Local Reservation In Telangana: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

Supreme Court Recruitment: పదో తరగతి అర్హతతో సుప్రీంకోర్టులో ఉద్యోగాలు.. 130 పోస్టుల భర్తీకి నోటిఫికేషన్!

Satyaprasad Bandaru — Mon, 19 Oct 2026 11:56:25 +0530

Supreme Court Recruitment: పదో తరగతి అర్హతతో, దేశంలోనే అత్యున్నత న్యాయస్థానమైన సుప్రీం కోర్టులో ప్రభుత్వ ఉద్యోగం సాధించే అవకాశం లభించింది. సుప్రీంకోర్టులో 130 జూనియర్ కోర్ట్ అటెండెంట్ (గ్రూప్-సి, నాన్-క్లరికల్) పోస్టుల భర్తీకి అధికారిక నోటిఫికేషన్ విడుదలైంది.

ముఖ్యమైన తేదీలు:

ఆన్‌లైన్ అప్లికేషన్ స్టార్టింగ్ : నవంబర్ 4
దరఖాస్తుకు చివరి తేదీ: నవంబర్ 25 (రాత్రి 11:55 గంటల వరకు)
రాత పరీక్ష : డిసెంబర్ 26

అర్హతలు

ఏదైనా గుర్తింపు పొందిన బోర్డు నుండి కనీసం 10వ తరగతి లేదా 12వ తరగతి పూర్తి చేసిన అభ్యర్థులు ఈ పోస్టులకు అప్లై చేసుకోవచ్చు.
అక్టోబర్ 1, 2026 నాటికి అభ్యర్థుల వయస్సు 18 నుండి 27 సంవత్సరాల మధ్య ఉండాలి.
ప్రభుత్వ నిబంధనల ప్రకారం OBC అభ్యర్థులకు 3 సంవత్సరాలు, SC/ST అభ్యర్థులకు 5 సంవత్సరాల వయో పరిమితి సడలింపు ఉంటుంది.

ఎంపిక విధానం

అభ్యర్థుల సెలక్షన్‌లో మొదటగా డిసెంబర్ 26, 2026న ఆబ్జెక్టివ్ తరహా రాత పరీక్ష నిర్వహించబడుతుంది. రాత పరీక్షలో అర్హతన సాధించిన వారికి ఇంటర్వ్యూ నిర్వహిస్తారు. ఈ రెండింటిలో సాధించిన మేరిట్ ఆధారంగా ఫైనల్ అభ్యర్థుల లిస్ట్ ఉంటుంది.

Also Read: నిరుద్యోగులకు గుడ్‌న్యూస్: ఏపీపీఎస్సీ నుంచి 302 ఉద్యోగాలకి నోటిఫికేషన్లు విడుదల

ఎలా అప్లై చేసుకోవాలి?

అర్హత కలిగిన అభ్యర్థులు నవంబర్ 4 నుండి సుప్రీంకోర్టు అధికారిక వెబ్‌సైట్‌ను సందర్శించి ఆన్‌లైన్ ద్వారా అప్లై చేసుకోవచ్చు. గడువు ముగిసే వరకు చూడకుండా ముందే దరఖాస్తు చేసుకోవాలని అధికారులు సూచిస్తున్నారు.

Also Read: 2,721 పోస్టులతో డీఎస్సీ నోటిఫికేషన్.. నవంబర్ 3లోగా పూర్తిస్థాయి నోటిఫికేషన్: నారా లోకేష్

APPSC Jobs: నిరుద్యోగులకు గుడ్‌న్యూస్: ఏపీపీఎస్సీ నుంచి 302 ఉద్యోగాలకి నోటిఫికేషన్లు విడుదల

Shankar Dukanam — Sat, 17 Oct 2026 10:46:38 +0530

APPSC Jobs in Andhra Pradesh |

8 రకాల పోస్టులకు నోటిఫికేషన్లు జారీ చేసిన ఏపీపీఎస్సీ

మొత్తం 302 పోస్టుల భర్తీకి నోటిఫికేషన్లు విడుదల

ఇండస్ట్రియల్ ప్రమోషన్ ఆఫీసర్ పోస్టులు 78.. ఫారెస్ట్ సెక్షన్ ఆఫీసర్ పోస్టులు 26

దేవదాయ శాఖలో గ్రేడ్‌-3 ఈవో పోస్టులు 104 భర్తీ

మహిళా శిశు సంక్షేమ శాఖలో గ్రేడ్‌-1 సూపర్‌వైజర్ పోస్టులు 31

ఫారెస్ట్ బీట్ ఆఫీసర్ పోస్టులు 23.. గ్రేడ్‌-2 డ్రాఫ్ట్స్‌మన్ పోస్టులు 20

ఫారెస్ట్ రేంజ్ ఆఫీసర్ పోస్టులు 5.. జిల్లా ప్రొబేషన్ అధికారి పోస్టులు 15

ఏపీపీఎస్సీ నోటిఫికేషన్లకు ఆన్‌లైన్‌లో దరఖాస్తుల స్వీకరణ ప్రారంభం

నవంబర్ 5 వరకు దరఖాస్తుల సమర్పణకు అవకాశం

అమరావతి: ఆంధ్రప్రదేశ్‌లో ప్రభుత్వ ఉద్యోగాల భర్తీ ప్రక్రియ ఊపందుకుంది. రాష్ట్రంలో నిరుద్యోగులకు గుడ్ న్యూస్ అందిస్తూ పలు పోస్టులకు నోటిఫికేషన్ విడుదల చేసింది. ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) వివిధ విభాగాల్లోని ఖాళీల భర్తీ కోసం పూర్తిస్థాయి నోటిఫికేషన్లను విడుదల చేసింది. మొత్తం 8 రకాల కేటగిరీల కింద 302 పోస్టులను భర్తీ వెల్లడించింది. https://portal-psc.ap.gov.in/HomePages/RecruitmentNotifications

