AP University Posts: ఏపీలోని యూనివర్శిటీ జాబ్స్‌లో అసిస్టెంట్ ప్రొఫెసర్ పోస్టుల వివరాలు ఇవే!

కేంద్ర ఉద్యోగులకు శుభవార్త! 8th Pay Commission నివేదిక ఎప్పుడు వస్తుంది? జీతాల పెంపుపై అప్డేట్

Shankar Dukanam — Sun, 14 Jun 2026 15:58:19 +0530

8th Pay Commission | 8వ వేతన సంఘం గురించి కేంద్ర ప్రభుత్వ ఉద్యోగుల్లో చర్చలు జోరందుకున్నాయి. కేంద్ర ప్రభుత్వ ఉద్యోగులు, పెన్షనర్లు ప్రస్తుతం ఫిట్‌మెంట్ ఫ్యాక్టర్ (Fitment Factor) గురించి ఆలోచిస్తున్నారు. ఎందుకంటే వారి జీతం, పెన్షన్ల పెంపును నిర్ణయించడంలో ఇది కీలక పాత్ర పోషిస్తుంది.

కేంద్ర ఉద్యోగులు, పెన్షనర్లకు ఉన్న అతిపెద్ద ప్రశ్న ఏమిటంటే.. దీని గురించి ప్రకటన ఎప్పుడు వస్తుంది? 8వ వేతన సంఘం కింద ఫిట్‌మెంట్ ఫ్యాక్టర్, జీతాల పెంపు ప్రకటన వచ్చే ఏడాది జూన్ లేదా జూలై నాటికి వచ్చే అవకాశం ఉంది. అయితే అందుకుముందు 8వ పే కమిషన్ తన నివేదికను ఎప్పటికప్పుడు సమర్పిస్తుంది అని చర్చ జరుగుతోంది.

కేంద్ర ప్రభుత్వం కొత్త వేతన సంఘాన్ని ఏర్పాటు చేసిన ప్రతిసారీ, దాని సమీక్ష, వాటాదారులతో చర్చలు, తుది నివేదిక తయారీకి కనీసం 18 నుండి 24 నెలల సమయం పడుతుంది. గత చరిత్ర ఇదే విషయాన్ని స్పష్టం చేస్తోంది. ప్రధానమంత్రి నరేంద్ర మోదీ నేతృత్వంలోని కేంద్ర ప్రభుత్వం 8వ వేతన సంఘాన్ని 3 నవంబర్, 2025న ఏర్పాటు చేసింది. ఆ తర్వాత కేంద్ర ప్రభుత్వం కమిషన్‌కు తన నివేదికను సమర్పించడానికి ప్రాథమికంగా 18 నెలల గడువు ఇచ్చింది.

Also Read: Retirement Plan: రిటైర్మెంట్ టైంలో రూ.5 కోట్లు కావాలా? SIPని ఎలా ప్రారంభించాలి? ఏం చేయాలంటే

అయితే, ఇటీవల వివిధ శాఖలు, ఉద్యోగ సంఘాల నుంచి సూచనలు, వినతి పత్రాలను స్వీకరించే గడువును జూన్ 15, 2026 వరకు పొడిగించారు. కమిషన్ ఈ సూచనలన్నింటినీ విశ్లేషించిన తర్వాత 2027లో తన తుది నివేదికను ప్రభుత్వానికి సమర్పించే అవకాశం ఉంది.

వచ్చే ఏడాది తుది ప్రకటన..

8వ వేతన సంఘం నుండి నివేదిక అందిన తర్వాత కేంద్ర ఆర్థిక మంత్రిత్వ శాఖ దానిని సమీక్షిస్తుంది. పాత ట్రెండ్స్‌ను గనమిస్తే, కేంద్ర క్యాబినెట్ జూన్ లేదా జూలై 2027లో ఫిట్‌మెంట్ ఫ్యాక్టర్, కొత్త శాలరీ స్ట్రక్చర్‌పై ప్రకటన చేసే అవకాశం ఉంది. కమిషన్ ఫిట్‌మెంట్ ఫ్యాక్టర్‌ను 2.64 నుండి 2.86 మధ్య నిర్ణయించవచ్చని తెలుస్తోంది. ఈ లెక్కన కనీస వేతనం (Minimum Basic Salary) రూ. 47,500 నుండి రూ. 51,500 పరిధిలోకి వచ్చే ఛాన్స్ ఉంది. దాంతో ఉద్యోగుల టేక్ హోమ్ శాలరీలో నేరుగా 15 శాతం నుండి 25 శాతం వరకు నికర వృద్ధి నమోదవుతుంది.

అరియర్స్ గురించి రూల్స్ ఏంచెబుతున్నాయి
కేంద్రం ప్రకటన 2027లో వస్తే, 1 జనవరి 2026 నుండి ప్రకటన వచ్చే తేదీ వరకు ఉన్న పరిస్థితి ఏంటనే సందేహం ఉద్యోగులకు రావచ్చు.

కొత్త వేతన సంఘం ఎల్లప్పుడూ దాని నిర్ణీత తేదీ (ఈసారి 1 జనవరి 2026) నుంచే అమలులోకి వస్తుందని కేంద్ర ప్రభుత్వ రూల్స్ చెబుతున్నాయి. అంటే, జూన్ లేదా జూలైలో క్యాబినెట్ వేతన సంఘం నివేదికలో మార్పులు చేర్పులు చేసిన ఆమోద ముద్ర వేసినప్పటి నుండి పెరిగిన జీతం అందుతుంది. దీనితో పాటు, 1 జనవరి 2026 నుండి ఇది అమల్లోకి వచ్చే నెల వరకు ఉన్న పూర్తి పెరిగిన మొత్తాన్ని (Basic Pay + DA) ఉద్యోగులు, పెన్షనర్లకు అరియర్స్ (బకాయిలు) రూపంలో ఒకేసారి చెల్లించడం ఆనవాయితీగా వస్తోంది.

Also Read: LPG Cylinder Price Hike: మళ్లీ పెరిగిన ఎల్పీజీ సిలిండర్ ధర.. సామాన్యులకు బిగ్ షాక్.. హైదరాబాద్‌లో ధర ఎంతంటే

Job Interview Tips : జాబ్ రావాలంటే ఇంటర్వ్యూకు వెళ్లే ముందు ఈ తప్పులు చేయకండి.. సక్సెస్ కావచ్చు

Geddam Vijaya Madhuri — Sun, 14 Jun 2026 10:10:57 +0530

Common Interview Mistakes : ఉద్యోగం కోసం ట్రై చేస్తున్నప్పుడు ఇంటర్వ్యూకు అటెండ్ అవ్వడం అనేది చాలా మందికి ఒత్తిడితో కూడుకున్న విషయం. మంచి విద్యార్హతలు, స్కిల్స్ ఉన్నప్పటికీ.. కొందరు చిన్న చిన్న తప్పుల కారణంగా ఉద్యోగ అవకాశాన్ని కోల్పోతుంటారు. అయితే ఇంటర్వ్యూకు ముందు చేసే కొన్ని పొరపాట్లు మీపై ప్రతికూల ప్రభావం చూపించవచ్చని తెలుసా? అందుకే జాబ్ ఇంటర్వ్యూకు వెళ్లే ముందు ఎలాంటి తప్పులు చేయకూడదో ఇప్పుడు తెలుసుకుందాం.

కంపెనీ గురించి తెలుసుకోకపోవడం

చాలామంది అభ్యర్థులు కంపెనీ గురించి కనీస సమాచారం కూడా తెలుసుకోకుండా ఇంటర్వ్యూకు వెళ్తారు. ఇది మీకు పెద్ద నెగిటివ్ ఫీడ్ బ్యాక్ అవ్వొచ్చు. మీరు జాయిన్ అవ్వాలనుకుంటున్న కంపెనీ ఏంటి? దాని చరిత్ర, ఏ సేవలు అందిస్తారు, కంపెనీ లక్ష్యాలు ఏంటి వంటి విషయాలపై అవగాహన ఉండాలి. ఇది రిక్రూటర్కి మీపై మంచి అభిప్రాయాన్ని కలిగిస్తుంది.

ఆలస్యంగా వెళ్లడం

ఇంటర్వ్యూకు ఆలస్యంగా వెళ్లడం మీ క్రమశిక్షణ, సమయపాలనపై చెడు ప్రభావం చూపుతుంది. కనీసం 10-15 నిమిషాల ముందే ఇంటర్వ్యూ జరిగే ప్లేస్కి వెళ్లడం మంచిది.

డ్రెస్సింగ్

మీ దుస్తులు మీ వ్యక్తిత్వాన్ని ప్రతిబింబిస్తాయి. చాలా క్యాజువల్‌గా లేదా ఐరన్ చేయని దుస్తులు ధరించడం ఇంటర్వ్యూయర్‌పై ప్రతికూల ప్రభావం చూపవచ్చు. కాబట్టి నీట్గా ఐరన్ చేసిన ఫార్మల్ డ్రెస్లు వేసుకోండి.

రెజ్యూమే చెక్

మీ రెజ్యూమేలో మీరు ఏ విషయాలు అయితే రాశారో.. వాటి గురించి రిక్రూటర్ క్వశ్చన్ చేయవచ్చు. అందుకే ఇంటర్వ్యూకు ముందు ఒకసారి రెజ్యూమేను పూర్తిగా చేసుకోండి.

