Thalassemia in Kids : చిన్నపిల్లల్లో తలసేమియాకు కారణాలు, లక్షణాలు ఇవే.. తల్లిదండ్రులు తీసుకోవాల్సిన జాగ్రత్తలు

Cold Prevention Tips : శీతాకాలంలో జలుబును నివారించే చిట్కాలు ఇవే.. లక్షణాలు కనిపించగానే ఇలా చేయండి

Geddam Vijaya Madhuri — Thu, 22 Oct 2026 22:26:29 +0530

Cold Prevention Tips : శీతాకాలంలో జలుబును నివారించే చిట్కాలు ఇవే.. లక్షణాలు కనిపించగానే ఇలా చేయండి

Anemia Diet : హిమోగ్లోబిన్ స్థాయిలను కాపాడే 7 కూరగాయలు.. రక్తహీనత ఉంటే డైట్లో చేర్చుకోండి

Geddam Vijaya Madhuri — Thu, 22 Oct 2026 21:15:03 +0530

Anemia Diet : హిమోగ్లోబిన్ స్థాయిలను కాపాడే 7 కూరగాయలు.. రక్తహీనత ఉంటే డైట్లో చేర్చుకోండి

Slim Waist Surgery : నడుమును సన్నగా చేసే రిబ్ మోడలింగ్ సర్జరీ.. ఎంత ప్రమాదమో తెలుసా?

Geddam Vijaya Madhuri — Thu, 22 Oct 2026 13:51:28 +0530

Rib Modeling Surgery Procedure Details : సన్నని నడుము, ఆకర్షణీయమైన శరీరాకృతి కావాలని చాలామంది కోరుకుంటారు. దీనిలో భాగంగా కొందరు మహిళలు వివిధ రకాల కాస్మెటిక్ సర్జరీలను ఆశ్రయిస్తున్నారు. ఈ క్రమంలోనే ఇప్పుడు రిబ్ మోడలింగ్ సర్జరీపై ఎక్కువగా వినిపిస్తోంది. ఈ రిబ్ మోడలింగ్ సర్జరీలో నడుము సన్నగా కనిపించేలా చేయడానికి.. కింది పక్కటెముకల ఆకృతిని మారుస్తారు. మరి దీనికోసం పక్కటెముకలను నిజంగానే విరగ్గొడతారా? శస్త్రచికిత్స ఎలా చేస్తారు? ఫలితాలు ఎలా ఉంటాయి? ఆరోగ్యానికి ప్రమాదమా వంటి విషయాలు తెలుసుకుందాం.

రిబ్ మోడలింగ్ సర్జరీ

రిబ్ మోడలింగ్‌ను పక్కటెముకల ఆకృతిని మార్చే కాస్మెటిక్ శస్త్రచికిత్సగా చెప్పవచ్చు. దీని ప్రధాన ఉద్దేశ్యం నడుము భాగం సన్నగా కనిపించేలా చేయడమే. సాధారణంగా ఇందులో కింది పక్కటెముకల ఆకృతిని మార్చేందుకు ప్రయత్నిస్తారు. ఇది లైపోసక్షన్‌ వంటి ప్రక్రియల కంటే భిన్నమైనది. ఎందుకంటే లైపోసక్షన్‌లో శరీరంలోని కొన్ని ప్రాంతాల్లో పేరుకున్న కొవ్వును మాత్రమే తొలగిస్తారు. కానీ రిబ్ మోడలింగ్‌లో ఎముకల నిర్మాణంపైనే పనిచేస్తారు.

పక్కటెముకలను పూర్తిగా తొలగించకుండా, వాటిని నియంత్రిత పద్ధతిలో బలహీనపరచి లేదా విరగొట్టి, నడుము లోపలివైపు వంపు వచ్చేలా చేసే పద్ధతులు దీనిలో ఉన్నాయి. అయితే ఈ ప్రక్రియ చేసే విధానం వైద్యుడు, వారు ఉపయోగించే టెక్నిక్‌ను బట్టి మారవచ్చు.

Also Read : స్పైన్ సర్జరీ తర్వాత పేషెంట్ బెడ్‌కే పరిమితం కావాలా? రికవరీ ఎప్పటి నుంచి మొదలవుతుందంటే

ఈ సర్జరీ ఎందుకు చేయించుకుంటారు?

సోషల్ మీడియాలో కనిపించే ఆకర్షణీయమైన శరీరాకృతులు.. నడుముపై పెరుగుతున్న ఆసక్తి ఈ సర్జరీపై చర్చకు కారణమవుతున్నాయి. కొందరు మహిళలు వ్యాయామం లేదా ఆహార నియంత్రణతో మాత్రమే దీనిని సాధించలేమని భావించి.. ఇలాంటి కాస్మెటిక్ విధానాల గురించి తెలుసుకుంటున్నారు.

కార్సెట్ ధరించినప్పుడు కనిపించే సన్నని నడుము వంపులను శాశ్వతంగా పొందాలనే ఉద్దేశంతో కొందరు ఈ సర్జరీని ఎంచుకుంటున్నారు. మరికొందరు లైపోసక్షన్‌ వంటి ఇతర కాస్మెటిక్ ప్రక్రియలతో కలిపి చేయించుకోవాలని చూస్తున్నారు. అయితే ప్రతి ఒక్కరి శరీర నిర్మాణం వేర్వేరుగా ఉంటుంది. అందువల్ల అందరికీ ఇది ఒకే రకమైన ఫలితాలు ఇస్తాయని చెప్పలేం.

Also Read : వారంలో కిలో బరువు తగ్గాలంటే రోజుకు ఎన్ని అడుగులు నడవాలి? ఏ టిప్స్ ఫాలో అవ్వాలి?

రిబ్ మోడలింగ్ సర్జరీ ఎలా చేస్తారు?

ఈ ప్రక్రియలో సాధారణంగా నడుము కింది భాగంలో చిన్న కోతలు చేసి.. కింది పక్కటెముకల ఆకృతిని మారుస్తారు. కొన్ని పద్ధతుల్లో పక్కటెముకలను బలహీనపరచి లేదా విరగొట్టి, లోపలివైపు వంపు వచ్చేలా చేస్తారు. ఈ సర్జరీని సాధారణంగా అనస్థీషియా ఇచ్చి చేస్తారు. ఉపయోగించే విధానాన్ని బట్టి శస్త్రచికిత్స వివరాలు మారుతాయి. పక్కటెముకలు, ఊపిరితిత్తులు వంటి ముఖ్యమైన అవయవాలకు దగ్గరగా ఈ ప్రక్రియ జరుగుతుంది. కాబట్టి వైద్యులు శరీర నిర్మాణాన్ని జాగ్రత్తగా అంచనా వేయాల్సి ఉంటుంది.

శస్త్రచికిత్సలో ఏమి జరుగుతుంది?

డాక్టర్ హదీద్ ప్రకారం.. నడుము కింది భాగంలో రెండు చిన్న కోతలు పెట్టి.. కింది మూడు పక్కటెముకలను పాక్షికంగా విరగ్గొడతారు. డాక్టర్ మార్షల్ ప్రకారం.. ఈ ప్రక్రియను జనరల్ అనస్థీషియా ఇచ్చి.. అల్ట్రాసౌండ్ ఉపయోగించి పక్కటెముకలు, ఊపిరితిత్తుల స్థానాన్ని అంచనా వేస్తారు. ఆ తర్వాత.. ఒక ప్రత్యేక పరికరాన్ని ఉపయోగించి.. పక్కటెముకల ఉపరితలంపై నియంత్రిత పద్ధతిలో శస్త్రచికిత్స చేసి.. పక్కటెముకలను విరగ్గొట్టడానికి ఒత్తిడిని ప్రయోగిస్తారు. అంతేకానీ పక్కటెముకలను తొలగించరు.

Also Read : బరువు తగ్గాలా? కఠినమైన డైట్ వద్దు, ఈ చిన్న మార్పులు చాలు అంటోన్న హెల్త్ కోచ్.. వీటితో పది కిలోలు తగ్గిందట

సర్జరీ తర్వాత పక్కటెముకలు కొత్త స్థానంలో స్థిరపడేందుకు కొంతకాలం కార్సెట్ ధరించాలని వైద్యులు సూచిస్తారు. ఎంతకాలం ధరించాలనేది సర్జరీ విధానం, రోగి కోలుకునే తీరుపై ఆధారపడి ఉంటుంది. నడుము చుట్టుకొలత తగ్గే పరిమాణం కూడా ఒక్కొక్కరిలో ఒక్కోలా ఉండవచ్చు.

నిజంగా నడుము సన్నబడుతుందా?

రిబ్ మోడలింగ్‌పై ప్రచురితమైన కొన్ని అధ్యయనాల్లో నడుము చుట్టుకొలత తగ్గినట్లు నివేదించారు. 2026లో ప్రచురితమైనట్లు ఒక సమీక్షలో నాలుగు అధ్యయనాలు, మొత్తం 318 మంది రోగుల ఫలితాలను పరిశీలించగా.. మూడు నెలల తర్వాత నడుము చుట్టుకొలతలో సగటున సుమారు 8.6 సెంటీమీటర్ల తగ్గుదల నమోదైనట్లు సమాచారం ఉంది.

Also Read : అన్నానికి బదులుగా డిన్నర్లో ఇవి తినండి.. కడుపు నిండటంతో పాటు బరువు తగ్గేందుకు హెల్ప్ చేస్తాయి

అయితే ఈ ఫలితాలను అందరికీ వర్తింపజేయలేం. అధ్యయనాల్లో పాల్గొన్నవారి సంఖ్య, ఉపయోగించిన శస్త్రచికిత్స పద్ధతులు, ఫాలోఅప్ వ్యవధి వంటి అంశాలు ఫలితాలను ప్రభావితం చేస్తాయి. దీర్ఘకాలంలో ఈ మార్పులు ఎంతకాలం నిలుస్తాయి? భవిష్యత్తులో ఎలాంటి సమస్యలు తలెత్తవచ్చు? అనే విషయాలపై మరింత పరిశోధన అవసరం.

