Bone Density : ఎముకలు బలంగా ఉండాలంటే ఏం చేయాలి? బోన్ డెన్సిటీ తగ్గకుండా తీసుకోవాల్సిన జాగ్రత్తలివే

Ghee for Dark Circles : కళ్ల కింద నెయ్యి రాస్తే బ్లాక్ సర్కిల్స్ తగ్గుతాయా? ప్రతిరోజూ రాత్రి అప్లై చేస్తే కలిగే లాభాలివే

Geddam Vijaya Madhuri — Thu, 1 Oct 2026 19:44:00 +0530

Ghee Under the Eyes Benefits and Precautions : ఒత్తిడిలో ఉన్నప్పుడు, రాత్రుళ్లు సరిగ్గా నిద్రపోనప్పుడు కళ్ల కింద నల్లటి వలయాలు, ఉబ్బు, పొడిబారడం వంటివి కనిపిస్తాయి. వీటిని తగ్గించుకోవడం కోసమే మార్కెట్లోకి ఐ క్రీములు, సీరమ్‌లు వచ్చాయి. అయితే చాలామంది తమ సెన్సిటివ్ స్కిన్, మంచి రిజల్ట్స్ ఇచ్చే చికిత్స కోసం ట్రెడీషనల్ టిప్స్ ఫాలో అవుతున్నారు. అలాంటి టిప్స్లో కళ్ల కింద నెయ్యి రాయడం ఒకటి. ఇలా అప్లై చేస్తే కలిగే లాభాలు ఏంటి? ఎలాంటి జాగ్రత్తలు తీసుకోవాలో ఇప్పుడు తెలుసుకుందాం.

నెయ్యిలో హెల్తీ ఫ్యాట్స్, యాంటీఆక్సిడెంట్లు పుష్కలంగా ఉంటాయి. ఇవి కళ్ల కింద సున్నితమైన చర్మాన్ని సహజ పద్ధతిలో పోషించడానికి ఉపయోగపడతాయి. ఎందుకంటే కళ్ల కింద చర్మం పలుచగా, సున్నితంగా ఉంటుంది. అక్కడ నూనె గ్రంధులు లేకపోవడం వల్ల చర్మం పొడిగా, ముడతలుగా, మచ్చలుగా, డల్గా ఉండే అవకాశం ఎక్కువగా ఉంది. చల్లని వాతావరణం, స్క్రీన్‌ ఎక్కువ చూడడం, కాలుష్యం, నిద్రలేమి వంటి కారకాల వల్ల ఈ సమస్యలు ఎక్కువ అవుతాయి. చర్మానికి తిరిగి తేమను అందించడం కోసం, కెమికల్స్లోని నెయ్యి వంటి సహజ మాయిశ్చరైజర్‌ అప్లై చేయవచ్చా?

Also Read : గ్లోయింగ్ స్కిన్ కోసం ఉదయాన్నే ఏం చేయాలి? ఈ 6 స్కిన్ కేర్ స్టెప్స్ ఫాలో అవ్వండి

కళ్ల కింద నెయ్యి రాయడం వల్ల కలిగే లాభాలు

నెయ్యిలో విటమిన్లు ఎ, డి, ఇ, కె ఉంటాయి. ఇవి చర్మాన్ని బాగు చేయడానికి, తేమగా ఉంచడానికి సహాయం చేస్తాయి. విటమిన్ ఎ చర్మ కణాల పునరుత్పత్తికి, విటమిన్ ఇ ఫ్రీ రాడికల్స్ ప్రభావం తగ్గించడానికి హెల్ప్ చేస్తాయి. నెయ్యిలోని ఆరోగ్యకరమైన కొవ్వులు కళ్ల కింద ప్రాంతానికి లోతైన పోషణను అందించి.. వాటిని మృదువుగా చేస్తాయి. నెయ్యి సహజమైన మాయిశ్చరైజర్. ఇది చర్మంలోకి ఇంకిపోతుంది. కాబట్టి ఎలాంటి ఇబ్బంది ఉండదు.

ఎప్పుడు అప్లై చేస్తే మంచిదంటే..

పొడిబారడం తగ్గించడానికి.. రాత్రిపూట తేమను నిలుపుకోవడానికి.. నిద్రపోయే ముందు కళ్ల కింద కొద్దిగా నెయ్యి రాసుకోవచ్చు. దీనిని నిరంతరం ఉపయోగించడం వల్ల ఫైన్ లైన్స్ తగ్గిపోతాయి. డీహైడ్రేషన్ వల్ల కలిగే అకాల వృద్ధాప్యాన్ని ఇది నివారించవచ్చు.

Also Read : క్రియేటిన్ వల్ల బట్టతల వస్తోందా? 20-30 ఏళ్లకే జుట్టు రాలడానికి డాక్టర్లు చెప్తోన్న కారణాలు ఇవే

బ్లాక్ సర్కిల్స్ దూరం అవుతాయా?

రక్త ప్రసరణ సరిగా లేకపోవడం, పిగ్మెంటేషన్ లేదా పలుచని చర్మం బ్లాక్ సర్కిల్స్కు కారణం కావచ్చు. నెయ్యి చర్మానికి రక్త ప్రసరణను, రక్త పోషణను మెరుగుపరిచే అవకాశం ఉంది. ఇది కాలక్రమేణా నల్లటి వలయాలను నివారించే అవకాశం ఉంది. చర్మ సంరక్షణలో భాగంగా దీనిని రెగ్యులర్గా ఉపయోగిస్తే.. అది దెబ్బతిన్న చర్మాన్ని బాగుచేసి బ్లాక్స్ సర్కిల్స్ని దూరం చేస్తుంది.

కళ్లు ఉబ్బితే..

నిద్రలేమి, ఎక్కువసేపు స్క్రీన్ చూడటం వల్ల కళ్లు ఉబ్బడం, కళ్లు అలసిపోవడం జరుగుతుంది. నెయ్యి చర్మాన్ని రిలాక్స్ చేసి.. తేలికపాటి వాపును తగ్గిస్తుంది. అలాగే శాంతపరిచే ప్రభావాలను కలిగి ఉంటుంది. నెయ్యితో మసాజ్ చేయడం వల్ల రక్త ప్రసరణ పెరిగి.. కళ్ల కింద వాపు తగ్గడానికి సహాయపడవచ్చు.

Also Read : పాదాలు నల్లగా, గరుకుగా ఉన్నాయా? ఇంట్లోనే పార్లర్ తరహాలో ఇలా సింపుల్గా క్లీన్‌ చేసుకోండి

తీసుకోవాల్సిన జాగ్రత్తలు..

నెయ్యిని సెన్సిటివ్ స్కిన్ ఉన్నవారు కూడా ఉపయోగించవచ్చు. అయితే దీనిని తక్కువ పరిమాణంలోనే అప్లై చేయాలి. చర్మ రంధ్రాలు మూసుకుపోకుండా లేదా మొటిమలు రాకుండా ఉండేందుకు స్వచ్ఛమైన, సేంద్రీయమైన, ఉప్పు లేని నెయ్యిని ఉపయోగించాల్సి ఉంటుంది. నెయ్యి హానికరమైనది కాదు. కానీ మొటిమలు లేదా జిడ్డు చర్మం ఉన్నవారు దీనిని తక్కువగా ఉపయోగించాలి. మొదటిసారి ఉపయోగిస్తే ముందుగా ప్యాచ్ టెస్ట్ చేసుకోవాలి.

మెడికల్ సమస్యలు, అలెర్జీలు లేదా దీర్ఘకాలిక నిద్రలేమి కారణంగా కళ్ల కింద నల్లటి వలయాలు ఏర్పడినప్పుడు.. కేవలం నెయ్యి మాత్రమే సరిపోదు. కాబట్టి అలాంటి సమయంలో వైద్య సహాయం తీసుకోవడం మంచిది.

Also Read : ఎండలో తిరిగి ట్యాన్ అయ్యారా? ఈ ఇంటి చిట్కాలు, ఫేస్ ప్యాక్‌లతో చర్మానికి మళ్లీ మెరుపు తీసుకురండి

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Infection Linked Cancer Cases : ఇన్ఫెక్షన్లతో పెరుగుతోన్న క్యాన్సర్ కేసులు.. లాన్సెట్ అధ్యయనంలో షాకింగ్ విషయాలు

Geddam Vijaya Madhuri — Thu, 1 Oct 2026 13:54:03 +0530

Cancer Cases in India Linked to Infections : క్యాన్సర్‌పై జరిగిన కొత్త పరిశోధన.. దాని నివారణకు సంబంధించిన ఒక కీలకమైన సమస్యను వెలుగులోకి తెచ్చింది. ది లాన్సెట్ ఆంకాలజీలో ప్రచురితమైన ఒక ప్రపంచ అధ్యయనం ప్రకారం.. 2024లో భారతదేశంలో నమోదైన సుమారు 1,90,000 కొత్త క్యాన్సర్ కేసులు ఇన్ఫెక్షన్లతో ముడిపడి ఉన్నాయి. ఇది ఆ సంవత్సరంలో దేశంలో నమోదైన మొత్తం క్యాన్సర్ కేసులలో సుమారు 12 శాతానికి సమానమని తెలిపింది.

ఈ అధ్యయనం ప్రకారం.. ప్రపంచవ్యాప్తంగా కూడా సుమారు 12 శాతం క్యాన్సర్ కేసులు ఇన్ఫెక్షన్లతో సంబంధం కలిగి ఉన్నాయి. కొన్ని వైరస్‌లు, బ్యాక్టీరియాలు దీర్ఘకాలిక ఇన్ఫెక్షన్లను కలిగించిన తర్వాత.. క్యాన్సర్ ప్రమాదాన్ని పెంచుతాయని పరిశోధనలు సూచిస్తున్నాయి. అటువంటి ఇన్ఫెక్షన్లను సకాలంలో నివారించడం, నిర్ధారించి చికిత్స చేయడం ద్వారా కొన్ని క్యాన్సర్ కేసులను తగ్గించవచ్చు.

