SSC Results 2026: ప్రతి వ్యక్తికి తన లక్ష్యాలవైపు దూసుకెళ్లడానికి పదో తరగతి టర్నింగ్ పాయింట్. అలాంటి పాయింట్ వద్ద గతి తప్పితే జీవితమే ముగిసిపోయిందని బాధపడాల్సిన పని లేదు. అలాంటి వారిని పిలిచి ట్రైనింగ్ ఇచ్చి ఉద్యోగాలు కల్పించే వ్యవస్థలు ఉన్నాయి. అందరూ ఉన్నత చదువులు చదివే ఎదగాలనే లేదు. జీవితంలో ఉన్నత స్థితికి వెళ్లేందుకు చాలా మార్గాలు ఉన్నాయి. వాటి గురించి తెలుసుకుందాం.
భారత్ జనాభాలో 15-29 ఏళ్ల మధ్య వయసు ఉన్న యువత 27. 2 శాతం మంది ఉన్నారు. ఇది 2036 నాటికి సుమారు 345 మిలియన్లకు చేరుకుంటుంది. ఈ భారీ యువశక్తిని దేశాభివృద్ధిలో భాగస్వాములను చేసేందుకు కేంద్ర ప్రభుత్వం కేవలం డిగ్రీలకే పరిమితం కాకుండా లెర్న్ వైల్ యు ఎర్ అనే నినాదంతో అప్రెంటిస్షిప్ వ్యవస్థను బలోపేతం చేస్తోంది. పారిశ్రామిక అవసరాలకు తగ్గట్టుగా యువతను తీర్చిదిద్దటమే లక్ష్యంగా కార్యాచరణ చేపడుతున్నారు.
పరీక్షల్లో ఫెయిల్ అవ్వడం కెరీర్కు ముగింపు కాదు. నైపుణ్యం ఉంటే అద్భుతమైన కెరీర్ నిర్మించుకోవచ్చు. చిన్న దుకాణాల్లో సేల్స్, మార్కెటింగ్ టీమ్లలో చేరవచ్చు. ఇవి చాలా ఉన్నతమైన కెరీర్ ఉన్న ఉద్యోగాలు. టైలరింగ్, ఫ్యాషన్ డిజైనింగ్లో ట్రైనింగ్ ఇచ్చే సంస్థలు చాలానే ఉన్నాయి. కొందరు ఉచితంగా ట్రైనింగ్ ఇస్తే మరికొందరు తక్కువ ఫీజుతో శిక్షణ ఇస్తున్నాయి. వాళ్లే కెరీర్ ఆపర్చ్యూనిటీస్ కూడా కల్పిస్తున్నారు. హెయిర్ స్లైలిస్ట్, మేకప్ ఆర్టిస్ట్, స్పా థెరపిస్ట్ కోర్సులకు భారీ డిమాండ్ ఉంది. వాటిలో కూడా చేరవచ్చు. NSDC భాగస్వామ్యంతో అనేక సంస్థలు మూడు నెలల సర్టిఫికెట్ కోర్స్లు అందిస్తున్నాయి. డెలివరీ పర్శన్, ప్యాకేజింగ్ స్టాఫ్, వేర్ హౌస్ అసిస్టెంట్ ఉద్యోగాలకు లాజిస్టిక్ రంగంలో ఎప్పుడూ అవకాశాలు ఉండనే ఉన్నాయి.
అండగా కేంద్ర ప్రభుత్వం
చదువులో రాణించలేరని వారికోసం కేంద్రం ప్రత్యేక పథకాలు చేపట్టింది. వారికి నచ్చిన రంగంలో రాణించేలా ప్రోత్సహిస్తోంది. ప్రధాన మంత్రి కౌశల్ వికాస్ యోజన పేరుతో 40కిపైగా రంగాల్లో ఉచిత నైపుణ్య శిక్షణ ఇస్తోంది. సర్టిఫికెట్ కూడా ఇస్తోంది. స్వయం ఉపాధి, వ్యాపారంలో రాణించాలనుకునే వారికి ప్రత్యేకంగా ముద్ర లోన్స్ ఇస్తోంది. ఇందులో మీరు యాభై వేల నుంచి పది లక్షల వరకు ఎలాంటి గ్యారెంటీ లేకుండా లోన్ పొందవచ్చు. అసంఘటిత రంగ కార్మికుల కోసం ఈ శ్రమ్ పోర్టల్ ఏర్పాటు చేసింది. ఇందులో రిజిస్టర్ చేసుకుంటే ప్రమాద బీమా, ఇతర సామాజిక భద్రత పథకాలు లభిస్తాయి.
కేవలం అకడమిక్ విద్యతోనే ఉద్యోగాలు వస్తాయనేది తప్పుడు అభిప్రాయం, ప్రాక్టికల్ నైపుణ్యం చాలా ముఖ్యం.