beauty

DIY Sandalwood Face Packs : గంధంతో ఫేస్ ప్యాక్స్.. మెరిసే, మృదువైన స్కిన్ కోసం పాలు, తేనె, పెరుగుతో కలిపి అప్లై చేయండిలా

Geddam Vijaya Madhuri — Thu, 12 Nov 2026 14:28:35 +0530

Sandalwood Face Packs For Healthy Skin : చర్మ సంరక్షణ కోసం ఖరీదైన బ్యూటీ ప్రొడక్ట్స్ ఉపయోగించాల్సిన అవసరం లేదు. మన వంటింట్లో, ఇంట్లో సులభంగా దొరికే కొన్ని పదార్థాలతో కూడా చర్మాన్ని జాగ్రత్తగా చూసుకోవచ్చు. అలాంటి వాటిలో గంధం పొడి ఒకటి. అందుకే ఎన్నో ఏళ్లుగా చర్మ సంరక్షణలో భాగంగా చందనాన్ని ఉపయోగిస్తుంటారు. దీనిలో చర్మానికి చల్లదనాన్ని అందించే గుణాలు ఉంటాయి.

గంధంలో ఇతర పదార్థాలతో కలిపి ఫేస్ ప్యాక్‌లా ఉపయోగించుకోవచ్చు. పెరుగు, తేనె, పాలు, కలబంద వంటి పదార్థాలతో గంధం పొడిని కలిపి.. వివిధ రకాల ఫేస్ ప్యాక్‌లు ట్రై చేయవచ్చు. మరి వాటిని ఎలా తయారు చేసుకోవాలో.. వేటిని గంధంతో కలిపితే చర్మానికి ఎలాంటి లాభాలు అందుతాయో ఇప్పుడు తెలుసుకుందాం.

Also Read : పార్లర్లో ఫేస్ క్లీన్‌అప్ చేయించుకోవడం మంచిదా? ఫేషియల్ చేయించుకుంటే బెటరా?

గంధంలో పాలు.. ఫేస్ ప్యాక్

చర్మం పొడిబారి గట్టిగా మారినట్లు అనిపిస్తోందా? అలాంటప్పుడు చందనం పొడి, పాలతో ఫేస్ ప్యాక్ తయారు చేసుకోవచ్చు. ఒక టేబుల్ స్పూన్ గంధం పొడిలో రెండు టేబుల్ స్పూన్ల పాలు, కొన్ని చుక్కల రోజ్ వాటర్ కలపాలి. ఈ మిశ్రమాన్ని ముఖం, మెడకు సమానంగా అప్లై చేసి 15 నిమిషాల తర్వాత గోరువెచ్చని నీటితో కడిగేయాలి. తర్వాత మాయిశ్చరైజర్ రాసుకోవాలి.

చందనతో, తేనె.. తేమ కోసం

తేనెలో చర్మానికి తేమను అందించడంలో సహాయపడే గుణాలు ఉంటాయి. చందనం పొడితో కలిపి ఉపయోగిస్తే చర్మ సంరక్షణలో ఒక మంచి ఫేస్ ప్యాక్‌గా ఉపయోగించుకోవచ్చు. ఒక టేబుల్ స్పూన్ చందనం పొడిలో ఒక టీ స్పూన్ తేనె, కొద్దిగా నీరు కలిపి పేస్ట్‌లా తయారు చేసుకోవాలి. దీన్ని కళ్ల చుట్టూ అప్లై చేయకుండా ముఖానికి రాసి సుమారు 10 నిమిషాల తర్వాత నీటితో కడిగేయాలి.

Also Read : అరటిపండు ఫేస్ మాస్క్.. ఇంట్లోనే మెరిసే, హెల్తీ స్కిన్ కోసం సులభమైన DIY చిట్కాలు

ఫ్రెష్ లుక్ కోసం.. పెరుగుతో

పెరుగును చాలామంది ఇంటి చిట్కాల్లో భాగంగా ఉపయోగిస్తుంటారు. ఇందులోని తేమ గుణాలు చర్మాన్ని మృదువుగా ఉంచడంలో సహాయపడవచ్చు. ఒక టేబుల్ స్పూన్ చందనం పొడికి సమానంగా తాజా పెరుగు కలిపి.. కొన్ని చుక్కల రోజ్ వాటర్ వేయాలి. ఈ మిశ్రమాన్ని ముఖానికి పలుచగా అప్లై చేసి 10 నిమిషాల తర్వాత మెల్లగా కడిగేయాలి.

గంధంతో కలబంద.. చల్లదనం కోసం

ఎండలో ఎక్కువగా తిరిగినప్పుడు చర్మం వేడిగా, అసౌకర్యంగా అనిపించవచ్చు. అలాంటప్పుడు కలబంద జెల్‌తో చందనం పొడిని కలిపి ఫేస్ ప్యాక్ తయారు చేసుకోవచ్చు. ఒక టేబుల్ స్పూన్ చందనం పొడిలో ఒక టేబుల్ స్పూన్ స్వచ్ఛమైన కలబంద జెల్ కలపాలి. అవసరమైతే కొద్దిగా నీరు జోడించి ముఖానికి అప్లై చేయాలి. 10 నిమిషాల తర్వాత కడిగేయాలి.

Also Read : కళ్ల కింద నెయ్యి రాస్తే బ్లాక్ సర్కిల్స్ తగ్గుతాయా? ప్రతిరోజూ రాత్రి అప్లై చేస్తే కలిగే లాభాలివే

గంధం పొడి ఓట్స్తో కలిపి అప్లై చేస్తే..

చర్మం సున్నితంగా ఉండేవారు ఏ ఉత్పత్తి ఉపయోగించినా జాగ్రత్తగా ఉండాలి. అలాంటి వారు మెత్తగా పొడి చేసిన ఓట్స్‌తో చందనం పొడిని కలిపి ఫేస్ ప్యాక్ తయారు చేసుకోవచ్చు. ఒక టేబుల్ స్పూన్ ఓట్స్ పొడిలో ఒక టీ స్పూన్ చందనం పొడి, సరిపడా నీరు కలిపి పేస్ట్‌లా చేయాలి. ముఖానికి అప్లై చేసి 10 నిమిషాల తర్వాత రుద్దకుండా మెల్లగా కడిగేయాలి.