ఫోన్‌ను సైలెంట్‌లో పెట్టకపోవడం

ఇంటర్వ్యూ జరుగుతున్న సమయంలో ఫోన్ రింగ్ అవ్వడం లేదా నోటిఫికేషన్లు రావడం ప్రొఫెషనలిజం లోపాన్ని చూపిస్తుంది. కాబట్టి ఇంటర్వ్యూకు ముందు ఫోన్‌ను సైలెంట్ లేదా స్విచ్ ఆఫ్ చేయడం మంచిది.

ప్రాక్టీస్ చేయకపోవడం

ఇంటర్వ్యూలో రెగ్యులర్గా అడిగే ప్రశ్నలకు ప్రిపేర్ కాకపోవడం. రిక్రూటర్ మీ గురించి చెప్పండి, మీ బలాలు, బలహీనతలు ఏమిటి? వంటివి అడిగే అవకాశం ఉంటుంది. దాదాపు ప్రతి ఇంటర్వ్యూలో వీటిని అడుగుతారు. అందుకే వీటికి ముందుగానే సమాధానాలు సిద్ధం చేసుకోవాలి.

నెగెటివ్‌ టాక్

ఇంటర్వ్యూలో మునుపటి కంపెనీ, బాస్ లేదా సహోద్యోగుల గురించి చెడుగా మాట్లాడటం వంటివి మీ వ్యక్తిత్వంపై ప్రతికూల ప్రభావం చూపిస్తాయి. కాబట్టి ఎప్పుడూ పాజిటివ్గా మాట్లాడాలి.

నిద్రపోండి..

ఇంటర్వ్యూకు ముందు రాత్రి టెన్షన్తో సరిగ్గా నిద్రపోరు. కానీ సరైన నిద్ర లేకపోతే అలసట, ఏకాగ్రత లోపం కనిపించవచ్చు. కనీసం 7-8 గంటల నాణ్యమైన నిద్ర ఉండేలా చూసుకోవాలి.

కాన్ఫిడెన్స్

ఇంటర్వ్యూ సమయంలో అతిగా భయపడటం లేదా మీ సామర్థ్యాన్ని తక్కువగా చూపించుకోవడం మంచిది కాదు. కాన్ఫిడెంట్గా, స్పష్టంగా సమాధానాలు ఇవ్వడం ముఖ్యం.

క్వశ్చన్ చేయండి..

ఇంటర్వ్యూ చివర్లో చాలామంది మీకు ఏమైనా ప్రశ్నలు ఉన్నాయా? అని అడిగితే చాలా మంది లేవు అని చెప్తారు. కానీ ఉద్యోగ బాధ్యతలు, టీమ్, సంస్థ గురించిన ప్రశ్నలు అడగడం వల్ల జాబ్ పట్ల మీ ఆసక్తిని తెలియజేస్తుంది.

కెరీర్ నిపుణుల ప్రకారం.. ఇంటర్వ్యూలో విజయం సాధించడంలో సాంకేతిక నైపుణ్యాలతో పాటు కమ్యూనికేషన్, ప్రిపరేషన్, సమయపాలన కీ-రోల్ ప్లే చేస్తాయి. కాబట్టి ఇంటర్వ్యూకు ముందు సరైన ప్రణాళికతో సిద్ధమైతే విజయావకాశాలు గణనీయంగా పెరుగుతాయి.

Job Resignation Reasons : జాబ్ మానేయాలనుకుంటున్న వారి సంఖ్య పెరుగుతోందా? ఉద్యోగుల రాజీనామాల వెనుక అసలు కారణాలు ఇవే

Geddam Vijaya Madhuri — Tue, 9 Jun 2026 21:36:29 +0530

Quitting Jobs in 2026 : ఈ మధ్యకాలంలో బాజ్ మానేయాలనుకునేవారి సంఖ్య పెరుగుతుంది. దానికి సంబంధించి సోషల్ మీడియాల్లో.. జాబ్ పోర్టల్స్లో పలు పోస్ట్లు చేస్తూ అసహనం వ్యక్తం చేస్తున్నారు. జాబ్ స్ట్రెస్, ఉద్యోగం మానేయాలనుకుంటున్నాను..బర్నౌట్ అయిపోయాను.. వర్క్-లైఫ్ బ్యాలెన్స్ లేదు వంటి పోస్టులు ఎక్కువైపోయాయి. అంతేకాకుండా తాము ఎదుర్కొంటున్న సమస్యలు బహిరంగంగా చెప్తున్నారు. ఇంతకీ జాబ్ మానేయాలని అనిపించడానికి ఏవి కారణాలు అవుతున్నాయో ఇప్పుడు తెలుసుకుందాం.

ఏళ్లుగా పని చేస్తున్నా.. గ్రోత్ లేకపోవడం

Why Employees Quit Without a New Job Offer

మూడేళ్లుగా అదే పని చేస్తున్నాను.. కెరీర్ పరంగా ఎలాంటి గ్రోత్ ఉండకపోవడం. కెరీర్ గ్రోత్, ప్రమోషన్లు, కొత్త నైపుణ్యాల అభివృద్ధి అవకాశాలు లేకపోతే ఉద్యోగంపై ఆసక్తి తగ్గుతుంది.

గుర్తింపు లేకపోవడం.. శ్రమ దోపిడి

ఎంత కష్టపడినా అప్రిసియేషన్ ఉండకపోవడం. పని చేసినందుకు తగినంత గుర్తింపు లేదా ప్రశంసలు లేకపోవడం కూడా ఉద్యోగుల్లో నిరుత్సాహాన్ని మరింత పెంచుతుంది. దీంతో చాలామంది ఉద్యోగం మానేయాలనుకుంటున్నారట.

పెరుగుతోన్న ఆఫీస్ పాలిటిక్స్

Red Flags: Why Employees Quit Without a New Job Lined Up

పని కంటే ఆఫీస్ రాజకీయాలే ఎక్కువ ఇబ్బంది పెట్టడం. మేనేజ్‌మెంట్ సమస్యలు, సహోద్యోగులతో విభేదాలు, ప్రతికూల వాతావరణం కూడా ఉద్యోగులను జాబ్కి దూరం చేస్తున్నాయి.

జీతం విషయంలో రెండు రకాల కారణాలు..

పనిభారం పెరుగుతోంది.. కానీ జీతం మాత్రం అదే ఉంది అనుకునేవారు ఉన్నారు. ద్రవ్యోల్బణం, జీవన వ్యయాలు పెరుగుతున్న సమయంలో సరైన వేతనం లేకపోవడం కూడా కీలక కారణం.

అలాగే శాలరీ బాగానే ఉంది.. కానీ ఎమోషనల్గా పూర్తిగా అలసిపోయాను అనే భావన పెరిగిపోవడం కూడా మరో కారణంగా చెప్పవచ్చు. పని గంటలు పెరగడం, నిరంతర ఒత్తిడి, విశ్రాంతి లేకపోవడం వల్ల చాలామంది బర్నౌట్‌కు గురవుతున్నారు.

పర్సనల్ టైమ్ తగ్గిపోవడం

ఆఫీస్ పని ఇంటికీ వస్తోంది.. దీంతో వ్యక్తిగత జీవితానికి సమయం దొరకడం లేదని వాపోయే వారి సంఖ్య పెరుగుతోంది. ఉద్యోగం, కుటుంబం, వ్యక్తిగత సమయం మధ్య సమతుల్యత లేకపోవడం కూడా రాజీనామా ఆలోచనలకు కారణమవుతోంది.

మానసిక ఆరోగ్యం..

Employees Mental Health Burnout

కెరీర్ ముఖ్యం.. కానీ నా ఆరోగ్యం అంతకంటే ముఖ్యమనే ఆలోచన చాలామందిలో పెరుగుతుంది. ముఖ్యంగా కొత్త తరం ఉద్యోగులు జీతం కంటే తమ మానసిక ప్రశాంతత, ఆరోగ్యానికి ఎక్కువ ప్రాధాన్యత ఇస్తున్నారు.

మంచి అవకాశాల కోసం

ఉద్యోగం మానేయడం కాదు.. నా విలువకు తగ్గ అవకాశం వెతుక్కోవాలనే కోరిక పెరగడం. హైబ్రిడ్ వర్క్, రిమోట్ జాబ్స్, మెరుగైన కెరీర్ అవకాశాల కోసం చాలామంది కొత్త ఉద్యోగాల వైపు చూస్తున్నారు.

ఒకప్పటిలా ఉద్యోగం మానేయాలనే ఆలోచన జీతం వల్లే మాత్రమే ఉండట్లేదు. పని ఒత్తిడి, గుర్తింపు లేకపోవడం, వర్క్-లైఫ్ బ్యాలెన్స్ లోపించడం, మానసిక ఆరోగ్యం వంటి అంశాలు కూడా ఇప్పుడు ముఖ్య పాత్ర పోషిస్తున్నాయి. ప్రస్తుతం చాలామంది ఎక్కువ సంపాదించడం కంటే మంచి, ప్రశాంతమైన లైఫ్ లీడ్ చేయాలనుకుంటున్నారు. అందుకే జాబ్ మానేయాలనుకునేవారి సంఖ్య పెరుగుతుందని చెప్పవచ్చు.