రిబ్ మోడలింగ్ సర్జరీ ప్రమాదమా?

నడుము సన్నగా కనిపించినప్పటికీ.. ఈ శస్త్రచికిత్సలో ఉండే ప్రమాదాలను నిర్లక్ష్యం చేయకూడదు. పక్కటెముకలు ఊపిరితిత్తులు, ఇతర ముఖ్యమైన శరీర నిర్మాణాలకు దగ్గరగా ఉంటాయి. అందువల్ల ఎముకల ఆకృతిని మార్చే ప్రక్రియలో కొన్ని సమస్యలు ఎదురయ్యే అవకాశం ఉందని చెప్తున్నారు నిపుణులు. అవేంటంటే..

Also Read : బరువు తగ్గాలన్నా.. పొట్టను తగ్గించుకోవాలన్నా.. ఈ ఎఫెక్టివ్ 7 యోగాసనాలు వేసేయండి

ఊపిరితిత్తుల చుట్టూ ఉండే ప్రదేశంలో గాలి చేరడం వల్ల ఊపిరితిత్తులు కొంతవరకు లేదా పూర్తిగా కుంచించుకుపోవచ్చు. ఇది అత్యవసర వైద్య చికిత్స అవసరమయ్యే సమస్య కావచ్చు. అలాగే ఊపిరితిత్తుల చుట్టూ ఉన్న ప్రదేశంలో రక్తం చేరవచ్చు. దీనివల్ల శ్వాస తీసుకోవడంలో ఇబ్బందులు ఏర్పడే అవకాశం ఉంది. అంతేకాకుండా విరిగిన పక్కటెముకలు ఆశించిన విధంగా నయం కాకపోవచ్చు. దీనివల్ల నొప్పి లేదా

ఇతర సమస్యలు తలెత్తవచ్చు.

శస్త్రచికిత్స తర్వాత కొందరిలో నొప్పి ఎక్కువకాలం కొనసాగవచ్చు. గాయం మానడంలో సమస్యలు తలెత్తవచ్చు. ఇన్ఫెక్షన్, గాయం నెమ్మదిగా మానడం, చర్మంపై మచ్చలు లేదా ఇతర మార్పులు రావచ్చు. అలాగే రెండు వైపులా నడుము ఆకృతి ఒకేలా మారకపోవచ్చు. ఆశించిన ఫలితాలు రాకపోవచ్చు. కొన్ని అధ్యయనాల్లో సమస్యలు తక్కువ శాతంలో నమోదైనప్పటికీ.. వాటిని పూర్తిగా విస్మరించలేం.

సర్జరీ చేయించుకోవాలనుకుంటే..

రిబ్ మోడలింగ్ అనేది కేవలం అందం కోసం చేసే సాధారణ చికిత్స కాదు. ఇందులో ఎముకల నిర్మాణాన్ని మార్చాల్సి ఉంటుంది. అందువల్ల ఈ ప్రక్రియ గురించి ఆలోచించేవారు కొన్ని విషయాలను గుర్తుంచుకోవాలి. సర్జరీ వల్ల కలిగే ప్రయోజనాలు, ప్రమాదాల గురించి అర్హత కలిగిన ప్లాస్టిక్ సర్జన్‌తో పూర్తిగా చర్చించాలి. సర్జరీ తర్వాత కోలుకోవడానికి పట్టే సమయం, కార్సెట్ ధరించాల్సిన అవసరం, నొప్పి నిర్వహణ వంటి అంశాల గురించి ముందుగానే తెలుసుకోవాలి.

Also Read : 4 నెలల్లో 15 కిలోల బరువు తగ్గిన ఇన్‌ఫ్లుయెన్సర్.. బరువు తగ్గేందుకు ఫాలో అయి 5 చిట్కాలు ఇవే

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Amla Juice : ఖాళీ కడుపుతో ఉసిరి రసం తాగితే బరువు తగ్గుతారా? చర్మం మెరుస్తుందా? నిజాలివే

Geddam Vijaya Madhuri — Thu, 22 Oct 2026 06:25:05 +0530

Amla Juice on an Empty Stomach : ఉసిరికాయ తినడం ఆరోగ్యానికి మంచిదని చాలామందికి తెలుసు. వీటిలో విటమిన్ సి, యాంటీఆక్సిడెంట్లు పుష్కలంగా ఉంటాయి. అందుకే కొందరు రోజూ ఉదయాన్నే ఉసిరి జ్యూస్ లేదా ఉసిరి, అల్లంతో చేసిన షాట్స్ తాగుతుంటారు. దీనివల్ల బరువు తగ్గడం నుంచి జీర్ణక్రియ మెరుగుపడటం వరకు ఎన్నో ప్రయోజనాలు పొందవచ్చని చెప్తారు. మరి నిజానికి ఉసిరి జ్యూస్ ఖాళీ కడుపుతో తాగితే ఎలాంటి ప్రయోజనాలు పొందవచ్చు? ఎవర జాగ్రత్తగా ఉండాలో తెలుసుకుందాం.

మెరుగైన జీర్ణక్రియ

ఉసిరికాయలో పీచు పదార్థాలు ఉంటాయి. అయితే ఉసిరి షాట్స్ లేదా జ్యూస్ వడకట్టకుండా తీసుకుంటే.. మలబద్ధకం, గ్యాస్, అసిడిటీ సమస్యల నుంచి కాస్త ఉపశమనం పొందవచ్చు. లేదా ఉసిరిని నేరుగా తిన్నా కూడా జీర్ణక్రియకు మేలు జరగవచ్చని చెప్తోంది ఆయుర్వేదం.

Also Read : జీలకర్ర నీళ్లా? వాము నీళ్లా? మెంతుల నీళ్లా? ఉదయాన్నే ఏది తాగితే మంచిది?

ఇమ్యూనిటీ బూస్టర్..

ఉసిరికాయలో విటమిన్ సి సమృద్ధిగా ఉంటుంది. ఇది శరీరంలోని రోగనిరోధక వ్యవస్థ పనిచేయడానికి సహాయపడుతుంది. అంతేకాకుండా కణాలను ఆక్సీకరణ ఒత్తిడి నుంచి రక్షించడంలోనూ విటమిన్ సి పాత్ర ఉంటుంది. అందుకే ఉసిరిని సమతుల్య ఆహారంలో భాగంగా తీసుకోవచ్చు. రోగనిరోధక శక్తికోసం కేవలం ఉసిరి మాత్రమే తీసుకోకుండా సరైన ఆహారం, నిద్ర, వ్యాయామంపై ఫోకస్ చేయాలి.

బరువు తగ్గాలనుకునేవారికి..

బరువు తగ్గాలని ప్రయత్నించేవారు ఉదయాన్నే ఉసిరి నీటిని తాగితే పొట్ట కొవ్వు కరిగిపోతుందని భావిస్తుంటారు. కానీ ఏ ఒక్క పానీయం నేరుగా కొవ్వును కరిగించదని చెప్తున్నారు నిపుణులు. కానీ చక్కెర కలపని ఉసిరి నీటిని అధిక కేలరీల పానీయాలకు బదులుగా తీసుకుంటే మొత్తం కేలరీల తగ్గే అవకాశం ఉంటుంది. కాబట్టి ఇది బరువు తగ్గడానికి హెల్ప్ చేయవచ్చు.

మీరు నిజంగా బరువు తగ్గాలనుకుంటే దీనిని మీ డైట్లో చేర్చుకోవడంతో పాటు.. ఫుడ్ కంట్రోల్, ప్రోటీన్, రోజువారీ నడక, వ్యాయామం, సరిపడా నిద్ర వంటివి కూడా ఫాలో అవ్వాలి.

Also Read : 21 రోజులు మెంతుల నీరు తాగితే శరీరంలో జరిగే మార్పులు ఇవే.. పరిశోధనలు ఏం చెబుతున్నాయంటే

గుండె ఆరోగ్యానికై..

గుండె ఆరోగ్యాన్ని కాపాడుకోవాలంటే కొలెస్ట్రాల్, రక్తపోటు స్థాయిలను నియంత్రణలో ఉంచుకోవడం చాలా ముఖ్యం. ఉసిరిలోని కొన్ని పదార్థాలపై చేసిన పరిశోధనలు రక్తంలోని కొవ్వుల స్థాయిలపై ప్రయోజనాలు ఉండవచ్చని సూచిస్తున్నాయి. అయితే ఉసిరి నీరు తాగడం వల్ల ధమనుల్లో పేరుకున్న కొవ్వు తొలగిపోతుందని లేదా రక్తపోటు అదుపులోకి చెప్పలేము కానీ.. గుండె ఆరోగ్యానికి పరోక్షంగా హెల్ప్ చేయవచ్చు.

చర్మ ఆరోగ్యం కోసం..

చర్మం ఆరోగ్యంగా ఉండటానికి విటమిన్ సి అవసరం. ఇది కొల్లాజెన్ తయారీలో కీలక పాత్ర పోషిస్తుంది. కొల్లాజెన్ చర్మ నిర్మాణానికి తోడ్పడే ప్రోటీన్. ఉసిరి ద్వారా విటమిన్ సి చర్మానికి లభిస్తుంది. అయితే ఉసిరి నీటిని తాగితే ముఖంపై నల్లమచ్చలు, ముడతలు పూర్తిగా తొలగిపోతాయని లేదా చర్మం వెంటనే మెరిసిపోతుందని చెప్పలేము. పోషకాహారంతో పాటు సన్‌స్క్రీన్, తగినంత నిద్ర, సరైన చర్మ సంరక్షణ ఫాలో అయితే మంచి ఫలితాలు ఉంటాయి.

Also Read : వాతావరణం మారితే అల్లం-పసుపు టీ తాగండి.. మిరియాలు కూడా వేసి రోజూ తాగితే కలిగే లాభాలివే

జుట్టు, గోళ్ల ఆరోగ్యానికై..