తీసుకోవాల్సిన జాగ్రత్తలు

మీరు ఫేస్ ప్యాక్ కోసం ఉపయోగించేవి సహజమైన పదార్థాలైనా అందరి చర్మానికి సరిపోతాయని అనుకోకూడదు. ముందుగా ప్యాచ్ టెస్ట్ చేసుకోవాలి. మంచి నాణ్యత కలిగిన కాస్మెటిక్ గ్రేడ్ చందనం పొడినే వాడాలి. ముఖంపై గాయాలు, దద్దుర్లు, అలర్జీ లేదా చికాకు ఉన్నప్పుడు ఈ ఫేస్ ప్యాక్‌లు ఉపయోగించకూడదు. అప్లై చేసిన తర్వాత మంట, దురద లేదా చికాకు అనిపిస్తే వెంటనే కడిగేయాలి.

అలాగే ప్రతిరోజూ ఫేస్ ప్యాక్‌లు వేసుకోవాల్సిన అవసరం లేదు. అప్పుడప్పుడు మాత్రమే ఉపయోగించాలి. ఫేస్ ప్యాక్‌లు ఉపయోగించినంత మాత్రాన క్లెన్సర్, మాయిశ్చరైజర్, సన్‌స్క్రీన్ వంటి రోజువారీ చర్మ సంరక్షణ పద్ధతులను వదిలేయకూడదు. కచ్చితంగా వీటిని ఉపయోగిస్తే మంచి ఫలితాలు చూడగలుగుతారు.

Also Read : ఎండలో తిరిగి ట్యాన్ అయ్యారా? ఈ ఇంటి చిట్కాలు, ఫేస్ ప్యాక్‌లతో చర్మానికి మళ్లీ మెరుపు తీసుకురండి

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Night Hair Care Routine : రాత్రి పడుకునేముందు జుట్టు విషయంలో ఈ తప్పులు చేయకండి.. లేదంటే ఇంకా రాలిపోవచ్చు

Geddam Vijaya Madhuri — Wed, 11 Nov 2026 22:37:55 +0530

Niacinamide Vs Vitamin C : నయాసినమైడ్ Vs విటమిన్ C.. స్కిన్ హెల్తీగా ఉండాలంటే ఏది బెస్ట్? మీ చర్మం కోసం ఇలా ఎంచుకోండి

Geddam Vijaya Madhuri — Wed, 11 Nov 2026 12:28:54 +0530

Niacinamide or Vitamin C For Skin Concerns : ముఖంపై మొటిమలు, జిడ్డు, పెద్దగా కనిపించే పోర్స్ ఉంటే ఒక సీరమ్ కొనాలా? లేక పిగ్మెంటేషన్, డార్క్ స్పాట్స్ తగ్గించుకోవడానికి విటమిన్ C వాడాలా? స్కిన్‌కేర్ ప్రొడక్ట్స్ కొనేటప్పుడు చాలామందికి ఉండే డౌట్ ఇది. నయాసినమైడ్, విటమిన్ C రెండూ మంచి స్కిన్‌కేర్ పదార్థాలే అయినా.. రెండూ ఒకేలా పని చేయవని చెప్తున్నారు స్కిన్ కేర్ నిపుణులు. మీ చర్మ సమస్య, స్కిన్ టైప్‌ను బట్టి వీటిని ఎంచుకోవాలని సూచిస్తున్నారు.

డెర్మటాలజిస్ట్ ప్రకారం.. ఈ రెండు పదార్థాలు చర్మ ఆరోగ్యాన్ని మెరుగుపరచడంలో సహాయపడతాయి. మరి నయాసినమైడ్, విటమిన్ సి వల్ల ఎలాంటి ప్రయోజనాలు ఉంటాయి? మీ చర్మానికి ఏది సరిపోతుందో.. వాటిని ఎంచుకోవాలో ఇప్పుడు చూద్దాం.

Also Read : చర్మం మెరవాలన్నా.. జుట్టు ఒత్తుగా ఉండాలన్నా తీసుకోవాల్సిన 5 సప్లిమెంట్స్ ఇవే

నయాసినమైడ్ లాభాలు

నయాసినమైడ్ అనేది విటమిన్ B3 రూపం. ఇది చర్మం సహజ రక్షణ పొరను లేదా స్కిన్ బ్యారియర్‌ను బలోపేతం చేయడంలో సహాయపడుతుంది. అలాగే చర్మంలో అధికంగా ఉత్పత్తి అయ్యే జిడ్డును నియంత్రించడంలో కూడా ఉపయోగపడవచ్చు. నయాసినమైడ్ మెలనిన్ చర్మ కణాలకు చేరే ప్రక్రియపై ప్రభావం చూపి పిగ్మెంటేషన్ తగ్గించడంలో సహాయపడవచ్చు.

మొటిమలు, ఎర్రబడటం, పెద్దగా కనిపించే పోర్స్ సమస్యలున్న వారికి కూడా ఇది మంచిదని చెప్పవచ్చు. నయాసినమైడ్‌ ఉపయోగించాలనుకుంటే.. ఉదయం లేదా రాత్రి స్కిన్‌కేర్ రొటీన్‌లో దీనిని చేర్చుకోవచ్చు.

Also Read : ఖాళీ కడుపుతో ఉసిరి రసం తాగితే బరువు తగ్గుతారా? చర్మం మెరుస్తుందా? నిజాలివే

విటమిన్ సి ఉపయోగాలు

విటమిన్ సి ఒక శక్తివంతమైన యాంటీఆక్సిడెంట్. సూర్యరశ్మి, కాలుష్యం వంటి కారణాల వల్ల చర్మంపై ఏర్పడే ఆక్సిడేటివ్ ఒత్తిడిని ఎదుర్కోవడంలో ఇది సహాయపడుతుంది. మెలనిన్ ఉత్పత్తిలో భాగమైన టైరోసినేస్ అనే ఎంజైమ్‌పై ప్రభావం చూపి పిగ్మెంటేషన్, డార్క్ స్పాట్స్ తగ్గించడంలో హెల్ప్ చేస్తుంది. అలాగే విటమిన్ C కొల్లాజెన్ ఉత్పత్తికి కూడా మద్దతు ఇస్తుంది. అందుకే యాంటీ-ఏజింగ్ స్కిన్‌కేర్‌లో దీనిని ప్రముఖంగా ఉపయోగిస్తారు.

