ayurvedam

Jeera vs Ajwain vs Methi Water : జీలకర్ర నీళ్లా? వాము నీళ్లా? మెంతుల నీళ్లా? ఉదయాన్నే ఏది తాగితే మంచిది?

Geddam Vijaya Madhuri — Wed, 21 Oct 2026 14:53:45 +0530

Cumin, Carom or Fenugreek Water Benefits : ఉదయాన్నే ఖాళీ కడుపుతో జీలకర్ర నీళ్లు, వాము నీళ్లు, మెంతుల నీళ్లు తాగే అలవాటు చాలామందికి ఉంటుంది. బరువు తగ్గడానికి, గ్యాస్ సమస్యలు తగ్గించుకోవడానికి, జీర్ణక్రియ మెరుగుపరుచుకోవడానికి వీటిని తీసుకుంటారు. అయితే ఈ మూడు పానీయాలు ఒకేలా పనిచేయవు. ఒక్కో దానికి ఒక్కో ప్రత్యేకత ఉంటుంది. మరి వీటివల్ల కలిగే లాభాలు ఏంటో.. ఆరోగ్యానికి ఏది మంచిదో.. గ్యాస్ట్రోఎంటరాలజీ నిపుణులు ఇస్తోన్న సూచనలు ఏంటో చూసేద్దాం.

జీలకర్ర నీళ్లు.. జీర్ణక్రియకు మేలు

భోజనం చేసిన తర్వాత పొట్ట ఉబ్బరంగా అనిపించడం, గ్యాస్ సమస్య, కడుపు బరువుగా ఉండటం వంటి ఇబ్బందులు ఉంటే చాలామంది జీలకర్ర నీళ్లను తాగుతారు. జీలకర్రలోని కొన్ని సమ్మేళనాలు జీర్ణక్రియకు తోడ్పడవచ్చు.

Also Read : 21 రోజులు మెంతుల నీరు తాగితే శరీరంలో జరిగే మార్పులు ఇవే.. పరిశోధనలు ఏం చెబుతున్నాయంటే

జీలకర్ర నీళ్లు ఎవరు తాగితే మంచిది?

భోజనం తర్వాత పొట్ట ఉబ్బరంగా అనిపించేవారు, గ్యాస్ సమస్యతో ఇబ్బంది పడేవారు, జీర్ణక్రియ సక్రమంగా ఉండేందుకు ఆహారపు అలవాట్లను మెరుగుపరుచుకోవాలనుకునేవారు తీసుకుంటే మంచిది.

ఒక టీస్పూన్ జీలకర్రను ఒక గ్లాసు నీటిలో రాత్రంతా నానబెట్టి ఉదయం వడకట్టి తాగవచ్చు. లేదా నీటిలో జీలకర్ర వేసి మరిగించి తీసుకోవచ్చు. దీనిని ఖాళీ కడుపుతోనే తాగాలనే లేదు. రోజులో ఎప్పుడైనా తాగవచ్చని చెప్తున్నారు.

Also Read : వాతావరణం మారితే అల్లం-పసుపు టీ తాగండి.. మిరియాలు కూడా వేసి రోజూ తాగితే కలిగే లాభాలివే

వాము నీళ్లు.. గ్యాస్, అజీర్తికై

వామును వంటల్లోనే కాకుండా.. ఇంటి చిట్కాల్లో కూడా ఉపయోగిస్తారు. వాములో ఉండే థైమాల్ అనే సమ్మేళనం కొన్ని జీర్ణ సంబంధిత లక్షణాలపై ప్రభావం చూపవచ్చు. అయితే వాము నీళ్లు తాగడం వల్ల గ్యాస్, కడుపు నొప్పి వెంటనే తగ్గుతాయని చెప్పే ఆధారాలు లేవు.

ఎవరు తాగితే మంచిది?

అజీర్తి, పొట్టలో అసౌకర్యం వంటి తేలికపాటి సమస్యలకు వామును ఉపయోగిస్తారు. అయితే తరచుగా ఇలాంటి సమస్యలు వస్తుంటే అసలు కారణాన్ని గుర్తించడం ముఖ్యం. అసిడిటీ, యాసిడ్ రిఫ్లక్స్ లేదా గ్యాస్ట్రైటిస్ ఉంటే వాము తీసుకున్నప్పుడు మంట పెరుగుతుంది. ప్రెగ్నెన్సీతో ఉన్నవారు అధిక మోతాదులో తీసుకోకూడదు.

