Soaked Chia Seeds : చియా సీడ్స్ నానబెట్టి ఉదయాన్నే తీసుకుంటే కలిగే లాభాలు ఇవే.. ఫుడ్ కంట్రోల్ నుంచి గట్ హెల్త్ వరకు

DIY Sandalwood Face Packs : గంధంతో ఫేస్ ప్యాక్స్.. మెరిసే, మృదువైన స్కిన్ కోసం పాలు, తేనె, పెరుగుతో కలిపి అప్లై చేయండిలా

Geddam Vijaya Madhuri — Thu, 12 Nov 2026 14:28:35 +0530

Sandalwood Face Packs For Healthy Skin : చర్మ సంరక్షణ కోసం ఖరీదైన బ్యూటీ ప్రొడక్ట్స్ ఉపయోగించాల్సిన అవసరం లేదు. మన వంటింట్లో, ఇంట్లో సులభంగా దొరికే కొన్ని పదార్థాలతో కూడా చర్మాన్ని జాగ్రత్తగా చూసుకోవచ్చు. అలాంటి వాటిలో గంధం పొడి ఒకటి. అందుకే ఎన్నో ఏళ్లుగా చర్మ సంరక్షణలో భాగంగా చందనాన్ని ఉపయోగిస్తుంటారు. దీనిలో చర్మానికి చల్లదనాన్ని అందించే గుణాలు ఉంటాయి.

గంధంలో ఇతర పదార్థాలతో కలిపి ఫేస్ ప్యాక్‌లా ఉపయోగించుకోవచ్చు. పెరుగు, తేనె, పాలు, కలబంద వంటి పదార్థాలతో గంధం పొడిని కలిపి.. వివిధ రకాల ఫేస్ ప్యాక్‌లు ట్రై చేయవచ్చు. మరి వాటిని ఎలా తయారు చేసుకోవాలో.. వేటిని గంధంతో కలిపితే చర్మానికి ఎలాంటి లాభాలు అందుతాయో ఇప్పుడు తెలుసుకుందాం.

Also Read : పార్లర్లో ఫేస్ క్లీన్‌అప్ చేయించుకోవడం మంచిదా? ఫేషియల్ చేయించుకుంటే బెటరా?

గంధంలో పాలు.. ఫేస్ ప్యాక్

చర్మం పొడిబారి గట్టిగా మారినట్లు అనిపిస్తోందా? అలాంటప్పుడు చందనం పొడి, పాలతో ఫేస్ ప్యాక్ తయారు చేసుకోవచ్చు. ఒక టేబుల్ స్పూన్ గంధం పొడిలో రెండు టేబుల్ స్పూన్ల పాలు, కొన్ని చుక్కల రోజ్ వాటర్ కలపాలి. ఈ మిశ్రమాన్ని ముఖం, మెడకు సమానంగా అప్లై చేసి 15 నిమిషాల తర్వాత గోరువెచ్చని నీటితో కడిగేయాలి. తర్వాత మాయిశ్చరైజర్ రాసుకోవాలి.

చందనతో, తేనె.. తేమ కోసం

తేనెలో చర్మానికి తేమను అందించడంలో సహాయపడే గుణాలు ఉంటాయి. చందనం పొడితో కలిపి ఉపయోగిస్తే చర్మ సంరక్షణలో ఒక మంచి ఫేస్ ప్యాక్‌గా ఉపయోగించుకోవచ్చు. ఒక టేబుల్ స్పూన్ చందనం పొడిలో ఒక టీ స్పూన్ తేనె, కొద్దిగా నీరు కలిపి పేస్ట్‌లా తయారు చేసుకోవాలి. దీన్ని కళ్ల చుట్టూ అప్లై చేయకుండా ముఖానికి రాసి సుమారు 10 నిమిషాల తర్వాత నీటితో కడిగేయాలి.

Also Read : అరటిపండు ఫేస్ మాస్క్.. ఇంట్లోనే మెరిసే, హెల్తీ స్కిన్ కోసం సులభమైన DIY చిట్కాలు

ఫ్రెష్ లుక్ కోసం.. పెరుగుతో

పెరుగును చాలామంది ఇంటి చిట్కాల్లో భాగంగా ఉపయోగిస్తుంటారు. ఇందులోని తేమ గుణాలు చర్మాన్ని మృదువుగా ఉంచడంలో సహాయపడవచ్చు. ఒక టేబుల్ స్పూన్ చందనం పొడికి సమానంగా తాజా పెరుగు కలిపి.. కొన్ని చుక్కల రోజ్ వాటర్ వేయాలి. ఈ మిశ్రమాన్ని ముఖానికి పలుచగా అప్లై చేసి 10 నిమిషాల తర్వాత మెల్లగా కడిగేయాలి.

గంధంతో కలబంద.. చల్లదనం కోసం

ఎండలో ఎక్కువగా తిరిగినప్పుడు చర్మం వేడిగా, అసౌకర్యంగా అనిపించవచ్చు. అలాంటప్పుడు కలబంద జెల్‌తో చందనం పొడిని కలిపి ఫేస్ ప్యాక్ తయారు చేసుకోవచ్చు. ఒక టేబుల్ స్పూన్ చందనం పొడిలో ఒక టేబుల్ స్పూన్ స్వచ్ఛమైన కలబంద జెల్ కలపాలి. అవసరమైతే కొద్దిగా నీరు జోడించి ముఖానికి అప్లై చేయాలి. 10 నిమిషాల తర్వాత కడిగేయాలి.

Also Read : కళ్ల కింద నెయ్యి రాస్తే బ్లాక్ సర్కిల్స్ తగ్గుతాయా? ప్రతిరోజూ రాత్రి అప్లై చేస్తే కలిగే లాభాలివే

గంధం పొడి ఓట్స్తో కలిపి అప్లై చేస్తే..

చర్మం సున్నితంగా ఉండేవారు ఏ ఉత్పత్తి ఉపయోగించినా జాగ్రత్తగా ఉండాలి. అలాంటి వారు మెత్తగా పొడి చేసిన ఓట్స్‌తో చందనం పొడిని కలిపి ఫేస్ ప్యాక్ తయారు చేసుకోవచ్చు. ఒక టేబుల్ స్పూన్ ఓట్స్ పొడిలో ఒక టీ స్పూన్ చందనం పొడి, సరిపడా నీరు కలిపి పేస్ట్‌లా చేయాలి. ముఖానికి అప్లై చేసి 10 నిమిషాల తర్వాత రుద్దకుండా మెల్లగా కడిగేయాలి.

తీసుకోవాల్సిన జాగ్రత్తలు

మీరు ఫేస్ ప్యాక్ కోసం ఉపయోగించేవి సహజమైన పదార్థాలైనా అందరి చర్మానికి సరిపోతాయని అనుకోకూడదు. ముందుగా ప్యాచ్ టెస్ట్ చేసుకోవాలి. మంచి నాణ్యత కలిగిన కాస్మెటిక్ గ్రేడ్ చందనం పొడినే వాడాలి. ముఖంపై గాయాలు, దద్దుర్లు, అలర్జీ లేదా చికాకు ఉన్నప్పుడు ఈ ఫేస్ ప్యాక్‌లు ఉపయోగించకూడదు. అప్లై చేసిన తర్వాత మంట, దురద లేదా చికాకు అనిపిస్తే వెంటనే కడిగేయాలి.

