Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్కి మంచిదట

Bellam Thalikalu Recipe : ఆంధ్రా స్పెషల్ బెల్లం తాళికలు.. పండుగ రోజుల్లో ఇలా చేస్తే రుచి అదిరిపోతుంది, వినాయకచవితికి చేసేయండి

Geddam Vijaya Madhuri — Thu, 10 Sep 2026 09:52:01 +0530

Vinayaka Chavithi Special Bellam Thalikalu : తెలుగు రాష్ట్రాల్లో పండుగలు, శుభకార్యాల సమయంలో సంప్రదాయ వంటకాలకు ప్రత్యేక స్థానం ఉంటుంది. అలాంటి రుచికరమైన సంప్రదాయ వంటల్లో బెల్లం తాళికలు కూడా ఒకటి. వినాయక చవితి సమయంలో చాలామంది దీనిని తయారు చేసి నైవేద్యంగా పెడతారు. బియ్యప్పిండితో చిన్న తాళికలుగా తయారు చేసి.. బెల్లం పాకంలో ఉడికించే ఈ వంటకం రుచితో పాటు మంచి సువాసనను కూడా ఇస్తుంది. తినేందుకు మెత్తగా, లోపల బెల్లం తీపి బాగా పట్టేలా ఉండే ఈ తాళికలను పిల్లల నుంచి పెద్దల వరకు ఇష్టంగా తింటారు. మరి ఇంట్లోనే ఆంధ్రా స్టైల్‌లో బెల్లం తాళికలు ఎలా చేసుకోవాలో చూద్దాం.

కావాల్సిన పదార్థాలు

బియ్యప్పిండి - 1 కప్పు

బెల్లం - 1 కప్పు

నీళ్లు - అవసరమైనంత

ఏలకుల పొడి - అర టీస్పూన్

కొబ్బరి తురుము - 2 టేబుల్ స్పూన్లు

నెయ్యి - 1 టీస్పూన్

ఉప్పు - చిటికెడు

Also Read : వినాయక చవితి స్పెషల్ తుమ్మి కూర.. తెలంగాణలో చవితికి ఎందుకు చేస్తారో తెలుసా?

బెల్లం తాళికలు తయారు చేసే విధానం

ముందుగా ఒక గిన్నెలో నీళ్లు పోసి కొద్దిగా ఉప్పు, ఒక టీస్పూన్ నెయ్యి వేసి మరిగించాలి. నీళ్లు బాగా వేడెక్కిన తర్వాత మంట తగ్గించి బియ్యప్పిండిని కొద్దికొద్దిగా వేస్తూ కలపాలి. పిండి ఉండలు లేకుండా బాగా కలిసిన తర్వాత మంట ఆపి మూత పెట్టాలి. కొద్దిసేపటి తర్వాత పిండి గోరువెచ్చగా ఉన్నప్పుడు చేతికి కొద్దిగా నెయ్యి రాసుకుని మెత్తగా పిసికి ముద్దలా చేసుకోవాలి. పిండిని చిన్న చిన్న ఉండలుగా చేసుకోవాలి. ఒక్కో ఉండను చేతితో కొద్దిగా ఒత్తి పలుచగా చేయాలి. ఇలా చేస్తే బెల్లం పాకం బాగా పట్టి రుచి మరింత పెరుగుతుంది.

ఇప్పుడు పాన్లో బెల్లం వేసి కొద్దిగా నీళ్లు పోసి మరిగించాలి. బెల్లం పూర్తిగా కరిగిన తర్వాత వడకట్టి మలినాలను తొలగించాలి. మళ్లీ బెల్లం నీటిని గిన్నెలో పోసి మరిగించాలి. అందులో ఏలకుల పొడి, కొబ్బరి తురుము వేసి కలపాలి. బెల్లం పాకం మరుగుతున్నప్పుడు తయారు చేసుకున్న తాళికలను ఒక్కొక్కటిగా అందులో వేయాలి. అవి ఒకదానికొకటి అంటుకోకుండా జాగ్రత్తగా వేయాలి. మీడియం మంటపై తాళికలు మెత్తగా ఉడికే వరకు ఉంచాలి. అవి పైకి తేలుతూ, పాకం కొద్దిగా చిక్కబడినప్పుడు తాళికలు సిద్ధమైనట్టే.

మంట ఆపే ముందు కొద్దిగా నెయ్యి వేసి నెమ్మదిగా కలపాలి. దీంతో బెల్లం తాళికలకు మంచి సువాసన, రుచి వస్తుంది. వేడి వేడిగా లేదా కొద్దిగా చల్లారిన తర్వాత సర్వ్ చేసుకోవచ్చు. తాళికలు మెత్తగా రావాలంటే బియ్యప్పిండిని నేరుగా చల్లటి నీటితో కలపకుండా వేడి నీటితో ముద్ద చేసుకుంటే తాళికలు మెత్తగా వస్తాయి. పిండిని గట్టిగా కలిపితే తాళికలు గట్టిగా మారే అవకాశం ఉంటుంది. తాళికలు పలుచగా ఉంటే బెల్లం పాకం బాగా పడుతుంది.

Also Read : వినాయక చవితి 2025 స్పెషల్ టేస్టీ మోదకాలు.. డ్రై ఫ్రూట్స్తో క్రంచీగా ఎలా చేసుకోవాలో తెలుసా?

Laptop on the Lap : ల్యాప్‌టాప్ ఒడిలో పెట్టుకోవడం వల్ల అమ్మాయిల్లో సంతానోత్పత్తి సమస్యలు వస్తాయా?

Geddam Vijaya Madhuri — Wed, 9 Sep 2026 23:24:01 +0530

Laptop on the Lap : ల్యాప్‌టాప్ ఒడిలో పెట్టుకోవడం వల్ల అమ్మాయిల్లో సంతానోత్పత్తి సమస్యలు వస్తాయా?

