corona

New Corona: ఉన్నవి సరిపోనట్లుగా మళ్లీ కరోనా కొత్త రకం వచ్చేస్తోందట - వ్యాక్సిన్ కూడా పని చేయదని తేల్చిన శాస్త్రవేత్తలు

Raja Sekhar Allu — Wed, 25 Mar 2026 15:25:51 +0530

Corona BA 3 2 Variant: కరోనా వైరస్ మళ్లీ కొత్త శక్తితో విస్తరిస్తోందన్న సమాచారం ప్రపంచ దేశాలను ఆందోళనకు గురి చేస్తోంది. తాజాగా వెలుగులోకి వచ్చిన BA.3.2 వేరియంట్, ప్రస్తుతం మనుషుల్లో ఉన్న రోగనిరోధక శక్తిని (Immunity) తగ్గించే అవకాశం ఉందని శాస్త్రవేత్తలు హెచ్చరిస్తున్నారు. ఒమిక్రాన్ కుటుంబానికి చెందిన ఈ కొత్త సబ్-వేరియంట్, గతంలో వచ్చిన వేరియంట్ల కంటే భిన్నమైన మ్యుటేషన్లను కలిగి ఉండటమే ఇందుకు ప్రధాన కారణం. అమెరికాలోని దాదాపు 25 రాష్ట్రాల్లోని మురుగునీటి నమూనాల్లో ఈ వైరస్ జాడలు కనిపించడంతో అంతర్జాతీయ ఆరోగ్య సంస్థలు అప్రమత్తమయ్యాయి.

అధిక మ్యుటేషన్లే ప్రధాన బలం

శాస్త్రవేత్తల విశ్లేషణ ప్రకారం, BA.3.2 వేరియంట్ దాని స్పైక్ ప్రోటీన్‌లో దాదాపు 70 నుండి 75 వరకు మార్పులను కలిగి ఉంది. మనం ప్రస్తుతం వాడుతున్న 2025-26 కోవిడ్ వ్యాక్సిన్లు ప్రధానంగా JN.1 వంటి పాత వేరియంట్లను లక్ష్యంగా చేసుకుని రూపొందించారు. అయితే, ఈ కొత్త వేరియంట్ జన్యుపరంగా వాటికి భిన్నంగా ఉండటం వల్ల, వ్యాక్సిన్ ద్వారా వచ్చిన యాంటీబాడీలను ఇది సులభంగా తప్పించుకోగలదని లాబొరేటరీ పరీక్షల్లో తేలింది. దీనివల్ల గతంలో కోవిడ్ వచ్చిన వారికి లేదా వ్యాక్సిన్ తీసుకున్న వారికి కూడా మళ్లీ సంక్రమించే ప్రమాదం ఉంది.

వ్యాప్తి, తీవ్రత

ఈ వేరియంట్ ప్రస్తుతం అమెరికా, ఆస్ట్రేలియా, జర్మనీ, నెదర్లాండ్స్ సహా 23 దేశాలలో గుర్తించబడింది. డెన్మార్క్ వంటి కొన్ని ఐరోపా దేశాల్లో దీని ప్రాబల్యం 30 శాతం వరకు పెరిగినట్లు నివేదికలు చెబుతున్నాయి. అయితే, ఉపశమనం కలిగించే అంశం ఏమిటంటే.. ఈ వేరియంట్ వల్ల వ్యాధి తీవ్రత పెరుగుతున్నట్లు ఇప్పటివరకు ఆధారాలు లేవు. ఆసుపత్రిలో చేరే వారి సంఖ్య పెరిగినప్పటికీ, మరణాల రేటులో మార్పు లేదని, ప్రాథమికంగా ఇది సాధారణ ఒమిక్రాన్ లక్షణాలనే కలిగి ఉందని ప్రపంచ ఆరోగ్య సంస్థ పేర్కొంది.

🚨 UPDATE: Emerging COVID-19 Variant BA.3.2 Spreads to 22+ Countries, Raises Concerns Over Immune Escape

BA.3.2 is a newly identified lineage of COVID-19, showing notable genetic differences from the JN.1 variants that have circulated widely in the U.S. since early 2024. pic.twitter.com/dIfFvuHQCK
— War Updates (@WarUpdates) March 24, 2026

ముందస్తు జాగ్రత్తలు అవసరం

BA.3.2 వేరియంట్‌ను WHO ప్రస్తుతం వేరియంట్ అండర్ మానిటరింగ్ జాబితాలో చేర్చింది. అంటే ఇది వేగంగా వ్యాపిస్తున్నప్పటికీ, తక్షణ ప్రమాదం లేదని అర్థం. అయితే, రోగనిరోధక శక్తి తక్కువగా ఉన్నవారు, వృద్ధులు జాగ్రత్తగా ఉండాలని నిపుణులు సూచిస్తున్నారు. భవిష్యత్తులో ఈ వైరస్ మరింత బలోపేతం కాకుండా ఉండాలంటే, ఎప్పటికప్పుడు వ్యాక్సిన్లను అప్‌డేట్ చేయాలని , మాస్కులు ధరించడం, భౌతిక దూరం వంటి కనీస నిబంధనలు పాటించాలని ఆరోగ్య నిపుణులు హెచ్చరిస్తున్నారు.

Hassan Sudden Heart Attacks: హాసన్ జిల్లాలో గుండెపోటు మరణాల కలకలం: వ్యాక్సిన్ కారణమా? ప్రభుత్వం, కేంద్రం స్పందన ఏమిటి?

Khagesh — Thu, 3 Jul 2025 10:33:36 +0530

Hassan Sudden Heart Attacks: కర్ణాటకలోని హసన్ జిల్లా పేరు దేశవ్యాప్తంగా మారుమోగుతోంది. ఇక్కడ ఒక్క నెలలోనే దాదాపు 25 మంది గుండెపోటుతో మరణించారు. దీనిపై అక్కడి ప్రభుత్వం ప్రత్యేక కమిటీ వేసింది. అయితే దీనికి కరోనా వ్యాక్సిన్ కారణమనే ప్రచారం మొదలవ్వడంతో కేంద్రం కూడా స్పందించాల్సి వచ్చింది.

ఆట ఆడుతూనో, చదువుతూనో, జిమ్‌ చేస్తూ కుప్పుకూలిపోతున్న వారి సంఖ్య రోజురోజుకు పెరుగుతోంది. అప్పటి వరకు ఎలాంటి అనారోగ్యాలు లేకపోయినా ఒక్కసారిగా ఇలా సడెన్ స్ట్రోక్‌తో చనిపోతున్న వారి జాబితా పెరుగుతోంది. అయితే అక్కడక్కడ జరగడం వేరు ఒకే ప్రాంతంలో భారీ సంఖ్యలో జరగడం వేరు. ఇప్పుడు దేశవ్యాప్తంగా చర్చనీయాంశం అవుతున్న హసన్ జిల్లాలో ఒకరిద్దరు కాదు 25 మంది వరకు గుండెపోటుతో మరణించడం సంచలనంగా మారుతోంది.

హసన్ జిల్లాలో నెల వ్యవదిళో చనిపోయిన వారిలో దాదాపు ఇరవై మంది కూడా యువకులే కావడం ఆందర్నీ కలవరపెడుతోంది. దీనిపై స్పందించిన కర్ణాటక ప్రభుత్వం కమిటీ ఏర్పాటు చేస్తున్నట్టు వెల్లడించింది. యువకుల మరణంపై ఆందోళన వ్యక్తం చేసిన ఆ రాష్ట్ర ఆరోగ్యం శాఖ మంత్రి దినేష్‌ గుండురావు కేసుల పెరగకుండా చర్యలు చేపట్టాలని వైద్యాధికారులను ఆదేశించారు. దీనిపై రివ్యూ చేసిన మంత్రి జిల్లాలో భారీ సంఖ్యలో వైద్య శిబిరాలు ఏర్పాటు చేస్తున్నట్టు వెల్లడించారు.