ఈ నోటిఫికేషన్ ద్వారా భర్తీ చేయనున్న పోస్టుల్లో దేవదాయ శాఖలో అత్యధికంగా గ్రేడ్-3 ఈవో పోస్టులు 104 ఉన్నాయి. అలాగే ఇండస్ట్రియల్ ప్రమోషన్ ఆఫీసర్ పోస్టులు 78, మహిళా శిశు సంక్షేమ శాఖలో గ్రేడ్-1 సూపర్‌వైజర్ పోస్టులు 31, ఫారెస్ట్ సెక్షన్ ఆఫీసర్ పోస్టులు 26, ఫారెస్ట్ బీట్ ఆఫీసర్ పోస్టులు 23, గ్రేడ్-2 డ్రాఫ్ట్స్‌మన్ పోస్టులు 20, జిల్లా ప్రొబేషన్ అధికారి పోస్టులు 15, మరియు ఫారెస్ట్ రేంజ్ ఆఫీసర్ పోస్టులు 5 ఉన్నాయి.

ఈ ఉద్యోగాలకు సంబంధించిన ఆన్‌లైన్ దరఖాస్తుల స్వీకరణ ప్రక్రియ ఇప్పటికే ప్రారంభమైంది. అర్హత మరియు ఆసక్తి కలిగిన అభ్యర్థులు నవంబర్ 5వ తేదీ వరకు అధికారిక వెబ్‌సైట్ ద్వారా తమ దరఖాస్తులను ఆన్‌లైన్‌లో సమర్పించవచ్చునని ఏపీపీఎస్సీ అధికారులు తెలిపారు.

AP DSC Notification: 2,721 పోస్టులతో డీఎస్సీ నోటిఫికేషన్.. నవంబర్ 3లోగా పూర్తిస్థాయి నోటిఫికేషన్: నారా లోకేష్

Shankar Dukanam — Wed, 14 Oct 2026 11:59:55 +0530

అమరావతి: ఏపీ ప్రభుత్వం టీచర్ జాబ్స్ కోసం చూస్తున్న వారికి గుడ్ న్యూస్ చెప్పింది. 2,721 పోస్టులతో డీఎస్సీ షార్ట్‌ నోటిఫికేషన్‌ జారీ చేయగా.. నవంబర్ 3వ తేదీలోగా పూర్తిస్థాయిన నోటిఫికేషన్ విడుదల చేస్తామని విద్యాశాఖ మంత్రి నారా లోకేష్ తెలిపారు. డీఎస్సీ-2026 ప్రాథమిక నోటిఫికేషన్‌ లో 350 స్పెషల్ ఎడ్యుకేషన్ పోస్టులు ఉన్నాయని, ప్రత్యేక అవసరాలు కలిగి ఉన్న చిన్నారులకు మెరుగైన విద్య అందిస్తామన్నారు. అభ్యర్థులు ఆన్‌లైన్ ద్వారా దరఖాస్తు చేసుకోవాలి, కంప్యూటర్‌ ఆధారిత పరీక్ష (CBT) నిర్వహిస్తామని వెల్లడించారు. https://tet2dsc.apcfss.in/ అధికారిక వెబ్‌సైట్ ద్వారా సిలబస్ వివరాలు తెలుసుకోవాలని సూచించారు. టీచర్ పోస్టుల కోసం ఎదురుచూస్తున్న వారిక మంత్రి నారా లోకేష్ ఆల్ ద బెస్ట్ తెలిపారు.

షార్ట్ డీఎస్సీ నోటిఫికేషన్ ద్వారా 2,721 ఉపాధ్యాయ పోస్టుల భర్తీకి ప్రకటన

ఆంధ్రప్రదేశ్‌లో డీఎస్సీ–2026 (APTRT–2026) ద్వారా 2,721 టీచర్ పోస్టుల భర్తీకి ప్రభుత్వం అనుమతించింది. ఈ మేరకు పాఠశాల విద్యాశాఖ అక్టోబర్ 13న ఉత్తర్వులు జారీ చేయగా, పాఠశాల విద్యాశాఖ డైరెక్టర్ షార్ట్ నోటిఫికేషన్‌ను అధికారిక వెబ్‌సైట్‌లో విడుదల చేశారు.

Good news for aspiring teachers! DSC-2026 is notified for 2,721 posts, including 350 special education posts so that every child, including children with special needs, gets the attention they deserve. Applications will be online only, with a computer-based test. The syllabus is already on https://t.co/zhuAwMP2F4 , and the detailed notification comes by Nov 3. All the best! #DSC2026
— Lokesh Nara (@naralokesh) October 14, 2026

షార్ట్ డీఎస్సీ పోస్టుల వివరాలు..

- ప్రభుత్వ, జెడ్పీ, ఎంపీపీ, మున్సిపల్ పాఠశాలలు: 2,111 పోస్టులు

- స్కూల్ అసిస్టెంట్లు (SA) – 906

- సెకండరీ గ్రేడ్ టీచర్లు (SGT) – 1,205

- ప్రత్యేక విద్య (Special Education): 350 పోస్టులు

- సెకండరీ గ్రేడ్ టీచర్లు (SGT-SE) – 200

- స్కూల్ అసిస్టెంట్లు (SA-SE) – 150

- పోస్ట్ గ్రాడ్యుయేట్ టీచర్లు (PGT) – 81

- సొసైటీలు, ఇతర యాజమాన్యాలు: 260 పోస్టులు

- ప్రిన్సిపాల్ – 30

- ట్రైన్డ్ గ్రాడ్యుయేట్ టీచర్లు (TGT) – 113

- ఫిజికల్ డైరెక్టర్లు (PD) – 2

- ఫిజికల్ ఎడ్యుకేషన్ టీచర్లు (PET) – 34

- నవంబర్ 3లోగా పూర్తి నోటిఫికేషన్ విడుదల చేస్తామని నారా లోకేష్ తెలిపారు.

