Mobile Hacking : ఈ రోజుల్లో మొబైల్ ఫోన్ అందరి జీవితంలో కీలక పాత్ర పోషిస్తోంది. పిల్లల నుంచి పెద్దల వరకు వివిధ అవసరాల కోసం ఫోన్తో ఎక్కువ సమయం గడుపుతున్నారు. బ్యాంకింగ్, సోషల్ మీడియా, వ్యక్తిగత ఫోటోలు, ఆఫీస్ డేటా అన్నీ ఫోన్లోనే ఉంటున్నాయి. ఇలాంటి పరిస్థితుల్లో మొబైల్ హ్యాక్ అయితే.. ఆర్థికంగా, వ్యక్తిగతంగా కూడా పెద్ద నష్టమే జరుగుతుంది. మరి మీ ఫోన్ హ్యాక్ అయిందా లేదా ఎలా తెలుసుకోవాలి? దాని పరిష్కారం ఏంటో ఇప్పుడు తెలుసుకుందాం.
మొబైల్ హ్యాక్ అయితే కనిపించే మార్పులు ఇవే
ఫోన్ నెమ్మదిగా పనిచేస్తుంది. మునుపటిలా ఫాస్ట్గా ఉండదు. దాని అర్థం బ్యాక్గ్రౌండ్లో హానికరమైన యాప్స్ రన్ అవుతుండవచ్చు. బ్యాటరీ త్వరగా డౌన్ అయిపోతుంది. మీకు తెలియకుండానే ఇంటర్నెట్ డేటా ఎక్కువ అయిపోతుంది. మీరు ఇన్స్టాల్ చేయని యాప్లు ఫోన్లో కనిపిస్తే జాగ్రత్త. మీ అకౌంట్స్నుంచి మెసేజ్లు, మెయిల్స్ వెళ్లడం కూడా హ్యాక్లో భాగమే. ఇలాంటివి మీ ఫోన్లో కనిపించినా.. కనిపించకపోయినా ఫోన్ ఎలా హ్యాక్ అయిందో తెలుసుకోవచ్చంటున్నారు తెలంగాణ పోలీసులు.
ఫోన్ హ్యాక్ అయిందో లేదో ఇలా తెలుసుకోండి..
ఫోన్ హ్యాక్ అయిందో లేదో తెలుసుకోవాలంటే.. మీ మొబైల్ఫోన్లో *#21# డయల్ చేయాలి. ఒకవేళ హ్యాక్ అయితే అక్కడ డిటైల్స్ వస్తాయి. ఒకవేళ హ్యాక్ కాకుంటే.. Not Forwarded అంటూ వాయిస్, డేటా, ఫ్యాక్స్, ఎస్ఎంఎస్, సింక్, ఆడియో సింక్ డిటైల్స్ చూపిస్తుంది. ఒక వేళ హ్యాక్ అయితే ఇలా తీసేయండి.
ఫోన్ హ్యాక్ అయితే..
ఫోన్ హ్యాక్ అయినప్పుడు.. మీరు మొబైల్ నుంచి ##002# డయల్ చేస్తే అన్ని ఫార్వార్డింగ్స్ ఆగిపోతాయని తెలిపారు తెలంగాణ పోలీసులు. మరి మీరు కూడా మీ మొబైల్ సేఫ్గా ఉందో లేదో.. హ్యాక్ అయిందో తెలుసుకోండి. ఒకవేళ హ్యాక్ అయితే ఈ సింపుల్ టిప్తో సమస్య నుంచి బయట పడండి.