H1B Visa Fee: హెచ్‌1బీ వీసాలకు లక్ష డాలర్ల ఫీజు చట్టవిరుద్ధం.. డొనాల్డ్ ట్రంప్‌నకు ఫెడరల్ కోర్టు షాక్

Shankar Dukanam — Tue, 9 Jun 2026 06:41:51 +0530

వాషింగ్టన్: హెచ్‌1బీ వీసాలకు ఫీజు విషయంలో అమెరికా అధ్యక్షుడు డొనాల్డ్ ట్రంప్‌నకు ఎదురుదెబ్బ తగిలింది. విదేశాలకు చెందిన ప్రొఫెషనల్స్‌కు భారీ ఊరట కలిగిస్తూ అమెరికా ఫెడరల్ కోర్టు సోమవారం నాడు కీలక తీర్పును వెలువరించింది. హెచ్‌1బీ వీసాల కోసం డొనాల్డ్‌ ట్రంప్‌ ప్రభుత్వం ప్రతిపాదించిన లక్ష డాలర్ల భారీ ఫీజును బోస్టన్‌లోని ఫెడరల్‌ కోర్టు కొట్టేసింది. ఈ నిర్ణయం పూర్తిగా చట్ట విరుద్ధమని స్పష్టం చేసింది.

అమెరికా కాంగ్రెస్ (పార్లమెంట్) ఆమోదం తెలపకుండా ఇలాంటి భారీ ఫీజులు వసూలు చేయడం చట్ట విరుద్ధమైన పన్ను కిందకే వస్తుందని, అందువల్ల ఇది చెల్లదని యూఎస్‌ డిస్ట్రిక్ట్‌ జడ్జి లియో సొరొకిన్‌ సోమవారం నాడు తన తీర్పులో వెల్లడించారు. కాగా, గత సెప్టెంబరులో ట్రంప్‌ ప్రభుత్వం విదేశీయులకు జారీ చేసే తాత్కాలిక వలస వీసా అయిన హెచ్‌1బీ ప్రక్రియలో ఒక వివాదాస్పద నిర్ణయాన్ని తీసుకుంది. దీని ప్రకారం వీసాకు ఎంపికైన విదేశాలకు చెందిన నిపుణులు లక్ష డాలర్ల ఫీజును చెల్లించాల్సి ఉంటుందని కండీషన్ పెట్టింది. అయితే, ఈ నిర్ణయాన్ని తీవ్రంగా వ్యతిరేకిస్తూ అమెరికాలోని 20 రాష్ట్రాల అటార్నీ జనరల్స్‌ బోస్టన్‌ కోర్టులో పిటిషన్లు దాఖలు చేశారు. ఈ పిటిషన్లపై సమగ్ర విచారణ జరిపిన జడ్జి, ట్రంప్ ప్రభుత్వ నిర్ణయం రాజ్యాంగ విరుద్ధమని స్పష్టం చేశారు.

విచారణ అనంతరం జడ్జి జస్టిస్ లియో సొరొకిన్ మాట్లాడుతూ.. విదేశీ ప్రొఫెషనల్స్ అమెరికాకు రావడానికి 1 లక్ష డాలర్ల ఫీజు చెల్లించడం కేవలం పెనాల్టీ కాదు, అది ముమ్మాటికీ వారి నుంచి వసూలు చేస్తున్న ట్యాక్స్. అమెరికా పార్లమెంట్ అనుమతి లేకుండా ఇలా పన్నుల విధింపుపై నిర్ణయం తీసుకునే అధికారం దేశ అధ్యక్షుడికి లేదు. ప్రభుత్వం తమ నిర్ణయాన్ని వెనక్కి తీసుకోవాలని’ స్పష్టం చేస్తూ ఆ హెచ్1బీ వీసా ఫీజును రద్దు చేశారు.

Also Read: Chilkur Balaji Visa Temple: చిలుకూరు బాలాజీ పవర్‌ను చూసి భయపడుతున్న అమెరికన్ సెనెటర్ - పని చేతకాక చిందులు తొక్కుతున్నారా?

లక్ష డాలర్లు చెల్లించిన 2 లక్షల మంది

అమెరికాలో పనిచేయడానికి ఈ ఏడాది 2 లక్షల కంటే ఎక్కువ మంది విదేశీయులు హెచ్-1బీ వీసా కోసం ఒక లక్ష డాలర్ల ఫీజు చెల్లించారు. ప్రయారిటీ బేసిస్ తమ దరఖాస్తులను త్వరగా పరిశీలించే ఆప్షన్ కు రెండు లక్షల కంటే ఎక్కువ మంది ఒక లక్ష అమెరికన్ డాలర్ల ఫీజు చెల్లించారని అమెరికా హోమ్ ల్యాండ్ సెక్యూరిటీ విభాగం (DHS) మంత్రి మార్క్‌వైన్ ముల్లిన్ వారం రోజుల కిందట తెలిపారు.

సెనేట్ అప్రాప్రియేషన్స్ సబ్‌కమిటీ (వినియోగ ఉపసంఘం) సమావేశంలో మార్క్‌వైన్ ముల్లిన్ జూన్ 2, 2026న ఈ సమాచారాన్ని అందించారు. ఆర్థిక సంవత్సరం 2026లో హెచ్-1బీ వీసా కోసం డిహెచ్ఎస్ (DHS) కు సుమారు 2.86 లక్షల దరఖాస్తులు వచ్చాయి. గ్రామీణ ప్రాంతాల్లో వైద్యుల కొరతపై అమెరికా సెనేటర్ సుసాన్ కాలిన్స్ ఆందోళన వ్యక్తం చేయగా.. ఆయన ఈ వివరాలను వెల్లడించారు. మొత్తం 2.86 లక్షల మంది దరఖాస్తుదారులలో 2 లక్షల మంది లక్ష డాలర్లు చెల్లించారని, వారి దరఖాస్తులను మరింత వేగంగా పరిష్కరిస్తాం అన్నారు.

ఒక లక్ష డాలర్ల రుసుము చెల్లించిన దరఖాస్తుల పరిశీలన సుమారు 15 రోజుల్లో పూర్తవుతుందని, అదే సాధారణ దరఖాస్తుల పరిశీలనకు దాదాపు ఏడున్నర పడుతుందని ముల్లిన్ తెలిపారు. మైనే రాష్ట్రంలోని ఉత్తర భాగంలో ఉన్న ప్రెస్క్ ఐల్ అనే గ్రామీణ ప్రాంత ఆసుపత్రి, విదేశాల నుండి అత్యవసరంగా ఒక సర్జన్‌ను రప్పించడానికి ఈ భారీ ఫీజును చెల్లించాల్సి వచ్చిందని సెనేటర్ కాలిన్స్ ఉపసంఘానికి తెలిపారు.

Also Read: H-1B Visa Pause: అమెరికాలో హెచ్‌-1బి వీసాల జారీకి బ్రేక్? భారతీయ టెక్కీలకు బిగ్ షాక్! పూర్తి వివరాలు ఇవే!

ఈ సందర్భంగా కాలిన్స్ మాట్లాడుతూ.. 'ఏదైనా ఒక ప్రాంతంలో తగిన డాక్టర్లు అందుబాటులో లేరని నిరూపించగలిగితే, అలాంటి వైద్య నిపుణులకు (మెడికల్ ప్రొఫెషనల్స్) ఈ ఛార్జీల నుండి మినహాయింపు ఇచ్చే అంశాన్ని మీరు పరిశీలిస్తారా?' అని ప్రశ్నించారు. దీనిపై ముల్లిన్ స్పందిస్తూ, ఈ విషయమై సాధ్యమైన పరిష్కారాలను అన్వేషిస్తామని, ఇలాంటి కేసులలో పరిస్థితులను బట్టి ఏమైనా సడలింపులు ఇవ్వవచ్చా అనే పరిశీలిస్తామన్నారు.

కాలిన్స్ ఇంకా మాట్లాడుతూ.. 'కాలిఫోర్నియా, సిలికాన్ వ్యాలీలలో పనిచేయడానికి వేరే దేశం నుండి నిపుణులను తీసుకురావడానికి, ఉత్తర మైనేలోని ఒక గ్రామీణ ఆసుపత్రికి అత్యంత అవసరమైన సర్జన్‌ను తీసుకురావడానికి మధ్య చాలా పెద్ద వ్యత్యాసం ఉందని' అన్నారు. అలాస్కాకు చెందిన రిపబ్లికన్ సెనేటర్ లీసా ముర్కోవ్స్కీ తమ రాష్ట్రంలోని గ్రామీణ ప్రాంతాల పాఠశాలల్లో టీచర్ల కొరత సమస్యను లేవనెత్తారు.