APPSC Group 2: నిరుద్యోగులకు ఏపీపీఎస్సీ గుడ్‌న్యూస్.. 1,466 పోస్టుల భర్తీకి నోటిఫికేషన్లు.. గ్రూప్-2లో 686 ఉద్యోగాలు!

Satyaprasad Bandaru — Wed, 14 Oct 2026 10:27:03 +0530

APPSC Group 2: ఏపీ ప్రభుత్వం నిరుద్యోగులకు గుడ్ న్యూస్ చెప్పింది. ప్రభుత్వం ప్రకటించిన జాబ్‌ క్యాలండర్‌ ప్రకారం ఇప్పటికే 892 ఉద్యోగాల భర్తీకి నోటిఫికేషన్లు జారీ కాగా, తాజాగా మరో 1,466 పోస్టుల భర్తీకి 10 నోటిఫికేషన్లను కమిషన్ విడుదల చేసింది. ఏపీపీఎస్సీ కమిషన్ సభ్యుడు సుధీర్‌తో కలిసి ఇన్‌ఛార్జ్‌ ఛైర్మన్‌ శశిధర్‌ మంగళవారం విలేకరుల సమావేశంలో ఈ నోటిఫికేషన్ల వివరాలను అధికారికంగా ప్రకటించారు. దరఖాస్తుల ప్రక్రియ ప్రారంభమయ్యే సమయానికి ఖాళీల సంఖ్య, కేటగిరీల వారీగా రిజర్వేషన్లు, విద్యార్హతల వివరాలతో పూర్తిస్థాయి ప్రకటనలను విడుదల చేస్తామని ఆయన తెలిపారు.

గ్రూప్‌-2లో 686 పోస్టులు

తాజాగా జారీ చేసిన నోటిఫికేషన్లలో గ్రూప్‌-2 లో 686 పోస్టులు భర్తీ చేయనున్నారు. గ్రూప్‌-2కి సంబంధించిన పూర్తిస్థాయి నోటిఫికేషన్‌ను నవంబరు 9న విడుదల చేస్తారు. విద్యార్హతలు, పోస్టుల వారీగా కేటాయింపు తదితర వివరాలు పూర్తి నోటిఫికేషన్‌లో వెల్లడిస్తారు.

గ్రూప్-2 పరీక్షా విధానం

గ్రూప్-2 సెలెక్షన్ ప్రాసెస్ లో రెండు దశల్లో (స్క్రీనింగ్ టెస్ట్ & మెయిన్స్) నిర్వహించనున్నారు.

Also Read: NICLలో 321 ఏవో పోస్టుల భర్తీ.. రూ. 1.14 లక్షల జీతం, దరఖాస్తు విధానం ఇలా!

స్క్రీనింగ్ పరీక్ష

మొత్తం 150 మార్కులకు (ఆబ్జెక్టివ్ టైప్) పరీక్ష నిర్వహిస్తారు.

మెయిన్స్ పరీక్ష

మెయిన్స్ దశలో రెండు పేపర్లు ఉంటాయి. ఒక్కో పేపర్‌కు 150 మార్కుల చొప్పున మొత్తం 300 మార్కులకు మెయిన్స్ ఉంటుంది.

వయోపరిమితి

వయోపరిమితికి జులై 1వ తేదీని కట్ ఆఫ్ తేదీగా తీసుకుంటారు.
నాన్‌-యూనిఫామ్ ఉద్యోగాలకు దరఖాస్తు చేసుకునే సాధారణ అభ్యర్థులకు గరిష్ఠ వయోపరిమితిని 44 ఏళ్ల వరకు అవకాశం కల్పించారు.
ఎస్సీ, ఎస్టీ, బీసీ, ఈడబ్ల్యూఎస్, దివ్యాంగులకు ప్రభుత్వ నిబంధనల మేరకు వయోసడలింపులు వర్తిస్తాయి.

అర్హత కలిగిన అభ్యర్థులు పూర్తి వివరాల కోసం, దరఖాస్తుల కోసం APPSC అధికారిక వెబ్‌సైట్ psc.ap.gov.in ను క్రమం తప్పకుండా పరిశీలించాలని కమిషన్ కోరింది. ఏపీపీఎస్సీ నిర్వహించే ఏ ఉద్యోగానికైనా దరఖాస్తు చేయడానికి అభ్యర్థులు ముందుగా వన్ టైమ్ ప్రొఫైల్ రిజిస్ట్రేషన్ ప్రక్రియను పూర్తి చేసుకోవాల్సి ఉంటుంది. ఇప్పటికే రిజిస్టర్ చేసుకున్న తమ ఐడీని అప్డేట్ చేసుకోవాల్సి ఉంటుంది.

Also Read: ఈసీఐఎల్‌లో 310 ఐటీఐ అప్రెంటిస్ పోస్టులు.. దరఖాస్తు విధానం, పూర్తి వివరాలు ఇవే!

NICL AO Recruitment 2026: NICLలో 321 ఏవో పోస్టుల భర్తీ.. రూ. 1.14 లక్షల జీతం, దరఖాస్తు విధానం ఇలా!

Satyaprasad Bandaru — Mon, 12 Oct 2026 17:13:10 +0530

NICL AO Recruitment 2026: కేంద్ర ప్రభుత్వ ఇన్సూరెన్స్ కంపెనీ నేషనల్ ఇన్సూరెన్స్ కంపెనీ లిమిటెడ్ (NICL) అడ్మినిస్ట్రేటివ్ ఆఫీసర్ పోస్టుల భర్తీకి భారీ నోటిఫికేషన్ విడుదల చేసింది. ఈ రిక్రూట్‌మెంట్ డ్రైవ్ ద్వారా జర్నలిస్ట్ స్పెషలిస్ట్ కేటగిరీలలో మొత్తం 321 ఖాళీలను భర్తీ చేయనున్నారు. ఇన్సూరెన్స్ సెక్టార్‌లో స్థిరపడాలనుకునే నిరుద్యోగ అభ్యర్థులకు ఇది ఒక అద్భుతమైన అవకాశం. అర్హులైన అభ్యర్థులు అక్టోబర్ 28 వరకు ఆన్‌లైన్‌లో అప్లై చేసుకోవచ్చు.