ఉసిరిని జుట్టు సంరక్షణలో సంప్రదాయబద్ధంగా ఉపయోగిస్తుంటారు. అయితే ఉసిరి నీటిని తాగడం వల్ల జుట్టు రాలడం ఆగిపోతుందని లేదా కొత్త జుట్టు పెరుగుతుందని నిర్ధారించే ఆధారాలు లేవు. జుట్టు, గోళ్ల ఆరోగ్యానికి ప్రోటీన్, ఐరన్, జింక్ వంటి పోషకాలు కూడా అవసరం. ఇవి ఉసిరిలో లభిస్తాయి. జుట్టు ఎక్కువగా రాలుతుంటే ఉసిరిపై డిపెండ్ అవ్వకుండా వైద్యుడిని సంప్రదించాలి.

ఉసిరి నీటిని ఎలా తీసుకోవాలి?

శుభ్రంగా కడిగిన ఉసిరికాయను చిన్న ముక్కలుగా కోసి, కొద్దిగా నీటితో కలిపి జ్యూస్ తయారు చేసుకోవచ్చు. రుచి కోసం అవసరమైతే నీటితో పలుచగా చేసుకోవచ్చు. పులుపు తగ్గించడానికి పంచదార వంటివి వేయకపోవడమే మంచిది. అలాగే ఆరోగ్యానికి మంచిదని ఉసిరి రసాన్ని ఎక్కువ మోతాదులో తీసుకోవాల్సిన అవసరం లేదు. అలాగే దీనిని ఖాళీ కడుపుతోనే తాగాలనే రూల్ లేదు.

Also Read : 7 రోజులు జీలకర్ర నీరు తాగితే ఏం అవుతుంది? తయారు చేసే విధానం, ఆరోగ్య ప్రయోజనాలివే

ఎవరు జాగ్రత్తగా ఉండాలి?

అసిడిటీ లేదా కడుపులో మంట సమస్యలు ఉన్నవారికి ఉసిరి రసం వల్ల అసౌకర్యం కలగవచ్చు. రక్తంలో చక్కెర స్థాయిలను ప్రభావితం చేసే మందులు వాడేవారు.. ఉసిరిని రోజూ అధిక మోతాదులో తీసుకునే ముందు వైద్యుడిని సంప్రదించడం మంచిది. ఆరోగ్య ప్రయోజనాల కోసం ఉసిరి డ్రింక్పై ఆధారపడకుండా సమతుల్య ఆహారం, వ్యాయామం, తగినంత నిద్రకు ప్రాధాన్యం ఇవ్వాలి.

Also Read : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్కి మంచిదట

Jeera vs Ajwain vs Methi Water : జీలకర్ర నీళ్లా? వాము నీళ్లా? మెంతుల నీళ్లా? ఉదయాన్నే ఏది తాగితే మంచిది?

Geddam Vijaya Madhuri — Wed, 21 Oct 2026 14:53:45 +0530

Cumin, Carom or Fenugreek Water Benefits : ఉదయాన్నే ఖాళీ కడుపుతో జీలకర్ర నీళ్లు, వాము నీళ్లు, మెంతుల నీళ్లు తాగే అలవాటు చాలామందికి ఉంటుంది. బరువు తగ్గడానికి, గ్యాస్ సమస్యలు తగ్గించుకోవడానికి, జీర్ణక్రియ మెరుగుపరుచుకోవడానికి వీటిని తీసుకుంటారు. అయితే ఈ మూడు పానీయాలు ఒకేలా పనిచేయవు. ఒక్కో దానికి ఒక్కో ప్రత్యేకత ఉంటుంది. మరి వీటివల్ల కలిగే లాభాలు ఏంటో.. ఆరోగ్యానికి ఏది మంచిదో.. గ్యాస్ట్రోఎంటరాలజీ నిపుణులు ఇస్తోన్న సూచనలు ఏంటో చూసేద్దాం.

జీలకర్ర నీళ్లు.. జీర్ణక్రియకు మేలు

భోజనం చేసిన తర్వాత పొట్ట ఉబ్బరంగా అనిపించడం, గ్యాస్ సమస్య, కడుపు బరువుగా ఉండటం వంటి ఇబ్బందులు ఉంటే చాలామంది జీలకర్ర నీళ్లను తాగుతారు. జీలకర్రలోని కొన్ని సమ్మేళనాలు జీర్ణక్రియకు తోడ్పడవచ్చు.

జీలకర్ర నీళ్లు ఎవరు తాగితే మంచిది?

భోజనం తర్వాత పొట్ట ఉబ్బరంగా అనిపించేవారు, గ్యాస్ సమస్యతో ఇబ్బంది పడేవారు, జీర్ణక్రియ సక్రమంగా ఉండేందుకు ఆహారపు అలవాట్లను మెరుగుపరుచుకోవాలనుకునేవారు తీసుకుంటే మంచిది.

ఒక టీస్పూన్ జీలకర్రను ఒక గ్లాసు నీటిలో రాత్రంతా నానబెట్టి ఉదయం వడకట్టి తాగవచ్చు. లేదా నీటిలో జీలకర్ర వేసి మరిగించి తీసుకోవచ్చు. దీనిని ఖాళీ కడుపుతోనే తాగాలనే లేదు. రోజులో ఎప్పుడైనా తాగవచ్చని చెప్తున్నారు.

వాము నీళ్లు.. గ్యాస్, అజీర్తికై

వామును వంటల్లోనే కాకుండా.. ఇంటి చిట్కాల్లో కూడా ఉపయోగిస్తారు. వాములో ఉండే థైమాల్ అనే సమ్మేళనం కొన్ని జీర్ణ సంబంధిత లక్షణాలపై ప్రభావం చూపవచ్చు. అయితే వాము నీళ్లు తాగడం వల్ల గ్యాస్, కడుపు నొప్పి వెంటనే తగ్గుతాయని చెప్పే ఆధారాలు లేవు.

ఎవరు తాగితే మంచిది?

అజీర్తి, పొట్టలో అసౌకర్యం వంటి తేలికపాటి సమస్యలకు వామును ఉపయోగిస్తారు. అయితే తరచుగా ఇలాంటి సమస్యలు వస్తుంటే అసలు కారణాన్ని గుర్తించడం ముఖ్యం. అసిడిటీ, యాసిడ్ రిఫ్లక్స్ లేదా గ్యాస్ట్రైటిస్ ఉంటే వాము తీసుకున్నప్పుడు మంట పెరుగుతుంది. ప్రెగ్నెన్సీతో ఉన్నవారు అధిక మోతాదులో తీసుకోకూడదు.

మెంతుల నీళ్లు.. మధుమేహ నియంత్రణకై..

మెంతుల్లో కరిగే ఫైబర్ ఉంటుంది. ఇది కార్బోహైడ్రేట్లు జీర్ణమయ్యే వేగాన్ని, గ్లూకోజ్ శోషణను ప్రభావితం చేయవచ్చు. అందుకే మధుమేహం లేదా ప్రీడయాబెటిస్ ఉన్నవారు మెంతులను ఆహారంలో చేర్చుకోవడంపై ఆసక్తి చూపుతుంటారు. మెంతులపై ఉన్న పరిశోధనల్లో చాలా వరకు మెంతుల గింజలు లేదా వాటి పొడిపై జరిగాయి. కాబట్టి ఆ రిజల్ట్స్ నానబెట్టిన నీటికి అప్లై చేయకూడదు.

ఎవరు తాగితే మంచిది?

రక్తంలో చక్కెర స్థాయులను నియంత్రించుకోవాల్సినవారు వైద్యుల సూచనలతో మెంతులను ఆహారంలో చేర్చుకోవచ్చు. ఫైబర్ తీసుకోవడం పెంచుకోవాలనుకునేవారికి కూడా మంచిది కావచ్చు. మలబద్ధకం ఉన్నవారు తగినంత నీరు, ఫైబర్ ఉన్న ఆహారాన్ని తీసుకోవడం ద్వారా మంచి ప్రయోజనం పొందవచ్చు. మెంతులను నీటిలో రాత్రంతా నానబెట్టి ఉదయం తీసుకోవచ్చు.

ఈ మూడు డ్రింక్స్లో ఏది బెటర్?

ఈ మూడు డ్రింక్స్ ఆరోగ్యానికి మంచి ప్రయోజనాలు అందిస్తాయి. మీ సమస్యలకు అనుగుణంగా వీటిని మీ రొటీన్లో చేర్చుకోవాలి. ఈ పానీయాలు రోజూ తాగాల్సిన అవసరం లేదు. సాధారణ పరిమాణంలో వంటల్లో కూడా వీటిని ఉపయోగించుకోవచ్చు. అధిక మోతాదులో తీసుకోవడం, ఆరోగ్య సమస్యలకు చికిత్సగా భావించడం మాత్రం సరైంది కాదు.

Vitamin D Deficiency : ప్రతి 10 మందిలో 7 మందికి విటమిన్ డి లోపం.. ఎండలు ఉన్నా సమస్యకు అసలు కారణాలు ఇవే

Geddam Vijaya Madhuri — Wed, 21 Oct 2026 13:40:17 +0530

Vitamin D Deficiency in Children and Adults : భారతదేశంలో ఎండలు మండిపోతున్నాయి. చలికాలం వచ్చినా ఎండ తీవ్రతలో పెద్దగా మార్పులు లేవు. అందుకే ఎండ ఎక్కువగా ఉండే ప్రదేశాల్లో ఇండియా ఒక దేశంగా నిలిచింది. అయినా సరే ఇండియాలో చాలా మంది విటమిన్ డి లోపంతో బాధపడుతున్నారని తాజా అధ్యయనం తేల్చింది. అయితే ఈ సమస్య వృద్ధులకే కాదు.. పిల్లలు, కౌమారదశలో ఉన్నవారిలో కూడా విటమిన్ డి స్థాయిలు తక్కువగా ఉంటున్నాయట.

