ayurvedam

Cumin Water Benefits : 7 రోజులు జీలకర్ర నీరు తాగితే ఏం అవుతుంది? తయారు చేసే విధానం, ఆరోగ్య ప్రయోజనాలివే

Geddam Vijaya Madhuri — Wed, 9 Sep 2026 05:55:57 +0530

Cumin Water Daily : వంటింట్లో తరచుగా ఉపయోగించే మసాలా దినుసుల్లో జీలకర్ర ఒకటి. అయితే జీలకర్రను కేవలం వంటల్లోనే కాకుండా.. నీటిలో నానబెట్టి లేదా మరిగించి తీసుకునే అలవాటు చాలామందికి ఉంటుంది. ముఖ్యంగా ఉదయాన్నే ఖాళీ కడుపుతో జీలకర్ర నీరు తాగితే జీర్ణక్రియ మెరుగుపడుతుందని.. ఉబ్బరం తగ్గుతుందని చాలామంది నమ్ముతారు. మరి జీలకర్ర నీటితో కలిగే లాభాలు ఏంటి.. ఎలా తాగితే మంచిదో చూసేద్దాం.

జీలకర్రలో థైమోల్ సహా కొన్ని మొక్కల సమ్మేళనాలు, యాంటీఆక్సిడెంట్లు ఉంటాయి. ఇవి జీర్ణక్రియకు కొంత మద్దతు ఇవ్వవచ్చని పరిశోధనలు సూచిస్తున్నాయి. అయితే 7 రోజులు లేదా వారం రోజుల్లోనే అన్ని ఆరోగ్య సమస్యలు నయమవుతాయని చెప్పే ఆధారాలు లేవు. అలాగే శరీరం పూర్తిగా డీటాక్స్ అవుతుందని కూడా చెప్పలేము. కానీ శరీరానికి ఎలాంటి ప్రయోజనాలు అందుతాయో మాత్రం చూసేద్దాం.

Also Read : జీర్ణ సమస్యలకు చెక్ పెట్టాలంటే జీలకర్ర డ్రింక్ ట్రై చేయండి.. ఉదయాన్నే తాగితే ఎన్నో లాభాలు

జీలకర్ర నీరు తయారీ..

ఒక గ్లాసు నీటిని తీసుకోవాలి. అందులో 1 టీస్పూన్ జీలకర్ర వేసి రాత్రంతా నానబెట్టాలి. ఉదయాన్నే ఆ నీటిని వడకట్టి తాగవచ్చు. లేదా ఒక గ్లాసు నీటిలో జీలకర్ర వేసి కొన్ని నిమిషాలు మరిగించి, గోరువెచ్చగా అయిన తర్వాత తాగవచ్చు. అయితే జీలకర్ర నీటిని కేవలం ఖాళీ కడుపుతో తీసుకోవాలని ఏమి లేదు. మీ భోజనం తర్వాత కూడా ఎప్పుడైనా తీసుకోవచ్చు.

వారం రోజులు జీలకర్ర నీరు తాగితే కలిగే లాభాలు

జీలకర్రలోని కొన్ని సహజ సమ్మేళనాలు జీర్ణక్రియకు మద్దతు ఇవ్వవచ్చని పరిశోధనలు సూచిస్తున్నాయి. దీనివల్ల భోజనం జీర్ణం కావడంలో కొంత మంచి ఫలితాలు ఉంటాయి. అలాగే కొందరికి జీలకర్ర తీసుకోవడం వల్ల గ్యాస్, కడుపు ఉబ్బరం వంటి తేలికపాటి జీర్ణ సమస్యల నుంచి ఉపశమనం లభించవచ్చు. భోజనం తర్వాత కడుపు బరువుగా లేదా అసౌకర్యంగా అనిపించే వారికి జీలకర్ర నీరు ఒక తేలికపాటి పానీయంగా ఉపయోగపడవచ్చు. కానీ తరచుగా అజీర్ణం ఉంటే వైద్య సహాయం తీసుకోవాలి.

Also Read : జీర్ణక్రియ నుంచి వెయిట్ లాస్ వరకు.. జీలకర్ర మంచిదా? సోంపు మంచిదా? రెండింటి మధ్య తేడాలు ఇవే

బరువు తగ్గుతారా?