Also Read : 30, 40 ఏళ్లకే పెద్దపేగు క్యాన్సర్, కారణాలు ఇవే.. ఈ లక్షణాలను మాత్రం నిర్లక్ష్యం చేయొద్దు

ఈ అధ్యయనంలో కొన్ని రకాల క్యాన్సర్‌లతో శాస్త్రీయంగా సంబంధం ఉన్న ఇన్ఫెక్షన్లపై దృష్టి సారించింది. అధ్యయనంలోని డేటా ప్రకారం.. 2024లో భారతదేశంలో సుమారుగా 15,62,581 కొత్త క్యాన్సర్ కేసులు నమోదవుతాయని అంచనా వేశారు. అదే సంవత్సరంలో క్యాన్సర్ మరణాలపై అంచనా వేయగా.. వీటిలో సుమారు 9,08,828 కేసులు ఇన్ఫెక్షన్లతో సంబంధం కలిగి ఉన్నట్లు గుర్తించారు. అయితే ప్రతి ఇన్ఫెక్షన్ నేరుగా క్యాన్సర్‌కు దారితీస్తుందని అర్థం కాదు.

ఇన్ఫెక్షన్‌కు HPV కారణమా?

పరిశోధన ప్రకారం.. భారతదేశంలో క్యాన్సర్ సంక్రమణకు హ్యూమన్ పాపిల్లోమావైరస్ (HPV) ప్రధాన కారణంగా గుర్తించారు. HPV సంబంధిత కేసుల సంఖ్య లక్షకు పైగా ఉంటుందని అంచనా వేశారు. ఇది ప్రధానంగా గర్భాశయ ముఖద్వార క్యాన్సర్‌తో ముడిపడి ఉంటుందట. అయితే HPV సంక్రమణను నివారించడానికి టీకా అందుబాటులో ఉంది. అంతేకాకుండా సకాలంలో గర్భాశయ ముఖద్వార క్యాన్సర్ స్క్రీనింగ్ చేయడం ద్వారా ఈ వ్యాధిని ముందుగానే గుర్తించవచ్చు.

IARC ప్రకారం.. దీర్ఘకాలిక అధిక ప్రమాద HPV సంక్రమణ గర్భాశయ ముఖద్వార క్యాన్సర్‌కు ప్రధాన కారణం. కాబట్టి HPVని నివారించడానికి టీకా అందుబాటులో ఉంది.

Also Read : నగరవాసుల్లో పెరుగుతోన్న కిడ్నీ క్యాన్సర్ కేసులు.. కారణాలు, తీసుకోవాల్సిన జాగ్రత్తలు సూచిస్తోన్న ఆంకాలజిస్ట్

H.పైలోరీ కూడా కారణమే..

భారతదేశంలో దాదాపు 47,000 క్యాన్సర్ కేసులు హెలికోబాక్టర్ పైలోరీ (H. పైలోరీ) ఇన్ఫెక్షన్‌తో ముడిపడి ఉన్నాయని అంచనా వేశారు. ఈ బాక్టీరియా ప్రధానంగా కడుపు ఇన్ఫెక్షన్‌లకు కారణమవుతుంది. కడుపు క్యాన్సర్‌తో సంబంధం కలిగి ఉంటుంది. ప్రపంచవ్యాప్త డేటా కూడా H.పైలోరీ అత్యంత ముఖ్యమైన ఇన్ఫెక్షన్‌లలో ఒకటి. అధ్యయనం ప్రకారం.. 2024లో ఇది సుమారు 7,60,000 క్యాన్సర్ కేసులకు కారణమవుతుందని గుర్తించారు.

మరిన్ని ఇన్ఫెక్షన్లు..

పరిశోధనల ప్రకారం భారతదేశంలో సుమారు 22,000 క్యాన్సర్ కేసులకు ఎప్స్టీన్-బార్ వైరస్ (EBV) కారణమని తేలింది. హెపటైటిస్ బి వైరస్ వల్ల సుమారు 10,000 కేసులు, హెపటైటిస్ సి వైరస్ వల్ల సుమారు 5,300 కేసులు సంభవిస్తున్నాయి. హెపటైటిస్ బి, సి వంటి ఇన్ఫెక్షన్లకు కాలేయ క్యాన్సర్‌తో సంబంధం ఉండగా.. EBVకి అనేక రకాల క్యాన్సర్‌లతో సంబంధం ఉన్నట్లు తేలింది. IARC ప్రకారం.. ఇన్ఫెక్షన్, క్యాన్సర్ మధ్య సంబంధం అనేది నిర్దిష్టమైన ఇన్ఫెక్షన్, క్యాన్సర్ రకాన్ని బట్టి మారుతూ ఉంటుంది.

Also Read : ఆన్‌లైన్‌లో మెడిసన్స్, రోగాల గురించి తెలుసుకుంటున్నారా? అలసట కూడా క్యాన్సర్ అనేస్తాది జాగ్రత్త

ఇన్ఫెక్షన్లతోనే 2.3 మిలియన్ల క్యాన్సర్ కేసులు

ప్రపంచవ్యాప్తంగా 2024లో దాదాపు 23 లక్షల (2.3 మిలియన్) కొత్త క్యాన్సర్ కేసులు ఇన్ఫెక్షన్లతో ముడిపడి ఉన్నాయని ఈ అధ్యయనం కనుగొంది. ఇది ప్రపంచవ్యాప్తంగా నమోదైన మొత్తం కొత్త క్యాన్సర్ కేసులలో సుమారు 12 శాతం. ఇన్ఫెక్షన్ సంబంధిత క్యాన్సర్ కేసులన్నింటికీ ఐదు ప్రధాన ఇన్ఫెక్షన్లు కారణమయ్యాయి. వీటిలో H.పైలోరీ (7.6 లక్షలు), HPV (7.5 లక్షలు), హెపటైటిస్ B వైరస్ (3.6 లక్షలు), EBV (2.6 లక్షలు), హెపటైటిస్ C వైరస్ (1.6 లక్షలు) ఉన్నాయి.

Also Read : క్యాన్సర్ ప్రమాదాన్ని తగ్గించుకోవాలంటే ఈ జాగ్రత్తలు తప్పక పాటించండి.. ఆ తప్పులు చేయకండి

Fruit Custard Recipe : కస్టర్డ్ పౌడర్, షుగర్ లేకుండా ఫ్రూట్ కస్టర్డ్.. ఇలా చేస్తే టేస్టీగా, హెల్తీగా ఉంటుంది.. రెసిపీ ఇదే

Geddam Vijaya Madhuri — Thu, 1 Oct 2026 12:46:39 +0530

Healthy Fruit Custard : నోరూరించే ఫ్రూట్ కస్టర్డ్ రెసిపీ.. కస్టర్డ్ పౌడర్ లేకుండా హెల్తీగా, టేస్టీగా ఇలా చేసుకోండి
హెల్తీగా, టేస్టీగా స్వీట్ ఎంజాయ్ చేయాలనుకుంటే మీరు ఫ్రూట్ కస్టర్డ్ ట్రై చేయండి. అయితే కస్టర్డ్ పౌడర్, షుగర్ వేసి చేసే ఈ రెసిపీ ఎందుకు హెల్తీ అవుతుంది అనుకుంటున్నారా? అయితే డౌట్ వదిలేయండి. కస్టర్డ్ పౌడర్, షుగర్ లేకుండానే ఈ టేస్టీ ఫ్రూట్ కస్టర్డ్ తయారు చేసుకోవచ్చు. మరి దీనిని ఎలా చేసుకోవాలో.. కావాల్సిన పదార్థాలు ఏంటో ఇప్పుడు తెలుసుకుందాం.

కావాల్సిన పదార్థాలు

మఖానా - 1 కప్పు

బాదం - 10

జీడిపప్పు - 10

కుంకుమ - 10 పలుకులు

యాలకుల పొడి - అర టీస్పూన్

గోరువెచ్చని పాలు - అర లీటర్

తేనే - 1 స్పూన్

బ్లాక్ ద్రాక్ష - 10

గ్రీన్ ద్రాక్ష - 10

యాపిల్ - 1 కప్పు(ముక్కలు)

స్ట్రాబెర్రీ - అర కప్పు

అరటిపండు - 1 కప్పు

దానిమ్మ - 1 కప్పు

Also Read : ఆంధ్రా స్పెషల్ బెల్లం తాళికలు.. పండుగ రోజుల్లో ఇలా చేస్తే రుచి అదిరిపోతుంది, వినాయకచవితికి చేసేయండి

తయారీ విధానం

ముందుగా మఖానా డ్రై రోస్ట్ చేసుకోవాలి. బాదంను పది నిమిషాల ముందు వేడి నీటిలో నానబెట్టాలి. ఇలా చేస్తే దానిపై పీల్ ఈజీగా తీసేయొచ్చు. తర్వాత ఓ పెద్ద గిన్నెలో వేయించిన మఖానా, పీల్ తీసేసిన బాదం, జీడిపప్పు, కుంకుమ పలుకులు, యాలకుల పొడి వేసి.. గోరువెచ్చని పాలల్లో వేసి నానబెట్టాలి. వీటిని ఓ అరగంట పక్కనపెట్టేయండి.

దానిమ్మ, ద్రాక్షలు, యాపిల్, స్ట్రాబెర్రీ, అరటిపండ్లు, పండ్లను చిన్న చిన్న ముక్కలుగా కట్ చేసి పెట్టుకోవాలి. ఇవే వేసుకోవాలని లేదు. మీకు అందుబాటులో ఉండే లేదా మీకు నచ్చిన ఫ్రూట్స్ మీరు యాడ్ చేసుకోవచ్చు. ఇప్పుడు నానబెట్టిన వాటిని మఖానాను మిక్సీలో లేదా బ్లెండర్లో తీసుకోవాలి. వాటిలో తేనె కూడా వేసి పూర్తిగా బ్లెండ్ చేయాలి. దానిని స్మూత్గా, క్రిమీగా చేసుకుంటే మంచిది.

ఈ మిశ్రమాన్ని బౌల్లోకి తీసుకుని.. ఫ్రూట్స్ అన్నీ వేసి బాగా కలపాలి. అంతే నోరూరించే టేస్టీ ఫ్రూట్ కస్టర్డ్ రెడీ. అయితే దీనిని ఫ్రిడ్జ్లో 1 గంట అయినా ఉంచాలి. తర్వాత తీసుకుని సర్వ్ చేసుకుంటే మంచిది. కస్టర్డ్ పౌడర్ లేకుండా అదే ఫ్లేవర్లో ఫ్రూట్ కస్టర్డ్ తీసుకోవాలనుకుంటే ఇది చాలా మంచిది. హెల్తీగా, ఈజీగా చేసుకోవడానికి ఇది బెస్ట్ ఆప్షన్. కచ్చితంగా మీరు కూడా ట్రై చేయండి.