నెల రోజుల వ్యవధిలోనే భారీ సంఖ్యలో గుండెపోటు మరణాలకు గల కారణాలు తెలుసుకునేందుకు ప్రత్యేక కమిటీ వేశారు. జయదేవా ఇన్‌స్టిట్యూట్ ఆఫ్ కార్డియోవాస్కులర్ సైన్సెస్‌కు చెందిన డాక్టర్ సి.ఎన్. రవీంద్ర ఈ కమిటీని లీడ్ చేయనున్నారు. ఎందుకు ఇలా జరుగుతోంది? అసలు యువకుల్లో గుండెపోటుకు దారి తీసే పరిస్థితులు ఏంటీ? ఇలాంటివి జరగకుండా చేపట్టాల్సిన చర్యలు వివరించాలని కమిటీకి ఆదేశించి ప్రభుత్వం. సమగ్రదర్యాప్తు చేసి పదిరోజుల్లో నివేదిక సమర్పించాలని సూచించింది.

ఈ మరణాలకు కరోనా వ్యాక్సిన్ కారణమే ప్రచారం జోరుగా సాగుతోంది. సోషల్ మీడియాలో విస్తృతంగా చర్చ జరుగుతోంది. చనిపోయిన వారిలో చాలా మంది కరోనా వ్యాక్సిన్ వేయించుకున్న వాళ్లేనని అంటున్నారు. దీనిపై మరిన్ని అనుమానాలు రేకెత్తించే విధంగా కర్ణాటక సీఎం సిద్ధరామయ్య కూడా కామెంట్ చేశారు. అది కూడా కారణం కావచ్చని అనుమానం వ్యక్తం చేశారు. సీఎం స్థాయి వ్యక్తి సందేహం పడటంతో దీనిపై మరింతగా ప్రచారం సాగింది.

Karnataka CM Siddaramaiah says, "In the past month alone, in just one district of Hassan, more than twenty people have died due to heart attacks. The government is taking this matter very seriously. To identify the exact cause of these series of deaths and to find solutions, a… pic.twitter.com/DjL9OUcdzq
— ANI (@ANI) July 1, 2025

గుండెపోటుతో ప్రజలు మరణించడానికి కోవిడ్ వ్యాక్సిన్ కారణమే జరుగుతున్న ప్రచారాన్ని కేంద్రం ఖండించింది. కోవిడ్ వ్యాక్సిన్‌తో ఎలాంటి సైడ్‌ఎఫెక్ట్‌ రావని స్పష్టం చేసింది. ఈ సైడ్‌ఎఫెక్ట్స్‌పై ఇక్కటికకే ఢిల్లీ ఎయిమ్స్‌, ఏసీఎంఆర్‌ అధ్యయనం చేసిందని గుర్తు చేసింది కేంద్రం. కోవిండ్ వ్యాక్సిన్‌తో ఎలాంటి గుండె జబ్బులు రావని తేలినట్టు పేర్కొంది. జరుగుతున్న ప్రచారాన్ని నమ్మొద్దని కూడా సూచించింది.

గుండెపోటుకు వేర్వేరు కారణాలు ఉండొచ్చని బుధవారం ఓ ప్రకటనలో తెలిపింది. వంశపారంపర్యంగా వచ్చే వ్యాధులు, వారి జీవనశైలిలో వచ్చే మార్పులు, ఇత ఆరోగ్య సమస్య కారణంగా గుండెపోటు రావచ్చని పేర్కొంది. ఈ మధ్య కాలంలో యువకుల ఆకస్మిక మరణాలు ఎక్కువగా ఉంటున్నందున వాటిపై కూడా ఐసీఎంఆర్‌ సర్వే చేసిందని కేంద్రం తెలిపింది. ఐసీఎంఆర్‌తోపాటు ఎన్‌సీడీసీ కూడా స్టడీ చేసినట్టు వెల్లడించింది. ఇంకో అధ్యయనం కూడా సాగుతున్నట్టు పేర్కొంది. జన్యుమార్పు కారణాలు, జీవనశైలిలో మార్పులు వల్లే ఇలాంటి మరణాలు సంభవిస్తున్నట్టు స్పష్టం చేసింది. తాజాగా నిర్వహిస్తున్న సర్వే ఫలితాలు వస్తే మరణాలపై మరింత క్లారిటీ వస్తుందని పేర్కొంది.

#WATCH | Chennai, Tamil Nadu: On Karnataka CM Siddaramaiah linking heart-related deaths in Hassan to Covid vaccine, Dr Manoj V Murhekar, Scientist and Director, ICMR-NIE says, "I heard about that news yesterday. About 20-odd sudden deaths in one district in period of about 2… pic.twitter.com/SAEl0XQR5k
— ANI (@ANI) July 2, 2025

కారణం ఏదైనా కావచ్చు కానీ హాసన్ జిల్లాలో నెల రోజుల వ్యవధిలోనే 25 మందికిపైగా ప్రజలు మరణించడం మాత్రం ఆందోళన కలిగిస్తోంది. ఇది కేవలం కర్ణాటక రాష్ట్రానికే పరిమితం కాలేదు దేశవ్యాప్తంగా కూడా ఆందోళన మొదలైంది. పట్టుమని పాతికేళ్లు నిండని వ్యక్తులు కూడా కూర్చున్నచోట నిల్చున్న చోట కూలబడిపోతున్నారు. అప్పటి వరకు ఎలాంటి అనారోగ్యం కూడా లేని వాళ్లు ఇలా మృతి చెందడం కలవరపెడుతోంది.

COVID: చైనా నుంచి మరో భయంకర వైరస్ - విజృంభిస్తే మారణహోమం - అమెరికన్ సైంటిస్టుల సంచలన పరిశోధన

Raja Sekhar Allu — Fri, 6 Jun 2025 15:05:20 +0530

New COVID 19 like Chinese Virus: చైనాలో మరో ప్రమాదకరమైన, మరణాంతకమైన కరోనా వైరస్ వెలుగులోకి వచ్చిందని అమెరికన్ శాస్త్రవేత్తలు హెచ్చరిస్తున్నారు. HKU5-CoV-2 రకం వైరస్ తదుపరి ప్రాణాంతక మహమ్మారికి కారణం కావచ్చునని అంచనా వేస్తున్నారు. సైంటిస్టుల అభిప్రాయం ప్రకారం ఈ కొత్త వైరస్ మానవులను సోకే , వ్యాప్తి చేసే సామర్థ్యానికి దగ్గరలో ఉందని చెబుతున్నారు.