Chia Seeds Benefits : చియా సీడ్స్ నీరు తాగితే గ్యాస్, మలబద్ధకం తగ్గుతాయా? కచ్చితంగా తెలుసుకోవాల్సిన విషయాలివే

Geddam Vijaya Madhuri — Wed, 9 Sep 2026 21:22:27 +0530

Chia Seeds Benefits : చియా సీడ్స్ నీరు తాగితే గ్యాస్, మలబద్ధకం తగ్గుతాయా? కచ్చితంగా తెలుసుకోవాల్సిన విషయాలివే

Homemade Hair Oil : మెంతులు, మందారంతో హెయిర్ ఆయిల్.. జుట్టు సమస్యలు దూరం చేసుకునేందుకు ఇంట్లో ప్రిపేర్ చేసుకోండిలా

Geddam Vijaya Madhuri — Wed, 9 Sep 2026 13:39:41 +0530

Homemade Hair Oil for Hair Care : జుట్టు రాలడానికి అనేక కారణాలు ఉండొచ్చు. ఆహారపు అలవాట్లు, ఒత్తిడి, హార్మోన్ల మార్పులు, కొన్ని ఆరోగ్య సమస్యలు, జుట్టు సంరక్షణ విధానం వంటి ఎన్నో అంశాలు హెయిర్ ఫాల్‌పై ప్రభావం చూపుతాయి. మీరు కూడా జుట్టు రాలే సమస్యతో ఇబ్బంది పడుతుంటే.. హెయిర్ కేర్‌లో రొటీన్లో మెంతులు, మందారం, కొబ్బరి నూనె, కలొంజీ సీడ్స్తో హెయిర్ ఆయిల్ తయారు చేసుకోవచ్చు.

జుట్టు సంరక్షణలో భాగంగా ఈ ఆయిల్ ఉపయోగిస్తే మీరు మంచి ఫలితాలు చూడవచ్చు. మరి ఈ నూనెను ఎలా తయారు చేసుకోవాలో.. కావాల్సిన పదార్థాలు ఏంటో.. ఈ నూనె ఉపయోగించడం వల్ల కలిగే లాభాలు ఏంటో ఇప్పుడు తెలుసుకుందాం.

Also Read : మెంతులు, కొబ్బరిపాలతో హెయిర్ మాస్క్.. జుట్టు పలుచగా ఉంటే తప్పక ట్రై చేయండి

కావాల్సిన పదార్థాలు

కొబ్బరి నూనె - 1 కప్పు

మెంతులు - 1 టేబుల్ స్పూన్

కలొంజీ - 1 టేబుల్ స్పూన్

తాజా మందార పూలు - 3

హెయిర్ గ్రోత్ ఆయిల్ తయారీ విధానం

ముందుగా మందార పూలను తీసుకుని కాడలను తొలగించాలి. అనంతరం వాటిని శుభ్రంగా నీటితో కడిగి పక్కన పెట్టుకోవాలి. మందార పూల రేకులను విడదీసి.. వాటిని తడిలేకుండా తుడిచి పక్కన పెట్టుకోండి. మెంతులు, కలొంజీని కూడా సిద్ధం చేసుకోండి. వీటిని మిక్సీలో వేసి పిండిగా కాకుండా గరుకుగా చేసుకోవాలి. ఇలా చేయడం వల్ల వాటి సహజ నూనెలు బయటకు వస్తాయి.

ఇప్పుడు ఒక పాన్‌ తీసుకుని దానిలో కప్పు కొబ్బరి నూనె వేసి తక్కువ మంటపై వేడి చేయాలి. నూనె వేడెక్కిన తర్వాత దంచిన మెంతులు, కలొంజీ వేసుకోవాలి. ఆ తర్వాత మందార రేకులను కూడా వేసి కొన్ని నిమిషాలు తక్కువ మంటపై వేడి చేయాలి. ఈ పదార్థాలు మాడిపోకుండా తిప్పుతూ ఉండాలి. కొద్దిసేపటి తర్వాత స్టవ్ ఆఫ్ చేసి.. నూనె పూర్తిగా చల్లారే వరకు పక్కన పెట్టాలి.

Also Read : అవిసె గింజలు, బియ్యం, కలబందతో హెయిర్ మాస్క్.. నేచురల్ కెరాటిన్ ట్రీట్‌మెంట్ కోసం ట్రై చేయండి

నూనె పూర్తిగా చల్లారిన తర్వాత శుభ్రమైన జల్లెడ లేదా మస్లిన్ క్లాత్‌తో నూనెను వడకట్టాలి. అందులోని మెంతులు, కలొంజీ, మందార పూలను పూర్తిగా తొలగించాలి. తర్వాత నూనెను శుభ్రమైన, పూర్తిగా పొడిగా ఉన్న గాలి చొరబడని సీసాలోకి తీసుకోవాలి. నేరుగా సూర్యరశ్మి పడని, తేమ లేని ప్రదేశంలో నిల్వ చేసుకోవాలి.

ఇలా తయారు చేసుకున్న నూనెలో కొద్దిగా తీసుకుని చేతివేళ్లతో తలపై సున్నితంగా మసాజ్ చేయాలి. గట్టిగా రుద్దకుండా నెమ్మదిగా మసాజ్ చేయడం మంచిది. నూనెను సుమారు 30 నిమిషాల నుంచి గంట వరకు ఉంచుకుని.. ఆ తర్వాత తేలికపాటి షాంపూతో తలస్నానం చేయవచ్చు.

Also Read : జుట్టు రాలిపోతూ.. పలుచగా మారుతోందా? కారణాలు, హెయిర్ డెన్సిటీ పెంచుకునే చిట్కాలు ఇవే

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Post Office RD : రోజుకు 500 పొదుపు చేస్తే 10 ఏళ్లలో 25 లక్షలు.. పోస్ట్ ఆఫీస్ ఆర్డీ పూర్తి లెక్క ఇదే

Geddam Vijaya Madhuri — Wed, 9 Sep 2026 13:07:24 +0530

Post Office RD Calculation : చిన్న మొత్తాలను క్రమం తప్పకుండా పొదుపు చేస్తే భవిష్యత్తులో మంచి నిధిని సమకూర్చుకోవచ్చు. రిస్క్ తక్కువగా ఉండే ప్రభుత్వ పొదుపు పథకాల్లో పెట్టుబడి పెట్టాలనుకునేవారికి పోస్ట్ ఆఫీస్ రికరింగ్ డిపాజిట్ ఒక ఆప్షన్‌గా ఉంటుంది. రోజుకు 500 చొప్పున పక్కన పెడుతూ.. దాన్ని క్రమం తప్పకుండా పెట్టుబడిగా మార్చితే 10 ఏళ్లలో 25 లక్షలకు పైగా నిధి సమకూరే అవకాశం ఉందని తెలుసా?