ఖాళీల వివరాలు

ఈ రిక్రూట్మెంట్ కింద మొత్తం 321 పోస్టులలో జర్నలిస్ట్ ఆఫీసర్లు, వివిధ రంగాల స్పెషలిస్ట్ ఆఫీసర్లు ఉన్నారు.
జర్నలిస్ట్ ఆఫీసర్లు: 200 పోస్టులు
స్పెషలిస్ట్ ఆఫీసర్లు: 121 పోస్టులు
ఫైనాన్స్: 20
లీగల్ : 20
ఇన్ఫర్మేషన్ టెక్నాలజీ : 21
రిస్క్ ఇంజనీరింగ్ : 28
అగ్రికల్చర్ : 20
ఆటోమొబైల్ ఇంజినీరింగ్ : 10
కంపెనీ సెక్రటరీ : 02

అర్హతలు

ఏదైనా గుర్తింపు పొందిన యూనివర్సిటీ నుంచి డిగ్రీ లేదా పీజీ పూర్తి చేసి ఉండాలి. (జనరల్ కేటగిరీకి 60%, SC/ST/PwBD అభ్యర్థులకు 55% మార్కులు కలిగి ఉండాలి).

స్పెషలిస్ట్ ఆఫీసర్లు: ఫైనాన్స్ (CA/CMA), లీగల్ (LLB/LLM), ఐటీ (BE/BTech/MCA), రిస్క్/ఆటోమొబైల్ ఇంజినీరింగ్ (BE/BTech), కంపెనీ సెక్రటరీ (ACS/FCS), అగ్రికల్చర్ (బీఎస్సీ/ఎంఎస్సీ అగ్రికల్చర్ లేదా ఇతర కోర్సులు) విద్యార్హత ఉండాలి.

వయోపరిమితి (01 అక్టోబర్ నాటికి):

అభ్యర్థుల వయస్సు 21 నుంచి 30 సంవత్సరాల మధ్య ఉండాలి. అంటే 02 అక్టోబర్ 1996 కంటే ముందు, 01 అక్టోబర్ 2005 కంటే తర్వాత జన్మించి ఉండకూడదు. ఎస్సీ, ఎస్టీ, ఓబీసీ, దివ్యాంగ అభ్యర్థులకు వయోపరిమితిలో సడలింపు ఉంటుంది.

Also Read: ఈసీఐఎల్‌లో 310 ఐటీఐ అప్రెంటిస్ పోస్టులు.. దరఖాస్తు విధానం, పూర్తి వివరాలు ఇవే!

జీతం, సెలక్షన్ ప్రాసెస్

ఎంపికైన అభ్యర్థులకు బేసిక్ పే రూ.82,485 ఇస్తారు. ఇతర అలవెన్సులు, ప్రయోజనాలతో కలిపి నెలకు సుమారు రూ.1,14,000 వరకు జీతం అందుతుంది.
ప్రిలిమ్స్, మెయిన్స్ పరీక్షలు, వ్యక్తిగత ఇంటర్వ్యూ ఆధారంగా ఎంపిక చేస్తారు.
ప్రిలిమ్స్ పరీక్ష: నవంబర్ 17
మెయిన్స్ పరీక్ష : డిసెంబర్ 22

దరఖాస్తు విధానం

1. NICL అధికారిక వెబ్‌సైట్ (nationalinsurance.nic.in)లో Careers/Recruitment ను సెలెక్ట్ చేయండి.
2. మీ వివరాలు ఎంటర్ చేసి రిజిస్ట్రేషన్ చేసుకోండి.
3.పాస్‌పోర్ట్ సైజు ఫోటో, సంతకం, ఎడమ బొటనవేలు ముద్ర, చేతితో రాసిన డిక్లరేషన్ అప్‌లోడ్ చేయండి.
4. విద్య, వ్యక్తిగత వివరాలను సబ్‌మిట్ చేసి ఫీజు ఆన్‌లైన్‌లో చెల్లించండి.
5. ఫారమ్‌ను సబ్‌మిట్ చేసి, అప్లికేషన్ డౌన్‌లోడ్ చేసుకోండి.

Also Read: LBSNAAలో IAS ట్రైనింగ్ సమయంలో జీతం వస్తుందా? నెలకు ఎంత తీసుకుంటారో తెలుసా?

ECIL Recruitment 2026: ఈసీఐఎల్‌లో 310 ఐటీఐ అప్రెంటిస్ పోస్టులు.. దరఖాస్తు విధానం, పూర్తి వివరాలు ఇవే!

Satyaprasad Bandaru — Sun, 4 Oct 2026 16:25:10 +0530

ECIL Recruitment 2026: ఐటీఐ (ITI) పూర్తి చేసి ప్రభుత్వ ఉద్యోగ అనుభవం కోసం ఎదురుచూస్తున్న యువతకు ఓ గుడ్ న్యూస్. ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్ (ECIL)లో ఐటీఐ ట్రేడ్‌లలో అప్రెంటిస్ పోస్టుల భర్తీ కోసం నోటిఫికేషన్ విడుదలైంది. ఎలాంటి రాత పరీక్ష లేకుండా, కేవలం మెరిట్ ఆధారంగా ఎంపిక చేస్తారు. అక్టోబర్ 11, 2026 వరకు అప్లై చేసుకోవచ్చు.