గబ్బిలాల నుంచి వ్యాప్తి చెందుతున్న HKU5 వైరస్

HKU5 వైరస్ మొదట చైనాలోని ఒక ప్రయోగశాలలో గబ్బిలాలలో గుర్తించారు. ఇది COVID-19 లీక్ అయినట్లు అనుమానిస్తున్న ప్రయోగశాల. వాషింగ్టన్ స్టేట్ యూనివర్శిటీ పరిశోధకుల బృందం ఈ కొత్త వైరస్ మానవ కణాలతో ప్రయోగశాల పరీక్షలలో ఎలా వ్యాప్తిస్తుందో అధ్యయనం చేసింది. వైరస్ స్పైక్ ప్రోటీన్‌లో చిన్న మార్పు జరిగితే, అది మానవుల గొంతు, నోరు, ముక్కులో ఉండే ACE2 కణాల తో బంధం ఏర్పరచుకుంటుంది. ఈ మార్పు వైరస్‌ను మానవులను సోకే సామర్థ్యాన్ని పెంచుతుంది. మానవ కణాలు, వైరస్‌లో నిర్దిష్ట ఉత్పరివర్తనాలు లేకపోతే, తక్కువ ప్రతిస్పందన చూపిస్తాయి. అయితే , ACE2 కణాలతో బంధం ఏర్పరచడానికి అవసరమైన ఉత్పరివర్తనాలు ఉంటే వైరస్ సులభంగా వ్యాపిస్తుందని సైంటిస్టులు చెబుతున్నారు.

HKU5 వైరస్ మిడిల్ ఈస్ట్ రెస్పిరేటరీ సిండ్రోమ్ MERS తో దగ్గరి సంబంధం కలిగి ఉంది. ఇది అరేబియన్ ద్వీపకల్పంలో నివసించే లేదా ప్రయాణించే వారిని ప్రభావితం చేస్తుంది. MERS, COVID-19 లాంటి లక్షణాలను కలిగి ఉంటుంది. కానీ ఇది చాలా ప్రాణాంతకమని సైంటిస్టులు చెబుతున్నారు. సోకిన వారిలో మూడవ వంతు మందిని చంపగలదని అంచనా వేశారు. మింక్ లేదా సివెట్ వంటి జంతువులకు HKU5 వ్యాప్తి చెందితే అది మానవులకు వసోకే ముందు మరింత బలపడే ప్రమాదం ఉంది.

శాస్త్రవేత్తలు వైరస్ నిర్మాణాన్ని అర్థం చేసుకోవడానికి అధిక-రిజల్యూషన్ ఇమేజింగ్ పద్ధతి అయిన క్రయో-ఎలక్ట్రాన్ మైక్రోస్కోపీని ఉపయోగించారు. స్పైక్ ప్రోటీన్‌లో కీలక భాగాలు 'క్లోజ్డ్' స్థితిలో ఉన్నాయని, ఇది సోకడం కష్టతరం చేస్తుందని, కానీ అసాధ్యం కాదని కనుగొన్నారు. చైనాలోని వుహాన్ శాస్త్రవేత్తలు ఈ సంవత్సరం ప్రారంభంలో HKU5 యొక్క లినేజ్ 2 ఇప్పటికే మానవ ACE2 రిసెప్టర్‌లతో బంధం ఏర్పరచగల సామర్థ్యం కలిగి ఉందని గుర్తించారు. అంటే ఇది మరింత ఉత్పరివర్తనాల అవసరం లేకుండానే మానవ కణాలను సోకగలదన్నమాట. మెర్బెకోవైరస్ మొత్తాన్ని అధ్యయనం చేసి, ఇతర HKU5 వైరస్‌లు కూడా కొన్ని ఉత్పరివర్తనాల ద్వారా మానవులను సోకే సామర్థ్యాన్ని పొందవచ్చని గుర్తించారు.

HKU5 వైరస్‌లు మానవ కణాలను ఎలా సోకుతాయో మా అధ్యయనం చూపిస్తుందని సైంటిస్టుల ుఅంటున్నారు. ఈ వైరస్‌లు మానవులకు వ్యాప్తి చెందడానికి కేవలం ఒక చిన్న దశ దూరంలో ఉన్నాయని మేము కనుగొన్నామని.. లినేజ్ 2 ప్రస్తుతం అత్యంత ప్రమాదకరమైనదిగా కనిపిస్తోందని హెచ్చరిస్తున్నారు. అంటే చైనా నుంచి మరో ప్రమాదకర కోవిజ్ వైరస్ వస్తోందన్నమాట.

COVID 19 Cases In India: భారత్‌లో 5 వేలు దాటిన కరోనా కేసులు, 4 కొత్త వేరియంట్లు నిర్ధారణ- ఈ ఏడాది ఎంత మంది చనిపోయారంటే

Shankar Dukanam — Fri, 6 Jun 2025 13:47:45 +0530

Corona Cases in India | భారతదేశంలో COVID-19 కేసుల సంఖ్య 5,000 దాటింది. ప్రస్తుతం దేశంలో కరోనా కేసులు 5,364కి చేరుకున్నాయి. గత 24 గంటల్లోనే దేశవ్యాప్తంగా 498 మంది కరోనా బారిన పడ్డారు. అదే సమయంలో గడిచిన 24 గంటల్లో దేశంలో నలుగురు మరణించగా, జనవరి 1 నుండి మొత్తం మరణాల సంఖ్య 55కి చేరుకుంది. గత 20 రోజుల్లో కేసుల సంఖ్య 58 రెట్లు పెరిగిందని ఆరోగ్య శాఖ తెలిపింది. మే 16న మొత్తం క్రియాశీల కేసులు 93 మాత్రమే ఉండగా, ఇప్పుడు అవి 5,364కి పెరిగాయి. గత 24 గంటల్లో కేరళలో 192 మంది కరోనా బారిన పడగా, గుజరాత్‌లో 107 కేసులు నమోదయ్యాయి.

అధిక కరోనా కేసులు నమోదైన రాష్ట్రాలు

దేశంలో 29 రాష్ట్రాలు, కేంద్రపాలిత ప్రాంతాల్లో కరోనా కేసులు నమోదవుతున్నాయి. ప్రస్తుతం కేరళలో అత్యధికంగా 1,679 కరోనా వైరస్ కేసులు నమోదయ్యాయి, ఆ తర్వాత స్థానాల్లో గుజరాత్ (615), పశ్చిమ బెంగాల్ (596), ఢిల్లీ (592), మహారాష్ట్ర (548) ఉన్నాయి.

జనవరి నుంచి కరోనా వైరస్ కొత్త వేరియంట్‌ కారణంగా 55 మంది చనిపోయారు. వీటిలో 53 కోవిడ్ మరణాలు కేవలం గత 15 రోజుల్లోనే జరిగాయి. ఢిల్లీలో గురువారం నాడు మరో రెండు కోవిడ్ మరణాలు నమోదయ్యాయి, ఇందులో ఐదు నెలల చిన్నారి ఉంది. కేరళలో ఇద్దరు, కర్ణాటక, పంజాబ్‌లలో ఒక్కొక్కటి నమోదయ్యాయి. మహారాష్ట్రలో అత్యధికంగా 17 మరణాలు సంభవించాయి.

వేసవి సెలవుల అనంతరం ఒడిశాలోని స్కూల్స్ కోవిడ్19మార్గదర్శకాలతో తిరిగి ప్రారంభమయ్యాయి. జలుబు, దగ్గు, జ్వరం వంటి లక్షణాలు ఉన్న పిల్లలు మాస్క్‌లు ధరించాలని విద్యా మంత్రి నిత్యానంద్ గోండ్ సూచించారు. తీవ్రమైన లక్షణాలు ఉన్నవారు ఇంట్లో ఉండి ఐసోలేషన్ అవ్వాలని విద్యార్థుల తల్లిదండ్రులకు సూచించారు.

