Weight Loss Recipe : బరువు తగ్గాలనుకునేవారి నోరూరించే టేస్టీ రెసిపీ.. పనీర్, వెజిటెబుల్స్తో ఈ రైస్ ట్రై చేయండి

Kidney Problems : ముఖం ఉబ్బిందా? మూత్రంలో నురుగు కనిపిస్తోందా? కిడ్నీలు ఇస్తున్న ఈ సంకేతాలను నిర్లక్ష్యం చేయొద్దు

Geddam Vijaya Madhuri — Thu, 12 Nov 2026 13:43:38 +0530

Kidney Diseases Warning Signs : మన శరీరంలో కిడ్నీలు చేసే పని చాలా కీలకం. రక్తంలోని వ్యర్థాలను బయటకు పంపడంతో పాటు శరీరంలో ద్రవాల సమతుల్యతను కాపాడటం, రక్తపోటును నియంత్రించడం వంటి పనులు చేస్తాయి. అయితే కిడ్నీ సమస్యలు మొదట్లో పెద్దగా లక్షణాలు చూపించవు. కానీ నెమ్మదిగా అభివృద్ధి చెందే అవకాశం ఉంది. ఆ సమయంలో శరీరం కొన్ని సంకేతాలు చూపిస్తుంది.

ఉదయం ముఖం ఉబ్బడం నుంచి మూత్రంలో మార్పులు కనిపించడం, ఎప్పుడూ అలసటగా అనిపించడం వంటి కొన్ని లక్షణాలు కిడ్నీ పనితీరులో సమస్యకు సంకేతం కావొచ్చు. ముఖ్యంగా డయాబెటిస్, అధిక రక్తపోటుతో బాధపడేవారిలో కిడ్నీ సమస్యల ప్రమాదం ఎక్కువగా ఉంటుంది. మరి ఆ లక్షణాలు ఏంటి.. ఏ సమయంలో కిడ్నీ టెస్ట్లు చేయించుకోవాలో చూసేద్దాం.

Also Read : కిడ్నీ వ్యాధులు పురుషుల్లో ఎక్కువా? మహిళల్లో ఎక్కువా? ఎవరికి ప్రమాదం? నెఫ్రాలజిస్ట్ ఏం చెబుతున్నారంటే?

ముఖం, కళ్ల చుట్టూ వాపు

ఉదయం నిద్రలేవగానే ముఖం ఉబ్బినట్లు లేదా కళ్ల చుట్టూ వాపు కనిపిస్తోందా? కొన్నిసార్లు కిడ్నీలు శరీరంలోని అదనపు ద్రవాలను సరిగా బయటకు పంపలేకపోవడం వల్ల ఇలా జరగవచ్చు. పాదాలు, చీలమండల వద్ద కూడా తరచూ వాపు ఉంటే నిర్లక్ష్యం చేయకుండా డాక్టర్‌ను సంప్రదించాలి.

మూత్రంలో నురుగు

మూత్రం పోసేటప్పుడు కొద్దిగా బుడగలు రావడం ఎప్పుడూ సమస్యకు సంకేతం కాదు. కానీ ప్రతిసారీ లేదా తరచూ ఎక్కువ నురుగు కనిపిస్తుంటే, మూత్రంలో ప్రొటీన్ లీక్ అవుతుందనే సంకేతం కావచ్చు. ఆరోగ్యకరమైన కిడ్నీలు సాధారణంగా ఎక్కువ మొత్తంలో ప్రొటీన్‌ను మూత్రం ద్వారా బయటకు వెళ్లకుండా అడ్డుకుంటాయి.

Also Read : నగరవాసుల్లో పెరుగుతోన్న కిడ్నీ క్యాన్సర్ కేసులు.. కారణాలు, తీసుకోవాల్సిన జాగ్రత్తలు సూచిస్తోన్న ఆంకాలజిస్ట్

చర్మం పొడిబారడం

చర్మానికి మాయిశ్చరైజర్ రాసుకున్నా తరచూ తీవ్రమైన దురద, పొడిబారడం ఉంటే దానికి అనేక కారణాలు ఉండొచ్చు. కిడ్నీ పనితీరు బాగా తగ్గినప్పుడు శరీరంలో వ్యర్థ పదార్థాలు, ఖనిజాల అసమతుల్యత పెరగడం వల్ల కూడా దురద వచ్చే అవకాశం ఉంది. ముఖ్యంగా ఈ సమస్య నిరంతరం కొనసాగితే కారణం తెలుసుకోవడం ముఖ్యమని చెప్తున్నారు వైద్యులు.

అలసటగా ఉండటం, ఏకాగ్రత తగ్గడం

రాత్రి ఫుల్గా నిద్ర పోయినా.. రోజంతా నీరసంగా అనిపించడం లేదా పనిపై దృష్టి పెట్టలేకపోవడం కూడా కొన్ని సందర్భాల్లో కిడ్నీ సమస్యలతో సంబంధం కలిగి ఉండొచ్చు. కిడ్నీ పనితీరు తగ్గడం వల్ల రక్తహీనత వచ్చే అవకాశం ఉండటంతో అలసట, బలహీనత మరింత పెరగవచ్చు.

Also Read : మూత్రంలో రక్తం కనిపిస్తుందా? కిడ్నీ క్యాన్సర్‌(Kidney Cancer)కు సంకేతం కావచ్చు.. నిర్లక్ష్యం చేయొద్దంటోన్న నిపుణులు

నోటి దుర్వాసన

ఉదయం నిద్రలేవగానే నోటి నుంచి దుర్వాసన రావడం సాధారణంగా నోటి పరిశుభ్రత లేదా ఇతర కారణాల వల్ల కూడా రావచ్చు. అయితే దుర్వాసన నిరంతరం ఉండటం, ముఖ్యంగా అమ్మోనియా వంటి వాసన రావడం కిడ్నీ పనితీరు బాగా దెబ్బతిన్న సందర్భాల్లో కనిపిస్తుంది.

కిడ్నీ వ్యాధులకు కారణాలు..

మన శరీరంలోని రెండు కిడ్నీలు రక్తంలోని వ్యర్థాలు, అదనపు ద్రవాలను తొలగించే పనితో పాటు రక్తపోటు నియంత్రణ, ఖనిజాల సమతుల్యత వంటి కీలక విధులను నిర్వహిస్తాయి. డయాబెటిస్, అధిక రక్తపోటు కిడ్నీలకు నష్టం కలిగించే ప్రధాన ప్రమాద కారకాల్లో ఉన్నాయి. కొన్ని దీర్ఘకాలిక వ్యాధులు, జన్యుపరమైన కారణాలు కూడా కిడ్నీ సమస్యల ప్రమాదాన్ని పెంచవచ్చు. కాబట్టి శరీరం ఇచ్చే లక్షణాలు విస్మరించకుండా.. వైద్య సహాయం తీసుకోవడం మంచిది.

Also Read : కిడ్నీ వ్యాధులను ముందుగా గుర్తించే టెస్ట్ ఇదే.. కేవలం 300 రూపాయలతో తెలుసుకోవచ్చు అంటోన్న వైద్యులు

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Coconut Milk : కొబ్బరి పాలు తీసే సరైన పద్ధతి ఇదే.. ప్యాకెట్ పాలకు బదులు ఇంట్లోనే ఇలా చేసుకోండి, ఎన్ని రోజులు నిల్వ చేసుకోవచ్చంటే

Geddam Vijaya Madhuri — Thu, 12 Nov 2026 13:17:18 +0530

Coconut Milk Making At Home : కొబ్బరి పాలను కొందరు ఇంట్లో చేసుకుంటే.. చాలామంది బయటి ప్యాకెట్ పాలను వాడతారు. కూరల్లో క్రీమి టెక్చర్ కోసం లేదా ఇతర వంటకాల కోసం బయటి కొబ్బరి పాలనే ఉపయోగిస్తారు. కానీ తాజా కొబ్బరికాయతో ఇంట్లోనే సులభంగా కొబ్బరి పాలు చేసుకుని వినియోగించుకోవడానికి ఎన్నో ప్రయోజనాలు పొందవచ్చు. ఎందుకంటే ప్యాకెట్‌లో దొరికే వాటితో పోలిస్తే ఇంట్లో చేసుకునే కొబ్బరి పాలల్లో ఎలాంటి ప్రిజర్వేటివ్స్ ఉండవు.