Also Read : 7 రోజులు జీలకర్ర నీరు తాగితే ఏం అవుతుంది? తయారు చేసే విధానం, ఆరోగ్య ప్రయోజనాలివే

మెంతుల నీళ్లు.. మధుమేహ నియంత్రణకై..

మెంతుల్లో కరిగే ఫైబర్ ఉంటుంది. ఇది కార్బోహైడ్రేట్లు జీర్ణమయ్యే వేగాన్ని, గ్లూకోజ్ శోషణను ప్రభావితం చేయవచ్చు. అందుకే మధుమేహం లేదా ప్రీడయాబెటిస్ ఉన్నవారు మెంతులను ఆహారంలో చేర్చుకోవడంపై ఆసక్తి చూపుతుంటారు. మెంతులపై ఉన్న పరిశోధనల్లో చాలా వరకు మెంతుల గింజలు లేదా వాటి పొడిపై జరిగాయి. కాబట్టి ఆ రిజల్ట్స్ నానబెట్టిన నీటికి అప్లై చేయకూడదు.

ఎవరు తాగితే మంచిది?

రక్తంలో చక్కెర స్థాయులను నియంత్రించుకోవాల్సినవారు వైద్యుల సూచనలతో మెంతులను ఆహారంలో చేర్చుకోవచ్చు. ఫైబర్ తీసుకోవడం పెంచుకోవాలనుకునేవారికి కూడా మంచిది కావచ్చు. మలబద్ధకం ఉన్నవారు తగినంత నీరు, ఫైబర్ ఉన్న ఆహారాన్ని తీసుకోవడం ద్వారా మంచి ప్రయోజనం పొందవచ్చు. మెంతులను నీటిలో రాత్రంతా నానబెట్టి ఉదయం తీసుకోవచ్చు.

ఈ మూడు డ్రింక్స్లో ఏది బెటర్?

ఈ మూడు డ్రింక్స్ ఆరోగ్యానికి మంచి ప్రయోజనాలు అందిస్తాయి. మీ సమస్యలకు అనుగుణంగా వీటిని మీ రొటీన్లో చేర్చుకోవాలి. ఈ పానీయాలు రోజూ తాగాల్సిన అవసరం లేదు. సాధారణ పరిమాణంలో వంటల్లో కూడా వీటిని ఉపయోగించుకోవచ్చు. అధిక మోతాదులో తీసుకోవడం, ఆరోగ్య సమస్యలకు చికిత్సగా భావించడం మాత్రం సరైంది కాదు.

Also Read : ఇంట్లోనే ఊపిరితిత్తులను డీటాక్స్ చేసుకోండిలా.. ప్రతీరోజూ వీటిని తాగితే లంగ్స్కి మంచిదట

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Fenugreek Water 21 Days : 21 రోజులు మెంతుల నీరు తాగితే శరీరంలో జరిగే మార్పులు ఇవే.. పరిశోధనలు ఏం చెబుతున్నాయంటే

Geddam Vijaya Madhuri — Sat, 10 Oct 2026 07:00:58 +0530

Fenugreek Water 21 Days Benefits and Side Effects : మెంతులు లేని వంటగది ఉండటం కష్టమే. అంతగా వీటిని వంటల్లో, వివిధ ఆరోగ్య ప్రయోజనాల కోసం వినియోగిస్తారు. పప్పులు, కూరల్లో రుచి కోసం వాడే ఈ చిన్న గింజలను కొందరు రాత్రంతా నీటిలో నానబెట్టి ఉదయం ఖాళీ కడుపుతో తాగుతుంటారు. ఇలా చేస్తే షుగర్ నియంత్రణలో ఉంటుందని.. జీర్ణక్రియ మెరుగుపడుతుందని.. బరువు తగ్గొచ్చని నమ్ముతారు. మరి 21 రోజుల పాటు మెంతుల నీరు తాగితే శరీరంలో ఎలాంటి మార్పులు జరుగుతాయో ఇప్పుడు చూసేద్దాం.

షుగర్ స్థాయులపై ప్రభావం

మెంతులపై జరిగిన అనేక పరిశోధనల్లో షుగర్ కంట్రోల్పై మంచి ఫలితాలు వచ్చాయి. వీటిలోని ఫైబర్, ఇతర సహజ సమ్మేళనాలు గ్లూకోజ్ శరీరంలో శోషించుకునే విధానంపై ప్రభావం చూపించడమే దీనికి కారణం. 2023లో మెడిసిన్ జర్నల్‌లో పబ్లిష్ అయిన Effect of Fenugreek on Hyperglycemia: A Systematic Review and Meta Analysis అధ్యయనంలో మెంతులు తీసుకోవడం వల్ల రక్తంలో చక్కెర నియంత్రణకు కొంత ప్రయోజనం ఉందని తేలింది. ఈ పరిశోధనలో 894 మందిపై14 క్లినికల్ ట్రయల్స్‌ చేశారు.