కేంద్ర ప్రభుత్వం జూన్ 5న వివిధ రాష్ట్రాల్లోని కొన్ని ఆసుపత్రుల్లో మాక్ డ్రిల్స్ నిర్వహించింది. ఈ డ్రిల్స్ ఆక్సిజన్ సరఫరా, అత్యవసర మెడిసిన్ లభ్యత, వెంటిలేటర్ సౌకర్యాలను సైతం అధికారులు పరీక్షించారు. కోవిడ్ 4వ వేవ్ కోసం ఆసుపత్రుల సన్నద్ధతను అంచనా వేయడానికి డ్రిల్స్ చేస్తున్నారు. జూన్ 2న ఆరోగ్య సంరక్షణ మౌలిక సదుపాయాలు, లిక్విడ్ మెడికల్ ఆక్సిజన్ సిలిండర్స్, మెడికల్ గ్యాస్ పైప్‌లైన్లతో సహా ప్రారంభ డ్రిల్ నిర్వహించారు.

దేశంలో కొత్త కోవిడ్ వేరియంట్‌లు గుర్తింపు

దేశ వ్యాప్తంగా కేసులు పెరుగుతుండగా పలు రాష్ట్రాల్లో 4 కొత్త కోవిడ్19 వేరియంట్‌లను గుర్తించారు. దక్షిణ భారతదేశం, పశ్చిమ భారతదేశం రాష్ట్రాల నుంచి సేకరించిన నమూనాల సీక్వెన్సింగ్ చేసిన తరువాత LF.7, XFG, JN.1, NB.1.8.1 లకు చెందిన 4 వేరియంట్‌లను గుర్తించినట్లు ICMR డైరెక్టర్ డాక్టర్ రాజీవ్ బహల్ తెలిపారు.

ఈ వేరియంట్‌లను పర్యవేక్షించడానికి ఇతర ప్రాంతాల నుంచి సేకరించిన నమూనాలను కూడా సీక్వెన్స్ చేస్తారు. ప్రస్తుం పరిస్థితి అదుపులో ఉన్నప్పటికీ.. ప్రజలు అప్రమత్తంగా ఉండాలని వైద్యశాఖ, ఐసీఎంఆర్ ప్రతినిధులు సూచించారు. ప్రపంచ ఆరోగ్య సంస్థ (WHO) ఈ వేరియంట్‌లను ఆందోళనకరంగా ఉన్న జాబితాలో చేర్చలేదు. కానీ జాగ్రత్తగా ఉండాలని సూచించింది.

ఇటీవలి మరణాల వివరాలు:

కర్ణాటక : అధిక రక్తపోటు, నియంత్రణలో లేని మధుమేహంతో బాధపడుతున్న 65 ఏళ్ల వ్యక్తికి కోవిడ్-19 పాజిటివ్ నిర్ధారణ అయింది. ఆ వ్యక్తి చనిపోయారు.
కేరళ (2 మరణాలు): తీవ్రమైన అయోర్టిక్ స్టెనోసిస్, అధిక రక్తపోటు, కాల్సిఫిక్ అయోర్టిక్ వాల్వ్, COPD, మధుమేహంతో బాధపడుతున్న 74 ఏళ్ల మహిళ మృతిచెందింది. అధిక రక్తపోటు, సెరెబ్రోవాస్కులర్ ప్రమాదం, లివర్ ప్రాబ్లమ్, సూడోమోనాస్ వల్ల మూత్ర నాళాల ఇన్ఫెక్షన్ తో79 ఏళ్ల వృద్ధుడు చనిపోయాడు.
పంజాబ్: ఊపిరితిత్తుల త్రాంబోఎంబాలిజం, ఊబకాయం సమస్యతో బాధపడుతున్న 69 ఏళ్ల మహిళ చనిపోయారు.

Covid Cases: కోవిడ్ ఎలా వ్యాపిస్తుంది? గత కోవిడ్ వేవ్‌లలో ఏం జరిగింది?

Khagesh — Mon, 26 May 2025 17:01:32 +0530

Covid Cases: మళ్ళీ ఒకసారి కరోనా దేశంలో విజృంభిస్తోంది. కర్ణాటక, మహారాష్ట్ర, ఒడిశా రాష్ట్రాల్లో కేసులు నమోదయ్యాయి. మీడియా నివేదికల ప్రకారం, మహారాష్ట్రలోని ఠాణేలో కరోనా వల్ల ఒక వ్యక్తి మరణించాడు. ఇది మొదటిసారి కాదు, కరోనా ఇంతకుముందు భారీ నష్టాన్ని మిగిల్చింది. మొదటిసారి అది భారీ విధ్వంసం సృష్టించింది, అప్పుడు ప్రపంచమంతా స్తంభించిపోయింది, వేల మంది మరణించారు. తర్వాత కూడా రెండో వేవ్ లో అంతే బీభత్సాన్ని సృష్టించింది. లాక్‌డౌన్ లాంటి పరిస్థితి కనిపించలేదు కానీ ప్రజల ప్రాణాలను తీసేసింది. తర్వాత చాలా వేవ్స్ వచ్చాయి. కానీ ప్రభుత్వాలు, ప్రజల సన్నద్ధత కారణంగా పెద్దగా నష్టం జరగలేదు. అయితే ఇన్నాళ్లకు ఇప్పుడు మరోసారి రూపాన్ని మార్చుకొని జనంపై పడుతోంది. దీంతో ప్రభుత్వాలు అప్రమత్తమవ్వడంతో కేసుల సంఖ్య తక్కువగానే రిజిస్టర్ అవుతోంది.

కరోనా ఎలా వ్యాపిస్తుంది

కరోనా ఒక రకమైన వైరస్, ఇది వివిధ మార్గాల్లో ఒకరి నుంచి మరొకరికి వ్యాపిస్తుంది. దాని వ్యాప్తికి ఒక మార్గం 'డ్రాప్‌లెట్స్', దీనిలో తుమ్మడం దగ్గడం వల్ల వ్యాప్తి చెందుతుంది. ఇలా చేయడం వల్ల వచ్చే చిన్న చిన్న బిందువులు వ్యాపిస్తాయి. ఎవరైనా కరోనా రోగి తుమ్మే టైంలో, దగ్గే టైంలో వేగంగా మాట్లాడే సమయంలో వారి నోరు, ముక్కు నుంచి వచ్చే వైరస్ ఉన్న బిందువులు మీకు తగిలితే, మీరు ఆ రోగం బారిన పడతారు. కొన్ని సందర్భాల్లో, ముఖ్యంగా మూసి ఉన్న, తక్కువగా గాలి వెళ్ళే ప్రదేశాల్లో, ఈ వైరస్ కొంతకాలం ఉంటుంది, దీనిని ఎయిర్‌బోర్న్ ట్రాన్స్‌మిషన్ అంటారు. ఒక గదిలో చాలా మంది ఉంటే, దాని వ్యాప్తికి అవకాశాలు చాలా ఎక్కువగా ఉంటాయి. మీరు వైరస్ ఉన్న ప్రాంతాన్ని తాకిన తర్వాత మీ నోరు, ముఖం, ముక్కు లేదా కళ్ళను తాకితే, అది మీ శరీరంలోకి వ్యాపించవచ్చు. దీని ప్రారంభ లక్షణాల్లో జ్వరం, దగ్గు, శ్వాస తీసుకోవడంలో ఇబ్బంది ఉన్నాయి. అంతేకాకుండా, తీవ్రమైన సందర్భాల్లో, న్యుమోనియా, శ్వాస తీసుకోవడంలో ఇబ్బందులు కూడా ఉండవచ్చు.

