ఆ సైకోగాడితో పడలేక ఆమె బ్రేకప్ చెప్పింది. దీంతో ప్రతీకారంతో రగిలిపోయిన అతడు.. ఆమెను కిడ్నాప్ చేశాడు. ఆ తర్వాత ఆమె ముఖం మీద బలవంతంగా తన పేరును పచ్చబొట్టుగా పొడిచి.. ‘‘నీకు దిక్కున్న చోటు చెప్పుకో’’ అని వదిలేశాడు. బ్రెజిల్‌లో చోటుచేసుకున్న ఈ ఘటన సోషల్ మీడియాలో చర్చనీయంగా మారింది.
బ్రెజిల్‌లోని సావో పాలోకు చెందిన 18 ఏళ్ల తయానే కాల్డాస్ అనే యువతి ఇటీవల పాఠశాలకు వెళ్తున్న సమయంలో ఆమె మాజీ ప్రియుడు గాబ్రియెల్ కొయెల్హో ఆమెను తన కారులోకి బలవంతంగా ఎక్కించుకున్నాడు. ఆ తర్వాత ఆమెను ఎక్కి తౌబాటే మున్సిపాలిటీలోని తన ఇంటికి తీసుకెళ్లాడు. ఆ తర్వాత అతడు తన పేరును ఆమె ముఖంలో కుడివైపు చెవి నుంచి గడ్డం వరకు పచ్చబొట్టు పొడిచాడు. అలా చేయొద్దని, నొప్పిని భరించలేకపోతున్నా.. అని మొత్తుకున్నా సరే అతడు మాట వినకుండా బలవంతంగా ఆమె ముఖంపై టాటూను పొడిచేశాడు.
కూతురు కనిపించడం లేదనే కంగారు కాల్డాస్ తల్లి పోలీసులను ఆశ్రయించింది. ఎట్టకేలకు పోలీసులు అతడిని అదుపులోకి తీసుకున్నారు. కోయెల్లో తండ్రి తన కొడుకు చేసిన పనిని సమర్ధించాడు. ఆ టాటు వేయించుకోడానికి కాల్డాస్ సంతోషంగా అంగీకరించిందని పోలీసులకు తెలిపాడు. అతడు అలా చేయడం తనకు అస్సలు నచ్చలేదని, తనపై దాడి చేస్తాడనే కారణంతో.. అతడు ఆ పనిచేస్తున్నప్పుడు మౌనంగా ఉండిపోయానని ఆమె వెల్లడించింది. అయితే, ఈ కేసులో అతడు కొన్నాళ్లు మాత్రమే జైల్లో ఉంటాడని, విడుదలైన తర్వాత మళ్లీ ఏం చేస్తాడనే భయం తనని వెంటాడుతోందని తెలిపింది.
Also Read: నా భార్య రోజూ మ్యాగీ పెట్టి చంపేస్తోంది - కోర్టుకు భర్త మొర, చివరికి..
కాల్డాస్ పరిస్థితి తెలిసి.. ఇప్పుడు కొన్ని టాటూ సంస్థలు ఆమె ముఖం మీద ఉన్న టాటూను తొలగించేందుకు ముందుకొచ్చాయి. ఇటీవలే ఆమె లేజర్ రిమూవల్ సెషన్‌లో పాల్గొంది. అలాగే, తన ప్రియుడి పేరుతో ఉన్న మరో మరో రెండు టాటూలను కూడా తొలగించుకోవాలని నిర్ణయించుకుంది. కోయెల్హో టాటూ ఆర్టిస్ట్. కాల్డాస్, కోయెల్హో‌లు 2019 నుంచి డేటింగ్ చేస్తున్నారు. ఇద్దరి మధ్య స్పర్థలు రావడంతో ఎనిమిది నెలల కిందట విడిపోయారు. దీంతో అతడు ఆమెపై ఇలా రివేంజ్ తీర్చుకున్నాడు. భవిష్యత్తులో ఆమె ముఖం మరెవ్వరూ చూడకూడదనే కోపంతో టాటూను చేక్కేశాడు. ఇలాంటి సైకోగాళ్లకు ఎలాంటి శిక్ష వేస్తే బుద్ధి వస్తుందో మీరే చెప్పండి.
Also Read: జ్వరం, నొప్పులకు ఈ మాత్ర వాడుతున్నారా? జాగ్రత్త, ప్రాణాలు పోతాయ్!