Also Read : మెంతులు నానబెట్టి తాగాలా? మరిగించి తీసుకుంటే ఇంకా మంచిదా? నిపుణుల సలహాలు ఇవే

జీర్ణక్రియలో మార్పులు

మెంతుల్లో ఫైబర్ ఉంటుంది. తగినంత ఫైబర్ తీసుకోవడం సాధారణంగా పేగుల పనితీరుకు, మల విసర్జన సక్రమంగా జరగడానికి సహాయపడుతుంది. అయితే మెంతుల నీటిని మాత్రమే తాగితే.. ఫైబర్ ఎక్కువ అందుతుందని చెప్పలేము. అయితే కొందరిలో మెంతులు తీసుకోవడం వల్ల కడుపు ఉబ్బరం, విరేచనాలు, వికారం వంటి సమస్యలు కూడా రావచ్చు.

బరువు తగ్గడానికై..

ఉదయాన్నే ఖాళీ కడుపుతో మెంతుల నీరు తాగితే పొట్ట కొవ్వు కరిగిపోతుందని అనేక ప్రచారాలు కనిపిస్తుంటాయి. కానీ మెంతుల నీరు ఒక్కటే శరీర కొవ్వును తగ్గిస్తుందని లేదా 21 రోజుల్లో బరువు తగ్గిస్తుందని చెప్పడానికి తగిన ఆధారాలు లేవు. 2023లో జరిగిన The Effect of Fenugreek in Type 2 Diabetes and Prediabetes అధ్యయనంలో బ్లడ్ షుగర్లో కొన్ని ప్రయోజనాలు కనిపించినప్పటికీ.. బాడీ మాస్ ఇండెక్స్లో గణనీయమైన మార్పులు కనిపించలేదు. అందువల్ల బరువు తగ్గాలనుకునేవారు కేవలం దీనిపై ఆధారపడకూడదు.

Also Read : మెంతులు, అవిసె గింజలు, బియ్యంతో హెయిర్ ప్యాక్.. జుట్టు బలంగా, పొడవుగా పెరగడానికి ట్రై చేసేయండి

బాడీ డీటాక్స్

మెంతుల నీటిని 21 రోజులు తాగితే శరీరంలోని విష పదార్థాలు బయటకు వెళ్లిపోతాయని కొందరు చెబుతుంటారు. అయితే దీనికి కూడా బలమైన శాస్త్రీయ ఆధారాలు లేవు. శరీరంలోని వ్యర్థ పదార్థాలను తొలగించడంలో కాలేయం, మూత్రపిండాలు కీలక పాత్ర పోషిస్తాయి. తగినంత నీరు తాగడం, పోషకాహారం తీసుకోవడం, నిద్రకు ప్రాధాన్యం ఇవ్వడం మంచిది.

కొలెస్ట్రాల్‌ తగ్గుతుందా?

మెంతుల గింజలు రక్తంలోని చక్కెరతో పాటు కొలెస్ట్రాల్ వంటి ఇతర ఆరోగ్య సూచికలపై ఎలాంటి ప్రభావం చూపుతాయో కూడా పరిశోధకులు అధ్యయనం చేశారు. కొన్ని టెస్ట్ల్లో మొత్తం కొలెస్ట్రాల్, LDL కొలెస్ట్రాల్ స్థాయుల్లో మార్పులు కనిపించాయి. అయితే ఈ అధ్యయనాలు ప్రధానంగా మెంతుల గింజలు లేదా సప్లిమెంట్లను పరిశీలించాయి. వాటి ఫలితాలను నానబెట్టిన నీరు తాగితే వస్తుందని చెప్పలేము.

Also Read : మెంతులు, కొబ్బరిపాలతో హెయిర్ మాస్క్.. జుట్టు పలుచగా ఉంటే తప్పక ట్రై చేయండి

మెంతుల నీరు ఎవరు తాగాలి?

మెంతులను రెగ్యులర్ డైట్లో తీసుకోవడం సురక్షితమే. కానీ ఎక్కువ మోతాదులో తీసుకుంటే విరేచనాలు, వికారం వంటి సమస్యలు రావచ్చు. కొందరిలో అలర్జీ ప్రతిచర్యలు కూడా సంభవించవచ్చు. మధుమేహం కోసం మందులు లేదా ఇన్సులిన్ తీసుకునేవారు జాగ్రత్తగా ఉండాలి. గర్భిణులు కూడా మోతాదుకు మించి మెంతులను తీసుకోకూడదు.