డార్క్ స్పాట్స్, పిగ్మెంటేషన్ ఉన్నవారు, స్కిన్ టోన్ అసమానంగా ఉన్నవారు, చర్మం డల్‌గా కనిపిస్తుంటే, యాంటీ-ఏజింగ్ స్కిన్‌కేర్ కోసం చూస్తుంటే దీనిని వాడవచ్చు. అయితే సెన్సిటివ్ స్కిన్ ఉన్నవారిలో విటమిన్ C కొన్నిసార్లు మంట లేదా చికాకు కలిగించవచ్చు. కాబట్టి తక్కువ గాఢత ఉన్న ఉత్పత్తితో ప్రారంభించడం మంచిది. దీనిని ఉదయం ఉపయోగిస్తే సన్‌స్క్రీన్ తప్పనిసరిగా వాడాలి.

Also Read : తక్కువ ఖర్చుతో గ్లోయింగ్ స్కిన్ సొంతం చేసుకోవాలా? ఈ 5 జపనీస్ చిట్కాలు ట్రై చేయండి

నయాసినమైడ్ Vs విటమిన్ సి..

మీ స్కిన్ అవసరాన్ని బట్టి ఏది ఎంచుకోవాలని మీరు నిర్ణయం తీసుకోవాలి. జిడ్డు, మొటిమలు, సెన్సిటివ్ స్కిన్, స్కిన్ బ్యారియర్ సమస్యలు ప్రధానంగా ఉంటే నయాసినమైడ్ ఒక మంచి ఎంపిక. పిగ్మెంటేషన్, డార్క్ స్పాట్స్, డల్ స్కిన్, అసమాన స్కిన్ టోన్ ప్రధాన సమస్య అయితే విటమిన్ సి బెస్ట్.

రెండింటినీ కలిపి వాడొచ్చా?

నయాసినమైడ్, విటమిన్ సి రెండింటినీ స్కిన్‌కేర్ రొటీన్‌లో ఉపయోగించవచ్చు. విటమిన్ సి యాంటీఆక్సిడెంట్ రక్షణ, స్కిన్ బ్రైట్‌నింగ్‌పై పనిచేస్తే.. నయాసినమైడ్ చర్మాన్ని సాంత్వనపరచడం, స్కిన్ బ్యారియర్‌కు మద్దతు ఇవ్వడంలో సహాయపడుతుంది. అయితే ఒకేసారి కొత్త ప్రొడక్ట్స్ ఉపయోగించడం కంటే ఒక్కో ఉత్పత్తిని క్రమంగా రొటీన్‌లో చేర్చుకోవడం మంచిది. కొత్త సీరమ్ వాడే ముందు ప్యాచ్ టెస్ట్ చేయడం కూడా ముఖ్యమే.

Also Read : నువ్వులు తింటే చర్మం మెరుస్తుందా? జుట్టు బలంగా పెరుగుతుందా? నిజాలు ఇవే

Scalp Care Tips : చుండ్రు, జిడ్డు తగ్గడం లేదా? స్కాల్ప్ శుభ్రంగా ఉంచుకోవడానికి తలస్నానం చేసేప్పుడు ఈ టిప్స్ ఫాలో అవ్వండి

Geddam Vijaya Madhuri — Tue, 10 Nov 2026 10:08:27 +0530

Scalp Cleaning Tips to Prevent Dandruff : తలస్నానం చేసిన కొద్దిసేపటికే జుట్టు జిడ్డుగా మారడం, పదేపదే దురద పెట్టడం, తెల్లటి పొట్టు రాలడం వంటి సమస్యలు చాలామందిని ఇబ్బంది పెడుతుంటాయి. దీనిని కొందరు చుండ్రు అనుకుని తరచూ షాంపూ మారుస్తుంటారు. మరికొందరు జుట్టుకు ఎక్కువగా నూనె రాస్తుంటారు. కానీ స్కాల్ప్‌పై పేరుకుపోయిన జిడ్డు, డెడ్ స్కిన్ సెల్స్, హెయిర్ ప్రొడక్ట్స్ కూడా ఈ సమస్యలకు కారణం కావచ్చు. అందుకే జుట్టును మాత్రమే కాకుండా తల చర్మాన్ని కూడా శుభ్రంగా ఉంచుకోవాలి.

రెండుసార్లు వాష్ చేయండి

జుట్టుకు తరచూ నూనె, సీరమ్స్, హెయిర్ స్ప్రేలు ఉపయోగించేవారిలో స్కాల్ప్పై అవశేషాలు పేరుకుపోయే అవకాశం ఉంటుంది. అలాంటప్పుడు ఒక్కసారి షాంపూ చేయడం వల్ల పూర్తిగా శుభ్రం కాకపోవచ్చు. మొదటిసారి షాంపూ చేసినప్పుడు జిడ్డు, ప్రొడక్ట్స్ అవశేషాలు తొలగిపోతాయి. రెండోసారి తల చర్మాన్ని సున్నితంగా మసాజ్ చేస్తూ శుభ్రం చేసుకోవచ్చు. దీనివల్ల స్కాల్ప్ శుభ్రమవుతుంది.

Also Read : తలస్నానం తర్వాత జుట్టుకు నూనె రాయడం మంచిదేనా? డ్రై, ఆయిలీ హెయిర్ ఉన్నవారు ఏమి చేయాలి?

క్లారిఫైయింగ్ షాంపూ

సాధారణ షాంపూతో తొలగని జిడ్డు, సిలికాన్ ఆధారిత హెయిర్ ప్రొడక్ట్స్ అవశేషాలు, నీటిలోని ఖనిజ లవణాలు స్కాల్ప్‌పై పేరుకుపోవచ్చు. వీటిని తొలగించడానికి క్లారిఫైయింగ్ షాంపూలు ఉపయోగపడతాయి. అయితే వీటిని ప్రతిసారీ వాడకూడదు. అవసరాన్ని బట్టి అప్పుడప్పుడు మాత్రమే ఉపయోగించాలి. ఎక్కువగా వాడితే స్కాల్ప్ పొడిబారడం, చికాకు పెట్టడం వంటి సమస్యలు రావచ్చు.