కాల్షియం శోషణకు, ఎముకల బలానికి, కండరాల సరైన పనితీరుకు విటమిన్ డి చాలా అవసరం. ఏడాది పొడవునా దేశానికి పుష్కలంగా సూర్యరశ్మి లభిస్తున్నప్పటికీ.. చాలామంది విటమిన్ డి లోపంతో ఇబ్బంది పడటానికి పలు కారణాలు ఉన్నాయని అంటున్నారు. మరి అవేంటో.. తాజా అధ్యయనంలో వెల్లడైన విషయాలు ఏంటో ఇప్పుడు తెలుసుకుందాం.

Also Read : కాళ్లలో తిమ్మిర్లు తరచూ వస్తున్నాయా? డయాబెటిస్, విటమిన్ B12 లోపం సహా ఈ సమస్యలకు సంకేతం కావచ్చు

11.6 లక్షల మంది రిజల్ట్స్పై అధ్యయనం..

మెట్రోపాలిస్ హెల్త్‌కేర్.. జనవరి 2025 నుంచి మే 2026 మధ్య నిర్వహించిన 11.6 లక్షలకు పైగా విటమిన్ డి పరీక్షల నుంచి సేకరించిన డేటాను విశ్లేషించింది. పరీక్ష చేయించుకున్న ప్రతి 10 మందిలో దాదాపు ఏడుగురు విటమిన్ డి లోపంతో బాధపడుతున్నారని లేదా సిఫార్సు చేసిన స్థాయి కంటే తక్కువ స్థాయిలో ఉన్నారని ఈ విశ్లేషణ వెల్లడించింది.

మెట్రోపాలిస్ హెల్త్‌కేర్ లిమిటెడ్, రీజినల్ క్వాలిటీ హెడ్ మరియు ఎండి, డిఎన్‌బి బయోకెమిస్ట్రీ అయిన డాక్టర్ వర్షా బిర్లా ప్రకారం.. ఈ సమస్య వృద్ధులనే కాకుండా.. పిల్లలు, యువతపై కూడా ఎక్కువగా ఉన్నట్లు తెలిపారు. ఎక్కువ సమయం ఇంట్లోనే ఉండటం, బయట గడిపే సమయం తక్కువగా ఉండటం, ఆహారంలో అవసరమైన పోషకాల కొరత వంటి కారణాల వల్ల ఇది జరుగుతుందని చెప్తున్నారు.

Also Read : విటమిన్ డి లోపం, ఓవర్‌డోస్ రెండూ ప్రమాదమే.. ఎవరు ఎలాంటి జాగ్రత్తలు తీసుకోవాలంటే

సూర్యరశ్మి సరిపోవట్లేదా?

సూర్యుని అల్ట్రావైలెట్ బి (UVB) కిరణాలకు గురైనప్పుడు శరీర చర్మం విటమిన్ డిని ఉత్పత్తి చేస్తుంది. అయితే శరీరంలో ఉత్పత్తి అయ్యే విటమిన్ డి పరిమాణం రోజులోని సమయం, చర్మం రంగు, దుస్తుల కవరేజ్, వాతావరణం, ఎండలో గడిపిన సమయం వంటి అనేక అంశాలపై ఆధారపడి ఉంటుంది. మారుతున్న జీవనశైలి కూడా ఈ సమస్యను తీవ్రతరం చేస్తుందని నిపుణులు చెప్తున్నారు.

చాలామంది ఉదయం ఇంటి నుంచి బయలుదేరి.. రోజంతా ఆఫీస్ లేదా ఇతర ఇండోర్ ప్రదేశాలలో గడిపి.. సాయంత్రం చీకటి పడ్డాక ఇంటికి తిరిగి వస్తున్నారు. పిల్లలు కూడా మొబైల్ ఫోన్లు, కంప్యూటర్లు, ఇతర స్క్రీన్ పరికరాలపై ఎక్కువ సమయం గడుపుతున్నారు. దీనివల్ల ఆరుబయట ఆడుకోవడానికి, చురుకుగా ఉండే సమయం తగ్గిపోతోంది. వాయు కాలుష్యం, కొన్ని రకాల దుస్తులు చర్మానికి చేరే సూర్యరశ్మిని తగ్గిస్తాయి. అందుకే విటమిన్ డి ఉత్పత్తికి అవసరమైన తగినంత UVB కిరణాలు శరీరానికి అందడం లేదు.

Also Read : రాత్రి బాగా నిద్రపోయినా.. మధ్యాహ్నం మళ్లీ నిద్ర వస్తుందా? అయితే ఆ విటమిన్ లోపమే కారణం

విటమిన్ డి ఎందుకు ముఖ్యం?

శరీరం కాల్షియంను గ్రహించడంలో విటమిన్ డి సహాయపడుతుంది. బలమైన ఎముకలకు కాల్షియం చాలా అవసరం. దీర్ఘకాలం పాటు విటమిన్ డి తగ్గితే.. ఎముకలు బలహీనపడి, పిల్లలలో ఎముకల అభివృద్ధి ప్రభావితం కావచ్చు. పిల్లలలో తీవ్రమైన విటమిన్ డి లోపం రికెట్స్‌కు దారితీయవచ్చు. ఇది సాధారణ ఎముకల అభివృద్ధికి ఆటంకం కలిగిస్తుంది. పెద్దలలో ఈ లోపం ఆస్టియోమలేషియాకు కారణం కావచ్చు. ఈ పరిస్థితిలో ఎముకలు మెత్తబడి ఎముకల నొప్పి, కండరాల బలహీనతకు దారితీస్తాయి.

విటమిన్ డి కోసం ఏమి చేయాలి?

ఉదయం పూట ఎండలో ఉండడం ఆరోగ్యకరమైన దినచర్యలో భాగంగా పరిగణిస్తారు. అయితే విటమిన్ డి విషయానికి వస్తే.. కేవలం తెల్లవారుజామున ఎండ తగలడం మాత్రమే సరిపోదు. చర్మానికి విటమిన్ డి ఉత్పత్తి చేయడానికి UVB కిరణాలు అవసరం. ఈ కిరణాలు సాధారణంగా తెల్లవారుజామున కంటే సాయంత్రం వేళల్లో, మధ్యాహ్నం సమయంలో బలంగా ఉంటాయి. UVB కిరణాల తీవ్రత కాలం, ప్రదేశం, వాతావరణ పరిస్థితులను బట్టి మారుతూ ఉంటుంది.

ఆహారంతో పొందవచ్చా?

ఆహారం కూడా విటమిన్ డి లోపాన్ని నివారించడంలో సహాయపడుతుంది. పాలు, గుడ్లు, చేపలు వంటివి తీసుకోవచ్చు. అలాగే లోపం గుర్తిస్తే వైద్యులు సప్లిమెంట్లు తీసుకోవాలని సూచిస్తారు. అయితే సొంతంగా సప్లిమెంట్లు తీసుకోవడం మంచిది కాదు. అధికంగా విటమిన్ డి తీసుకోవడం వల్ల శరీరంలో కాల్షియం స్థాయిలు ప్రమాదకరంగా పెరగవచ్చు.

Also Read : 90 శాతం మహిళల్లో విటమిన్ డి లోపం ఉందట.. ఎముకల నొప్పి, అలసట, మూడ్ స్వింగ్స్కు ఇదే కారణమట

Radish Benefits : చలికాలంలో ముల్లంగి తింటే కలిగే లాభాలు ఇవే.. పచ్చిగా తినొచ్చా? నష్టాలు ఏంటి? ఎలా తీసుకుంటే మంచిది?

Geddam Vijaya Madhuri — Wed, 21 Oct 2026 12:48:54 +0530

Radish Benefits in Winter : చలికాలంలో ఎక్కువగా లభించే కూరగాయల్లో ముల్లంగి కూడా ఒకటి. దీనితో కూరలు, పప్పు, సలాడ్‌ వంటి వంటకాలు చేసుకోవచ్చు. ముల్లంగిలో ఫైబర్, విటమిన్ సి, పొటాషియం వంటి పోషకాలు ఉంటాయి. అయితే ముల్లంగిని పచ్చిగా తింటే మంచిదా? రోజూ తినవచ్చా? ఎవరైనా దీనిని తినకూడదా? ఆరోగ్యానికి ఎలాంటి ప్రయోజనాలు అందుతాయో ఇప్పుడు తెలుసుకుందాం.

మెరుగైన జీర్ణక్రియ

ముల్లంగిలో ఫైబర్ ఉంటుంది. ఇది జీర్ణవ్యవస్థ సక్రమంగా పనిచేయడానికి, మలబద్ధకం సమస్యను తగ్గించడానికి సహాయపడుతుంది. ఒకేసారి ఎక్కువ ముల్లంగి తింటే కొందరిలో గ్యాస్, పొట్ట ఉబ్బరం వంటి సమస్యలు రావచ్చు. కాబట్టి లిమిటెడ్గా తీసుకోవాలి.

Also Read : నువ్వులు తింటే చర్మం మెరుస్తుందా? జుట్టు బలంగా పెరుగుతుందా? నిజాలు ఇవే

రోగనిరోధక వ్యవస్థ

ముల్లంగిలో విటమిన్ సి ఉంటుంది. ఇది శరీర రోగనిరోధక వ్యవస్థ సాధారణంగా పనిచేయడానికి, చర్మం ఆరోగ్యంగా ఉండటానికి, గాయాలు మానడానికి అవసరమైన కొల్లాజెన్ ఉత్పత్తికి తోడ్పడుతుంది. సమతుల్య ఆహారంలో భాగంగా తీసుకుంటే పోషకాలు శరీరానికి అందుతాయి.

బరువు నియంత్రణ

బరువు తగ్గాలనుకునేవారికి ముల్లంగి మంచి ఆహార ఎంపిక. ఇందులో కేలరీలు తక్కువగా ఉంటాయి. ఫైబర్, నీటి శాతం ఉండటం వల్ల కడుపు నిండిన భావన కలగడానికి సహాయపడుతుంది. దీనిని సలాడ్‌గా లేదా కూరగా తీసుకోవచ్చు. అయితే ముల్లంగిని సమతుల్య ఆహారంలో తీసుకుంటూ.. శారీరక శ్రమ చేస్తే మంచి ఫలితాలు ఉంటాయి.

