beauty

Japanese Beauty Secrets : తక్కువ ఖర్చుతో గ్లోయింగ్ స్కిన్ సొంతం చేసుకోవాలా? ఈ 5 జపనీస్ చిట్కాలు ట్రై చేయండి

Geddam Vijaya Madhuri — Thu, 22 Oct 2026 05:57:20 +0530

Beauty Tips for Healthy, Glowing Skin On Budget : జపనీస్ మహిళల స్కిన్ అనగానే చాలామందికి అందమైన, కాంతివంతమైన చర్మం గుర్తొస్తుంది. అయితే ఇందుకోసం ఖరీదైన బ్యూటీ ప్రొడక్ట్స్‌నే ఉపయోగించాల్సిన అవసరం లేదు. చర్మాన్ని శుభ్రంగా ఉంచుకోవడం, హైడ్రేట్డెగా ఉండడం, ఎండ నుంచి రక్షించుకోవడం వంటి చిన్న చిన్న అలవాట్లు కూడా చర్మ ఆరోగ్యానికి సహాయపడతాయి. మరి ఇంట్లోనే తక్కువ ఖర్చుతో పాటించగల జపనీస్‌ టిప్స్ ఏంటో.. ఇవి స్కిన్ హెల్త్ని ఎలా మెరుగుపరుస్తాయో చూసేద్దాం.

స్కిన్ కేర్ ప్రొడెక్ట్స్ ఎంపిక

చర్మాన్ని అందంగా, ఆరోగ్యంగా ఉంచుకోవాలంటే రకరకాల సీరమ్స్, క్రీమ్స్ కొనుగోలు చేయాల్సిన అవసరం లేదు. చర్మానికి సరిపోయే క్లెన్సర్, మాయిశ్చరైజర్, సన్‌స్క్రీన్ వంటి బేసిక్ ప్రొడెక్ట్స్ రెగ్యూలర్గా ఉపయోగించడం మంచిది. ఒకేసారి ఎక్కువ ప్రొడక్ట్స్ వాడటం వల్ల కొందరిలో చర్మంపై చికాకు, రెడ్నెస్ వంటి సమస్యలు రావచ్చు.

Also Read : రైస్ వాటర్ మాత్రమే కాదు.. బియ్యపు పిండితోనూ గ్లోయింగ్ స్కిన్ సొంతం చేసుకోవచ్చు.. ఇలా అప్లై చేయండి

సింపుల్ స్కిన్కేర్లో భాగంగా చర్మానికి సరిపోయే మైల్డ్ క్లెన్సర్‌తో ముఖాన్ని శుభ్రం చేసుకోవాలి. చర్మం పొడిబారకుండా మాయిశ్చరైజర్ ఉపయోగించాలి. పగటిపూట బయటకు వెళ్లేటప్పుడు SPF 30 లేదా అంతకంటే ఎక్కువ ఉన్న సన్‌స్క్రీన్ రాసుకోవాలి. అనేక ప్రొడెక్ట్స్ వాడకుండా అవసరమైనవాటినే చర్మానికి ఎంచుకోవాలి. మొటిమలు, ఎగ్జిమా వంటి చర్మ సమస్యలు ఉంటే సొంత ప్రయోగాలు చేయకుండా వైద్యుడిని సంప్రదించడం మంచిది.

స్కిన్ హైడ్రేషన్

చర్మం ఆరోగ్యంగా కనిపించాలంటే తగినంత తేమ ఉండాలి. చర్మం పొడిబారితే బిగుతుగా అనిపించడం, పొరలు ఊడిపోవడం వంటి ఇబ్బందులు ఎదురవుతాయి. అందుకే చర్మానికి తేమను అందించే మాయిశ్చరైజర్‌ను ఉపయోగించడం మంచిది. గ్లిజరిన్ లేదా సెరమైడ్స్ ఉన్న తక్కువ ధర ఉత్పత్తులు కూడా హెల్ప్ అవుతాయి.

Also Read : అరటిపండు ఫేస్ మాస్క్.. ఇంట్లోనే మెరిసే, హెల్తీ స్కిన్ కోసం సులభమైన DIY చిట్కాలు

ముఖాన్ని శుభ్రం చేసుకున్న తర్వాత చర్మం కొద్దిగా తడిగా ఉన్నప్పుడే మాయిశ్చరైజర్ రాసుకోవాలి. చర్మం ఎక్కువగా పొడిబారే వారు చిక్కటి క్రీమ్‌ను ఎంచుకోవచ్చు. జిడ్డు చర్మం లేదా మొటిమలు వచ్చే చర్మం ఉన్నవారు నాన్-కామెడోజెనిక్ మాయిశ్చరైజర్‌ను ఎంచుకోవాలి. రోజంతా శరీరానికి సరిపడా నీరు తాగాలి.

వంటగదిలోని బ్యూటీ సీక్రెట్

జపనీస్ ఆహార సంస్కృతిలో బియ్యానికి ప్రత్యేక స్థానం ఉంది. బియ్యాన్ని అందానికి సంబంధించిన కొన్ని సంప్రదాయ పద్ధతుల్లోనూ ఉపయోగిస్తుంటారు. బియ్యాన్ని నానబెట్టినప్పుడు లేదా ఉడికించినప్పుడు లభించే నీటిని చర్మం, జుట్టు సంరక్షణ కోసం ఉపయోగించడం అక్కడ చాలా కామన్.

Also Read : గ్లోయింగ్ స్కిన్ కోసం ఉదయాన్నే ఏం చేయాలి? ఈ 6 స్కిన్ కేర్ స్టెప్స్ ఫాలో అవ్వండి

అయితే కొన్ని జాగ్రత్తలు తీసుకుని రైస్ వాటర్ ఉపయోగించాలి. ఇంట్లో తయారుచేసిన రైస్ వాటర్‌ను ఎక్కువసేపు నిల్వ ఉంచి ముఖానికి రాసుకోవద్దు. పులిసిపోయిన లేదా సరిగ్గా నిల్వ చేయని రైస్ వాటర్‌ను ఉపయోగించకూడదు. చర్మంపై చిన్న ప్రదేశంలో ప్యాచ్ టెస్ట్ చేసి.. ఇబ్బంది లేకపోతేనే చర్మానికి, జుట్టుకు ఉపయోగించాలి.