Also Read : ఉడికించిన శనగలతో నోరూరించే బ్రౌనీ చేసేయండిలా.. సింపుల్, టేస్టీ రెసిపీ ఇదే

Reduce Sun Tan Naturally : ఎండలో తిరిగి ట్యాన్ అయ్యారా? ఈ ఇంటి చిట్కాలు, ఫేస్ ప్యాక్‌లతో చర్మానికి మళ్లీ మెరుపు తీసుకురండి

Geddam Vijaya Madhuri — Thu, 1 Oct 2026 08:12:17 +0530

Home Remedies for Brighter Looking Skin : అక్టోబర్ వచ్చినా ఎండ ఏమాత్రం తగ్గట్లేదు. పైగా రోజు రోజుకి వేడి ఎక్కువైపోతుంది. ఈ సమయంలో వెలువడే అతినీలలోహిత కిరణాలు చర్మాన్ని ట్యానింగ్కు గురిచేస్తాయి. ఎండ నుంచి సహజ రక్షణ యంత్రాంగంగా మెలనిన్ ఉత్పత్తి అవుతుంది. ఇది చర్మ కణాలను దెబ్బతినకుండా కాపాడటానికి సహాయపడుతుంది. కానీ ఇది తరచుగా చర్మం రంగులో మార్పులు తెస్తుంది. దీనివల్ల ట్యాన్ అవుతారు.

ఎక్కువసేపు ఎండలో ఉన్నవారిలో ఈ మార్పులు స్పష్టంగా కనిపిస్తాయి. టానింగ్ అనేది సహజమైన ప్రతిస్పందన అయినప్పటికీ.. నల్లగా మారడాన్ని తగ్గించుకోవాలని చాలామంది చూస్తారు. అయితే మీరు ప్రతీసారి పార్లర్కి వెళ్లలేకుంటే.. ట్యానింగ్ తగ్గించుకోవడం కోసం కొన్ని ఇంటి చిట్కాలు ట్రై చేయవచ్చు. సులభంగా లభించే సున్నితమైన, సహజమైన పదార్థాలతో ట్యాన్ ఎలా తగ్గించుకోవాలో ఇప్పుడు చూసేద్దాం.

Also Read : ముఖంపై ట్యాన్, డల్‌నెస్ పెరిగిందా? అయితే శనగపిండి-నిమ్మకాయ ఫేస్‌ప్యాక్‌తో చెక్ పెట్టేయండి

శనగపిండి, పసుపు ప్యాక్

చర్మంపై ఉన్న డెడ్ స్కిన్ తొలగించి.. చర్మానికి కాంతినిచ్చే ట్రెడీషనల్ ఫేస్ ప్యాక్ ఇది. శనగపిండి, చిటికెడు పసుపు, పెరుగు లేదా పాలను కలిపి పేస్ట్ లాగా తయారు చేసుకోండి. దీనిని అప్లై చేసి 15 నిమిషాలు ఆరనివ్వండి. మెల్లగా స్క్రబ్ చేస్తూ.. కడిగేయాలి. మంచి ఫలితాల కోసం వారానికి ఒకటి లేదా రెండు సార్లు ఉపయోగిస్తే సరి.

నిమ్మ, తేనె ప్యాక్

ఎక్స్‌ఫోలియేషన్, మాయిశ్చరైజింగ్ ప్రయోజనాలు కావాలంటే మీరు నిమ్మ, తేనె ఫేస్ ప్యాక్ ట్రై చేయవచ్చు. ఈ రెండూ సమాన భాగాలుగా తీసుకోవాలి. వాటిని బాగా కలిపి మెత్తని పేస్ట్‌లా చేయండి. కళ్ల దగ్గర వదిలేసి.. ట్యాన్ అయిన ప్రదేశాల్లో అప్లై చేయండి. పావుగంట తర్వాత చల్లటి నీటితో కడిగేయండి. మంచి ఫలితాల కోసం వారానికి 2 లేదా 3 సార్లు ట్రై చేయవచ్చు.

కీరదోసతో..

తాజా కీరదోసకాయను తురమండి. లేదా మెత్తగా రుబ్బి దాని నుంచి రసం తీయండి. ఆ రసంలో కాటన్ ముంచి.. ముఖానికి అప్లై చేయండి. 20 నిమిషాల పాటు ఉంచి.. కడిగేస్తే.. చర్మం తాజాగా ఉంటుంది. మరింత చల్లదనం కోసం కీరదోసను పలుచని ముక్కలుగా చేసుకుని నేరుగా ముఖంపై అప్లై చేయవచ్చు. దీనిని రోజూ ఫాలో అవ్వవచ్చు.

Also Read : చేతులపై ట్యాన్ తగ్గించే హోమ్ రెమెడీస్.. హ్యాండ్స్ నల్లగా మారితే ఈ టిప్స్ ఫాలో అయిపోండి

కలబంద జెల్

చర్మానికి ఉపశమనం ఇచ్చి.. దానిని బాగుచేయడంలో కలబంద ముఖ్యపాత్ర పోషిస్తుంది. తాజా కలబంద జెల్‌ను సమానంగా ముఖంపై రాసి.. మెల్లగా మసాజ్ చేయండి. అరగంట తర్వాత దానిని కడిగేయవచ్చు. లేదా రాత్రంతా ఉంచి.. ఉదయాన్నే వాష్ చేసుకోవచ్చు. క్రమం తప్పకుండా వాడితే ట్యాన్ తగ్గడానికి సహాయపడుతుంది.

టమాటా గుజ్జుతో

చర్మపు రంగును ప్రకాశవంతం చేయడానికి సహాయపడే యాంటీఆక్సిడెంట్లు టమాటాలో పుష్కలంగా ఉంటాయి. అందుకే ట్యాన్ తగ్గించుకోవడం కోసం దీనిని అప్లై చేయవచ్చు. పండిన టమాటాను గుజ్జుగా చేసి.. ముఖంపై సమానంగా అప్లై చేయండి. 15 నిమిషాలు ఉంచి కడిగేయండి. వారానికి ఇలా 2 లేదా 3 సార్లు చేస్తే మంచి ఫలితాలు ఉంటాయి. మీకు సెన్సిటివ్ స్కిన్ ఉంటే ఈ గుజ్జులో పెరుగు లేదా తేనె కలిపి అప్లై చేసుకోవచ్చు.

Also Read : గ్లోయింగ్ స్కిన్ కోసం అవిసె గింజలతో DIY జెల్.. ఇంట్లోనే ఇలా తయారు చేసుకుని, అప్లై చేయండి

బంగాళాదుంప రసం

చర్మపు రంగును సమం చేయడానికి సహాయపడే సహజ బ్లీచింగ్ ఏజెంట్ బంగాళదుంప అని చెప్పవచ్చు. పచ్చి బంగాళాదుంపను తురిమి రసం తీయండి. దూదితో పూసి.. పావుగంట తర్వాత కడిగేయండి. రెగ్యులర్గా వాడితే ట్యానింగ్‌ తగ్గవచ్చు.

ఈ సహజమైన పదార్థాలు కాలక్రమేణా ట్యానింగ్‌ను తగ్గించడంలో సహాయపడతాయి. సూర్యరశ్మి నుంచి రక్షణతో పాటు.. ఆరోగ్యకరమైన, గ్లోయింగ్ స్కిన్కు ఇవి హెల్ప్ చేస్తాయి. అయితే చర్మ సంరక్షణ నిపుణులు మాత్రం కాస్త జాగ్రత్త వహించమని సలహా ఇస్తున్నారు. ఎందుకంటే వీటిని గట్టిగా రుద్దడం, జాగ్రత్త లేకుండా వాడితే చర్మానికి చికాకు కలగవచ్చు. అలాగే ముఖానికి ఏదైనా అప్లై చేసే ముందు ప్యాచ్ టెస్టింగ్ చేసుకోవడం మంచిది.

Also Read : ముల్తానీ మట్టి ఫేస్ ప్యాక్ అప్లై చేయాలనుకుంటే వీటిని కూడా కలపండి.. ఎన్నో లాభాలు

Hepatitis B in Pregnancy : గర్భిణీలకు హెపటైటిస్ బి ఉంటే బిడ్డకు కూడా వస్తుందా? బిడ్డకు ఇన్ఫెక్షన్ రాకుండా డాక్టర్ ఇస్తోన్న సూచనలివే

Geddam Vijaya Madhuri — Thu, 1 Oct 2026 06:48:37 +0530

Pregnant Women With Hepatitis B : హెపటైటిస్ బి కాలేయాన్ని ప్రభావితం చేసే వైరల్ ఇన్ఫెక్షన్. ఈ ఇన్ఫెక్షన్ ఉన్న గర్భిణి నుంచి ప్రసవ సమయంలో బిడ్డకు కూడా వైరస్ సంక్రమించే అవకాశం ఎక్కువగా ఉంటుంది. అయితే గర్భధారణ సమయంలోనే హెపటైటిస్ బిని గుర్తించి.. సరైన సమయంలో.. తగిన జాగ్రత్తలు తీసుకుంటే తల్లి నుంచి బిడ్డకు వైరస్ సంక్రమించే ప్రమాదాన్ని గణనీయంగా తగ్గించవచ్చని చెప్తున్నారు నిపుణులు.

అందుకే గర్భిణీలు హెపటైటిస్ బి స్క్రీనింగ్ చేయించుకోవడం చాలా ముఖ్యమని అంటున్నారు డాక్టర్ శారద వాణి. హైదరాబాద్లోని యశోద ఆస్పత్రిలో సీనియర్ కన్సల్టెంట్, ప్రసూతి అండ్ గైనకాలజీ నిపుణురాలు, మినిమల్ యాక్సెస్ సర్జన్ (ల్యాపరోస్కోపీ), హై రిస్క్ ప్రెగ్నెన్సీ స్పెషలిస్ట్గా చేస్తోన్న డాక్టర్ శారద వాణి హెపటైటిస్ బి ఉన్న గర్భిణీలు తీసుకోవాల్సిన జాగ్రత్తల గురించి పలు విషయాలు వివరించారు. అవేటంటంటే..

Also Read : హెపటైటిస్ బి vs హెపటైటిస్ సి.. రెండింటి మధ్య తేడాలేంటి? లక్షణాలు, వ్యాప్తి, చికిత్సలు ఇవే

హెపటైటిస్ బి టెస్ట్ ఎందుకు చేయించుకోవాలి?