పోస్ట్ ఆఫీస్ ఆర్డీ..

పోస్ట్ ఆఫీస్ ద్వారా అందించే చిన్న పొదుపు పథకాలలో రికరింగ్ డిపాజిట్ ఒకటి. ఇందులో ఒకేసారి పెద్ద మొత్తంలో డబ్బు పెట్టాల్సిన అవసరం ఉండదు. ప్రతి నెలా నిర్ణీత మొత్తాన్ని క్రమం తప్పకుండా డిపాజిట్ చేస్తూ వెళ్లవచ్చు.
ప్రస్తుతం ఈ పథకానికి 6.7 శాతం వార్షిక వడ్డీ రేటు వర్తిస్తుంది. అయితే వడ్డీ రేట్లు ప్రభుత్వం నిర్ణయిస్తుంది కాబట్టి.. పెట్టుబడి చేసే సమయంలో తాజా రేటును తప్పనిసరిగా తనిఖీ చేసుకోవాల్సి ఉంటుంది.

Also Read : డబ్బులు పొదుపు చేయాలనుకుంటే జపనీస్ టెక్నిక్స్ ఫాలో అయిపోండి.. సింపుల్ బట్ ఎఫెక్టివ్

కేవలం 100తో ఖాతా స్టార్ట్ చేయవచ్చు

పోస్ట్ ఆఫీస్ రికరింగ్ డిపాజిట్ ఖాతాను సమీపంలోని పోస్ట్ ఆఫీస్‌లో ప్రారంభించవచ్చు. ఈ ఖాతాను కనీసం 100 డిపాజిట్‌తో ప్రారంభించే అవకాశం ఉంది. అర్హత నిబంధనలకు అనుగుణంగా వ్యక్తిగత ఖాతాతో పాటు జాయింట్ అకౌంట్‌ను కూడా తెరవవచ్చు.

5 ఏళ్ల మెచ్యూరిటీ

పోస్ట్ ఆఫీస్ ఆర్డీ పథకం సాధారణంగా 5 సంవత్సరాల మెచ్యూరిటీ కాలాన్ని కలిగి ఉంటుంది. మెచ్యూరిటీ పూర్తైన తర్వాత నిబంధనలకు అనుగుణంగా ఖాతాను మరో 5 సంవత్సరాల పాటు కొనసాగించుకోవచ్చు. అంటే పెట్టుబడిదారులు కోరుకుంటే 5 సంవత్సరాల తర్వాత కూడా తమ పొదుపును కొనసాగిస్తూ దీర్ఘకాలంలో పెద్ద మొత్తాన్ని సమకూర్చుకునే ప్రయత్నం చేయవచ్చు.

రోజుకు 500 పొదుపు చేస్తే

రోజుకు 500 చొప్పున పక్కన పెడితే నెలకు సుమారు 15,000 అవుతుంది. ఈ మొత్తాన్ని ప్రతి నెలా రికరింగ్ డిపాజిట్‌లో పెట్టుబడిగా పెడితే.. నెలవారీ పెట్టుబడి 15,000.. ఇది 5 ఏళ్లలో పెట్టుబడి 9 లక్షలు అవుతుంది. ఈ లెక్క ప్రకారం 5 ఏళ్లలో వడ్డీ 1,70,492 అవుతుంది. మొత్తం అంటే సుమారు 10.70 లక్షలు పొందవచ్చు.

Also Read : సేవింగ్స్ చేయడానికి PPF మంచిదా? FD బెటరా? ఎక్కువకాలం పొదుపు చేస్తే ట్యాక్స్, వడ్డీ ఎలా ఉంటాయి?

10 ఏళ్లకు పొడిగిస్తే 25 లక్షలా?

5 ఏళ్ల తర్వాత పెట్టుబడిని మరో 5 సంవత్సరాల పాటు కొనసాగించినట్లయితే మొత్తం 10 సంవత్సరాల పాటు పెట్టుబడి పెట్టినట్టవుతుంది. ఈ లెక్క ప్రకారం 10 సంవత్సరాల్లో మీరు పెట్టుబడిగా పెట్టే మొత్తం 18 లక్షలు. దీనికి వడ్డీ కలిపితే మొత్తం నిధి సుమారు 25,62,822కు చేరుతుంది. అంటే వడ్డీ ద్వారా వచ్చిన మొత్తం 7,62,822. ఇలా చూస్తే క్రమం తప్పకుండా పొదుపు చేస్తే దీర్ఘకాలంలో వడ్డీ ద్వారా గణనీయమైన మొత్తాన్ని సంపాదించే అవకాశం ఉంటుంది.

పెట్టుబడి చేసే ముందు గుర్తించుకోవాల్సిన విషయాలు

పోస్ట్ ఆఫీస్ పథకాలు ప్రభుత్వ మద్దతు ఉన్న చిన్న పొదుపు పథకాలుగా ఉన్నప్పటికీ.. రిస్క్ పూర్తిగా సున్నా అని చెప్పడం కంటే ప్రభుత్వ పథకం కావడం వల్ల భద్రత ఎక్కువగా ఉంటుంది. అలాగే వడ్డీ రేట్లు కాలానుగుణంగా మారవచ్చు. కాబట్టి పెట్టుబడి పెట్టే ముందు తాజా వడ్డీ రేటు, మెచ్యూరిటీ నిబంధనలు, పొడిగింపు నిబంధనలు, పన్ను సంబంధిత అంశాలను పోస్ట్ ఆఫీస్ అధికారులతో నిర్ధారించుకోవచ్చు.

Also Read : రిటైర్మెంట్ ప్లానింగ్ కోసం స్టెప్-అప్ SIPలు బెస్ట్... ఎక్కువ బెనిఫిట్స్ కోసం

ఆర్డీ టైమ్ లిమిట్..