ముఖ్యమైన వివరాలు

ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్
ఐటీఐ ట్రేడ్ అప్రెంటిస్
మొత్తం ఖాళీలు: 310
దరఖాస్తు విధానం: ఆన్‌లైన్ (Online)
చివరి తేదీ: అక్టోబర్ 11, 2026 (రాత్రి 11:59 గంటల వరకు)
రాత పరీక్ష లేదు; ఐటీఐ మార్కుల మెరిట్ ఆధారంగా ఎంపిక.

ఖాళీల వివరాలు

ఈ రిక్రూట్‌మెంట్ ద్వారా మొత్తం 310 పోస్టులను భర్తీ చేస్తారు.
ఫిట్టర్: 87 ఖాళీలు
ఎలక్ట్రానిక్ మెకానిక్: 86 ఖాళీలు
ఎలక్ట్రీషియన్ : 50 ఖాళీలు
కోపా : 41 ఖాళీలు
ఇతర ట్రేడ్‌లు: వెల్డర్, టర్నర్, మెషినిస్ట్, రిఫ్రిజరేషన్ అండ్ ఎయిర్ కండిషనింగ్ మెకానిక్ మొదలైనవి.

అర్హతలు

విద్యార్హత: సంబంధిత ట్రేడ్‌‌లో ఐటీఐ ఉత్తీర్ణులై, ఎన్‌సీవీటీ సర్టిఫికేట్ ఉండాలి.
వయోపరిమితి: అక్టోబర్ 31, 2026 నాటికి కనీసం 18 సంవత్సరాలు నిండి ఉండాలి. జనరల్ అభ్యర్థులకు గరిష్ట వయోపరిమితి 25 సంవత్సరాలు.
వయో పరిమితి సడలింపు: నిబంధనల మేరకు ఓబీసీ అభ్యర్థులకు 3 ఏళ్లు, ఎస్సీ/ఎస్టీ అభ్యర్థులకు 5 ఏళ్లు, దివ్యాంగులకు సడలింపు ఉంటుంది.

Also Read: తెలంగాణలో స్పెషల్ టెట్ నోటిఫికేషన్ విడుదల.. అభ్యర్థులకు ముఖ్యమైన తేదీలివే

సర్టిఫికేట్

ఎంపికైన అభ్యర్థులకు ECILలో ఒక సంవత్సరం పాటు అప్రెంటిస్‌షిప్ శిక్షణ ఇస్తారు. శిక్షణ పూర్తయ్యాక ప్రాక్టికల్ ఎగ్జామ్ నిర్వహించి, ఉత్తీర్ణులైన వారికి నేషనల్ అప్రెంటిస్‌షిప్ సర్టిఫికేట్ ఇస్తారు.

దరఖాస్తు విధానం

అభ్యర్థులు ముందుగా అప్రెంటిస్‌షిప్ ఇండియా పోర్టల్ లో తమ పేరును రిజిస్టర్ చేసుకోవాలి.
ఆ తర్వాత అధికారిక ECIL వెబ్‌సైట్ https://www.ecil.co.in/jobopenings ద్వారా ఆన్‌లైన్ లో అప్లై చేసుకోవాలి.
సెప్టెంబర్ 30న అప్లికేషన్లు ప్రారంభం, అక్టోబర్ 11 చివరి తేదీ

Also Read: టీజీపీఎస్సీ ఎగ్జామ్స్ షెడ్యూల్ విడుదల.. అక్టోబర్, నవంబర్ నెలల్లో పరీక్షలు

IAS Training Salary : LBSNAAలో IAS ట్రైనింగ్ సమయంలో జీతం వస్తుందా? నెలకు ఎంత తీసుకుంటారో తెలుసా?

Geddam Vijaya Madhuri — Fri, 2 Oct 2026 14:19:54 +0530

IAS Officer Salary During Training : UPSC సివిల్ సర్వీసెస్ పరీక్షలో ఉత్తీర్ణత సాధించిన తర్వాత.. అభ్యర్థులు పరిపాలనా సేవలో కొత్త బాధ్యతల ప్రయాణాన్ని ప్రారంభిస్తారు. ఆ సమయంలో ఇండియన్ అడ్మినిస్ట్రేటివ్ సర్వీస్‌కు ఎంపికైన అభ్యర్థులను శిక్షణ కోసం మసూరీలోని లాల్ బహదూర్ శాస్త్రి నేషనల్ అకాడమీ ఆఫ్ అడ్మినిస్ట్రేషన్‌(LBSNAA)కు పంపుతారు. ఇక్కడ వారు పరిపాలన, లా, అర్థశాస్త్రం, ప్రజా పరిపాలనలో శిక్షణతో పాటు క్షేత్రస్థాయి అనుభవాన్ని కూడా పొందుతారు.

రెండేళ్ల శిక్షణ

IAS శిక్షణ సుమారు రెండు సంవత్సరాల పాటు ఉంటుంది. ఈ సమయంలో అభ్యర్థులకు ప్రభుత్వ సేవలో అధికారులుగా శిక్షణ ఇస్తారు. అందువల్ల IAS అధికారులు వారి శిక్షణ సమయంలో జీతం వస్తుందా అనే డౌట్ చాలామందికి ఉంటుంది. కాబట్టి LBSNAA శిక్షణ సమయంలో IAS అధికారులు జీతం పొందుతారా లేదా అనే విషయాన్ని ఇప్పుడు తెలుసుకుందాం.

Also Read : పిల్లలకు ఆన్లైన్ స్టడీ మంచిదా? టెక్ట్స్ బుక్ చదువు మంచిదా? లాభాలు, నష్టాలు ఇవే

ట్రైనింగ్ సమయంలో స్టైపెండ్

LBSNAAలో శిక్షణ సమయంలో IAS అధికారులకు జీతం చెల్లిస్తారు. శిక్షణ సమయంలో ఒక IAS అధికారి మూల వేతనం సుమారుగా నెలకు 56,100 ఉంటుంది. ఈ జీతం పే లెవల్ 10 ప్రారంభ జీతానికి సమానం. శిక్షణ సమయంలో కొన్ని సౌకర్యాలు, ఖర్చుల కోసం కూడా కోత విధిస్తారు. మెస్, హాస్టల్ ఫీజులతో సహా ఇతర అవసరాల తర్వాత ఖాతాలోకి వచ్చే మొత్తం మూల వేతనం కంటే తక్కువగా ఉంటుంది. ఈ కటింగ్స్ తర్వాత శిక్షణా అధికారికి నెలకు సుమారు 35,000 నుంచి 40,000 వరకు స్టైపెండ్ లభిస్తుంది.