Also Read : మెంతులు, మందారంతో హెయిర్ ఆయిల్.. జుట్టు సమస్యలు దూరం చేసుకునేందుకు ఇంట్లో ప్రిపేర్ చేసుకోండిలా

21 రోజులు తాగితే

మెంతుల నీటిని 21 రోజులు తాగితే షుగర్ తగ్గడం, బరువు తగ్గడం, శరీరం డిటాక్స్ కావడం వంటి మార్పులు తప్పనిసరిగా జరుగుతాయని చెప్పలేము. ఎందుకంటే మెంతులపై జరిగిన అధ్యయనాల్లో ఉపయోగించిన మోతాదులు, తయారీ విధానాలు వాటి ఫలితాలు కూడా ఒకేలా లేవు.

మీరు మెంతుల నీటిని రోజూ తాగాలనుకుంటే.. దాన్ని హెల్తీ డ్రింక్గా రోజువారీ డైట్లో తీసుకోవచ్చు. సమతుల్య ఆహారం, రోజువారీ నడక, తగినంత నిద్రకు ప్రాధాన్యం ఇస్తూ వీటిని తీసుకుంటే మంచి ఫలితాలు చూడవచ్చు. అలాగే ఆరోగ్య సమస్యలకు ప్రత్యామ్నాయంగా చూడకుండా వైద్యుల సలహాలు తీసుకోవాలి.

Also Read : జుట్టు, స్కిన్, ఆరోగ్యానికి మెంతులు మంచివే అయినా.. కొందరు వీటిని తినకూడదట, ఎందుకంటే?

Coriander Seed Water : ధనియాల నీరు రోజూ తాగితే గ్యాస్, కడుపు ఉబ్బరం తగ్గుతుందా? జీర్ణక్రియపై ఎలాంటి ప్రభావం ఉంటుంది?

Geddam Vijaya Madhuri — Fri, 9 Oct 2026 17:53:38 +0530

Castor Oil For Belly Button : రాత్రుళ్లు బొడ్డు దగ్గర ఆముదం రాసుకుని పడుకుంటే ఏం జరుగుతుంది? ఈ విషయాలు తెలుసుకోండి

Geddam Vijaya Madhuri — Thu, 8 Oct 2026 22:34:57 +0530

Amla Benefits : రోజుకో ఉసిరికాయ తింటే కలిగే లాభాలు.. ఉదయాన్నే తినాలా? రోజులో ఎప్పుడైనా తినొచ్చా?

Geddam Vijaya Madhuri — Thu, 8 Oct 2026 07:37:56 +0530

Eating One Amla Daily : ఉసిరికాయను ఆయుర్వేదంలో ఎన్నో ఏళ్లుగా ఉపయోగిస్తున్నారు. పుల్లగా, వగరుగా ఉండే ఉసిరికాయలో విటమిన్ సి, ఫైబర్, యాంటీఆక్సిడెంట్లు వంటి పోషకాలు ఉంటాయి. అందుకే రోజువారీ ఆహారంలో ఉసిరికాయను చేర్చుకోవడం వల్ల కొన్ని ఆరోగ్య ప్రయోజనాలు పొందవచ్చని చెప్తారు. అయితే రోజులో ఏ సమయంలో తింటే ఎక్కువ ప్రయోజనం కలుగుతుంది? ఉదయాన్నే తినాలా? దీనివల్ల కలిగే లాభాలు ఏంటో ఇప్పుడు తెలుసుకుందాం.

ఉసిరికాయలోని పోషకాలు

ఉసిరికాయలో విటమిన్ సి, ఫైబర్, పాలీఫెనాల్స్ వంటి యాంటీఆక్సిడెంట్ సమ్మేళనాలు ఉంటాయి. ఇవి శరీరాన్ని ఆక్సిడేటివ్ స్ట్రెస్ నుంచి రక్షించడంలో సహాయపడతాయి. అందుకే ఉసిరికాయను పరిమిత మోతాదులో తీసుకోవచ్చు. రోజూ ఓ ఉసిరికాయ తింటే కలిగే ప్రయోజనాలు ఏంటో చూసేద్దాం.