అలాగే ప్రతిరోజూ ఫేస్ ప్యాక్‌లు వేసుకోవాల్సిన అవసరం లేదు. అప్పుడప్పుడు మాత్రమే ఉపయోగించాలి. ఫేస్ ప్యాక్‌లు ఉపయోగించినంత మాత్రాన క్లెన్సర్, మాయిశ్చరైజర్, సన్‌స్క్రీన్ వంటి రోజువారీ చర్మ సంరక్షణ పద్ధతులను వదిలేయకూడదు. కచ్చితంగా వీటిని ఉపయోగిస్తే మంచి ఫలితాలు చూడగలుగుతారు.

Also Read : ఎండలో తిరిగి ట్యాన్ అయ్యారా? ఈ ఇంటి చిట్కాలు, ఫేస్ ప్యాక్‌లతో చర్మానికి మళ్లీ మెరుపు తీసుకురండి

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Kidney Problems : ముఖం ఉబ్బిందా? మూత్రంలో నురుగు కనిపిస్తోందా? కిడ్నీలు ఇస్తున్న ఈ సంకేతాలను నిర్లక్ష్యం చేయొద్దు

Geddam Vijaya Madhuri — Thu, 12 Nov 2026 13:43:38 +0530

Kidney Diseases Warning Signs : మన శరీరంలో కిడ్నీలు చేసే పని చాలా కీలకం. రక్తంలోని వ్యర్థాలను బయటకు పంపడంతో పాటు శరీరంలో ద్రవాల సమతుల్యతను కాపాడటం, రక్తపోటును నియంత్రించడం వంటి పనులు చేస్తాయి. అయితే కిడ్నీ సమస్యలు మొదట్లో పెద్దగా లక్షణాలు చూపించవు. కానీ నెమ్మదిగా అభివృద్ధి చెందే అవకాశం ఉంది. ఆ సమయంలో శరీరం కొన్ని సంకేతాలు చూపిస్తుంది.

ఉదయం ముఖం ఉబ్బడం నుంచి మూత్రంలో మార్పులు కనిపించడం, ఎప్పుడూ అలసటగా అనిపించడం వంటి కొన్ని లక్షణాలు కిడ్నీ పనితీరులో సమస్యకు సంకేతం కావొచ్చు. ముఖ్యంగా డయాబెటిస్, అధిక రక్తపోటుతో బాధపడేవారిలో కిడ్నీ సమస్యల ప్రమాదం ఎక్కువగా ఉంటుంది. మరి ఆ లక్షణాలు ఏంటి.. ఏ సమయంలో కిడ్నీ టెస్ట్లు చేయించుకోవాలో చూసేద్దాం.

Also Read : కిడ్నీ వ్యాధులు పురుషుల్లో ఎక్కువా? మహిళల్లో ఎక్కువా? ఎవరికి ప్రమాదం? నెఫ్రాలజిస్ట్ ఏం చెబుతున్నారంటే?

ముఖం, కళ్ల చుట్టూ వాపు

ఉదయం నిద్రలేవగానే ముఖం ఉబ్బినట్లు లేదా కళ్ల చుట్టూ వాపు కనిపిస్తోందా? కొన్నిసార్లు కిడ్నీలు శరీరంలోని అదనపు ద్రవాలను సరిగా బయటకు పంపలేకపోవడం వల్ల ఇలా జరగవచ్చు. పాదాలు, చీలమండల వద్ద కూడా తరచూ వాపు ఉంటే నిర్లక్ష్యం చేయకుండా డాక్టర్‌ను సంప్రదించాలి.

మూత్రంలో నురుగు

మూత్రం పోసేటప్పుడు కొద్దిగా బుడగలు రావడం ఎప్పుడూ సమస్యకు సంకేతం కాదు. కానీ ప్రతిసారీ లేదా తరచూ ఎక్కువ నురుగు కనిపిస్తుంటే, మూత్రంలో ప్రొటీన్ లీక్ అవుతుందనే సంకేతం కావచ్చు. ఆరోగ్యకరమైన కిడ్నీలు సాధారణంగా ఎక్కువ మొత్తంలో ప్రొటీన్‌ను మూత్రం ద్వారా బయటకు వెళ్లకుండా అడ్డుకుంటాయి.

Also Read : నగరవాసుల్లో పెరుగుతోన్న కిడ్నీ క్యాన్సర్ కేసులు.. కారణాలు, తీసుకోవాల్సిన జాగ్రత్తలు సూచిస్తోన్న ఆంకాలజిస్ట్

చర్మం పొడిబారడం

చర్మానికి మాయిశ్చరైజర్ రాసుకున్నా తరచూ తీవ్రమైన దురద, పొడిబారడం ఉంటే దానికి అనేక కారణాలు ఉండొచ్చు. కిడ్నీ పనితీరు బాగా తగ్గినప్పుడు శరీరంలో వ్యర్థ పదార్థాలు, ఖనిజాల అసమతుల్యత పెరగడం వల్ల కూడా దురద వచ్చే అవకాశం ఉంది. ముఖ్యంగా ఈ సమస్య నిరంతరం కొనసాగితే కారణం తెలుసుకోవడం ముఖ్యమని చెప్తున్నారు వైద్యులు.

అలసటగా ఉండటం, ఏకాగ్రత తగ్గడం

రాత్రి ఫుల్గా నిద్ర పోయినా.. రోజంతా నీరసంగా అనిపించడం లేదా పనిపై దృష్టి పెట్టలేకపోవడం కూడా కొన్ని సందర్భాల్లో కిడ్నీ సమస్యలతో సంబంధం కలిగి ఉండొచ్చు. కిడ్నీ పనితీరు తగ్గడం వల్ల రక్తహీనత వచ్చే అవకాశం ఉండటంతో అలసట, బలహీనత మరింత పెరగవచ్చు.

Also Read : మూత్రంలో రక్తం కనిపిస్తుందా? కిడ్నీ క్యాన్సర్‌(Kidney Cancer)కు సంకేతం కావచ్చు.. నిర్లక్ష్యం చేయొద్దంటోన్న నిపుణులు

నోటి దుర్వాసన

ఉదయం నిద్రలేవగానే నోటి నుంచి దుర్వాసన రావడం సాధారణంగా నోటి పరిశుభ్రత లేదా ఇతర కారణాల వల్ల కూడా రావచ్చు. అయితే దుర్వాసన నిరంతరం ఉండటం, ముఖ్యంగా అమ్మోనియా వంటి వాసన రావడం కిడ్నీ పనితీరు బాగా దెబ్బతిన్న సందర్భాల్లో కనిపిస్తుంది.

కిడ్నీ వ్యాధులకు కారణాలు..

మన శరీరంలోని రెండు కిడ్నీలు రక్తంలోని వ్యర్థాలు, అదనపు ద్రవాలను తొలగించే పనితో పాటు రక్తపోటు నియంత్రణ, ఖనిజాల సమతుల్యత వంటి కీలక విధులను నిర్వహిస్తాయి. డయాబెటిస్, అధిక రక్తపోటు కిడ్నీలకు నష్టం కలిగించే ప్రధాన ప్రమాద కారకాల్లో ఉన్నాయి. కొన్ని దీర్ఘకాలిక వ్యాధులు, జన్యుపరమైన కారణాలు కూడా కిడ్నీ సమస్యల ప్రమాదాన్ని పెంచవచ్చు. కాబట్టి శరీరం ఇచ్చే లక్షణాలు విస్మరించకుండా.. వైద్య సహాయం తీసుకోవడం మంచిది.