గర్భధారణ సమయంలో హెపటైటిస్ బి ఉందా లేదా తెలుసుకోవడానికి హెపటైటిస్ బి సర్ఫేస్ యాంటిజెన్ (HBsAg) బ్లడ్ టెస్ట్ చేస్తారు. ఈ పరీక్ష ద్వారా తల్లిలో యాక్టివ్ హెపటైటిస్ బి ఇన్ఫెక్షన్ ఉందా అనే విషయం తెలుసుకోవచ్చు. HBsAg పాజిటివ్‌గా వస్తే.. వైద్యులు పరిస్థితిని బట్టి మరికొన్ని టెస్ట్లు చేస్తారు. వీటిలో HBV DNA లేదా వైరల్ లోడ్, హెపటైటిస్ బి ఈ-యాంటిజెన్ (HBeAg), లివర్ ఫంక్షన్ టెస్టులు వంటివి ఉంటాయి.

[quote author=డాక్టర్ శారద వాణి ]గర్భధారణలో మొదటగా హెపటైటిస్ బి స్క్రీనింగ్ చేయడం చాలా ముఖ్యం. HBsAg పాజిటివ్‌గా వచ్చినప్పుడు వైరల్ లోడ్, HBeAg, లివర్ ఫంక్షన్ వంటి పరీక్షల ద్వారా తల్లి పరిస్థితిని అంచనా వేస్తాం. [/quote]

వైరల్ లోడ్ ఎందుకు ముఖ్యం?

హెపటైటిస్ బి ఉన్న గర్భిణి నుంచి బిడ్డకు ఇన్ఫెక్షన్ సంక్రమించే ప్రమాదాన్ని అంచనా వేయడంలో తల్లి రక్తంలో వైరస్ పరిమాణం అంటే వైరల్ లోడ్ తెలుసుకోవడం చాలా అవసరం. వైరల్ లోడ్ ఎక్కువగా ఉన్నప్పుడు బిడ్డకు ఇన్ఫెక్షన్ సంక్రమించే ప్రమాదం కూడా ఎక్కువగా ఉండొచ్చు.

Also Read : హెపటైటిస్ తగ్గించే మార్గాలివే.. కాలేయ ఆరోగ్యాన్ని మెరుగుపరిచే రోజువారీ అలవాట్లు

ప్రపంచ ఆరోగ్య సంస్థ (WHO) సిఫార్సుల ప్రకారం.. HBsAg పాజిటివ్‌గా ఉండి.. HBV DNA స్థాయి 2,00,000 IU/mL లేదా అంతకంటే ఎక్కువగా ఉన్న గర్భిణీలకు వైరస్ పరిమాణాన్ని తగ్గించేందుకు టెనోఫోవిర్ ప్రొఫైలాక్సిస్‌ను సుమారు 28వ వారం నుంచి ప్రసవం వరకు ఇస్తారు. అయితే ఇది వైద్యుల పర్యవేక్షణలోనే జరగాలి.

[quote author=డాక్టర్ శారద వాణి ]టెనోఫోవిర్ ఇవ్వడం ద్వారా తల్లి రక్తంలోని వైరస్ పరిమాణాన్ని తగ్గించి, బిడ్డకు ఇన్ఫెక్షన్ సంక్రమించే ప్రమాదాన్ని తగ్గించవచ్చు. [/quote]

బిడ్డ పుట్టిన వెంటనే వ్యాక్సిన్

హెపటైటిస్ బి ఇన్ఫెక్షన్ నుంచి బిడ్డను రక్షించడంలో పుట్టిన వెంటనే ఇచ్చే వ్యాక్సిన్ చాలా కీలకం. బిడ్డ పుట్టిన తర్వాత హెపటైటిస్ బి వ్యాక్సిన్ మొదటి డోస్‌ను వీలైనంత త్వరగా.. ముఖ్యంగా 24 గంటల్లోపు ఇవ్వడం మంచిది. ఆ తర్వాత వైద్యులు సూచించిన షెడ్యూల్ ప్రకారం మిగిలిన డోసులు ఇవ్వాలి.

Also Read : టాటూలు, టీకాలు, వైద్య చికిత్సలతో హెపటైటిస్ ముప్పు.. వైద్యులు ఇస్తోన్న సూచనలు ఇవే

తల్లికి హెపటైటిస్ బి ఉన్నట్లు తెలిస్తే.. బిడ్డకు అదనపు రక్షణ అవసరమా అనే విషయాన్ని కూడా వైద్యులు నిర్ణయిస్తారు. అవసరమైన సందర్భాల్లో హెపటైటిస్ బి ఇమ్యూనోగ్లోబులిన్ ఇచ్చి అదనపు రక్షణ కల్పిస్తారు.

హెపటైటిస్ బి ఉంటే సిజేరియన్ చేస్తారా?

తల్లికి హెపటైటిస్ బి ఉందనే కారణంతో మాత్రమే సిజేరియన్ చేయాల్సిన అవసరం సాధారణంగా ఉండదు. ప్రసవ విధానాన్ని ఇతర ప్రసూతి సంబంధిత పరిస్థితులను బట్టి వైద్యులు నిర్ణయిస్తారు. అలాగే బిడ్డకు పుట్టిన వెంటనే అవసరమైన నివారణ చర్యలు తీసుకున్న తర్వాత తల్లి సాధారణంగా బిడ్డకు తల్లిపాలు ఇవ్వవచ్చు.

[quote author=డాక్టర్ శారద వాణి ]హెపటైటిస్ బి పాజిటివ్‌గా ఉన్న మహిళలు ప్రసవం తర్వాత కూడా ఫాలోఅప్‌లో ఉండాలి. లివర్ ఆరోగ్యాన్ని పర్యవేక్షించడంతో పాటు, చికిత్సను కొనసాగించాల్సిన అవసరం ఉందా అనే విషయాన్ని వైద్యులు నిర్ణయిస్తారు. [/quote]

బిడ్డకు హెపటైటిస్ బి రాకుండా ఏం చేయాలి?

గర్భధారణలోనే హెపటైటిస్ బి స్క్రీనింగ్ చేయించుకోవడం, పాజిటివ్‌గా వస్తే వైరల్ లోడ్ వంటి అవసరమైన పరీక్షలు చేయించుకోవడం, వైద్యులు సూచిస్తే టెనోఫోవిర్ తీసుకోవడం, బిడ్డ పుట్టిన వెంటనే హెపటైటిస్ బి వ్యాక్సిన్ ఇవ్వడం వంటి చర్యలు తల్లి నుంచి బిడ్డకు ఇన్ఫెక్షన్ సంక్రమించే ప్రమాదాన్ని తగ్గిస్తాయని తెలిపారు.

Also Read : హెపటైటిస్ ముట్టుకుంటే వచ్చేస్తుందా? వాస్తవాలు కచ్చితంగా తెలుసుకోవాలంటోన్న వైద్యులు

Desk Job Health Risks : డెస్క్ జాబ్ చేస్తూ గంటల తరబడి కూర్చుంటున్నారా? అయితే ఈ ఆరోగ్య సమస్యలపై జాగ్రత్త

Geddam Vijaya Madhuri — Tue, 29 Sep 2026 16:39:49 +0530

Risks of Sitting Too Long and Tips to Stay Active : ఐటీ అయినా.. నాన్ ఐటీ అయినా ఈ మధ్య చాలామందికి డెస్క్ జాబ్స్ ఎక్కువగా చేస్తున్నారు. డెస్క్ జాబ్ అంటే గంటల తరబడి కంప్యూటర్ ముందు కూర్చోని పని చేయడమే. ఇది ప్రమాదకరం కాదని అనిపించినప్పటికీ.. నిశ్చల జీవనశైలి కాలక్రమేణా అనేక ఆరోగ్య సమస్యలకు దారితీస్తుందని హెచ్చరిస్తున్నారు ఆరోగ్య నిపుణులు. జాగ్రత్తగా లేకుంటే నడుము నొప్పి నుంచి గుండె సంబంధిత సమస్యలతో ఇబ్బంది పడాల్సి వస్తుంది.

ఎక్కువసేపు కూర్చోవడం వల్ల నీరసంగా, కండరాలు బిగుసుకుపోయినట్లుగా అనిపిస్తూ.. మీరు కోరుకున్నంత ఆరోగ్యంగా లేనట్లు భావిస్తుంటే.. దాని అర్థం మీ డెస్క్ జాబే కావచ్చు. మరి ఇది ఎలా మీ హెల్త్పై ప్రభావం చూపిస్తుందో.. నిశితంగా పరిశీలించాల్సి ఉంటుందని చెప్తున్నారు. డెస్క్ జాబ్ ఆరోగ్యాన్ని ఎలా ప్రభావితం చేస్తుందో.. యాక్టివ్గా ఉండేందుకు ఏమి చేయాలో ఇప్పుడు చూద్దాం.

Also Read : డెస్క్ వర్క్ చేసేవారు చేయగలిగే యోగాసనాలు ఇవే.. ఒత్తిడిని తగ్గించుకునేందుకు ఆఫీస్లో ట్రై చేయండి

డెస్క్ జాబ్ ప్రభావం ఆరోగ్యంపై ఎలా ఉంటుందంటే..

ఎక్కువ సేపు కూర్చోవడం అనేది శరీరంపై అనేక విధాలుగా ప్రభావం చూపుతుంది. తుంటి, వీపు, భుజాలలో కండరాల అసమతుల్యతకు దారితీస్తుంది. దీనివల్ల నొప్పి, బిగుతు ఏర్పడవచ్చు. కదలిక లేకపోవడం వల్ల కీళ్లు కూడా దెబ్బతింటాయి. కానీ దాని ప్రభావాలు అక్కడితో ఆగవు.

నిశ్చల జీవనశైలి గుండె ఆరోగ్యంపై కూడా తీవ్రమైన ప్రభావాన్ని చూపుతుంది. ఎక్కువ సేపు కూర్చోవడం వల్ల జీవక్రియ మందగిస్తుంది. దీనివల్ల బరువు పెరగడం, అధిక రక్తపోటు, కొలెస్ట్రాల్ స్థాయిలు పెరగడం వంటివి జరుగుతాయి.