ఎలా రక్షించుకోవాలి

కరోనా నుంచి మిమ్మల్ని మీరు రక్షించుకోవడానికి జాగ్రత్తలు తీసుకోవడం చాలా ముఖ్యం. జనసమ్మర్ధన ప్రాంతాల్లో మాస్క్ ధరించాలి, తద్వారా వైరస్ నుంచి మీరు రక్షించుకోవచ్చు. చేతులను తరచుగా కడగాలి లేదా శానిటైజర్ ఉపయోగించాలి. జనసమ్మర్ధన ప్రాంతాలకు వెళ్ళకుండా ఉండటానికి ప్రయత్నించాలి. మీరు కరోనా బూస్టర్ డోస్ తీసుకోకపోతే, తీసుకోండి, ఎందుకంటే ఇది మీకు రక్షణ కల్పించవచ్చు.

Silent Heart Attack : ఇండియాలో పెరుగుతోన్న సైలెంట్ హార్ట్ ఎటాక్స్.. కారణాలు, లక్షణాలు, తీసుకోవాల్సిన జాగ్రత్తలివే

Geddam Vijaya Madhuri — Mon, 26 May 2025 08:35:10 +0530

Silent Heart Attacks in India : కరోనా తర్వాత ఇండియాలో సైలెంట్ హార్ట్ ఎటాక్ కేసులు పెరిగినట్లు పలు స్టడీలు చెప్తున్నాయి. ఎలాంటి లక్షణాలు లేకుండా, అతి తక్కువ లక్షణాలతో గుండెపోటు రావడం వల్ల ఎందరో ఇబ్బంది పడుతున్నారని తేలింది. ప్రతి సంవత్సరం ఇండియాలో 3 మిలియన్ల మందికి హార్ట్ ఎటాక్స్ వస్తుంటే.. దానిలో 25 నుంచి 30 శాతం సైలెంట్ హార్ట్ ఎటాక్సేనట. దాదాపు 7.5 నుంచి 9 లక్షల మంది సైలెంట్ హార్ట్ ఎటాక్ బారిన పడతున్నారు.

కొవిడ్ -19 తర్వాత ఇండియాలో ఈ తరహా గుండెపోటు కేసులు గణనీయంగా పెరిగాయి. ఈ ధోరణి ఆందోళన కలిగిస్తుంది. ఎందుకంటే సైలెంట్ హార్ట్ ఎటాక్స్ ఎలాంటి లక్షణాలు ఉండవు. ఉన్నా అతి తక్కువ లక్షణాలే ఉంటాయి కాబట్టి. దీనిని ఎక్కువమంది సీరియస్గా తీసుకోరు. దానివల్ల గుండెకు నష్టం జరగడం, ప్రాణాపాయ స్థితిని ఎదుర్కోవాల్సిన పరిస్థితులు ఏర్పడుతున్నాయట.

ప్రమాదం వారికే ఎక్కువట.. కారణమిదే

ముఖ్యంగా కొవిడ్ నుంచి కోలుకున్నవారిలో ఈ ప్రమాదం ఎక్కువగా ఉన్నట్లు అధ్యయనాలు సూచిస్తున్నాయి. కరోనా వైరస్ గుండె కణాలను దెబ్బతీయడం వల్ల గుండె బలహీన పడి ఈ ప్రమాదాలు పెంచుతున్నట్లు గుర్తించారు. మళ్లీ కరోనా తెరపైకి రావడం.. ఇండియాలో కేసులు నమోదవుతుండడంతో ప్రజలు అప్రమత్తంగా ఉండాలని వైద్యులు సూచిస్తున్నారు. సైలెంట్ హార్ట్ ఎటాక్ లక్షణాలు ఏంటి? తీసుకోవాల్సిన జాగ్రత్తలు ఏంటో ఇప్పుడు చూసేద్దాం.

సైలెంట్ హార్ట్ ఎటాక్

గుండెపోటు వస్తే ఆ లక్షణాలు తెలుస్తాయి కానీ.. సైలెంట్ హార్ట్ ఎటాక్లో ఆ లక్షణాలు గుర్తించడం చాలా కష్టం. దీనివల్ల చికిత్స సరైన సమయానికి అందదు. దీనివల్ల హార్ట్ ఫెయిల్ అవ్వడం, మరోసారి హార్ట్ ఎటాక్ రావడం, కొన్ని పరిస్థితుల్లో ప్రాణాలు పోవడం జరుగుతుంది.

సైలెంట్ హార్ట్ ఎటాక్ లక్షణాలు

సైలెంట్గా వచ్చే గుండెపోటుకు ఎక్కువ లక్షణాలు కనిపించకపోవచ్చు కానీ.. కొన్ని లక్షణాలు కనిపించే అవకాశముంది. ఛాతీ దగ్గర, దవడ భాగంలో, చేతిలో కాస్త అసౌకర్యంగా ఉండొచ్చు. బాగా అలసిపోయినట్టు, కళ్లు తిరుగుతున్నట్లు, ఓపిక లేనట్లు అనిపించవచ్చు. బ్రీతింగ్ తీసుకోవడంలో ఇబ్బంది, చల్లని చెమటలు వంటి లక్షణాలు సైలెంట్ హార్ట్ ఎటాక్లో కనిపిస్తాయి. ఇలాంటి లక్షణాలు కనిపిస్తే అస్సలు విస్మరించకూడదు.

తీసుకోవాల్సిన జాగ్రత్తలు

సైలెంట్ హార్ట్ ఎటాక్ రాకుండా ఉండాలనుకుంటే కొన్ని జాగ్రత్తలు తీసుకోవాలి. రెగ్యులర్గా గుండెకు సంబంధించిన చెకప్స్ చేయించుకోవాలి. ముఖ్యంగా కొవిడ్ బారిన పడినవారు టెస్ట్లు చేయించుకోవాలి. హెల్తీ ఫుడ్ తీసుకోవాలి. జంక్ ఫుడ్, డీప్ ఫ్రై చేసిన ఫుడ్స్ తీసుకోకూడదు. రెగ్యులర్గా వ్యాయామం చేయాలి. రోజు కనీసం 30 నిమిషాలు నడవాలి. బీపీ, షుగర్, కొలెస్ట్రాల్ కంట్రోల్లో ఉండేలా చూసుకోవాలి. ఒత్తిడిని తగ్గించుకుంటే మంచిది. స్మోకింగ్ కూడా హాని చేస్తుంది కాబట్టి మానేస్తే బెటర్.

హెల్తీ లైఫ్ని ఫాలో అవుతూ రెగ్యులర్గా చెకప్స్ చేయించుకుంటే సైలెంట్ హార్ట్ ఎటాక్ని దూరం చేసుకోవచ్చని చెప్తున్నారు. అలాగే ఎలాంటి లక్షణాలు కనిపించినా విస్మరించకుండా వైద్యులను సంప్రదిస్తే ప్రాణాపాయ స్థితి తప్పుతుందని సూచిస్తున్నారు.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.

Covid-19: భారత్లో విస్తరిస్తున్న JN.1 వేరియంట్ తీవ్రమైనదా? నిపుణులు ఏం చెప్తున్నారంటే..