Also Read : ప్రతిరోజూ ఉదయాన్నే జామపండు తింటే కలిగే లాభాలివే.. షుగర్ నుంచి గుండె ఆరోగ్యం వరకు

ఇమ్యూనిటీ బూస్టర్

ఉసిరికాయలో విటమిన్ సి, యాంటీఆక్సిడెంట్లు రోగనిరోధక శక్తి పనితీరుకు మద్దతు ఇవ్వవచ్చు. దీనివల్ల సీజనల్ వ్యాధులను దూరం చేసుకోవచ్చు.

మెరుగైన జీర్ణక్రియ

ఉసిరికాయలో ఉండే ఫైబర్ జీర్ణవ్యవస్థకు మేలు చేస్తుంది. రోజువారీ ఆహారంలో తగినంత ఫైబర్ తీసుకోవడం మలబద్ధకం వంటి సమస్యలను నియంత్రించడంలో సహాయపడుతుంది.

Also Read : ఉదయాన్నే 2 నానబెట్టిన అంజీర్ తింటే.. మలబద్ధకం నుంచి బరువు తగ్గడం వరకు ఎన్నో లాభాలు

చర్మ ఆరోగ్యానికై

విటమిన్ సి కొల్లాజెన్ తయారీలో కీలక పాత్ర పోషిస్తుంది. అందువల్ల విటమిన్ సి ఉన్న ఆహారాలను తీసుకోవడం చర్మం సాధారణ ఆరోగ్యానికి మద్దతు ఇస్తుంది.

ఆక్సిడేటివ్ స్ట్రెస్ కంట్రోల్

ఉసిరికాయలోని పాలీఫెనాల్స్, విటమిన్ సి వంటి సమ్మేళనాలు యాంటీఆక్సిడెంట్ లక్షణాలను కలిగి ఉంటాయి. ఇవి శరీరంలోని ఫ్రీ రాడికల్స్ వల్ల కలిగే ఆక్సిడేటివ్ స్ట్రెస్‌ను ఎదుర్కోవడంలో సహాయపడతాయి.

Also Read : జీర్ణ సమస్యలకు చెక్ పెట్టాలంటే జీలకర్ర డ్రింక్ ట్రై చేయండి.. ఉదయాన్నే తాగితే ఎన్నో లాభాలు

గుండె ఆరోగ్యానికై

ఉసిరికాయలోని కొన్ని బయోయాక్టివ్ సమ్మేళనాలు.. కొలెస్ట్రాల్, ఇతర కార్డియోమెటబాలిక్ సూచికలపై మంచి ప్రభావం చూపవచ్చని పరిశోధనలు చెప్తున్నాయి. కాబట్టి గుండె సమస్యలు ఉన్నవారు వైద్యుల సూచనలతో పరిమిత మోతాదులో తీసుకోవచ్చు.

మధుమేహం

ఉసిరికాయలోని ఫైబర్, తక్కువ కేలరీలు సమతుల్య ఆహారంలో మంచి ప్లేస్ తీసుకుంటాయి. ఇది మధుమేహాన్ని కంట్రోల్ చేయడంలో హెల్ప్ చేస్తాయి. అయితే షుగర్ తగ్గించుకోవడానికి కేవలం దీనిపై ఆధారపడకూడదు.

Also Read : ఉదయాన్నే నానబెట్టిన బాదం తింటే ఆరోగ్యానికి, అందానికి కలిగే లాభాలు ఏంటి? రోజుకు ఎన్ని తినాలి?

ఉదయాన్నే ఉసిరికాయ తింటే

ఉసిరికాయను ఉదయాన్నే ఖాళీ కడుపుతోనే తినాలి అనే నియమం లేదు. కొందరికి పుల్లటి ఆహారాన్ని ఖాళీ కడుపుతో తీసుకుంటే అసిడిటీ, కడుపులో మంట లేదా అసౌకర్యం కలగవచ్చు. అలాంటి వారు బ్రేక్ఫాస్ట్ తర్వాత లేదా భోజనంతో పాటు తీసుకోవచ్చు. ఆరోగ్యకరమైన వ్యక్తులు రోజులో ఏ సమయంలోనైనా ఉసిరికాయను తినవచ్చు.

ఎవరు తినకూడదంటే..

ఉసిరికాయ తిన్న తర్వాత కడుపులో మంట, అసిడిటీ, విరేచనాలు లేదా ఇతర అసౌకర్యం కలిగితే మోతాదును తగ్గించాలి లేదా తినడం ఆపాలి. మధుమేహం కోసం మందులు వాడేవారు లేదా ఇతర ఆరోగ్య సమస్యలు ఉన్నవారు రోజువారీగా ఎక్కువ మొత్తంలో ఉసిరికాయ తీసుకోకపోవడమే మంచిది.

