Foods for Liver Health : ఆరోగ్యాన్ని కాపాడుకోవాలంటే ముందుగా డైట్​ని సెట్ చేసుకోవాలి. కాలేయ సమస్యలను దూరం చేసుకోవడానికి కూడా కొన్ని ఫుడ్స్ రొటీన్​గా తీసుకోవాలి. లివర్​ హెల్త్​ కోసం ఆల్కహాల్ మానేయడం, స్మోకింగ్ వదిలేయడం, వ్యాయామం రెగ్యులర్​గా చేయడంతో పాటు కొన్ని ఫుడ్స్ రోజూ తీసుకుంటే మంచిదని చెప్తున్నారు నిపుణులు. ఇంతకీ ఆ ఫుడ్స్ ఏంటి? లివర్​ ఫ్యాట్​ని తగ్గించి.. కాలేయ ఆరోగ్యాన్ని ఎలా మెరుగుపరుస్తాయో ఇప్పుడు తెలుసుకుందాం. 

వెల్లుల్లి

వెల్లుల్లి ఆరోగ్యానికి చాలా మేలు చేస్తుంది. ముఖ్యంగా లివర్ హెల్త్​కి. ఎందుకంటే వెల్లుల్లిలో అల్లిసిన్, సెలీనియం ఉంటాయి. ఇవి కాలేయాన్ని డీటాక్స్ చేసి.. టాక్సిన్లను బయటకు పంపడంలో హెల్ప్ చేస్తాయి. కాబట్టి వీటిని రెగ్యులర్​గా డైట్​లో తీసుకోవచ్చు. 

ఆకు కూరలు

కాలేయ ఆరోగ్యం కోసం ఆకు కూరలు కూడా ఎక్కువగా తీసుకోవాలని సూచిస్తున్నారు నిపుణులు. పాలకూర, కాలే, మెంతికూర వంటి ఆకు కూరల్లో క్లోరోఫిల్ పుష్కలంగా ఉంటుంది. ఇది లివర్​ని సహజంగా డీటాక్స్ చేస్తుంది. 

పసుపు 

వంటింట్లో ఉండే పసుపు పూర్తి ఆరోగ్యంతో పాటు కాలేయాన్ని కాపాడుకోవడంలో కూడా ముఖ్యపాత్ర పోషిస్తుంది. దీనిలోని కర్క్యుమిన్ లివర్​ ఇన్​ఫ్లమేషన్​ని తగ్గిస్తుంది. కాలేయ కణాలను మెరుగుపరుస్తుంది. 

దుంపలు

బీట్​రూట్, క్యారెట్ వంటి దుంపల్లో ఫ్లేవనాయిడ్స్, బీటాకెరోటిన్ పుష్కలంగా ఉంటాయి. ఇవి లివర్​ ఫంక్షన్​ని మెరుగుపరచడమే కాకుండా.. రక్తాన్ని శుభ్రం చేయడంలో హెల్ప్ చేస్తాయి. దీనివల్ల లివర్​పై భారం తగ్గుతుంది. 

ఒమేగా 3

కాలేయాన్ని కాపాడుకోవడం కోసం ఒమేగా 3 ఫ్యాట్స్ పుష్కలంగా చేపలు తీసుకుంటే మంచిద. ఇవి ఇన్​ఫ్లమేషన్​ని తగ్గించి.. లివర్​ హెల్త్​ని మెరుగుపరుస్తాయి. అలాగే వాల్​ నట్స్​ కూడా లివర్​ హెల్త్​ని ప్రమోట్ చేస్తాయి.  

గ్రీన్ టీ

గ్రీన్​ టీలో యాంటీఆక్సిడెంట్లు పుష్కలంగా ఉంటాయి. ఇవి లివర్​ ఫంక్షన్​ని మెరుగుపరిచి.. కాలేయంలో కొవ్వు చేరకుండా కాపాడుతాయి. కాబట్టి దీనిని రెగ్యులర్​గా తీసుకుంటే మంచిది. 

హెల్తీ ఫ్యాట్స్ 

అవకాడోల్లో హెల్తీ ఫ్యాట్స్ ఉంటాయి. గ్లూటాథిన్ కూడా ఉంటుంది. ఇది లివర్​ డ్యామేజ్ కాకుండా కాపాడుతుంది. అలాగే డీటాక్స్ చేయడంలో హెల్ప్ చేస్తుంది. ఆలివ్ ఆయిల్​లో కూడా హెల్తీ ఫ్యాట్స్ ఉంటాయి. ఇవి లివర్​ ఫ్యాట్​ పెరగకుండా హెల్ప్ చేస్తాయి. 

బెర్రీలు 

యాంటీఆక్సిడెంట్లు బెర్రీల్లో పుష్కలంగా ఉంటాయి. బ్లూ బెర్రీలు, క్రాన్​బెర్రీ, స్ట్రాబెర్రీలను డైట్​లో తీసుకోవడం వల్ల ఇన్​ఫ్లమేషన్ తగ్గుతుంది. లివర్​ హెల్త్​కి మేలు జరుగుతుంది. 

ఇవేకాకుండా యాపిల్స్​, సిట్రస్ ఫ్రూట్స్, బ్రౌన్ రైస్, ఓట్స్, క్వినోవా వంటి ఫుడ్స్ కూడా లివర్​ హెల్త్​ని మెరుగుపరచడంలో హెల్ప్ చేస్తాయి. కాఫీ కూడా లివర్​ డ్యామేజ్ కాకుండా కాపాడుతుంది. కానీ తక్కువ మోతాదులో బ్లాక్​ కాఫీ రూపంలో తీసుకుంటే మంచి ఫలితాలు ఉంటాయి. వీటిని రెగ్యులర్​గా తీసుకోవడం వల్ల కాలేయ ఆరోగ్యం మెరుగుపడుతుంది. వైద్యుల సూచనలు తీసుకుంటే మంచి ఫలితాలు ఉంటాయి. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.