డైరీ ప్రొడెక్ట్స్ వాడని వారికి కూడా ఇది మంచి ప్రత్యామ్నాయం కావచ్చు. మరి ఇంట్లో తాజాగా కొబ్బరి పాలు ఎలా తయారు చేసుకోవాలి? వాటిని ఎలాంటి వంటల్లో ఉపయోగించవచ్చో.. ఎలా నిల్వ చేసుకోవాలో ఇప్పుడు చూసేద్దాం.

Also Read : బెల్లం పాకంతో కొబ్బరి లడ్డూలు.. ఆంధ్రా స్టైల్‌లో ఇలా చేస్తే రుచి అదిరిపోతుంది

కొబ్బరి పాల తయారీ

తాజా కొబ్బరికాయతో పాటు.. 2 లేదా 3 కప్పుల గోరువెచ్చని నీరు సిద్ధం చేసుకోవాలి. ముందుగా కొబ్బరికాయను పగలగొట్టి లోపలి తెల్లటి భాగాన్ని చిన్న ముక్కలుగా కట్ చేసుకోవాలి. కావాలనుకుంటే దాని మీద ఉండే గోధుమ రంగు పొరను తీసేయవచ్చు. ఇప్పుడు కొబ్బరి ముక్కలను మిక్సీ జార్‌లో వేసి ఒకటి లేదా ఒకటిన్నర కప్పుల గోరువెచ్చని నీరు పోయాలి. తర్వాత ఒకటి నుంచి రెండు నిమిషాల పాటు మెత్తగా గ్రైండ్ చేయాలి.

తర్వాత శుభ్రమైన కాటన్ క్లాత్ లేదా సన్నటి జల్లెడను ఒక గిన్నెపై ఉంచి కొబ్బరి మిశ్రమాన్ని అందులో పోయాలి. చేత్తో బాగా పిండితే చిక్కగా, క్రీమీగా ఉండే కొబ్బరి పాలు బయటకు వస్తాయి. మిగిలిన కొబ్బరి తురుమును మళ్లీ మిక్సీలో వేసి కొద్దిగా నీరు కలిపి గ్రైండ్ చేయాలి. ఇలా తీసిన పాలు కొంచెం పలుచగా ఉంటాయి. వీటిని కూరలు, సూప్‌లు, కర్రీల్లో ఉపయోగించవచ్చు.

Also Read : కొబ్బరి నీరు vs నిమ్మరసం.. ఎండ ఎక్కువగా ఉన్నప్పుడు ఏది తాగితే మంచిది?

కొబ్బరి పాలను ఎలా ఉపయోగించుకోవచ్చంటే..

కొబ్బరిపాలను ఉదయం చేసే స్మూతీలు లేదా ఓట్స్‌లో కలిపి తీసుకోవచ్చు. ఆవు లేదా గేదె పాలు తీసుకోని వారు డైరీ ఫ్రీ మిల్క్ కోసం చూసేవారు వీటిని ప్రయత్నించవచ్చు. వెజ్ లేదా నాన్‌వెజ్ కర్రీల్లో కొబ్బరి పాలు కలిపితే క్రీమీ టెక్స్చర్‌తో పాటు మంచి రుచి వస్తుంది. కొన్ని కూరలు, కుర్మా, సూప్లలో కూడా కొబ్బరి పాలను ఉపయోగించుకోవచ్చు.

కొబ్బరి పాలు ఎన్ని రోజులు నిల్వ చేయవచ్చంటే..

ఇంట్లో తయారు చేసిన కొబ్బరి పాలలో ప్రిజర్వేటివ్స్ ఉండవు. కాబట్టి గాలి చొరబడని కంటైనర్‌లో ఫ్రిజ్‌లో ఉంచి వీలైనంత త్వరగా ఉపయోగించడం మంచిది. వాసన లేదా రంగులో మార్పు కనిపిస్తే వాడకుండా పారేయాలి. కొబ్బరి పాలు లాక్టోస్ లేని ప్రత్యామ్నాయం అయినప్పటికీ.. వాటిలో కొవ్వు, క్యాలరీలు ఎక్కువగా ఉంటాయి. కాబట్టి బరువు లేదా కొలెస్ట్రాల్‌ను తగ్గించుకోవాలనుకునేవారు తక్కువ పరిమాణంలో దీనిని తీసుకుంటే మంచిది.

Also Read : శనగపప్పు పచ్చి కొబ్బరి కూర రెసిపీ.. ఇలా సింపుల్‌గా, టేస్టీగా చేసుకోండి

High Blood Pressure : బీపీ సడెన్గా పెరిగిందా? వెంటనే తగ్గించుకోవడానికి ఇంట్లో చేయాల్సిన, చేయకూడని పనులు ఇవే

Geddam Vijaya Madhuri — Thu, 12 Nov 2026 10:51:33 +0530

Blood Pressure Suddenly High : ఒక్కోసారి బీపీ ఎక్కువ పెరిగితే చాలామంది కంగారుపడిపోతారు. వెంటనే నిమ్మరసం, వెల్లుల్లి లేదా ఏదైనా ఇంటి చిట్కా ప్రయత్నిస్తే బీపీ తగ్గిపోతుందని అనుకుంటారు. కానీ ఏదో ఒకసారి బీపీ రీడింగ్ అధికంగా వస్తే భయపడాల్సిన అవసరం లేదని చెప్తున్నారు నిపుణులు. అలాగే దాన్ని నిర్లక్ష్యం చేయడం కూడా మంచిది కాదని చెప్తున్నారు. మరి బీపీని తగ్గించడానికి ఎలాంటి జాగ్రత్తలు తీసుకోవాలి? ఏ తప్పులు చేయకూడదు నిపుణులు ఇస్తోన్న సూచనలు ఏంటో చూసేద్దాం.

ISIC మల్టీస్పెషాలిటీ హాస్పిటల్ కార్డియాక్ సైన్సెస్ డైరెక్టర్ డాక్టర్ సౌరభ్ జునేజా ప్రకారం.. ఒత్తిడి, శారీరక శ్రమ, కెఫిన్ తీసుకోవడం లేదా తప్పుగా బీపీ కొలవడం వల్ల కొన్నిసార్లు రీడింగ్ తాత్కాలికంగా పెరగవచ్చు. అయితే బీపీ నిరంతరం ఎక్కువగా ఉంటే దీర్ఘకాలిక జీవనశైలి మార్పులు, మందులు అవసరమవుతాయని ఆయన తెలిపారు. అలాగే బీపీ పెరిగినప్పుడు ఏమి చేయాలో కూడా తెలిపారు.

Also Read : వేడి నీళ్లతో బీపీ తగ్గుతుందా? తాగితే మంచిదా? స్నానం చేస్తే బెటరా? నిపుణులు ఏం చెబుతున్నారంటే..

రీడింగ్ చూసి భయపడకండి

బీపీ ఎక్కువగా వచ్చిందని తెలిసిన వెంటనే ఆందోళన చెందడం వల్ల రీడింగ్ మరింత పెరగవచ్చు. కాబట్టి ముందుగా ప్రశాంతంగా కూర్చుని కనీసం ఐదు నిమిషాలు విశ్రాంతి తీసుకున్న తర్వాత మళ్లీ బీపీ చెక్ చేసుకోవడం మంచిది.
అలాగే కూర్చీలో నిటారుగా కూర్చుని.. పాదాలను నేలపై ఉంచి.. చేతిని గుండె స్థాయిలో సపోర్ట్ చేసి ఉంచి.. కఫ్‌ను బట్టలపై కాకుండా పైచేయికి సరిగ్గా అమర్చి చెక్ చేసుకోవడం మంచిది. .

రెండు రీడింగ్స్ బెస్ట్..