Also Read : కిడ్నీ వ్యాధులను ముందుగా గుర్తించే టెస్ట్ ఇదే.. కేవలం 300 రూపాయలతో తెలుసుకోవచ్చు అంటోన్న వైద్యులు

Coconut Milk : కొబ్బరి పాలు తీసే సరైన పద్ధతి ఇదే.. ప్యాకెట్ పాలకు బదులు ఇంట్లోనే ఇలా చేసుకోండి, ఎన్ని రోజులు నిల్వ చేసుకోవచ్చంటే

Geddam Vijaya Madhuri — Thu, 12 Nov 2026 13:17:18 +0530

Coconut Milk Making At Home : కొబ్బరి పాలను కొందరు ఇంట్లో చేసుకుంటే.. చాలామంది బయటి ప్యాకెట్ పాలను వాడతారు. కూరల్లో క్రీమి టెక్చర్ కోసం లేదా ఇతర వంటకాల కోసం బయటి కొబ్బరి పాలనే ఉపయోగిస్తారు. కానీ తాజా కొబ్బరికాయతో ఇంట్లోనే సులభంగా కొబ్బరి పాలు చేసుకుని వినియోగించుకోవడానికి ఎన్నో ప్రయోజనాలు పొందవచ్చు. ఎందుకంటే ప్యాకెట్‌లో దొరికే వాటితో పోలిస్తే ఇంట్లో చేసుకునే కొబ్బరి పాలల్లో ఎలాంటి ప్రిజర్వేటివ్స్ ఉండవు.

డైరీ ప్రొడెక్ట్స్ వాడని వారికి కూడా ఇది మంచి ప్రత్యామ్నాయం కావచ్చు. మరి ఇంట్లో తాజాగా కొబ్బరి పాలు ఎలా తయారు చేసుకోవాలి? వాటిని ఎలాంటి వంటల్లో ఉపయోగించవచ్చో.. ఎలా నిల్వ చేసుకోవాలో ఇప్పుడు చూసేద్దాం.

Also Read : బెల్లం పాకంతో కొబ్బరి లడ్డూలు.. ఆంధ్రా స్టైల్‌లో ఇలా చేస్తే రుచి అదిరిపోతుంది

కొబ్బరి పాల తయారీ

తాజా కొబ్బరికాయతో పాటు.. 2 లేదా 3 కప్పుల గోరువెచ్చని నీరు సిద్ధం చేసుకోవాలి. ముందుగా కొబ్బరికాయను పగలగొట్టి లోపలి తెల్లటి భాగాన్ని చిన్న ముక్కలుగా కట్ చేసుకోవాలి. కావాలనుకుంటే దాని మీద ఉండే గోధుమ రంగు పొరను తీసేయవచ్చు. ఇప్పుడు కొబ్బరి ముక్కలను మిక్సీ జార్‌లో వేసి ఒకటి లేదా ఒకటిన్నర కప్పుల గోరువెచ్చని నీరు పోయాలి. తర్వాత ఒకటి నుంచి రెండు నిమిషాల పాటు మెత్తగా గ్రైండ్ చేయాలి.

తర్వాత శుభ్రమైన కాటన్ క్లాత్ లేదా సన్నటి జల్లెడను ఒక గిన్నెపై ఉంచి కొబ్బరి మిశ్రమాన్ని అందులో పోయాలి. చేత్తో బాగా పిండితే చిక్కగా, క్రీమీగా ఉండే కొబ్బరి పాలు బయటకు వస్తాయి. మిగిలిన కొబ్బరి తురుమును మళ్లీ మిక్సీలో వేసి కొద్దిగా నీరు కలిపి గ్రైండ్ చేయాలి. ఇలా తీసిన పాలు కొంచెం పలుచగా ఉంటాయి. వీటిని కూరలు, సూప్‌లు, కర్రీల్లో ఉపయోగించవచ్చు.

Also Read : కొబ్బరి నీరు vs నిమ్మరసం.. ఎండ ఎక్కువగా ఉన్నప్పుడు ఏది తాగితే మంచిది?

కొబ్బరి పాలను ఎలా ఉపయోగించుకోవచ్చంటే..

కొబ్బరిపాలను ఉదయం చేసే స్మూతీలు లేదా ఓట్స్‌లో కలిపి తీసుకోవచ్చు. ఆవు లేదా గేదె పాలు తీసుకోని వారు డైరీ ఫ్రీ మిల్క్ కోసం చూసేవారు వీటిని ప్రయత్నించవచ్చు. వెజ్ లేదా నాన్‌వెజ్ కర్రీల్లో కొబ్బరి పాలు కలిపితే క్రీమీ టెక్స్చర్‌తో పాటు మంచి రుచి వస్తుంది. కొన్ని కూరలు, కుర్మా, సూప్లలో కూడా కొబ్బరి పాలను ఉపయోగించుకోవచ్చు.

కొబ్బరి పాలు ఎన్ని రోజులు నిల్వ చేయవచ్చంటే..

ఇంట్లో తయారు చేసిన కొబ్బరి పాలలో ప్రిజర్వేటివ్స్ ఉండవు. కాబట్టి గాలి చొరబడని కంటైనర్‌లో ఫ్రిజ్‌లో ఉంచి వీలైనంత త్వరగా ఉపయోగించడం మంచిది. వాసన లేదా రంగులో మార్పు కనిపిస్తే వాడకుండా పారేయాలి. కొబ్బరి పాలు లాక్టోస్ లేని ప్రత్యామ్నాయం అయినప్పటికీ.. వాటిలో కొవ్వు, క్యాలరీలు ఎక్కువగా ఉంటాయి. కాబట్టి బరువు లేదా కొలెస్ట్రాల్‌ను తగ్గించుకోవాలనుకునేవారు తక్కువ పరిమాణంలో దీనిని తీసుకుంటే మంచిది.

Also Read : శనగపప్పు పచ్చి కొబ్బరి కూర రెసిపీ.. ఇలా సింపుల్‌గా, టేస్టీగా చేసుకోండి

High Blood Pressure : బీపీ సడెన్గా పెరిగిందా? వెంటనే తగ్గించుకోవడానికి ఇంట్లో చేయాల్సిన, చేయకూడని పనులు ఇవే

Geddam Vijaya Madhuri — Thu, 12 Nov 2026 10:51:33 +0530

Blood Pressure Suddenly High : ఒక్కోసారి బీపీ ఎక్కువ పెరిగితే చాలామంది కంగారుపడిపోతారు. వెంటనే నిమ్మరసం, వెల్లుల్లి లేదా ఏదైనా ఇంటి చిట్కా ప్రయత్నిస్తే బీపీ తగ్గిపోతుందని అనుకుంటారు. కానీ ఏదో ఒకసారి బీపీ రీడింగ్ అధికంగా వస్తే భయపడాల్సిన అవసరం లేదని చెప్తున్నారు నిపుణులు. అలాగే దాన్ని నిర్లక్ష్యం చేయడం కూడా మంచిది కాదని చెప్తున్నారు. మరి బీపీని తగ్గించడానికి ఎలాంటి జాగ్రత్తలు తీసుకోవాలి? ఏ తప్పులు చేయకూడదు నిపుణులు ఇస్తోన్న సూచనలు ఏంటో చూసేద్దాం.