ఎండ నుంచి రక్షణ

చర్మ సంరక్షణలో సన్ ప్రొటెక్షన్ చాలా ముఖ్యమైనది. సూర్యుడి నుంచి వెలువడే అతినీలలోహిత కిరణాలకు ఎక్కువగా గురికావడం వల్ల చర్మం త్వరగా వృద్ధాప్య ఛాయలను ఇస్తుంది. అలాగే చర్మ క్యాన్సర్ ముప్పు కూడా పెరుగుతుంది. అందుకే ఖరీదైన బ్యూటీ ట్రీట్‌మెంట్ల కంటే రోజువారీ సన్ ప్రొటెక్షన్‌కు ప్రాధాన్యం ఇవ్వాలి.

Also Read : 50ల్లో ముడతలు, డ్రై స్కిన్ తగ్గాలంటే.. డైట్‌లో ఈ చిన్న మార్పులు చేయండి

SPF 30 లేదా అంతకంటే ఎక్కువ ఉన్న సన్‌స్క్రీన్ ఉపయోగించాలి. బయటకు వెళ్లే ముందు సూచనల ప్రకారం దానిని రాసుకోవాలి. ఎక్కువసేపు బయట ఉంటే ప్రతి రెండు గంటలకు ఒకసారి.. చెమట పట్టినప్పుడు లేదా ఈత కొట్టిన తర్వాత మళ్లీ రాసుకోవాలి. సాధ్యమైనంతవరకు నీడలో ఉండాలి. టోపీ, రక్షణ కల్పించే దుస్తులు ఉపయోగించాలి.

జెంటిల్ క్లీనింగ్

రోజంతా ముఖంపై పేరుకునే చెమట, దుమ్ము, అదనపు నూనె, మేకప్, సన్‌స్క్రీన్ అవశేషాలను తొలగించడానికి ముఖాన్ని శుభ్రం చేసుకోవాలి. అయితే పదేపదే ముఖం కడగడం లేదా గట్టిగా రుద్దడం వల్ల చర్మంపై ఉండే సహజ రక్షణ పొర దెబ్బతినవచ్చు. అందుకే సున్నితమైన క్లెన్సర్‌ను ఉపయోగించడం మంచిది.

Also Read : పండుగల ముందు గ్లోయింగ్ స్కిన్, షైనీ హెయిర్ కావాలా? రైస్ వాటర్ ఇలా ఉపయోగించండి

చర్మానికి సరిపోయే మైల్డ్ క్లెన్సర్‌తో ముఖాన్ని శుభ్రం చేసుకోవాలి. వాటర్ రెసిస్టెంట్ సన్‌స్క్రీన్ లేదా హెవీ మేకప్ ఉపయోగిస్తే.. ముందుగా తగిన క్లెన్సింగ్ ఆయిల్ లేదా బామ్‌తో తొలగించి, తర్వాత మైల్డ్ క్లెన్సర్ ఉపయోగించవచ్చు. వేడి నీటితో ముఖం కడగకూడదు. చర్మాన్ని గట్టిగా రుద్దకూడదు. చర్మం బిగుతుగా, పొడిగా అనిపిస్తే క్లెన్సర్‌ను మార్చుకోవడం మంచిది.

అందమైన చర్మం కోసం..

చాలామంది అందమైన చర్మం కావలంటే ఖరీదైన ప్రొడెక్ట్స్ వాడాలి అనుకుంటారు. కానీ అవి అవసరం లేదని చెప్తున్నారు చర్మ సంరక్షణ నిపుణులు. ప్రొడెక్ట్ ధర కంటే అది మీ చర్మానికి సరిపోతుందా.. సరైన రక్షణ అందిస్తుందా అనేదే చూసుకోవాలి. రోజువారీ క్లెన్సింగ్, మాయిశ్చరైజింగ్, సన్‌స్క్రీన్ వాడకం వంటి మూడు ప్రాథమిక అలవాట్లతో మంచి చర్మ సంరక్షణ రొటీన్‌ను ప్రారంభించవచ్చు.

Also Read : కొరియన్ గ్లాస్ స్కిన్ కోసం ఈ మ్యాజిక్ డ్రింక్ తాగాలా? నిమ్మ-కీరదోసకాయ జ్యూస్‌తో ఎన్ని ప్రయోజనాలో తెలుసా?

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Sesame Seeds Benefits : నువ్వులు తింటే చర్మం మెరుస్తుందా? జుట్టు బలంగా పెరుగుతుందా? నిజాలు ఇవే

Geddam Vijaya Madhuri — Thu, 15 Oct 2026 11:12:53 +0530

Sesame Seeds Benefits For Skin And Hair : చర్మం మెరుస్తూ కనిపించాలని, జుట్టు ఒత్తుగా పెరగాలని చాలామంది రకరకాల బ్యూటీ ప్రొడక్ట్స్ వాడుతుంటారు. అయితే వంటింట్లో ఉండే నువ్వులతో కూడా చర్మం, జుట్టు ఆరోగ్యానికి అవసరమైన కొన్ని పోషకాలు పొందవచ్చని చెప్తున్నారు పోషకాహార నిపుణలు. వీటిలో ఆరోగ్యకరమైన కొవ్వులు, ప్రోటీన్, విటమిన్ ఇ, జింక్, ఐరన్ వంటి పోషకాలు ఉంటాయి. ఇవి చర్మం తేమను కాపాడుకోవడానికి, జుట్టు ఆరోగ్యంగా ఉండటానికి తోడ్పడతాయని చెప్తున్నారు. నువ్వులను క్రమం తప్పకుండా ఆహారంలో తీసుకుంటే స్కిన్, జుట్టుకు ఎలాంటి ప్రయోజనాలు పొందవచ్చో.. వీటిని ఎలా డైట్లో తీసుకోవాలో ఇప్పుడు తెలుసుకుందాం.

చర్మానికి నువ్వులతో కలిగే ప్రయోజనాలు

చర్మం పొడిగా మారి, గరుకుగా కనిపిస్తోందా? అయితే నువ్వుల్లో ఉండే ఆరోగ్యకరమైన కొవ్వులు చర్మం ఆరోగ్యానికి అవసరం. ఇవి చర్మం పొడిబారడాన్ని తగ్గించడంలో హెల్ప్ చేస్తాయి. అయితే వీటితో పాటు మాయిశ్చరైజర్ కూడా ఉపయోగించాలి. నువ్వుల్లోని విటమిన్ ఇ, సెసమిన్, సెసమాల్ వంటి యాంటీఆక్సిడెంట్ సమ్మేళనాలు చర్మ ఆరోగ్యానికి మేలు చేస్తాయి. వయసు పెరిగేకొద్దీ చర్మంలో మార్పులు రావడం సహజం.