తపాలా కార్యాలయం ద్వారా నిర్వహించే వివిధ ప్రభుత్వ పొదుపు పథకాలు చాలా ప్రజాదరణ పొందాయి. ఎందుకంటే చిన్నదైనా, పెద్దదైనా ఎలాంటి పెట్టుబడికైనా భద్రతకు ప్రభుత్వమే హామీ ఇస్తుంది. అంటే ఇవి పూర్తిగా ప్రమాద రహితం. పోస్ట్ ఆఫీస్ ఆర్డీ పథకం 6.7 వడ్డీ రేటును కూడా అందిస్తుంది. ఈ పథకాన్ని పోస్ట్ ఆఫీస్ పిగ్గీ బ్యాంక్ అని కూడా పిలుస్తారు. చిన్న పెట్టుబడులతో గణనీయమైన నిధులు పోగుచేసుకోవచ్చు. అయితే పోస్ట్ ఆఫీస్ రికరింగ్ డిపాజిట్ పథకంలో పెట్టుబడి పెడితే మెచ్యూరిటీ అయ్యేందుకు 5 సంవత్సరాల కాలపరిమితి ఉంటుంది.

Also Read : అధిక రాబడితో పాటు భద్రతనిచ్చే పోస్టాఫీస్ పథకాలు.. భవిష్యత్తు కోసం డబ్బు ఆదా చేయాలంటే ఇవే బెస్ట్

Palakura Pappu Recipe : నోరూరించే పాలకూర పప్పు రెసిపీ.. కుక్కర్లో ఇలా చేస్తే రుచి అదిరిపోతుంది

Geddam Vijaya Madhuri — Wed, 9 Sep 2026 10:36:12 +0530

Andhra Style Spinach Dal Recipe : తెలుగు రాష్ట్రాల్లో పప్పు, అన్నం కాంబినేషన్‌కు ప్రత్యేకమైన క్రేజ్ ఉంటుంది. ముఖ్యంగా పాలకూరతో చేసే పప్పు (Palakura Pappu Recipe) రుచితో పాటు పోషకాలు కూడా అందిస్తుంది. కాస్త పులుపు, కారం, వెల్లుల్లి తాలింపు కలిపి పాలకూర పప్పు చేస్తే రుచి అదిరిపోతుంది. మరి ఈ టేస్టీ పాలకూర పప్పును ఇంట్లోనే సులభంగా ఎలా తయారు చేసుకోవాలో.. టేస్టీగా రావాలంటే ఎలాంటి టిప్స్ ఫాలో అవ్వాలో.. కావాల్సిన పదార్థాలు ఏంటో తెలుసుకుందాం.

కావాల్సిన పదార్థాలు

కందిపప్పు - 1 కప్పు

పాలకూర - 2 కట్టలు

ఉల్లిపాయ - 1

పచ్చిమిర్చి - 7

టమాటా - 1

చింతపండు - చిన్న నిమ్మకాయంత

పసుపు - పావు టీస్పూన్

కారం - అర టీస్పూన్

ఉప్పు - రుచికి తగినంత

నీరు - అవసరమైనంత

Also Read : ఈజీగా, టేస్టీగా రెడీ చేసుకోగలిగే పాలకూర వడలు.. రెసిపీ ఇదే

తాలింపు కోసం

నూనె - 1 నుంచి 2 టేబుల్ స్పూన్లు

ఆవాలు - అర టీస్పూన్

జీలకర్ర - అర టీస్పూన్

ఎండుమిర్చి - 2

వెల్లుల్లి రెబ్బలు - 5 నుంచి 6

మినపప్పు - అర టీస్పూన్

కరివేపాకు - కొద్దిగా

ఇంగువ - చిటికెడు

Also Read : టేస్టీ, హెల్తీ పాలకూర మోమోస్ రెసిపీ.. మైదా లేకుండా ఇంట్లో చేసేయండిలా

పాలకూర పప్పు తయారీ విధానం

ముందుగా పాలకూరను శుభ్రంగా కడిగి.. చిన్న ముక్కలుగా తరిగి పక్కన పెట్టుకోవాలి. కందిపప్పును కూడా రెండు, మూడు సార్లు నీటితో కడిగి నానబెట్టుకోవాలి. కందిపప్పు వండుకునే ముందు నానబెట్టుకుంటే కడుపు ఉబ్బరం వంటి సమస్యలు రావు. కాబట్టి ముందుగానే కందిపప్పు నీటిలో నానబెట్టుకోవాలి. ఇప్పుడు కుక్కర్‌లో కందిపప్పు, తరిగిన పాలకూర, ఉల్లిపాయ ముక్కలు, పచ్చిమిర్చి, టమాటా, పసుపు వేసి తగినంత నీరు పోయాలి.

కుక్కర్ మూత పెట్టి మీడియం మంటపై 3 నుంచి 4 విజిల్స్ వచ్చే వరకు ఉడికించాలి. ప్రెజర్ పూర్తిగా తగ్గిన తర్వాత కుక్కర్‌ తెరిచి పప్పును గరిటెతో బాగా మెదపాలి. అవసరమైతే కొద్దిగా వేడి నీరు పోసి పప్పును మీకు నచ్చిన చిక్కదనానికి తీసుకురావచ్చు. చింతపండును కొద్దిగా నీటిలో నానబెట్టి.. దాని రసం తీసుకోవాలి. ఈ చింతపండు రసాన్ని పప్పులో వేసి, ఉప్పు, కారం కలపాలి. పప్పును మరో 5 నిమిషాలు మరిగించాలి. ఈ సమయంలో పులుపు, కారం ఉప్పును మీ రుచికి తగ్గట్లు అడ్జెస్ట్ చేసుకోవాలి.

Also Read : పప్పు ఉడికించేప్పుడు కుక్కర్ నుంచి నురుగు వస్తుందా? ఈ టిప్స్తో చెక్ పెట్టేయండి

వెల్లుల్లి తాలింపుతోనే అసలైన రుచి

పప్పుకోసం తాలింపు వేయాలంటే.. చిన్న పాన్‌ తీసుకుని నూనె వేయాలి. దానిలో ఆవాలు, జీలకర్ర, మినపప్పు వేయాలి. అవి చిటపటలాడిన తర్వాత ఎండుమిర్చి, వెల్లుల్లి రెబ్బలు, కరివేపాకు, చిటికెడు ఇంగువ వేసి వెల్లుల్లి లేత బంగారు రంగులోకి వచ్చే వరకు వేయించుకోవాలి. ఈ తాలింపును వేడి వేడి పాలకూర పప్పుపై పోసి బాగా కలపాలి. అంతే.. సువాసనతో కూడిన పాలకూర పప్పు రెడీ.