Also Read : పొట్లకాయతో ఇలా పప్పు చేసుకోండి.. వేడి వేడి అన్నంలో, వడియాల కాంబినేషన్తో తింటే ఆ రుచే వేరు

గుండె ఆరోగ్యానికై..

ముల్లంగిలో పొటాషియం ఉంటుంది. ఇది శరీరంలో ద్రవాల సమతుల్యతను నిర్వహించడంతో పాటు రక్తపోటు నియంత్రణకు తోడ్పడుతుంది. కూరగాయలు ఎక్కువగా ఉండే ఆహారం గుండె ఆరోగ్యానికి మంచిది.

యాంటీఆక్సిడెంట్ల కోసం..

ముల్లంగిలో విటమిన్ సితో పాటు ఇతర యాంటీఆక్సిడెంట్ సమ్మేళనాలు కూడా ఉంటాయి. ఇవి కణాలను ఆక్సీకరణ ఒత్తిడి నుంచి రక్షించడంలో ముఖ్యపాత్ర పోషిస్తాయి. కూరగాయలను ఆహారంలో చేర్చుకుంటే అవసరమైన పోషకాలు అందుతాయి.

Also Read : ప్రతిరోజూ ఉదయాన్నే జామపండు తింటే కలిగే లాభాలివే.. షుగర్ నుంచి గుండె ఆరోగ్యం వరకు

మధుమేహ నియంత్రణ

ముల్లంగిలో కార్బోహైడ్రేట్లు, కేలరీలు తక్కువగా ఉంటాయి. ఫైబర్ కూడా లభిస్తుంది. అందువల్ల మధుమేహం ఉన్నవారు దీనిని తీసుకోవచ్చు. వైద్యులు సూచించిన ఆహార నియమాల్లో భాగంగా దీనిని చేర్చుకుని.. మందులు కొనసాగించాలి.

ముల్లంగిని పచ్చిగా తింటే..

ముల్లంగిని పచ్చిగా కూడా తినవచ్చు. అయితే ముందుగా దానిని శుభ్రమైన నీటితో బాగా కడగాలి. అవసరమైతే పై తొక్కను తీసేసి చిన్న ముక్కలుగా కోసుకోవచ్చు. క్యారెట్, దోసకాయ, టమాటా వంటి కూరగాయలతో కలిపి సలాడ్‌గా తీసుకోవచ్చు. పచ్చిగా తినడం వల్ల వేడికి సున్నితమైన పోషకాలు, విటమిన్ సి వంటివి తగ్గిపోకుండా ఉంటాయి. అలాగే ఉడికించి కూడా తీసుకోవచ్చు. పచ్చిగా తిన్నప్పుడు గ్యాస్ లేదా ఉబ్బరం వస్తే ఉడికించి తీసుకోవడం మంచిది.

Also Read : గుడ్డు వెల్లుల్లి కారం రెసిపీ.. అన్నంలో కలుపుకుని తింటే అదిరిపోతుంది

ముల్లంగి తినడం వల్ల కలిగే నష్టాలు

ముల్లంగి చాలా మందికి సురక్షితమైన ఆహారమే అవుతుంది. అయితే కొన్ని విషయాల్లో జాగ్రత్తగా ఉండాలి. ముల్లంగిని ఎక్కువగా తింటే కొందరిలో గ్యాస్, కడుపు అసౌకర్యం ఏర్పడవచ్చు. సున్నితమైన జీర్ణవ్యవస్థ ఉన్నవారు తక్కువ మోతాదులో పచ్చిగా లేదా ఉడికించి తిసుకోవాలి.

ముల్లంగి వంటి క్రూసిఫెరస్ కూరగాయల్లో గ్లూకోసినోలేట్లు ఉంటాయి. వీటిలోని కొన్ని సమ్మేళనాలు అయోడిన్ వినియోగాన్ని ప్రభావితం చేయగలవు. ఎక్కువ మోతాదులో తింటే థైరాయిడ్ ప్రభావం కావచ్చు. దద్దుర్లు, పెదవులు లేదా గొంతు వాపు, శ్వాస తీసుకోవడంలో ఇబ్బంది వస్తే వైద్య సహాయం తీసుకోవాలి.

Also Read : రోజూ ఒక అరటిపండు తింటే 30 రోజుల్లో శరీరంలో ఎలాంటి మార్పులు వస్తాయో తెలుసా?

ముల్లంగిని ఎలా తింటే మంచిది?

ముల్లంగిని వివిధ రకాలుగా ఆహారంలో చేర్చుకోవచ్చు. శుభ్రంగా కడిగిన ముల్లంగిని చిన్న ముక్కలుగా కోసి క్యారెట్, దోసకాయతో కలిపి తినవచ్చు. లేదా తక్కువ నూనెతో ఉడికించి కూరగా తయారు చేసుకోవచ్చు. ముల్లంగిని పప్పుతో కలిపి వండుకుంటే భోజనంతో కలిపి తీసుకోవచ్చు. తాజా ఆకులను కూడా శుభ్రంగా కడిగి కూరగా వండుకోవచ్చు. వీటిలో కూడా పోషకాలు ఉంటాయి.

Eat Twice a Day : రోజుకు రెండుసార్లే భోజనం చేయాలా? తినే ఆహారానికి మధ్య 5 నుంచి 8 గంటల గ్యాప్ ఇవ్వాలన్న సద్గురు.. బెనిఫిట్స్ ఇవే

Geddam Vijaya Madhuri — Wed, 21 Oct 2026 08:21:48 +0530

Ideal Gap Between Meals : ఆరోగ్యంగా ఉండాలంటే ఏం తినాలి? ఎంత తినాలి? రోజులో ఎన్నిసార్లు భోజనం చేయాలి? అనే విషయాలపై చాలామందికి సందేహాలు ఉంటాయి. కొందరు రోజుకు మూడు పూటలా భోజనం చేస్తే.. మరికొందరు రెండు పూటలకే పరిమితమవుతారు. ఇంకొందరు ఆకలి వేసిన ప్రతిసారీ కొంచెం కొంచెం తింటూ ఉంటారు. అయితే భోజనాల మధ్య తగినంత గ్యాప్ ఇవ్వాలని ఆధ్యాత్మిక గురువు సద్గురు సూచించారు.

భోజనాల మధ్య విరామం గురించి సద్గురు తన ఇన్స్టాగ్రామ్లో పోస్ట్ చేశారు. భోజనం ఎప్పుడూ చేసినా.. సుమారు 5 నుంచి 8 గంటల విరామం ఇవ్వడం మంచిదని తెలిపారు. ఎందుకంటే జీర్ణవ్యవస్థకు మధ్యలో విరామం ఇవ్వడం వల్ల శరీరంలోని సహజ ప్రక్రియలు సక్రమంగా సాగుతాయని సూచించారు. మరి రోజుకు రెండుసార్లు భోజనం చేయడమే అందరికీ మంచిదేనా? తరచూ తినడం వల్ల పెద్దపేగులో వ్యర్థాలు పేరుకుపోతాయా? దీనిలో నిజమెంతో ఇప్పుడు తెలుసుకుందాం.

Also Read : రాత్రి భోజనం ఇలా ఉంటే ఆరోగ్యానికి చాలా మంచిదట.. ఏం తినాలి? ఏం తినకూడదు?

భోజనాల మధ్య 5 నుంచి 8 గంటల గ్యాప్

చాలామంది ఉదయాన్నే అల్పాహారం, మధ్యాహ్నం భోజనం, సాయంత్రం స్నాక్స్, రాత్రి భోజనం తింటారు. వీటికి అదనంగా టీ, కాఫీతో పాటు బిస్కెట్లు, చిప్స్, స్వీట్లు వంటి చిరుతిళ్లు కూడా తింటుంటారు. ఆకలి లేకపోయినా అలవాటు కొద్దీ ఏదో ఒకటి తినేవారు కూడా ఉంటారు. అయితే అనవసరమైన చిరుతిళ్లను తగ్గించి.. నిజంగా ఆకలి వేసినప్పుడే సమతుల్యమైన ఆహారం తీసుకోవాలని సద్గురు సూచించారు.

భోజనాల మధ్య తగిన విరామం తీసుకోవడం వల్ల కొందరిలో రోజంతా ఏదో ఒకటి తినే అలవాటు తగ్గవచ్చు. అలాగే మొత్తం కేలరీలు కంట్రోల్ చేయడానికి హెల్ప్ అవుతుంది. అయితే ప్రతి ఒక్కరూ తప్పనిసరిగా 5 నుంచి 8 గంటల గ్యాప్ ఇవ్వాలనే వైద్యపరమైన నియమం లేదని.. వయసు, శారీరక శ్రమ, ఆరోగ్య పరిస్థితి, ఆహార అవసరాలను బట్టి భోజన సమయాలు మారుతుంటాయి.

Also Read : తరచూ విషయాలు మర్చిపోతున్నారా? మతిమరుపు ఎక్కువైతే ఈ ఫుడ్ కాంబినేషన్స్‌ ట్రై చేయండి

రోజుకు రెండుసార్లు తింటే మంచిదేనా?

రోజుకు రెండుసార్లు భోజనం చేయడం ఆరోగ్యంగా ఉండే పెద్దలకు సరిపోవచ్చు. ముఖ్యంగా అనవసరంగా చిరుతిళ్లు తినే అలవాటు ఉన్నవారు దీనిని పాటిస్తే ఫుడ్ కంట్రోల్ చేసుకోగలుగుతారు. అయితే రోజుకు రెండుసార్లు తింటే ఆరోగ్యం మెరుగుపడుతుందని అనుకోకూడదు. రోజులో రెండు పూటలే తిన్నా.. ఆ రెండు భోజనాల్లో శరీరానికి అవసరమైన ప్రోటీన్, ఫైబర్, విటమిన్లు, ఖనిజాలు, ఆరోగ్యకరమైన కొవ్వులు, తగినంత శక్తినిచ్చే పోషకాలు అందేలా చూసుకోవాలి.