స్కాల్ప్ ఎక్స్‌ఫోలియేషన్

స్కాల్ప్పైన కూడా డెడ్ స్కిన్ సెల్స్ పేరుకుపోతుంటాయి. దీనివల్ల పొట్టు, జిడ్డు, మురికి కలిసి అసౌకర్యాన్ని కలిగించవచ్చు. అందుకే అప్పుడప్పుడు స్కాల్ప్‌కు అనుకూలమైన ఎక్స్‌ఫోలియేటింగ్ ఉత్పత్తులను ఉపయోగించవచ్చు. గట్టిగా రుద్దడం, పదునైన పదార్థాలతో స్కాల్ప్‌ను గీకడం వంటివి చేయకూడదు.

Also Read : తెల్ల జుట్టును కవర్ చేయడానికి హెన్నా బెటరా? లేదా కలర్ వేసుకోవాలా? తీసుకోవాల్సిన జాగ్రత్తలివే

మసాజ్ చేయండి

షాంపూ చేసేటప్పుడు తలపై సున్నితంగా మసాజ్ చేయడం మంచిది. దీనివల్ల స్కాల్ప్పై ఉన్న జిడ్డు, మురికిని తొలగించడం ఈజీ అవుతుంది. ఇందుకోసం గోళ్లను ఉపయోగించకుండా వేళ్ల చివరి భాగాలతో నెమ్మదిగా మసాజ్ చేయాలి. వృత్తాకారంగా సున్నితంగా కదిలిస్తూ శుభ్రం చేసుకోవాలి.

ఎక్కువ నూనె రాయకండి

జుట్టు పొడిబారకుండా ఉండేందుకు చాలామంది ఎక్కువ మొత్తంలో నూనె రాసి గంటల తరబడి అలాగే ఉంచుతారు. అయితే స్కాల్ప్ ఇప్పటికే జిడ్డుగా ఉన్నప్పుడు అధికంగా నూనె రాయడం వల్ల మరింత అసౌకర్యం కలగవచ్చు. ముఖ్యంగా చుండ్రు సమస్యకు కారణమయ్యే ఈస్ట్ పెరుగుదలకు అనుకూల పరిస్థితులు ఏర్పడతాయి. కాబట్టి అవసరానికి మించి నూనె రాయకుండా, మీ స్కాల్ప్ స్వభావాన్ని రాయాల్సి ఉంటుంది.

Also Read : జుట్టు ఒత్తుగా, బలంగా పెరగాలంటే ఇవి తినండి.. కుదుళ్ల నుంచి పోషణ అందుతోందంటోన్న పరిశోధనలు

షాంపూ, కండిషనర్

తలస్నానం చేసిన తర్వాత కూడా దురద వస్తుంటే షాంపూ లేదా కండిషనర్ అవశేషాలు మిగిలిపోయాయేమో చెక్ చేయండి. ముఖ్యంగా చెవుల వెనుక, మెడ దగ్గర, తల పైభాగంలో ఉత్పత్తుల అవశేషాలు ఉండిపోవచ్చు. అందుకే తలస్నానం చేసేటప్పుడు తగినంత నీటితో జుట్టును పూర్తిగా కడగాలి.

స్కాల్ప్‌ను బట్టి తలస్నానం

జిడ్డు స్కాల్ప్ ఉన్నవారు అవసరాన్ని బట్టి ప్రతిరోజూ లేదా రోజు విడిచి రోజు తలస్నానం చేయవచ్చు. పొడి స్కాల్ప్ ఉన్నవారు తమ జుట్టు, చర్మ పరిస్థితిని బట్టి తలస్నానం చేసే వ్యవధిని నిర్ణయించుకోవాలి. సాధారణంగా వారానికి మూడు సార్లు తలస్నానం చేయడం కొందరికి సరిపోవచ్చు. అయితే ఇది అందరికీ వర్తించే నియమం కాదు. చెమట, వాతావరణం, జుట్టు రకం, స్కాల్ప్ పరిస్థితిని బట్టి మారుతుంది.

ఈ చిట్కాలు పాటించినా చుండ్రు, తీవ్రమైన దురద, ఎర్రబడటం లేదా పొట్టు రాలడం తగ్గకపోతే అది కేవలం స్కాల్ప్‌పై పేరుకున్న మురికి సమస్య కాకపోవచ్చు. సెబోరిక్ డెర్మటైటిస్ వంటి చర్మ సమస్యలు కూడా కారణం కావచ్చు. అలాంటప్పుడు సొంతంగా రకరకాల ఉత్పత్తులు వాడకుండా చర్మ వైద్యులను సంప్రదించడం మంచిది.

Also Read : ఇంట్లోనే ఉసిరి నూనె ఇలా చేసుకోండి.. జుట్టుకు ఎలా అప్లై చేస్తే లాభామో తెలుసా?

Hair Oil After Shampoo : తలస్నానం తర్వాత జుట్టుకు నూనె రాయడం మంచిదేనా? డ్రై, ఆయిలీ హెయిర్ ఉన్నవారు ఏమి చేయాలి?

Geddam Vijaya Madhuri — Mon, 9 Nov 2026 09:44:17 +0530

Hair Oiling After Shampoo : జుట్టుకు నూనె రాయడం అనేది తరతరాలుగా వస్తోన్న అలవాటు. కొబ్బరి నూనె, బాదం నూనె, ఆవ నూనె, హెర్బల్ ఆయిల్స్.. ఇలా రకరకాల నూనెలు జుట్టు సంరక్షణలో భాగమైపోయాయి. కానీ ఇవన్నీ షాంపూ చేసే ముందు రాసుకుంటారు. కానీ షాంపూ చేసిన వెంటనే.. ప్రతిసారీ జుట్టుకు నూనె రాస్తూ ఉంటారు కొందరు. ఇలా చేయడం మంచిదేనా? దీనివల్ల జుట్టు ఆరోగ్యంగా ఉంటుందా లేక జిడ్డుగా మారుతుందా?