వేడి వేడి అన్నంలో పాలకూర పప్పు, కొద్దిగా నెయ్యి వేసుకుని తింటే రుచి మరింత పెరుగుతుంది. అప్పడం, ఆవకాయ లేదా వడియాలతో తింటే భోజనం మరింత రుచిగా మారుతుంది. దీనిని రెగ్యులర్గా చేసుకుని తింటే శరీరానికి అవసరమైన విటమిన్లు, ఖనిజాలు, ఫైబర్ వంటి పోషకాలు అందడమే కాకుండా.. కందిపప్పు నుంచి ప్రోటీన్ కూడా లభిస్తుంది. కాబట్టి హెల్తీ డైట్లో దీనిని భాగం చేసుకోవచ్చు.

Also Read : వెల్లుల్లి ఫ్లేవర్ లవర్స్‌కు స్పెషల్.. స్పైసీ గార్లిక్ ఎగ్ ఫ్రైడ్ రైస్ రెసిపీ

Cumin Water Benefits : 7 రోజులు జీలకర్ర నీరు తాగితే ఏం అవుతుంది? తయారు చేసే విధానం, ఆరోగ్య ప్రయోజనాలివే

Geddam Vijaya Madhuri — Wed, 9 Sep 2026 05:55:57 +0530

Cumin Water Daily : వంటింట్లో తరచుగా ఉపయోగించే మసాలా దినుసుల్లో జీలకర్ర ఒకటి. అయితే జీలకర్రను కేవలం వంటల్లోనే కాకుండా.. నీటిలో నానబెట్టి లేదా మరిగించి తీసుకునే అలవాటు చాలామందికి ఉంటుంది. ముఖ్యంగా ఉదయాన్నే ఖాళీ కడుపుతో జీలకర్ర నీరు తాగితే జీర్ణక్రియ మెరుగుపడుతుందని.. ఉబ్బరం తగ్గుతుందని చాలామంది నమ్ముతారు. మరి జీలకర్ర నీటితో కలిగే లాభాలు ఏంటి.. ఎలా తాగితే మంచిదో చూసేద్దాం.

జీలకర్రలో థైమోల్ సహా కొన్ని మొక్కల సమ్మేళనాలు, యాంటీఆక్సిడెంట్లు ఉంటాయి. ఇవి జీర్ణక్రియకు కొంత మద్దతు ఇవ్వవచ్చని పరిశోధనలు సూచిస్తున్నాయి. అయితే 7 రోజులు లేదా వారం రోజుల్లోనే అన్ని ఆరోగ్య సమస్యలు నయమవుతాయని చెప్పే ఆధారాలు లేవు. అలాగే శరీరం పూర్తిగా డీటాక్స్ అవుతుందని కూడా చెప్పలేము. కానీ శరీరానికి ఎలాంటి ప్రయోజనాలు అందుతాయో మాత్రం చూసేద్దాం.

Also Read : జీర్ణ సమస్యలకు చెక్ పెట్టాలంటే జీలకర్ర డ్రింక్ ట్రై చేయండి.. ఉదయాన్నే తాగితే ఎన్నో లాభాలు

జీలకర్ర నీరు తయారీ..

ఒక గ్లాసు నీటిని తీసుకోవాలి. అందులో 1 టీస్పూన్ జీలకర్ర వేసి రాత్రంతా నానబెట్టాలి. ఉదయాన్నే ఆ నీటిని వడకట్టి తాగవచ్చు. లేదా ఒక గ్లాసు నీటిలో జీలకర్ర వేసి కొన్ని నిమిషాలు మరిగించి, గోరువెచ్చగా అయిన తర్వాత తాగవచ్చు. అయితే జీలకర్ర నీటిని కేవలం ఖాళీ కడుపుతో తీసుకోవాలని ఏమి లేదు. మీ భోజనం తర్వాత కూడా ఎప్పుడైనా తీసుకోవచ్చు.

వారం రోజులు జీలకర్ర నీరు తాగితే కలిగే లాభాలు

జీలకర్రలోని కొన్ని సహజ సమ్మేళనాలు జీర్ణక్రియకు మద్దతు ఇవ్వవచ్చని పరిశోధనలు సూచిస్తున్నాయి. దీనివల్ల భోజనం జీర్ణం కావడంలో కొంత మంచి ఫలితాలు ఉంటాయి. అలాగే కొందరికి జీలకర్ర తీసుకోవడం వల్ల గ్యాస్, కడుపు ఉబ్బరం వంటి తేలికపాటి జీర్ణ సమస్యల నుంచి ఉపశమనం లభించవచ్చు. భోజనం తర్వాత కడుపు బరువుగా లేదా అసౌకర్యంగా అనిపించే వారికి జీలకర్ర నీరు ఒక తేలికపాటి పానీయంగా ఉపయోగపడవచ్చు. కానీ తరచుగా అజీర్ణం ఉంటే వైద్య సహాయం తీసుకోవాలి.

Also Read : జీర్ణక్రియ నుంచి వెయిట్ లాస్ వరకు.. జీలకర్ర మంచిదా? సోంపు మంచిదా? రెండింటి మధ్య తేడాలు ఇవే

బరువు తగ్గుతారా?

జీలకర్రలో యాంటీఆక్సిడెంట్ లక్షణాలు కలిగిన కొన్ని మొక్కల సమ్మేళనాలు ఉంటాయి. ఇవి శరీరంలోని ఆక్సిడేటివ్ స్ట్రెస్‌ను తగ్గించడంలో హెల్ప్ చేస్తాయి. జీలకర్ర నీరు స్వయంగా కొవ్వును కరిగించే లేదా బరువును వేగంగా తగ్గించే పానీయం కాదు. కానీ టీ, కాఫీలు లేదా షుగర్ డ్రింక్స్ బదులుగా దీనిని తీసుకుంటే బరువు తగ్గడంలో సహాయపడవచ్చు.

డయాబెటిస్ ఉంటే..

