Egg Pulao : ఎగ్స్తో లంచ్ రెసిపీ చేసుకోవాలనుకుంటే.. కచ్చితంగా సింపుల్గా, టేస్టీగా ఉండే ఎగ్ పలావ్ చేసుకోవచ్చు. దీనిని తయారు చేయడం చాలా సులభం. నేరుగా తిన్నా.. రైతాతో తీసుకున్నా.. చాలా మంచిగా ఉంటుంది. పిల్లల నుంచి పెద్దలవరకు ఇష్టపడే ఈ టేస్టీ ఎగ్ పలావ్ ఎలా చేసుకోవచ్చో.. బ్యాచిలర్స్ కూడా ఈజీగా చేసుకోగలిగే రెసిపీ ఏంటో చూసేద్దాం. మరి కావాల్సిన పదార్థాలు, తయారీ విధానం చూసేద్దాం.
కావాల్సిన పదార్థాలు
గుడ్లు - 7
పసుపు - అర టీస్పూన్
కారం - టీస్పూన్
ఉప్పు - అర టీస్పూన్
టమాటాలు - 2
పెరుగు - కప్పు
ఉల్లిపాయలు - 3
కొత్తిమీరు - 1 చిన్న కట్ట
పచ్చిమిర్చి - 4
పుదీనా - కొద్దిగా
దాల్చిన చెక్క - 2 అంగుళాలు
బిర్యానీ దినుసులు - లవంగాలు, యాలకులు, షాజీరా, పువ్వు
నూనె - వంటకి సరిపడేంత
అల్లం వెల్లుల్లి పేస్ట్ - 1 టీస్పూన్
బియ్యం - 1 పెద్ద కప్పు
నీళ్లు - వంటకు సరిపడేంత
తయారీ విధానం
ముందుగా గుడ్లు ఉండికించుకోవాలి. వాటిపై పెంకుని తీసి పక్కన పెట్టుకోవాలి. ఇప్పుడు స్టౌవ్ వెలిగించి దానిపై పాన్ పెట్టి.. నూనె వేసుకోవాలి. నూనె వేడి అయ్యాక దానిలో ఎగ్స్ వేసుకోవాలి. అవి గోల్డెన్ కలర్ వచ్చేవరకు వేయించి.. దానిలో కాస్త పసుపు, కారం, ఉప్పు వేసి మంచి అరోమా వచ్చేవరకు వేయించుకుని పక్కన పెట్టుకోవాలి.
ఇప్పుడు స్టవ్ వెలిగించి ఓ కుక్కర్ పెట్టుకోవాలి. దానిలో నూనె వేసి.. బిర్యానీ మసాలా వేసి వేయించుకోవాలి. మంచి అరోమా వచ్చేప్పుడు సన్నగా, పొడుగ్గా తరిగిన ఉల్లిపాయలు వేయాలి. బ్రౌన్ కలర్ వచ్చేవరకు ఆనియన్స్ వేయించుకుని.. దానిలో పచ్చిమిర్చి, టమోటా ముక్కలు వేసి ఫ్రై చేయాలి. అప్పుడే అల్లం, వెల్లుల్లి పేస్ట్ కూడా వేసి కలపాలి. దానిలో కారం, ఓ కప్పు పెరుగు, పుదీనా వేసి బాగా కలపాలి.
గ్రేవీ బాగా ఉడికిన తర్వాత ముందుగా సిద్ధం చేసుకున్న గుడ్లు వేసుకోవాలి. అలాగే అరగంట ముందు కడిగి నానబెట్టుకున్న పెద్ద కప్పు బాస్మతి రైస్ వేసుకోవాలి. కొలతకు తగ్గట్లు నీటిని వేసుకుని.. కలిపి.. దానిలో నిమ్మరసం పిండాలి. చివరిగా మరికొంత పుదీ, కొత్తిమీర వేసి.. కుక్కర్ మూత పెట్టాలి. రెండు విజిల్స్ తర్వాత స్టౌవ్ ఆపేయాలి. అంతే వేడి వేడి ఎగ్ పులావ్ రెడీ.
ఎక్కువమంది ఉంటే దానికి తగ్గట్లు పదార్థాల కొలతలు మారుతూ ఉంటాయి. అందుకే వాటిని మీకు తగ్గట్లు మార్చుకోండి. రైస్ విషయంలో కూడా మీరు తీసుకునే వాటిని బట్టి విజిల్ వేయించాలి. దీనిని మీరు లంచ్ కోసం తీసుకోవచ్చు. పైగా చేసుకోవడం చాలా సింపుల్. ఇంకెందుకు ఆలస్యం. మీరు కూడా ఈ టేస్టీ రెసిపీని ట్రై చేసేయండి.