Munnar to Alleppey Road Trip : మున్నార్​ టూ అలెప్పీ రోడ్ ట్రిప్.. పార్టనర్​తో వెళ్తే జర్నీ అంతా కిక్ ప్రాప్తిరస్తు, డిటైల్స్ ఇవే

Best Road Trip :పార్టనర్​తో కలిసి లాంగ్​ డ్రైవ్​కి వెళ్లాలనుకునేవారు.. మున్నార్​ టూ అలెప్పీ రోడ్​ ట్రిప్​ అస్సలు మిస్ చేయవద్దు. ఈ ట్రిప్ ఎందుకు బెస్టో ఇప్పుడు చూసేద్దాం.

Munnar to Alleppey Road Trip Guide : కేరళ (God's Own Country). బడ్జెట్ ఫ్రెండ్లీ ట్రిప్​కోసం చూసేవాళ్లు, ప్రకృతిని ఎంజాయ్ చేయాలనుకునేవారి లిస్ట్​లో ఇది టాప్​లో ఉంటుంది. అక్కడి అందాలు మనసును కట్టిపడేస్తాయి. మీరు కేరళకి ట్రిప్​కి వెళ్లాలనుకుంటే కచ్చితంగా మీరు మున్నార్​ టూ అలెప్పీ రోడ్​ ట్రిప్​ని ట్రై చేయాల్సిందే. ముఖ్యంగా పార్టనర్​తో కలిసి మంచి రోడ్​ ట్రిప్​ ఎక్స్​పీరియన్స్ చేయాలనుకునేవారు దీనిని అస్సలు మిస్​ కాకూడదంటున్నారు.

మున్నార్​ నుంచి అలెప్పీకి రోడ్​ ట్రిప్​ వెళ్తే.. మీరు ప్రకృతి అందాలను, మంచి ఎక్స్​పీరియన్స్​ను పొందవచ్చు. ముఖ్యంగా సెప్టెంబర్​ నుంచి ఫిబ్రవరి మధ్యలో ఈ ట్రిప్​ బెస్ట్. మరి ఈ ట్రిప్​కి ఎలా వెళ్లాలి? ఎంత దూరం ఉంటుంది? రూట్, తీసుకోవాల్సిన జాగ్రత్తలు, తెలుసుకోవాల్సిన ఇంట్రెస్టింగ్ విషయాల గురించి ఇప్పుడు తెలుసుకుందాం.

దూరమెంత అంటే.. 

మున్నార్​ నుంచి అలెప్పీకి 180 కిలోమీటర్లు దూరం ఉంటుంది. ట్రాఫిక్ లేకుంటే మీరు 5 నుంచి 6 గంటలు జర్నీ చేసి అలెప్పీకి చేరుకోవచ్చు. 

రూట్ ఇదే.. 

మున్నార్​ నుంచి అలెప్పీకి రోడ్​ ట్రిప్​కి వెళ్లాలంటే మున్నార్ నుంచి అడిమలి(Adimaly) వెళ్లాలి. అక్కడి నుంచి కొత్తమంగళం (Kothamangalam).. అటు నుంచి కొచ్చి(Kochi) అనంతరం అలెప్పీ చేరుకుంటారు. 

ఈ రోడ్ ట్రిప్​లో చూడాల్సిన ప్రదేశాలివే.. 

రోడ్ ట్రిప్​కి వెళ్లేప్పుడు మీరు ప్రకృతి ప్రసాదించిన ఎన్నో అందాలు చూడొచ్చు. మున్నార్​లో మీరు టీ ప్లాంటేషన్స్​ని, మట్టుపెట్టి డ్యామ్, ఎకో పాయింట్స్​ చూడొచ్చు. అడిమలిలో మీరు వాటర్​ ఫాల్స్​ చూడొచ్చు. కాసేపు టైమ్​ తీసుకుని మీరు ఈ వ్యూని, వాటర్ పాయింట్​ని ఎంజాయ్ చేయవచ్చు. కొత్తమంగళంలో మార్తోమా చర్చ్, లోకల్ మార్కెట్​ను ఎక్స్​ప్లోర్ చేయవచ్చు. కొచ్చిలో ఫోర్ట్​, మట్టన్​చెర్రీ ప్యాలేస్ చూడొచ్చు. అక్కడి నుంచి కొచ్చి మెరైన్ డ్రైవ్‌ చేసి.. అలెప్పీకి వెళ్లాలి. అలెప్పీకి వెళ్తే కచ్చితంగా చూడాల్సిన వాటిలో బ్యాక్ వాటర్స్ ఉంటాయి. అక్కడ బోట్ రైడ్ తీసుకుని.. అలెప్పీ బీచ్​కి వెళ్లొచ్చు. 

తెలుసుకోవాల్సినవి ఇవే..

మీరు రోడ్ ట్రిప్​కోసం మున్నార్ నుంచి అలెప్పీకి వెళ్లాలనుకుంటే.. రోడ్ కండీషన్స్​, వాతావరణం ఎలా ఉందో తెలుసుకోవాలి. సాధారణంగా టూరిస్ట్ ప్లేస్​లు కాబట్టి అక్కడ రోడ్స్ బాగానే ఉంటాయి. కొన్ని చోట్ల గుంతలు, రఫ్​ రోడ్స్ ఉండొచ్చు. డ్రైవ్​కి వెళ్లినప్పుడు కాస్త అలెర్ట్​గా ఉండాలి. అలాగే రోడ్ వైండిగ్స్​ పట్ల అవగాహన కలిగి ఉండడం లేదంటే జాగ్రత్తగా వెళ్తే మంచిది. మున్నార్​ నుంచి కొచ్చికి వెళ్లేప్పుడు కాస్త ట్రాఫిక్ ఉంటుంది. వీటిని దృష్టిలో పెట్టుకుని వెళ్లాలి. 

స్టేయింగ్​ కోసం.. 

మున్నార్, అలెప్పీల్లో మీరు స్టేయింగ్ చేయవచ్చు. చాలా ఆప్షన్స్.. తక్కువ బడ్జెట్​లోనే అందుబాటులో ఉంటాయి. బడ్జెట్ ఫ్రెండ్లీ హోటల్స్ నుంచి రిసార్ట్స్ ఉంటాయి. కేరళ లోకల్ ఫుడ్​ని ఎక్స్​ప్లోర్ చేయవచ్చు. కాఫీ కూడా మీకు మంచి ఎక్స్​పీరియన్స్ ఇస్తుంది. 

తీసుకోవాల్సిన జాగ్రత్తలు

వర్షాలు పడే సమయంలో ఈ ట్రిప్​ని క్యాన్సిల్ చేసుకుంటే మంచిది. అలాగే మీరు వెళ్లేప్పుడు కంఫర్టబుల్​గా ఉండేందుకు కావాల్సిన వస్తువులు ప్యాక్ చేసుకోవాలి. సన్​స్క్రీన్, కెమెరా వంటివాటిని తీసుకువెళ్లడం మరచిపోవద్దు. మీరు బయలుదేరే ముందు పెట్రోల్​ ఫుల్ ట్యాంక్ చేయించుకుని వెళ్తే ఇబ్బందులు ఉండవు. హెల్మెట్​ పెట్టుకుని జాగ్రత్తగా డ్రైవ్ చేస్తే మంచి ఎక్స్​పీరియన్స్ మీ సొంతమవుతుంది.