నిజం చెప్పాలంటే తలస్నానం తర్వాత నూనె రాస్తే అందరికీ ఒకే రకమైన ఫలితాలు ఉండవట. జుట్టు రకం, స్కాల్ప్ స్వభావం, ఉపయోగించే నూనె పరిమాణం వంటి అంశాలపై ఇది ఆధారపడి ఉంటుందని చెప్తున్నారు. మరి ఇలా చేయడం వల్ల కలిగే లాభాలు ఏంటో.. ఎలాంటి ఇబ్బందులు ఉంటాయో చూసేద్దాం.

మృదువుగా, మెరిసే జుట్టు కోసం..

షాంపూ తర్వాత కొద్దిగా నూనె రాయడం వల్ల పొడిబారిన జుట్టు మృదువుగా, మెరుస్తూ కనిపించవచ్చు. ముఖ్యంగా డ్రై, మందమైన లేదా కర్లీ హెయిర్ ఉన్నవారికి ఇది మంచి ఫలితాలు ఇస్తుంది. తరచూ హీట్ స్టైలింగ్ చేసే వారికి జుట్టు పొడిబారడం తగ్గించడంలో ఇది హెల్ప్ చేస్తుంది. అయితే ఎక్కువ నూనె రాస్తే జుట్టు మరింత ఆరోగ్యంగా మారుతుందని అనుకోకూడదు.

ఆయిలీ స్కాల్ప్ ఉంటే..

స్కాల్ప్ సహజంగానే జిడ్డుగా ఉండేవారు ప్రతి షాంపూ తర్వాత నూనె రాస్తే జుట్టు త్వరగా జిడ్డుగా కనిపించవచ్చు. చెమట, కాలుష్యం వల్ల తరచూ తలస్నానం చేసే వారు ప్రతిసారీ నూనె రాయడం అవసరం కాకపోవచ్చు. షాంపూ చేసిన ఒకటి లేదా రెండు రోజుల్లోనే జుట్టు జిడ్డుగా, అతుక్కుపోయినట్లు కనిపిస్తుంటే షాంపూ సమస్య కాకపోవచ్చు. మీరు అవసరానికి మించి నూనె వాడుతున్నారేమో గమనించాలి.

Also Read : జుట్టు ఎక్కువగా రాలుతోందా? ఒత్తుగా, ఆరోగ్యంగా పెరగాలంటే ఈ టిప్స్ ఫాలో అవ్వండి

సన్నని జుట్టు ఉంటే..

సన్నగా లేదా పలుచగా ఉండే జుట్టుకు ఎక్కువ నూనె రాస్తే ఉన్న కొద్దిపాటి వాల్యూమ్ కూడా తగ్గిపోతుంది. జుట్టు మృదువుగా కనిపించడం బదులు బరువుగా, అతుక్కుపోయినట్లు కనిపించవచ్చు. ఇలాంటి వారు జుట్టు మొదలు నుంచి చివర్ల వరకు నూనె పూయాల్సిన అవసరం లేదు. పొడిబారడం లేదా ఫ్రిజ్ తగ్గించడానికి జుట్టు మధ్య భాగం నుంచి చివర్ల వరకు కొద్దిగా రాస్తే సరిపోతుంది.

ప్రొడక్ట్ బిల్డ్‌అప్ సమస్య

ప్రతిసారీ షాంపూ చేసి.. నూనె రాసి.. మళ్లీ షాంపూ చేయడం వల్ల జుట్టు, స్కాల్ప్‌పై ప్రొడెక్ట్స్ పొర పేరుకుపోవచ్చు. ముఖ్యంగా చిక్కటి నూనెలతో పాటు హెయిర్ సీరమ్, స్టైలింగ్ క్రీమ్స్ వంటి ఇతర ప్రొడక్ట్స్ కూడా వాడితే జుట్టు బరువుగా, కోటింగ్ పడినట్లు అనిపించవచ్చు. అయితే నూనె జుట్టుకు హానికరమని కాదు. మీ జుట్టు అవసరానికి తగ్గట్టుగా వాడటం ముఖ్యం.

Also Read : జుట్టు, స్కిన్, ఆరోగ్యానికి మెంతులు మంచివే అయినా.. కొందరు వీటిని తినకూడదట, ఎందుకంటే?

షాంపూ ముందు రాస్తే..

చాలామందికి షాంపూకు ముందు నూనె రాయడం మంచిది. ముఖ్యంగా కొబ్బరి నూనె జుట్టులో ప్రొటీన్ నష్టాన్ని తగ్గించడంలో సహాయపడుతుందని కొన్ని అధ్యయనాలు సూచిస్తున్నాయి. అయితే జుట్టు మొత్తం నూనెతో తడిచిపోయేంతగా రాయాల్సిన అవసరం లేదు. అలాగే రాత్రంతా నూనె పెట్టుకుని పడుకోవాలనే నియమం కూడా లేదు. నూనె పెట్టుకున్న తర్వాత దురద, అసౌకర్యం లేదా అధిక జిడ్డు వస్తుంటే ఆ అలవాటును కొనసాగించాల్సిన పనిలేదు.

షాంపూ చేసిన తర్వాత ఏం చేయాలి?

సాధారణంగా షాంపూ తర్వాత కండిషనర్ ఉపయోగించడం మంచి ఎంపిక కావచ్చు. ఇది జుట్టును మృదువుగా ఉంచడంలో, చిక్కులు తగ్గించడంలో సహాయపడుతుంది. సన్నని లేదా స్ట్రెయిట్ హెయిర్ ఉన్నవారు కండిషనర్‌ను ప్రధానంగా జుట్టు చివర్లకు ఉపయోగించవచ్చు. డ్రై లేదా కర్లీ హెయిర్ ఉన్నవారు జుట్టు పొడవు అంతటా అవసరానికి తగ్గట్టు వాడవచ్చు. జుట్టు మరీ పొడిగా, ఫ్రిజ్‌గా ఉంటే లీవ్-ఇన్ కండిషనర్ కూడా ఉపయోగపడవచ్చు.