జీలకర్రలోని కొన్ని సమ్మేళనాలు రక్తంలో చక్కెర నియంత్రణపై ప్రభావం చూపుతాయా అనే దానిపై పరిశోధనలు ఇంకా జరుగుతున్నాయి. అయితే జీలకర్ర నీరు డయాబెటిస్‌కు చికిత్స అని చెప్పడానికి తగిన ఆధారాలు లేవు. డయాబెటిస్ మందులు వాడేవారు వాటిని ఆపి జీలకర్ర నీటిపై ఆధారపడకూడదు. రొటీన్లో భాగంగా తగిన మోతాదులో తీసుకోవాలి.

Also Read : ఉదయాన్నే జీలకర్ర నీరు తాగితే మంచిదా? చియా సీడ్స్ నీరు తాగితే బరువు తగ్గుతారా? ఏది బెస్ట్

రోజూ ఎంత తాగాలి?

సాధారణంగా ఒక గ్లాసు నీటిలో సుమారు 1 టీస్పూన్ జీలకర్ర వేసుకుని తయారు చేసుకున్న నీటిని తీసుకోవచ్చు. అయితే ఎక్కువగా తాగితే ఎక్కువ ప్రయోజనాలు వస్తాయి అనుకోకూడదు. అలాగే 7 రోజులు తాగినంత మాత్రాన ప్రత్యేకమైన మార్పులు కనిపిస్తాయని చెప్పలేం. రెగ్యులర్గా తీసుకుంటూ.. ఆరోగ్యంపై ప్రభావం చూపే మొత్తం ఆహారం, వ్యాయామం, నిద్ర, జీవనశైలి వంటి అనేక అంశాలు మీ పూర్తి ఆరోగ్యానికి హెల్ప్ చేస్తాయి.

Also Read : ఉదయాన్నే జీలకర్ర నీళ్లు తాగితే కలిగే లాభాలు.. వేసవిలో ఈ ప్రయోజనాల కోసం తాగేయండి

Okra Benefits : బెండకాయ అంటే ఇష్టం లేదా? అయినా తినండి.. రోజూ తింటే కలిగే ఆరోగ్య ప్రయోజనాలు ఇవే

Geddam Vijaya Madhuri — Wed, 9 Sep 2026 05:30:48 +0530

Okra Benefits : బెండకాయ అంటే ఇష్టం లేదా? అయినా తినండి.. రోజూ తింటే కలిగే ఆరోగ్య ప్రయోజనాలు ఇవే

Hibiscus Hair Mask : మందార పువ్వులతో హెయిర్ మాస్క్ ఇలా చేసుకోండి.. అప్లై చేసే విధానం, జుట్టుకు కలిగే లాభాలివే

Geddam Vijaya Madhuri — Tue, 8 Sep 2026 12:35:33 +0530

Hibiscus Hair Mask for Hair Care : జుట్టు ఆరోగ్యంగా, మృదువుగా, మెరిసేలా ఉండాలని ప్రతి ఒక్కరూ కోరుకుంటారు. ఇందుకోసం మార్కెట్లో లభించే వివిధ హెయిర్ కేర్ ప్రొడక్ట్స్ వాడుతుంటారు. అయితే ఇంట్లోనే లభించే కొన్ని సహజ పదార్థాలతో కూడా జుట్టుకు మంచి కండిషనింగ్ అందించవచ్చు. అలాంటి వాటిలో మందార పువ్వులు కూడా ఒకటి. వీటిని జుట్టు సంరక్షణలో ఎంతో కాలంగా వినియోగిస్తున్నారు.

మందార పువ్వులు, ఆకులతో వివిధ రకాల హెయిర్ మాస్క్లు చేసుకుంటారు. మందారంలోని సహజమైన మొక్కల సమ్మేళనాలు, యాంటీఆక్సిడెంట్ లక్షణాలు.. జుట్టు, స్కాల్ప్ కేర్‌కు ఉపయోగపడవచ్చని చెప్తారు. మందారంతో తయారు చేసే హెయిర్ మాస్క్ జుట్టుకు తేమను అందించి, పొడిబారడాన్ని తగ్గించడంలో సహాయపడవచ్చు. మరి దీనిని ఎలా తయారు చేసుకోవాలో.. ఈ మాస్క్ అప్లై చేయడం వల్ల కలిగే లాభాలు ఏంటో చూసేద్దాం.

మందార పువ్వులతో హెయిర్ మాస్క్

తాజా మందార పువ్వులు - 5

మందార ఆకులు - 5

పెరుగు లేదా అలోవెరా జెల్ - 2 టేబుల్ స్పూన్లు

తయారు చేసే విధానం

ముందుగా మందార పువ్వులు, ఆకులను శుభ్రంగా కడిగి చిన్న ముక్కలుగా చేసుకోవాలి. వీటిని మిక్సీలో వేసి మెత్తని పేస్ట్‌లా చేసుకోవాలి. అవసరమైతే కొద్దిగా నీరు కలపాలి. ఇందులో 2 టేబుల్ స్పూన్ల పెరుగు లేదా అలోవెరా జెల్ వేసి బాగా కలపాలి. దీంతో హెయిర్ మాస్క్ సిద్ధమవుతుంది.

జుట్టుకు ఎలా అప్లై చేయాలంటే..

ముందుగా జుట్టును చిక్కులు లేకుండా దువ్వుకోవాలి. అనంతరం జుట్టును చిన్న భాగాలుగా విడగొట్టి, మందార హెయిర్ మాస్క్‌ను స్కాల్ప్‌తో పాటు జుట్టు పొడవునా అప్లై చేయాలి. దీనిని అప్లై చేసిన తర్వాత సుమారు అరగంట తర్వాత తేలికపాటి షాంపూతో హెయిర్ వాష్ చేసుకోవాలి. అవసరమైతే కండిషనర్ ఉపయోగించాలి. వారానికి ఒకసారి చేస్తే సరిపోతుంది.

మందార హెయిర్ మాస్క్ వల్ల కలిగే ప్రయోజనాలు

మందార పేస్ట్‌తో తయారు చేసిన మాస్క్ జుట్టును మృదువుగా చేయడంలో సహాయపడవచ్చు. పొడిగా, రఫ్‌గా అనిపించే జుట్టుకు ఇది కండిషనింగ్ లాగా పనిచేయవచ్చు. జుట్టుకు తేమ అందుతుంది. జుట్టు మరింత స్మూత్‌గా, మెరిసేలా కనిపించవచ్చు. మందారంలోని కొన్ని మొక్కల సమ్మేళనాలకు యాంటీఆక్సిడెంట్ లక్షణాలు ఉన్నట్లు పరిశోధనలు సూచిస్తున్నాయి. జుట్టు కండిషనింగ్ మెరుగుపడితే దువ్వేటప్పుడు చిక్కులు తగ్గుతాయి.