Vijay Bhaskar — Sun, 25 May 2025 12:46:34 +0530

No Sign Of More Transmissible Variant of Covid 19 In India | దేశంలో కరోనా కేసులు రోజురోజుకూ పెరుగుతున్న నేపథ్యంలో కేంద్ర ఆరోగ్య శాఖ అప్రమత్తమైంది. పరిశోధన విభాగం (DHR) కార్యదర్శి, ఇండియన్ కౌన్సిల్ ఆఫ్ మెడికల్ రీసెర్చ్ (ICMR), DGHS, నేషనల్ సెంటర్ ఫర్ డిసీజ్ కంట్రోల్ (NCDC) ఇతర శాఖల అధికారులతో కేంద్ర ఆరోగ్య కార్యదర్శి ఆదివారం సమీక్షించారు. ముఖ్యంగా JN.1 వేరియంట్‌ రకం కేసులు బయటపడుతున్న నేపథ్యంలో.. వేరియంట్ తీవ్రత, పరిణామాలు, తీసుకోవాల్సిన జాగ్రత్తలు తదితర అంశాలపై చర్చించారు.

రళ, తమిళనాడు, మహారాష్ట్ర, కర్ణాటక, దిల్లీలో కొవిడ్-19 కేసులు భారీగా నమోదవుతున్న విషయం తెలిసిందే. సింగపూర్, హాంకాంగ్ ఇతర దేశాల్లో కొవిడ్ 19 కేసులు భారీగా బయటపడుతున్నాయి. ఆయా దేశాల్లో గతంలో ప్రబలిన వేరియంట్లతో పోలిస్తే ప్రస్తుతం కోసుకున్న వేరియంట్ల తీవ్రత, వ్యాప్తి ఎక్కువగా ఉన్నట్లు ఇప్పటికే పలు నివేదికలు వచ్చాయి. ఈ వేరియంట్ల తీవ్రత అధికంగా ఉంటాయని పేర్కొన్నాయి.

తేలికపాటి లక్షణాలు మాత్రమే..
ఈ నేపథ్యంలోనే భారత్లో విస్తరిస్తున్న JN.1 వేరియంట్పై అధికారులు రివ్యూ నిర్వహించారు. ఆరోగ్య మంత్రిత్వ శాఖ వర్గాల ప్రకారం.. JN.1 వేరియంట్‌తో ముడిపడి ఉన్న COVID-19 కేసుల గురించి భయపడవద్దని అధికారులు వెల్లడిస్తున్నారు. ఈ వైరస్ తీవ్రమైనది కాదని, సోకిన చాలా మంది రోగుల్లో తేలికపాటి లక్షణాలు మాత్రమే కనిపిస్తున్నాయని పేర్కొన్నారు. ఢిల్లీలో ఇటీవల వచ్చిన 23 మంది కొవిడ్-19 రోగులందరూ తేలికపాటి లక్షణాలు మాత్రమే కలిగి ఉన్నారని, వారంతా తమ తమ ఇండ్లలోనే క్వారంటైన్లో ఉన్నారని, ఎవరికీ ఆసుపత్రి అవసరం లేదని న్నట్లు స్పష్టం చేశారు. జ్వరం, ముక్కు కారడం, గొంతు నొప్పి, నీరసం, తలనొప్పితో బాధపడుతూ బాధితులు నాలుగు రోజుల లోపు కోలుకుంటున్నారని పేర్కొన్నారు.

కొవిడ్-19, సహా శ్వాసకోశ వ్యాధుల పర్యవేక్షణకు బలమైన వ్యవస్థ
ఇంటిగ్రేటెడ్ డిసీజ్ సర్వైలెన్స్ ప్రోగ్రామ్ (IDSP), ICMR పాన్-ఇండియా రెస్పిరేటరీ వైరస్ సెంటినెల్ సర్వైలెన్స్ నెట్‌వర్క్ ద్వారా కొవిడ్-19, సహా శ్వాసకోశ వ్యాధుల పర్యవేక్షణ కోసం దేశంలో బలమైన వ్యవస్థ ఉందని అధికర వర్గాలు తెలిపాయి. నమోదవుతున్న చాలా కేసుల్లో తేలికపాటి లక్షణాలు మాత్రమే ఉన్నాయని, బాధితులంతా గృహ సంరక్షణలో ఉన్నట్లు పేర్కొన్నాయి. ‘కేంద్ర ఆరోగ్య మంత్రిత్వ శాఖ అప్రమత్తంగా ఉంది. బహుళ ఏజెన్సీల ద్వారా పరిస్థితిని నిశితంగా పర్యవేక్షిస్తోంది’ అని అధికార వర్గాలు తెలిపాయి.

బెడ్లు, ఆక్సిజన్ సిలిండర్లు, టెస్టింగ్ కిట్ల ఏర్పాట్లు
శనివారం దిల్లీలో 23 మందికి వైరస్ సోకింది. ఈ నేపథ్యంలోనే అక్కడి ప్రభుత్వం ఆస్పత్రులకు పలు చూచనలు చేసింది. దీంతో ముందు జాగ్రత్త చర్యల్లో భాగంగా అనేక ఆసుపత్రులు బెడ్లు, ఆక్సిజన్ సిలిండర్లు, టెస్టింగ్ కిట్స్, యాంటీబయాటిక్స్, ఇతర ముఖ్యమైన మందులు, BiPAP (బైలెవెల్ పాజిటివ్ ఎయిర్‌వే ప్రెజర్) యంత్రాలు, టీకాలు, వెంటిలేటర్లు, అదనపు ఐసోలేషన్ పడకలను ఏర్పాటు చేసుకునేందుకు సన్నాహాలు ప్రారంభించాయి.

JN.1 Variant Symptoms: కరోనా JN.1 వేరియంట్‌ లక్షణాలు ఏంటీ? ఇది ఎంత ప్రమాదకరం?

Khagesh — Sat, 24 May 2025 19:59:37 +0530

JN.1 variant: JN.1 వేరియంట్‌ కొవిండ్‌ -19 వైరస్‌కు సంబంధించిన వేరియెంట్‌లో ఉపవేరియెంట్‌. ఇది BA.2.86(పిరోలా) నుంచి పుట్టుకొచ్‌చింది. ప్రపంచవ్యాప్తంగా వేగంగా వ్యాపిస్తున్న ఈ వేరియెంట్‌ ఇండియాలో కూడా చాలా వేగంగా విస్తరిస్తోంది. విపరీతంగా కేసులు పెరుగుతున్నాయి. తెలుగు రాష్ట్రాల్లో కూడా కేసులు పెరుగుతున్నాయి. ప్రభుత్వాలు అప్రమత్తమయ్యాయి. తగిన జాగ్రత్తలు తీసుకోవాలని ప్రజలకు సూచనలు చేస్తున్నాయి.

ఈ వేరియెంట్ లక్షణాలు ఏంటీ?
గతంలో వ్యాప్తి చెందిన ఒమిక్రాన్ వేరియెంట్‌ లక్షణాలే ఇందులో కూడా కనిపిస్తాయి. జలుబు, దగ్గు, గొంతునొప్పి, తల తిరగడం, అలసటగా ఉండటం దీని ప్రధాన లక్షణాలు. మరికొందరికి జ్వరం వస్తుంది. వాంతులు విరేచనాలు కూడా అవుతుంటాయి. భోజనం తినాలనే ఆసక్తి ఉండకపోవడం కూడా ఈ వ్యాధి లక్షణం. తల భారంగా ఉంటుంది. ఏ పని చేయాలన్నా సరే ఆసక్తి ఉండదు.

ఈ లక్షణాలు వ్యాధి వ్యాప్తి చెందిన వారిలో కనిపిస్తాయి. కానీ నార్మల్‌గానే కనిపిస్తారు. అయితే వృద్ధులు, చిన్న పిల్లలు, దీర్ఘకాలిక వ్యాధులతో బాధపడే వారిలో ఈ లక్షణాలు తీవ్రంగా ఉంటాయి. వాళ్లు మాత్రం చాలా జాగ్రత్తగా ఉండాల్సి ఉంటుంది.