Also Read : క్రియేటిన్ వల్ల బట్టతల వస్తోందా? 20-30 ఏళ్లకే జుట్టు రాలడానికి డాక్టర్లు చెప్తోన్న కారణాలు ఇవే

షాంపూ తర్వాత నూనె మానేయాలా?

షాంపూ తర్వాత నూనె మానేయాల్సిన అవసరం లేదు. కొద్దిగా నూనె రాసుకున్నప్పుడు మీ జుట్టు మృదువుగా ఉంటే, స్కాల్ప్ జిడ్డుగా కాకపోతే, దురద లేదా చుండ్రు వంటి సమస్యలు లేకపోతే మానేయాల్సిన అవసరం లేదు. అయితే జిడ్డుగా మారడం, జుట్టు ఫ్లాట్‌గా కనిపించడం, దురద, పొట్టు లేదా ప్రొడక్ట్ బిల్డ్‌అప్ వంటి సమస్యలు కనిపిస్తే ప్రతి హెయిర్ వాష్ తర్వాత నూనె రాయడం తగ్గిస్తే మంచిది.

చాలామందిలో ఉండే ఒక అపోహ ఏమిటంటే.. స్కాల్ప్‌కు నూనె రాస్తే జుట్టుకు పోషణ అందుతుందని అనుకుంటారు. కానీ ఇది నిజం కాదు. అందువల్ల స్కాల్ప్‌పై ఎక్కువ నూనె రాయడం వల్ల జుట్టు పెరుగుతుందని లేదా అన్ని రకాల హెయిర్ ఫాల్ ఆగిపోతుందని చెప్పలేం. చుండ్రు, దురద లేదా ఆయిలీ స్కాల్ప్ సమస్య ఉన్నవారు తరచూ నూనె రాయడం వల్ల సమస్య మరింత పెరిగే అవకాశం ఉంది. పొడిబారిన, చిక్కులు పడే జుట్టులో నూనె లేదా సరైన కండిషనింగ్ వల్ల జుట్టు తెగిపోవడం తగ్గవచ్చు. జుట్టు రాలడం, జుట్టు తెగిపోవడం రెండూ ఒకే సమస్య కాదని గుర్తించుకోవాలి.

Also Read : మినాక్సిడిల్ ఎవరు వాడాలి? ఎంత మోతాదులో అప్లై చేయాలి? ఆపేస్తే మళ్లీ జుట్టు రాలిపోతుందా?

Glowing Skin Hacks : పండుగ తర్వాత స్కిన్ డల్గా ఉంటుందా? గ్లో కోసం ఇంట్లోనే ఈ సింపుల్ ఫేస్ప్యాక్స్ ట్రై చేయండి

Geddam Vijaya Madhuri — Mon, 9 Nov 2026 07:39:14 +0530

Home Remedies For Glowing Skin : కాలుష్యం, ఎండలో ఎక్కువసేపు ఉండటం, సరైన నిద్ర లేకపోవడం, ఒత్తిడి వంటి కారణాల వల్ల చర్మం డల్‌గా కనిపించవచ్చు. అయితే ఇంట్లో ఉండే కొన్ని సహజ పదార్థాలు చర్మాన్ని మాయిశ్చరైజ్ చేయడం, మృదువుగా ఉంచడంలో కొంతవరకు సహాయపడతాయి. ఇవి చర్మం సహజ రంగును మార్చవు కానీ మంచి గ్లోని అందిస్తాయి. మరి చర్మ సంరక్షణ కోసం ట్రై చేయగలిగే కొన్ని సింపుల్ హోమ్ రెమెడీస్ గురించి ఇప్పుడు తెలుసుకుందాం.

తేనెతో ఫేస్ ప్యాక్

తేనె చర్మానికి తేమను అందించడంలో సహాయపడుతుంది. కొద్దిగా తేనెను ముఖానికి అప్లై చేసి 10 నుంచి 15 నిమిషాల తర్వాత గోరువెచ్చని నీటితో కడిగేయవచ్చు. సున్నితమైన చర్మం ఉన్నవారు కొత్త పదార్థాలను ఉపయోగించే ముందు ప్యాచ్ టెస్ట్ చేయడం మంచిది.

Also Read : ముల్తానీ మట్టి ఫేస్ ప్యాక్ అప్లై చేయాలనుకుంటే వీటిని కూడా కలపండి.. ఎన్నో లాభాలు

పసుపు, పెరుగు మాస్క్

పసుపులో యాంటీఆక్సిడెంట్ లక్షణాలు, పెరుగులో లాక్టిక్ యాసిడ్ ఉంటాయి. ఇవి చర్మంపై పేరుకుపోయిన మృతకణాలను సున్నితంగా తొలగించడంలో సహాయపడవచ్చు. ఒక టీస్పూన్ పసుపులో రెండు టేబుల్‌స్పూన్ల పెరుగు కలిపి ముఖానికి రాసి 15 నిమిషాల తర్వాత కడిగేయవచ్చు.

అలోవెరా జెల్

కలబంద చర్మాన్ని చల్లగా, తేమగా ఉంచడంలో ఉపయోగపడవచ్చు. స్వచ్ఛమైన అలోవెరా జెల్‌ను ముఖానికి రాసి 15 నుంచి 20 నిమిషాల తర్వాత కడిగేయవచ్చు. అయితే కొందరిలో అలోవెరా కూడా అలర్జీకి కారణం కావచ్చు కాబట్టి ముందుగా ప్యాచ్ టెస్ట్ చేయడం మంచిది.

Also Read : మందార పువ్వు, కొబ్బరి పాలుతో హెయిర్ ప్యాక్.. జుట్టు రాలడాన్ని తగ్గించి మెరుపును పెంచుతుందా?

శనగపిండి, పెరుగు ప్యాక్

శనగపిండిని పెరుగు లేదా నీటితో కలిపి మెత్తని పేస్ట్‌లా చేసుకోవచ్చు. ముఖానికి సున్నితంగా అప్లై చేసి కొద్దిసేపటి తర్వాత నీటితో కడిగేయాలి. ముఖాన్ని గట్టిగా రుద్దకుండా జాగ్రత్తపడాలి. ఎక్కువగా స్క్రబ్ చేయడం వల్ల చర్మానికి చికాకు కలగవచ్చు.