రెండుసార్లు తగ్గించాలనే ఉద్దేశంతో అవసరమైన ఆహారాన్ని కూడా తగ్గిస్తే నీరసం, అలసట, పోషకాల లోపం వంటి సమస్యలు రావచ్చు. అలాగే రోజుకు మూడు పూటలు తినేవారంతా అనారోగ్యంగా ఉంటారని.. రెండు పూటలు తినేవారంతా ఆరోగ్యంగా ఉంటారని భావించడం కూడా సరికాదు. ఎన్నిసార్లు తినడం అనేది పక్కన పెడితే.. ఆహార నాణ్యత, పరిమాణం, మొత్తం కేలరీలు, జీవనశైలి వంటి అంశాలు ముఖ్యమని చెప్తున్నారు.

Also Read : ఆకలి ఎక్కువగా వేస్తుందా? బరువు పెరగకుండా ఫుడ్ క్రేవింగ్ తగ్గించాలంటే చిప్స్ మంచిదా? పాప్‌కార్న్?

ఎక్కువసార్లు తింటే పెద్దపేగు క్లీన్ అవ్వదా?

తరచూ ఆహారం తీసుకోవడం వల్ల పెద్దపేగు వ్యర్థాలను బయటకు పంపించే ప్రక్రియకు ఆటంకం కలుగుతుందని కొందరు భావిస్తారు. అయితే దీనికి బలమైన శాస్త్రీయ ఆధారాలు లేవు. జీర్ణవ్యవస్థ ఆహారాన్ని జీర్ణం చేసి, అందులోని పోషకాలను శోషించుకుంటుంది. పెద్దపేగు ప్రధానంగా నీటిని శోషించుకోవడం, మిగిలిన వ్యర్థాలను మలం రూపంలో బయటకు పంపించేందుకు సహకరిస్తుంది.

కాబట్టి రోజుకు రెండుసార్లు తింటేనే పెద్దపేగు శుభ్రంగా ఉంటుందని, తరచూ తినడం వల్ల వ్యర్థాలు పేరుకుపోతాయని చెప్పే ఆధారాలు ఏవి లేవు. మలబద్ధకం వంటి సమస్యలను నివారించుకోవడానికి తగినంత నీరు తాగడం, ఫైబర్ అధికంగా ఉండే ఆహారం తీసుకోవడం, శారీరకంగా చురుకుగా ఉండడం వంటి అలవాట్లు గట్ క్లీన్ అవ్వడంలో హెల్ప్ అవుతాయని చెప్తున్నారు నిపుణులు.

Also Read : అన్నం మళ్లీ వేడి చేసి తింటున్నారా? ఎంత ప్రమాదమో తెలుసా? ఫుడ్ పాయిజన్కు కారణమిదే

Protect Private Parts : ప్రైవేట్ పార్ట్స్‌ను ఇన్‌ఫెక్షన్ల నుంచి కాపాడుకోవాలంటే ఈ జాగ్రత్తలు తప్పనిసరి.. వైద్యుల సూచనలు ఇవే

Geddam Vijaya Madhuri — Tue, 20 Oct 2026 12:17:29 +0530

Private Parts Infection Prevention Tips : వ్యక్తిగత పరిశుభ్రతలో ప్రైవేట్ పార్ట్స్ శుభ్రత చాలా ముఖ్యమైనదని వైద్యులు చెప్తున్నారు. అయితే ఈ విషయం గురించి చాలామంది బహిరంగంగా మాట్లాడేందుకు ఇష్టపడరు. అందుకే చాలామందికి జననాంగాల పరిశుభ్రత, లైంగిక ఆరోగ్యం విషయంలో సరైన అవగాహన ఉండదు. ముఖ్యంగా మహిళల్లో యోని దురద, అసాధారణమైన స్రావాలు, దుర్వాసన వంటి సమస్యలు వస్తే.. సొంతంగా మందులు తీసుకోవడం, సువాసన కలిగిన ఉత్పత్తులతో శుభ్రం చేసుకోవడం వంటివి చేస్తుంటారు. అయితే ఇవి కొన్నిసార్లు సమస్యను మరింత పెంచవచ్చని చెప్తున్నారు నిపుణులు.

అలాగే అసురక్షితమైన లైంగిక చర్యల వల్ల లైంగికంగా సంక్రమించే ఇన్‌ఫెక్షన్లు (STIs) వచ్చే ప్రమాదం ఉంటుంది. సరైన పరిశుభ్రత పాటించడం మాత్రమే వీటిని పూర్తిగా నివారించదని.. కండోమ్‌ల వాడకం, అవసరమైన టెస్ట్లు, వ్యాక్సిన్లు, సరైన వ్యక్తిగత పరిశుభ్రతతో లైంగిక ఆరోగ్యాన్ని కాపాడుకోవచ్చు. మరి ప్రైవేట్ పార్ట్స్‌ను ఆరోగ్యంగా ఉంచుకోవాలంటే ఎలాంటి జాగ్రత్తలు తీసుకోవాలో తెలుసుకుందాం.

Also Read : బీపీ ఎక్కువ, తక్కువ ఉన్నా, గుండె సమస్యలు ఉన్నా.. లైంగిక కోరికను పెంచే ట్యాబ్లెట్స్ వాడకూడదా?

ప్రైవేట్ పార్ట్స్‌ శుభ్రత

జననాంగాల బయటి భాగాన్ని ప్రతిరోజూ శుభ్రమైన నీటితో సున్నితంగా కడగాలి. చెమట, తేమ ఎక్కువగా ఉండే ప్రాంతాల్లో పరిశుభ్రత పాటించడం ముఖ్యం. అయితే బలమైన సబ్బులు, పెర్ఫ్యూమ్‌లు, సువాసన కలిగిన ఉత్పత్తులను నేరుగా జననాంగాలపై ఉపయోగించకూడదని చెప్తున్నారు. ఎందుకంటే ఇవి చర్మంపై మంట, దురద, చికాకు రావచ్చు.

యోని లోపల శుభ్రత

మహిళలు యోనిలో దుర్వాసన రాకూడదనే ఉద్దేశంతో కొన్ని ప్రత్యేక లిక్విడ్స్, సుగంధ ఉత్పత్తులను ఉపయోగిస్తుంటారు. కొందరు నీటిని ఒత్తిడితో యోని లోపలికి పంపించి శుభ్రం చేసుకుంటారు. దీనిని డౌచింగ్ అంటారు. ఇలా చేయడం వల్ల యోనిలోని సహజ బ్యాక్టీరియా సమతుల్యత దెబ్బతిని.. బాక్టీరియల్ వాజినోసిస్ వంటి సమస్యల ప్రమాదం పెరగవచ్చని నిపుణులు చెప్తున్నారు. యోనిలో దుర్వాసన, అసాధారణమైన స్రావాలు, దురద లేదా మంట ఉంటే వైద్యులను సంప్రదిస్తే మంచిది.

Also Read : ఈ అలవాట్ల వల్ల మగవారిలో లైంగిక శక్తి తగ్గిపోతోందట.. ఈ మార్పులు చేయమంటోన్న నిపుణులు

ప్రైవేట్ పార్ట్స్‌పై వెంట్రుకలు

జననాంగాల చుట్టూ ఉండే వెంట్రుకలు సహజమైనవి. వాటిని తొలగించుకోవడం ఆరోగ్యపరంగా తప్పనిసరి కాదని చెప్తున్నారు. ఎందుకంటే వెంట్రుకలను పూర్తిగా షేవ్ చేయడం వల్ల లైంగిక ఇన్‌ఫెక్షన్లు నివారిస్తాయని చెప్పే ఆధారాలు లేవు. పైగా షేవింగ్ సమయంలో చిన్న గాయాలు, చర్మంపై చికాకు, వెంట్రుకలు లోపలికి పెరగడం వంటి సమస్యలు రావచ్చు.

మీకు ఇష్టమైతే వెంట్రుకలను ట్రిమ్ చేసుకోవచ్చు. దీనికోసం శుభ్రమైన ట్రిమ్మర్‌ను ఉపయోగించాలి. షేవింగ్ చేస్తే శుభ్రమైన రేజర్‌ను వాడాలి. ఇతరులతో రేజర్‌ను పంచుకోకూడదు. చర్మంపై గాయాలు లేదా మంట ఏర్పడితే ఆ ప్రాంతం పూర్తిగా కోలుకునే వరకు మరింత చికాకు కలిగించే పనులు చేయకూడదు.

Also Read : ఈ రెగ్యూలర్ ఫుడ్స్తో లైంగిక ఆరోగ్యానికి ఎన్ని లాభాలో.. శృంగార జీవితానికి ఇవి చాలా మంచివట

కండోమ్ వాడకం

లైంగికంగా సంక్రమించే ఇన్‌ఫెక్షన్లను నివారించడంలో కండోమ్‌లు ముఖ్య పాత్ర పోషిస్తాయి. యోని, అంగ, నోటి ద్వారా జరిగే లైంగిక చర్యల్లో తగిన రక్షణ పద్ధతులను పాటించాలి. కండోమ్‌ను ప్రతి సారి సరిగ్గా ఉపయోగించాలి. ఒకే కండోమ్‌ను మళ్లీ ఉపయోగించకూడదు.
కండోమ్‌లు హెచ్‌ఐవీతో పాటు అనేక లైంగిక ఇన్‌ఫెక్షన్ల ప్రమాదాన్ని తగ్గిస్తాయి. అయితే జననాంగాల చుట్టూ ఉండే చర్మం నుంచి కూడా వ్యాపించే హెర్పిస్, సిఫిలిస్ వంటి కొన్ని ఇన్‌ఫెక్షన్ల నుంచి పూర్తిస్థాయి రక్షణ ఇవ్వలేవట.

లైంగిక చర్యలకు ముందు, తర్వాత..