ISIC మల్టీస్పెషాలిటీ హాస్పిటల్ కార్డియాక్ సైన్సెస్ డైరెక్టర్ డాక్టర్ సౌరభ్ జునేజా ప్రకారం.. ఒత్తిడి, శారీరక శ్రమ, కెఫిన్ తీసుకోవడం లేదా తప్పుగా బీపీ కొలవడం వల్ల కొన్నిసార్లు రీడింగ్ తాత్కాలికంగా పెరగవచ్చు. అయితే బీపీ నిరంతరం ఎక్కువగా ఉంటే దీర్ఘకాలిక జీవనశైలి మార్పులు, మందులు అవసరమవుతాయని ఆయన తెలిపారు. అలాగే బీపీ పెరిగినప్పుడు ఏమి చేయాలో కూడా తెలిపారు.

Also Read : వేడి నీళ్లతో బీపీ తగ్గుతుందా? తాగితే మంచిదా? స్నానం చేస్తే బెటరా? నిపుణులు ఏం చెబుతున్నారంటే..

రీడింగ్ చూసి భయపడకండి

బీపీ ఎక్కువగా వచ్చిందని తెలిసిన వెంటనే ఆందోళన చెందడం వల్ల రీడింగ్ మరింత పెరగవచ్చు. కాబట్టి ముందుగా ప్రశాంతంగా కూర్చుని కనీసం ఐదు నిమిషాలు విశ్రాంతి తీసుకున్న తర్వాత మళ్లీ బీపీ చెక్ చేసుకోవడం మంచిది.
అలాగే కూర్చీలో నిటారుగా కూర్చుని.. పాదాలను నేలపై ఉంచి.. చేతిని గుండె స్థాయిలో సపోర్ట్ చేసి ఉంచి.. కఫ్‌ను బట్టలపై కాకుండా పైచేయికి సరిగ్గా అమర్చి చెక్ చేసుకోవడం మంచిది. .

రెండు రీడింగ్స్ బెస్ట్..

ఒక్కసారి వచ్చిన రీడింగ్ ఆధారంగా సొంతంగా నిర్ణయం తీసుకోకండి. కాస్త గ్యాప్ ఇచ్చి.. రిలాక్స్ అయి.. నిమిషం తర్వాత రెండోసారి బీపీ కొలిచి రీడింగ్స్‌ను నోట్ చేసుకోవాలని నిపుణులు సూచిస్తున్నారు.

Also Read : బీపీ, షుగర్, కొలెస్ట్రాల్.. 30 తర్వాత ఈ హెల్త్ చెకప్స్ తప్పక చేయించుకోండి

నిమ్మరసం లేదా వెల్లుల్లి చిట్కా..

నిమ్మనీరు తాగడం, వెల్లుల్లి తినడం, కొబ్బరి నీరు వంటి వాటిని బీపీకి వెంటనే పనిచేసే మందులుగా సోషల్ మీడియాలో చెబుతుంటారని కానీ అవి బీపీకి చికిత్స కాదని నిపుణులు చెప్తున్నారు. వీటిని ఆరోగ్యకరమైన ఆహారంలో భాగం తీసుకోవచ్చు కానీ.. అధిక బీపీని నిమిషాల్లో తగ్గించే చికిత్స మాత్రం కాదని తెలిపారు.

మందుల డోస్ మార్చకండి..

బీపీ ఎక్కువగా వచ్చిందని మందు డోస్ పెంచడం, అదనంగా టాబ్లెట్ వేసుకోవడం లేదా మందులను ఆపేయడం ప్రమాదకరం కావచ్చని వైద్యులు చెప్తున్నారు. మీకు ఇప్పటికే బీపీ మందులు ఉంటే డాక్టర్ సూచన మేరకే వాటిలో మార్పులు చేయాలి.

Also Read : హై బీపీ ఉందా? ఈ ఆహారాలను తగ్గించండి.. లేదంటే బీపీ కంట్రోల్‌ కావడం కష్టమే

జీవనశైలిలో మార్పులు

ఉప్పు తగ్గించడం, క్రమం తప్పకుండా వ్యాయామం చేయడం, బరువును నియంత్రించడం, పండ్లు-కూరగాయలు ఎక్కువగా తీసుకోవడం వంటివి బీపీ నియంత్రణకు సహాయం చేస్తాయి. సరైన నిద్ర, ఒత్తిడిని తగ్గించుకోవడం, పొగాకు, మద్యం వంటి వాటికి దూరంగా ఉండటం కూడా బీపీని తగ్గించడంలో హెల్ప్ చేస్తాయి.

ఎప్పుడు ప్రమాదమంటే..

బీపీ రీడింగ్ 180/120 mmHg కంటే ఎక్కువగా ఉంటే కనీసం ఒక నిమిషం తర్వాత మళ్లీ చెక్ చేయాలి. మళ్లీ కూడా అంతే ఎక్కువగా ఉంటే వెంటనే వైద్య నిపుణుడిని సంప్రదించడం అవసరం. అలాగే అధిక బీపీతో పాటు ఛాతీ నొప్పి, ఊపిరి తీసుకోవడంలో ఇబ్బంది, తీవ్రమైన బలహీనత లేదా తిమ్మిరి, మాట్లాడటంలో ఇబ్బంది, చూపులో మార్పులు వంటి లక్షణాలు ఉంటే ఇంటి చిట్కాలు ఫాలో అవ్వడం కాకుండా వైద్యుల సహాయం తీసుకోవాలి.

Also Read : సైలెంట్‌గా పెరుగుతున్న కొలెస్ట్రాల్.. ఈ లక్షణాలు పెరుగుతోన్న కొవ్వుకు సంకేతం, నెగ్లెక్ట్ చేయకండి

Night Hair Care Routine : రాత్రి పడుకునేముందు జుట్టు విషయంలో ఈ తప్పులు చేయకండి.. లేదంటే ఇంకా రాలిపోవచ్చు

Geddam Vijaya Madhuri — Wed, 11 Nov 2026 22:37:55 +0530

Night Hair Care Routine : రాత్రి పడుకునేముందు జుట్టు విషయంలో ఈ తప్పులు చేయకండి.. లేదంటే ఇంకా రాలిపోవచ్చు

Curry Leaves : కరివేపాకు పాడవకుండా ఎలా నిల్వ చేయాలో తెలుసా? ఫ్రిడ్జ్లో పెట్టేముందు ఈ టిప్స్ ఫాలో అవ్వండి

Geddam Vijaya Madhuri — Wed, 11 Nov 2026 22:07:47 +0530

Curry Leaves : కరివేపాకు పాడవకుండా ఎలా నిల్వ చేయాలో తెలుసా? ఫ్రిడ్జ్లో పెట్టేముందు ఈ టిప్స్ ఫాలో అవ్వండి

Niacinamide Vs Vitamin C : నయాసినమైడ్ Vs విటమిన్ C.. స్కిన్ హెల్తీగా ఉండాలంటే ఏది బెస్ట్? మీ చర్మం కోసం ఇలా ఎంచుకోండి

Geddam Vijaya Madhuri — Wed, 11 Nov 2026 12:28:54 +0530

Niacinamide or Vitamin C For Skin Concerns : ముఖంపై మొటిమలు, జిడ్డు, పెద్దగా కనిపించే పోర్స్ ఉంటే ఒక సీరమ్ కొనాలా? లేక పిగ్మెంటేషన్, డార్క్ స్పాట్స్ తగ్గించుకోవడానికి విటమిన్ C వాడాలా? స్కిన్‌కేర్ ప్రొడక్ట్స్ కొనేటప్పుడు చాలామందికి ఉండే డౌట్ ఇది. నయాసినమైడ్, విటమిన్ C రెండూ మంచి స్కిన్‌కేర్ పదార్థాలే అయినా.. రెండూ ఒకేలా పని చేయవని చెప్తున్నారు స్కిన్ కేర్ నిపుణులు. మీ చర్మ సమస్య, స్కిన్ టైప్‌ను బట్టి వీటిని ఎంచుకోవాలని సూచిస్తున్నారు.

