Eating Eggs vs Egg Hair Mask : జుట్టు పెరగాలంటే గుడ్డు తింటే మంచిదా? లేక మాస్క్ వేస్తేనా? నిపుణుల సూచనలివే

Eggs for Hair Growth : గుడ్డు జుట్టు పెరుగుదలకు మంచి ప్రయోజనాలు అందిస్తుంది. కానీ దీనిని తింటే ఎక్కువ లాభమా? లేదంటే హెయిర్​కి అప్లై చేస్తే జుట్టు రాలకుండా బాగా పెరుగుతుందా?

Egg for Hair : గుడ్లు ఆరోగ్యానికి మేలు చేస్తాయి. అందుకే చాలామంది రోజూ గుడ్డు తింటారు. అలాగే జుట్టు ఆరోగ్యానికి కూడా ఇవి చాలా ఉపయోగకరమని చెబుతుంటారు. దీనికోసం డైట్​లో చేర్చుకుంటారు. అలాగే హెయిర్​కి నేరుగా కూడా అప్లై చేస్తారు. అయితే చాలామందికి ఉండే డౌట్ ఏంటంటే.. గుడ్డు తింటే జుట్టు బాగా పెరుగుతుందా? లేదా హెయిర్ మాస్క్ వేస్తే ఫలితం ఉంటుందా? మరి ఈ రెండింటిలో ఏది జుట్టు పోషణకు మంచిదో చూసేద్దాం. 

జుట్టు పోషణకై గుడ్డు..

జుట్టు ప్రధానంగా ప్రోటీన్​తో తయారవుతుంది. గుడ్లలోని పోషకాలు జుట్టు ఆరోగ్యానికి మేలు చేస్తాయి. గుడ్లలో ప్రోటీన్ అధికంగా ఉంటుంది. అలాగే బయోటిన్, విటమిన్ A, D, హెల్తీ ఫ్యాట్స్ కూడా ఉంటాయి. ఇవి జుట్టును కుదుళ్ల నుంచి బలంగా చేస్తాయి. అందుకే జుట్టు పోషణలో గుడ్లు అనేవి కీలకంగా చెప్తారు. మరి వీటిని తింటే మంచిదా? అప్లై చేస్తే జుట్టు పెరుగుతుందా?

గుడ్లు తింటే జుట్టు పెరుగుతుందా?

గుడ్లు తింటే జుట్టు పెరుగుతుందా అనే ప్రశ్నకు సమాధానం అవును. జుట్టు పెరుగుదల అనేది స్కాల్ప్​లోని hair follicles నుంచి ప్రారంభమవుతుంది. అందుకే లోపల నుంచి పోషణ అవసరం. గుడ్డు తిన్నప్పుడు పోషణ అందుతుంది. హెయిర్ ఫాలికల్స్‌కు అవసరమైన ప్రోటీన్ అందుతుంది. కుదుళ్లు బలపడతాయి. దీంతో జుట్టురాలడం తగ్గే అవకాశం ఉంటుంది. ఆరోగ్యకరమైన హెయిర్ గ్రోత్ ఉంటుంది.

కొన్ని పోషకాహార అధ్యయనాలు ఏమి చెబుతున్నాయంటే.. ప్రోటీన్ లోపం ఉన్నవారిలో జుట్టు పలచబడటం, రాలిపోవడం ఎక్కువగా ఉంటుంది. గుడ్లు వంటి ప్రోటీన్ ఫుడ్స్ తీసుకోవడం ద్వారా ఈ సమస్య తగ్గవచ్చని తేల్చాయి. 

ఎగ్ హెయిర్ మాస్క్ వేసుకుంటే?

చాలామంది గుడ్డు మాస్క్‌ను జుట్టుకు వాడుతారు. అయితే దీనివల్ల కూడా జుట్టు పెరుగుదలకు లాభాలు ఉన్నాయి. కానీ అవి తాత్కాలికమైనవిగా చెప్పవచ్చు. ఎగ్​తో హెయిర్ మాస్క్ వేసుకోవడం వల్ల జుట్టు సాఫ్ట్‌గా, సిల్కీగా మారుతుంది. ఫ్రిజ్ తగ్గుతుంది. డ్రై హెయిర్‌కు మాయిశ్చర్ అంది నేచురల్ షైన్ వస్తుంది. గుడ్డులోని తెల్లసొన జుట్టు స్మూత్ చేస్తుంది. పచ్చసొన మాయిశ్చర్, విటమిన్స్ ఇస్తుంది. అయితే గుర్తించుకోవాల్సిన విషయం ఏంటంటే.. హెయిర్ మాస్క్ జుట్టు పెరగడంలో పెద్దగా రిజల్ట్స్ ఇవ్వదు. 

నిపుణులు ఏమి చెప్తున్నారంటే..

జుట్టు పెరుగుదల కోసం డైటరీ ప్రోటీన్ చాలా కీలకం అని అనేక పోషకాహార పరిశోధనలు సూచిస్తున్నాయి. బయోటిన్ లోపం ఉన్నప్పుడు హెయిర్ లాస్ ఎక్కువగా కనిపిస్తుందని స్టడీస్ చెబుతున్నాయి. కాబట్టి హెయిర్ గ్రోత్ కోసం బయటకు వేసే మాస్క్స్ కంటే, సరైన పోషకాహార తీసుకోవడమే ముఖ్యమైనదని స్కిన్ & హెయిర్ నిపుణులు డాక్టర్ రష్మీ షెట్టి చెప్తున్నారు. జుట్టు నిజంగా పెరగాలంటే గుడ్లు తింటే మంచిదని.. మెరిసేలా, సాఫ్ట్‌గా కావాలంటే మాస్క్ వేసుకోవచ్చని చెప్తునారు. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.