Also Read : నోరూరించే ఉసిరి పచ్చడి రెసిపీ.. వేడి వేడి అన్నంలో వేసుకుని నెయ్యితో తింటే ఉంటాది..

Cardamom Benefits : ఉదయాన్నే ఒక్క ఇలాచీ తింటే ఏమవుతుంది? జీర్ణక్రియ నుంచి నోటి ఆరోగ్యం వరకు

Geddam Vijaya Madhuri — Mon, 5 Oct 2026 20:27:23 +0530

Curry Leaf Water : ఉదయాన్నే కరివేపాకు నీరు తాగుతున్నారా? అయితే ఆరోగ్యానికి కలిగే ప్రయోజనాలు ఇవే

Geddam Vijaya Madhuri — Thu, 24 Sep 2026 23:11:08 +0530

Cinnamon Honey Remedy : కీళ్ల నొప్పితో బాధపడుతున్నారా? దాల్చిన చెక్క, తేనెతో ఇలా చేసి చూడండి

Geddam Vijaya Madhuri — Wed, 23 Sep 2026 21:23:38 +0530

Ginger Turmeric Tea : వాతావరణం మారితే అల్లం-పసుపు టీ తాగండి.. మిరియాలు కూడా వేసి రోజూ తాగితే కలిగే లాభాలివే

Geddam Vijaya Madhuri — Fri, 18 Sep 2026 09:49:07 +0530

Ginger Turmeric Tea Benefits : వాతావరణంలో మార్పులు ఎక్కువగా ఉంటే.. సీజనల్ ఇన్ఫెక్షన్ల ప్రమాదం కూడా పెరుగుతుంది. ఇమ్యూనిటీ తగ్గి.. దగ్గు, జలుబు, జ్వరం వంటి సమస్యలు వస్తాయి. అందుకే చాలా మంది కొన్ని సహజమైన, హెల్తీ డ్రింక్స్ తమ రొటీన్లో చేర్చుకుంటారు. వాతావరణానికి అనుగుణంగా శరీరాన్ని వెచ్చగా ఉంచి, మంచి అనుభూతిని కలిగించే పానీయాలు ఇంట్లోనే చేసుకుంటారు. వాటిలో అల్లం, పసుపుతో చేసే టీ ఒకటి.

తాజా అల్లం, పసుపు, నల్ల మిరియాలు, నిమ్మకాయతో ఈ టీని తయారు చేస్తారు. ఓ రకంగా చెప్పాలంటే దీనిని ఔషదంగా, వివిధ ఆరోగ్య సమస్యలను దూరం చేసుకునేందుకు తీసుకుంటారు. దీనిలోని సహజమై రుచి సీజన్ మారే సమయంలో అద్భుతమైన మూలికా పానీయంగా పని చేస్తుంది. మరి అల్లం, పసుపు టీ తాగడం వల్ల ఆరోగ్యానికి కలిగే ప్రయోజనాలు ఏంటో.. దానిని ఎలా తయారు చేసుకోవాలో చూసేద్దాం.

Also Read : బరువు తగ్గడానికి హెల్ప్ చేసే హెర్బల్ టీలు.. టాప్ 5 ఇవే

అల్లం-పసుపు టీ తయారీ..

అల్లం-పసుపు టీ.. సాధారణ పాల టీకి భిన్నంగా ఉంటుంది. దీనిలో టీ పౌడర్, పాలు, పంచదారకు బదులుగా.. తాజా అల్లం, పసుపు, నల్ల మిరియాలు, నిమ్మకాయను ఉపయోగిస్తారు. ఈ హెర్బల్ టీ కోసం గిన్నెలో నీటిని తీసుకుని.. తక్కువ మంట మీద ఉంచుతారు. దానిలో అల్లం, పసుపు, నల్లమిరియాలు వేస్తారు. అవి మరిగించిన తర్వాత వడకట్టి ఆ నీటిలో నిమ్మరసం కలిపి తాగుతారు. ఇది ప్రత్యేకమైన రుచిని, సువాసనను అందిస్తుంది.

మీరు ఈ అల్లం-పసుపు టీలో రుచికోసం తేనెను కూడా ఉపయోగించవచ్చు. కావాలనుకుంటే తాజా తులసి ఆకులను కూడా కలుపుకోవచ్చు. టీ తయారైన తర్వాత ఎల్లప్పుడూ నిమ్మరసం కలపండి. అలాగే టీని ఎక్కువగా పెట్టుకోకుండా.. ఎల్లప్పుడూ తాజాగా చేసుకుని తాగితే మంచిది.