Tech Layoffs: 2026లో భారీగా లేఆఫ్స్.. ఇప్పటివరకే 1 లక్షకు పైగా ఉద్యోగాలు తొలగింపు

Shankar Dukanam — Sat, 6 Jun 2026 17:17:17 +0530

ప్రపంచ వ్యాప్తంగా ప్రస్తుతం ఎటు చూసినా ఆర్టిఫీషియల్ ఇంటెలిజెన్స్(AI) ముప్పు కనిపిస్తోంది. అతిపెద్ద టెక్ కంపెనీలు మార్పును కోరుకుంటున్నాయి. 2026 ఏడాదిలో కేవలం మొదటి 5 నెలల్లోనే 1 లక్షకు పైగా టెక్ ఉద్యోగులు తమ ఉద్యోగాలను కోల్పోవడం పరిస్థితి ఎంత దారుణంగా ఉందో చూపుతుంది. ఫేస్‌బుక్ మాతృ సంస్థ మెటా (Meta), అమెజాన్ (Amazon), మైక్రోసాఫ్ట్ (Microsoft), ఒరాకిల్, సిస్కో (Cisco), అనేక ఇతర కంపెనీలు భారీ ఎత్తున ఉద్యోగులను తొలగించాయి. మీడియా నివేదికల ప్రకారం, ఆయా కంపెనీలు ఖర్చులను తగ్గించుకోవడానికి, అదే సమయంలో ఆర్టిఫిషియల్ ఇంటెలిజెన్స్ (AI) లో పెట్టుబడులను పెంచడానికి తమ వర్క్‌ఫోర్స్ ను భారీగా తగ్గిస్తున్నాయి.

ఉద్యోగాల తొలగింపునకు కారణం ఇదే
జాబ్ లేఆఫ్స్ (ఉద్యోగాల తొలగింపుల) వెనుక కొన్ని పెద్ద కారణాలు ఉన్నాయి. AI టెక్నాలజీ వినియోగం వేగంగా పెరుగుతోంది. అంతకుముందు మనుషులు అవసరమైన అనేక పనులను, కంపెనీలు ఇప్పుడు AI, ఆటోమేషన్ ద్వారా చేయించుకోవాలని కంపెనీలు భావిస్తున్నాయి. కోవిడ్ మహమ్మారి (Covid 19) సమయంలో అవసరానికి మించి జరిగిన నియామకాలు చేపట్టడం రెండవ కారణం. ఆ సమయంలో డిజిటల్ సేవల డిమాండ్ పెరగడంతో కంపెనీలు భారీ ఎత్తున ఉద్యోగులను రిక్రూట్ చేశాయి. అయితే ఇప్పుడు తమ ఖర్చులను తగ్గించుకోవడం, కొత్త టెక్నాలజీ వైపు ఇన్వెస్ట్ చేయడానికి ఉద్యోగులను తొలగిస్తున్నాయి. దాంతో వారు చేసేదేం లేక రోడ్లపై పడుతున్నారు.

Also Read: TGPSC Recruitment 2026: తెలంగాణ ఇంజినీరింగ్ అభ్యర్థులకు బంపర్ ఆఫర్‌! 290 పోస్టుల భర్తీకి టీజీపీఎస్సీ నోటిఫికేషన్! ఖాళీల పూర్తి వివరాలు ఇవే!

గత కొన్ని ఉద్యోగాల కోతకు AI అత్యంత పెద్ద కారణంగా చెప్పబడుతోంది. AI సహాయంతో పనులు మరింత వేగంగా, తక్కువ ఖర్చుతో అవుతాయని కంపెనీలు భావిస్తున్నాయి. అందుకే తమ ఉద్యోగుల సంఖ్యను తగ్గిస్తున్నారు. అయితే, ప్రతి ఉద్యోగిని తొలగించడానికి కేవలం AI మాత్రమే కారణం కాదని, కంపెనీలు ఖర్చులు తగ్గించుకోవడం కారణమని నిపుణులు అభిప్రాయపడుతున్నారు. అనేక సందర్భాల్లో, కంపెనీలు పునర్వ్యవస్థీకరణ, ఖర్చుల నియంత్రణ కోసం ఉద్యోగులను తీసేస్తున్నాయి.

ఏ కంపెనీలు ఎక్కువ మందిని తొలగించాయి?
2026లో మెటా కంపెనీ, అమెజాన్ (Amazon), మైక్రోసాఫ్ట్ (Microsoft), ఒరాకిల్ (Oracle), కాయిన్‌బేస్ (Coinbase), ఫ్రెష్‌వర్క్స్, సిస్కో (Cisco) వంటి కంపెనీలు పెద్ద ఎత్తున ఉద్యోగులను తొలగించిన కంపెనీల జాబితాలో ఉన్నాయి. కొన్ని కంపెనీలు ఒకేసారి వేల మంది ఉద్యోగులను తొలగించాయి. పాత పోస్టులను తొలగించి, వాటి స్థానంలో AI కి సంబంధించిన కొత్త పోస్టులలో నియామకాలు ప్రారంభించడం కూడా చాలా చోట్ల కనిపించింది.

ఉద్యోగులలో పెరుగుతున్న ఆందోళన
లేఆఫ్స్ వల్ల టెక్ రంగంలో పనిచేసే ఉద్యోగులలో ఆందోళన మరింత పెరిగింది. ముఖ్యంగా కొత్త గ్రాడ్యుయేట్లు, ఎంట్రీ లెవెల్ ఉద్యోగులకు జాబ్ తెచ్చుకోవడం గతంలో కంటే చాలా కష్టమవుతోంది. కంపెనీలు అనుభవజ్ఞులైన ఉద్యోగులు, AI ఆధారిత టూల్స్‌పై ఎక్కువ ఆధారపడుతుండటంతో ఫ్రెషర్ సాఫ్ట్‌వేర్ డెవలపర్లకు అవకాశాలు తగ్గాయని పలు నివేదికలలో వెల్లడైంది.

భవిష్యత్తులో ఇంకెం జరగవచ్చు..
AI పూర్తిగా మనుషులు చేసే అన్ని జాబ్స్ భర్తీ చేయలేదని, ఇది ఖచ్చితంగా పని చేసే విధానాన్ని మారుస్తోందని నిపుణులు అంటున్నారు. రాబోయే సంవత్సరాల్లో AI తో కలిసి పనిచేయడం తెలిసిన వారికి డిమాండ్ పెరుగుతుంది. ఉద్యోగులు కొత్త టెక్నాలజీ, డేటా అనలిటిక్స్, మెషిన్ లెర్నింగ్, AI టూల్స్‌కు సంబంధించిన నైపుణ్యాలను నేర్చుకోవడంపై ఫోకస్ చేస్తేనే కెరీర్ ఉంటుంది.

TGPSC Recruitment 2026: తెలంగాణ ఇంజినీరింగ్ అభ్యర్థులకు బంపర్ ఆఫర్‌! 290 పోస్టుల భర్తీకి టీజీపీఎస్సీ నోటిఫికేషన్! ఖాళీల పూర్తి వివరాలు ఇవే!

Khagesh — Tue, 2 Jun 2026 22:11:37 +0530

TGPSC Recruitment 2026: తెలంగాణ ప్రభుత్వ కొలువు కోసం ఎదురు చూస్తున్న ఇంజినీరింగ్ పట్టభద్రులకు రాష్ట్ర పబ్లిక్ సర్వీస్ కమిషన్(TGPSC) గుడ్ న్యూస్ చెప్పింది. రోడ్లు, భవనాల శాఖతోపాటు తెలంగాణ కాలుష్య నియంత్రణ మండలిలో ఖాళీగా ఉన్న అసిస్టెంట్‌ ఎగ్జిక్యూటివ్ ఇంజినీరింగ్‌ పోస్టుల భర్తీకి వరుస నోటిఫికేషన్లు జారీ చేసింది. మొత్తం 290 పోస్టులతో విడుదలైన ఈ నోటిఫికేషన్లు, నిరుద్యోగ యువతలో కొత్త ఆశలను చిగురింపజేస్తున్నాయి.

తెలంగాణ పబ్లిక్ సర్వీస్ కమిషన్ మూడు ప్రధాన విభాగాల్లో ఖాళీలను భర్తీ

ఆర్‌ అండ్ బీ శాఖలో అత్యధికంగా 222 AEE(సివిల్) ఖాళీలను భర్తీ చేస్తోంది. ఈ శాఖలోనే 49 AEE(ఎలక్ట్రికల్‌) ఖాళీలు ఉన్నాయి. కాలుష్య నియంత్రణ మండలి బోర్డులో 19 అసిస్టెంట్‌ ఎన్విరాన్మెంట్‌ ఇంజనీర్‌ భర్తీ చేయనుంది.

మొత్తం 290 పోస్టులకు అభ్యర్థుల నుంచి ఆన్‌లైన్‌ దరఖాస్తులను ఆహ్వానిస్తోంది. ఈ ఉద్యోగాల ఎంపికైన వారికి 54, 220 నుంచి 1,33,630 వరకు భారీ వేతన శ్రేణి లభిస్తుంది.

ప్రభుత్వం గరిష్ట వయోపరిమితి 34 ఏళ్ల నుంచి 44 ఏళ్లకు పెంచడం ద్వారా పదేళ్ల సడలింపు ఇవ్వడంతో సీనియర్ అభ్యర్థులకు ఇది ఒక సువర్ణావకాశంగా మారింది.