లైంగిక చర్యలకు ముందు చేతులను శుభ్రంగా కడుక్కోవాలి. జననాంగాలను శుభ్రం చేసుకోవాలనుకుంటే సాధారణ నీటితో బయటి భాగాన్ని సున్నితంగా కడగవచ్చు. లైంగిక చర్యల తర్వాత కూడా ఇదే పద్ధతిని అనుసరించాలి. అలాగే మహిళలు లైంగిక చర్యల తర్వాత మూత్ర విసర్జన చేయడం కొందరిలో మూత్రనాళ ఇన్‌ఫెక్షన్ల ప్రమాదాన్ని తగ్గించడంలో సహాయపడవచ్చు.

Also Read : లైంగిక ఆరోగ్యాన్ని మెరుగుపరిచే టాప్ 5 యోగాసనాలు.. శృంగార జీవితానికి బెస్ట్ రిజల్ట్స్ ఇస్తాయట

లోదుస్తులు విషయంలో

ప్రతిరోజూ శుభ్రమైన లోదుస్తులు ధరించాలి. చెమట ఎక్కువగా పట్టినా, వ్యాయామం చేసిన తర్వాత తడి దుస్తులను మార్చుకోవాలి. తేమ ఎక్కువసేపు ఉండటం వల్ల చర్మంపై చికాకు ఏర్పడవచ్చు. సౌకర్యంగా ఉండే, గాలి ప్రసరణకు అనుకూలమైన లోదుస్తులను ఎంచుకోవాలి. లోదుస్తులు పూర్తిగా ఆరిన తర్వాతే ధరించాలి. బిగుతుగా ఉండే దుస్తులు ధరించడం వల్ల రాపిడి, అసౌకర్యం ఉండవచ్చు.

ప్రైవేట్ పార్ట్స్‌లో దురద, దుర్వాసన

జననాంగాల దగ్గర దురద, మంట, అసాధారణమైన స్రావాలు, మూత్ర విసర్జన సమయంలో నొప్పి, పుండ్లు లేదా పొక్కులు కనిపిస్తే వైద్యులను సంప్రదించాలి. ఇవి ఈస్ట్ ఇన్‌ఫెక్షన్, మూత్రనాళ ఇన్‌ఫెక్షన్ లేదా లైంగికంగా సంక్రమించే ఇన్‌ఫెక్షన్లతో సహా వివిధ సమస్యలకు సంకేతాలు కావచ్చు.

Also Read : వన్ నైట్ స్టాండ్ కావాలనుకుంటే.. కచ్చితంగా ఫాలో అవ్వాల్సిన టిప్స్ ఇవే

అయితే ఈ లక్షణాలు ఉన్నంత మాత్రాన లైంగిక ఇన్‌ఫెక్షన్ ఉందని అనుకోకూడదు. అలాగే ఎలాంటి లక్షణాలు కనిపించకపోయినా కొన్ని లైంగిక ఇన్‌ఫెక్షన్లు ఉండవచ్చు. అందుకే ప్రమాదం ఉన్నట్లు భావిస్తే పరీక్షలు చేయించుకోవాలి. వైద్యుల సలహా లేకుండా యాంటీబయాటిక్స్ లేదా యాంటీఫంగల్ మందులను వాడకూడదు.

HPV, హెపటైటిస్ బీ వ్యాక్సిన్లు

హ్యూమన్ పాపిలోమావైరస్ (HPV), హెపటైటిస్ బీ వైరస్ వంటి కొన్ని వైరస్‌లకు వ్యాక్సిన్లు అందుబాటులో ఉన్నాయి. HPV వ్యాక్సిన్ వల్ల HPV సంబంధిత కొన్ని క్యాన్సర్లు, వ్యాధుల ప్రమాదాన్ని తగ్గించవచ్చు. హెపటైటిస్ బీ వ్యాక్సిన్ ఈ వైరస్ వల్ల వచ్చే ఇన్‌ఫెక్షన్‌ను నివారించడంలో సహాయపడుతుంది.

మీ వయసు, గతంలో తీసుకున్న టీకాలు, ఆరోగ్య పరిస్థితిని బట్టి ఏ వ్యాక్సిన్లు అవసరమో వైద్యులను అడిగి తెలుసుకోండి. వ్యాక్సిన్లు అన్ని లైంగిక ఇన్‌ఫెక్షన్ల నుంచి రక్షణ ఇవ్వవని గుర్తుంచుకోవాలి.

Also Read : యాపిల్స్తో ఆ సామర్థ్యం పెరుగుతుందట.. ఫస్ట్ నైట్ గదిలో పండ్లు పెట్టేది అందుకేనా?

Thalassemia in Kids : చిన్నపిల్లల్లో తలసేమియాకు కారణాలు, లక్షణాలు ఇవే.. తల్లిదండ్రులు తీసుకోవాల్సిన జాగ్రత్తలు

Geddam Vijaya Madhuri — Tue, 20 Oct 2026 10:44:52 +0530

Childhood Thalassemia Symptoms and Treatment : చిన్నపిల్లలు ఆరోగ్యంగా ఎదగాలంటే శరీరానికి అవసరమైన పోషకాలతో పాటు రక్తంలో తగినంత హిమోగ్లోబిన్ కూడా ఉండాలి. అయితే కొందరు పిల్లల్లో జన్యుపరమైన కారణాలతో హిమోగ్లోబిన్ తగినంతగా తయారుకాదు. దీనివల్ల రక్తహీనత ఏర్పడుతుంది. ఈ సమస్యనే తలసేమియా అంటారు. కొందరిలో ఈ వ్యాధి లక్షణాలు స్వల్పంగా ఉంటే, మరికొందరిలో తీవ్రమైన రక్తహీనతకు దారితీస్తుంది.

ముఖ్యంగా చిన్న వయసులోనే కొన్ని లక్షణాలు కనిపించినప్పుడు తల్లిదండ్రులు వాటిని నిర్లక్ష్యం చేయకూడదని డాక్టర్లు చెప్తున్నారు. మరి పిల్లలకు తలసేమియా ఎందుకు వస్తుంది? దీని లక్షణాలు ఏంటి? చికిత్స ఎలా ఉంటుంది? వంటి వివరాలు ఇప్పుడు తెలుసుకుందాం.

Also Read : పిల్లల్లో ఆస్తమాకు కారణాలు, లక్షణాలు ఇవే.. ఇన్హేలర్ ఉపయోగిస్తే మంచిదా? కాదా? వైద్యుల సూచనలివే

తలసేమియా

తలసేమియా అనేది హిమోగ్లోబిన్ తయారీలో లోపం వల్ల వచ్చే జన్యుపరమైన రక్త సంబంధిత వ్యాధి. హిమోగ్లోబిన్ అనేది ఎర్ర రక్తకణాల్లో ఉండే ప్రోటీన్. ఇది ఊపిరితిత్తుల నుంచి శరీరంలోని వివిధ భాగాలకు ఆక్సిజన్‌ను చేరవేస్తుంది. తలసేమియా ఉన్నవారిలో హిమోగ్లోబిన్ తగినంతగా తయారుకాకపోవడం వల్ల ఎర్ర రక్తకణాల పనితీరు దెబ్బతింటుంది. ఫలితంగా రక్తహీనత ఏర్పడుతుంది.

ఇది రెండు రకాలుగా ఉంటుంది. ఒకటి ఆల్ఫా తలసేమియా, రెండు బీటా తలసేమియా, జన్యుపరమైన లోపం, వ్యాధి తీవ్రతను బట్టి లక్షణాలు మారుతుంటాయి. కొందరు పిల్లల్లో తేలికపాటి రక్తహీనత మాత్రమే ఉండవచ్చు. మరికొందరికి తరచుగా రక్తమార్పిడి చేయాల్సిన పరిస్థితి ఏర్పడవచ్చు.

Also Read : పిల్లల్లో బరువు పెరుగుదలకు(Obesity) నిద్రలేమి కూడా కారణమేనా? వైద్యుల హెచ్చరికలు ఇవే

పిల్లలకు తలసేమియా రావడానికి కారణాలు

తలసేమియా రావడానికి ప్రధాన కారణం జన్యుపరమైన మార్పులు. తల్లిదండ్రుల్లో ఎవరికైనా తలసేమియా జన్యు లోపం ఉంటే అది పిల్లలకు సంక్రమించే అవకాశం ఉంటుంది. కొందరు తల్లిదండ్రులు తాము తలసేమియా క్యారియర్లమనే విషయం కూడా గుర్తించలేరు. ఎందుకంటే వారిలో ఎలాంటి స్పష్టమైన లక్షణాలు కనిపించవు.

తల్లిదండ్రులిద్దరూ బీటా తలసేమియా క్యారియర్లయితే ప్రతి ప్రెగ్నెన్సీలోను బిడ్డకు తలసేమియా మేజర్ వచ్చే అవకాశం 25 శాతం ఉంటుందని చెప్తున్నారు వైద్యులు. అదే సమయంలో బిడ్డ క్యారియర్‌గా ఉండే అవకాశం 50 శాతం ఉంటుందట. అయితే తల్లిదండ్రుల్లో ఎవరికైనా క్యారియర్ ఉంటే అది బేబిపై తీవ్రమైన ప్రభావం చూపిస్తుందని కాదని.. జన్యుపరమైన పరీక్షలు, వైద్యుల సలహా ద్వారా దీనిని అంచనా వేసుకోవాలని అంటున్నారు.

Also Read : పిల్లల్లో పెరుగుతోన్న గుండె సమస్యలు.. స్క్రీన్ సమయమే కారణం అంటోన్న తాజా అధ్యయనం

చిన్నపిల్లల్లో తలసేమియా లక్షణాలు

తలసేమియా లక్షణాలు వ్యాధి రకాన్ని, తీవ్రతను బట్టి మారుతాయి. తీవ్రమైన తలసేమియా ఉన్న పిల్లల్లో సాధారణంగా చిన్న వయసులోనే లక్షణాలు కనిపించవచ్చు. చర్మం పాలిపోయినట్లు కనిపించడం, నీరసం, అలసట, ఎదుగుదల మందగించడం, కళ్లు, చర్మం పసుపు రంగులోకి మారడం, పొట్ట ఉబ్బరంగా కనిపించడం, ఆకలి తగ్గడం, శ్వాస తీసుకోవడంలో ఇబ్బంది వంటి లక్షణాలు కనిపిస్తాయి. అయితే ఇవి ఉంటే తలసేమియాని నేరుగా నిర్ణయించుకోకూడదు.

