SBI Call Letter for Online Main Exam: దేశీయ ప్రభుత్వ బ్యాంకింగ్ దిగ్గజం స్టేట్‌ బ్యాంక్‌ ఆఫ్‌ ఇండియాలో క్లర్క్‌(జూనియర్‌ అసోసియేట్‌) ఉద్యోగాల భర్తీకి నిర్వహించనున్న మెయిన్ పరీక్ష అడ్మిట్‌కార్డులు మే 28న విడుదలయ్యాయి. అధికారిక వెబ్‌సైట్‌లో అడ్మిట్‌కార్డులను అందుబాటులో ఉంచారు. ప్రిలిమ్స్ పరీక్షలో అర్హత సాధించిన అభ్యర్థులు తమ రిజిస్ట్రేషన్ నంబర్ లేదా రూల్ నెంబరు, పాస్‌వర్డ్ లేదా పుట్టినతేదీ వివరాలు నమోదుచేసి కాల్ లెటర్లు డౌన్‌లోడ్ చేసుకోవచ్చు. ప్రకటించిన షెడ్యూలు ప్రకారం జూన్ 9న ఎస్‌బీఐ క్లర్క్ మెయిన్ పరీక్ష నిర్వహించనున్నారు. పరీక్ష రోజువరకూ అడ్మిట్ ‌కార్డులు అందుబాటులో ఉంటాయి. పరీక్షకు హాజరయ్యే అభ్యర్థులు అడ్మిట్‌కార్డుతోపాటు ప్రభుత్వ గుర్తింపు పొందిన ఏదైనా ఫొటో ఐడీకార్డును వెంట తీసుకెళ్లాల్సి ఉంటుంది. 


SBI Clerk Mains అడ్మిట్‌కార్డులు ఇలా డౌన్‌లోడ్ చేసుకోండి.. 


➥ అడ్మిట్‌కార్డుల కోసం అభ్యర్థులు ముందుగా అధికారిక వెబ్‌సైట్‌లోకి వెళ్లాలి- sbi.co.in


➥ అనంతరం అక్కడ హోంపేజీలో కనిపించే కెరీర్స్ (Careers) ట్యాబ్‍పై క్లిక్ చేయాలి.


➥ అందులో ఎస్‍బీఐ క్లర్క్ విభాగంలో మెయిన్ అడ్మిట్ కార్డులకు సంబంధించిన లింక్ కనిపిస్తుంది.


➥ ఆ లింక్‍పై క్లిక్ చేసి.. రిజిస్ట్రేషన్ నంబర్/రూల్ నెంబరు, పాస్‌వర్డ్ లేదా పుట్టినతేదీ వివరాలు ఎంటర్ చేయాలి.


➥  లాగిన్ వివరాలు ఎంటర్ చేయగానే.. పరీక్షకు సంబంధించిన అడ్మిట్‌కార్డులు కంప్యూటర్ స్క్రీన్‍ మీద కనిపిస్తుంది. 


➥ భవిష్యత్తు అవసరాల కోసం ఆ రిజల్ట్స్ ను డౌన్‍లోడ్ చేసుకొని.. ప్రింట్ అవుట్ తీసుకోవాలి.


ఎస్‌బీఐ క్లర్క్ అడ్మిట్ కార్డుల కోసం క్లిక్ చేయండి..


మెయిన్ పరీక్ష విధానం..
మొత్తం 200 మార్కులకు మెయిన్ పరీక్ష నిర్వహిస్తారు. పరీక్షలో మొత్తం 190 ప్రశ్నలు అడుగుతారు. వీటిలో జనరల్/ఫైనాన్షియల్ అవేర్‌నెస్-50 ప్రశ్నలు-50 మార్కులు (35 నిమిషాలు), జనరల్ ఇంగ్లిష్-40 ప్రశ్నలు-40 మార్కులు(35 నిమిషాలు), క్వాంటిటేటివ్ ఆప్టిట్యూడ్-50 ప్రశ్నలు-50 మార్కులు (45 నిమిషాలు), రీజనింగ్ ఎబిలిటీ & కంప్యూటర్ ఆప్టిట్యూడ్-50 ప్రశ్నలు-60 మార్కులు (45 నిమిషాలు) ఉంటాయి. పరీక్ష సమయం 2 గంటల 40 నిమిషాలు.


తెలుగు రాష్ట్రాల్లో పరీక్ష కేంద్రాలు..


ఆంధ్రప్రదేశ్‌: అనంతపురం, భీమవరం, చీరాల, గూడూరు, గుంటూరు, కడప, కాకినాడ, కర్నూలు, నంద్యాల, నరసరావుపేట, నెల్లూరు, రాజమండ్రి, రాజంపేట, శ్రీకాకుళం, తాడేపల్లిగూడెం, తిరుపతి, విజయవాడ, విశాఖపట్నం, విజయనగరం.


తెలంగాణ: హైదరాబాద్, కరీంనగర్, ఖమ్మం, మహబూబ్‌నగర్, నల్లగొండ, వరంగల్.


దేశీయ ప్రభుత్వ బ్యాంకింగ్ దిగ్గజం స్టేట్‌ బ్యాంక్‌ ఆఫ్‌ ఇండియా క్లర్క్‌ (జూనియర్‌ అసోసియేట్‌) పోస్టుల భర్తీకి నవంబరు 17న నోటిఫికేషన్‌ విడుదలైన సంగతి తెలిసిందే. దీనిద్వారా మొత్తం 8773 ఖాళీలను భర్తీ చేయనున్నారు. ఇందులో 8283 రెగ్యులర్ పోస్టులుకాగా.. 490 బ్యాక్‌లాగ్ పోస్టులు ఉన్నాయి. తెలుగు రాష్ట్రాలకు సంబంధించి హైదరాబాద్ సర్కిల్‌లో 525; అమరావతి సర్కిల్‌లో 50 ఖాళీలున్నాయి. డిగ్రీ అర్హత ఉన్న అభ్యర్థుల నుంచి నవంబరు 17 నుంచి డిసెంబరు 10 వరకు దరఖాస్తులు స్వీకరించారు. ఆన్‌లైన్‌ టెస్ట్‌ (ప్రిలిమినరీ, మెయిన్‌ ఎగ్జామ్‌), స్థానిక భాష పరీక్ష ద్వారా అభ్యర్థుల ఎంపిక జరుగుతుంది. ఎస్‍బీఐ క్లర్క్ ప్రిలిమ్స్ పరీక్షలను జనవరి 5, 6, 11, 12 తేదీల్లో నిర్వహించిన సంగతి తెలిసిందే. అభ్యర్థులకు  ఫిబ్రవరి 16న విడుదల చేసింది. ప్రిలిమినరీ పరీక్షలో అర్హత సాధించిన అభ్యర్థులకు జూన్ 9న మెయిన్ పరీక్ష నిర్వహించనున్నారు. ఉద్యోగాలకు ఎంపికైన అభ్యర్థులకు రూ.17,900 - రూ.47,920 పే స్కేలు వర్తింపజేయనున్నారు. బేసిక్‌పే కింద రూ.19,900. (రూ.17900తోపాటు రెండు అడ్వాన్స్ ఇంక్రిమెంట్లు ఉంటాయి.


నోటిఫికేషన్, ఇతర వివరాల కోసం క్లిక్ చేయండి..


మరిన్ని ఉద్యోగ వార్తల కోసం క్లిక్ చేయండి...