జీలకర్రలో యాంటీఆక్సిడెంట్ లక్షణాలు కలిగిన కొన్ని మొక్కల సమ్మేళనాలు ఉంటాయి. ఇవి శరీరంలోని ఆక్సిడేటివ్ స్ట్రెస్‌ను తగ్గించడంలో హెల్ప్ చేస్తాయి. జీలకర్ర నీరు స్వయంగా కొవ్వును కరిగించే లేదా బరువును వేగంగా తగ్గించే పానీయం కాదు. కానీ టీ, కాఫీలు లేదా షుగర్ డ్రింక్స్ బదులుగా దీనిని తీసుకుంటే బరువు తగ్గడంలో సహాయపడవచ్చు.

డయాబెటిస్ ఉంటే..

జీలకర్రలోని కొన్ని సమ్మేళనాలు రక్తంలో చక్కెర నియంత్రణపై ప్రభావం చూపుతాయా అనే దానిపై పరిశోధనలు ఇంకా జరుగుతున్నాయి. అయితే జీలకర్ర నీరు డయాబెటిస్‌కు చికిత్స అని చెప్పడానికి తగిన ఆధారాలు లేవు. డయాబెటిస్ మందులు వాడేవారు వాటిని ఆపి జీలకర్ర నీటిపై ఆధారపడకూడదు. రొటీన్లో భాగంగా తగిన మోతాదులో తీసుకోవాలి.

Also Read : ఉదయాన్నే జీలకర్ర నీరు తాగితే మంచిదా? చియా సీడ్స్ నీరు తాగితే బరువు తగ్గుతారా? ఏది బెస్ట్

రోజూ ఎంత తాగాలి?

సాధారణంగా ఒక గ్లాసు నీటిలో సుమారు 1 టీస్పూన్ జీలకర్ర వేసుకుని తయారు చేసుకున్న నీటిని తీసుకోవచ్చు. అయితే ఎక్కువగా తాగితే ఎక్కువ ప్రయోజనాలు వస్తాయి అనుకోకూడదు. అలాగే 7 రోజులు తాగినంత మాత్రాన ప్రత్యేకమైన మార్పులు కనిపిస్తాయని చెప్పలేం. రెగ్యులర్గా తీసుకుంటూ.. ఆరోగ్యంపై ప్రభావం చూపే మొత్తం ఆహారం, వ్యాయామం, నిద్ర, జీవనశైలి వంటి అనేక అంశాలు మీ పూర్తి ఆరోగ్యానికి హెల్ప్ చేస్తాయి.

Also Read : ఉదయాన్నే జీలకర్ర నీళ్లు తాగితే కలిగే లాభాలు.. వేసవిలో ఈ ప్రయోజనాల కోసం తాగేయండి

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Tulsi Leaves Benefits : తులసి ఆకులు రోజూ ఉదయాన్నే తింటే ఆరోగ్యానికి కలిగే లాభాలివే

Geddam Vijaya Madhuri — Tue, 25 Aug 2026 22:51:10 +0530

Cumin Water : జీర్ణ సమస్యలకు చెక్ పెట్టాలంటే జీలకర్ర డ్రింక్ ట్రై చేయండి.. ఉదయాన్నే తాగితే ఎన్నో లాభాలు

Geddam Vijaya Madhuri — Tue, 7 Jul 2026 05:30:00 +0530

Drinking Cumin Water Every Morning : అసిడిటీ, అజీర్తి, కడుపు ఉబ్బరం వంటి జీర్ణ సమస్యలతో ఇబ్బంది పడుతున్నారా? అయితే వీటికి అనారోగ్యకరమైన ఆహారం, భోజన సమయం, ఒత్తిడి వంటి కారణాలు ప్రధానంగా ఉంటాయి. మీరు ఈ సమస్యలతో ఇబ్బంది పడుతుంటే కచ్చితంగా మీ డైట్లో జీలకర్ర (Cumin)ను చేర్చుకోవాలని ఆయుర్వేద నిపుణులు చెప్తున్నారు. ఇది జీర్ణ ఆరోగ్యానికి మేలు చేస్తుందని.. ముఖ్యంగా ఉదయాన్నే జీలకర్రతో చేసిన డ్రింక్‌ను తీసుకుంటే జీర్ణక్రియకు మద్దతు లభిస్తుందని అంటున్నారు.