డెర్మటాలజిస్ట్ ప్రకారం.. ఈ రెండు పదార్థాలు చర్మ ఆరోగ్యాన్ని మెరుగుపరచడంలో సహాయపడతాయి. మరి నయాసినమైడ్, విటమిన్ సి వల్ల ఎలాంటి ప్రయోజనాలు ఉంటాయి? మీ చర్మానికి ఏది సరిపోతుందో.. వాటిని ఎంచుకోవాలో ఇప్పుడు చూద్దాం.

Also Read : చర్మం మెరవాలన్నా.. జుట్టు ఒత్తుగా ఉండాలన్నా తీసుకోవాల్సిన 5 సప్లిమెంట్స్ ఇవే

నయాసినమైడ్ లాభాలు

నయాసినమైడ్ అనేది విటమిన్ B3 రూపం. ఇది చర్మం సహజ రక్షణ పొరను లేదా స్కిన్ బ్యారియర్‌ను బలోపేతం చేయడంలో సహాయపడుతుంది. అలాగే చర్మంలో అధికంగా ఉత్పత్తి అయ్యే జిడ్డును నియంత్రించడంలో కూడా ఉపయోగపడవచ్చు. నయాసినమైడ్ మెలనిన్ చర్మ కణాలకు చేరే ప్రక్రియపై ప్రభావం చూపి పిగ్మెంటేషన్ తగ్గించడంలో సహాయపడవచ్చు.

మొటిమలు, ఎర్రబడటం, పెద్దగా కనిపించే పోర్స్ సమస్యలున్న వారికి కూడా ఇది మంచిదని చెప్పవచ్చు. నయాసినమైడ్‌ ఉపయోగించాలనుకుంటే.. ఉదయం లేదా రాత్రి స్కిన్‌కేర్ రొటీన్‌లో దీనిని చేర్చుకోవచ్చు.

Also Read : ఖాళీ కడుపుతో ఉసిరి రసం తాగితే బరువు తగ్గుతారా? చర్మం మెరుస్తుందా? నిజాలివే

విటమిన్ సి ఉపయోగాలు

విటమిన్ సి ఒక శక్తివంతమైన యాంటీఆక్సిడెంట్. సూర్యరశ్మి, కాలుష్యం వంటి కారణాల వల్ల చర్మంపై ఏర్పడే ఆక్సిడేటివ్ ఒత్తిడిని ఎదుర్కోవడంలో ఇది సహాయపడుతుంది. మెలనిన్ ఉత్పత్తిలో భాగమైన టైరోసినేస్ అనే ఎంజైమ్‌పై ప్రభావం చూపి పిగ్మెంటేషన్, డార్క్ స్పాట్స్ తగ్గించడంలో హెల్ప్ చేస్తుంది. అలాగే విటమిన్ C కొల్లాజెన్ ఉత్పత్తికి కూడా మద్దతు ఇస్తుంది. అందుకే యాంటీ-ఏజింగ్ స్కిన్‌కేర్‌లో దీనిని ప్రముఖంగా ఉపయోగిస్తారు.

డార్క్ స్పాట్స్, పిగ్మెంటేషన్ ఉన్నవారు, స్కిన్ టోన్ అసమానంగా ఉన్నవారు, చర్మం డల్‌గా కనిపిస్తుంటే, యాంటీ-ఏజింగ్ స్కిన్‌కేర్ కోసం చూస్తుంటే దీనిని వాడవచ్చు. అయితే సెన్సిటివ్ స్కిన్ ఉన్నవారిలో విటమిన్ C కొన్నిసార్లు మంట లేదా చికాకు కలిగించవచ్చు. కాబట్టి తక్కువ గాఢత ఉన్న ఉత్పత్తితో ప్రారంభించడం మంచిది. దీనిని ఉదయం ఉపయోగిస్తే సన్‌స్క్రీన్ తప్పనిసరిగా వాడాలి.

Also Read : తక్కువ ఖర్చుతో గ్లోయింగ్ స్కిన్ సొంతం చేసుకోవాలా? ఈ 5 జపనీస్ చిట్కాలు ట్రై చేయండి

నయాసినమైడ్ Vs విటమిన్ సి..

మీ స్కిన్ అవసరాన్ని బట్టి ఏది ఎంచుకోవాలని మీరు నిర్ణయం తీసుకోవాలి. జిడ్డు, మొటిమలు, సెన్సిటివ్ స్కిన్, స్కిన్ బ్యారియర్ సమస్యలు ప్రధానంగా ఉంటే నయాసినమైడ్ ఒక మంచి ఎంపిక. పిగ్మెంటేషన్, డార్క్ స్పాట్స్, డల్ స్కిన్, అసమాన స్కిన్ టోన్ ప్రధాన సమస్య అయితే విటమిన్ సి బెస్ట్.

రెండింటినీ కలిపి వాడొచ్చా?

నయాసినమైడ్, విటమిన్ సి రెండింటినీ స్కిన్‌కేర్ రొటీన్‌లో ఉపయోగించవచ్చు. విటమిన్ సి యాంటీఆక్సిడెంట్ రక్షణ, స్కిన్ బ్రైట్‌నింగ్‌పై పనిచేస్తే.. నయాసినమైడ్ చర్మాన్ని సాంత్వనపరచడం, స్కిన్ బ్యారియర్‌కు మద్దతు ఇవ్వడంలో సహాయపడుతుంది. అయితే ఒకేసారి కొత్త ప్రొడక్ట్స్ ఉపయోగించడం కంటే ఒక్కో ఉత్పత్తిని క్రమంగా రొటీన్‌లో చేర్చుకోవడం మంచిది. కొత్త సీరమ్ వాడే ముందు ప్యాచ్ టెస్ట్ చేయడం కూడా ముఖ్యమే.

Also Read : నువ్వులు తింటే చర్మం మెరుస్తుందా? జుట్టు బలంగా పెరుగుతుందా? నిజాలు ఇవే

Gas and Bloating : గ్యాస్, కడుపు ఉబ్బరం వేధిస్తున్నాయా? అయితే ఈ డ్రింక్స్ కచ్చితంగా ట్రై చేయండి

Geddam Vijaya Madhuri — Wed, 11 Nov 2026 10:48:53 +0530

Gas and Bloating : గ్యాస్, కడుపు ఉబ్బరం వేధిస్తున్నాయా? అయితే ఈ డ్రింక్స్ కచ్చితంగా ట్రై చేయండి

Leg Day Soreness : జిమ్‌లో లెగ్ డే తర్వాత కాళ్లు విపరీతంగా నొప్పిగా ఉన్నాయా? పెయిన్ తగ్గించుకోవడం ఎలా.. మరుసటి రోజు జిమ్‌కు వెళ్లాలా?