తలసేమియాను ఎలా గుర్తించాలంటే..

తలసేమియాను నిర్ధారించడానికి వైద్యులు పిల్లల లక్షణాలు, ఫ్యామిలీ హిస్టరీని పరిశీలించి అవసరమైన బ్లడ్ టెస్ట్ చేయిస్తారు. కంప్లీట్ బ్లడ్ కౌంట్ (CBC), హిమోగ్లోబిన్ ఎలక్ట్రోఫోరెసిస్ లేదా HPLC, జన్యుపరమైన పరీక్షలు కొన్ని చేయిస్తారు. కేవలం హిమోగ్లోబిన్ తక్కువగా ఉందని తలసేమియా అనుకోకూడదు. ఎందుకంటే.. ఐరన్ లోపం వల్ల కూడా రక్తహీనత రావచ్చు. అందుకే వైద్యుల సలహాతోనే టెస్ట్ చేయించాలి.

Also Read : పిల్లల్లో ఎదుగుదల సరిగ్గా లేదా? అయితే కారణం ఇదే కావొచ్చు.. తల్లిదండ్రులు కచ్చితంగా తెలుసుకోవాల్సిన విషయాలివే

తలసేమియా చికిత్స

పిల్లల్లో తలసేమియా చికిత్స అనేది వ్యాధి తీవ్రతపై ఆధారపడి ఉంటుంది. స్వల్ప లక్షణాలు ఉన్నవారికి ప్రత్యేక చికిత్స అవసరం లేకపోవచ్చు. తీవ్రమైన తలసేమియా ఉన్న పిల్లలకు మాత్రం నిరంతర వైద్య పర్యవేక్షణ అవసరం. రక్తమార్పిడి, ఐరన్ ఓవర్‌లోడ్‌కు చికిత్స, పిల్లల పరిస్థితిని బట్టి ఫోలిక్ యాసిడ్ లేదా ఇతర మందులను వైద్యులు సూచించవచ్చు. స్టెమ్ సెల్ లేదా బోన్ మ్యారో ట్రాన్స్‌ప్లాంట్ చికిత్స ద్వారా వ్యాధిని నయం చేసే అవకాశం ఉంటుంది. అయితే దీనికి నిపుణుల అంచనా అవసరం.

Also Read : పిల్లల్లో న్యుమోనియా రాకుండా తీసుకోవాల్సిన జాగ్రత్తలివే.. అవగాహనలేకనే లక్షల్లో ప్రాణాలు కోల్పోతున్నారట

తల్లిదండ్రులు తీసుకోవాల్సిన జాగ్రత్తలు

పిల్లల పరిస్థితికి అనుగుణంగా వైద్యుల సూచనలతో రక్త పరీక్షలు, గుండె, కాలేయం వంటి అవయవాల పనితీరును పరిశీలించే పరీక్షలు చేయించాలి. రక్తమార్పిడులను వాయిదా వేయకూడదు. ఐరన్ సప్లిమెంట్లు సొంతంగా ఇవ్వకూడదు. పోషకాహారం అందించాలి. టీకాలు, ఇన్ఫెక్షన్లపై శ్రద్ధ పెట్టాలి. మందులు క్రమం తప్పకుండా ఉపయోగించాలి. మానసికంగా పిల్లలకు మద్దతు ఇవ్వాలి. అలాగే ఫ్యామిలీ మెంబర్స్కి అవగాహన కల్పించాలి.

తలసేమియా ఉన్న ప్రతి పిల్లవాడికి ఒకే రకమైన లక్షణాలు ఉండవు. కొందరిలో స్వల్ప రక్తహీనత మాత్రమే కనిపిస్తే, మరికొందరికి క్రమం తప్పకుండా రక్తమార్పిడి అవసరం కావచ్చు. అందుకే సరైన సమయంలో వ్యాధిని గుర్తించడం, నిపుణుల పర్యవేక్షణలో చికిత్స తీసుకోవడం, సూచించిన జాగ్రత్తలు పాటించడం చాలా ముఖ్యం.

Also Read : మేనరికం పెళ్లి చేసుకుంటే పిల్లల్లో వైకల్యం తప్పదా? పెళ్లికి ముందు, తర్వాత చేయించుకోవాల్సిన టెస్ట్లు ఇవే

Thalassemia in Kids : చిన్నపిల్లల్లో తలసేమియాకు కారణాలు, లక్షణాలు ఇవే.. తల్లిదండ్రులు తీసుకోవాల్సిన జాగ్రత్తలు

Cold Prevention Tips : శీతాకాలంలో జలుబును నివారించే చిట్కాలు ఇవే.. లక్షణాలు కనిపించగానే ఇలా చేయండి

Anemia Diet : హిమోగ్లోబిన్ స్థాయిలను కాపాడే 7 కూరగాయలు.. రక్తహీనత ఉంటే డైట్లో చేర్చుకోండి

Slim Waist Surgery : నడుమును సన్నగా చేసే రిబ్ మోడలింగ్ సర్జరీ.. ఎంత ప్రమాదమో తెలుసా?

రిబ్ మోడలింగ్ సర్జరీ

ఈ సర్జరీ ఎందుకు చేయించుకుంటారు?

రిబ్ మోడలింగ్ సర్జరీ ఎలా చేస్తారు?

శస్త్రచికిత్సలో ఏమి జరుగుతుంది?

నిజంగా నడుము సన్నబడుతుందా?

రిబ్ మోడలింగ్ సర్జరీ ప్రమాదమా?

ఇతర సమస్యలు తలెత్తవచ్చు.

సర్జరీ చేయించుకోవాలనుకుంటే..

Amla Juice : ఖాళీ కడుపుతో ఉసిరి రసం తాగితే బరువు తగ్గుతారా? చర్మం మెరుస్తుందా? నిజాలివే

మెరుగైన జీర్ణక్రియ

ఇమ్యూనిటీ బూస్టర్..

బరువు తగ్గాలనుకునేవారికి..

గుండె ఆరోగ్యానికై..

చర్మ ఆరోగ్యం కోసం..

జుట్టు, గోళ్ల ఆరోగ్యానికై..

ఉసిరి నీటిని ఎలా తీసుకోవాలి?

ఎవరు జాగ్రత్తగా ఉండాలి?

Jeera vs Ajwain vs Methi Water : జీలకర్ర నీళ్లా? వాము నీళ్లా? మెంతుల నీళ్లా? ఉదయాన్నే ఏది తాగితే మంచిది?

జీలకర్ర నీళ్లు.. జీర్ణక్రియకు మేలు

జీలకర్ర నీళ్లు ఎవరు తాగితే మంచిది?

వాము నీళ్లు.. గ్యాస్, అజీర్తికై

ఎవరు తాగితే మంచిది?

మెంతుల నీళ్లు.. మధుమేహ నియంత్రణకై..

ఎవరు తాగితే మంచిది?

ఈ మూడు డ్రింక్స్లో ఏది బెటర్?

Vitamin D Deficiency : ప్రతి 10 మందిలో 7 మందికి విటమిన్ డి లోపం.. ఎండలు ఉన్నా సమస్యకు అసలు కారణాలు ఇవే

11.6 లక్షల మంది రిజల్ట్స్​పై అధ్యయనం..

సూర్యరశ్మి సరిపోవట్లేదా?

విటమిన్ డి ఎందుకు ముఖ్యం?

విటమిన్ డి కోసం ఏమి చేయాలి?

ఆహారంతో పొందవచ్చా?

Radish Benefits : చలికాలంలో ముల్లంగి తింటే కలిగే లాభాలు ఇవే.. పచ్చిగా తినొచ్చా? నష్టాలు ఏంటి? ఎలా తీసుకుంటే మంచిది?

మెరుగైన జీర్ణక్రియ

రోగనిరోధక వ్యవస్థ

బరువు నియంత్రణ

గుండె ఆరోగ్యానికై..

యాంటీఆక్సిడెంట్ల కోసం..

మధుమేహ నియంత్రణ

ముల్లంగిని పచ్చిగా తింటే..

ముల్లంగి తినడం వల్ల కలిగే నష్టాలు

ముల్లంగిని ఎలా తింటే మంచిది?

భోజనాల మధ్య 5 నుంచి 8 గంటల గ్యాప్

రోజుకు రెండుసార్లు తింటే మంచిదేనా?

ఎక్కువసార్లు తింటే పెద్దపేగు క్లీన్ అవ్వదా?

Protect Private Parts : ప్రైవేట్ పార్ట్స్‌ను ఇన్‌ఫెక్షన్ల నుంచి కాపాడుకోవాలంటే ఈ జాగ్రత్తలు తప్పనిసరి.. వైద్యుల సూచనలు ఇవే

ప్రైవేట్ పార్ట్స్‌ శుభ్రత

యోని లోపల శుభ్రత

ప్రైవేట్ పార్ట్స్‌పై వెంట్రుకలు

కండోమ్ వాడకం

లైంగిక చర్యలకు ముందు, తర్వాత..

లోదుస్తులు విషయంలో

ప్రైవేట్ పార్ట్స్‌లో దురద, దుర్వాసన

HPV, హెపటైటిస్ బీ వ్యాక్సిన్లు

Thalassemia in Kids : చిన్నపిల్లల్లో తలసేమియాకు కారణాలు, లక్షణాలు ఇవే.. తల్లిదండ్రులు తీసుకోవాల్సిన జాగ్రత్తలు

తలసేమియా

పిల్లలకు తలసేమియా రావడానికి కారణాలు

చిన్నపిల్లల్లో తలసేమియా లక్షణాలు

తలసేమియాను ఎలా గుర్తించాలంటే..

తలసేమియా చికిత్స

తల్లిదండ్రులు తీసుకోవాల్సిన జాగ్రత్తలు

11.6 లక్షల మంది రిజల్ట్స్పై అధ్యయనం..