నువ్వుల్లో ఉండే జింక్, ప్రోటీన్ వంటి పోషకాలు వృద్ధాప్య ఛాయలు తగ్గించడంలో హెల్ప్ చేస్తాయి. నువ్వుల్లోని యాంటీఆక్సిడెంట్లు శరీర కణాలను ఆక్సీకరణ ఒత్తిడి నుంచి రక్షించడంలో ముఖ్య పాత్ర పోషిస్తాయి. నువ్వుల్లోని ప్రోటీన్, జింక్ వంటి పోషకాలను గాయాలు, చర్మ సమస్యలు తగ్గించడంలో హెల్ప్ చేస్తాయి.

జుట్టుకు నువ్వులతో కలిగే ప్రయోజనాలు

జుట్టు పెరుగుదలకు ప్రోటీన్, ఐరన్, జింక్ వంటి పోషకాలు అవసరం. ఆహారంలో పోషకాల లోపం ఉంటే జుట్టు రాలే సమస్య పెరగవచ్చు. కాబట్టి సమతుల్య డైట్లో భాగంగా నువ్వులు తీసుకోవచ్చు. శరీరానికి తగినంత ప్రోటీన్ అందించడం జుట్టు ఆరోగ్యానికి ముఖ్యం. నువ్వుల్లో ప్రోటీన్, ఆరోగ్యకరమైన కొవ్వులు ఉంటాయి. వీటిని పప్పులు, గుడ్లు, పాలు వంటి ఇతర ప్రోటీన్ ఆహారాలతో కలిపి తీసుకుంటే జుట్టుకు సమతుల్య పోషణ లభిస్తుంది.

నువ్వుల్లోని కొవ్వులు, జింక్ వంటి పోషకాలు స్కాల్ప్ ఆరోగ్యానికి తోడ్పడతాయి. అయితే చుండ్రు, దురద లేదా తల చర్మంపై ఇన్ఫెక్షన్లను నువ్వులు తినడం లేదా నువ్వుల నూనె రాస్తే నయం కాకపోవచ్చు. జుట్టు పొడిగా, నిర్జీవంగా కనిపించినప్పుడు నువ్వుల నూనెను జుట్టుకు అప్లై చేస్తారు. ఈ నూనె జుట్టు కుదుళ్లపై పూతలా ఏర్పడి తేమ నష్టాన్ని తగ్గించడంలో, జుట్టు మృదువుగా కనిపించడంలో సహాయపడవచ్చు.

జుట్టు ఎక్కువగా రాలడానికి కారణాలు..

జుట్టు రాలడానికి థైరాయిడ్ సమస్యలు, హార్మోన్ల మార్పులు, ఒత్తిడి, ఇతర ఆరోగ్య కారణాలు ఉండవచ్చు. కాలుష్యం, నిద్రలేమి కూడా కారణమే కావచ్చు. కాబట్టి జుట్టు రాలడం ఎక్కువగా ఉంటే కారణాన్ని గుర్తించడం ముఖ్యం.

నువ్వులను ఎలా తీసుకుంటే మంచిది?

రోజువారీ ఆహారంలో కొద్దిగా నువ్వులను చేర్చుకోవచ్చు. వేయించిన నువ్వులను పొడి చేసి కూరలు, పప్పులు లేదా చట్నీల్లో కలుపుకోవచ్చు. నువ్వుల పొడిని అన్నంలో కొద్దిగా నెయ్యితో కలిపి తినవచ్చు. నువ్వులు, బెల్లంతో చేసిన ఉండలను అప్పుడప్పుడు తీసుకోవచ్చు. కానీ తక్కువ మోతాదులో తీసుకోవాలి. నువ్వుల నూనెను వంటల్లో ఉపయోగించవచ్చు.

Also Read : ఇంట్లోనే ఫేస్ స్క్రబ్ తయారీ.. ముఖం, శరీరానికి మెరుపు కోసం ఈ పదార్థాలతో ట్రై చేయండి

Moringa Powder : చర్మం మెరిసేందుకు, జుట్టు బలంగా ఉండేందుకు మునగాకు పొడిని తీసుకోవచ్చా? ఎలా తింటే మంచిది?

Geddam Vijaya Madhuri — Mon, 12 Oct 2026 19:39:11 +0530

DIY Body Scrub : ఇంట్లోనే ఫేస్ స్క్రబ్ తయారీ.. ముఖం, శరీరానికి మెరుపు కోసం ఈ పదార్థాలతో ట్రై చేయండి

Geddam Vijaya Madhuri — Mon, 12 Oct 2026 12:05:10 +0530

Homemade Face and Body Scrub : పండుగ సమయంలో చర్మం మృదువుగా, కాంతివంతంగా కనిపించాలని చాలామంది కోరుకుంటారు. దీనికోసం ఖరీదైన స్కిన్ కేర్ ఉత్పత్తులు ఉపయోగిస్తుంటారు. అయితే ఇంట్లోనే కొన్ని పదార్థాలతో స్క్రబ్ తయారు చేసుకోవచ్చు. కొబ్బరి పొడి, శనగపిండి, కాఫీ పొడి వంటి వాటితో ఇంట్లోనే ఈ స్క్రబ్ తయారు చేసుకోవచ్చు. ఈ స్క్రబ్ చర్మంపై పేరుకుపోయిన మృతకణాలను తొలగించడంలో సహాయపడుతుంది.

మంచి ఫలితాల కోసం చర్మానికి సరిపడే పదార్థాలను ఎంచుకోవడం, సున్నితంగా ఉపయోగించడం చాలా ముఖ్యం. అయితే ఈ స్క్రబ్ తయారు చేయడానికి పెద్దగా ఖర్చు చేయాల్సిన అవసరం లేదు. ఇంట్లో సులభంగా లభించే కొన్ని పదార్థాలు ఉంటే సరిపోతుంది. మరి ఈ స్క్రబ్‌ ఎలా తయారు చేసుకోవాలో.. ఎలా అప్లై చేయాలో చూసేద్దాం.

