అవుతూ స్కిల్స్ పెంచుకోండి.
- రోజువారీ ఇంగ్లీష్ మాట్లాడటం, వినడం నైపుణ్యాన్ని పెంచుతుంది.
- కొత్త పదాలు నేర్చుకుంటూ, ఇంగ్లీష్లో చదవడం ముఖ్యం.
- అద్దం ముందు, ఇంగ్లీష్లో ఆలోచించడం ఆత్మవిశ్వాసం పెంచుతుంది.
Tips To Improve Your English Communication Skills : ఈ రోజుల్లో ఇంగ్లీష్ మాట్లాడటం ఒక స్కిల్ మాత్రమే కాదు. చదువు, ఉద్యోగం, వ్యాపారం, వ్యక్తిగత అభివృద్ధి వంటి అనేక రంగాల్లో అవసరమైన కమ్యూనికేషన్ స్కిల్గా మారింది. అయితే చాలామంది ఇంగ్లీష్ అర్థం చేసుకోగలిగినా.. మాట్లాడే సమయంలో మాత్రం తప్పుగా మాట్లాడతామేమోనని సంకోచిస్తుంటారు. మీరు కూడా అలాంటి వారిలో ఒకరు అయితే ప్రతిరోజూ కొన్ని చిన్న అలవాట్లు ఫాలో అవ్వండి. వాటిని పాటిస్తే మీరు కూడా ఇంగ్లీష్ మాట్లాడే నైపుణ్యాన్ని మెరుగుపరచుకోగలుగుతారు.
15–20 నిమిషాలు ఇంగ్లీష్లో మాట్లాడండి
ఇంగ్లీష్ మాట్లాడే నైపుణ్యం పెరగాలంటే దానికి తగ్గట్లు ప్రాక్టీస్ చాలా ముఖ్యం. ఇంట్లో ఒంటరిగా ఉన్నప్పుడు కూడా మీ రోజువారీ పనుల గురించి ఇంగ్లీష్లో మాట్లాడేందుకు ప్రయత్నించండి. ఇది మీలో ఇతరులతో మాట్లాడే ధైర్యాన్ని పెంచుతుంది.
ఇంగ్లీష్ వార్తలు, పోడ్కాస్ట్లు వినండి
ఇంగ్లీష్ న్యూస్ ఛానెల్స్, పోడ్కాస్ట్లు లేదా ఆడియోబుక్స్ వినడం ద్వారా పదాలు సరైన విధంగా ఎలా పలకాలో.. వాక్య నిర్మాణం ఎలా చేయాలో తెలుసుకోవచ్చు. అలాగే కొత్త పదాలను నేర్చుకోవచ్చు. వినడం ద్వారా భాషపై అవగాహన కూడా పెరుగుతుంది.
కొత్త పదాలు నేర్చుకోండి..
ప్రతిరోజూ కనీసం 5 కొత్త ఇంగ్లీష్ పదాలను నేర్చుకోండి. వాటితో ఏదైనా వ్యాక్యాన్ని తయారు చేయండి. పదాల అర్థం తెలుసుకోవడం మాత్రమే కాకుండా వాటిని ఎలా ఉపయోగించాలో కూడా తెలుసుకోవడం ముఖ్యం.
ఇంగ్లీష్లో చదివండి
ఇంగ్లీష్ మాట్లాడాలి అనుకుంటే.. ఇంగ్లీష్లో పేపర్స్, బ్లాగులు, కథలు లేదా చిన్న వ్యాసాలను చదవడం నేర్చుకోండి. దీనివల్ల పదజాలం పెరుగుతుంది. అలాగే వాక్యాలను ఎలా నిర్మించాలో కూడా అర్థమవుతుంది.
అద్దం ముందు ప్రాక్టీస్
మీరు మిర్రర్ ముందు నిలబడి.. మీ గురించి లేదా ఏదైనా అంశంపై ఇంగ్లీష్లో మాట్లాడండి. ఇలా చేయడం వల్ల మీలో ఆత్మవిశ్వాసం పెరుగుతుంది. అంతేకాకుండా మీ తప్పులను సులభంగా గుర్తించగలుగుతారు.
ఇంగ్లీష్లో ఆలోచించండి..
చాలామంది ఏదైనా విషయం గురించి ముందుగా తెలుగులో ఆలోచించి.. తర్వాత ఇంగ్లీష్లోకి అనువదిస్తారు. దీనివల్ల మాట్లాడే వేగం తగ్గుతుంది. కాబట్టి చిన్న చిన్న విషయాలను కూడా నేరుగా ఇంగ్లీష్లో ఆలోచించే ప్రయత్నం చేయండి. దీంతో ఇంగ్లీష్లో కమ్యూనికేట్ చేయగలిగే సామర్థ్యం మెరుగవుతుంది.
ఇంగ్లీష్ సినిమాలు, సిరీస్లు
ఇంగ్లీష్ మూవీస్ లేదా వెబ్ సిరీస్లను సబ్టైటిల్స్తో చూడడం ద్వారా సంభాషణలు సహజంగా ఎలా ఉంటాయో తెలుసుకోవచ్చు. దీనివల్ల లిజనింగ్, స్పీకింగ్ స్కిల్స్ రెండూ మెరుగవుతాయి.
రికార్డ్ చేసుకోండి
మీరు ఇంగ్లీష్లో మాట్లాడుకుంటున్నప్పుడు.. మీ వాయిస్ను రికార్డ్ చేసి వినండి. మీరు పదాలను ఎలా పలుకుతున్నారు.. గ్రామర్ లేదా ఫ్లూయెన్సీలో ఉన్న లోపాలను గుర్తించండి. వాటిని కరెక్ట్ చేసుకునేందుకు ట్రై చేయండి.
తప్పులు చేస్తే భయపడకండి
ఇంగ్లీష్ అనే కాదు.. ఏ భాష అయినా నేర్చుకునే ప్రక్రియలో తప్పులు చేయడం సహజం. అలా అని తప్పులు మాట్లాడతామని.. భయంతో మొత్తానికి మాట్లాడకుండా ఆగిపోవడం కరెక్ట్ కాదు. కాబట్టి ముందుగానే మాట్లాడటం నేర్చుకోండి.
ఇంగ్లీష్ మాట్లాడే నైపుణ్యం ఒక్కరోజులో రాదని గుర్తించుకోవాలి. ప్రతిరోజూ కొద్దిసేపు అయినా ప్రాక్టీస్ చేస్తే క్రమంగా ఫ్లూయెన్సీ, ఆత్మవిశ్వాసం పెరుగుతాయి. ఇంగ్లీష్ స్పీకింగ్ స్కిల్స్ను మెరుగుపరచడానికి ప్రత్యేక కోర్సులు లేదా ఖరీదైన శిక్షణ అవసరం లేదు. రోజువారీ జీవితంలో ఈ చిన్న చిన్న అలవాట్లను అలవరచుకుని.. వాటిని కంటిన్యూ చేస్తే.. ఇంగ్లీష్ను ధైర్యంగా, సులభంగా మాట్లాడగలుగుతారు.
మరిన్ని లైఫ్స్టైల్, హెల్త్ ఆర్టికల్స్ కోసం ఈ లింక్ క్లిక్ చేయండి.
టాప్ హెడ్ లైన్స్
ట్రెండింగ్ వార్తలు
