Gen Z నిజంగా అన్‌ఫిట్‌, 75% కంపెనీలకు కొత్త ఉద్యోగుల పని నచ్చడం లేదు: తాజా సర్వే

నేషనల్ అసోసియేషన్ ఆఫ్ కాలేజెస్ అండ్ ఎంప్లాయర్స్ (NACE), ఇతర HR సర్వేల్లోని తాజా వివరాలు కొత్త గ్రాడ్యుయేట్ల పనితీరుపై తీవ్రమైన ప్రశ్నలను లేవనెత్తుతున్నాయి.

Gen Z నిజంగా అన్‌ఫిట్‌, 75% కంపెనీలకు కొత్త ఉద్యోగుల పని నచ్చడం లేదు: తాజా సర్వే

Source : AI

Show Quick Read

Key points generated by AI, verified by newsroom

• జెన్-జీ యువత పనితీరు, ఆఫీస్ నైపుణ్యాలపై కంపెనీలకు అసంతృప్తి పెరుగుతుంది.
• కమ్యూనికేషన్, చర్చలు, AI వినియోగంలో జెన్-జీకి అవగాహన లోపించిందని సర్వేలు తెలిపాయి.
• కరోనా, ఆన్‌లైన్ విద్య ముఖాముఖి సంభాషణ నైపుణ్యాలపై తీవ్ర ప్రభావం చూపింది.
• విద్యాసంస్థలు, కంపెనీలు కలిసి సాఫ్ట్ స్కిల్స్, ఆఫీస్ కల్చర్‌పై శిక్షణనివ్వాలి.

ప్రపంచవ్యాప్తంగా ఉన్న కంపెనీలు, కార్పొరేట్ లీడర్లలో వర్క్‌ఫోర్స్‌లో అడుగుపెడుతున్న జెన్ జీ (జెనరేషన్ Z) ప్రొఫెషనల్ ప్రవర్తన, ఆఫీసు స్కిల్స్ పై అసంతృప్తి వేగంగా పెరుగుతోంది. పలు అమెరికన్ కంపెనీలు, అధికారులు, ఇటీవల గ్రాడ్యుయేట్ అయిన యువతలో ప్రభావవంతమైన కమ్యూనికేషన్ స్కిల్స్, పనితీరు విధానం, వ్యాపార ఆలోచనలో భారీ లోపాలు కనిపిస్తున్నాయని స్పష్టంగా భావిస్తున్నారు.

కొత్త తరం ముందు వర్క్‌ప్లేస్ సవాళ్లు

ఉద్యోగం ద్వారా కెరీర్2లో అడుగుపెడుతున్న యువత ముందు ఆఫీస్ కల్చర్, రోజువారీ పనులతో సంబంధమైన అనేక ప్రాథమిక, ప్రాయోగిక సవాళ్లు నిలుస్తున్నాయి. వీటిలో ప్రధానమైనవి ఇక్కడ అందిస్తున్నాం. 

ఈమెయిల్ ప్రోటోకాల్ అవగాహన లేదు: ఆఫీస్ ఈమెయిల్ పంపేటప్పుడు ఎవరిని CC లేదా BCCలో పెట్టాలో సరైన అవగాహన లేకపోవడం.

అసమ్మతి వ్యక్తం చేసే విధానం: అధికారిక సమావేశాల సమయంలో సీనియర్లు లేదా సహచరుల అభిప్రాయాలతో ప్రొఫెషనల్‌గా అసమ్మతి తెలిపే విధానం తెలియదు. 

మేనేజర్లతో సంభాషణ: తమ రిపోర్టింగ్ మేనేజర్ లేదా బాస్‌ను ఎప్పుడు, ఎలా, ఏ వాయిస్‌తో ప్రశ్నలు అడగాలో అవగాహన లేకపోవడం.

AI టూల్స్ ఫలితాల పరిశీలన: ఆర్టిఫిషియల్ ఇంటెలిజెన్స్ నుంచి వచ్చిన సమాధానాలు, డేటాను గుడ్డిగా నమ్ముతున్నారు. వాటి ప్రామాణికతను, వాస్తవాలను సరిగా చెక్ చేయలేకపోవడం.

సర్వేలోని షాకింగ్ గణాంకాలు, నివేదిక

నేషనల్ అసోసియేషన్ ఆఫ్ కాలేజెస్ అండ్ ఎంప్లాయర్స్ (NACE) మరియు ఇతర మానవ వనరుల (HR) సర్వేల్లోని తాజా గణాంకాలు కొత్త గ్రాడ్యుయేట్ల పనితీరుపై తీవ్రమైన ప్రశ్నలను లేవనెత్తుతున్నాయి. NACE అంటే నేషనల్ అసోసియేషన్ ఆఫ్ కాలేజెస్ అండ్ ఎంప్లాయర్స్ అని చెప్పాలి. ఇది అమెరికాలోని ఒక ప్రముఖ ప్రొఫెషనల్ లాభాపేక్షలేని సంస్థ, ఇది ఉన్నత విద్య మరియు కార్పొరేట్ ప్రపంచం మధ్య ఒక వంతెనలా పనిచేస్తుంది.