తీసుకోవాల్సిన జాగ్రత్తలు

డెస్క్ జాబ్ వల్ల వచ్చే ప్రతికూల ప్రభావాలను ఎదుర్కోవడానికి అత్యంత ప్రభావవంతమైన మార్గాలలో ఒకటి భంగిమను సరి చేసుకోవడమే. కాబట్టి కూర్చున్నప్పుడు మీ పాదాలు నేలపై చదునుగా ఉండాలి. మీ మోకాలు 90 డిగ్రీల కోణంలో ఉండాలి. మీ వీపు నిటారుగా ఉండి.. మీ భుజాలు రిలాక్స్‌గా ఉండాలి. మెడపై ఒత్తిడిని నివారించడానికి మానిటర్ కంటి స్థాయిలో ఉంచుకోవాలి. మీ వెన్నెముకను నిటారుగా ఉంచడానికి కుర్చీని నడుముకు మద్దతుగా మార్చుకోవాలి.

Also Read : అకాల మరణానికి దారితీస్తున్న డెస్క్ జాబ్లు.. వామ్మో ఎక్కువసేపు కూర్చోంటే ఇంత డేంజరా?

సర్దుబాటు చేసుకోగలిగే కుర్చీ, పైకి లేదా కిందికి దించుకోగల డెస్క్, మణికట్టును నిటారుగా ఉంచే కీబోర్డ్ వంటి ఎర్గోనామిక్ పరికరాలలో పెట్టుబడి పెడితే మంచిది. ఇవి కార్పల్ టన్నెల్ సిండ్రోమ్ లేదా నడుము నొప్పి వంటి దీర్ఘకాలిక సమస్యలు వచ్చే ప్రమాదాన్ని కూడా తగ్గిస్తాయి.

బ్రేక్స్ తీసుకోండి..

రోజంతా కూర్చోవడం బదులు బ్రేక్స్ తీసుకోవడం మంచిది. ప్రతి గంటకు లేచి నిలబడటానికి, శరీరాన్ని సాగదీయడానికి లేదా కొద్దిసేపు నడవడానికి టైమర్‌ను సెట్ చేసుకోండి. ఇది రోజంతా కూర్చోవడం వల్ల కలిగే ప్రభావాలను తగ్గించడంలో సహాయపడుతుంది. అంతేకాకుండా.. ఏకాగ్రతతో ఉండడానికి హెల్ప్ చేస్తుంది.

నీళ్లు తెచ్చుకోవడానికి నడవడం, కొన్ని వ్యాయామాలు చేయడం, లేదా ఫోన్ కాల్ మాట్లాడుతున్నప్పుడు నిలబడటం వంటివి రక్త ప్రసరణను మెరుగుపరచడానికి, కూర్చోవడం వల్ల ఏర్పడే ఒత్తిడిని తగ్గిస్తాయి.

Also Read : డెస్క్ జాబ్వల్ల బరువు పెరుగుతున్నారా? ఈ టిప్స్తో ఫిట్గా మారిపోండి

ఇంట్లోనే వ్యాయామం

ఆఫీసులో రోజంతా కష్టపడిన తర్వాత.. సేదతీరి విశ్రాంతి తీసుకోవాలని అనిపిస్తుంది. కానీ మీరు కూర్చుని చేసే ఉద్యోగం చేస్తుంటే.. క్రమం తప్పకుండా వ్యాయామం చేయాల్సి ఉంటుంది. తేలికపాటి వ్యాయామం కూడా మీ మొత్తం ఆరోగ్యంలో పెద్ద మార్పును తీసుకురాగలదు.

శారీరక శ్రమ రక్త ప్రసరణను మెరుగుపరచడానికి, కండరాలను బలోపేతం చేయడానికి సహాయపడుతుంది. ఇవి కీళ్లు, కండరాల ఆరోగ్యాన్ని కాపాడుకోవడానికి అత్యవసరం. వేగంగా నడవడం, స్ట్రెచ్ చేయడం లేదా ఇంట్లోనే కొన్ని వ్యాయామాలు చేయడం.. ప్రతిరోజూ కనీసం 30 నిమిషాలు కేటాయించడానికి ప్రయత్నించండి.

Also Read : ఆఫీస్ బ్రేక్‌కు పర్ఫెక్ట్ బడ్జెట్-ఫ్రెండ్లీ వీకెండ్ ట్రిప్స్.. రిపబ్లిక్ డే వీకెండ్‌లో ప్లాన్ చేసేసుకోండి

Munagaku Roti Pachadi : నోరూరించే మునగాకు రోటి పచ్చడి.. పల్లీలు వేసి చేస్తే రుచి అదిరిపోతుంది, రెసిపీ ఇదే ఆంధ్రా స్టైల్ రెసిపీ

Geddam Vijaya Madhuri — Tue, 29 Sep 2026 15:00:35 +0530

Moringa Leaves Roti Pachadi With Peanuts : మునగాకుతో ఎన్నో రకాల వంటకాలు చేసుకోవచ్చు. పప్పు, కూరలతో పాటు మునగాకుతో చేసే పచ్చడి కూడా చాలా రుచిగా ఉంటుంది. ముఖ్యంగా పల్లీలు, ఎండు మిరపకాయలు వేసి ఆంధ్రా స్టైల్‌లో రోటి పచ్చడిలా చేసి.. అన్నంలో కలుపుకుని తింటే రుచి అదిరిపోతుంది. ఇంట్లో సులభంగా చేసుకోగలిగే ఈ మునగాకు రోటి పచ్చడి తయారీ విధానం, కావాల్సిన పదార్థాలు ఏంటో ఇప్పుడు చూసేద్దాం.

కావాల్సిన పదార్థాలు

మునగాకు - 2 కప్పులు

పల్లీలు - అర కప్పు

ఎండు మిరపకాయలు - 6 నుంచి 8

వెల్లుల్లి రెబ్బలు - 5

చింతపండు - చిన్న నిమ్మకాయంత

జీలకర్ర - అర టీస్పూన్

Also Read : వంకాయ, బంగాళదుంప కూర.. అన్నం, చపాతీల్లోకి తినేందుకు బెస్ట్ రెసిపీ ఇదే

ఉప్పు - తగినంత

నూనె - 2 టేబుల్ స్పూన్లు

తాలింపు కోసం

నూనె - 1 టీస్పూన్

ఆవాలు - అర టీస్పూన్

మినప్పప్పు - అర టీస్పూన్

ఎండుమిర్చి - 1

కరివేపాకు - 1 రెబ్బ

Also Read : బయట క్రిస్పీగా.. లోపల జ్యూసీగా ఉండే హైదరాబాద్ చికెన్ 65.. రెసిపీ ఇదే

మునగాకు రోటి పచ్చడి తయారీ విధానం

ముందుగా మునగాకును కాడల నుంచి వేరు చేసి శుభ్రంగా కడిగి నీరు లేకుండా ఆరబెట్టుకోవాలి. ఆకుల్లో నీరు ఎక్కువగా ఉంటే పచ్చడి త్వరగా పాడయ్యే అవకాశం ఉంటుంది. కాబట్టి నీరు లేకుండా చూసుకోవాలి. ఇప్పుడు స్టౌవ్ వెలిగించి కడాయి పెట్టాలి. దానిలో కొద్దిగా నూనె వేసి పల్లీలు వేయించుకోవాలి. అవి మంచి వాసన వచ్చే వరకు వేయించి పక్కన పెట్టుకోవాలి. చల్లారిన తర్వాత పొట్టు తీసుకుంటే పచ్చడి మరింత మెత్తగా అవుతుంది.

అదే కడాయిలో ఎండు మిరపకాయలు, జీలకర్ర వేసి కొద్దిసేపు వేయించాలి. తర్వాత వెల్లుల్లి రెబ్బలు వేసి ఒక నిమిషం పాటు వేయించి పక్కకు తీసుకోవాలి. ఇప్పుడు అదే కడాయిలో మిగిలిన నూనెలో మునగాకును వేసి మీడియం మంటపై వేయించాలి. ఆకుల్లోని తేమ పూర్తిగా పోయి, మునగాకు మెత్తగా అయ్యే వరకు వేయించాలి. మంట ఆపి చల్లారనివ్వాలి.

Also Read : గోంగూర నిల్వ పచ్చడి నువ్వులతో (Gongura Sesame Pickle).. ఆంధ్రా స్టైల్ రెసిపీ

ముందుగా వేయించిన ఎండు మిరపకాయలు, జీలకర్ర, వెల్లుల్లి, ఉప్పు, చింతపండు వేసి రోటిలో కాస్త మెత్తగా దంచుకోవాలి. తర్వాత వేయించిన పళ్లీలు వేసి మరీ మెత్తగా కాకుండా కొంచెం పొడిపొడిగా దంచాలి. చివరగా వేయించిన మునగాకును వేసి రోటిలోనే దంచుకుంటూ కలపాలి. పచ్చడి పూర్తిగా మెత్తగా కాకుండా చిన్న చిన్న ముక్కలుగా ఉండేలా దంచితే రోటి పచ్చడి రుచి బాగుంటుంది.

పచ్చడి సిద్ధమైన తర్వాత.. చిన్న కడాయిలో నూనె వేడి చేసి ఆవాలు, మినప్పప్పు వేయించాలి. తర్వాత ఎండుమిర్చి, కరివేపాకు వేసి వేగిన వెంటనే ఈ తాలింపును పచ్చడిపై పోయాలి. అంతే నోరూరించే మునగాకు రోటి పచ్చడి రెడీ. ఈ పచ్చడిని వేడి వేడి అన్నంలో కొద్దిగా నెయ్యి వేసుకుని కలుపుకుని తింటే చాలా రుచిగా ఉంటుంది. రాగి సంగటి, జొన్న రొట్టె, దోశ, ఇడ్లీతో కూడా తినొచ్చు.

ఎక్కువ రోజులు నిల్వ ఉండాలంటే..

పచ్చడి ఎక్కువ రోజులు నిల్వ ఉంచాలనుకుంటే నీరు కలపకుండా తయారు చేయడం మంచిది. అలాగే మునగాకును తేమ లేకుండా బాగా వేయించి, శుభ్రమైన పొడి గాజు సీసాలో నిల్వ చేసుకోవాలి. ఇలా పదిరోజుల వరకు పచ్చడి తాజాగా ఉంటుంది.