Geddam Vijaya Madhuri — Wed, 11 Nov 2026 06:32:57 +0530

Muscle Pain After Leg Day : జిమ్‌లో లెగ్ డే చేసిన మరుసటి రోజు మెట్లు ఎక్కడం, కుర్చీలో కూర్చోవడం, నడవడం కూడా కష్టంగా అనిపిస్తుందా? ముఖ్యంగా కొత్తగా జిమ్ మొదలుపెట్టినవారికి ఈ సమస్య ఎక్కువగా ఉంటుంది. స్క్వాట్స్, లంజెస్, లెగ్ ప్రెస్ వంటి వ్యాయామాల తర్వాత కండరాల్లో వచ్చే ఈ నొప్పిని సాధారణంగా డిలేడ్ ఆన్‌సెట్ మజిల్ సోరెనెస్ లేదా DOMS అంటారు. చాలామంది నొప్పి వచ్చిందంటే వర్కవుట్ బాగా చేసినట్లే అనుకుంటారు. మరి ఇది ఎంతవరకు నిజం?

లెగ్ డే తర్వాత వచ్చే పెయిన్‌ను ఎలా కంట్రోల్ చేయాలి? మరుసటి రోజు జిమ్‌కు వెళ్లొచ్చా? తీవ్రమైన నొప్పితే అదే కండరాలకు మళ్లీ హెవీ వర్కవుట్ చేయాలా? నిపుణులు, పరిశోధనలు ఏం చెబుతున్నాయో తెలుసుకుందాం.

Also Read : జిమ్ చేసిన తర్వాత ఒళ్లు నొప్పిగా ఉందా? మొదట్లో బాడీ పెయిన్స్ రావడానికి కారణాలు, తీసుకోవాల్సిన జాగ్రత్తలివే

లెగ్ డే తర్వాత నొప్పికి కారణం..

శరీరానికి అలవాటు లేని స్థాయిలో వర్కవుట్ చేసినప్పుడు కండరాలపై ఎక్కువ ఒత్తిడి పడుతుంది. ముఖ్యంగా కండరం పొడవవుతూ బరువును నియంత్రించే ఎక్సెంట్రిక్ మూవ్‌మెంట్స్ DOMSకు కారణమయ్యే అవకాశం ఎక్కువగా ఉంటుంది. ఈ నొప్పి సాధారణంగా వ్యాయామం చేస్తున్న సమయంలో కాకుండా తర్వాత కనిపిస్తుంది. నొప్పిని తగ్గించేందుకు హెల్ప్ చేసే టిప్స్ ఏంటో చూసేద్దాం.

యాక్టివ్గా ఉండండి..

కాళ్లు నొప్పిగా ఉన్నప్పుడు పూర్తిగా రెస్ట్ తీసుకోవాల్సిన అవసరం లేదు. నెమ్మదిగా నడవడం, తేలికపాటి సైక్లింగ్ వంటి లో-ఇంటెన్సిటీ యాక్టివిటీలు చేయవచ్చు. ఇవి కండరాల బిగుతును తగ్గించి కొంత ఉపశమనం కలిగిస్తాయి. అయితే నొప్పి తీవ్రంగా ఉంటే హెవీ వర్కవుట్ చేయకపోవడం మంచిది.

Also Read : జిమ్ మొదటిసారి జాయిన్ అయ్యేవారు చేయకూడని తప్పులు ఇవే.. ఆ మిస్టేక్స్ చేయకండి

ఆ తప్పు చేయకండి..

నొప్పి స్వల్పంగా ఉంటే జిమ్‌కు వెళ్లవచ్చు. కానీ అదే కాళ్ల కండరాలపై మళ్లీ స్క్వాట్స్, హెవీ లెగ్ ప్రెస్ వంటి తీవ్రమైన వ్యాయామాలు చేయడం మంచిది కాదు. బదులుగా అప్పర్ బాడీ వర్కవుట్ లేదా తేలికపాటి యాక్టివ్ రికవరీ చేయవచ్చు. తీవ్రమైన నొప్పి ఉన్నప్పుడు కొన్ని రోజులు ఆ కండరాలకు విశ్రాంతి ఇవ్వాలని ACSM సూచిస్తోంది.

వర్కవుట్ తర్వాత కూల్‌డౌన్

వర్కవుట్ పూర్తయిన వెంటనే ఆగిపోకుండా 5 నుంచి 10 నిమిషాలు నెమ్మదిగా నడవడం లేదా స్టేషనరీ బైక్‌ను తక్కువ వేగంతో తొక్కడం చేయవచ్చు. ఇది వ్యాయామం నుంచి శరీరం క్రమంగా సాధారణ స్థితికి రావడానికి సహాయపడుతుంది.

Also Read : జిమ్ చేసినా పొట్ట తగ్గట్లేదా? అయితే ఈ 5 సూప్స్తో చెక్ పెట్టండి.. ఇంట్లోనే చేసుకోగలిగే రెసిపీలు ఇవే

స్ట్రెచింగ్‌తో నొప్పి తగ్గుతుందా?

లెగ్స్ బిగుతుగా ఉన్నప్పుడు సున్నితమైన స్ట్రెచింగ్ చేయడం వల్ల కొంత రిలాక్స్‌గా అనిపించవచ్చు. కానీ స్ట్రెచింగ్ చేయడం వల్ల DOMS పూర్తిగా లేదా త్వరగా తగ్గిపోతాయని చెప్పలేము. కాబట్టి స్ట్రెచ్ చేసేటప్పుడు తీవ్రమైన నొప్పి వచ్చేంత వరకు లాగకండి.

ఫోమ్ రోలింగ్ లేదా మసాజ్

కండరాలు బిగుతుగా ఉన్నప్పుడు ఫోమ్ రోలింగ్ లేదా సున్నితమైన మసాజ్ కొందరికి తాత్కాలికంగా ఉపశమనం కలిగించవచ్చు. నొప్పి, బిగుతును తగ్గించడంలో హెల్ప్ చేస్తాయి.

నిద్ర, ఆహారం

వర్కవుట్ తర్వాత రికవరీలో విశ్రాంతి, తగిన పోషకాహారం ముఖ్యమైనవి. రోజంతా తగినంత నీరు తాగడం, సమతుల ఆహారంలో ప్రోటీన్, కార్బోహైడ్రేట్లను చేర్చుకోవడం మంచిది. అయితే ఏ ఒక్క డ్రింక్ లేదా సప్లిమెంట్ తాగితే కండరాల నొప్పి వెంటనే మాయమవుతుందని అనుకోవద్దు. రికవరీకి సమయం పడుతుంది.

Also Read : జిమ్కి వెళ్లకుండానే బరువు తగ్గిన అమీర్ ఖాన్.. మైగ్రేన్ కోసం డైట్ ఫాలో అయి 18 కిలోలు తగ్గిన హీరో

జిమ్కి వెళ్లాలా? వద్దా?

స్వల్పమైన నొప్పి ఉంటే జిమ్‌కు వెళ్లవచ్చు. కానీ తక్కువ తీవ్రతతో వ్యాయామం చేయడం లేదా ఇతర కండరాలపై దృష్టి పెట్టడం మంచిది. తీవ్రమైన నొప్పి ఉంటే నడవడం, కూర్చోవడం వంటి రోజువారీ పనులే కష్టంగా ఉంటే.. హెవీ వర్కవుట్‌ను ఆపి విశ్రాంతి తీసుకోవడం మంచిది. DOMS ఉన్నప్పుడు తీవ్రమైన వ్యాయామం కొనసాగిస్తే సమస్య మరింత పెరగవచ్చు.

డాక్టర్‌ దగ్గరకు వెళ్లాలా?