స్క్రబ్ తయారీకి కావాల్సిన పదార్థాలు

ఎండిన కొబ్బరి పొడి - 4 టేబుల్ స్పూన్లు

శనగపిండి - 3 టేబుల్ స్పూన్లు

గోధుమ పిండి – 3 టేబుల్ స్పూన్లు

కాఫీ పొడి – 1 టేబుల్ స్పూన్

గంధం పొడి - 2 టేబుల్ స్పూన్లు

తయారీ విధానం

ముందుగా కొబ్బరి పొడిని మెత్తగా గ్రైండ్ చేసుకోవాలి. అనంతరం మిగిలిన పొడులన్నింటినీ ఒక గిన్నెలో వేసి బాగా కలపాలి. ఈ మిశ్రమాన్ని శుభ్రమైన, తేమలేని గాలి చొరబడని డబ్బాలో నిల్వ చేసుకోవచ్చు. అయితే ఒకేసారి ఎక్కువ పరిమాణంలో తయారు చేసి ఎక్కువ రోజులు నిల్వ చేయడం కంటే.. అవసరమైనంత తయారు చేసుకోవడం మంచిది.

Also Read : 50ల్లో ముడతలు, డ్రై స్కిన్ తగ్గాలంటే.. డైట్‌లో ఈ చిన్న మార్పులు చేయండి

స్క్రబ్‌ను ఎలా అప్లై చేయాలంటే..

ముందుగా తయారు చేసుకున్న పొడిని కొద్దిగా తీసుకుని శుభ్రమైన గిన్నెలో వేయాలి. అందులో కొద్దిగా నీరు లేదా పెరుగు వేసి మెత్తని పేస్ట్‌లా తయారు చేసుకోవాలి. పాలు లేదా రోజ్ వాటర్ కూడా ఉపయోగించుకోవచ్చు. కానీ అవి మీ స్కిన్కి సరిపోతాయో లేదో చెక్ చేసుకోవాలి. స్క్రబ్ ముఖానికి అప్లై చేసే ముందు కాస్త ప్యాచ్ టెస్ట్ చేసుకోవడం మంచిది.

ఓకే అనుకుంటే దీనిని ముఖానికి అప్లై చేసుకోవచ్చు. అయితే దీనిని గట్టిగా రుద్దకూడదు. కళ్ల చుట్టూ, పెదవుల దగ్గర అప్లై చేయకూడదు. శరీరానికి ఉపయోగించినా సున్నితంగా మాత్రమే మసాజ్ చేయాలి. తర్వాత నీటితో శుభ్రంగా కడిగేయాలి. తర్వాత మాయిశ్చరైజర్ అప్లై చేసుకోవాలి.

ఎన్నిసార్లు అప్లై చేసుకోవచ్చంటే..

స్క్రబ్‌ను తరచుగా ఉపయోగిస్తేనే మంచి ఫలితాలు వస్తాయనుకోకూడదు. ఎక్కువగా రుద్దడం వల్ల చర్మం పొడిబారడం, ఎర్రబడటం, మంట రావడం వంటి సమస్యలు ఎదురుకావచ్చు. కాబట్టి వారానికి ఒకటి లేదా రెండుసార్లు ఉపయోగించవచ్చు.

స్క్రబ్తో కలిగే లాభాలు

కొబ్బరి పొడిలో ఉండే చిన్న కణాలు చర్మంపై పేరుకుపోయిన మృతకణాలను తొలగిస్తుంది. శనగపిండి చర్మంపై ఉన్న మురికి, అదనపు నూనెను తొలగించడంలో సహాయపడుతుంది. గోధుమ పిండి చర్మాన్ని మృదువుగా చేయడంలో మంచి ఫలితాలు ఇస్తుంది. కాఫీ పొడి కూడా డెడ్ స్కిన్ సెల్స్ తొలగించి.. చర్మాన్ని మెరిసేలా చేయడంలో హెల్ప్ చేస్తుంది. గంధం చర్మానికి చల్లదనాన్ని అందించడంలో హెల్ప్ చేస్తుంది.

గుర్తించుకోవాల్సిన విషయాలివే

ఇంట్లో తయారు చేసే స్క్రబ్ చర్మంపై ఉన్న మృతకణాలను తొలగించడంలో కొంతవరకు సహాయపడవచ్చు. కానీ ఇది చర్మం రంగును మార్చదు. మొటిమల మచ్చలను పూర్తిగా తొలగించదు. కాబట్టి ఆరోగ్యంగా కనిపించే చర్మం కోసం తగినంత నీరు తాగడం, చర్మానికి సరిపోయే మాయిశ్చరైజర్ ఉపయోగించడం, పగటిపూట సన్‌స్క్రీన్ అప్లై చేయడం వంటి స్కిన్ కేర్ టిప్స్ ఫాలో అవ్వాలి.

Prevent Wrinkles : ముఖంపై ముడతలు వస్తున్నాయా? వృద్ధాప్య ఛాయలను దూరం చేసే టిప్స్ ఏంటో చూసేద్దాం

Geddam Vijaya Madhuri — Fri, 9 Oct 2026 19:42:32 +0530

Tanned Feet : ఎండకు పాదాలు నల్లగా మారాయా? ట్యాన్, డల్నెస్ తగ్గించే ఇంటి చిట్కాలు ఇవే

Geddam Vijaya Madhuri — Thu, 8 Oct 2026 23:01:45 +0530

Beetroot Ice Cubes : బీట్‌రూట్ ఐస్ క్యూబ్స్‌తో ఫ్రెష్ లుక్ మీ సొంతం.. ఇంట్లోనే ఇలా తయారు చేసుకోండి

Geddam Vijaya Madhuri — Thu, 8 Oct 2026 03:43:42 +0530

Hair Transplant : హెయిర్ ట్రాన్స్‌ప్లాంట్ చేయించుకుంటే ఎలాంటి సైడ్ ఎఫెక్ట్స్ ఉంటాయి? కచ్చితంగా తెలుసుకోండి

Geddam Vijaya Madhuri — Wed, 7 Oct 2026 12:35:41 +0530

Hair Transplant Risks and Side Effects : జుట్టు రాలడాన్ని తగ్గించడానికి, హెయిర్‌లైన్‌ను మెరుగుపరచడానికి చాలామంది హెయిర్ ట్రాన్స్‌ప్లాంట్ వైపు మొగ్గు చూపిస్తున్నారు. కానీ హెయిర్ ట్రాన్స్‌ప్లాంట్కి కూడా సైడ్ ఎఫెక్ట్స్ ఉంటాయని తెలుసా? అవును ఈ ప్రాసెస్ మీ ఇన్సెక్యూరిటీని దూరం చేసినా.. దానివల్ల కొన్ని దుష్ప్రభావాలు ఉంటాయంటున్నారు నిపుణులు. ఇంతకీ ఆ సైడ్ ఎఫెక్ట్స్ ఏంటో ఇప్పుడు తెలుసుకుందాం.