ఈ వేరియెంట్‌ గాలి ద్వారా వ్యాప్తి చెందుతుంది. దగ్గు తుమ్ముల ద్వారా వైరస్ విస్తరిస్తుంది. ఒకరు వాడిన వస్తువులు పట్టుకున్నా, వారు తిరిగిన చోట తిరిగినా సరే వ్యాధి సోకుతుంది.

ఈ వ్యాధి నుంచి రక్షణ పొందాలంటే ఈ జాగ్రత్తలు తీసుకోవాలి
మాస్క్‌లు ధరించాలి
చేతులు శుభ్రంగా ఉంచుకోవాలి.
సామాజిక దూరం పాటించాలి
గాలి ధారళంగా వచ్చే గదుల్లో ఉండాలి.
రోగనిరోధక శక్తిని పెంచుకోవాలి
వాక్సిన్ తీసుకోవాలి

వైరస్‌ సోకితే ఏ చేయాలి

వైరస్ సోకిన వాళ్లు వెంటనే వైద్యుడిని సంప్రదించాలి. ఇంట్లోనే ఐసోలేషన్‌లో ఉండాలి, ప్రతి రోజూ ఆక్సిజన్ స్థాయి, ఉష్ణోగ్రతలను పరీక్షించుకోవాలి. లక్షణాలు ఎక్కువగా ఉంటే ఆసుపత్రిలో జాయిన్ అవ్వాలి.

మిగతా వేరియెంట్స్‌కు ఈ వేరియెంట్‌కు ఉన్న తేడా ఏంటీ?

JN.1 వేరియెంట్‌ మిగతా కోవిండ్ వేరియెంట్స్‌తో పోల్చుకుంటే కొన్ని ప్రత్యేక లక్షణాలను కలిగి ఉంది. మిగతా వేరియెంట్స్ వాప్తి కాస్త ఆలస్యంగా ఉంటే... ఇది చాలా త్వరగా వ్యాప్తి చెందే సామర్థ్యం కలిగి ఉంటుంది. చాలా మంది లక్షణాలు లేకుండా ఇది సోకుతుంది. మరికొందరికి తేలికపాటి లక్షణాలు ఉంటాయి. దీనిపై టీకాల ప్రభావం తక్కువగా ఉంటుంది. స్పైక్‌ ప్రోటీన్‌లో ఎక్కువ మ్యూటేషన్లు ఉండటం వల్ల వైరస్‌ను గుర్తించడం శరీరానికి కష్టమవుతుంది. కొన్ని సందర్భాల్లో గుర్తించడానికి అధునాతన జెనోమ్‌ సీక్వెన్సింగ్ అవసరం అవుతుంది.

ఏ రాష్ట్రంలో ఎన్నికేసులు

పది రోజులుగా వివిధ రాష్ట్రాల్లో నమోదు అయిన కేసుల వివరాలు ఇలా ఉన్నాయి. కేరళలో దాదాపు 70 కేసులు, మహారాష్ట్రలో 44 కేసులు, తమిళనాడులో 34, ముంబైలో 100కిపైగా కేసులు, ఢిల్లీలో 30కిపైగా కేసులు నమోదు అయ్యాయి.

Corona Variants: దేశంలో పెరుగుతున్న కరోనా కేసులు - రెండు వేరియంట్లే విస్తరణ - వాటి లక్షణాలేమిటంటే ?

Raja Sekhar Allu — Sat, 24 May 2025 16:29:40 +0530

Corona variants spreading rapidly in India: భారతదేశంలో కోవిడ్ కేసుల సంఖ్య క్రమంగా పెరుగుతోదంి. ప్రధానంగా ఒమిక్రాన్ (Omicron) వేరియంట్‌కు చెందిన రెండు సబ్-వేరియంట్లు వ్యాప్తి చెందుతున్నాయి. LF.7, NB.1.8 అనే రెండు వేరియంట్లు ఎక్కువగా వ్యాప్తికి కారణం అవుతున్నాయి. ఈ రెండు వేరియంట్లు JN.1 లైనేజ్ నుండి పుట్టాయి. ఒమిక్రాన్ సబ్-వేరియంట్.

LF.7 , NB.1.8 వేరియంట్లు ఎంత ప్రమాదకరం ?

LF.7 , NB.1.8 రెండు వేరియంట్లు JN.1 సబ్-వేరియంట్ నుండి ఉద్భవించాయి. JN.1ని డిసెంబర్ 2023లో ప్రపంచ ఆరోగ్య సంస్థ (WHO) "వేరియంట్ ఆఫ్ ఇంటరెస్ట్" (VOI)గా ప్రకటించింది. ఈ వేరియంట్లు అత్యంత వేగంగా వ్యాప్తి చెందుతాయి. భారతదేశంలోని కొన్ని రాష్ట్రాల్లో, ముఖ్యంగా మహారాష్ట్ర, తమిళనాడు, కేరళ, ఢిల్లీలో కేసుల సంఖ్య పెరగుతున్నాయి. సింగపూర్, హాంకాంగ్, థాయిలాండ్‌లో కూడా విస్తృతంగా వ్యాప్తి చెందుతున్నాయి.
LF.7, NB.1.8లో స్పైక్ ప్రోటీన్‌లో మ్యుటేషన్లు ఉన్నాయి. ఇవి వైరస్‌ను మానవ కణాలకు సులభంగా అంటించేస్తాయి. దీని వల్ల వ్యాప్తి రేటు పెరుగుతుంది. అయితే, ఈ మ్యుటేషన్లు వ్యాక్సిన్‌లు లేదా మునుపటి సంక్రమణల ద్వారా ఏర్పడిన రోగనిరోధక శక్తిని పూర్తిగా దాటలేదని నిపుణులు చెబుతున్నారు.

ఈ రెండు వేరియంట్ల లక్షణాలు ఎలా ఉంటాయంటే ?

LF.7, NB.1.8 వేరియంట్లు ఒమిక్రాన్ రకానికి కు చెందినవి. వీటి లక్షణాలు ఇతర ఒమిక్రాన్ సబ్-వేరియంట్ల మాదిరిగానే ఉంటాయి. గొంతు నొప్పి, తేలికపాటి దగ్గు , అలసట , జ్వరం, శరీర నొప్పులు, శ్వాస తీసుకోవడంలో ఇబ్బంది , జీర్ణ సమస్యలు, వాంతులు, విరేచనా వంటి లక్షణాలు ఉంటాయి. డెల్టా వేరియంట్‌లో సాధారణంగా కనిపించే వాసన లేదా రుచి కోల్పోవడం ఈ వేరియంట్లలో చాలా అరుదుగా ఉంటుందని వైద్య నిపుణులు చెబుతున్నారు. ఈ వేరియంట్ల వల్ల సంభవించే కేసులు ఎక్కువగా తేలికపాటి లక్షణాలతో ఉంటున్నాయి. ఆసుపత్రిలో చేరాల్సిన అవసరం చాలా తక్కువగా ఉంటుంది. వృద్ధులు, గర్భిణీ స్త్రీలు, దీర్ఘకాలిక వ్యాధులు ఉన్నవారు జాగ్రత్తగా ఉండాలని ఆరోగ్య నిపుణులు సూచిస్తున్నారు.