NACE సర్వే ఏం చెబుతోంది

 71.2 శాతం కంపెనీలు కొత్త గ్రాడ్యుయేట్లు ఉద్యోగానికి కేవలం కొంతమేరకు సిద్ధంగా ఉన్నారని గుర్తించాయి. కేవలం 21.6% కంపెనీలు జెన్ జీలను జాబ్ చేయడానికి సిద్ధంగా ఉన్నారని భావించాయి. 7.2% ఎంప్లాయర్లు వారు అసలు సిద్ధంగానే లేరని అభిప్రాయపడ్డారు.

 పనితీరుపై అసంతృప్తి: ఇటీవల నియమితులైన కొత్త గ్రాడ్యుయేట్ల ఆన్-జాబ్ పనితీరు అత్యంత సంతృప్తికరంగా లేదు అని 75 శాతం కంపెనీలు అంగీకరించాయి.

800+ HR లీడర్ల సర్వే: 800 మందికి పైగా HR అధికారులపై జరిగిన మరో సర్వేలో 37 శాతం అధికారులు, కొత్త గ్రాడ్యుయేట్‌కు ఉద్యోగం ఇవ్వడం కంటే రోబోట్ లేదా AI టెక్నాలజీతో పని చేసుకోవడం మంచిదని చెప్పారు.

30% ఎంప్లాయర్లు, సిద్ధత లేని, తక్కువ ప్రొఫెషనల్ స్కిల్స్ ఉన్న అభ్యర్థులను హైర్ చేయడం కంటే ఉద్యోగ పదవిని ఖాళీగా ఉంచడమే మంచిదని స్పష్టం చేశారు.

Gen-Z సమస్యకు ప్రధాన కారణాలు ఇవే..

కరోనా వ్యాప్తి సమయంలో సంవత్సరాల పాటు స్కూల్స్, కాలేజీలు మూసేశారు. ఈ సమయంలో అధిక స్క్రీన్ టైమ్, మనుషుల నుంచి దూరం పాటించడం, వర్క్ ఫ్రం హోమ్ లేదా ఆన్‌లైన్ క్లాసుల వాతావరణం కొనసాగింది. దాంతో  యువతలో ముఖాముఖి సంభాషణ, పరస్పర సమన్వయం లేకపోవడంతో, వీరిలో ఆఫీస్ నార్మ్స్ లో భారీ లోపం కనిపిస్తోంది.

కొత్త విద్యార్థులు కమ్యూనికేట్ చేయడంలో, నిజ జీవిత సమస్యలను ఎదుర్కొనడంలో గత తరాల కంటే చాలా వెనుకబడుతున్నారని న్యూయార్క్ యూనివర్సిటీకి చెందిన సైకాలజీ ప్రొఫెసర్ టెస్సా వెస్ట్ అన్నారు. ఇప్పుడు ఈ లోపాలను సరిచేసి, వారిని ప్రవర్తనా నైపుణ్యాలు మెరుగుపరిచే బాధ్యత విద్యాసంస్థలపై పడింది.

పరిష్కారం మార్గాలు

ఈ పెరుగుతున్న స్కిల్స్ గ్యాప్‌ను తగ్గించి, యువతను వర్క్ ప్లేస్‌కు అనుగుణంగా మార్చేందుకు నిపుణులు అనేక ముఖ్య సూచనలు చేశారు:

టెక్నికల్ స్కిల్స్ వర్సెస్ సాఫ్ట్ స్కిల్స్: ప్రొఫెసర్ టెస్సా వెస్ట్ ప్రకారం, టెక్నికల్ స్కిల్స్ (Technical Skills) సులభంగా నేర్పించవచ్చు. కానీ మాట్లాడటం, చర్చించడం, అభిప్రాయ భేదాలను తెలపడం, టీమ్‌తో కలిసి పనిచేయడం నేర్చుకోవడానికి ఎక్కువ సమయం పడుతుంది. అందువల్ల విద్యాసంస్థలు సాఫ్ట్ స్కిల్స్‌పై ఫోకస్ చేయక తప్పదు. 

ఆఫీస్ కల్చర్, AI శిక్షణ: కాలేజీలు, కంపెనీలు కలిసి పనిచేయాల్సి ఉంటుందిన తోషిబా చీఫ్ HR ఆఫీసర్ జేసన్ డెసెంట్జ్ అభిప్రాయపడ్డారు. యువతకు ప్రారంభ దశలోనే ఆఫీస్ కల్చర్, సామాజిక ప్రవర్తన, AIని సరైన విధంగా ఉపయోగించేలా  శిక్షణ ఇవ్వాలి.

కార్పొరేట్ బాధ్యత: యూనివర్సిటీ ఆఫ్ పెన్సిల్వేనియా ప్రొఫెసర్ పీటర్ కాపెల్లీ మాట్లాడుతూ.. ఈ సమస్యకు కేవలం కాలేజీలు, విద్యా సంస్థలనే బాధ్యులుగా చేయడం సరికాదు. కంపెనీలు కూడా ఎంట్రీ లెవల్ ఉద్యోగుల శిక్షణ, మెంటార్షిప్‌పై ఫోకస్ చేయడం లేదు. 2000ల తర్వాత నుంచి కొత్త ఉద్యోగులకు ఇచ్చే శిక్షణ గంటలు నిరంతరం తగ్గుతూ వస్తున్నాయని తెలిపారు.