ఒక్కసారి వచ్చిన రీడింగ్ ఆధారంగా సొంతంగా నిర్ణయం తీసుకోకండి. కాస్త గ్యాప్ ఇచ్చి.. రిలాక్స్ అయి.. నిమిషం తర్వాత రెండోసారి బీపీ కొలిచి రీడింగ్స్‌ను నోట్ చేసుకోవాలని నిపుణులు సూచిస్తున్నారు.

Also Read : బీపీ, షుగర్, కొలెస్ట్రాల్.. 30 తర్వాత ఈ హెల్త్ చెకప్స్ తప్పక చేయించుకోండి

నిమ్మరసం లేదా వెల్లుల్లి చిట్కా..

నిమ్మనీరు తాగడం, వెల్లుల్లి తినడం, కొబ్బరి నీరు వంటి వాటిని బీపీకి వెంటనే పనిచేసే మందులుగా సోషల్ మీడియాలో చెబుతుంటారని కానీ అవి బీపీకి చికిత్స కాదని నిపుణులు చెప్తున్నారు. వీటిని ఆరోగ్యకరమైన ఆహారంలో భాగం తీసుకోవచ్చు కానీ.. అధిక బీపీని నిమిషాల్లో తగ్గించే చికిత్స మాత్రం కాదని తెలిపారు.

మందుల డోస్ మార్చకండి..

బీపీ ఎక్కువగా వచ్చిందని మందు డోస్ పెంచడం, అదనంగా టాబ్లెట్ వేసుకోవడం లేదా మందులను ఆపేయడం ప్రమాదకరం కావచ్చని వైద్యులు చెప్తున్నారు. మీకు ఇప్పటికే బీపీ మందులు ఉంటే డాక్టర్ సూచన మేరకే వాటిలో మార్పులు చేయాలి.

Also Read : హై బీపీ ఉందా? ఈ ఆహారాలను తగ్గించండి.. లేదంటే బీపీ కంట్రోల్‌ కావడం కష్టమే

జీవనశైలిలో మార్పులు

ఉప్పు తగ్గించడం, క్రమం తప్పకుండా వ్యాయామం చేయడం, బరువును నియంత్రించడం, పండ్లు-కూరగాయలు ఎక్కువగా తీసుకోవడం వంటివి బీపీ నియంత్రణకు సహాయం చేస్తాయి. సరైన నిద్ర, ఒత్తిడిని తగ్గించుకోవడం, పొగాకు, మద్యం వంటి వాటికి దూరంగా ఉండటం కూడా బీపీని తగ్గించడంలో హెల్ప్ చేస్తాయి.

ఎప్పుడు ప్రమాదమంటే..

బీపీ రీడింగ్ 180/120 mmHg కంటే ఎక్కువగా ఉంటే కనీసం ఒక నిమిషం తర్వాత మళ్లీ చెక్ చేయాలి. మళ్లీ కూడా అంతే ఎక్కువగా ఉంటే వెంటనే వైద్య నిపుణుడిని సంప్రదించడం అవసరం. అలాగే అధిక బీపీతో పాటు ఛాతీ నొప్పి, ఊపిరి తీసుకోవడంలో ఇబ్బంది, తీవ్రమైన బలహీనత లేదా తిమ్మిరి, మాట్లాడటంలో ఇబ్బంది, చూపులో మార్పులు వంటి లక్షణాలు ఉంటే ఇంటి చిట్కాలు ఫాలో అవ్వడం కాకుండా వైద్యుల సహాయం తీసుకోవాలి.

Also Read : సైలెంట్‌గా పెరుగుతున్న కొలెస్ట్రాల్.. ఈ లక్షణాలు పెరుగుతోన్న కొవ్వుకు సంకేతం, నెగ్లెక్ట్ చేయకండి

Gas and Bloating : గ్యాస్, కడుపు ఉబ్బరం వేధిస్తున్నాయా? అయితే ఈ డ్రింక్స్ కచ్చితంగా ట్రై చేయండి

Geddam Vijaya Madhuri — Wed, 11 Nov 2026 10:48:53 +0530

Gas and Bloating : గ్యాస్, కడుపు ఉబ్బరం వేధిస్తున్నాయా? అయితే ఈ డ్రింక్స్ కచ్చితంగా ట్రై చేయండి

Leg Day Soreness : జిమ్‌లో లెగ్ డే తర్వాత కాళ్లు విపరీతంగా నొప్పిగా ఉన్నాయా? పెయిన్ తగ్గించుకోవడం ఎలా.. మరుసటి రోజు జిమ్‌కు వెళ్లాలా?

Geddam Vijaya Madhuri — Wed, 11 Nov 2026 06:32:57 +0530

Muscle Pain After Leg Day : జిమ్‌లో లెగ్ డే చేసిన మరుసటి రోజు మెట్లు ఎక్కడం, కుర్చీలో కూర్చోవడం, నడవడం కూడా కష్టంగా అనిపిస్తుందా? ముఖ్యంగా కొత్తగా జిమ్ మొదలుపెట్టినవారికి ఈ సమస్య ఎక్కువగా ఉంటుంది. స్క్వాట్స్, లంజెస్, లెగ్ ప్రెస్ వంటి వ్యాయామాల తర్వాత కండరాల్లో వచ్చే ఈ నొప్పిని సాధారణంగా డిలేడ్ ఆన్‌సెట్ మజిల్ సోరెనెస్ లేదా DOMS అంటారు. చాలామంది నొప్పి వచ్చిందంటే వర్కవుట్ బాగా చేసినట్లే అనుకుంటారు. మరి ఇది ఎంతవరకు నిజం?

లెగ్ డే తర్వాత వచ్చే పెయిన్‌ను ఎలా కంట్రోల్ చేయాలి? మరుసటి రోజు జిమ్‌కు వెళ్లొచ్చా? తీవ్రమైన నొప్పితే అదే కండరాలకు మళ్లీ హెవీ వర్కవుట్ చేయాలా? నిపుణులు, పరిశోధనలు ఏం చెబుతున్నాయో తెలుసుకుందాం.

Also Read : జిమ్ చేసిన తర్వాత ఒళ్లు నొప్పిగా ఉందా? మొదట్లో బాడీ పెయిన్స్ రావడానికి కారణాలు, తీసుకోవాల్సిన జాగ్రత్తలివే

లెగ్ డే తర్వాత నొప్పికి కారణం..

శరీరానికి అలవాటు లేని స్థాయిలో వర్కవుట్ చేసినప్పుడు కండరాలపై ఎక్కువ ఒత్తిడి పడుతుంది. ముఖ్యంగా కండరం పొడవవుతూ బరువును నియంత్రించే ఎక్సెంట్రిక్ మూవ్‌మెంట్స్ DOMSకు కారణమయ్యే అవకాశం ఎక్కువగా ఉంటుంది. ఈ నొప్పి సాధారణంగా వ్యాయామం చేస్తున్న సమయంలో కాకుండా తర్వాత కనిపిస్తుంది. నొప్పిని తగ్గించేందుకు హెల్ప్ చేసే టిప్స్ ఏంటో చూసేద్దాం.

యాక్టివ్గా ఉండండి..

కాళ్లు నొప్పిగా ఉన్నప్పుడు పూర్తిగా రెస్ట్ తీసుకోవాల్సిన అవసరం లేదు. నెమ్మదిగా నడవడం, తేలికపాటి సైక్లింగ్ వంటి లో-ఇంటెన్సిటీ యాక్టివిటీలు చేయవచ్చు. ఇవి కండరాల బిగుతును తగ్గించి కొంత ఉపశమనం కలిగిస్తాయి. అయితే నొప్పి తీవ్రంగా ఉంటే హెవీ వర్కవుట్ చేయకపోవడం మంచిది.

Also Read : జిమ్ మొదటిసారి జాయిన్ అయ్యేవారు చేయకూడని తప్పులు ఇవే.. ఆ మిస్టేక్స్ చేయకండి

ఆ తప్పు చేయకండి..