జీలకర్ర డ్రింక్ కోసం కావాల్సిన పదార్థాలు

జీలకర్ర - 1 టీ స్పూన్

నీరు - 1 గ్లాస్

నిమ్మరసం - 1 టీ స్పూన్

తేనె - 1 టీ స్పూన్

తయారీ విధానం

ముందురోజు రాత్రి ఒక గ్లాస్ నీటిలో జీలకర్రను నానబెట్టాలి. మరుసటి రోజు ఉదయం అదే నీటిని 5 నుంచి 10 నిమిషాలు మరిగించి వడగట్టాలి. గోరువెచ్చగా అయిన తర్వాత కొద్దిగా నిమ్మరసం లేదా తేనె కలిపి తాగవచ్చు. జీలకర్రను నానబెట్టకున్నా.. మరిగించి కూడా తీసుకోవచ్చు. దీనిని ఉదయాన్నే తాగడం వల్ల ఆరోగ్యానికి కలిగే లాభాలు ఏంటో చూసేద్దాం.

Also Read : ఉదయాన్నే నానబెట్టిన బాదం తింటే ఆరోగ్యానికి, అందానికి కలిగే లాభాలు ఏంటి? రోజుకు ఎన్ని తినాలి?

అసిడిటీ దూరం

జీలకర్ర జీర్ణరసాల ఉత్పత్తిని ప్రోత్సహించడంలో సహాయపడుతుంది. కాబట్టి అజీర్తి, అసిడిటీ, కడుపులో మంట వంటి సమస్యలు కొంతవరకు తగ్గే అవకాశం ఉంది.

మెరుగైన జీర్ణక్రియ

జీలకర్రలో ఉండే సహజ సమ్మేళనాలు ఆహారం సులభంగా జీర్ణం కావడానికి తోడ్పడతాయి. కడుపు ఉబ్బరం, గ్యాస్ వంటి సమస్యల నుంచి ఉపశమనం కలిగించడంలో ఉపయోగపడవచ్చు.

మెటబాలిజం కోసం..

కొన్ని అధ్యయనాల ప్రకారం.. జీలకర్ర జీవక్రియను మెరుగుపరచడంలో కొంత పాత్ర పోషించవచ్చు. సమతుల్య ఆహారం, వ్యాయామంతో కలిపి తీసుకుంటే బరువు నియంత్రణకు కూడా సహాయపడవచ్చు.

Also Read : ఉదయాన్నే ఖాళీ కడుపుతో ధనియాల నీరు తాగితే కలిగే లాభాలు.. బాడీ డీటాక్స్ నుంచి బరువు తగ్గడం వరకు

యాంటీఆక్సిడెంట్లు

జీలకర్రలో యాంటీఆక్సిడెంట్లు ఉంటాయి. ఇవి శరీరంలోని కణాలను ఆక్సిడేటివ్ స్ట్రెస్ నుంచి రక్షించడంలో సహాయపడతాయి.

రోగనిరోధక శక్తికి మద్దతు

జీలకర్రలో ఐరన్‌తో పాటు కొన్ని విటమిన్లు, ఖనిజాలు ఉంటాయి. ఇవి రోగనిరోధక వ్యవస్థ పనితీరుకు మేలు చేసి.. సీజనల్ వ్యాధులు రాకుండా అదుపులో ఉంచుతాయి.

షుగర్ కంట్రోల్..

కొన్ని పరిశోధనల్లో జీలకర్ర రక్తంలో చక్కెర స్థాయిల నియంత్రణకు కొంత సహాయపడవచ్చని సూచించినప్పటికీ.. దీనిపై మరిన్ని పరిశోధనలు అవసరం. కానీ డయాబెటిస్ ఉన్నవారు కూడా తాగవచ్చు. అలా అని మందులకు బదులుగా దీనిని తాగకూడదు.

హైడ్రేషన్

ఉదయాన్నే గోరువెచ్చని జీలకర్ర నీరు తాగడం వల్ల శరీరానికి హైడ్రేషన్ అందడంతో పాటు రోజును తాజాగా ప్రారంభించేందుకు సహాయపడుతుంది.

తీసుకోవాల్సిన జాగ్రత్తలు

జీలకర్ర డ్రింక్ ఆరోగ్యానికి మంచిదే అయినా కొన్ని జాగ్రత్తలు కచ్చితంగా తీసుకోవాలి. లో బీపీ ఉన్నవారు జీలకర్ర డ్రింక్ తీసుకునే ముందు వైద్యుడిని సంప్రదించాలి. గర్భిణులు లేదా పాలిచ్చే తల్లులు, మధుమేహం ఉన్నవారు వైద్యుల సలహా తీసుకుని దీనిని రొటీన్లో చేర్చుకోవాలి.