Also Read : పల్లీలతో బెండకాయ ఫ్రై.. జిగురు తగ్గి టేస్టీగా ఉండాలంటే ఇలా చేసుకోండి, రెసిపీ ఇదే

Hepatitis B vs C : హెపటైటిస్ బి vs హెపటైటిస్ సి.. రెండింటి మధ్య తేడాలేంటి? లక్షణాలు, వ్యాప్తి, చికిత్సలు ఇవే

Geddam Vijaya Madhuri — Tue, 29 Sep 2026 12:38:08 +0530

Hepatitis B vs Hepatitis C Key Differences : హెపటైటిస్ బి, హెపటైటిస్ సి.. రెండూ కాలేయాన్ని ప్రభావితం చేసే వైరల్ ఇన్ఫెక్షన్లు. ఈ రెండు వ్యాధులు ప్రారంభ దశలో ఎలాంటి లక్షణాలు చూపించకపోవచ్చు. దీనివల్ల చాలామందికి తమకు ఇన్ఫెక్షన్ వచ్చిందనే విషయం కూడా గుర్తించలేరు. అయితే హెపటైటిస్ బి, హెపటైటిస్ సి వైరస్‌లు వ్యాప్తి చెందే విధానం.. వాటి నివారణ, చికిత్స విషయంలో చాలా తేడాలు ఉంటాయి. మరి ఈ రెండింటి మధ్య తేడాలేంటి? ఏది ఎలా వ్యాపిస్తుంది? చికిత్స ఎలా ఉంటుంది?

యశోద ఆస్పత్రిలో సీనియర్ కన్సల్టెంట్, మెడికల్ గ్యాస్ట్రోఎంటరాలజిస్ట్, లివర్ స్పెషలిస్ట్, లీడ్, అడ్వాన్స్‌డ్ ఎండోస్కోపిక్ ఇంటర్వెన్షన్స్ అండ్ ట్రైనింగ్, క్లినికల్ డైరెక్టర్గా చేస్తోన్న నవీన్ పోలవరపు హెపటైటిస్ బి అండ్ సి గురించి పలు ఆసక్తికరమైన విషయాలు తెలిపారు. వీటిని గురించి అవగాహాన అందరికీ కచ్చితంగా ఉండాలని సూచించారు. మరి ఆయన చెప్పిన విషయాలు ఏంటో చూసేద్దాం.

హెపటైటిస్ బి

హెపటైటిస్ బి వైరస్ (HBV) వల్ల వచ్చే ఇన్ఫెక్షన్‌ను హెపటైటిస్ బి అంటారు. ఇది ప్రధానంగా ఇన్ఫెక్టెడ్ బ్లడ్, శరీర ద్రవాల ద్వారా వ్యాపిస్తుందని డాక్టర్ నవీన్ పోలవరపు తెలిపారు. లైంగిక సంబంధాలు, కలుషితమైన సూదులు, సురక్షితం కాని వైద్య ప్రక్రియల ద్వారా కూడా ఈ వైరస్ వ్యాపించవచ్చు. అలాగే హెపటైటిస్ బి ఉన్న తల్లి నుంచి ప్రసవ సమయంలో బిడ్డకు కూడా ఇన్ఫెక్షన్ సోకే అవకాశం ఉందని తెలిపారు.

[quote author=డాక్టర్ నవీన్ పోలవరపు]హెపటైటిస్ బి రక్తం, శరీర ద్రవాల ద్వారా వ్యాపించే ఇన్ఫెక్షన్. తల్లి నుంచి బిడ్డకు ప్రసవ సమయంలో కూడా సంక్రమించే అవకాశం ఉంటుంది. అయితే హెపటైటిస్ బికి సమర్థవంతమైన వ్యాక్సిన్ అందుబాటులో ఉండటం వల్ల వ్యాక్సినేషన్ ద్వారా దీనిని నివారించవచ్చు. [/quote]

హెపటైటిస్ సి

హెపటైటిస్ సి వైరస్ (HCV) కూడా కాలేయాన్ని ప్రభావితం చేస్తుంది. అయితే ఇది ప్రధానంగా ఇన్ఫెక్టెడ్ బ్లడ్ ద్వారా వ్యాపిస్తుంది. కలుషితమైన సూదులను పంచుకోవడం, సురక్షితం కాని ఇంజెక్షన్లు, సరిగా స్టెరిలైజ్ చేయని టాటూ లేదా పియర్సింగ్ పరికరాలను ఉపయోగించడం వల్ల ఇన్ఫెక్షన్ వచ్చే అవకాశం ఉంటుంది.

[quote author=డాక్టర్ నవీన్ పోలవరపు]సూదులు, సురక్షితం కాని ఇంజెక్షన్లు, సరిగ్గా స్టెరిలైజ్ చేయని టాటూ లేదా పియర్సింగ్ పరికరాలు వంటి వాటి ద్వారా వైరస్ వ్యాపించవచ్చు. హెపటైటిస్ సికి ప్రస్తుతం వ్యాక్సిన్ లేకపోవడంతో రక్తం ద్వారా ఇన్ఫెక్షన్ వ్యాప్తి చెందకుండా జాగ్రత్తలు తీసుకోవడం చాలా ముఖ్యం. [/quote]

హెపటైటిస్ బి, సి లక్షణాలు

హెపటైటిస్ బి, సి రెండింటిలోనూ కొన్ని సాధారణ లక్షణాలు కనిపించవచ్చు. అంటే ఎప్పుడూ అలసటగా ఉండటం, ఆకలి తగ్గడం, వికారం, వాంతులు, కడుపులో అసౌకర్యం, మూత్రం ముదురు రంగులోకి మారడం, కళ్లు, చర్మం పసుపు రంగులోకి మారడం వంటి సంకేతాలు కనిపిస్తాయి. అయితే హెపటైటిస్ బి లేదా సి ఉన్న ప్రతి ఒక్కరిలోనూ ఈ లక్షణాలు కనిపించాల్సిన అవసరం లేదు. అలాగే ఇన్ఫెక్షన్ దీర్ఘకాలికంగా మారినప్పుడు చాలామందిలో ఎలాంటి లక్షణాలు ఉండవని డాక్టర్ నవీన్ తెలిపారు.

[quote author=డాక్టర్ నవీన్ పోలవరపు]హెపటైటిస్ బి, సి రెండూ చాలాకాలం లక్షణాలు లేకుండానే కొనసాగవచ్చు. కొన్ని లక్షణాల ఆధారంగా హెపటైటిస్ ఉందా లేదా అనేది నిర్ధారించలేం. అవసరమైన సందర్భాల్లో రక్త పరీక్షలు చేయించుకుని ఇన్ఫెక్షన్‌ను నిర్ధారించుకోవాలి. [/quote]

Also Read : ప్రపంచ హెపటైటిస్ దినోత్సవం.. ఈ సైలెంట్ కిల్లర్ బారిన పడకుండా ఉండాలంటే తీసుకోవాల్సిన జాగ్రత్తలివే

చికిత్స ఎలా ఉంటుందంటే..

హెపటైటిస్ బి, హెపటైటిస్ సి రెండింటికీ చికిత్స విధానం ఒకేలా ఉండదని డాక్టర్ తెలిపారు. క్రానిక్ హెపటైటిస్ బి ఉన్న కొంతమందికి యాంటీవైరల్ మందులు ఇస్తారు. అందరికీ వెంటనే మందులు అవసరం ఉండకపోవచ్చు. వైరస్ స్థాయి, కాలేయ పరిస్థితి, ఇతర పరీక్షల ఫలితాలను బట్టి వైద్యులు చికిత్స లేదా రెగ్యులర్ మానిటరింగ్‌ను నిర్ణయిస్తారు. కొంతమందికి దీర్ఘకాలం చికిత్స అవసరం కావచ్చు.

హెపటైటిస్ సిని నయం చేయవచ్చా?

[quote author=డాక్టర్ నవీన్ పోలవరపు]హెపటైటిస్ సి విషయంలో ఆధునిక Direct-Acting Antiviral మందులతో చాలా వరకు ఇన్ఫెక్షన్‌ను నయం చేయవచ్చు. సాధారణంగా 8 నుంచి 12 వారాల చికిత్సతో వైరస్‌ను నిర్మూలించే అవకాశం ఉంటుంది. అందుకే హెపటైటిస్ సి ఉన్నట్లు గుర్తించిన తర్వాత చికిత్సను ఆలస్యం చేయకుండా వైద్యుల సలహా తీసుకోవడం ముఖ్యం. [/quote]

Also Read : కామెర్లు, హెపటైటిస్కి మధ్య వ్యత్యాసం ఇదే.. లక్షణాలు ఒకేలా ఉన్నా తేడాలు ఎక్కువే ఉన్నాయి జాగ్రత్త

చికిత్స చేయించుకోకుంటే..

హెపటైటిస్ బి లేదా సి ఇన్ఫెక్షన్ దీర్ఘకాలం కొనసాగితే కాలేయంలో క్రమంగా నష్టం ఏర్పడవచ్చు. Liver fibrosis, cirrhosis (కాలేయం గట్టిపడటం), liver cancer వంటి తీవ్రమైన సమస్యలకు దారితీసే అవకాశం ఉంటుంది. బయటకు ఎలాంటి లక్షణాలు కనిపించడం లేదని నిర్లక్ష్యం చేయడం మంచిది కాదని వైద్యులు చెప్తున్నారు.

హెపటైటిస్ బి, సి రెండూ లక్షణాలు లేకుండానే కాలేయాన్ని ఎఫెక్ట్ చేస్తాయి. కాబట్టి లక్షణాలు కనిపించినప్పుడు మాత్రమే టెస్ట్లు చేయించుకోవడం కంటే.. రిస్క్ ఉన్నవారు వైద్యుల సలహాతో అవసరమైన పరీక్షలు చేయించుకోవడం ముఖ్యం. హెపటైటిస్ బి లేదా సి ఉన్నట్లు అనుమానం ఉంటే స్వయంగా మందులు తీసుకోకుండా గ్యాస్ట్రోఎంటరాలజిస్ట్ లేదా లివర్ స్పెషలిస్ట్‌ను సంప్రదించాలి.