ఫౌండేషన్ కోర్సులో అంశాలివే..

LBSNAAలో శిక్షణ తరగతి గదికే పరిమితం కాదు. ఇది IAS అధికారులు, ఇతర సర్వీసుల అధికారులతో కూడిన ఫౌండేషన్ కోర్సుతో ప్రారంభమవుతుంది. ఈ కోర్సులో చట్టం, భారత రాజ్యాంగం, అర్థశాస్త్రం, చరిత్ర, ప్రజా పరిపాలన, నిర్వహణ వంటి అంశాలు ఉంటాయి. దీని తర్వాత IAS అధికారుల శిక్షణ అనేక దశల ద్వారా కొనసాగుతుంది. ఇందులో భారత్ దర్శన్, అకాడమీ శిక్షణ, జిల్లా శిక్షణ ప్రధానంగా ఉంటాయి.

Also Read : పరీక్షల సమయంలో పిల్లలు బాగా చదవాలంటే స్టడీ టేబుల్‌పై ఈ 5 వస్తువులు పెట్టొద్దు.. రీజన్స్ ఇవే

ట్రైనింగ్లో వసతులివే..

భారత్ దర్శన్ సమయంలో అధికారులకు దేశంలోని వివిధ ప్రాంతాలు, వివిధ సంస్థలను పరిచయం చేస్తారు. జిల్లా శిక్షణ వారికి కేటాయించిన కేడర్‌లో పరిపాలన క్షేత్రస్థాయి పనితీరును అర్థం చేసుకునే అవకాశాన్ని అందిస్తుంది. LBSNAAలో శిక్షణ సమయంలో అధికారులకు వసతి, అధ్యయన సౌకర్యాలు కల్పిస్తారు. ఒక లైబ్రరీ, గేమ్స్, వినోద సౌకర్యాలు కూడా ఉంటాయి. శిక్షణలో భాగంగా శారీరక కార్యకలాపాలు, గేమ్స్, ట్రెక్కింగ్, ఇతర కార్యకలాపాలు కూడా అందుబాటులో ఉంటాయి.

ట్రైనింగ్ తర్వాత బాధ్యతలివే

జిల్లా ట్రైనింగ్ సమయంలో అధికారులు జిల్లా పరిపాలన వివిధ విధులను క్షుణ్ణంగా అర్థం చేసుకుంటారు. వారు కలెక్టర్ కార్యాలయం, ఇతర జిల్లా స్థాయి సంస్థలతో కలిసి పనిచేయడంలో అనుభవాన్ని పొందుతారు. ఈ అనుభవం తర్వాత కాలక్రమేణా అధికారులకు స్వతంత్ర బాధ్యతలు అప్పగిస్తారు. తద్వారా వారు పరిపాలనా నిర్ణయాలు, క్షేత్రస్థాయి పనులలో నిమగ్నమవుతారు.

IAS అధికారులకు శాలరీ ఎంత?

శిక్షణ పూర్తి చేసుకున్న తర్వాత ఐఏఎస్ అధికారులు తమ కేడర్‌కు నియమితులై సాధారణ సేవను ప్రారంభిస్తారు. వారి ప్రారంభ ప్రాథమిక జీతం నెలకు 56,000 ఉంటుంది. దీనికి అదనంగా అధికారులకు కరువు భత్యం, ఇంటి అద్దె భత్యం, ప్రయాణ, వైద్య సంరక్షణ వంటి ప్రయోజనాలు కూడా ఇస్తారు. అనుభవం, పదోన్నతులతో ఐఏఎస్ అధికారి జీతం 1 లక్షను మించవచ్చు.

Also Read : చర్మ కణాలతో పిల్లలను కనొచ్చా? షాకింగ్ రిజల్స్ ఇచ్చిన న్యూ స్టడీ, DNA ప్రాబ్లమ్ కూడా ఉండదట

Teachers Special TET: తెలంగాణలో స్పెషల్ టెట్ నోటిఫికేషన్ విడుదల.. అభ్యర్థులకు ముఖ్యమైన తేదీలివే

Shankar Dukanam — Fri, 2 Oct 2026 11:40:35 +0530

Telangana Teachers Special TET Notification | హైదరాబాద్: తెలంగాణలో ప్రస్తుతం విధుల్లో కొనసాగుతున్న ఇన్‌ సర్వీస్‌ టీచర్లకు ముఖ్యమైన అప్డేట్ వచ్చింది. వీరి కోసం ప్రత్యేకంగా నిర్వహించే 'టెట్‌-2' పరీక్షకు సంబంధించి పాఠశాల విద్యాశాఖ తాజాగా నోటిఫికేషన్‌ విడుదల చేసింది. ఈ ప్రత్యేక ఉపాధ్యాయ అర్హత పరీక్షకు (TET) అర్హులైన టీచర్ల నుంచి ఈ అక్టోబర్ 7వ తేదీ నుంచి 16వ తేదీ వరకు ఆన్‌లైన్ ద్వారా అప్లికేషన్లను స్వీకరించనున్నట్లు విద్యాశాఖ తెలిపింది. ఈ మేరకు పాఠశాల విద్యాశాఖ సంచాలకుడు, టెట్‌ కమిటీ ఛైర్మన్‌ నవీన్‌ నికోలస్‌ గురువారం (అక్టోబర్ 1న) అధికారిక ప్రకటన విడుదల చేశారు.