మార్నింగ్ రొటీన్ సెట్ చేసుకోవడానికి, ఉదయాన్నే హెల్తీగా ప్రారంభించడానికి ఈ టిప్స్ ఫాలో అవ్వండి.

Turmeric Milk : రాత్రి పడుకునే ముందు పసుపు పాలు తాగితే.. మంచి నిద్ర నుంచి ఇమ్యూనిటీ వరకు ఎన్నో లాభాలు

Geddam Vijaya Madhuri — Sun, 5 Jul 2026 21:48:58 +0530

Clove Water : రాత్రి పడుకునే ముందు లవంగాల నీరు తాగితే కలిగే ఆరోగ్య ప్రయోజనాలు ఇవే

Geddam Vijaya Madhuri — Tue, 26 May 2026 20:54:53 +0530

Ginger Drink Benefits : ఉదయాన్నే అల్లం దంచి, మరిగించిన నీరు తాగితే.. శరీరానికి కలిగే అద్భుత ప్రయోజనాలు ఇవే

Geddam Vijaya Madhuri — Tue, 26 May 2026 07:23:27 +0530

Fenugreek Water : మెంతుల నీరు ఆరోగ్యానికి మంచిదే.. కానీ నానబెట్టి తాగితే మంచిదా? లేదా మరిగించి తాగాలా?

Geddam Vijaya Madhuri — Wed, 29 Apr 2026 05:30:43 +0530

Fenugreek Water Benefits : మెంతులు ఆరోగ్యానికి మేలు చేస్తాయి. అందుకే వీటిని వివిధ వంటల్లో తీసుకుంటారు. మరిన్ని ఆరోగ్య ప్రయోజనాల కోసం మెంతి నీరు తాగుతారు. అయితే వీటిని నీళ్లలో నానబెట్టి తాగాలా? లేదా మరిగించి తాగాలా అనే డౌట్ చాలామందిలో ఉంటుంది. అయితే చాలామందికి తెలియని విషయం ఏంటంటే.. ఎలా తాగినా ఆరోగ్యానికి మేలు జరుగుతాయని ఆయుర్వేదం చెప్తోంది. అయితే వీటిలో ఏ పద్ధతిలో తాగితే ఆరోగ్యానికి ఎక్కువ ప్రయోజనాలు అందుతాయో తెలుసుకుందాం.

మెంతుల్లోని పోషకాలు

మెంతుల్లో ఫైబర్, ఐరన్, మెగ్నీషియం, విటమిన్ B6 అధికంగా ఉంటాయి. ఇవి రక్తంలో చక్కెర స్థాయిని నియంత్రించడం నుంచి జీర్ణక్రియ మెరుగుపరచడం, కొలెస్ట్రాల్ తగ్గించడం, జుట్టు ఆరోగ్యం పెంపొందించడం వంటి ప్రయోజనాలు అందిస్తాయి. రోజూ ఉదయం ఖాళీ కడుపుతో మెంతుల నీళ్లు తాగితే ఈ ప్రయోజనాలు వేగంగా కనిపిస్తాయి. మరి నానబెట్టి తాగితే మంచిదా? మెంతులు మరిగించి తాగితే మంచిదా?

నానబెట్టిన మెంతి నీళ్లతో ఉపయోగాలు..

రాత్రుళ్లు ఒక చెంచా మెంతులు గ్లాసు నీళ్లలో వేయండి. ఉదయం వడగట్టి ఆ నీళ్ళు తాగండి. విత్తనాలు కూడా నమిలి తినవచ్చు. దీనివల్ల విటమిన్లు, ఎంజైమ్‌లు పూర్తిగా శరీరానికి అందుతాయి. అజీర్తి, యాసిడిటీ తక్కువగా ఉంటుంది. ఇది వేడిని తగ్గించి.. శరీరాన్ని చల్లగా ఉంచుతుంది.

మరిగించిన మెంతి నీరు తాగితే..

ఒక గ్లాసు నీళ్లలో అర చెంచా మెంతలు వేసి 5 నిమిషాలు మరిగించండి. చల్లారాక వడగట్టి తాగండి. దీనివల్ల జీర్ణం వేగంగా అవుతుంది. మోకాలు నొప్పులు, కీళ్ల వాపులు తగ్గుతాయి.

ఏ పద్ధతిలో తాగితే మంచిది..