🚨 Delhi reports 23 COVID-19 cases after 3 years. Patients show mild, flu-like symptoms.#Delhi #COVIDー19 #Covid pic.twitter.com/TSwjH8GR2Q
— Go Hustle (@GoHustleIndia) May 24, 2025

తీవ్రత చాలా తక్కువే

WHO , భారత ఆరోగ్య మంత్రిత్వ శాఖ ప్రకారం, ఈ వేరియంట్లు మునుపటి వేరియంట్ల కంటే ఎక్కువ తీవ్రత చూపించడం లేదు. మరణాలు నమోదు కాలేదు. మే 2025 నాటికి 257 యాక్టివ్ కోవిడ్-19 కేసులు నమోదయ్యాయి, ఇందులో ఎక్కువ భాగం మహారాష్ట్ర , కేరళ, తమిళనాడులో నమోదయ్యాయి. ముంబైలో మే నెలలోనే 95 కొత్త కేసులు నమోదయ్యాయి. ఈ సబ్-వేరియంట్లు ఆసియా దేశాలైన సింగపూర్, హాంకాంగ్, థాయిలాండ్‌లో కూడా విస్తృతంగా వ్యాప్తి చెందుతున్నాయి.

LF.7 , NB.1.8 వేరియంట్లు భారతదేశంలో కోవిడ్-19 కేసుల సంఖ్యలో స్వల్ప పెరుగుదలకు కారణమవుతున్నాయి, కానీ ఇవి ఎక్కువ తీవ్రతను కలిగి ఉన్నట్లు లేదా వ్యాక్సిన్‌లను పూర్తిగా దాటివేసే సామర్థ్యం ఉన్నట్లు ఆధారాలు లేవు. ఆరోగ్య మంత్రిత్వ శాఖ రాష్ట్రాలను అప్రమత్తంగా ఉండమని , నివారణ చర్యలను కొనసాగించమని సూచించింది.

Andhra Pradesh Corona Update: ఏపీలో కరోనా కేసులు నమోదు - అప్రమత్తమైన వైద్య శాఖ - ఆస్పత్రుల్లో ప్రత్యేక ఏర్పాట్లు

Raja Sekhar Allu — Fri, 23 May 2025 16:59:05 +0530

Covid Cases In in AP: ఆంధ్రప్రదేశ్ లో మళ్లీ కరోనా టెన్షన్ ప్రారంభమయింది. కరోనా కేసులు పెరుగుతున్నాయి. విశాఖ, కడపలో పాజిటివ్‌ కేసు నమోదు అయ్యాయి. ఈ అంశంపై వైద్య ఆరోగ్యశాఖ మార్గదర్శకాలు జారీ చేసింది. కరోనా నివారణకు తగిన జాగ్రత్తలు తీసుకోవాలని సూచించింది. ప్రార్థన సమావేశాలు, సామాజిక సమావేశాలు, పార్టీలు, ఇతర కార్యక్రమాలు వాయిదా వేసుకోవాలని సూచించింది. రైల్వేస్టేషన్లు, బస్టాండ్లు, విమానాశ్రయాల్లో కోవిడ్ నిబంధనలు పాటించాలని.. - ఎక్కువ జనాభా ఉన్న ప్రదేశాల్లో మాస్కులు తప్పనిసరిగా వాడాలి సూచనలు జారీ చేసింది.

లక్షణాలు కనిపిస్తే వెంటనే ఆరోగ్య కేంద్రానికి !

జ్వరం లేదా చలి, దగ్గు, అలసట, గొంతునొప్పి, రుచి లేదా వాసన కోల్పోవడం, తలనొప్పి, కండరాలు లేదా శరీర నొప్పులు, ముక్కు కావడం లేదా ముక్కుదిబ్బడ, వికారం, వాంతులు, విరోచనాలు ఉంటే దగ్గరలోని ఆరోగ్య కేంద్రాన్ని సంప్రదించాలని ప్రభుత్వం సూచించంది. ఆరోగ్యశాఖకు చెందిన 24 గంటలు పని చేసే ల్యాబ్‌ల్లో మాస్కులు, పీపీఈ కిట్ త్రిబుల్ లేయర్ మాస్కులను తగిన పరిణామంలో ఉంచుకోవాలని ఆదేశించింది. రాష్ట్రవ్యాప్తంగా కోవిడ్ కేసులు పై రాష్ట్ర వైద్య శాఖ మంత్రి సత్య కుమార్ యాదవ్ సమీక్షా సమావేశం ఏర్పాటు చేశారు .

మంత్రి సత్యకుమార్ యాదవ్ సమీక్ష

కోవిడ్ కేసులు ఎదుర్కొనేందుకు అందర్నీ అప్రమత్తం చేస్తున్నామమని.. ప్రజలు భయపడాల్సిన అవసరం లేదని మంత్రి ప్రకటించారు. ఆరోగ్యశాఖ అన్ని పరీక్ష సౌకర్యాలతో కూడిన 24 గంటలు పని చేసే ల్యాబ్‌లలో మాస్క్‌లు, పిపీఈ కిట్ త్రిబుల్ లేయర్ మాస్కులు తగిన పరిణామంలో ఉంచుకోవాలని అధికారులకు ఆదేశాలు జారీచేసింది వైద్య ఆరోగ్యశాఖ. రెండున్నర సంవత్సరాల విరామం తర్వాత దేశవ్యాప్తంగా కరోనా కేసులు నమోదు అవుతున్నాయి గుజరాత్, ఒడిశా రాష్ట్రాల్లో కేసులు ఎక్కువగా నమోదు అవుతున్నాయి. అనేక ప్రాంతాల్లో COVID-19 కేసులు నమోదు అవుతున్నాయి. రోగులు తేలికపాటి ఒత్తిడితో బాధపడుతున్నట్లు గుర్తించారు.

పెరుగుతున్న కొత్త వేరియంట్లు

కోవిడ్-19 వైరస్ (SARS-CoV-2) కొత్త వేరియంట్‌లు, ముఖ్యంగా ఒమిక్రాన్ ఉప-వేరియంట్‌లు, ప్రపంచవ్యాప్తంగా వ్యాప్తి చెందుతున్నాయి. ఈ వేరియంట్‌లలో LP.8.1 , XEC , KP.3.1.1 వంటి వేరియంట్ల గురించి చచెబుతున్నారు. ప్రపంచ ఆరోగ్య సంస్థ (WHO) మరియు ఇతర ఆరోగ్య సంస్థల నివేదికల ప్రకారం, ఒమిక్రాన్ వేరియంట్‌కు చెందిన ఉప-వేరియంట్ ఎక్కవగా వ్యాపిస్తోంది. అమెరికాలో 70 శాతం కోవిడ్ కేసులు. యూకేలో 60% కేసులు, ఆస్ట్రేలియాలో మూడవ అత్యంత ప్రబలమైన వేరియంట్‌గా LP.8.1 ఉంది.

ఇతర రాష్ట్రాల్లోనూ కోవడ్ కేసులు పెరుగుతూంటడంతో ప్రత్యేక ఏర్పాట్లు చేస్తున్నారు.

Ahmedabad: Gujarat is preparing for COVID-19 with isolation wards, oxygen tanks, PPE kits, and ventilators ready. Ahmedabad Civil Hospital has 1,200 beds and ample oxygen supply.

Superintendent of Ahmedabad Civil Hospital Dr. Rakesh Joshi says, "As you mentioned, there are cases… pic.twitter.com/2xlwQ7nolv
— IANS (@ians_india) May 23, 2025