మందారంతో హెయిర్ ఫాల్ తగ్గుతుందా?

మందారం జుట్టు రాలడాన్ని తగ్గిస్తుందని చాలామంది వినియోగిస్తారు. అయితే దీనికి ఎలాంటి ప్రత్యేకమైన ప్రూఫ్స్ లేవు కానీ.. జుట్ట చిక్కులు పడటం తగ్గి.. మృదువుగా మారడం వల్ల జుట్టు రాలడం కాస్త తగ్గినట్లు అనిపించవచ్చు. మీకు జుట్టు సమస్యలు ఎక్కువగా ఉంటే కేవలం ఇంటి చిట్కాలపై ఆధారపడకుండా వైద్యులను సంప్రదిస్తే మంచి ఫలితాలు చూడగలుగుతారు.

Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్కి మంచిదట

Geddam Vijaya Madhuri — Tue, 8 Sep 2026 12:04:58 +0530

Best Drinks for Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే ఎంత మంచిదో తెలుసా?
ఈరోజుల్లో దుమ్ము, పొగ, కాలుష్యం, సిగరెట్ పొగ సర్వసాధారణంగా మారిపోయాయి. తప్పించుకోలేని ఇలాంటి వాతావరణంలో ఎక్కువకాలం ఉంటే కచ్చితంగా ఆరోగ్యంపై ఎఫెక్ట్ పడుతుంది. ఇవి ఊపిరితిత్తులతో పాటు ఇతర శరీర భాగాల ఆరోగ్యంపై ప్రభావం చూపుతాయని పలు పరిశోధనలు చెప్తున్నాయి. అందుకే చాలామంది లంగ్స్ సమస్యలతో ఇబ్బంది పడుతున్నారని.. శ్వాసకోశ సమస్యలు పెరుగుతున్నాయని నిపుణులు చెప్తున్నారు.

ఊపిరితిత్తులను శుద్ధి చేసుకోవడానికి చాలామంది వివిధ పానీయాల వైపు మొగ్గు చూపుతారు. అయితే ఏ ఒక్క డ్రింక్ కూడా ఊపిరితిత్తులను పూర్తిగా శుభ్రపరచదు. కానీ రెగ్యులర్గా తీసుకుంటే లంగ్స్ ఆరోగ్యానికి మేలు జరిగే అవకాశం ఉంటుంది. అలాంటి సహజమైన డ్రింక్స్ ఏంటో.. వాటిని తీసుకోవడం వల్ల ఊపిరితిత్తుల ఆరోగ్యానికి కలిగే లాభాలు ఏంటో చూసేద్దాం.

Also Read : స్మోకింగ్ తర్వాత ఊపిరితిత్తులను డీటాక్స్ చేయగలమా? లంగ్స్ హెల్తీగా ఉంచే సింపుల్ టిప్స్

లంగ్స్ క్లెన్సింగ్..

మన ఊపిరితిత్తులు కూడా సహజమైన శుభ్రపరిచే ప్రక్రియ ద్వారా.. దుమ్ము, ఇతర కాలుష్య కారకాలను బయటకు పంపుతాయి. ఇవి అలా పనిచేయాలంటే మన డైలీ లైఫ్లో కొన్ని సింపుల్ టిప్స్ ఫాలో అవ్వాలి. పుష్కలంగా నీరు తాగడం నుంచి.. డైట్లో పోషకమైన ఆహారాలను చేర్చుకోవడం, స్మోకింగ్ మానేయడం వంటి ఉంటాయి. అలాగే ఇంట్లోనే ఊపిరితిత్తులను డిటాక్స్ చేయడానికి హెల్ప్ చేసే సులభమైన పానీయాలు తీసుకోవచ్చు. అవేంటంటే..

గోరువెచ్చని నీరు

గోరువెచ్చని నీటిని తాగడం వల్ల శరీరం హైడ్రేట్ అవ్వడమే కాకుండా.. ఊపిరితిత్తులు, శ్వాసనాళాలలో ఉండే శ్లేష్మాన్ని పలుచగా చేయడానికి కూడా సహాయం చేస్తుంది. దీనివల్ల శ్లేష్మాన్ని బయటకు పంపడం సులభతరం అవుతుంది. దీనివల్ల శ్వాసనాళాలు శుభ్రంగా మారవచ్చు. ప్రతిరోజూ తగినంత నీరు తాగడం వల్ల ఊపిరితిత్తుల సహజంగా శుభ్రపరిచే ప్రక్రియకు మద్దతు అందుతుంది.

Also Read : స్మోకింగ్ చేయని వారిలో వేగంగా పెరుగుతోన్న లంగ్స్ క్యాన్సర్.. అసలైన కారణాలు వెల్లడించిన నిపుణులు

అల్లం టీ

అల్లంలోని సహజ సమ్మేళనాలు శరీరంలో వాపును తగ్గించడానికి సహాయపడతాయి. గోరువెచ్చని నీటిలో అల్లం కలుపుకుని తాగడం వల్ల గొంతుకు ఉపశమనం లభిస్తుంది. ఇది తేలికపాటి శ్వాసకోశ సమస్యల నుంచి ఉపశమనం అందిస్తుంది. అందుకే అల్లాన్నీ ఊపిరితిత్తుల ఆరోగ్యానికి తోడ్పడే ఆహారంలో భాగంగా చేర్చుకోవచ్చు.

నిమ్మరసం

నిమ్మకాయలలో విటమిన్ సి ఉంటుంది. ఇది శరీర రోగనిరోధక వ్యవస్థకు మద్దతు ఇస్తుంది. డీహైడ్రేషన్‌ను తిరిగి నింపడానికి నిమ్మరసం ఒక సులభమైన మార్గంగా చెప్పవచ్చు. శరీరానికి తగినంత నీరు అందించడం దాని సహజ శుభ్రపరిచే ప్రక్రియకు సహాయపడుతుంది. కాబట్టి నిమ్మరసం ఊపిరితిత్తుల ఆరోగ్యానికి కూడా మేలు చేసే డ్రింక్గా పరిగణిస్తారు.