హెయిర్ ట్రాన్స్‌ప్లాంట్‌

నిరంతరంగా జుట్టు రాలడం చాలా మందికి ఆందోళన కలిగిస్తుంది. జుట్టు పలచబడినప్పుడు, తల ముందు భాగంలో బట్టతల మచ్చలు కనిపించినప్పుడు.. తమ లుక్ని, కాన్ఫిడెన్స్ని మెరుగుపరుచుకునేందుకు హెయిర్ ట్రాన్స్‌ప్లాంట్‌ను ఎంచుకుంటారు. ఇది ఒక శస్త్రచికిత్సా ప్రక్రియ. దీనిలో తలపై దట్టంగా జుట్టు ఉన్న ప్రాంతాల నుంచి వెంట్రుకల మూలాలను తీసి.. తక్కువ జుట్టు ఉన్న ప్రాంతాల్లో అమరుస్తారు.

Also Read : మగవారికి జుట్టుకు ఏ ఆయిల్ మంచిది? హెయిర్ ఫాల్, పలుచబడిన జుట్టుకు ఇవి ట్రై చేయండి

ఈ ప్రక్రియ చాలా సురక్షితమైనదిగా పరిగణిస్తారు. కానీ కొన్నిసార్లు దీనికి కొన్ని దుష్ప్రభావాలు ఉంటాయని చెప్తున్నారు నిపుణులు. కొంతమందికి ఈ సమస్య కొద్ది కాలం మాత్రమే ఉంటుంది. కాబట్టి హెయిర్ ట్రాన్స్‌ప్లాంటేషన్, దానికి సంబంధించిన ముఖ్యమైన విషయాలు ఇప్పుడు తెలుసుకుందాం.

మార్పిడి తర్వాత వాపు, నొప్పి

హెయిర్ ట్రాన్స్‌ప్లాంట్ తర్వాత తల చర్మంపై తేలికపాటి నొప్పి, సెన్సిటివిటీ, వాపు రావడం సాధారణంగా కనిపిస్తుంది. కొంతమందికి కొన్ని రోజుల పాటు నుదురు, కళ్ల చుట్టూ కూడా వాపు వస్తుంది. ఈ సమస్య సాధారణంగా స్వల్పకాలికంగా ఉండి.. క్రమంగా తగ్గిపోతుంది.

Also Read : మెంతులు, మందారంతో హెయిర్ ఆయిల్.. జుట్టు సమస్యలు దూరం చేసుకునేందుకు ఇంట్లో ప్రిపేర్ చేసుకోండిలా

ఇన్ఫెక్షన్ ప్రమాదం

జుట్టు మార్పిడి అనేది ఒక శస్త్రచికిత్స ప్రక్రియ కాబట్టి.. ఇన్ఫెక్షన్ ప్రమాదం ఎప్పటికీ పూర్తిగా పోదు. ప్రక్రియ సమయంలో పరిశుభ్రత పాటించకపోయినా లేదా ఆ తర్వాత డాక్టర్ సూచించిన జాగ్రత్తలు తీసుకోకపోయినా.. ఇన్ఫెక్షన్ సోకవచ్చు. అందువల్ల వాపు, చీము, నొప్పి పెరగడం లేదా జ్వరం వంటి లక్షణాలు కనిపిస్తే డాక్టర్‌ను సంప్రదించడం ముఖ్యం.

జుట్టు రాలిపోతుందా?

హెయిర్ ట్రాన్స్‌ప్లాంట్ తర్వాత చాలామంది ట్రాన్స్ప్లాంట్ చేసిన జుట్టుతో పాటు దాని చుట్టూ ఉన్న జుట్టును కూడా తాత్కాలికంగా కోల్పోతారట. దీనిని షాక్ లాస్ అంటారు. అయితే చాలా సందర్భాలలో ఇది తాత్కాలికమే. జుట్టు తిరిగి పెరగడం మళ్లీ మొదలవుతుంది. కొత్త జుట్టు పూర్తిగా పెరగడానికి కొన్ని నెలల సమయం పట్టవచ్చు. హెయిర్ ట్రాన్స్‌ప్లాంట్ తర్వాత తలపై దురద, చిమచిమలాడటం లేదా తిమ్మిరి కూడా కలగవచ్చు. ఇది చర్మం, నరాలపై తాత్కాలిక ప్రభావాలు చూపిస్తుంది.

Also Read : మందార పువ్వులతో హెయిర్ మాస్క్ ఇలా చేసుకోండి.. అప్లై చేసే విధానం, జుట్టుకు కలిగే లాభాలివే

వైద్యుడి ఎంపిక

హెయిర్ ట్రాన్స్‌ప్లాంట్ చేయించుకునే ముందు కేవలం ధరను బట్టి క్లినిక్‌ను ఎంచుకోవడం మంచిది కాదు. డాక్టర్ అర్హతలు, అనుభవం, ఉపయోగించే పద్ధతులు, క్లినిక్ పరిశుభ్రత, మీ జుట్టు పరిస్థితిని పరిగణనలోకి తీసుకోవడం చాలా ముఖ్యం. మీకు 23 లేదా 25 సంవత్సరాల కంటే తక్కువ వయస్సు ఉంటే.. హెయిర్ ట్రాన్స్‌ప్లాంట్ చేయించుకోవద్దని చెప్తారు. మీ తలలోని ఒక నిర్దిష్ట ప్రాంతంలో జుట్టు 70 నుంచి 100 శాతం వరకు తొలగిపోయినప్పుడు హెయిర్ ట్రాన్స్‌ప్లాంట్ చేయించుకోవడం మంచిదని చెప్తారు.

Also Read : జుట్టు రాలిపోతూ.. పలుచగా మారుతోందా? కారణాలు, హెయిర్ డెన్సిటీ పెంచుకునే చిట్కాలు ఇవే

Hair Oils for Men : మగవారికి జుట్టుకు ఏ ఆయిల్ మంచిది? హెయిర్ ఫాల్, పలుచబడిన జుట్టుకు ఇవి ట్రై చేయండి

Geddam Vijaya Madhuri — Tue, 6 Oct 2026 10:58:45 +0530

Best Hair Oils for Men to Prevent Hair Fall and Thinning : జుట్టు రాలడం, జుట్టు పలుచబడటం మగవారిలో చాలా సాధారణంగా కనిపించే సమస్య. వయసు పెరిగే కొద్దీ చాలామందిలో హెయిర్‌లైన్ వెనక్కి వెళ్లడం, పై భాగంలో జుట్టు పలుచబడటం కనిపిస్తుంది. దీంతో చాలామంది హెయిర్ గ్రోత్ కోసం వివిధ రకాల ఇంటి చిట్కాలు, నూనెలను ట్రై చేస్తూ ఉంటారు. ముఖ్యంగా జుట్టు రాలుతుంటే నెలకు ఓసారి కూడా నూనెను రాసుకోని వారు.. వారానికోసారైనా నూనె అప్లై చేయాలనుకుంటారు.