నిపుణుల ప్రకారం నానబెట్టిన మెంతి నీరు డయాబెటిస్, జుట్టు సమస్యలను అదుపులోకి తెస్తుంది. రక్తంలో చక్కెర కంట్రోల్ అవ్వడంతో పాటు జుట్టు రాలడం తగ్గుతుంది. మరిగించిన నీళ్లు తాగితే.. కీళ్ల నొప్పులు, వాపు, ఇన్‌ఫ్లమేషన్ తగ్గుతాయి. జీర్ణవ్యవస్థ బలంగా ఉండాలంటే కూడా మరిగించి తాగితే మంచిది.

తీసుకోవాల్సిన జాగ్రత్తలు

రోజుకు 1 నుంచి 2 చెంచాల కంటే ఎక్కువ మెంతులు తీసుకోకండి. ఎక్కువగా తీసుకుంటే విరేచనాలు అవుతాయి. గర్భిణీ స్త్రీలు డాక్టర్ సలహా లేకుండా తీసుకోకండి. ఉదయం ఖాళీ పొట్టతో తాగితే మంచిది. 30 నిమిషాల తర్వాత టిఫిన్ చేస్తే మంచిది. డయాబెటిస్ మందులు వాడేవారు రక్తంలో చక్కెర స్థాయిలు రెగ్యులర్గా చెక్ చేసుకోవాలి.

Coriander Water : ఉదయాన్నే ఖాళీ కడుపుతో ధనియాల నీరు తాగితే కలిగే లాభాలు.. బాడీ డీటాక్స్ నుంచి బరువు తగ్గడం వరకు

Geddam Vijaya Madhuri — Fri, 24 Apr 2026 05:56:18 +0530

మన వంటగదిలో రెగ్యులర్గా ఉపయోగించే మసాలాలు ఆరోగ్యానికి ఎన్నో ప్రయోజనాలు ఇస్తాయి. అలాంటి వాటిలో ధనియాలు కూడా ఒకటి. ఇవి మంచి రుచి, అరోమాను ఇవ్వడంతో పాటు.. ఆరోగ్యానికి ఎంతో మేలు చేస్తాయి. ముఖ్యంగా వీటిని రాత్రి నానబెట్టి ఉదయాన్నే ఆ నీటిని తాగితే శరీరానికి అనేక లాభాలు కలుగుతాయని నిపుణులు చెబుతున్నారు. ఆ ప్రయోజనాలు ఏంటో.. ధనియాలు నీరు తాగేప్పుడు తీసుకోవాల్సిన జాగ్రత్తలు ఏంటో ఇప్పుడు తెలుసుకుందాం.

ధనియాల నీరు తయారీ

ఒక గ్లాస్ నీటిలో 1 లేదా 2 టీ స్పూన్లు ధనియాలు వేయాలి. వాటిని రాత్రంతా నానబెట్టాలి. ఉదయాన్నే వడకట్టి ఖాళీ కడుపుతో తాగాలి. లేదా వాటిని ఓ గిన్నెలో వేసి మరిగించి.. నిమ్మరసం కలిపి కూడా తీసుకోవచ్చు. మరి ఈ ధనియాల నీరు తాగడం వల్ల కలిగే లాభాలు ఏంటంటే..

మెరుగైన జీర్ణక్రియ

ధనియాలు జీర్ణ సమస్యలను దూరం చేసి.. మెరుగైన జీర్ణక్రియను అందిస్తాయి. గ్యాస్, అజీర్ణం, కడుపు ఉబ్బరం తగ్గించడంలో సహాయపడతాయి.

బాడీ డీటాక్స్‌

శరీరంలోని టాక్సిన్స్‌ను బయటకు పంపడంలో ధనియాల నీరు మంచి ప్రయోజనాలు ఇస్తాయి. అలాగే కిడ్నీలు, లివర్ను డీటాక్స్ చేసి.. వాటి ఆరోగ్యాని సపోర్ట్ చేస్తాయి.

బరువు తగ్గేందుకు..

ధనియాలు మెటాబాలిజాన్ని పెంచి కొవ్వు కరిగే ప్రక్రియను వేగవంతం చేస్తుంది. దీనిని క్రమంగా లిమిటెడ్ మోతాదులో తీసుకుంటే బరువు తగ్గుతారు.

బ్లడ్ షుగర్ కంట్రోల్..

