యువతలో నూడుల్స్‌కు క్రేజ్ ఎక్కువ. కొంతమంది వీటిని బ్రేక్ ఫాస్ట్, లంచ్, డిన్నర్ వంటి ముఖ్యమైన భోజనసమయాల్లో తింటుంటారు. శరీర క్రియలు సక్రమంగా సాగడానికి ఆ మూడు భోజన సమయాల్లో తినే ఆహారం చాలా ప్రభావం చూపిస్తుంది. అలాంటి సమయాల్లో జంక్ ఫుడ్ అయిన నూడుల్స్ తినడం సరైన పద్ధతి కాదని సూచిస్తున్నారు ఆరోగ్య నిపుణులు. పోషకాలు వీటిలో అధికంగా ఉండవు, కాబట్టి ఇవి ఆరోగ్యానికి చేసే మేలు చాలా తక్కువ. నూడుల్స్ తరచుగా తినడం వల్ల శరీరంపై చాలా దుష్ప్రభావాలు పడతాయి. మీరు కూడా ప్రతి వారం నూడుల్స్ తినే వారైతే ఓసారి ఈ మార్పులు మీలో కలిగాయేమో చూసుకోండి.
అధిక బరువు
నూడుల్స్ ను తరచుగా తీసుకోవడం వల్ల బరువు త్వరగా పెరుగుతారు. తినడం కొన్నేళ్ల పాటూ కొనసాగితే ఊబకాయం బారిన పడతారు. శరీరంలో సోడియం అధికంగా చేరడం, శరీరంలో నీరు నిలిచిపోవడం వంటి వాటి వల్ల ఇలా జరుగుతుంది.
లైంగిక జీవితం
నూడుల్స్ అధికంగా తింటే ప్రతికూల పరిణామాలు పురుషుల్లో వెంటనే కనిపిస్తాయి. వీరిలో లైంగిక సామర్థ్యం తగ్గిపోతుంది. నూడుల్స్ లో ఉండు సింథటిక్ పదార్థాలు సెక్స్ హార్మోన్లను డిస్ట్రర్బ్ చేస్తాయి. దీని వల్ల లైంగిక జీవితంపై ప్రభావం పడుతుంది.
మెటబాలిక్ సిండ్రోమ్
నూడుల్స్ అధికంగా తినే మహిళల్లో మెటబాలిక్ సిండ్రోమ్ వస్తున్నట్టు కొన్ని అధ్యయనాలు తెలిపాయి. ప్రతి వారం నూడుల్స్ తినే వారిలో ఆరోగ్యానికి కచ్చితంగా భంగం కలుగుతుంది.
పోషకాలు నాశనం
నూడుల్స్ వంటి జంక్ ఫుడ్, స్పైసీ ఫుడ్ తినడం వల్ల శరీరంలో పోషకాలను గ్రహించే సామర్థ్యం తగ్గిపోతుంది. పోషకాలు అందక నీరసంగా మారిపోతారు. అలసట, విషయాల పట్ల నిరాసక్తత పెరిగిపోతుంది. ఇతర ఆరోగ్యకరమైన ఆహారాల్లోని విటమిన్లు, ఖనిజాలు, పోషకాలు శరీరం గ్రహించుకోవాలంటే నూడుల్స్ తినడం మానేయాలి.
మధుమేహం
డయాబెటిస్ ఉన్న నూడుల్స్ ను దూరం పెట్టాలి. ఇందులో చక్కెర కంటెంట్ ఉంటుంది. దీని వల్ల మధుమేహ వ్యాధి ఉన్నవారు తింటే వారి ఆరోగ్యం మరింతగా దిగజారుతుంది.
దీర్ఘకాలిక వ్యాధులు
ప్రతి వారం నూడుల్స్ తినేవారిలో దీర్ఘకాలిక వ్యాధులు కలిగే అవకాశం ఎక్కువ. మెటబాలిక్ సిండ్రోమ్, అధిక రక్తపోటు, మధుమేహం వచ్చే ప్రమాదాలను పెంచుతాయి. ఇందులో చెడు కొలెస్ట్రాల్ గుండె జబ్బులు వచ్చే అవకాశాన్ని కూడా పెంచుతాయి.
చెడు కొవ్వు
నూడుల్స్ ప్రాసెస్ చేసిన ఆహారం కిందకి వస్తుంది. వీటిలో ట్రాన్స్ ఫ్యాట్స్ అధికంగా ఉంటాయి. ట్రాన్స్ ఫ్యాట్స్ ఆరోగ్యానికి చాలా కీడు చేస్తాయి. ముఖ్యంగా గుండెను దెబ్బతీస్తాయి. నూడుల్స్ అధికంగా తినడం వల్ల రక్త నాళాల్లో కొవ్వు పేరుకుపోయి రక్త సరఫరాకు అంతరాయం కలిగే అవకాశం కూడా ఉంది. కాబట్టి వీలైనంతగా నూడుల్స్ తినడకపోవడం మంచిది.
Also read: బెడ్ మీద కన్నా నేలపై పడుకుంటే ఆ సమస్యలు దూరమైపోతాయి