అయితే ప్రతి ఆయిల్ జుట్టును తిరిగి పెంచుతుందని చెప్పలేము కానీ.. కొన్ని నూనెలు స్కాల్ప్‌ను ఆరోగ్యంగా ఉంచడంతో పాటు జుట్టు పొడిబారడం, విరిగిపోవడం వంటి సమస్యలను తగ్గించడంలో హెల్ప్ చేస్తాయి. మరి మగవారికి జుట్టుకు ఏ ఆయిల్స్ మంచి ఫలితాలు ఇస్తాయో చూసేద్దాం.

Also Read : జుట్టు ఎక్కువగా రాలుతోందా? ఒత్తుగా, ఆరోగ్యంగా పెరగాలంటే ఈ టిప్స్ ఫాలో అవ్వండి

రోజ్‌మేరీ ఆయిల్

హెయిర్ గ్రోత్ కోసం ఎక్కువగా ప్రాచూర్యం పొందిన నూనెల్లో రోజ్‌మేరీ ఆయిల్ ఒకటి. ఇది స్కాల్ప్‌లో రక్తప్రసరణకు తోడ్పడటం ద్వారా హెయిర్ ఫోలికల్స్‌కు సహకరిస్తుందని చెప్తారు. కొన్ని పరిశోధనల్లో Pattern Hair Loss ఉన్నవారిలో రోజ్‌మేరీ ఆయిల్ మంచి ఫలితాలు చూపించింది. అయితే దీనిని నేరుగా స్కాల్ప్‌పై అప్లై చేయకుండా కొబ్బరి వంటి నూనెలో తక్కువ మోతాదులో కలిపి ఉపయోగించాలి.

కొబ్బరి నూనె

కొబ్బరి నూనె జుట్టు సంరక్షణలో చాలాకాలంగా ఉపయోగిస్తున్నారు. ఇది జుట్టు కుదుళ్లలోకి కొంతవరకు చొచ్చుకుపోయి ప్రోటీన్ లాస్, బ్రేకేజ్ తగ్గించడంలో సహాయపడొచ్చు. దీంతో జుట్టు పొడవుగా, బలంగా కనిపించవచ్చు. అయితే కొబ్బరి నూనె కొత్త హెయిర్ ఫోలికల్స్‌ను ఇస్తుందని చెప్పలేము.

Also Read : జుట్టు, స్కిన్, ఆరోగ్యానికి మెంతులు మంచివే అయినా.. కొందరు వీటిని తినకూడదట, ఎందుకంటే?

పెప్పర్‌మింట్ ఆయిల్

పెప్పర్‌మింట్ ఆయిల్ స్కాల్ప్‌కు చల్లదనాన్ని కలిగిస్తుంది. ఇందులోని కొన్ని సమ్మేళనాలు హెయిర్ ఫోలికల్స్‌పై ప్రభావం చూపించవచ్చని పరిశోధనలు చెప్తున్నాయి. అయితే జుట్టు తిరిగి పెరగడంపై మరిన్ని పరిశోధనలు చేయాల్సి ఉంది.

ఆముదం

ఆముదంలో రిసినోలిక్ యాసిడ్ ఉంటుంది. ఇది జుట్టుకు, స్కాల్ప్‌కు తేమను అందించడంలో సహాయపడుతుంది. జుట్టు పొడిబారడం, విరిగిపోవడం తగ్గించడంలో ఉపయోగపడొచ్చు. అయితే ఆముదం కొత్త జుట్టు పెరుగుదలను నేరుగా ప్రేరేపిస్తుందని చెప్పే బలమైన ఆధారాలు లేవు.

Also Read : క్రియేటిన్ వల్ల బట్టతల వస్తోందా? 20-30 ఏళ్లకే జుట్టు రాలడానికి డాక్టర్లు చెప్తోన్న కారణాలు ఇవే

ఉసిరి నూనె

ఉసిరిలో యాంటీఆక్సిడెంట్లు, విటమిన్ సి వంటి పోషకాలు ఉంటాయి. అందుకే స్కాల్ప్, జుట్టు సంరక్షణ కోసం చాలామంది దీనిని ఉపయోగిస్తారు. ఇవి జుట్టును కండిషన్ చేయడంలో, పొడిబారడం తగ్గించడంలో సహాయపడొచ్చు.

ఏ ఆయిల్ ఎంచుకుంటే మంచిది..

జుట్టు రాలడం ఇప్పుడిప్పుడే మొదలై.. స్కాల్ప్, జుట్టు సంరక్షణ కోసం చూస్తున్నట్లయితే కొబ్బరి లేదా ఆమ్లా ఆయిల్‌ ఉపయోగించవచ్చు. హెయిర్ గ్రోత్ ఆలోచిస్తున్నట్లయితే రోజ్‌మేరీ ట్రై చేయవచ్చు. గుర్తించుకోవాల్సిన విషయం ఏంటంటే దీనిని నేరుగా స్కాల్ప్‌పై రాయకుండా ఇతర నూనెలో కలిపి డైల్యూట్ చేసి అప్లై చేసుకోవాలి.

జుట్టు పలుచబడటం, నుదురు దగ్గర హెయిర్‌లైన్ వెనక్కి వెళ్లడం లేదా తల మధ్యలో జుట్టు తగ్గడం కనిపిస్తే.. అది Male Pattern Hair Loss కావచ్చు. ఇలాంటి సందర్భాల్లో నూనెలపై మాత్రమే ఆధారపడకుండా.. కారణాన్ని గుర్తించేందుకు డెర్మటాలజిస్ట్‌ను సంప్రదించడం మంచిది. అవసరాన్ని బట్టి వారు సూచించే టిప్స్, మెడిసన్స్, చికిత్సలను ఫాలో అయితే మంచి ఫలితాలు చూడవచ్చు.

Also Read : మినాక్సిడిల్ ఎవరు వాడాలి? ఎంత మోతాదులో అప్లై చేయాలి? ఆపేస్తే మళ్లీ జుట్టు రాలిపోతుందా?