మధుమేహం ఉన్నవారికి షుగర్ లెవల్స్ కంట్రోల్‌లో ఉంచడంలో సహాయపడుతుంది. కాబట్టి షుగర్ ఉన్నవారు తమ రోజుని దీనితో స్టార్ట్ చేస్తే సరి.

చర్మ ఆరోగ్యానికై..

ధనియాల్లోని యాంటీ ఆక్సిడెంట్స్ వల్ల చర్మం క్లీన్‌గా, గ్లోగా మారుతుంది. డల్నెస్ తగ్గుతుంది.

వేడి తగ్గుతుంది

వేసవిలో శరీరాన్ని చల్లగా ఉంచడంలో సహాయపడుతుంది. ఎండవల్ల కలిగే శరీర వేడిని తగ్గించడంలో మంచి ప్రయోజనాలు ఇస్తుంది.

ఇవేకాకుండా బీపీని కంట్రోల్ చేస్తుంది. పొటాషియం ఉండటం వల్ల రక్తపోటు అదుపులో ఉంటుంది. మూత్ర సమస్యలను దూరం చేస్తుంది. యూరినరీ ట్రాక్ట్ ఇన్ఫెక్షన్స్ తగ్గించడంలో సహాయపడుతుంది. విటమిన్స్, మినరల్స్ వల్ల రోగనిరోధక శక్తి మెరుగుపడుతుంది. మహిళల్లో హార్మోన్ల సమతుల్యతను మెరుగుపరుస్తుంది. థైరాయిడ్ సమస్యను కంట్రోల్ చేస్తుంది.

తీసుకోవాల్సిన జాగ్రత్తలు

ధనియాల నీరు ఆరోగ్యానికి మంచిదే అయినా ఎక్కువ మోతాదులో తాగకండి. రోజుకు 1 గ్లాస్ సరిపోతుంది. లో బీపీ ఉన్నవారు జాగ్రత్తగా తీసుకోవాలి. గర్భిణీలు, పాలిచ్చే తల్లులు డాక్టర్ సలహా తీసుకోవాలి. అలర్జీ ఉంటే వెంటనే ఆపాలి. ఎక్కువ రోజులు కంటిన్యూ తాగకుండా మధ్యలో గ్యాప్ తీసుకోవాలి. ఎందుకంటే ఆరోగ్యానికి మేలు చేసే ఏ హోం రెమిడీ అయినా మితంగా తీసుకుంటేనే లాభం ఉందని నిపుణులు చెప్తున్నారు. అంతేకాకుండా దీనిని పూర్తి మెడిసన్గా భావించకూడదని చెప్తున్నారు.

Patanjali Yogpeeth : సమగ్ర ఆరోగ్య కేంద్రం హరిద్వార్‌ పతంజలి యోగపీఠం - శారీరక, మానసిక , ఆధ్యాత్మిక ఆరోగ్యానికి చిరునామా

Raja Sekhar Allu — Thu, 16 Apr 2026 13:58:23 +0530

Haridwar Patanjali Yogpeeth : హరిద్వార్‌లోని పతంజలి యోగపీఠ్ శారీరక, మానసిక , ఆధ్యాత్మిక ఆరోగ్యంపై దృష్టి సారించే ఒక సమగ్ర శ్రేయస్సు కేంద్రంగా నిర్వహిస్తున్నారు. ప్రశాంతమైన ప్రకృతి ఒడిలో ఉన్న ఈ కేంద్రం, దీర్ఘకాలిక వ్యాధులు, జీవనశైలి సమస్యలు , ఒత్తిడిని పరిష్కరించడానికి సంప్రదాయ భారతీయ వైద్య పద్ధతులు, సహాయక చికిత్సల కలయికను అందిస్తోంది.

ఈ కేంద్రం ఆయుర్వేదం, ప్రకృతి చికిత్స, యోగా , పంచకర్మలను ఒకే చోట చేరుస్తుంది. పతంజలి వెల్నెస్ నెట్‌వర్క్‌లో యోగగ్రామ్, నిరామయం తర్వాత ఇది అతిపెద్ద సౌకర్యాలలో ఒకటిగా గుర్తింపు పొందింది. కేంద్రం సమాచారం ప్రకారం, రోగులకు దీర్ఘకాలిక శ్రేయస్సును అందించేలా బహుళ చికిత్సలతో కూడిన వ్యక్తిగతమైన సంరక్షణ ప్రణాళికలు అందిస్తారు.