ప్రతి విభాగం ద్వారా దరఖాస్తులు వేర్వేరు తేదీల్లో ప్రారంభమవుతాయి. అభ్యర్థులు కమిషన్ సూచించిన షెడ్యూల్‌ ప్రకారం అప్లై చేయాలి.

పోస్ట్‌ పేరు	దరఖాస్తు ప్రారంభం	చివరి తేదీ
ఏఈఈ(సివిల్) R&B	06/06/2026	13/07/2026
ఏఈఈ(ఎలక్ట్రికల్) R&B	08/06/2026	15/07/2026
అసిస్టెంట్‌ ఎన్విరాన్‌మెంటల్ ఇంజనీర్‌	10/06/2026	17/06/2026

ఈ పోస్టులకు రాత పరీక్షలు తాత్కాలికంగా అక్టోబర్‌ 2026లో నిర్వహించనున్నట్టు కమిషన్ ప్రకటించింది. హాల్‌ టికెట్‌లను పరీక్షకు ఏడు రోజుల ముందు నుంచి డౌన్‌లోడ్‌ చేసుకోవచ్చు.

అభ్యర్థులు ఈ ఉద్యోగాలకు దరఖాస్తు చేసే ముందు తమ విద్యార్హతలను, వయసును సరిచూసుకోవాలి.

సివిల్‌ ఏఈఈ: గుర్తింపు పొందిన విశ్వవిద్యాలయం నుంచి సివిల్‌ ఇంజినీరింగ్‌లో బ్యాచిలర్‌ డిగ్రీ కలిగి ఉండాలి.
ఎలక్ట్రికల్ ఏఈఈ:- సంబంధిత విభాగంలో ఇంజనీరింగ్‌ డిగ్రీ ఉండాలి.
ఎన్విరాన్‌మెంటల్‌ ఇంజనీర్:- నోటిఫికేషన్‌ పేర్కొన్న పర్యావరణ విభాగాల్లో విద్యార్హతలు అవసరం
డిస్టెన్స్ విధానంలో డిగ్రీ పొందిన వారు UGC/ AICTE గుర్తింపును కలిగి ఉండటం తప్పనిసరి.
వయోపరిమితి:- 01/07/2026 నాటికి అభ్యర్థి వయసు 18 నుంచి 44 ఏళ్ల మధ్య ఉండాలి.

ఎలా దరఖాస్తు చేసుకోవాలి?

దరఖాస్తు ప్రక్రియ పూర్తిగా ఆన్‌లైన్‌ విధానం విధానంలో ఉంటుంది. దీని కోసం అభ్యర్థులు అనుసరించాల్సిన దశలు ఉన్నాయి.

ముందుగా టీజీపీఎస్సీ వెబ్‌సైట్‌లో ఇంతకు ముందు రిజిస్టర్‌ చేసుకోని వారు ముందుగా OTR(వన్‌ టైమ్‌ రిజిస్ట్రేషన్) పూర్తి చేసుకోవాలి. దీని ద్వారా యూజర్ ఐడీ పొందుతారు.
కమిషన్ వెబ్‌సైట్‌(www.tgpsc.gov.in) సందర్శించి, మీ ఓటీఆర్‌ ఐడీతో లాగిన్ అవ్వాలి.
నోటిఫికేషన్‌లోని నిబంధనలను పూర్తిగా చదివి, మీ వివరాలను సరిచూసుకున్న తర్వాతే దరఖాస్తును సమర్పించాలి.
పరీక్ష అబ్జెక్టివ్‌ తరహాలో ఉంటుంది. ఇది ఓఎంఆర్‌ ఆధారితంగా లేదా కంప్యూటర్‌ ఆధారిత పద్ధతిలో ఉండొచ్చు. వివిధ సెషన్స్‌లో పరీక్ష నిర్వహిస్తే నార్మలైజేషన్ ప్రక్రియ ద్వారా మార్కులు లెక్కిస్తారు.

అభ్యర్థులు చివరి నిమిషం వరకు వేచి చూడకుండా, దరఖాస్తు గడువు ముగియడానికి ముందే అప్లై చేసుకోవడం ఉత్తమం.

Meta Layoffs 2026: ఫేస్‌బుక్‌లో 8వేల మంది ఉద్యోగులకు లేఆఫ్స్ - ఈ సీనియర్ మేనేజర్ వేదన ఏఐ పాపమే !

Raja Sekhar Allu — Thu, 21 May 2026 16:14:25 +0530

Meta Singapore Layoffs: టెక్ దిగ్గజం మెటా ఫేస్‌బుక్ మాతృసంస్థ లో సాగుతున్న భారీ లేఆఫ్స్ ఒక ఇంజనీర్ మనోవేదనను ప్రపంచానికి చాటిచెప్పాయి. దాదాపు 8,000 మంది ఉద్యోగులను తొలగిస్తున్న క్రమంలో, సింగపూర్‌లో పనిచేస్తున్న గ్యారీ టే అనే సీనియర్ ఇంజనీర్ పెట్టిన పోస్ట్ ప్రస్తుతం సోషల్ మీడియాలో వైరల్ అవుతోంది. నిన్న కొత్తగా వచ్చిన ఇంజనీర్‌కు శిక్షణ ఇచ్చాను.. ఈరోజు నా ఉద్యోగం ఊడింది అంటూ ఆయన రాసిన మాటలు ఆర్టిఫిషియల్ ఇంటెలిజెన్స్ కాలంలో మానవ శ్రమకు దక్కుతున్న విలువపై చర్చకు దారితీశాయి.

గ్యారీ టే మెటా కంపెనీలో దాదాపు 9 ఏళ్ల 9 నెలల పాటు పనిచేశారు. లండన్‌లో జూనియర్ ఇంజనీర్‌గా చేరి, సింగపూర్‌లో సీనియర్ స్థాయికి ఎదిగిన ఆయన.. మెటాలో పనిచేస్తున్న 99 శాతం మంది ఉద్యోగుల కంటే సీనియర్ కావడం విశేషం. ఇంత సుదీర్ఘ కాలం సంస్థ అభివృద్ధికి తోడ్పడినా, తీరా ఒక ఉదయం 4 గంటలకు వచ్చిన ఈమెయిల్ ద్వారా ఆయనను ఇంటికి పంపడం టెక్ ప్రపంచంలోని క్రూరత్వానికి అద్దం పడుతోంది.

Yesterday I trained new engineer, today I am laid off : Meta employee after 9 years at firm
Gary Tay, an adtech business support engineer, said "AI is here to stay, apparently, the human isn't. I'll be reassessing my career options in the next few months," https://t.co/AYJbOVlRMX pic.twitter.com/22CJlPmhjV
— R o y 🐦 (@Waystar_Roy) May 21, 2026

AI ఇక్కడే ఉంటుంది.. కానీ మనుషులు మాత్రం ఉండలేకపోతున్నారు అంటూ ఆయన చేసిన వ్యాఖ్య టెక్ వర్కర్లలో నెలకొన్న భయాందోళనలను ప్రతిబింబిస్తోంది. గత ఏడాది కాలంగా తన పనివేగాన్ని AI సాయంతో 200-300 శాతం పెంచుకున్నానని, అయినప్పటికీ మానవ మేధస్సు కంటే ఆటోమేషన్ సాఫ్ట్‌వేర్‌లకే కంపెనీ ప్రాధాన్యత ఇస్తోందని ఆయన ఆవేదన వ్యక్తం చేశారు.
జూలైలో పుట్టబోయే బిడ్డ కోసం ఎదురుచూస్తున్న తరుణంలో ఇలాంటి చేదు వార్త వినాల్సి రావడం తనను కలచివేసిందని గ్యారీ పేర్కొన్నారు. 15 ఏళ్ల పాటు మైక్రోసాఫ్ట్, మెటా వంటి దిగ్గజ సంస్థల్లో పనిచేసిన అనుభవం తనకు ఉన్నందున, రాబోయే రోజుల్లో తన కెరీర్ ఆప్షన్లను పునఃసమీక్షించుకుంటానని చెప్పారు. వేల సంఖ్యలో నిరుద్యోగులుగా మారిన మెటా ఉద్యోగులను గౌరవించాలని, వారికి మద్దతుగా నిలవాలని ఆయన నెటిజన్లను కోరారు.

మెటా చీఫ్ పీపుల్ ఆఫీసర్ జానెల్ గేల్ పంపిన అంతర్గత మెమో ప్రకారం.. కంపెనీలో మేనేజర్ల సంఖ్యను తగ్గించి, దాదాపు 7,000 మందిని నేరుగా AI సంబంధిత ప్రాజెక్టులకు మళ్లిస్తున్నారు. ఖర్చు తగ్గించుకోవడానికి, ఆటోమేషన్‌ను పెంచడానికి మెటా చేస్తున్న ఈ ప్రయోగాలు గ్యారీ వంటి నిపుణులను బలితీసుకుంటున్నాయి. సంస్థను నిర్మించడంలో కీలకపాత్ర పోషించిన పాత ఉద్యోగులను కూడా కనికరం లేకుండా తొలగించడంపై టెక్ వర్గాల్లో తీవ్ర నిరసన వ్యక్తమవుతోంది.