కీరదోసకాయతో చర్మ సంరక్షణ

కీరదోసకాయలో నీటి శాతం ఎక్కువగా ఉంటుంది. చల్లగా ఉండే కీరదోసకాయ ముక్కలను ముఖంపై ఉంచడం లేదా మెత్తగా చేసి కొద్దిసేపు అప్లై చేయడం వల్ల చర్మానికి రిఫ్రెషింగ్‌గా అనిపించవచ్చు. దీనిని రోజ్ వాటర్‌తో కలిపి తీసుకోవాలనుకుంటే సువాసనలు లేని, చర్మానికి సరిపోయే ప్రొడెక్ట్ ఎంచుకోవచ్చు.

Also Read : గ్లోయింగ్ స్కిన్ కోసం ఈ ఫేస్ ప్యాక్లు ట్రై చేయవచ్చు.. మొటిమలు ఉంటే మాత్రం వాటిని వేసుకోండి

బొప్పాయి ఫేస్ మాస్క్

పండిన బొప్పాయిలో ఉండే సహజ ఎంజైమ్‌లు చర్మాన్ని మృదువుగా కనిపించేలా చేయడంలో సహాయపడవచ్చు. కొన్ని బొప్పాయి ముక్కలను మెత్తగా చేసి ముఖానికి అప్లై చేయాలి. 15 నిమిషాల తర్వాత నీటితో కడిగేయవచ్చు.

ఓట్స్, తేనెతో జెంటిల్ స్క్రబ్

మెత్తగా పొడి చేసిన ఓట్స్‌లో కొద్దిగా తేనె కలిపి సున్నితంగా ముఖంపై మసాజ్ చేయవచ్చు. ఇది చర్మంపై పేరుకుపోయిన మృతకణాలను తొలగించడంలో తోడ్పడవచ్చు. అయితే గట్టిగా రుద్దడం లేదా తరచూ స్క్రబ్ చేయడం వల్ల చర్మం పొడిబారే అవకాశం ఉంటుంది.

Also Read : పండుగల సమయంలో మెరిసే స్కిన్ కోసం ముల్తానీ మిట్టిని ఇలా వాడేయొచ్చు.. ఫేస్ ప్యాక్ ఎలా వేసుకుంటే మంచిదో తెలుసా?

బంగాళాదుంప రసంతో..

బంగాళాదుంప రసం పిగ్మెంటేషన్‌ను తగ్గిస్తుందనే ప్రచారం ఉన్నప్పటికీ దీనికి బలమైన ఆధారాలు పరిమితంగానే ఉన్నాయి. కానీ కొందరికి చర్మంపై చికాకు కూడా కలగవచ్చు. కాబట్టి పిగ్మెంటేషన్ సమస్యలకు ఇంటి చిట్కాలపై మాత్రమే ఆధారపడకుండా డెర్మటాలజిస్ట్‌ను సంప్రదించడం మంచిది.

సహజ పదార్థాలు చర్మ సంరక్షణకు కొంత మద్దతు ఇవ్వవచ్చు కానీ ఒక్కరోజులో చర్మాన్ని మెరిసేలా చేయవు. తగినంత నీరు తాగడం, సమతుల్య ఆహారం తీసుకోవడం, సరైన నిద్రతో పాటు సన్‌స్క్రీన్ ఉపయోగించడం చర్మ ఆరోగ్యానికి మేలు చేస్తాయి. ముఖంపై కొత్త పదార్థాన్ని ఉపయోగించే ముందు ప్యాచ్ టెస్ట్ చేసుకోవడం మరచిపోకండి.

Also Read : డెర్మటాలజిస్ట్లు ఆమోదించిన ఫేస్ ప్యాక్.. ఇంట్లోనే చేసుకోవచ్చు

Castor Oil Benefis For Skin : తలకు కాదు.. చర్మానికి ఆముదం రాస్తే కలిగే లాభాలు ఇవే, ఎవరు జాగ్రత్తగా ఉండాలి?

Geddam Vijaya Madhuri — Fri, 6 Nov 2026 11:12:52 +0530

Tips To Soft Hair : జుట్టు పొడిగా, నిర్జీవంగా కనిపిస్తోందా? మృదువుగా, మెరిసేలా చేసే ఇంటి చిట్కాలు ఇవే

Geddam Vijaya Madhuri — Thu, 5 Nov 2026 22:36:19 +0530

Dark Underarms : అండర్ ఆర్మ్స్ నల్లగా మారాయా? చంకల్లో నలుపుదనాన్ని తగ్గించుకోవడానికి ఈ టిప్స్ ఫాలో అవ్వండి

Geddam Vijaya Madhuri — Thu, 5 Nov 2026 22:13:20 +0530

Henna or Hair Colour : తెల్ల జుట్టును కవర్ చేయడానికి హెన్నా బెటరా? లేదా కలర్ వేసుకోవాలా? తీసుకోవాల్సిన జాగ్రత్తలివే

Geddam Vijaya Madhuri — Thu, 5 Nov 2026 12:43:55 +0530

Covering Grey Hair Tips : తెల్ల జుట్టు ప్రారంభం కాగానే చాలామందికి వచ్చే మొదటి ప్రశ్న.. హెన్నా పెట్టుకోవాలా? లేక హెయిర్ కలర్ వేసుకోవాలా? ఇంట్లో పెద్దవాళ్లు హెన్నా సహజమైనది కాబట్టి జుట్టుకు మంచిదని చెబుతుంటారు. మరోవైపు హెయిర్ కలర్ వేస్తే జుట్టు వెంటనే నల్లగా కనిపిస్తుందని.. పైగా ఈజీ ప్రాసెస్ అని చాలామంది దానివైపు మొగ్గు చూపుతారు. మరి తెల్ల జుట్టును కవర్ చేయడానికి ఈ రెండింటిలో ఏది మంచిది? జుట్టు,

స్కాల్ప్‌కు ఏది సేఫ్?