పాఠశాల విద్యాశాఖ ప్రకటించిన షెడ్యూల్ ప్రకారం.. టెట్ ఆన్‌లైన్ పరీక్షలను నవంబరు 16 నుంచి 21వ తేదీ వరకు వేర్వేరు విడతల్లో నిర్వహించనున్నారు. ఈ స్పెషల్ టెట్ ఫలితాలను డిసెంబరు 9 నుంచి 11వ తేదీల మధ్య విడుదల చేసే అవకాశం ఉందని అధికారులు తెలిపారు. రాష్ట్రంలో ప్రస్తుతం ప్రభుత్వ పాఠశాలల్లో రెగ్యులర్ విధానంలో విధులు నిర్వహిస్తున్న టీచర్లు తమ ఉద్యోగాల్లో కొనసాగాలంటే 2028 ఆగస్టు నాటికి టెట్ ఉత్తీర్ణత సాధించడం తప్పనిసరి అని సుప్రీం కోర్టు ఆదేశించింది. సుప్రీంకోర్టు ఉత్తర్వుల నేపథ్యంలోనే పాఠశాల విద్యాశాఖ ప్రత్యేకంగా ఇన్‌‌ సర్వీస్‌ టీచర్ల కోసం ఈ స్పెషల్ టెట్ పరీక్షను నిర్వహిస్తోంది.

TGPSC Exams Schedule: టీజీపీఎస్సీ ఎగ్జామ్స్ షెడ్యూల్ విడుదల.. అక్టోబర్, నవంబర్ నెలల్లో పరీక్షలు

Satyaprasad Bandaru — Tue, 29 Sep 2026 10:27:14 +0530

TGPSC Exams Schedule: తెలంగాణ పబ్లిక్ సర్వీస్ కమిషన్ (TGPSC) ప్రభుత్వ ఉద్యోగాలకు సిద్ధమవుతున్న అభ్యర్థులకు కీలక అప్డేట్‌ను ఇచ్చింది. రాష్ట్రంలోని వివిధ శాఖల్లో గతంలో జారీ చేసిన నోటిఫికేషన్లకు రిక్రూట్‌మెంట్ పరీక్షల షెడ్యూల్‌ను అధికారికంగా విడుదల చేసింది. ఈ పరీక్షలన్నీ కంప్యూటర్ ఆధారిత టెస్ట్ (CBT) విధానంలోనే నిర్వహించనున్నట్లు టీజీపీఎస్సీ స్పష్టం చేసింది.

పరీక్షల షెడ్యూల్

పోస్టుల వారీగా TGPSC ప్రకటించిన పరీక్ష తేదీల వివరాలు ఇలా ఉన్నాయి:
పీసీబీ అసిస్టెంట్ సైంటిస్ట్ (అనలిస్ట్ గ్రేడ్-II): తెలంగాణ పొల్యూషన్ కంట్రోల్ బోర్డులో అసిస్టెంట్ సైంటిస్ట్ పోస్టుల భర్తీకి అక్టోబర్ 24న CBT విధానంలో పరీక్ష జరగనుంది.
అసిస్టెంట్ ఎన్విరాన్‌మెంటల్ ఇంజినీర్: పొల్యూషన్ కంట్రోల్ బోర్డులో అసిస్టెంట్ ఎన్విరాన్‌మెంటల్ ఇంజినీర్ పోస్టులకు అక్టోబర్ 26న పరీక్ష నిర్వహించనున్నారు.
ఆర్ అండ్ బి అసిస్టెంట్ ఎగ్జిక్యూటివ్ ఇంజనీర్ (సివిల్): రోడ్లు, భవనాల శాఖలో AEE (సివిల్) పోస్టులకు నవంబర్ 6, 7 తేదీల్లో రెండు రోజుల పాటు పరీక్షలు నిర్వహించనున్నారు.
డిప్యూటీ ఈఓ / గెజిటెడ్ హెడ్ మాస్టర్ గ్రేడ్-I: పాఠశాల విద్యాశాఖ పరిధిలోని డిప్యూటీ ఎడ్యుకేషనల్ ఆఫీసర్స్ (DEO), గెజిటెడ్ హెడ్ మాస్టర్ పోస్టులకు నవంబర్ 12, 13 తేదీల్లో పరీక్షలు నిర్వహిస్తారు.

Also Read: స్వర్ణ వార్డుల్లో 4 కేటగిరీల ఉద్యోగుల ప్రమోషన్లకు ఏపీ ప్రభుత్వం గ్రీన్ సిగ్నల్

అభ్యర్థులకు ముఖ్య సూచనలు

టీజీపీఎస్సీ పరీక్షలన్నీ కంప్యూటర్ ఆధారిత విధానంలోనే జరుగుతాయని అభ్యర్థులు గమనించాల్సి ఉంటుంది. అందుకు అనుగుణంగా తమ ప్రిపరేషన్‌ను వేగవంతం చేసుకోవాలని కమిషన్ సూచించింది. పరీక్షలకు సంబంధించిన హాల్ టికెట్లు, పరీక్షా కేంద్రాల పూర్తి సమాచారాన్ని త్వరలోనే TGPSC అధికారిక వెబ్‌సైట్‌లో అందుబాటులో ఉంచనున్నారు. అభ్యర్థులు ఎప్పటికప్పుడు అధికారిక వెబ్‌సైట్‌ను చెక్ చేస్తూ ఉండాలని అధికారులు సూచించారు.

Also Read: ఇగ్నోలో 43 ప్రొఫెసర్, అసోసియేట్ ప్రొఫెసర్ పోస్టుల భర్తీ.. దరఖాస్తు విధానం, అర్హతలు ఇవే!