Rice Flour For Skin : రైస్ వాటర్ మాత్రమే కాదు.. బియ్యపు పిండితోనూ గ్లోయింగ్ స్కిన్ సొంతం చేసుకోవచ్చు.. ఇలా అప్లై చేయండి

Geddam Vijaya Madhuri — Tue, 6 Oct 2026 07:36:23 +0530

Rice Flour For Naturally Glowing Skin : చర్మ సంరక్షణలో ఎంతో కాలంగా రైస్ వాటర్ ఉపయోగిస్తున్నారు. గ్లోయింగ్, మెరిసే స్కిన్ కేర్లో భాగంగా నేరుగా, ఇతర రైస్ వాటర్ బేస్డ్ ప్రొడెక్ట్స్ వినియోగిస్తున్నారు. చాలామంది దీనివల్ల మంచి ఫలితాలు చూశామని చెప్పారు. అయితే కేవలం రైస్ వాటరే కాదు.. బియ్యపు పిండి కూడా స్కిన్ కేర్లో భాగంగా ఉపయోగించవచ్చని చెప్తున్నారు. మృదువైన, మెరిసే, క్లియర్ స్కిన్ కోసం బియ్యపు పిండిని స్కిన్ కేర్ రొటీన్లో చేర్చుకోవచ్చట.

అడ్వాన్సెస్ ఇన్ సోషల్ సైన్స్, ఎడ్యుకేషన్, అండ్ హ్యుమానిటీస్ రీసెర్చ్ జర్నల్‌లో ప్రచురించిన అధ్యయనం ప్రకారం.. బియ్యం ఆధారిత ఫార్ములేషన్లు చర్మ ఆకృతిని మెరుగుపరచి.. మరింత ఈవెన్ స్కిన్టోన్కు తోడ్పడతాయి. దీనిలోని సహజ ఎంజైమ్‌లు కాలక్రమేణా కాంతిహీనత, తేలికపాటి పిగ్మెంటేషన్‌ను తగ్గించడంలో కూడా సహాయపడతాయని గుర్తించారు.

Also Read : రైస్ వాటర్తో మెరిసే చర్మం, బలమైన జుట్టు కావాలా? ఈ టిప్స్ ఫాలో అవ్వండి

బియ్యపు పిండి ప్రయోజనాలు..

కాస్త బరకగా చేసిన బియ్యపు పిండి సహజమైన ఎక్స్‌ఫోలియేటర్గా పనిచేస్తుంది. ఇది చర్మంలోని తేమను తొలగించకుండా.. అదనపు నూనెను గ్రహిస్తూ.. డెడ్ స్కిన్ తొలగించడంలో హెల్ప్ చేస్తుంది. అయితే మంచి ఫలితాలు పొందాలంటే బియ్యపు పిండిని సరైన పద్ధతిలో వాడాల్సి ఉంటుంది. అప్పుడే ప్రకాశవంతమైన చర్మం, మెరుగైన ఆకృతి, సమతుల్యమైన ఛాయ అందుతుంది. మరి దీనిని ఏ స్కిన్ ఉన్నవారు ఎలా ఉపయోగించాలో.. ఎలా వాడితే మంచి ఫలితాలు ఉంటాయో చూసేద్దాం.

స్కిన్ ఎక్స్ఫోలియేషన్ కోసం..

మీరు చర్మాన్ని ఎక్స్ఫోలియేట్ చేయాలనుకుంటున్నారా అయితే.. 2 టేబుల్ స్పూన్ల బియ్యప్పిండిలో 1 టేబుల్ స్పూన్ తేనె కలపండి. ముఖంపై సున్నితంగా మసాజ్ చేసి.. 15 నిమిషాలు ఉంచి.. తర్వాత చల్లటి నీటితో కడిగేయండి. వారంలో రెండుసార్లు చేస్తే మంచి ఫలితాలు చూడవచ్చు.

చర్మం పొడిబారకుండా..

జిడ్డు చర్మం లేదా మొటిమలు ఉంటే.. బియ్యం పిండి ముఖానికి అప్లై చేయవచ్చు. ఇది అధిక సెబమ్‌ను గ్రహించి.. చర్మ రంధ్రాలను బిగుతుగా చేయడానికి సహాయం చేస్తుంది. కఠినమైన క్లెన్సర్‌ల కాకుండా.. చర్మపు రక్షణ పొరను దెబ్బతీయకుండా ముఖం తాజాగా ఉంచుతుంది. అలాగే మొటిమలు తగ్గేందుకు మేలు చేస్తుంది.

పొడి చర్మం ఉన్నవారు టేబుల్ స్పూన్ బియ్యప్పిండిలో 1 టేబుల్ స్పూన్ తేనె, 1 స్పూన్ అవకాడో గుజ్జు వేసి కలపాలి. అప్లై చేసి 15 నిమిషాలు తర్వాత కడిగేస్తే ముఖానికి సహజమైన తేమ అందుతుంది. ఇది చర్మాన్ని మెరిసేలా, హైడ్రేటెడ్గా చేస్తుంది.

Also Read : రైస్ వాటర్తో జుట్టు రాలడం నిజంగానే తగ్గుతుందా? దానిని ఎలా ఉపయోగిస్తే మంచిది?

సెన్సిటివ్ స్కిన్ ఉంటే..

బియ్యపు పిండిలో సహజమైన యాంటీ ఇన్‌ఫ్లమేటరీ గుణాలు ఉన్నాయి. ఇవి చర్మంపై ఎరుపుదనాన్ని, చికాకును తగ్గించడంలో సహాయపడతాయి. పెరుగు లేదా తేనె వంటి వాటితో అప్లై చేస్తే చర్మానికి అనుకూలంగా ఉంటుంది.

మీకు సెన్సిటివ్ స్కిన్ ఉంటే.. 2 టేబుల్ స్పూన్ల బియ్యప్పిండిలో 1 టేబుల్ స్పూన్ పెరుగు కలపండి. బాగా కలిపి సమానంగా అప్లై చేసి 10 నిమిషాలు ఉంచాలి. ఆ తర్వాత కడిగేయండి.

వృద్ధాప్య లక్షణాలకై..

బియ్యపు పిండిలో విటమిన్ ఇ వంటి యాంటీఆక్సిడెంట్లు ఉంటాయి. ఇవి కాలుష్యం, సూర్యరశ్మి వల్ల కలిగే ఫ్రీ రాడికల్స్‌తో పోరాడటానికి సహాయపడతాయి. ఈ యాంటీఆక్సిడెంట్లు ఫైన్ లైన్స్ తగ్గించి వృద్ధాప్య లక్షణాలు దూరం చేయడంలో ముఖ్యపాత్ర పోషిస్తాయి. క్రమం తప్పకుండా ఉపయోగిస్తే మరింత యవ్వనమైన రూపాన్ని పొందవచ్చు.