Also Read : హెపటైటిస్ HIV కంటే డేంజర్ అట.. ఇండియాలో ఏటా రెండు లక్షలమందిని ప్రభావితం చేస్తోన్న వైరస్

Morning Skincare Routine : గ్లోయింగ్ స్కిన్ కోసం ఉదయాన్నే ఏం చేయాలి? ఈ 6 స్కిన్ కేర్ స్టెప్స్ ఫాలో అవ్వండి

Geddam Vijaya Madhuri — Tue, 29 Sep 2026 10:00:12 +0530

Tips For Healthy And Glowing Skin All Day : నిద్రలేవగానే ప్రతి ఒక్కరూ తాజాగా, కాంతివంతంగా, ఆరోగ్యంగా కనిపించే స్కిన్ కావాలని కోరుకుంటారు. మీరు ఈ మెరిసే స్కిన్ పొందాలనుకుంటే.. దానికి కచ్చితంగా మార్నింగ్ స్కిన్ కేర్ రొటీన్ ఫాలో అవ్వాలి అంటున్నారు బ్యూటీ నిపుణులు. ఉదయాన్నే మీరు చర్మానికి మొదటగా వాడే ప్రొడెక్ట్.. రోజంతా మీ చర్మ ఆరోగ్యాన్ని నిర్దేశిస్తుందని అంటున్నారు. సరైన దినచర్య మాత్రమే చర్మాన్ని మృదువుగా, కాంతివంతంగా ఉంచుతుందని చెప్తున్నారు.

మొటిమలు, ముడతలు, నిస్తేజం వంటి సమస్యల నుంచి చర్మాన్ని రక్షించడానికి ఎలాంటి స్కిన్ కేర్ రొటీన్ ఫాలో అవ్వాలో.. మచ్చలేని, సహజంగా కాంతివంతమైన చర్మం కోసం ఏమి చేస్తే మంచిదో ఇప్పడు చూసేద్దాం.

Also Read : 50ల్లో ముడతలు, డ్రై స్కిన్ తగ్గాలంటే.. డైట్‌లో ఈ చిన్న మార్పులు చేయండి

క్లెన్సర్ క్లీనింగ్..

నిద్రలేవగానే మీ ముఖాన్ని గోరువెచ్చని నీటితో కడగండి. రాత్రంతా పేరుకుపోయిన మురికిని, అధిక నూనెను తొలగించడానికి హెల్ప్ అవుతుంది. ఆ తర్వాత మీ చర్మ రకాన్ని బట్టి తేలికపాటి ఫేస్ వాష్ లేదా క్లెన్సర్‌ను ఉపయోగించండి. కెమికల్స్ నిండిన ఉత్పత్తులకు దూరంగా ఉండండి. ఎందుకంటే అవి చర్మాన్ని పొడిబారేలా చేసి చికాకును పెంచుతాయి.

టోనర్

ముఖం శుభ్రం చేసుకున్న తర్వాత టోనర్ అప్లై చేయడం చాలా ముఖ్యం. మీరు రోజ్ వాటర్‌ను సహజమైన టోనర్‌గా ఉపయోగించవచ్చు. ఇది చర్మ రంధ్రాలను బిగుతుగా చేస్తుంది. అలాగే స్కిన్ హైడ్రేటెడ్గా ఉండేలా హెల్ప్ చేస్తుంది. ముఖాన్ని తాజాగా కూడా ఉంచుతుంది.

సీరమ్‌తో పోషణ

టోనర్ తర్వాత.. మీ ముఖానికి సీరమ్ అప్లై చేయండి. ఉదయం పూట విటమిన్ సి సీరమ్ అప్లై చేస్తే మంచిదని చెప్తారు. ఇది చర్మాన్ని ప్రకాశవంతం చేస్తుంది. అలాగే నల్ల మచ్చలను తగ్గిస్తుంది. సహజమైన మెరుపును పెంచడంలో సహాయపడుతుంది.

కళ్ల కోసం ఐ క్రీమ్

కళ్ల కింద నల్లటి వలయాలు లేదా ఉబ్బు ఉంటే.. మీరు తప్పకుండా ఐ క్రీమ్ అప్లై చేయండి. క్రీమ్‌ను చర్మంపై సున్నితంగా అప్లై చేస్తే అది కళ్ల చుట్టూ ఉన్న ప్రాంతం తాజాగా, ప్రకాశవంతంగా కనిపించేలా చేస్తుంది.

Also Read : కొరియన్ గ్లాస్ స్కిన్ కోసం ఈ మ్యాజిక్ డ్రింక్ తాగాలా? నిమ్మ-కీరదోసకాయ జ్యూస్‌తో ఎన్ని ప్రయోజనాలో తెలుసా?

మాయిశ్చరైజర్‌

సీరమ్ తర్వాత చర్మానికి మాయిశ్చరైజర్ అప్లై చేయడం చాలా ముఖ్యం. ఇది చర్మంలో తేమను నిలుపుతుంది. రోజంతా చర్మాన్ని మృదువుగా, నునుపుగా ఉంచుతుంది. జిడ్డు చర్మానికి జెల్ ఆధారిత మాయిశ్చరైజర్‌ను.. పొడి చర్మానికి క్రీమ్ ఆధారిత మాయిశ్చరైజర్‌ను ఎంచుకోండి.

సన్‌స్క్రీన్ ఇంపార్టెంట్..

ఇంటి నుంచి బయటకు వెళ్లే ముందు సన్‌స్క్రీన్‌ను అప్లై చేయడం ఎప్పుడూ మర్చిపోవద్దు. ఇది మీ చర్మాన్ని సూర్యుని హానికరమైన UV కిరణాల నుంచి కాపాడుతుంది. చర్మం నల్లబడటం, మచ్చలు, ముడతలను నివారిస్తుంది. కనీసం SPF 30 ఉన్న సన్‌స్క్రీన్‌ను వాడండి.

Also Read : మృదువైన స్కిన్, గ్లో కోసం సహజమైన ఫేస్ ప్యాక్స్(Homemade Face Packs).. ఇంట్లో ట్రై చేసేయండి

రోజూ ఉదయాన్నే మీరు కాలేజ్ లేదా ఆఫీస్ లేదా ఇతర ఏ కారణంతో అయినా బయటకు వెళ్లేముందు మీరు ఈ స్కిన్ కేర్ రొటీన్ ఫాలో అవ్వడం మంచిది. అలాగే రోజంతా హైడ్రేట్ అయ్యేందుకు నీటనిని తాగాలి. డీప్ ఫ్రైడ్, స్పైసీ ఫుడ్కి దూరంగా ఉంటూ కూరగాయలు, ఫ్రూట్స్, బ్యాలెన్స్ ఫుడ్ తీసుకుంటే మీ స్కిన్లో కచ్చితంగా మంచి మార్పులు చూస్తారు. అలాగే వ్యాయామం కూడా మీ చర్మం యంగ్గా కనిపించడంలో హెల్ప్ చేస్తుంది.

Also Read : జుట్టు, స్కిన్, ఆరోగ్యానికి మెంతులు మంచివే అయినా.. కొందరు వీటిని తినకూడదట, ఎందుకంటే?

Bone Density : ఎముకలు బలంగా ఉండాలంటే ఏం చేయాలి? బోన్ డెన్సిటీ తగ్గకుండా తీసుకోవాల్సిన జాగ్రత్తలివే

Geddam Vijaya Madhuri — Tue, 29 Sep 2026 08:38:06 +0530

Tips to Maintain Bone Density as You Age : వయసు పెరిగే కొద్దీ చర్మం, జుట్టులో మార్పులు వచ్చినట్టే.. ఎముకల్లోనూ క్రమంగా మార్పులు జరుగుతాయి. 30 ఏళ్ల తర్వాత క్రమంగా బోన్ మాస్ తగ్గే ప్రక్రియ మొదలవుతుంది. మహిళల్లో మెనోపాజ్ తర్వాత ఈ తగ్గుదల వేగంగా ఉండొచ్చు. బోన్ డెన్సిటీ (Bone Density) తగ్గితే ఎముకలు బలహీనంగా మారి చిన్న దెబ్బకే ఫ్రాక్చర్ అయ్యే ప్రమాదం పెరుగుతుంది. అయితే సరైన ఆహారం, వ్యాయామం, జీవనశైలితో ఎముకల ఆరోగ్యాన్ని కాపాడుకోవచ్చని చెప్తున్నారు ఆరోగ్య నిపుణులు. మరి బోన్స్ను హెల్తీగా ఉంచే అలవాట్లు ఏంటో ఇప్పుడు చూసేద్దాం.

బోన్ డెన్సిటీ

ఎముకల్లో ఉండే ఖనిజాలు, ముఖ్యంగా కాల్షియం, ఫాస్ఫరస్ పరిమాణాన్ని బోన్ డెన్సిటీ అంటారు. డెన్సిటీ ఎక్కువగా ఉంటే సాధారణంగా ఎముకలు బలంగా ఉంటాయి. ఇది తగ్గినప్పుడు ఎముకలు పెళుసుగా మారి ఫ్రాక్చర్ రిస్క్ పెరగవచ్చు. బోన్ డెన్సిటీని తెలుసుకునేందుకు DXA స్కాన్ వంటి టెస్ట్లు చేస్తారు.

Also Read : ఎముకలను డ్యామేజ్ చేసే ఫుడ్స్ ఇవే.. బోన్స్ హెల్తీగా ఉండాలంటే ఇవి తినేయండి

వయసు పెరిగే కొద్దీ..

వయసు పెరిగే కొద్దీ కొత్త ఎముక ఏర్పడే వేగం తగ్గి.. ఎముకల నష్టం పెరగవచ్చు. ముఖ్యంగా మహిళల్లో మెనోపాజ్ తర్వాత హార్మోన్ల మార్పుల కారణంగా ఈ ప్రమాదం మరింత పెరుగుతుంది. అయితే వయసు ఒక్కటే కాదు.. కుటుంబ చరిత్ర, ఆహారం, వ్యాయామం, ఇతర ఆరోగ్య సమస్యలు కూడా ప్రభావం చూపుతాయి.

బోన్ డెన్సిటీ తగ్గితే కనిపించే సంకేతాలు

ఆస్టియోపోరోసిస్‌ను చాలాసార్లు సైలెంట్ డిసీజ్ అంటారు. ఎందుకంటే ఎముకలు బలహీనపడుతున్న సమయంలో ప్రత్యేకమైన లక్షణాలు లేకపోవచ్చు. ఫ్రాక్చర్ అయిన తర్వాతే సమస్య బయటపడే సందర్భాలు ఉన్నాయి. వెన్నునొప్పి, ఎత్తు తగ్గడం, వెన్ను వంగినట్టుగా కనిపించడం వంటి లక్షణాలు వెన్నెముక ఎముకల్లో ఫ్రాక్చర్లకు సంకేతాలు కావచ్చు.