నొప్పి స్వల్పంగా ఉంటే జిమ్‌కు వెళ్లవచ్చు. కానీ అదే కాళ్ల కండరాలపై మళ్లీ స్క్వాట్స్, హెవీ లెగ్ ప్రెస్ వంటి తీవ్రమైన వ్యాయామాలు చేయడం మంచిది కాదు. బదులుగా అప్పర్ బాడీ వర్కవుట్ లేదా తేలికపాటి యాక్టివ్ రికవరీ చేయవచ్చు. తీవ్రమైన నొప్పి ఉన్నప్పుడు కొన్ని రోజులు ఆ కండరాలకు విశ్రాంతి ఇవ్వాలని ACSM సూచిస్తోంది.

వర్కవుట్ తర్వాత కూల్‌డౌన్

వర్కవుట్ పూర్తయిన వెంటనే ఆగిపోకుండా 5 నుంచి 10 నిమిషాలు నెమ్మదిగా నడవడం లేదా స్టేషనరీ బైక్‌ను తక్కువ వేగంతో తొక్కడం చేయవచ్చు. ఇది వ్యాయామం నుంచి శరీరం క్రమంగా సాధారణ స్థితికి రావడానికి సహాయపడుతుంది.

Also Read : జిమ్ చేసినా పొట్ట తగ్గట్లేదా? అయితే ఈ 5 సూప్స్తో చెక్ పెట్టండి.. ఇంట్లోనే చేసుకోగలిగే రెసిపీలు ఇవే

స్ట్రెచింగ్‌తో నొప్పి తగ్గుతుందా?

లెగ్స్ బిగుతుగా ఉన్నప్పుడు సున్నితమైన స్ట్రెచింగ్ చేయడం వల్ల కొంత రిలాక్స్‌గా అనిపించవచ్చు. కానీ స్ట్రెచింగ్ చేయడం వల్ల DOMS పూర్తిగా లేదా త్వరగా తగ్గిపోతాయని చెప్పలేము. కాబట్టి స్ట్రెచ్ చేసేటప్పుడు తీవ్రమైన నొప్పి వచ్చేంత వరకు లాగకండి.

ఫోమ్ రోలింగ్ లేదా మసాజ్

కండరాలు బిగుతుగా ఉన్నప్పుడు ఫోమ్ రోలింగ్ లేదా సున్నితమైన మసాజ్ కొందరికి తాత్కాలికంగా ఉపశమనం కలిగించవచ్చు. నొప్పి, బిగుతును తగ్గించడంలో హెల్ప్ చేస్తాయి.

నిద్ర, ఆహారం

వర్కవుట్ తర్వాత రికవరీలో విశ్రాంతి, తగిన పోషకాహారం ముఖ్యమైనవి. రోజంతా తగినంత నీరు తాగడం, సమతుల ఆహారంలో ప్రోటీన్, కార్బోహైడ్రేట్లను చేర్చుకోవడం మంచిది. అయితే ఏ ఒక్క డ్రింక్ లేదా సప్లిమెంట్ తాగితే కండరాల నొప్పి వెంటనే మాయమవుతుందని అనుకోవద్దు. రికవరీకి సమయం పడుతుంది.

Also Read : జిమ్కి వెళ్లకుండానే బరువు తగ్గిన అమీర్ ఖాన్.. మైగ్రేన్ కోసం డైట్ ఫాలో అయి 18 కిలోలు తగ్గిన హీరో

జిమ్కి వెళ్లాలా? వద్దా?

స్వల్పమైన నొప్పి ఉంటే జిమ్‌కు వెళ్లవచ్చు. కానీ తక్కువ తీవ్రతతో వ్యాయామం చేయడం లేదా ఇతర కండరాలపై దృష్టి పెట్టడం మంచిది. తీవ్రమైన నొప్పి ఉంటే నడవడం, కూర్చోవడం వంటి రోజువారీ పనులే కష్టంగా ఉంటే.. హెవీ వర్కవుట్‌ను ఆపి విశ్రాంతి తీసుకోవడం మంచిది. DOMS ఉన్నప్పుడు తీవ్రమైన వ్యాయామం కొనసాగిస్తే సమస్య మరింత పెరగవచ్చు.

డాక్టర్‌ దగ్గరకు వెళ్లాలా?

సాధారణ DOMS కొన్ని రోజుల్లో క్రమంగా తగ్గుతుంది. కానీ నొప్పి చాలా తీవ్రంగా ఉండటం, కండరం బాగా వాపు రావడం, వారం రోజులకుపైగా నొప్పి తగ్గకపోవడం లేదా మూత్రం అసాధారణంగా ముదురు రంగులో కనిపించడం వంటి లక్షణాలు ఉంటే వెంటనే వైద్యులను సంప్రదించాలి. ఇవి సాధారణ వర్కవుట్ తర్వాత వచ్చే నొప్పి కాకపోవచ్చు.

Also Read : జిమ్కి వెళ్లడం ఇష్టం లేదా? 2026లో ఈ చిట్కాలు ఫాలో అయి ఇంట్లోనే బరువు తగ్గండి

Soaked Chia Seeds : చియా సీడ్స్ నానబెట్టి ఉదయాన్నే తీసుకుంటే కలిగే లాభాలు ఇవే.. ఫుడ్ కంట్రోల్ నుంచి గట్ హెల్త్ వరకు

Geddam Vijaya Madhuri — Wed, 11 Nov 2026 05:55:01 +0530

Soaked Chia Seeds in the Morning : ఉదయాన్నే ఖాళీ కడుపుతో ఏదైనా ఆరోగ్యకరమైన డ్రింక్ లేదా ఫుడ్ తీసుకోవాలని చాలామంది అనుకుంటారు. అలాంటి వారికి నానబెట్టిన చియా సీడ్స్ మంచివని నమ్ముతారు. చిన్నగా కనిపించే ఈ గింజల్లో ఫైబర్, ప్రోటీన్, ఒమేగా-3 ఫ్యాటీ యాసిడ్లు, పలు ఖనిజాలు ఉంటాయి. నీటిలో నానబెట్టినప్పుడు ఇవి జెల్‌లా మారుతాయి. దీనివల్ల కడుపు నిండిన భావన కలగడానికి సహాయపడతాయి. మరి వీటిని ఉదయాన్నే తీసుకుంటే కలిగే లాభాలు ఏంటి.. తీసుకోవాల్సిన జాగ్రత్తలు ఏంటో చూసేద్దాం.

కేవలం చియా సీడ్స్ ఏ వ్యాధికీ మందు కాదని.. సమతుల్య ఆహారంలో భాగంగానే తీసుకోవాలని డైటీషియన్లు సూచిస్తున్నారు. కానీ వీటిని నానబెట్టి రెగ్యూలర్గా తీసుకోవడంలో కొన్ని ప్రయోజనాలు ఉంటాయని చెప్తున్నారు. అవేంటంటే..

Also Read : చియా సీడ్స్ సరిగ్గా తీసుకోకుంటే ప్రమాదకర సైడ్ ఎఫెక్ట్స్ తప్పవు.. ఎప్పుడు, ఎలా తీసుకోవాలంటే

ఫుడ్ క్రేవింగ్స్ తగ్గించడానికి

చియా సీడ్స్లో ఉండే కరిగే ఫైబర్ నీటిని పీల్చుకుని జెల్‌లాంటి పదార్థంగా మారుతుంది. దీనివల్ల జీర్ణక్రియ కొంత తగ్గి.. ఎక్కువసేపు కడుపు నిండిన భావన కలగవచ్చు. దీంతో ఉదయం తిన్న కొద్దిసేపటికే వచ్చే స్నాక్స్ తినాలనే కోరికను ఇది తగ్గించడంలో హెల్ప్ చేస్తుంది.

బ్లడ్ షుగర్పై ప్రభావం

చియా గింజల్లోని ఫైబర్ కార్బోహైడ్రేట్ల జీర్ణక్రియ వేగాన్ని తగ్గించడంలో ముఖ్య పాత్ర పోషించవచ్చు. కొన్ని అధ్యయనాల్లో చియా సప్లిమెంటేషన్ వల్ల రక్తంలో చక్కెర నియంత్రణకు సంబంధించిన కొన్ని సూచీలు మెరుగుపడినట్లు గుర్తించారు.