జిడ్డు చర్మం ఉన్నవారు 2 టేబుల్ స్పూన్ల బియ్యప్పిండిలో 2 టేబుల్ స్పూన్ల ముల్తానీ మట్టి, రోజ్ వాటర్ కలిపి పేస్ట్ తయారు చేసుకోవాలి. 10 నిమిషాలు ఉంచి కడిగేస్తే జిడ్డు చర్మం తగ్గుతుంది. ఫేస్ గ్లోయింగ్గా మెరుస్తుంది.

ఫేస్ ప్యాక్గా వాడాలనుకుంటే..

మెరిసే చర్మం కావాలనుకునేవారు 2 టేబుల్ స్పూన్ల బియ్యప్పిండిలో చిటికెడు పసుపు, పాలు లేదా పెరుగు వేసి ఫేస్ ప్యాక్గా అప్లై చేసుకోవచ్చు. 15 నిమిషాలు ఉంచి, కడిగేస్తే ముఖంలో సహజమైన మెరుపు వస్తుంది.

బియ్యం పిండిని అతిగా వాడటం కంటే.. రెగ్యులర్గా వాడితే మంచి ఫలితాలు చూడగలుగుతారు. అయితే మీ స్కిన్ కేర్ రొటీన్లో దీనిని చేర్చుకునే ముందు కచ్చితంగా ప్యాచ్ టెస్ట్ చేసుకోవడం మంచిది.

Also Read : 50ల్లో ముడతలు, డ్రై స్కిన్ తగ్గాలంటే.. డైట్‌లో ఈ చిన్న మార్పులు చేయండి

beauty

Japanese Beauty Secrets : తక్కువ ఖర్చుతో గ్లోయింగ్ స్కిన్ సొంతం చేసుకోవాలా? ఈ 5 జపనీస్ చిట్కాలు ట్రై చేయండి

స్కిన్ కేర్ ప్రొడెక్ట్స్ ఎంపిక

స్కిన్ హైడ్రేషన్

వంటగదిలోని బ్యూటీ సీక్రెట్

ఎండ నుంచి రక్షణ

జెంటిల్ క్లీనింగ్

అందమైన చర్మం కోసం..

Sesame Seeds Benefits : నువ్వులు తింటే చర్మం మెరుస్తుందా? జుట్టు బలంగా పెరుగుతుందా? నిజాలు ఇవే

చర్మానికి నువ్వులతో కలిగే ప్రయోజనాలు

జుట్టుకు నువ్వులతో కలిగే ప్రయోజనాలు

జుట్టు ఎక్కువగా రాలడానికి కారణాలు..

నువ్వులను ఎలా తీసుకుంటే మంచిది?

Moringa Powder : చర్మం మెరిసేందుకు, జుట్టు బలంగా ఉండేందుకు మునగాకు పొడిని తీసుకోవచ్చా? ఎలా తింటే మంచిది?

DIY Body Scrub : ఇంట్లోనే ఫేస్ స్క్రబ్ తయారీ.. ముఖం, శరీరానికి మెరుపు కోసం ఈ పదార్థాలతో ట్రై చేయండి

స్క్రబ్ తయారీకి కావాల్సిన పదార్థాలు

తయారీ విధానం

స్క్రబ్‌ను ఎలా అప్లై చేయాలంటే..

ఎన్నిసార్లు అప్లై చేసుకోవచ్చంటే..

స్క్రబ్​తో కలిగే లాభాలు

గుర్తించుకోవాల్సిన విషయాలివే

Prevent Wrinkles : ముఖంపై ముడతలు వస్తున్నాయా? వృద్ధాప్య ఛాయలను దూరం చేసే టిప్స్ ఏంటో చూసేద్దాం

Tanned Feet : ఎండకు పాదాలు నల్లగా మారాయా? ట్యాన్, డల్​నెస్ తగ్గించే ఇంటి చిట్కాలు ఇవే

Beetroot Ice Cubes : బీట్‌రూట్ ఐస్ క్యూబ్స్‌తో ఫ్రెష్ లుక్ మీ సొంతం.. ఇంట్లోనే ఇలా తయారు చేసుకోండి

Hair Transplant : హెయిర్ ట్రాన్స్‌ప్లాంట్ చేయించుకుంటే ఎలాంటి సైడ్ ఎఫెక్ట్స్ ఉంటాయి? కచ్చితంగా తెలుసుకోండి

హెయిర్ ట్రాన్స్‌ప్లాంట్‌

మార్పిడి తర్వాత వాపు, నొప్పి

ఇన్​ఫెక్షన్ ప్రమాదం

జుట్టు రాలిపోతుందా?

వైద్యుడి ఎంపిక

Hair Oils for Men : మగవారికి జుట్టుకు ఏ ఆయిల్ మంచిది? హెయిర్ ఫాల్, పలుచబడిన జుట్టుకు ఇవి ట్రై చేయండి

రోజ్‌మేరీ ఆయిల్

కొబ్బరి నూనె

పెప్పర్‌మింట్ ఆయిల్

ఆముదం

ఉసిరి నూనె

ఏ ఆయిల్ ఎంచుకుంటే మంచిది..

Rice Flour For Skin : రైస్ వాటర్ మాత్రమే కాదు.. బియ్యపు పిండితోనూ గ్లోయింగ్ స్కిన్ సొంతం చేసుకోవచ్చు.. ఇలా అప్లై చేయండి

బియ్యపు పిండి ప్రయోజనాలు..

స్కిన్ ఎక్స్​ఫోలియేషన్ కోసం..

చర్మం పొడిబారకుండా..

సెన్సిటివ్ స్కిన్ ఉంటే..

వృద్ధాప్య లక్షణాలకై..

ఫేస్ ప్యాక్​గా వాడాలనుకుంటే..

స్క్రబ్తో కలిగే లాభాలు

Tanned Feet : ఎండకు పాదాలు నల్లగా మారాయా? ట్యాన్, డల్నెస్ తగ్గించే ఇంటి చిట్కాలు ఇవే

ఇన్ఫెక్షన్ ప్రమాదం

స్కిన్ ఎక్స్ఫోలియేషన్ కోసం..

ఫేస్ ప్యాక్గా వాడాలనుకుంటే..