Also Read : మధుమేహాన్ని, కీళ్లనొప్పులను దూరం చేసే హెర్బల్ టీ.. దీనిని ఎలా తయారు చేయాలంటే

అల్లం-పసుపు టీ ప్రయోజనాలు..

అల్లంలోని జింజెరోల్, పసుపులో కర్కుమిన్.. రెండూ యాంటీఆక్సిడెంట్, యాంటీ ఇన్ఫ్లమేటరీ గుణాలు కలిగి ఉంటాయి. ఇవి రెండూ కలిసి రోగనిరోధక శక్తి, జీర్ణక్రియ, శ్వాసకోశ సమస్యలు, కీళ్ల ఆరోగ్యానికి మేలు చేస్తాయి. ఈ టీలో ఉపయోగించే నల్ల మిరియాలు కర్కుమిన్ శోషణను మెరుగుపరచడంలో సహాయపడతాయి. అల్లం జీర్ణక్రియకు తోడ్పడుతుంది. వికారం, కడుపు ఉబ్బరం, తేలికపాటి గొంతు చికాకు నుంచి ఉపశమనం అందిస్తుంది.

మిల్క్ టీలో టీ ఆకులు, పాలు, తరచుగా చక్కెరను ఉపయోగిస్తారు. అయితే అల్లం-పసుపు టీ ఓ హెర్బల్ డ్రింక్. కాబట్టి ఇది సహజంగా కెఫిన్ రహితమైనది. కెఫిన్ వినియోగాన్ని తగ్గించుకోవాలనుకునే వారికి ఇది మంచి ఎంపికగా చెప్తారు. పైగా ఈ టీలో కేలరీలు చాలా తక్కువగా ఉంటాయి. బరువు తగ్గాలనుకునేవారు దీనిని తమ రోజూవారీ డైట్లో చేర్చుకోవచ్చు.

Also Read : టీ పర్ఫెక్ట్గా రావాలంటే ముందుగా పాలు వేయాలా? లేదా నీళ్లా? బెస్ట్ టేస్ట్ కోసం ఈ పద్ధతి ట్రై చేయండి

Cumin Water Benefits : 7 రోజులు జీలకర్ర నీరు తాగితే ఏం అవుతుంది? తయారు చేసే విధానం, ఆరోగ్య ప్రయోజనాలివే

Geddam Vijaya Madhuri — Wed, 9 Sep 2026 05:55:57 +0530

Cumin Water Daily : వంటింట్లో తరచుగా ఉపయోగించే మసాలా దినుసుల్లో జీలకర్ర ఒకటి. అయితే జీలకర్రను కేవలం వంటల్లోనే కాకుండా.. నీటిలో నానబెట్టి లేదా మరిగించి తీసుకునే అలవాటు చాలామందికి ఉంటుంది. ముఖ్యంగా ఉదయాన్నే ఖాళీ కడుపుతో జీలకర్ర నీరు తాగితే జీర్ణక్రియ మెరుగుపడుతుందని.. ఉబ్బరం తగ్గుతుందని చాలామంది నమ్ముతారు. మరి జీలకర్ర నీటితో కలిగే లాభాలు ఏంటి.. ఎలా తాగితే మంచిదో చూసేద్దాం.

జీలకర్రలో థైమోల్ సహా కొన్ని మొక్కల సమ్మేళనాలు, యాంటీఆక్సిడెంట్లు ఉంటాయి. ఇవి జీర్ణక్రియకు కొంత మద్దతు ఇవ్వవచ్చని పరిశోధనలు సూచిస్తున్నాయి. అయితే 7 రోజులు లేదా వారం రోజుల్లోనే అన్ని ఆరోగ్య సమస్యలు నయమవుతాయని చెప్పే ఆధారాలు లేవు. అలాగే శరీరం పూర్తిగా డీటాక్స్ అవుతుందని కూడా చెప్పలేము. కానీ శరీరానికి ఎలాంటి ప్రయోజనాలు అందుతాయో మాత్రం చూసేద్దాం.

జీలకర్ర నీరు తయారీ..