Also Read : 30 రోజులు చియా సీడ్స్‌తో నిమ్మరసం కలిపి తాగితే ఏమవుతుంది? లాభాలు, జాగ్రత్తలు ఇవే

గుండె ఆరోగ్యానికై

చియా సీడ్స్ మొక్కల ఆధారిత ఒమేగా-3 ఫ్యాటీ యాసిడ్ అయిన ఆల్ఫా-లినోలెనిక్ యాసిడ్ (ALA)కు మంచి వనరుగా చెప్తారు. ఇందులో ఉండే ఫైబర్, ఆరోగ్యకరమైన కొవ్వులు సమతుల్య ఆహారంలో భాగంగా గుండె ఆరోగ్యానికి తోడ్పడవచ్చు.

రక్తపోటు నియంత్రణ కోసం..

కొన్ని క్లినికల్ అధ్యయనాల సమీక్షల్లో ఎక్కువకాలం చియా సీడ్స్ తీసుకోవడం వల్ల సిస్టోలిక్ రక్తపోటులో స్వల్ప మెరుగుదల కనిపించినట్లు వెల్లడైంది. అయినప్పటికీ.. బీపీ ఉన్నవారు వైద్యుల సూచించిన మందులను ఆపి చియా సీడ్స్పై ఆధారపడకూడదు.

Also Read : రోజూ చియా సీడ్స్ తీసుకుంటే కలిగే ఆరోగ్య ప్రయోజనాలు ఇవే.. మలబద్ధకం నుంచి బరువు తగ్గడం వరకు

గట్ హెల్త్‌కు ఫైబర్

చియా గింజల్లో కరిగే, కరగని రెండు రకాల ఫైబర్ ఉంటాయి. ఇవి జీర్ణవ్యవస్థ ఆరోగ్యానికి, క్రమబద్ధమైన మల విసర్జనకు తోడ్పడవచ్చు. అయితే ఫైబర్‌ను ఒక్కసారిగా ఎక్కువగా తీసుకుంటే కొందరిలో ఉబ్బరం లేదా గ్యాస్ వంటి సమస్యలు రావచ్చు.

రోజువారీ హైడ్రేషన్లో భాగం

చియా గింజలు నీటిని బాగా పీల్చుకుని జెల్‌లా మారతాయి. వాటిని నీటిలో నానబెట్టి తీసుకోవడం వల్ల రోజువారీ ద్రవాల తీసుకోవడంలో భాగం కావచ్చు. కానీ చియా డ్రింక్ తాగితే సరిపోదు. రోజంతా తగినంత నీరు తాగడం కూడా అవసరం.

Also Read : బరువు తగ్గడానికి చియా సీడ్స్ తీసుకుంటున్నారా? రోజూ తీసుకునేవారు ఆ తప్పు చేయకండి

మొక్కల ఆధారిత ప్రోటీన్

చియా గింజల్లో కొంత ప్రోటీన్ ఉంటుంది. ముఖ్యంగా శాఖాహారులు తమ ఆహారంలో విభిన్న ప్రోటీన్ వనరులతో పాటు చియా గింజలను కూడా చేర్చుకోవచ్చు.

ఎముకల ఆరోగ్యానికై..

చియా గింజల్లో కాల్షియం, మెగ్నీషియం, ఫాస్పరస్ వంటి ఖనిజాలు ఉంటాయి. ఇవి ఎముకల ఆరోగ్యానికి అవసరమైన పోషకాలను అందిస్తాయి.

Also Read : ఉదయాన్నే జీలకర్ర నీరు తాగితే మంచిదా? చియా సీడ్స్ నీరు తాగితే బరువు తగ్గుతారా? ఏది బెస్ట్

యాంటీఆక్సిడెంట్ లక్షణాలు

చియా గింజల్లో పాలీఫినాల్స్ వంటి యాంటీఆక్సిడెంట్ సమ్మేళనాలు ఉంటాయి. ఇవి శరీరంలో ఆక్సిడేటివ్ ఒత్తిడిని ఎదుర్కోవడంలో పాత్ర పోషిస్తాయి. ఆరోగ్యకరమైన ఆహారం, వ్యాయామం వంటి ఇతర జీవనశైలి అలవాట్లతో కలిపి తీసుకున్నప్పుడు మంచి ఎంపిక అవుతుంది.

ఎలా తీసుకుంటే మంచిది..

చియా గింజలను నీటిలో కొంతసేపు నానబెట్టి తీసుకోవచ్చు. పెరుగు, ఓట్స్, స్మూతీలు లేదా పండ్లతో కూడా కలిపి తినవచ్చు. మొదటిసారి తీసుకునేవారు తక్కువ పరిమాణంతో ప్రారంభించి శరీరం ఎలా స్పందిస్తుందో గమనించడం మంచిది.

గుర్తించుకోవాల్సిన విషయాలు..

చియా గింజల్లో ఫైబర్ ఎక్కువగా ఉంటుంది కాబట్టి ఒక్కసారిగా ఎక్కువగా తినకూడదు. పొడిగా ఉన్న చియా గింజలను పెద్ద మొత్తంలో తీసుకోవడం కంటే నీటిలో నానబెట్టి తీసుకోవడం మంచిది. మింగడంలో ఇబ్బంది ఉన్నవారు లేదా ప్రత్యేక ఆరోగ్య సమస్యలు ఉన్నవారు వైద్యుల సలహా తీసుకుని డైట్లో చేర్చుకుంటే మంచి ఫలితాలు చూడగలుతారు.

Also Read : చియా సీడ్స్ ఎలా తీసుకోవాలో తెలుసా? తింటే కలిగే లాభాలు, తీసుకోవాల్సిన జాగ్రత్తలు ఇవే

Cashews For Health : జీడిపప్పు ఎవరు తింటే మంచిది? ఎవరు తినకపోవడమే మంచిది?

Geddam Vijaya Madhuri — Tue, 10 Nov 2026 14:49:40 +0530

Cashews For Health : జీడిపప్పు ఎవరు తింటే మంచిది? ఎవరు తినకపోవడమే మంచిది?

10K Step Count : రోజూ 10,000 అడుగులు నడవకపోతే ఆరోగ్యానికి మంచిది కాదా? ఎవరు ఎంత నడిస్తే మంచిది? 5 ఏళ్ల నుంచి 60 ఏళ్లు

Geddam Vijaya Madhuri — Tue, 10 Nov 2026 13:25:06 +0530

Walking Goals by Age : ఆరోగ్యంగా ఉండటానికి ప్రతిరోజూ 10,000 అడుగులు నడవాలని చాలామంది సలహా ఇస్తుంటారు. దీనిలో భాగంగా ఉదయం నుంచే తమ ఫోన్‌లు లేదా స్మార్ట్‌వాచ్‌లలో అడుగులు లెక్కించడం మొదలుపెట్టి.. రోజు చివరికల్లా ఆ సంఖ్యను చేరుకోవడానికి ప్రయత్నిస్తారు. కానీ మీరు 10,000 అడుగులు పూర్తి చేయకపోతే మీ ఆరోగ్యానికి పూర్తి ప్రయోజనం చేకూరదా?

నిపుణుల ప్రకారం వయస్సు, ఫిట్‌నెస్, శారీరక సామర్థ్యాన్ని బట్టి.. తక్కువ అడుగులు నడవడం కూడా ఆరోగ్యానికి ప్రయోజనకరంగా ఉంటుంది. అందుకే ప్రతి వ్యక్తి ఒకే సంఖ్యలో నడవాల్సిన అవసరం లేదు. పదివేల అడుగలు నడవాల్సిన అవసరం ఎందుకు లేదో.. ఏ వయసు వారు ఎంత నడిస్తే మంచిదో ఇప్పుడు తెలుసుకుందాం.

Also Read : ఉదయం నడిస్తే మంచిదా? సాయంత్రం నడక బెటరా? ఎప్పుడు వాక్ చేస్తే మంచిదో తెలుసా?

10,000 అడుగులు నడవాల్సిన అవసరం లేదా?