చికిత్సల శ్రేణి, వ్యక్తిగత శ్రద్ధతో చికిత్సలు

హరిద్వార్ కేంద్రం యోగా థెరపీ, ఆయుర్వేద సంరక్షణ, ప్రకృతి చికిత్స, పంచకర్మ , ఆహార ఆధారిత జోక్యాలతో సహా విస్తృతమైన చికిత్సలను అందిస్తుంది. వీటితో పాటు ఫిజియోథెరపీ, ఆక్యుప్రెషర్, ఆక్యుపంక్చర్, షట్కర్మ, శృంగి, దంత సంరక్షణ , ఓజోన్ థెరపీ వంటి అదనపు సేవలు కూడా అందుబాటులో ఉన్నాయి.

రోజువారీ యోగా సెషన్లు చికిత్స ప్రక్రియలో ప్రధాన భాగంగా ఉన్నాయి. ఇవి ఉదయం, సాయంత్రం వేళల్లో వ్యక్తిగత ఆరోగ్య పరిస్థితులకు అనుగుణంగా నిర్వహిస్తారు. యోగాను పంచకర్మ , ప్రకృతి చికిత్సలతో కలపడం వల్ల చికిత్స ఫలితాల ప్రభావం పెరుగుతుందని పేర్కొంది.

క్రమబద్ధమైన ప్రవేశం , బుకింగ్ ప్రక్రియ

చికిత్స లేదా వెల్నెస్ బసను కోరుకునే వారి కోసం కేంద్రం దశలవారీ ఆన్‌లైన్ బుకింగ్ విధానాన్ని రూపొందించింది. కొత్త వినియోగదారులు మెడికల్ రికార్డ్ నంబర్‌ను పొందడానికి రిజిస్టర్ చేసుకోవాల్సి ఉంటుంది, పాత వినియోగదారులు నేరుగా లాగిన్ అవ్వవచ్చు. రోగులు ఐపిడి (IPD) బుకింగ్ అభ్యర్థనను సమర్పించాలి, దీనిని పరిశీలించిన తర్వాతే గదుల కేటాయింపు ఖరారు చేస్తారు.

ప్రవేశ ప్రక్రియను సరళీకృతం చేయడానికి , రాకముందే తగిన చికిత్స ప్రణాళికను నిర్ధారించడానికి ఈ విధానాన్ని ఉద్దేశించినట్లు అధికారులు పేర్కొన్నారు. సాధారణ వెల్నెస్ ప్రోగ్రామ్‌లు, నిర్దిష్ట చికిత్సలు కోరుకునే వ్యక్తులకు ఈ సౌకర్యం సేవలందిస్తుంది.

సంప్రదాయ పద్ధతులు , ఆధునిక సహాయక చికిత్సల కలయికతో కూడిన క్రమబద్ధమైన విధానంతో, హరిద్వార్‌లోని పతంజలి యోగపీఠ్ భారతదేశ వెల్నెస్, ప్రత్యామ్నాయ ఆరోగ్య సంరక్షణ వ్యవస్థలో తన పాత్రను మరింత విస్తరిస్తోంది.

Garlic with Honey : తేనెలో వెల్లుల్లి ముంచి ఉదయాన్నే తింటే కలిగే లాభాలివే.. బరువు తగ్గడం నుంచి గుండె ఆరోగ్యం వరకు

Geddam Vijaya Madhuri — Thu, 16 Apr 2026 06:30:29 +0530

Garlic with Honey For Health : వెల్లుల్లి, తేనె రెండూ ఔషధ గుణాలతో నిండి ఉంటాయి. ఇవి అనేక అనారోగ్యాల నుంచి ఉపశమనం అందిస్తాయి. ఇవి విడిగా ఎన్ని ఆరోగ్య ప్రయోజనాలు అందిస్తాయో.. కలిపి తీసుకుంటే కూడా అంతే మంచి ఫలితాలు ఇస్తాయి. అందుకే చాలామంది ఉదయాన్నే తేనెలో వెల్లుల్లిని ముంచి లేదా.. తేనెలో నానబెట్టిన వెల్లుల్లిని తింటారు. అసలు ఇలా తినడం వల్ల లాభమేంటి? తీసుకోవాల్సిన జాగ్రత్తలు, నష్టాలు, నిపుణుల సలహాలు ఏంటో చూసేద్దాం.