Tourist Guide Jobs In Telangana: తెలంగాణలోని ౩౩ జిల్లాల్లో గైడ్ల నియామకానికి దరఖాస్తులు ఆహ్వానం! అర్హతలు ఇవే! అప్లై చేయడానికి డైరెక్ట్ లింక్ ఇదే!

Khagesh — Wed, 20 May 2026 08:09:50 +0530

Tourist Guide Jobs In Telangana: తెలంగాణ పర్యాటక, పురావస్తు శాఖ రాష్ట్రంలోని పర్యాటక రంగాన్ని మరింత బలోపేతం చేసే దిశగా కీలక అడుగు వేసింది. రాష్ట్రంలోని చారిత్రక కట్టడాలు, పురాతన ఆలయాలు, సాంస్కృతిక వారసత్వ ప్రాంతాల విశిష్టతను ప్రపంచానికి చాటిచెప్పేందుకు నైపుణ్యం కలిగిన గైడ్ల అవసరం ఎంతైనా ఉంది. అందుకే రాష్ట్రంలోని 33 జిల్లాల్లో ఖాళీగా ఉన్న పర్యాటక గైడ్ పోస్టుల భర్తీకి, శిక్షణా కార్యక్రమానికి అర్హులైన అభ్యర్థుల నుంచి దరఖాస్తులను ఆహ్వానిస్తున్నట్టు ప్రకటించింది.

పర్యాటక రంగంలో కేవలం వినోదానికే పరిమితం కాకుండా అది ఒక ప్రాంత చరిత్ర, నాగరికతను ప్రతిబింబిస్తుంది. పర్యాటకులు ఒక చారిత్రక ప్రాంతాన్ని సందర్శించినప్పుడు ఆ కట్టడం వెనుక ఉన్న కథను, దాని నిర్మాణ శైలిని, ప్రాముఖ్యతను వివరించడానికి ఒక సమర్ధుడైన గైడ్ అవసరం. ఈ శిక్షణా కార్యక్రమం ద్వారా పర్యాటకులకు నాణ్యమైన సమాచారాన్ని అందించడమే కాకుండా, స్థానిక యువతకు ఉపాధి అవకాశాలు కల్పించాలని పర్యాటక శాఖ లక్ష్యంగా పెట్టుకుంది.

అర్హతలు ఏంటీ?

ఈ ఉద్యోగాలకు దరఖాస్తు చేసుకునే అభ్యర్థులు కనీసం ఏదైనా గుర్తింపు పొందిన యూనివర్శిటీ నుంచి డిగ్రీ ఉత్తీర్ణులై ఉండాలి. కేవలం విద్యార్హత మాత్రమే కాకుండా, అభ్యర్థులకు ఈ వివిధ రంగాల్లో ప్రత్యేక ఆసక్తి, అవగాహన ఉండాలని నోటిఫికేషన్‌లో పేర్కొంది. అభ్యర్థులకు చరిత్ర, పురావస్తు శాస్త్రంపై పట్టు ఉండాలి. మన పూర్వీకుల జీవన విధానం, పురాతన శిలాశాసనాలపై జ్ఞానం ఉండాలి. కోటలు, రాజభవనాలు, పురాతన కట్టడాల పరిరక్షణ తెలిసి ఉండాలి. స్థానిక పండుగలు, నృత్యరూపాలు, హస్తకళలు గురించి తెలిసి ఉండాలి. కట్టడాల నిర్మాణ శైలి, ఇంజనీరింగ్ అద్బుతాలు గురించి పరిజ్ఞానం ఉండాలి.

ఈ ఉద్యోగంలో కమ్యూనికేషన్ స్కిల్ అత్యంత కీలకం. భాషా నైపుణ్యం కలిగి ఉండి, పర్యాటకులతో మర్యాదగా, స్పష్టంగా మాట్లాడగలిగే వారికి ఈ నియామకాల్లో ప్రాధాన్యత ఉంటుంది. పర్యాటకులను ఆకట్టుకునే విధంగా కథలను వివరించే నైపుణ్యం అదనపు బలంగా మారుతుంది.

ఎలా దరఖాస్తు చేసుకోవాలి

ఆసక్తి ఉన్న అభ్యర్థులు తమ దరఖాస్తులను ఆన్‌లైన్‌ ద్వారా సమర్పించాలి. దరఖాస్తు ప్రక్రియను సులభతరం చేసేందుకు ప్రభుత్వం గూగుల్ ఫామ్ లింక్‌ను అందుబాటులోకి తీసుకొచ్చింది. ఈ లింక్ కోసం ఇక్కడ క్లిక్ చేయండి. అభ్యర్థులు మత విద్యార్హత, ధృవీకరణ పత్రాలు, ఇతర అవసరమైన పత్రాలను ఆన్‌లైన్‌లో అప్‌లోడ్ చేయాలి.

Telangana Govt Jobs News: తెలంగాణ నిరుద్యోగులకు భారీ ఊరట! ప్రభుత్వ ఉద్యోగాల వయోపరిమితి 44కు పెంపు!

Khagesh — Tue, 19 May 2026 14:44:21 +0530

Telangana Govt Jobs News: తెలంగాణ రాష్ట్రంలో ప్రభుత్వ ఉద్యోగాల కోసం ఎదురు చూస్తున్న లక్షల మంది నిరుద్యోగులకు రేవంత్ సర్కారు గుడ్ న్యూస్ చెప్పింది. రాష్ట్ర ప్రభుత్వ సర్వీస్‌ల్లో ప్రత్యక్ష నియామకాల కోసం నిర్దేశించిన గరిష్ట వయోపరిమితిని మరో 10 ఏళ్లపాటు పెంచుతూ ప్రభుత్వం మంగళవారం ఉత్తర్వులు జారీ చేసింది. ఈ మేరకు ప్రభుత్వ ప్రధాన కార్యదర్శి కే. రామకృష్ణారావు జీవో జీవో నెంబర్‌ 86 నుంచి విడుదల చేశారు.

44 ఏళ్ల వరకు ఓసీ అభ్యర్థులు ఉద్యోగాలకు అప్లై చేయవచ్చు

ఈ నిర్ణయంతో ఇప్పటి వరకు 34 ఏళ్లుగా ఉన్న గరిష్ట వయోపరిమితి ఇప్పుడు 44 ఏళ్లకు చేరుకుంది. ఈ పెంపు కేవలం ఒక ఏడాదిపాటు అమలులో ఉంటుందని ప్రభుత్వం స్పష్టం చేసింది. ఇప్పుడు కొత్తగా వచ్చిన జీవో ప్రకారం ఓసీ అభ్యర్థులు 44 ఏళ్ల వరకు ప్రభుత్వ ఉద్యోగాలకు అప్లై చేసుకోవచ్చు. మిగతా కేటగిరిల రిజర్వేషన్ బట్టి వారి వయోపరిమితి పెరుగుతుంది.

వయపరిమితి పెంచడానికి కారణమేంటీ?

తెలంగాణ రాష్ట్ర అండ్‌ సబార్డినేట్‌ సర్వీస్‌‌ రూల్స్, 1996 ప్రకారం... ప్రభుత్వ ఉద్యోగాలకు దరఖాస్తు చేసుకునే అభ్యర్థుల గరిష్ట వయోపరిమితి 34 ఏళ్లుగా నిర్ణయించారు. అయితే రాష్ట్రంలో నెలకొన్న నిరుద్యోగ సమస్య, నోటిఫికేషన్ల జారీలో జరిగిన ఆలస్యం దృష్ట్యా, అభ్యర్థులు వయసు దాటిపోతున్నామనే ఆందోళనలో ఉన్నారు. దీనిని పరిగణలోకి తీసుకున్న ప్రభుత్వ, రాబోయే ఒక ఏడాది కాలంలో ఇచ్చే నోటిఫికేషన్లకు పదేళ్ల వయసు అదనపు సడలింపును ప్రకటించింది. అంటే ఓపెన్ కేటగిరి అభ్యర్థులు 44 ఏళ్ల వయసు వరకు పోటీ పడవచ్చు. ఎస్సీ, ఎస్టీ, బీసీ, ఇతర రిజర్వేషన్ వర్గాలకు ఈ 44 ఏళ్లకు అదనంగా వారి వారి కేటగిరి సడలింపు వర్తిస్తాయి.

Also Read: చైన్ స్నాచర్లే కాదు చీరలెత్తి చూసే దరిద్రులూ ఉన్నారు - హైదరాబాద్‌లో జరిగిన ఈ సీసీటీవీ దృశ్యాలు చూస్తే అసహ్యం వేస్తుంది!

ఈ వయోపరిమితి పెంపునకు కారణాలు రెండు ఉన్నాయి. రాష్ట్రవ్యాప్తంగా ఉన్న లక్షల మంది నిరుద్యోగ యువత, తాము వయోపరిమితి ముగిసే దశలో ఉన్నామని, గత కొన్నేళ్లుగా సరైన నోటిఫికేషన్లు లేకపోవడం వల్ల తమకు అవకాశం కల్పించాలని ప్రభుత్వానికి అనేక విజ్ఞప్తులు పంపారు. వారి భవిష్యత్‌ను దృష్టిలో పెట్టుకొని ప్రభుత్వం ఈ నిర్ణయం తీసుకుంది.