10,000 అడుగులు నడవాలనే లక్ష్యం చాలా ట్రెండ్ అయింది. కానీ అన్ని వయసుల వారికి ఇది మంచిదని చెప్పలేము. 10,000 అడుగుల కంటే తక్కువ నడవడం కూడా ఆరోగ్యానికి మంచి ప్రయోజనాలు అందిస్తుందని పరిశోధనలో తేలింది. వృద్ధులు తక్కువ నడవడం ద్వారా సానుకూల ప్రయోజనాలు పొందవచ్చని తేలింది. ఒక అధ్యయనంలో వృద్ధ మహిళలు ప్రతిరోజూ సుమారు 4,400 అడుగులు నడవడం అనేది, సుమారు 2,700 అడుగులు నడిచేవారితో పోలిస్తే తక్కువ మరణ ప్రమాదంతో ముడిపడి ఉందని గుర్తించారు.

ప్రపంచ ఆరోగ్య సంస్థ ఏమి చెబుతోందంటే..

ప్రపంచ ఆరోగ్య సంస్థ (WHO) వివిధ వయసుల వారు.. రోజుకు ఎన్ని అడుగులు వేయాలనే దానిపై నిర్దిష్ట సంఖ్యను నిర్దేశించలేదు. దానికి బదులుగా శారీరక కార్యకలాపాల కోసం మార్గదర్శకాలను నిర్దేశించింది. దీని ప్రకారం.. 5 నుంచి 17 సంవత్సరాల వయస్సు గల పిల్లలు, కౌమారదశలో ఉన్నవారు ప్రతిరోజూ కనీసం 60 నిమిషాల పాటు మధ్యస్థం నుంచి తీవ్రమైన శారీరక శ్రమలో పాల్గొనాలి. పెద్దలు అయితే వారానికి 150 నుంచి 300 నిమిషాల పాటు మధ్యస్థ శారీరక శ్రమలో పాల్గొనాలని సిఫార్సు చేసింది. 65 ఏళ్లు పైబడిన వారు కూడా నడకతో సహా, కండరాలను బలపరిచే, సమతుల్యతను కాపాడే వ్యాయామం చేయాలని తెలిపింది.

Also Read : వారంలో కిలో బరువు తగ్గాలంటే రోజుకు ఎన్ని అడుగులు నడవాలి? ఏ టిప్స్ ఫాలో అవ్వాలి?

5 నుంచి 17 సంవత్సరాల వారు..

పిల్లలు, టీనేజ్లో ఉన్నవారు రోజుకు 10,000 నుంచి 12,000 అడుగులు నడవడం మంచిది కావచ్చు. ఈ వయస్సులో పరుగెత్తడం, సైకిల్ తొక్కడం, గేమ్స్ ఆడటం, చురుకైన ఆటలలో పాల్గొనడం మంచిది. వారానికి కనీసం మూడు రోజులు కండరాలను, ఎముకలను బలపరిచే పనులు చేయాలి.

18 నుంచి 39 సంవత్సరాల వారు..

ఈ వయస్సులో ఆరోగ్యంగా ఉన్నవారు ప్రతిరోజూ 7,000 నుంచి 10,000 అడుగులు నడవడం ఒక మంచి లక్ష్యం కావచ్చు. అయితే ప్రతిరోజూ 10,000 అడుగులు నడవాలని రూల్ లేదు. ఒక అధ్యయనంలో ప్రతిరోజూ కనీసం 7,000 అడుగులు నడిచేవారికి, 7,000 అడుగుల కంటే తక్కువ నడిచేవారితో పోలిస్తే మరణ ప్రమాదం తక్కువగా ఉందని కనుగొన్నారు. ఈ అధ్యయనంలో 10,000 అడుగుల కంటే ఎక్కువ నడవడం వల్ల అదనపు ప్రయోజనం ఏమీ లేదని తేలింది.

Also Read : ఇంట్లో చెప్పులు వేసుకుని నడవాలా? లేక చెప్పులు లేకుండా నడవాలా? ఆరోగ్యానికి ఏది మంచిదో తెలుసా?

40 నుంచి 59 సంవత్సరాల వారు..

ఈ వయస్సులోని వారు తమ ఫిట్‌నెస్, ఆరోగ్యాన్ని బట్టి రోజుకు 7,000 నుంచి 10,000 అడుగులు నడవాలని లక్ష్యంగా పెట్టుకోవచ్చు. ప్రస్తుతం రోజుకు 3,000 నుంచి 4,000 అడుగులు మాత్రమే నడుస్తుంటే.. అకస్మాత్తుగా 10,000 అడుగులు చేరుకోవడానికి ప్రయత్నించవద్దు. మీ శారీరక శ్రమను క్రమంగా పెంచుకోండి.

60 నుంచి పైబడిన వారు..

60 నుంచి పైబడిన ఆరోగ్యవంతులు ప్రతిరోజూ 6,000 నుంచి 8,000 అడుగులు నడవవచ్చు. JAMAలో ప్రచురించిన పరిశోధనను ఉటంకిస్తూ చేసిన ఒక మెటా-విశ్లేషణలో.. 60 ఏళ్లు పైబడిన వారిలో ఎక్కువ అడుగులు వేయడానికి, మరణ ప్రమాదం తగ్గడానికి మధ్య ఉన్న సంబంధం సుమారు 6,000 నుంచి 8,000 అడుగుల మధ్య ఉంది. ఈ వయస్సులో సౌకర్యవంతమైన వేగంతో నడవడం, సరైన బూట్లు ధరించడం, నెమ్మదిగా అడుగులు వేయడం ముఖ్యం.

Also Read : ప్రతిరోజూ 30 నిమిషాల నడకతో అద్భుత ఆరోగ్య ప్రయోజనాలు.. కానీ నడిచేప్పుడు ఈ జాగ్రత్తలు తీసుకోండి

10,000 అడుగులు నడవడం మంచి లక్ష్యమేనా?

మీరు ప్రతిరోజూ 10,000 అడుగులు సునాయాసంగా నడవగలిగితే.. అది ఒక మంచి వ్యక్తిగత లక్ష్యం కావచ్చు. కానీ ఆ లక్ష్యాన్ని చేరుకోలేకపోయినంత మాత్రాన.. మీరు నడక వల్ల కలిగే ప్రయోజనాలను పొందడం లేదని అర్థం కాదు. JAMA నెట్‌వర్క్ ఓపెన్‌లో ప్రచురించిన ఒక అధ్యయనం ప్రకారం.. వారంలోని కొన్ని రోజులలో 8,000 లేదా అంతకంటే ఎక్కువ అడుగులు నడిచే పెద్దవారికి., ఏ రోజూ 10,000 సంఖ్యను చేరుకోని వారితో పోలిస్తే మరణ ప్రమాదం తక్కువగా ఉన్నట్లు కనుగొన్నారు.

Also Read : పరగడుపునే వాకింగ్ చేస్తే బరువు వేగంగా తగ్గుతారా? శరీరంలో ఏం జరుగుతుంది? నిపుణుల సూచనలు ఇవే

Makhana Benefits : రోజూ మఖానా తింటే ఆరోగ్యానికి కలిగే ప్రయోజనాలు ఇవే.. డైట్‌లో ఇలా చేర్చుకోండి

Geddam Vijaya Madhuri — Tue, 10 Nov 2026 12:14:34 +0530

Makhana For Weight Loss : సాయంత్రం కాగానే ఏదైనా క్రిస్పీగా తినాలనిపిస్తుందా? బిస్కెట్లు, చిప్స్‌కు బదులుగా మఖానాను స్నాక్‌గా ట్రై తీసుకోవచ్చు. ఫాక్స్ నట్స్‌గా పిలిచే మఖానాలో ఫైబర్‌తో పాటు పలు పోషకాలు ఉంటాయి. సమతుల్య ఆహారంలో భాగంగా సరైన మోతాదులో తీసుకుంటే ఇది హెల్తీ స్నాక్ ఆప్షన్ అవుతుంది. మరి దీనిని డైట్‌లో ఎలా చేర్చుకోవాలో.. రెగ్యూలర్గా తింటూ ఎలాంటి ప్రయోజనాలు పొందవచ్చో ఇప్పుడు తెలుసుకుందాం.