ఇంటి వైద్యంలో ఉపయోగించే పదార్థాల్లో తేనె, వెల్లుల్లి కచ్చితంగా ఉంటాయి. అలాంటి ఈ రెండింటిని కలిపి తీసుకుంటే శరీరానికి మరింత బలం, రోగనిరోధక శక్తి అందుతుంది. ముఖ్యంగా ఉదయాన్నే ఖాళీ కడుపుతో తీసుకుంటే మంచి ఫలితాలు కనిపిస్తాయి. అవేంటంటే..

ఇమ్యూనిటీ పెంపు..

వెల్లుల్లి, తేనెలో అల్లిసిన్ అనే మూలకం ఉంటుంది. ఇది యాంటీ బాక్టీరియల్, యాంటీ ఫంగల్, యాంటీ వైరల్ లక్షణాలు కలిగి ఉండి.. వివిధ ఆరోగ్య ప్రయోజనాలు అందిస్తుంది. అందుకే ఉదయాన్నే ఖాళీ కడుపుతో వెల్లుల్లి, తేనె తింటే ఇమ్యూనిటీ పెరుగుతుంది. ఈ రెండూ బ్యాక్టీరియాతో పోరాడటానికి సహాయపడే లక్షణాలు కలిగి ఉంటాయి.

బరువు తగ్గడం..

పరగడుపున వెల్లుల్లి, తేనె తీసుకుంటే బరువు తగ్గడంలో హెల్ప్ అవుతుందని చెప్తారు. వీటిని తీసుకోవడం వల్ల జీవక్రియ పెరిగి.. శరీరంలో నిల్వ ఉన్న కొవ్వు వేగంగా కరుగుతుంది. కాబట్టి బరువు తగ్గాలనుకునేవారు తీసుకోవచ్చు.

డీటాక్స్ చేసుకునేందుకు..

శరీరాన్ని డిటాక్స్ చేయడంలో వెల్లుల్లి, తేనె తీసుకోవడం కూడా ప్రయోజనకరంగా ఉంటుంది. వీటిని ప్రతిరోజూ తీసుకోవడం వల్ల శరీరం నుంచి విషపదార్థాలు బయటకు పోతాయి.

గుండె ఆరోగ్యానికై..

ఉదయాన్నే ఖాళీ కడుపుతో వెల్లుల్లి, తేనె తీసుకోవడం గుండె ఆరోగ్యానికి కూడా మేలు చేస్తుంది. ఇందులో ఉండే యాంటీఆక్సిడెంట్లు శరీరంలోని చెడు కొలెస్ట్రాల్‌ను తగ్గించడంలో సహాయపడతాయి. అధిక రక్తపోటును నియంత్రించి గుండె ఆరోగ్యానికి హెల్ప్ చేస్తాయి.

జీర్ణ సమస్యలు దూరం..

తేనెలో నానబెట్టిన వెల్లుల్లిని తినడం జీర్ణ సమస్యలు ఉన్నవారికి కూడా ప్రయోజనకరంగా ఉంటుంది. దీనిని ప్రతిరోజూ తీసుకోవడం వల్ల కడుపు నొప్పి, గ్యాస్, మలబద్ధకం, ఎసిడిటీ వంటి సమస్యల నుంచి ఉపశమనం పొందవచ్చు.

స్కిన్ హెల్త్..

వెల్లుల్లి, తేనె కాంబినేషన్ చర్మానికి మెరుగైన కాంతిని అందిస్తుంది. లోపల నుంచి శరీరాన్ని శుభ్రపరచి స్కిన్ గ్లో పెంచుతుంది. అంతేకాకుండా బ్యాక్టీరియా, వైరస్‌లను ఎదుర్కొనే శక్తి ఇస్తుంది.

ఎలా తీసుకుంటే మంచిది..

ఉదయాన్నే 2 నుంచి 3 వెల్లుల్లి రెబ్బలు దంచి.. దానిని 1 టీ స్పూన్ తేనెతో కలిపి తీసుకోవాలి. 7 నుంచి 10 రోజులు కంటిన్యూగా తీసుకుంటే ఫలితం కనిపిస్తుంది. లేదా వెల్లుల్లి రెబ్బలను పైన తొక్క తీసి.. తేనెలో నానబెట్టి వాటిని రెగ్యులరగా తీసుకోవచ్చు. ఆరోగ్యానికి మంచిది కదా అని ఎక్కువగా తినకూడదు. గర్భిణీలు, మందులు తీసుకునేవారు డాక్టర్ సలహా తీసుకోవాలి.