సాధారణ DOMS కొన్ని రోజుల్లో క్రమంగా తగ్గుతుంది. కానీ నొప్పి చాలా తీవ్రంగా ఉండటం, కండరం బాగా వాపు రావడం, వారం రోజులకుపైగా నొప్పి తగ్గకపోవడం లేదా మూత్రం అసాధారణంగా ముదురు రంగులో కనిపించడం వంటి లక్షణాలు ఉంటే వెంటనే వైద్యులను సంప్రదించాలి. ఇవి సాధారణ వర్కవుట్ తర్వాత వచ్చే నొప్పి కాకపోవచ్చు.

Also Read : జిమ్కి వెళ్లడం ఇష్టం లేదా? 2026లో ఈ చిట్కాలు ఫాలో అయి ఇంట్లోనే బరువు తగ్గండి

Soaked Chia Seeds : చియా సీడ్స్ నానబెట్టి ఉదయాన్నే తీసుకుంటే కలిగే లాభాలు ఇవే.. ఫుడ్ కంట్రోల్ నుంచి గట్ హెల్త్ వరకు

Geddam Vijaya Madhuri — Wed, 11 Nov 2026 05:55:01 +0530

Soaked Chia Seeds in the Morning : ఉదయాన్నే ఖాళీ కడుపుతో ఏదైనా ఆరోగ్యకరమైన డ్రింక్ లేదా ఫుడ్ తీసుకోవాలని చాలామంది అనుకుంటారు. అలాంటి వారికి నానబెట్టిన చియా సీడ్స్ మంచివని నమ్ముతారు. చిన్నగా కనిపించే ఈ గింజల్లో ఫైబర్, ప్రోటీన్, ఒమేగా-3 ఫ్యాటీ యాసిడ్లు, పలు ఖనిజాలు ఉంటాయి. నీటిలో నానబెట్టినప్పుడు ఇవి జెల్‌లా మారుతాయి. దీనివల్ల కడుపు నిండిన భావన కలగడానికి సహాయపడతాయి. మరి వీటిని ఉదయాన్నే తీసుకుంటే కలిగే లాభాలు ఏంటి.. తీసుకోవాల్సిన జాగ్రత్తలు ఏంటో చూసేద్దాం.

కేవలం చియా సీడ్స్ ఏ వ్యాధికీ మందు కాదని.. సమతుల్య ఆహారంలో భాగంగానే తీసుకోవాలని డైటీషియన్లు సూచిస్తున్నారు. కానీ వీటిని నానబెట్టి రెగ్యూలర్గా తీసుకోవడంలో కొన్ని ప్రయోజనాలు ఉంటాయని చెప్తున్నారు. అవేంటంటే..

Also Read : చియా సీడ్స్ సరిగ్గా తీసుకోకుంటే ప్రమాదకర సైడ్ ఎఫెక్ట్స్ తప్పవు.. ఎప్పుడు, ఎలా తీసుకోవాలంటే

ఫుడ్ క్రేవింగ్స్ తగ్గించడానికి

చియా సీడ్స్లో ఉండే కరిగే ఫైబర్ నీటిని పీల్చుకుని జెల్‌లాంటి పదార్థంగా మారుతుంది. దీనివల్ల జీర్ణక్రియ కొంత తగ్గి.. ఎక్కువసేపు కడుపు నిండిన భావన కలగవచ్చు. దీంతో ఉదయం తిన్న కొద్దిసేపటికే వచ్చే స్నాక్స్ తినాలనే కోరికను ఇది తగ్గించడంలో హెల్ప్ చేస్తుంది.

బ్లడ్ షుగర్పై ప్రభావం

చియా గింజల్లోని ఫైబర్ కార్బోహైడ్రేట్ల జీర్ణక్రియ వేగాన్ని తగ్గించడంలో ముఖ్య పాత్ర పోషించవచ్చు. కొన్ని అధ్యయనాల్లో చియా సప్లిమెంటేషన్ వల్ల రక్తంలో చక్కెర నియంత్రణకు సంబంధించిన కొన్ని సూచీలు మెరుగుపడినట్లు గుర్తించారు.

Also Read : 30 రోజులు చియా సీడ్స్‌తో నిమ్మరసం కలిపి తాగితే ఏమవుతుంది? లాభాలు, జాగ్రత్తలు ఇవే

గుండె ఆరోగ్యానికై

చియా సీడ్స్ మొక్కల ఆధారిత ఒమేగా-3 ఫ్యాటీ యాసిడ్ అయిన ఆల్ఫా-లినోలెనిక్ యాసిడ్ (ALA)కు మంచి వనరుగా చెప్తారు. ఇందులో ఉండే ఫైబర్, ఆరోగ్యకరమైన కొవ్వులు సమతుల్య ఆహారంలో భాగంగా గుండె ఆరోగ్యానికి తోడ్పడవచ్చు.

రక్తపోటు నియంత్రణ కోసం..

కొన్ని క్లినికల్ అధ్యయనాల సమీక్షల్లో ఎక్కువకాలం చియా సీడ్స్ తీసుకోవడం వల్ల సిస్టోలిక్ రక్తపోటులో స్వల్ప మెరుగుదల కనిపించినట్లు వెల్లడైంది. అయినప్పటికీ.. బీపీ ఉన్నవారు వైద్యుల సూచించిన మందులను ఆపి చియా సీడ్స్పై ఆధారపడకూడదు.

Also Read : రోజూ చియా సీడ్స్ తీసుకుంటే కలిగే ఆరోగ్య ప్రయోజనాలు ఇవే.. మలబద్ధకం నుంచి బరువు తగ్గడం వరకు

గట్ హెల్త్‌కు ఫైబర్

చియా గింజల్లో కరిగే, కరగని రెండు రకాల ఫైబర్ ఉంటాయి. ఇవి జీర్ణవ్యవస్థ ఆరోగ్యానికి, క్రమబద్ధమైన మల విసర్జనకు తోడ్పడవచ్చు. అయితే ఫైబర్‌ను ఒక్కసారిగా ఎక్కువగా తీసుకుంటే కొందరిలో ఉబ్బరం లేదా గ్యాస్ వంటి సమస్యలు రావచ్చు.

రోజువారీ హైడ్రేషన్లో భాగం

చియా గింజలు నీటిని బాగా పీల్చుకుని జెల్‌లా మారతాయి. వాటిని నీటిలో నానబెట్టి తీసుకోవడం వల్ల రోజువారీ ద్రవాల తీసుకోవడంలో భాగం కావచ్చు. కానీ చియా డ్రింక్ తాగితే సరిపోదు. రోజంతా తగినంత నీరు తాగడం కూడా అవసరం.

Also Read : బరువు తగ్గడానికి చియా సీడ్స్ తీసుకుంటున్నారా? రోజూ తీసుకునేవారు ఆ తప్పు చేయకండి

మొక్కల ఆధారిత ప్రోటీన్

చియా గింజల్లో కొంత ప్రోటీన్ ఉంటుంది. ముఖ్యంగా శాఖాహారులు తమ ఆహారంలో విభిన్న ప్రోటీన్ వనరులతో పాటు చియా గింజలను కూడా చేర్చుకోవచ్చు.

ఎముకల ఆరోగ్యానికై..

చియా గింజల్లో కాల్షియం, మెగ్నీషియం, ఫాస్పరస్ వంటి ఖనిజాలు ఉంటాయి. ఇవి ఎముకల ఆరోగ్యానికి అవసరమైన పోషకాలను అందిస్తాయి.