Also Read : 30 తర్వాత ఎముకలు బలంగా ఉండాలంటే.. డైట్‌లో తప్పక ఉండాల్సిన సూపర్ ఫుడ్స్ ఇవే

ఆస్టియోపీనియా vs ఆస్టియోపోరోసిస్

బోన్ డెన్సిటీ పరీక్షలో వచ్చిన ఫలితాలను బట్టి ఎముకల పరిస్థితిని అంచనా వేస్తారు. T-score -1 లేదా అంతకంటే ఎక్కువగా ఉంటే సాధారణ పరిధిగా.. -1 నుంచి -2.5 మధ్య ఉంటే ఆస్టియోపీనియా (తక్కువ బోన్ డెన్సిటీ)గా.. -2.5 లేదా అంతకంటే తక్కువగా ఉంటే ఆస్టియోపోరోసిస్గా పరిగణిస్తారు. అయితే పరీక్ష ఫలితాలను వయసు, ఆరోగ్య పరిస్థితి తదితర అంశాలతో కలిపి అంచనా వేస్తారు.

కాల్షియం తీసుకుంటే సరిపోతుందా?

ఎముకల బలానికి కాల్షియం చాలా అవసరం. మన ఆహారంలో కాల్షియం తక్కువగా ఉంటే శరీరం ఎముకల్లో నిల్వ ఉన్న కాల్షియంను ఉపయోగించుకోవాల్సి వస్తుంది. అలాగే విటమిన్ D కాల్షియం శరీరంలో శోషించుకోవడానికి సహాయపడుతుంది. పాలు, పెరుగు వంటి డెయిరీ ఉత్పత్తులు, కొన్ని ఆకుకూరలు, కాల్షియం కలిపిన ఫుడ్స్ తీసుకోవడం మంచిది.

Also Read : 90 శాతం మహిళల్లో విటమిన్ డి లోపం ఉందట.. ఎముకల నొప్పి, అలసట, మూడ్ స్వింగ్స్కు ఇదే కారణమట

ఎముకల ఆరోగ్యం కోసం..

ఎముకల ఆరోగ్యానికి కేవలం విశ్రాంతి తీసుకుంటే సరిపోదు. వాకింగ్, మెట్లు ఎక్కడం, రెసిస్టెన్స్ లేదా స్ట్రెంగ్త్ ట్రైనింగ్ వంటి వ్యాయామాలు చేయాలి. ఇవి ఎముకలు, కండరాలను బలోపేతం చేయడంలో సహాయపడతాయి. వ్యాయామం బ్యాలెన్స్‌ను మెరుగుపరచి పడిపోవడం, ఫ్రాక్చర్ ప్రమాదాన్ని తగ్గించడంలో కూడా ఉపయోగపడుతుంది.

ఎముకలకు నష్టం చేసే అలవాట్లు

శారీరక శ్రమ లేకుండా ఎక్కువసేపు కూర్చోవడం, ధూమపానం, అధికంగా ఆల్కహాల్ తీసుకోవడం వంటి అలవాట్లు బోన్ హెల్త్‌పై ప్రతికూల ప్రభావం చూపిస్తాయి. అలాగే కొన్ని మందులను దీర్ఘకాలం ఉపయోగించడం.. కొన్ని థైరాయిడ్ లేదా ఇతర హార్మోన్ల సమస్యలు కూడా ఎముకల నష్టానికి కారణం కావచ్చు. ఇలాంటి పరిస్థితుల్లో వైద్యుల సలహా తీసుకోవాలి.

Also Read : ఎత్తు తగ్గడానికి కారణాలు ఇవే.. ఎవరి Height అకస్మాత్తుగా తగ్గుతుందో తెలుసా?

తక్కువ బరువు ఉంటే జాగ్రత్త

బోన్ హెల్త్ విషయంలో ఎప్పుడూ అధిక బరువు గురించే మాట్లాడుతుంటారు. కానీ చాలా తక్కువ బరువు లేదా అండర్‌వెయిట్‌గా ఉన్నా కూడా ఎముకల నష్టం జరుగుతుంది. పోషకాహారం, ప్రోటీన్ తగినంతగా తీసుకోకపోవడం ఎముకల ఆరోగ్యాన్ని ప్రభావితం చేస్తుంది.

బోన్ డెన్సిటీ తగ్గితే..

ఇప్పటికే బోన్ డెన్సిటీ తగ్గితే సొంతంగా కాల్షియం లేదా విటమిన్ D సప్లిమెంట్లు తీసుకోకూడదు. ఆహారం, వ్యాయామం, విటమిన్ D స్థాయిలు, ఫ్రాక్చర్ రిస్క్, ఇతర అనారోగ్యాలు వంటి అంశాలను బట్టి వైద్యుడు చికిత్సను నిర్ణయిస్తారు. అవసరమైన సందర్భాల్లో మందులు కూడా సూచిస్తారు.

Also Read : రక్తం ఎక్కడ తయారవుతుందో తెలుసా? ఎముకలు ఈ ప్రక్రియలో ఎలా సహాయపడతాయి?

Bone Density : ఎముకలు బలంగా ఉండాలంటే ఏం చేయాలి? బోన్ డెన్సిటీ తగ్గకుండా తీసుకోవాల్సిన జాగ్రత్తలివే

Ghee for Dark Circles : కళ్ల కింద నెయ్యి రాస్తే బ్లాక్ సర్కిల్స్ తగ్గుతాయా? ప్రతిరోజూ రాత్రి అప్లై చేస్తే కలిగే లాభాలివే

కళ్ల కింద నెయ్యి రాయడం వల్ల కలిగే లాభాలు

ఎప్పుడు అప్లై చేస్తే మంచిదంటే..

బ్లాక్ సర్కిల్స్ దూరం అవుతాయా?

కళ్లు ఉబ్బితే..

తీసుకోవాల్సిన జాగ్రత్తలు..

Infection Linked Cancer Cases : ఇన్​ఫెక్షన్​ల​తో పెరుగుతోన్న క్యాన్సర్ కేసులు.. లాన్సెట్ అధ్యయనంలో షాకింగ్ విషయాలు

ఇన్ఫెక్షన్‌కు HPV కారణమా?

H.పైలోరీ కూడా కారణమే..

మరిన్ని ఇన్​ఫెక్షన్లు..

ఇన్ఫెక్షన్లతోనే 2.3 మిలియన్ల క్యాన్సర్ కేసులు

Fruit Custard Recipe : కస్టర్డ్ పౌడర్, షుగర్ లేకుండా ఫ్రూట్ కస్టర్డ్.. ఇలా చేస్తే టేస్టీగా, హెల్తీగా ఉంటుంది.. రెసిపీ ఇదే

కావాల్సిన పదార్థాలు

తయారీ విధానం

Reduce Sun Tan Naturally : ఎండలో తిరిగి ట్యాన్ అయ్యారా? ఈ ఇంటి చిట్కాలు, ఫేస్ ప్యాక్‌లతో చర్మానికి మళ్లీ మెరుపు తీసుకురండి

శనగపిండి, పసుపు ప్యాక్

నిమ్మ, తేనె ప్యాక్

కీరదోసతో..

కలబంద జెల్

టమాటా గుజ్జుతో

బంగాళాదుంప రసం

హెపటైటిస్ బి టెస్ట్ ఎందుకు చేయించుకోవాలి?

వైరల్ లోడ్ ఎందుకు ముఖ్యం?

బిడ్డ పుట్టిన వెంటనే వ్యాక్సిన్

హెపటైటిస్ బి ఉంటే సిజేరియన్ చేస్తారా?

బిడ్డకు హెపటైటిస్ బి రాకుండా ఏం చేయాలి?

Desk Job Health Risks : డెస్క్ జాబ్ చేస్తూ గంటల తరబడి కూర్చుంటున్నారా? అయితే ఈ ఆరోగ్య సమస్యలపై జాగ్రత్త

డెస్క్ జాబ్ ప్రభావం ఆరోగ్యంపై ఎలా ఉంటుందంటే..

తీసుకోవాల్సిన జాగ్రత్తలు

బ్రేక్స్ తీసుకోండి..

ఇంట్లోనే వ్యాయామం

Munagaku Roti Pachadi : నోరూరించే మునగాకు రోటి పచ్చడి.. పల్లీలు వేసి చేస్తే రుచి అదిరిపోతుంది, రెసిపీ ఇదే ఆంధ్రా స్టైల్ రెసిపీ

కావాల్సిన పదార్థాలు

తాలింపు కోసం

మునగాకు రోటి పచ్చడి తయారీ విధానం

ఎక్కువ రోజులు నిల్వ ఉండాలంటే..

Hepatitis B vs C : హెపటైటిస్ బి vs హెపటైటిస్ సి.. రెండింటి మధ్య తేడాలేంటి? లక్షణాలు, వ్యాప్తి, చికిత్సలు ఇవే

హెపటైటిస్ బి

హెపటైటిస్ సి

హెపటైటిస్ బి, సి లక్షణాలు

చికిత్స ఎలా ఉంటుందంటే..

హెపటైటిస్ సిని నయం చేయవచ్చా?

చికిత్స చేయించుకోకుంటే..

Morning Skincare Routine : గ్లోయింగ్ స్కిన్ కోసం ఉదయాన్నే ఏం చేయాలి? ఈ 6 స్కిన్ కేర్ స్టెప్స్ ఫాలో అవ్వండి

క్లెన్సర్ క్లీనింగ్..

టోనర్

సీరమ్‌తో పోషణ

కళ్ల కోసం ఐ క్రీమ్

మాయిశ్చరైజర్‌

సన్‌స్క్రీన్ ఇంపార్టెంట్..

Bone Density : ఎముకలు బలంగా ఉండాలంటే ఏం చేయాలి? బోన్ డెన్సిటీ తగ్గకుండా తీసుకోవాల్సిన జాగ్రత్తలివే

బోన్ డెన్సిటీ

వయసు పెరిగే కొద్దీ..

బోన్ డెన్సిటీ తగ్గితే కనిపించే సంకేతాలు

ఆస్టియోపీనియా vs ఆస్టియోపోరోసిస్

కాల్షియం తీసుకుంటే సరిపోతుందా?

ఎముకల ఆరోగ్యం కోసం..

ఎముకలకు నష్టం చేసే అలవాట్లు

తక్కువ బరువు ఉంటే జాగ్రత్త

బోన్ డెన్సిటీ తగ్గితే..

Infection Linked Cancer Cases : ఇన్ఫెక్షన్లతో పెరుగుతోన్న క్యాన్సర్ కేసులు.. లాన్సెట్ అధ్యయనంలో షాకింగ్ విషయాలు

మరిన్ని ఇన్ఫెక్షన్లు..