మఖానాతో రైతా

పెరుగుతో చేసే రైతాలో మఖానాను కూడా వేసుకోవచ్చు. ముందుగా మఖానాను లైట్గా రోస్ట్ చేసి.. పెరుగులో కలపాలి. రుచికోసం కొద్దిగా నల్ల ఉప్పు, జీలకర్ర పొడి వంటివి వేసుకోవచ్చు. పెరుగులోని ప్రోటీన్‌తో పాటు మఖానా కూడా చేరడం వల్ల ఇది మంచి స్నాక్ లేదా భోజనంలో సైడ్ డిష్‌గా ఉంటుంది.

Also Read : ఫైబర్ ఫుడ్స్ తినకపోతే జీర్ణక్రియ, బరువు తగ్గడంపై ఎలాంటి ఎఫెక్ట్ ఉంటుంది? ఏవి తింటే మంచిది?

రోస్టెడ్ మఖానా

సాయంత్రం ఆకలి వేసినప్పుడు చిప్స్, వేయించిన స్నాక్స్‌కు బదులుగా డ్రై రోస్టెడ్ మఖానా తినవచ్చు. కొద్దిగా నెయ్యి లేదా నూనెతో వేయించి, మసాలాలు కలిపి రుచిగా చేసుకోవచ్చు. బరువు తగ్గాలని ప్రయత్నిస్తున్నవారు మొత్తం ఆహార ప్రణాళికలో భాగంగా వీటిని తీసుకోవచ్చు.

పాలతో మఖానా

మఖానాను పాలలో ఉడికించి కూడా తీసుకోవచ్చు. దీనిని కీర్ లేదా పాయసం తరహాలో తయారు చేసుకోవచ్చు. పాలలో ప్రోటీన్, కాల్షియం వంటి పోషకాలు ఉంటాయి కాబట్టి ఇది పోషకమైన ఎంపికగా మారుతుంది.

Also Read : యాపిల్ vs అరటిపండు.. బరువు తగ్గడానికి ఏది మంచిది? ఆరోగ్య ప్రయోజనాలు ఇవే

మఖానా తినడం వల్ల కలిగే లాభాలు..

మఖానాలోని కార్బోహైడ్రేట్లు, కొంత ప్రోటీన్, ఫైబర్‌తో పాటు మెగ్నీషియం, ఫాస్పరస్ వంటి ఖనిజాలు ఉంటాయి. అందుకే దీనిని విభిన్న ఆహారాలతో కలిపి తీసుకుంటే రోజువారీ డైట్‌లో పోషకమైన భాగంగా ఉంటుంది. మఖానాలో ఉండే ఫైబర్ జీర్ణవ్యవస్థ ఆరోగ్యానికి ఉపయోగపడుతుంది. అయితే జీర్ణ సమస్యలు ఉన్నవారు ఒక్కసారిగా ఎక్కువ పరిమాణంలో ఫైబర్ తీసుకోకుండా.. శరీరానికి సరిపడే పరిమాణంలో తీసుకోవడం మంచిది.

Also Read : కోకో పౌడర్‌తో ఓవర్‌నైట్ ఓట్స్.. బరువు తగ్గాలనుకునేవారికి టేస్టీ బ్రేక్‌ఫాస్ట్

బరువు నియంత్రణ కోసం..

అనారోగ్యకరమైన, ఎక్కువ నూనె లేదా చక్కెర ఉండే స్నాక్స్‌కు బదులుగా మఖానాను హెల్తీ స్నాక్గా ఎంచుకోవచ్చు. కానీ దీనిని ఎంత తింటున్నామనేది కూడా ముఖ్యం. నెయ్యి, ఉప్పు, మసాలాలు ఎక్కువగా కలిపితే క్యాలరీలు పెరిగే అవకాశం ఉంటుంది. అలాగే మఖానాలోని మెగ్నీషియం వంటి ఖనిజాలు గుండె ఆరోగ్యానికి హెల్ప్ చేస్తాయి. సమతుల్య ఆహారం, వ్యాయామం, ఆరోగ్యకరమైన జీవనశైలిలో భాగంగా దీనిని తీసుకోవచ్చు. మఖానా కార్బోహైడ్రేట్లు కలిగిన ఆహారమే. కాబట్టి డయాబెటిస్ ఉన్నవారు కూడా మోతాదు దృష్టిలో పెట్టుకుని డైట్లో తీసుకోవాలి.

మఖానా ఆరోగ్యకరమైన స్నాక్ కావచ్చు. కానీ ఎక్కువగా తింటే అదనపు క్యాలరీలు చేరే అవకాశం ఉంటుంది. ముఖ్యంగా డయాబెటిస్, జీర్ణ సంబంధిత సమస్యలు లేదా ప్రత్యేక డైట్ పాటిస్తున్నవారు తమ అవసరాలకు తగ్గ పరిమాణాన్ని నిర్ణయించుకోవడం మంచిది.

Also Read : ఉదయాన్నే 2 నానబెట్టిన అంజీర్ తింటే.. మలబద్ధకం నుంచి బరువు తగ్గడం వరకు ఎన్నో లాభాలు

Weight Loss Recipe : బరువు తగ్గాలనుకునేవారి నోరూరించే టేస్టీ రెసిపీ.. పనీర్, వెజిటెబుల్స్తో ఈ రైస్ ట్రై చేయండి

Geddam Vijaya Madhuri — Tue, 10 Nov 2026 10:58:12 +0530

Protein-Rich Paneer Vegetable Rice : బరువు తగ్గాలి.. అలాగే నోరూరించే ఫుడ్ తినాలి. డైట్లో క్రేవింగ్స్ తట్టుకోలేక ఒకేసారి ఎక్కువ తినేసి చాలామంది రిగ్రేట్ అవుతుంటారు. కానీ కరెక్ట్గా ప్లాన్ చేసేకుంటే డైట్కి తగ్గట్లు నోరూరించే టేస్టీ రెసిపీలు ఎన్నో చేసుకోవచ్చు. అలాంటి వాటిలో పనీర్, వెజిటెబుల్స్ రైస్ ఒకటి. దీనిని చాలా తక్కువ సమయంలో.. బ్యాలెన్స్ డైట్లో భాగంగా కుక్ చేసుకోవచ్చు. మరి దీనిని ఎలా చేసుకోవచ్చో.. కావాల్సిన పదార్థాలు ఏంటో చూసేద్దాం.

పనీర్ వెజిటెబుల్ రైస్ చేయడానికి కావాల్సిన పదార్థాలు

బాస్మతి బియ్యం - 70 గ్రాములు

క్యారెట్ - 2

పనీర్ - 200 గ్రాములు

పచ్చి బఠాణీ - 100 గ్రాములు

అల్లం వెల్లుల్లి పేస్ట్ - 1 టీస్పూన్

Also Read : మునగాకు పప్పు రెసిపీ.. ఆంధ్రా స్టైల్లో ఇలా చేసుకోండి, రుచితో పాటు ఆరోగ్యం కూడా!

ఉప్పు - రుచికి తగినంత

బ్లాక్ పెప్పర్ - చిటికెడు

పచ్చిమిర్చి - 1

నీళ్లు - 150 ml

నెయ్యి - 1 టీస్పూన్

రైతా కోసం

పెరుగు - 150 గ్రాములు

కీరదోస - 30 గ్రాములు

సాల్ట్, పెప్పర్, కారం, జీలకర్ర పొడి

దానిమ్మ - 30 గ్రాములు

పచ్చిమిర్చి - 1

పుదీనా ఆకులు - కొన్ని

Also Read : కరివేపాకు రైస్ రెసిపీ.. మిగిలిపోయిన అన్నంతో కూడా ఇలా టేస్టీగా చేసేయండి

తయారీ విధానం

ముందుగా కాసేపు బియ్యం నానబెట్టుకోవాలి. ఇప్పుడు ఓ గిన్నె లేదా కుక్కర్లో బియ్యం వేసి దానిలో క్యారెట్ ముక్కలు, పనీర్, పచ్చి బఠాణీ, అల్లం వెల్లుల్లి పేస్ట్, ఉప్పు, పెప్పర్, పచ్చిమిర్చి ముక్కలు, నీళ్లు, నెయ్యి వేసి బాగా కలిపి.. మూత పెట్టి ఉడికించాలి. కుక్కర్ విజిల్ వచ్చాక తీస్తే నోరూరించే వెజిటేబుల్, పనీర్ రైస్ రెడీ. దీనిలోకి కూర చేసుకోవాలని లేకపోతే.. పెరుగుతో టేస్టీగా రైతా చేసుకోవచ్చు.