ఒక గ్లాసు నీటిని తీసుకోవాలి. అందులో 1 టీస్పూన్ జీలకర్ర వేసి రాత్రంతా నానబెట్టాలి. ఉదయాన్నే ఆ నీటిని వడకట్టి తాగవచ్చు. లేదా ఒక గ్లాసు నీటిలో జీలకర్ర వేసి కొన్ని నిమిషాలు మరిగించి, గోరువెచ్చగా అయిన తర్వాత తాగవచ్చు. అయితే జీలకర్ర నీటిని కేవలం ఖాళీ కడుపుతో తీసుకోవాలని ఏమి లేదు. మీ భోజనం తర్వాత కూడా ఎప్పుడైనా తీసుకోవచ్చు.

వారం రోజులు జీలకర్ర నీరు తాగితే కలిగే లాభాలు

జీలకర్రలోని కొన్ని సహజ సమ్మేళనాలు జీర్ణక్రియకు మద్దతు ఇవ్వవచ్చని పరిశోధనలు సూచిస్తున్నాయి. దీనివల్ల భోజనం జీర్ణం కావడంలో కొంత మంచి ఫలితాలు ఉంటాయి. అలాగే కొందరికి జీలకర్ర తీసుకోవడం వల్ల గ్యాస్, కడుపు ఉబ్బరం వంటి తేలికపాటి జీర్ణ సమస్యల నుంచి ఉపశమనం లభించవచ్చు. భోజనం తర్వాత కడుపు బరువుగా లేదా అసౌకర్యంగా అనిపించే వారికి జీలకర్ర నీరు ఒక తేలికపాటి పానీయంగా ఉపయోగపడవచ్చు. కానీ తరచుగా అజీర్ణం ఉంటే వైద్య సహాయం తీసుకోవాలి.

Also Read : జీర్ణక్రియ నుంచి వెయిట్ లాస్ వరకు.. జీలకర్ర మంచిదా? సోంపు మంచిదా? రెండింటి మధ్య తేడాలు ఇవే

బరువు తగ్గుతారా?

జీలకర్రలో యాంటీఆక్సిడెంట్ లక్షణాలు కలిగిన కొన్ని మొక్కల సమ్మేళనాలు ఉంటాయి. ఇవి శరీరంలోని ఆక్సిడేటివ్ స్ట్రెస్‌ను తగ్గించడంలో హెల్ప్ చేస్తాయి. జీలకర్ర నీరు స్వయంగా కొవ్వును కరిగించే లేదా బరువును వేగంగా తగ్గించే పానీయం కాదు. కానీ టీ, కాఫీలు లేదా షుగర్ డ్రింక్స్ బదులుగా దీనిని తీసుకుంటే బరువు తగ్గడంలో సహాయపడవచ్చు.

డయాబెటిస్ ఉంటే..

జీలకర్రలోని కొన్ని సమ్మేళనాలు రక్తంలో చక్కెర నియంత్రణపై ప్రభావం చూపుతాయా అనే దానిపై పరిశోధనలు ఇంకా జరుగుతున్నాయి. అయితే జీలకర్ర నీరు డయాబెటిస్‌కు చికిత్స అని చెప్పడానికి తగిన ఆధారాలు లేవు. డయాబెటిస్ మందులు వాడేవారు వాటిని ఆపి జీలకర్ర నీటిపై ఆధారపడకూడదు. రొటీన్లో భాగంగా తగిన మోతాదులో తీసుకోవాలి.

Also Read : ఉదయాన్నే జీలకర్ర నీరు తాగితే మంచిదా? చియా సీడ్స్ నీరు తాగితే బరువు తగ్గుతారా? ఏది బెస్ట్

రోజూ ఎంత తాగాలి?

సాధారణంగా ఒక గ్లాసు నీటిలో సుమారు 1 టీస్పూన్ జీలకర్ర వేసుకుని తయారు చేసుకున్న నీటిని తీసుకోవచ్చు. అయితే ఎక్కువగా తాగితే ఎక్కువ ప్రయోజనాలు వస్తాయి అనుకోకూడదు. అలాగే 7 రోజులు తాగినంత మాత్రాన ప్రత్యేకమైన మార్పులు కనిపిస్తాయని చెప్పలేం. రెగ్యులర్గా తీసుకుంటూ.. ఆరోగ్యంపై ప్రభావం చూపే మొత్తం ఆహారం, వ్యాయామం, నిద్ర, జీవనశైలి వంటి అనేక అంశాలు మీ పూర్తి ఆరోగ్యానికి హెల్ప్ చేస్తాయి.

Also Read : ఉదయాన్నే జీలకర్ర నీళ్లు తాగితే కలిగే లాభాలు.. వేసవిలో ఈ ప్రయోజనాల కోసం తాగేయండి