గతంలో 12 ఏళ్లకు పెంపు

గతంలో ఫిబ్రవరి 8, 2024న ప్రభుత్వం జీవో నంబర్‌ 30ని విడుదల చేసింది. ఆ సమయంలో వయోపరిమితిని పదేళ్లకు అదనంగా మరో రెండేళ్లు పెంచి మొత్తం 46 ఏళ్లకు పెంచారు. అయితే ఈ జీవో గడువు 2026 ఫిబ్రవరితో ముగిసింది. దీంతో వయోపరిమితి మళ్లీ ప్రాథమిక స్థాయి అయిన 34 ఏళ్లకు పడిపోయింది. ఈ గ్యాప్‌ను భర్తీ చేయడానికి, కొత్త నోటిఫికేషన్లలో అభ్యర్థులకు అవకాశం కల్పించడానికి ప్రభుత్వం కొత్త జీవోను తీసుకొచ్చింది.

Also Read: బండి భగీరథ్ పోక్సో కేసులో మరో సిట్ ఏర్పాటు, నేడు కస్టడీకి కోరుతూ కోర్టులో పోలీసులు పిటిషన్

జీవో నెంబర్‌ 86 ప్రకారం, ఈ పదేళ్ల వయోపరిమితి సడలింపు ఉత్తర్వులు జారీ చేసిన తేదీ నుంచి ఒక ఏడాదిపాటు మాత్రమే అమలులో ఉంటాయి. ఈ ఏడాది కాలంలో వివిధ రిక్రూట్‌మెంట్‌ ఏజెన్సీలు విడుదల చేసే నోటిఫికేషన్లకు మాత్రమే ఈ సడలింపు వర్తిస్తుంది.

ఈ సడలింపు అన్ని ప్రభుత్వం ఉద్యోగులకు వర్తించదు. ప్రభుత్వం స్పష్టంగా పేర్కొన్నట్టుగా, సివిల్ ఉద్యోగాలు, గ్రూప్స్‌, సెక్రటేరియట్‌ పోస్టులు ఇతర సాధారణ ప్రభుత్వ ఉద్యోగాలకు ఇది వర్తిస్తుంది. పోలీసు, ఎక్సైజ్‌, ఫైర్‌, జైళ్ల శాఖ వంటి యూనిఫామ్‌ సర్వీసులకు ఈ వయోపరిమితి పెంపు వర్తించదని ప్రభుత్వం క్లారిటీ ఇచ్చింది.

Also Read: జలమండలి జీఎం కుమార్ ఇళ్లపై ఏసీబీ దాడులు.. కుప్పలుగా నోట్ల కట్టలు, 100 కోట్ల ఆస్తులు గుర్తింపు !

AP University Posts: ఏపీలోని యూనివర్శిటీ జాబ్స్‌లో అసిస్టెంట్ ప్రొఫెసర్ పోస్టుల వివరాలు ఇవే!

Khagesh — Fri, 15 May 2026 17:05:50 +0530

AP Universities Assistant Professor Vacancy: ఆంధ్రప్రదేశ్‌ ఉన్నత విద్యా రంగంలో చారిత్రాత్మకమైన మార్పునకు నాంది పలుకుతూ, రాష్ట్ర ప్రభుత్వం వివిధ యూనివర్శిటీల్లోని సిబ్బంది నియామక ప్రక్రియను ప్రారంభించింది. మే 15, 2026న వెలువడిన ఈ నోటిఫికేషన్లు భారీ సంఖ్యలో ఉద్యోగాలను భర్తీ చేయడమే కాకుండా విద్యా ప్రమాణాలను అంతర్జాతీయ స్థాయికి తీసుకెళ్లాలని లక్ష్యంగా పెట్టుకున్నాయి. అసిస్టెంట్‌ ప్రొఫెసర్‌ కేడర్‌లో నియామకాలు చేపట్టడం ద్వారా పరిశోధన, బోధనా రంగాల్లో నూతన శక్తిని నింపేందుకు ప్రభుత్వం సిద్ధమైంది.

ముఖ్యమైన తేదీలు ఎప్పుడు ఏం జరుగుతోంది?

ఈ ఉద్యోగాల భర్తీకి నోటిఫికేషన్ ఇప్పటికే విడుదలైంది. ఆన్‌లైన్‌ దరఖాస్తుల ప్రారంభం 18వ తేదీ నుంచి ప్రారంభమవుతుంది. ఆన్‌లైన్‌ దరఖాస్తులకు చివరి తేదీ జూన్ 8వ తేదీ సాయంత్ర ఐదు గంటలు. మీరు దరఖాస్తు చేసుకున్న తర్వాత హార్డ్ కాపీలను జూన్ 15 నాటికి ఆయా యూనివర్సిటీలకు చేరాలి. వాటిని అధికారులు పరిశీలించి 22వ తేదీని ప్రాథమిక అర్హుల జాబితాను ప్రకటిస్తారు. వాటిపై అభ్యంతరాలు ఉంటే 29వ తేదీ వరకు చెప్పుకోవచ్చు. తర్వాత 30వ తేదీన స్క్రీనింగ్ టెస్టు తుది జాబితా ప్రదర్శిస్తారు.

విశ్వవిద్యాలయాల వారీగా ఖాళీల వివరాలు

రాష్ట్రంలోని 18 విశ్వవిద్యాలయాల్లో భర్తీ చేయనున్న అసిస్టెంట్‌ ప్రొఫెసర్‌ ఉద్యోగాల వివరాలు ఇక్కడ చూడొచ్చు.

యూనివర్శిటీ పేరు	రెగ్యులర్ పోస్టులు	బ్యాక్‌లాగ్ పోస్టులు	భర్తీ చేయనున్న సబ్జెక్టుల వివరాలు
ఆంధ్ర యూనివర్శిటీ	203	05	బయోకెమిస్ట్రీ, ఎకనామిక్స్‌, లా, పొలికిటల్ సైన్స్, ఫిజిక్స్, సీఎస్‌ఈ
శ్రీ వెంకటేశ్వర విశ్వ విద్యాలయం	86	02	ఆంత్రోపాలజీ, బాటనీ, కెమికల్ ఇంజినీరింగ్, తెలుగు, స్టాటిస్టిక్స్‌
జేఎన్‌టీయూ అనంతపురం	75	04	సివిల్, సీఎస్‌ఈ, ఈఈఈ, ఈసీఈ, మెకానికల్, కెమికల్ ఇంజనీరింగ్
జెఎన్టీయూ కాకినాడ	41	03	సివిల్, మెకానికల్, సీఎస్‌ఈ, మేనేజ్‌మెంట్, ఇంగ్లీష్, మ్యాథ్స్‌,
జేఎన్టీయూ జీవీ	30	04	సివిల్, ఎకనామిక్స్, మ్యాథ్స్, సీఎస్‌ఈ
శ్రీ కృష్ణదేవరాయ విశ్వవిద్యాలయం	49	18	సోషియాలజీ, లా, స్టాటిస్టిక్స్‌, బాటనీ, మేనేజ్‌మెంట్
ఆచార్య నాగార్జున యూనివర్శిటీ	44	01	ఆర్కిటెక్చర్, బాటనీ, కామర్స్‌, ఎకామిక్స్‌, సివిల్‌, సీఎస్‌ఈ
రాయలసీమ విశ్వవిద్యాలయం	38	0	బయోటెక్నాలజీ, కెమిస్ట్రీ, ఎకనామిక్స్‌, తెలుగు, మ్యాథ్స్‌,
ఆర్జీయూకేటీ	104	66	బయాలజీ, ఫిజిక్స్, ఇంజినీరింగ్ కోర్సులు, మేనేజ్‌మెంట్‌
యోగి వేమన విశ్వవిద్యాలయం	0	19	బయోటెక్నాలజీ, మైక్రోబయాలజీ, హిస్టరీ, మెకానికల్, సీఎస్‌ఈ
శ్రీపద్మావతి మహిళా విశ్వవిద్యాయం	21	01	హోమ్‌సైన్స్‌, లా మైక్రోబయాలజీ, సీఎస్‌ఈ
కృష్ణా విశ్వవిద్యాలయం	27	03	సీఎస్‌ఈ, ఇంగ్లీష్, మేనేజ్మెంట్, అప్లైడ్ మ్యాథ్స్‌
విక్రమ సింహపురి విశ్వవిద్యాలయం	20	05	బాటనీ, సీఎస్‌ఈ, ఇంగ్లీష్‌, ఎకనామిక్స్‌
డాక్టర్ బీఆర్‌ అంబేద్కర్ విశ్వవిద్యాలయం	28	01	కెమిస్ట్రీ, కామర్స్, ఎకనామిక్స్, సోషల్ వర్క్,
ఆదికవి నన్నయ్య యూనివర్శిటీ	37	03	బాటనీ, కెమిస్ట్రీ, సీఎస్‌ఈ, మేనేజ్మెంట్‌, ఎకనామిక్స్‌
డాక్టర్ వైఎస్‌ఆర్‌ ఆర్కిటెక్చర్‌ అండ్‌ ఫైన్‌ ఆర్ట్స్‌వర్శిటీ	46	---	పెయింటింగ్‌, ఫొటోగ్రఫీ, ఫిజిక్స్, సీఎస్‌ఈ, ఇంగ్లీష్‌
ద్రావిడ విశ్వవిద్యాలయం	07 -	--	కెమిస్ట్రీ, కామర్స్‌, మేనేజ్మెంట్‌
ఆంధ్రకేసరి విశ్వవిద్యాలయం	08	----	ఏ సబ్జెక్ట్‌లో పోస్టులు భర్తీ చేస్తున్నారో నోటిఫికేషన్‌లో చెప్పలేదు.