పెరుగు తీసుకుని బాగా కలిపి దానిలో కీరదోస ముక్కలు, సాల్ట్, పెప్పర్, కారం, జీలకర్ర పొడి, దానిమ్మ గింజలు, పచ్చిమిర్చి ముక్కలు, పుదీనా ఆకులు వేసి కలపాలి. అంతే టేస్టీ, సింపుల్ రైతా రెడీ. దీనిని రైస్తో కలిపి తింటే టేస్ట్ నెక్స్ట్ లెవెల్కి వెళ్తుంది. దీనిని లంచ్ బాక్స్లో పెట్టుకుని తీసుకుని వెళ్లేందుకు బెస్ట్ ఆప్షన్. బరువు తగ్గాలనుకునేవారికి ఇది చాలామంది ఫుడ్ అవుతుంది. అలాగే పిల్లల నుంచి పెద్దల వరకు అందరూ దీనిని హాయిగా తీసుకోవచ్చు.

Also Read : ఆంధ్రా స్టైల్ టమాటా పప్పు రెసిపీ.. రుచి పెంచే టిప్స్ ఇవే

పనీర్తో ప్రోటీన్, బఠాణీలు, కూరగాయలతో ఫైబర్ అందుతుంది కాబట్టి ప్రత్యేకంగా ఇతర ఫుడ్స్ డైట్లో చేర్చుకోవాల్సిన అవసరం ఉండదు. పైగా దీనిని చేయడానికి ఎక్కువ సమయం అవసరం ఉండదు. తక్కువ సమయంలో ఈజీగా, డైట్కి తగ్గట్లు రైస్ ప్రిపేర్ చేసుకోవాలనుకునేవారికి ఇది బెస్ట్ ఆప్షన్ అవుతుంది.

Also Read : క్రిస్పీగా, టేస్టీగా ఉండే అరటికాయ వేపుడు.. ఈ రెసిపీ ఫాలో అయితే రుచి మరింత పెరుగుతుంది

Weight Loss Recipe : బరువు తగ్గాలనుకునేవారి నోరూరించే టేస్టీ రెసిపీ.. పనీర్, వెజిటెబుల్స్​తో ఈ రైస్ ట్రై చేయండి

Kidney Problems : ముఖం ఉబ్బిందా? మూత్రంలో నురుగు కనిపిస్తోందా? కిడ్నీలు ఇస్తున్న ఈ సంకేతాలను నిర్లక్ష్యం చేయొద్దు

ముఖం, కళ్ల చుట్టూ వాపు

మూత్రంలో నురుగు

చర్మం పొడిబారడం

అలసటగా ఉండటం, ఏకాగ్రత తగ్గడం

నోటి దుర్వాసన

కిడ్నీ వ్యాధులకు కారణాలు..

కొబ్బరి పాల తయారీ

కొబ్బరి పాలను ఎలా ఉపయోగించుకోవచ్చంటే..

కొబ్బరి పాలు ఎన్ని రోజులు నిల్వ చేయవచ్చంటే..

High Blood Pressure : బీపీ సడెన్గా పెరిగిందా? వెంటనే తగ్గించుకోవడానికి ఇంట్లో చేయాల్సిన, చేయకూడని పనులు ఇవే

రీడింగ్ చూసి భయపడకండి

రెండు రీడింగ్స్ బెస్ట్..

నిమ్మరసం లేదా వెల్లుల్లి చిట్కా..

మందుల డోస్ మార్చకండి..

జీవనశైలిలో మార్పులు

ఎప్పుడు ప్రమాదమంటే..

Gas and Bloating : గ్యాస్, కడుపు ఉబ్బరం వేధిస్తున్నాయా? అయితే ఈ డ్రింక్స్ కచ్చితంగా ట్రై చేయండి

లెగ్ డే తర్వాత నొప్పికి కారణం..

యాక్టివ్​గా ఉండండి..

ఆ తప్పు చేయకండి..

వర్కవుట్ తర్వాత కూల్‌డౌన్

స్ట్రెచింగ్‌తో నొప్పి తగ్గుతుందా?

ఫోమ్ రోలింగ్ లేదా మసాజ్

నిద్ర, ఆహారం

జిమ్​కి వెళ్లాలా? వద్దా?

డాక్టర్‌ దగ్గరకు వెళ్లాలా?

Soaked Chia Seeds : చియా సీడ్స్ నానబెట్టి ఉదయాన్నే తీసుకుంటే కలిగే లాభాలు ఇవే.. ఫుడ్ కంట్రోల్ నుంచి గట్ హెల్త్ వరకు

ఫుడ్ క్రేవింగ్స్ తగ్గించడానికి

బ్లడ్ షుగర్​పై ప్రభావం

గుండె ఆరోగ్యానికై

రక్తపోటు నియంత్రణ కోసం..

గట్ హెల్త్‌కు ఫైబర్

రోజువారీ హైడ్రేషన్​లో భాగం

మొక్కల ఆధారిత ప్రోటీన్

ఎముకల ఆరోగ్యానికై..

యాంటీఆక్సిడెంట్ లక్షణాలు

ఎలా తీసుకుంటే మంచిది..

గుర్తించుకోవాల్సిన విషయాలు..

Cashews For Health : జీడిపప్పు ఎవరు తింటే మంచిది? ఎవరు తినకపోవడమే మంచిది?

10K Step Count : రోజూ 10,000 అడుగులు నడవకపోతే ఆరోగ్యానికి మంచిది కాదా? ఎవరు ఎంత నడిస్తే మంచిది? 5 ఏళ్ల నుంచి 60 ఏళ్లు

10,000 అడుగులు నడవాల్సిన అవసరం లేదా?

ప్రపంచ ఆరోగ్య సంస్థ ఏమి చెబుతోందంటే..

5 నుంచి 17 సంవత్సరాల వారు..

18 నుంచి 39 సంవత్సరాల వారు..

40 నుంచి 59 సంవత్సరాల వారు..

60 నుంచి పైబడిన వారు..

10,000 అడుగులు నడవడం మంచి లక్ష్యమేనా?

Makhana Benefits : రోజూ మఖానా తింటే ఆరోగ్యానికి కలిగే ప్రయోజనాలు ఇవే.. డైట్‌లో ఇలా చేర్చుకోండి

మఖానాతో రైతా

రోస్టెడ్ మఖానా

పాలతో మఖానా

మఖానా తినడం వల్ల కలిగే లాభాలు..

బరువు నియంత్రణ కోసం..

Weight Loss Recipe : బరువు తగ్గాలనుకునేవారి నోరూరించే టేస్టీ రెసిపీ.. పనీర్, వెజిటెబుల్స్​తో ఈ రైస్ ట్రై చేయండి

పనీర్ వెజిటెబుల్ రైస్ చేయడానికి కావాల్సిన పదార్థాలు

రైతా కోసం

తయారీ విధానం

Weight Loss Recipe : బరువు తగ్గాలనుకునేవారి నోరూరించే టేస్టీ రెసిపీ.. పనీర్, వెజిటెబుల్స్తో ఈ రైస్ ట్రై చేయండి

యాక్టివ్గా ఉండండి..

జిమ్కి వెళ్లాలా? వద్దా?

బ్లడ్ షుగర్పై ప్రభావం

రోజువారీ హైడ్రేషన్లో భాగం

Weight Loss Recipe : బరువు తగ్గాలనుకునేవారి నోరూరించే టేస్టీ రెసిపీ.. పనీర్, వెజిటెబుల్స్తో ఈ రైస్ ట్రై చేయండి