Also Read : 47 ఏళ్ల వ్యక్తికి డబుల్ లంగ్ ట్రాన్స్‌ప్లాంట్.. రెండు సంవత్సరాలుగా ఆక్సిజన్‌పై ఉన్న రోగికి కొత్త జీవితం

ఆవిరి పట్టడం..

వేడి నీటి ఆవిరి శ్వాసనాళాల్లోని శ్లేష్మాన్ని వదులు చేయడానికి సహాయపడుతుంది. దీనివల్ల శ్లేష్మాన్ని బయటకు పంపడం సులభమవుతుంది. ముక్కు లేదా గొంతు దిబ్బడ నుంచి ఉపశమనం లభిస్తుంది. మీ ఊపిరితిత్తులను ఆరోగ్యంగా ఉంచుకోవడానికి ఆవిరిని ఒక సులభమైన ఇంటి చికిత్సగా పరిగణించవచ్చు.

స్మోకింగ్కి చెక్..

ఊపిరితిత్తుల సహజ శుభ్రతను కాపాడుకోవడానికి, వాటిని హానికరమైన పదార్థాల నుండి రక్షించడం చాలా ముఖ్యం. అందుకే సిగరెట్, పొగాకు పొగకు దూరంగా ఉండాలి. అధిక కాలుష్యం ఉన్న ప్రాంతాలలో మాస్క్ ధరిస్తే మంచిది. అలాగే ప్రతిరోజూ కొంత వ్యాయామం చేయడం, పుష్కలంగా నీరు తాగడం, హెల్తీ డైట్ తీసుకోవడం వల్ల ఊపిరితిత్తుల ఆరోగ్యానికి మేలు జరుగుతుంది.

Also Read : రోజూ ఆకుకూరలు తినడం ఊపిరితిత్తుల(Lungs)కు మంచిదేనా? కొత్త అధ్యయనంలో ఇంట్రెస్టింగ్ విషయాలు

Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్​కి మంచిదట

Bellam Thalikalu Recipe : ఆంధ్రా స్పెషల్ బెల్లం తాళికలు.. పండుగ రోజుల్లో ఇలా చేస్తే రుచి అదిరిపోతుంది, వినాయకచవితికి చేసేయండి

కావాల్సిన పదార్థాలు

బెల్లం తాళికలు తయారు చేసే విధానం

Laptop on the Lap : ల్యాప్‌టాప్ ఒడిలో పెట్టుకోవడం వల్ల అమ్మాయిల్లో సంతానోత్పత్తి సమస్యలు వస్తాయా?

Chia Seeds Benefits : చియా సీడ్స్ నీరు తాగితే గ్యాస్, మలబద్ధకం తగ్గుతాయా? కచ్చితంగా తెలుసుకోవాల్సిన విషయాలివే

Homemade Hair Oil : మెంతులు, మందారంతో హెయిర్ ఆయిల్.. జుట్టు సమస్యలు దూరం చేసుకునేందుకు ఇంట్లో ప్రిపేర్ చేసుకోండిలా

కావాల్సిన పదార్థాలు

హెయిర్ గ్రోత్ ఆయిల్ తయారీ విధానం

Post Office RD : రోజుకు 500 పొదుపు చేస్తే 10 ఏళ్లలో 25 లక్షలు.. పోస్ట్ ఆఫీస్ ఆర్డీ పూర్తి లెక్క ఇదే

పోస్ట్ ఆఫీస్ ఆర్డీ..

కేవలం 100తో ఖాతా స్టార్ట్ చేయవచ్చు

5 ఏళ్ల మెచ్యూరిటీ

రోజుకు 500 పొదుపు చేస్తే

10 ఏళ్లకు పొడిగిస్తే 25 లక్షలా?

పెట్టుబడి చేసే ముందు గుర్తించుకోవాల్సిన విషయాలు

ఆర్డీ టైమ్ లిమిట్..

Palakura Pappu Recipe : నోరూరించే పాలకూర పప్పు రెసిపీ.. కుక్కర్​లో ఇలా చేస్తే రుచి అదిరిపోతుంది

కావాల్సిన పదార్థాలు

తాలింపు కోసం

పాలకూర పప్పు తయారీ విధానం

వెల్లుల్లి తాలింపుతోనే అసలైన రుచి

Cumin Water Benefits : 7 రోజులు జీలకర్ర నీరు తాగితే ఏం అవుతుంది? తయారు చేసే విధానం, ఆరోగ్య ప్రయోజనాలివే

జీలకర్ర నీరు తయారీ..

వారం రోజులు జీలకర్ర నీరు తాగితే కలిగే లాభాలు

బరువు తగ్గుతారా?

డయాబెటిస్ ఉంటే..

రోజూ ఎంత తాగాలి?

Okra Benefits : బెండకాయ అంటే ఇష్టం లేదా? అయినా తినండి.. రోజూ తింటే కలిగే ఆరోగ్య ప్రయోజనాలు ఇవే

Hibiscus Hair Mask : మందార పువ్వులతో హెయిర్ మాస్క్ ఇలా చేసుకోండి.. అప్లై చేసే విధానం, జుట్టుకు కలిగే లాభాలివే

మందార పువ్వులతో హెయిర్ మాస్క్

తయారు చేసే విధానం

జుట్టుకు ఎలా అప్లై చేయాలంటే..

మందార హెయిర్ మాస్క్ వల్ల కలిగే ప్రయోజనాలు

మందారంతో హెయిర్ ఫాల్ తగ్గుతుందా?

Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్​కి మంచిదట

లంగ్స్ క్లెన్సింగ్..

గోరువెచ్చని నీరు

అల్లం టీ

నిమ్మరసం

ఆవిరి పట్టడం..

స్మోకింగ్​కి చెక్..

Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్కి మంచిదట

Palakura Pappu Recipe : నోరూరించే పాలకూర పప్పు రెసిపీ.. కుక్కర్లో ఇలా చేస్తే రుచి అదిరిపోతుంది

Lung Health : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్కి మంచిదట

స్మోకింగ్కి చెక్..