Local Reservation In Telangana: తెలంగాణలో స్థానికత అంశంపై సుప్రీంకోర్టు క్లారిటీ.. వారికి మాత్రమే లోకల్ రిజర్వేషన్

Shankar Dukanam — Mon, 28 Sep 2026 15:01:14 +0530

న్యూఢిల్లీ: ఆంధ్రప్రదేశ్ విభజన తరువాత తెలుగు రాష్ట్రాల్లో పదే పదే స్థానికతకు సంబంధించిన కేసులు వస్తూనే ఉన్నాయి. తాజాగా మరోసారి సుప్రీంకోర్టుకు వ్యవహారం వెళ్లగా తెలంగాణలో స్థానికత అంశంపై సర్వోన్నత న్యాయస్థానం క్లారిటీ ఇచ్చింది. తెలంగాణలో స్థానికత రిజర్వేషన్ పొందాలంటే నాలుగేళ్లు వరుసగా చదవాలన్న రూల్ తప్పనిసరి అని పేర్కొంది. గతంలో జస్టిస్ బీఆర్ గవాయ్ ధర్మాసనం ఇచ్చిన తీర్పును జస్టిస్ పీఎస్ నరసింహ బెంచ్ గుర్తుచేసింది.

తెలంగాణలో ఉన్నత విద్య, ఉద్యోగావకాశాల్లో స్థానికత రిజర్వేషన్ (Local Reservation) కోసం 4 ఏళ్ల విద్యాభ్యాసం అనే నిబంధన పాటించాలని సుప్రీంకోర్టు స్పష్టం చేసింది. జెల్ల అంకిత అనే అభ్యర్థి స్థానిక రిజర్వేషన్ కోసం నాలుగేళ్ల విద్యాభ్యాసం నిబంధనను చాలెంజ్ చేస్తూ సుప్రీంకోర్టును ఆశ్రయించారు. అయితే ఎంబీబీఎస్ అర్హత పరీక్ష (NEET UG Exam)కు ముందు వరుసగా నాలుగు సంవత్సరాలు తెలంగాణలో చదువుకుంటేనే స్థానికత వర్తిస్తుందని సుప్రీం ధర్మాసనం స్పష్టం చేసింది. తెలంగాణ ప్రభుత్వం స్థానిక రిజర్వేషన్ కోసం జారీ చేసిన జీవోను జస్టిస్ పీఎస్ నరసింహ ధర్మాసనం సమర్థించింది. స్థానికత నిబంధన ఏకపక్షంగా ఉందన్న పిటిషనర్ వాదనను సుప్రీంకోర్టు కొట్టివేసింది.

ఏపీలో మెడికల్ కాలేజీ సీటు రావాలంటే..

ఆంధ్రప్రదేశ్‌లోని ప్రభుత్వ, ప్రైవేటు, సొసైటీ మెడికల్ మొత్తం 7,200కి పైగా ఎంబీబీఎస్ సీట్లు అందుబాటులో ఉన్నాయి. ఈ సీట్ల భర్తీ 2 పద్ధతుల్లో జరుగుతుంది. దేశవ్యాప్త మెరిట్ ఆధారంగా 15 శాతం సీట్లను ఆల్ ఇండియా కోటా కింద భర్తీ అవుతాయి. ఏపీలోని ప్రముఖ కాలేజీల్లో ఈ కోటా ద్వారా సీటు పొందాలంటే ఆల్ ఇండియా ర్యాంక్ 3,000 నుంచి 12,000 లోపు ఉండాలి.

మిగిలిన 85 శాతం సీట్లను విజయవాడలోని ఎన్టీఆర్ ఆరోగ్య విజ్ఞాన విశ్వవిద్యాలయం స్టేట్ కోటా కింద భర్తీ చేస్తుంది. ప్రాథమిక అంచనాల ప్రకారం, ప్రభుత్వ కాలేజీల్లో సీటు సాధించడానికి ఆల్ ఇండియా ర్యాంక్ లిమిట్స్ అవగాహన కోసం..

ఓపెన్ కేటగిరీ అయితే: 15,000 – 35,000

బీసీ అయితే: 20,000 – 45,000

ఎస్సీ అయితే: 50,000 – 1,00,000

ఎస్టీ అయితే: 80,000 – 1,50,000

Also Read: NRI Become IAS: ఎన్ఆర్ఐలు UPSC సివిల్ సర్వీసెస్ పరీక్షలు రాయొచ్చా?.. ఐఏఎస్ అవ్వాలంటే అర్హతలేంటి?

తెలంగాణ మెడికల్ కాలేజీల్లో ప్రవేశాలకు ర్యాంకు అంచనా వివరాలు

తెలంగాణలోని మెడికల్ కాలేజీల్లో ఎంబీబీఎస్ ప్రవేశాలను 2 విభాగాలుగా భర్తీ చేస్తారు. 15 శాతం సీట్లను దేశవ్యాప్త పోటీ కోసం ఆల్ ఇండియా కోటా కింద ఉంటాయి. మిగిలిన 85 శాతం సీట్లను వరంగల్‌లోని కాళోజీ నారాయణరావు ఆరోగ్య విజ్ఞాన విశ్వవిద్యాలయం స్టేట్ కోటా ద్వారా భర్తీ చేయనుంది. తెలంగాణలో స్థానిక రిజర్వేషన్ పొందడానికి వరుసగా నాలుగేళ్లు ఇక్కడే చదివి ఉండాలి.

ప్రభుత్వ మెడికల్ కాలేజీల్లో సీటు సాధించడానికి కేటగిరీల వారీగా అంచనా ఆల్ ఇండియా ర్యాంకుల అంచనా అవగాహనా కోసం..

ఓసీ అయితే 12,000 – 48,000 (EWS వారికి మరో 2,000–4,000 వరకు సడలింపు)

బీసీ అయితే బీసీ-బి (25,000 – 52,000), బీసీ-ఎ (50,000 – 85,000), బీసీ-ఈ (45,000 – 75,000)

ఎస్సీ అయితే 85,000 – 1,35,000

ఎస్టీ అభ్యర్థులకు అయితే 90,000 – 1,40,000 ర్యాంకు వరకు