హెన్నా, హెయిర్ కలర్ రెండూ తెల్ల జుట్టును కవర్ చేయడానికి ఉపయోగపడతాయి. కానీ అవి పనిచేసే విధానం వేరు. అందుకే అందరికీ హెన్నానే మంచిది లేదా అందరికీ కలరే బెటర్ అని చెప్పలేం. మీకు కావాల్సిన రంగు, జుట్టు పరిస్థితి, స్కాల్ప్ సెన్సిటివిటీని బట్టి వీటిని ఎంచుకోవాలి.

Also Read : మెంతులు, మందారంతో హెయిర్ ఆయిల్.. జుట్టు సమస్యలు దూరం చేసుకునేందుకు ఇంట్లో ప్రిపేర్ చేసుకోండిలా

హెన్నా వాడాలనుకుంటే..

స్వచ్ఛమైన హెన్నా మొక్క నుంచి తయారవుతుంది. ఇది జుట్టుకు సాధారణంగా ఎరుపు-గోధుమ రంగు టోన్‌ను ఇస్తుంది. సహజమైన హెన్నాతో అలెర్జీ వచ్చే అవకాశాలు తక్కువగా ఉంటాయి. అయితే మార్కెట్లో దొరికే ప్రతి హెర్బల్ హెన్నా సహజమైనదే అనుకోకూడదు.

ముఖ్యంగా బ్లాక్ హెన్నా లేదా వెంటనే నల్లగా మార్చేసే హెన్నాలకు సంబంధించి కొన్ని ఉత్పత్తుల్లో PPD వంటి రసాయనాలు ఉండే అవకాశం ఉంది. ఇవి కొందరిలో దురద, మంట, ఎర్రగా మారడం, అలెర్జీ వంటి సమస్యలకు కారణం అవుతాయి. అందుకే హెన్నా కొనేటప్పుడు ప్యాకెట్పై ఉన్న పదార్థాలు చదివి తీసుకోవాలి.

హెన్నా వల్ల జుట్టు డ్రై అవుతుందా?

తమందికి హెన్నా పెట్టుకున్న తర్వాత జుట్టు పొడిగా, రఫ్‌గా అనిపించవచ్చు. ముఖ్యంగా ఇప్పటికే డ్రై హెయిర్ ఉన్నవారికి ఈ సమస్య పెరగవచ్చు. అయితే దీనివల్ల జుట్టు అందరికీ పాడైపోతుందని చెప్పలేము. హెన్నా వేసుకున్న తర్వాత సరైన కండిషనింగ్, హెయిర్ కేర్ చేస్తే ఈ డ్రైనెస్ ఉండదు.

హెయిర్ కలర్ వాడాలనుకుంటే..

పర్మనెంట్ హెయిర్ కలర్స్ జుట్టు లోపలి పొరల్లోకి రంగును చేరుస్తాయి. అందుకే తెల్ల జుట్టును బాగా కవర్ చేయగలవు. మీరు నలుపు, బ్రౌన్ వంటి మీకు నచ్చిన షేడ్స్‌ను కూడా ఎంచుకోవచ్చు. కానీ కొన్ని పర్మనెంట్ హెయిర్ డైల్లో PPD, హైడ్రోజన్ పెరాక్సైడ్ వంటి పదార్థాలు ఉంటాయి. ఇవి కొందరిలో అలెర్జీ లేదా స్కాల్ప్ ఇరిటేషన్‌కు కారణం అవుతాయి. తరచూ బ్లీచింగ్ లేదా బలమైన కెమికల్ ట్రీట్‌మెంట్లు చేస్తే జుట్టు పొడిబారి.. బలహీనపడుతుంది.

Also Read : పండుగల ముందు గ్లోయింగ్ స్కిన్, షైనీ హెయిర్ కావాలా? రైస్ వాటర్ ఇలా ఉపయోగించండి

హెన్నా మంచిదా? కలర్ మంచిదా?

మీకు సహజమైన గోధుమ లేదా ఎరుపు టోన్ సరిపోతుంది అనుకుంటే.. స్వచ్ఛమైన హెన్నా మంచి ఎంపిక కావచ్చు. కానీ జుట్టు వెంటనే నల్లగా కనిపించేలా చేయాలనుకుంటే హెయిర్ కలర్ ఉపయోగించవచ్చు. జుట్టు ఆరోగ్యం కంటే రంగు ఎక్కువ రోజులు ఉండటమే ముఖ్యమని భావిస్తే.. కలర్ ఎక్కువగా వేయకపోవడమే మంచిది. ప్రతి సారి జుట్టు మొత్తం కలర్ చేయడం కంటే కొత్తగా పెరిగిన తెల్ల జుట్టుకు మాత్రమే టచ్ అప్ చేసుకోవచ్చు.

తీసుకోవాల్సిన జాగ్రత్తలు ఇవే..

మీరు హెన్నా లేదా హెయిర్ కలర్ ఇలా ఏదైనా కొత్త ప్రొడక్ట్ వాడే ముందు ప్యాచ్ టెస్ట్ చేసుకోవాలి. ప్యాకెట్‌పై ఉన్న పదార్థాల జాబితా చదవాలి. గతంలో హెయిర్ డై వల్ల అలెర్జీ వచ్చినవారు స్వయంగా మళ్లీ ప్రయోగాలు చేయకూడదు. తలకు గాయాలు, దురద లేదా ఇన్ఫెక్షన్ ఉన్నప్పుడు కలర్ లేదా హెన్నా వాడకపోవడం మంచిది. హెయిర్ డైని సూచించిన సమయం కంటే ఎక్కువసేపు జుట్టుపై ఉంచకూడదు. కలర్ వేసుకున్న తర్వాత తీవ్రమైన మంట, ముఖం లేదా కళ్ల చుట్టూ వాపు, దురద వస్తే వెంటనే కడిగేసి వైద్యుడిని సంప్రదించాలి.

Also Read : మగవారిలో హెయిర్ ఫాల్ నుంచి బట్టతల వరకు.. కారణాలు, బెస్ట్ ట్రీట్‌మెంట్స్ ఇవే