Also Read : ఉదయాన్నే జీలకర్ర నీరు తాగితే మంచిదా? చియా సీడ్స్ నీరు తాగితే బరువు తగ్గుతారా? ఏది బెస్ట్

యాంటీఆక్సిడెంట్ లక్షణాలు

చియా గింజల్లో పాలీఫినాల్స్ వంటి యాంటీఆక్సిడెంట్ సమ్మేళనాలు ఉంటాయి. ఇవి శరీరంలో ఆక్సిడేటివ్ ఒత్తిడిని ఎదుర్కోవడంలో పాత్ర పోషిస్తాయి. ఆరోగ్యకరమైన ఆహారం, వ్యాయామం వంటి ఇతర జీవనశైలి అలవాట్లతో కలిపి తీసుకున్నప్పుడు మంచి ఎంపిక అవుతుంది.

ఎలా తీసుకుంటే మంచిది..

చియా గింజలను నీటిలో కొంతసేపు నానబెట్టి తీసుకోవచ్చు. పెరుగు, ఓట్స్, స్మూతీలు లేదా పండ్లతో కూడా కలిపి తినవచ్చు. మొదటిసారి తీసుకునేవారు తక్కువ పరిమాణంతో ప్రారంభించి శరీరం ఎలా స్పందిస్తుందో గమనించడం మంచిది.

గుర్తించుకోవాల్సిన విషయాలు..

చియా గింజల్లో ఫైబర్ ఎక్కువగా ఉంటుంది కాబట్టి ఒక్కసారిగా ఎక్కువగా తినకూడదు. పొడిగా ఉన్న చియా గింజలను పెద్ద మొత్తంలో తీసుకోవడం కంటే నీటిలో నానబెట్టి తీసుకోవడం మంచిది. మింగడంలో ఇబ్బంది ఉన్నవారు లేదా ప్రత్యేక ఆరోగ్య సమస్యలు ఉన్నవారు వైద్యుల సలహా తీసుకుని డైట్లో చేర్చుకుంటే మంచి ఫలితాలు చూడగలుతారు.

Also Read : చియా సీడ్స్ ఎలా తీసుకోవాలో తెలుసా? తింటే కలిగే లాభాలు, తీసుకోవాల్సిన జాగ్రత్తలు ఇవే

Soaked Chia Seeds : చియా సీడ్స్ నానబెట్టి ఉదయాన్నే తీసుకుంటే కలిగే లాభాలు ఇవే.. ఫుడ్ కంట్రోల్ నుంచి గట్ హెల్త్ వరకు

DIY Sandalwood Face Packs : గంధంతో ఫేస్ ప్యాక్స్.. మెరిసే, మృదువైన స్కిన్ కోసం పాలు, తేనె, పెరుగుతో కలిపి అప్లై చేయండిలా

గంధంలో పాలు.. ఫేస్ ప్యాక్

చందనతో, తేనె.. తేమ కోసం

ఫ్రెష్ లుక్ కోసం.. పెరుగుతో

గంధంతో కలబంద.. చల్లదనం కోసం

గంధం పొడి ఓట్స్తో కలిపి అప్లై చేస్తే..

తీసుకోవాల్సిన జాగ్రత్తలు

Kidney Problems : ముఖం ఉబ్బిందా? మూత్రంలో నురుగు కనిపిస్తోందా? కిడ్నీలు ఇస్తున్న ఈ సంకేతాలను నిర్లక్ష్యం చేయొద్దు

ముఖం, కళ్ల చుట్టూ వాపు

మూత్రంలో నురుగు

చర్మం పొడిబారడం

అలసటగా ఉండటం, ఏకాగ్రత తగ్గడం

నోటి దుర్వాసన

కిడ్నీ వ్యాధులకు కారణాలు..

కొబ్బరి పాల తయారీ

కొబ్బరి పాలను ఎలా ఉపయోగించుకోవచ్చంటే..

కొబ్బరి పాలు ఎన్ని రోజులు నిల్వ చేయవచ్చంటే..

High Blood Pressure : బీపీ సడెన్గా పెరిగిందా? వెంటనే తగ్గించుకోవడానికి ఇంట్లో చేయాల్సిన, చేయకూడని పనులు ఇవే

రీడింగ్ చూసి భయపడకండి

రెండు రీడింగ్స్ బెస్ట్..

నిమ్మరసం లేదా వెల్లుల్లి చిట్కా..

మందుల డోస్ మార్చకండి..

జీవనశైలిలో మార్పులు

ఎప్పుడు ప్రమాదమంటే..

Night Hair Care Routine : రాత్రి పడుకునేముందు జుట్టు విషయంలో ఈ తప్పులు చేయకండి.. లేదంటే ఇంకా రాలిపోవచ్చు

Curry Leaves : కరివేపాకు పాడవకుండా ఎలా నిల్వ చేయాలో తెలుసా? ఫ్రిడ్జ్​లో పెట్టేముందు ఈ టిప్స్ ఫాలో అవ్వండి

Niacinamide Vs Vitamin C : నయాసినమైడ్ Vs విటమిన్ C.. స్కిన్ హెల్తీగా ఉండాలంటే ఏది బెస్ట్? మీ చర్మం కోసం ఇలా ఎంచుకోండి

నయాసినమైడ్ లాభాలు

విటమిన్ సి ఉపయోగాలు

నయాసినమైడ్ Vs విటమిన్ సి..

రెండింటినీ కలిపి వాడొచ్చా?

Gas and Bloating : గ్యాస్, కడుపు ఉబ్బరం వేధిస్తున్నాయా? అయితే ఈ డ్రింక్స్ కచ్చితంగా ట్రై చేయండి

లెగ్ డే తర్వాత నొప్పికి కారణం..

యాక్టివ్​గా ఉండండి..

ఆ తప్పు చేయకండి..

వర్కవుట్ తర్వాత కూల్‌డౌన్

స్ట్రెచింగ్‌తో నొప్పి తగ్గుతుందా?

ఫోమ్ రోలింగ్ లేదా మసాజ్

నిద్ర, ఆహారం

జిమ్​కి వెళ్లాలా? వద్దా?

డాక్టర్‌ దగ్గరకు వెళ్లాలా?

Soaked Chia Seeds : చియా సీడ్స్ నానబెట్టి ఉదయాన్నే తీసుకుంటే కలిగే లాభాలు ఇవే.. ఫుడ్ కంట్రోల్ నుంచి గట్ హెల్త్ వరకు

ఫుడ్ క్రేవింగ్స్ తగ్గించడానికి

బ్లడ్ షుగర్​పై ప్రభావం

గుండె ఆరోగ్యానికై

రక్తపోటు నియంత్రణ కోసం..

గట్ హెల్త్‌కు ఫైబర్

రోజువారీ హైడ్రేషన్​లో భాగం

మొక్కల ఆధారిత ప్రోటీన్

ఎముకల ఆరోగ్యానికై..

యాంటీఆక్సిడెంట్ లక్షణాలు

ఎలా తీసుకుంటే మంచిది..

గుర్తించుకోవాల్సిన విషయాలు..

Curry Leaves : కరివేపాకు పాడవకుండా ఎలా నిల్వ చేయాలో తెలుసా? ఫ్రిడ్జ్లో పెట్టేముందు ఈ టిప్స్ ఫాలో అవ్వండి

యాక్టివ్గా ఉండండి..

జిమ్కి వెళ్లాలా? వద్దా?

బ్లడ్ షుగర్పై ప్రభావం

రోజువారీ హైడ్రేషన్లో భాగం