విద్యార్హతలు

అసిస్టెంట్ ప్రొఫెసర్‌ పోస్టులకు ప్రధానంగా ఈ అర్హతలు ఉండాలి.

ఆర్ట్స్‌ సైన్సెస్‌, హ్యుమానిటీస్‌, లా, కామర్స్, ఎడ్యుకేషన్‌ సంబంధిత సబ్జెక్ట్‌లో 55 శాతం మార్కులతో మాస్టర్స్‌ డిగ్రీ ఉండాలి. దీంతోపాటు యూజీసీ నిర్వహించే నెట్‌ లేదా సీఎస్‌ఐఆర్‌ నెట్ ఉత్తీర్ణులవ్వాలి. లేదా సెట్‌, స్లెట్‌ అర్హత కలిగి ఉండాలి. యూజీసీ 2009/2016 నిబంధనల ప్రకారం పీహెచ్‌డీ పూర్తి చేసిన వారికి నెట్‌/సెట్‌ నుంచి మినహాయింపు ఉంటుంది.

ఇంజినీరింగ్ అండ్ టెక్నాలజీ సంబంధిత విభాగంలో బీఈ/ బీటెక్‌/ బీఎస్ లేదా ఎంజీ/ ఎంటెక్‌/ ఎంఎస్‌లలో ఏదో ఒకటి ఫస్ట్ క్లాస్‌ మార్కులతో ఉత్తీర్ణులై ఉండాలి.

మేనేజ్మెంట్‌ పోస్టులకు ఏదైనా డిగ్రీతోపాటు ఎంబీఏ, పీజీడీఎం, ఎంకామ్‌ లలో ఫస్ట్ క్లాస్, నెట్‌/సెట్‌ లేదా పీహెచ్‌డీతోపాటు రెండేళ్ల వృత్తిపరమైన అనుభవం ఉండాలి.

ఎస్సీ, ఎస్టీ, బీసీ, దివ్యూగులకు అర్హత మార్కుల్లో ఐదు శాతం సడలింపు ఉంటుంది.

ఎంపిక ప్రక్రియ ఎలా ఉంటుంది?

మొదట ఏపీపీఎస్సీ ద్వారా సీబీటీ స్క్రీనింగ్ టెస్టు ఉంటుంది. ఇందులో అభ్యర్థులను 1:12 నిష్పత్తిలో షార్ట్ లిస్ట్ చేస్తారు. తర్వాత అకాడమిక్ స్కోర్‌ను పరిగణలోకి తీసుకుంటారు. అకాడమిక్ రికార్డ్, రీసెర్చ్ పబ్లికేషన్స్ ఆధారంగా 1:4 నిష్పత్తిలో ఇంటర్వ్యూలకు పిలుస్తారు.

ఇంటర్వ్యూ వంద మార్కులకు ఉంటుంది. ఇందులో లెక్చర్‌ డెమోన్‌స్ట్రేషన్‌కు 25 మార్కులు, పర్శనాలిటీకి 15 మార్కులు, డొమైన్ నాలెడ్జ్‌కు 35మార్కులు, రీసెర్చ్ కాంపిటెన్స్‌కు 25 మార్కులు కేటాయిస్తారు.

కాంట్రాక్ట్ అధ్యాపకులకు వెయిటేజీ ఉంటుంది. యూనివర్శిటీల్లో పని చేస్తున్న అర్హత గల కాంట్రాక్ట్ ఫ్యాకల్టీకి ప్రతి సర్వీస్ ఏడాదికి ఒక మార్కు చొప్పున గరిష్టంగా పది మార్కులు వెయిటేజీ ఇస్తారు.

https://apuniversitiesrecruitment.apcfss.in సైట్‌లోకి వెళ్లి అభ్యర్థులు దరఖాస్తు చేసుకోవాలి. అందులో కామన్‌ రిక్రూట్‌మెట్ పోర్టల్ ద్వారా మాత్రమే దరఖాస్తు చేయాలి. ఆన్‌లైన్‌ దరఖాస్తు సమర్పించిన తర్వాత రిజిస్ట్రేష్ ఫారమ్ ప్రింట్‌ అవుట్ తీసుకొని, అన్ని సంబంధిత పత్రాల హార్డ్ కాపీలను సెల్ఫ్‌ అసిస్టేషన్ చేసి సంబంధిత యూనివర్శిటీ రిజిస్ట్రార్‌కు పంపించాలి.

AP University Posts: ఏపీలోని యూనివర్శిటీ జాబ్స్‌లో అసిస్టెంట్ ప్రొఫెసర్ పోస్టుల వివరాలు ఇవే!

కేంద్ర ఉద్యోగులకు శుభవార్త! 8th Pay Commission నివేదిక ఎప్పుడు వస్తుంది? జీతాల పెంపుపై అప్డేట్

Job Interview Tips : జాబ్ రావాలంటే ఇంటర్వ్యూకు వెళ్లే ముందు ఈ తప్పులు చేయకండి.. సక్సెస్ కావచ్చు

కంపెనీ గురించి తెలుసుకోకపోవడం

ఆలస్యంగా వెళ్లడం

డ్రెస్సింగ్

రెజ్యూమే చెక్

ఫోన్‌ను సైలెంట్‌లో పెట్టకపోవడం

ప్రాక్టీస్ చేయకపోవడం

నెగెటివ్‌ టాక్

నిద్రపోండి..

కాన్ఫిడెన్స్

క్వశ్చన్ చేయండి..

Job Resignation Reasons : జాబ్ మానేయాలనుకుంటున్న వారి సంఖ్య పెరుగుతోందా? ఉద్యోగుల రాజీనామాల వెనుక అసలు కారణాలు ఇవే

ఏళ్లుగా పని చేస్తున్నా.. గ్రోత్ లేకపోవడం

గుర్తింపు లేకపోవడం.. శ్రమ దోపిడి

పెరుగుతోన్న ఆఫీస్ పాలిటిక్స్

జీతం విషయంలో రెండు రకాల కారణాలు..

పర్సనల్ టైమ్ తగ్గిపోవడం

మానసిక ఆరోగ్యం..

మంచి అవకాశాల కోసం

H1B Visa Fee: హెచ్‌1బీ వీసాలకు లక్ష డాలర్ల ఫీజు చట్టవిరుద్ధం.. డొనాల్డ్ ట్రంప్‌నకు ఫెడరల్ కోర్టు షాక్

Tech Layoffs: 2026లో భారీగా లేఆఫ్స్.. ఇప్పటివరకే 1 లక్షకు పైగా ఉద్యోగాలు తొలగింపు

తెలంగాణ పబ్లిక్ సర్వీస్ కమిషన్ మూడు ప్రధాన విభాగాల్లో ఖాళీలను భర్తీ

ఎలా దరఖాస్తు చేసుకోవాలి?

Meta Layoffs 2026: ఫేస్‌బుక్‌లో 8వేల మంది ఉద్యోగులకు లేఆఫ్స్ - ఈ సీనియర్ మేనేజర్ వేదన ఏఐ పాపమే !

అర్హతలు ఏంటీ?

ఎలా దరఖాస్తు చేసుకోవాలి

Telangana Govt Jobs News: తెలంగాణ నిరుద్యోగులకు భారీ ఊరట! ప్రభుత్వ ఉద్యోగాల వయోపరిమితి 44కు పెంపు!

44 ఏళ్ల వరకు ఓసీ అభ్యర్థులు ఉద్యోగాలకు అప్లై చేయవచ్చు

వయపరిమితి పెంచడానికి కారణమేంటీ?

గతంలో 12 ఏళ్లకు పెంపు

Also Read: బండి భగీరథ్ పోక్సో కేసులో మరో సిట్ ఏర్పాటు, నేడు కస్టడీకి కోరుతూ కోర్టులో పోలీసులు పిటిషన్

Also Read: జలమండలి జీఎం కుమార్ ఇళ్లపై ఏసీబీ దాడులు.. కుప్పలుగా నోట్ల కట్టలు, 100 కోట్ల ఆస్తులు గుర్తింపు !

AP University Posts: ఏపీలోని యూనివర్శిటీ జాబ్స్‌లో అసిస్టెంట్ ప్రొఫెసర్ పోస్టుల వివరాలు ఇవే!

ముఖ్యమైన తేదీలు ఎప్పుడు ఏం జరుగుతోంది?

విశ్వవిద్యాలయాల వారీగా ఖాళీల వివరాలు

యూనివర్శిటీ పేరు

రెగ్యులర్ పోస్టులు

బ్యాక్‌లాగ్ పోస్టులు

భర్తీ చేయనున్న సబ్జెక్టుల వివరాలు

విద్యార్హతలు

ఎంపిక ప్రక్రియ ఎలా ఉంటుంది?