Fact Check: కన్న తండ్రి ప్రాధేయపడినా ప్రియుడితో వెళ్లిపోతున్న కూతురు? వైరల్ న్యూస్‌లో నిజమెంత

Indian Railways Ticket Booking: జనరల్ టికెట్స్ విషయంలో ఆ వార్త నమ్మొద్దు.. క్లారిటీ ఇచ్చిన రైల్వేశాఖ

Vijaya Sarathi — Sat, 20 Dec 2025 16:50:09 +0530

రెండు రోజులుగా సోషల్ మీడియాలో, కొన్ని మీడియా సంస్థల్లోనూ వస్తున్న వార్త రైల్వే ప్రయాణికులను కలవరపెట్టింది. అదేంటంటే ఇకపై ఎవరైనా ఆన్ లైన్ లో జెనరల్ టికెట్స్ తీసుకుంటే వాటిని ప్రింట్ ఔట్ తీసుకుని దగ్గర ఉంచుకోవాలని లేకుంటే చెల్లవు అన్నట్టు ఒక వార్త వైరల్ అయింది. అంటే మనం UTS లాంటి ఆన్లైన్ APP నుండి జెనరల్ టికెట్ బుక్ చేసుకున్నా వాటిని ప్రింట్ ఔట్ తీసుకుని ట్రైన్ ఎక్కాల్సిందే అంటూ వార్తలు వచ్చాయి. దానితో రైల్వే ప్రయాణికులు ఈ కొత్త రూల్ ఏంటీ అంటూ డౌట్ లో పడ్డారు. అయితే దీనిపై రైల్వే డిపార్ట్మెంట్ క్లారిటీ ఇచ్చింది.

అలాంటి నిర్ణయం ఏదీ తీసుకోలేదు : రైల్వే డిపార్ట్మెంట్

జెనరల్ టికెట్స్ విషయం లో ప్రస్తుతానికి అలాంటి నిర్ణయం ఏదీ తీసుకోలేదని రైల్వే డిపార్ట్మెంట్ స్పష్టత ఇచ్చింది. డిజిటల్ జెనరల్ టికెట్ బుక్ చేసుకున్న ప్రయాణికులు మొబైల్ ల్లో టికెట్ చూపిస్తే సరిపోతోంది. టికెట్ కౌంటర్ లో తీసుకున్న ప్రయాణికులు మాత్రం టమ టికెటట్ ను ప్రయాణంలో తమ వెంట ఉంచుకోవాల్సిందే అని తెలిపింది రైల్వే డిపార్ట్మెంట్.

రోజూ జనరల్ లో ప్రయాణం చేసే చాలామంది ఈరోజుల్లో సమయం కలిసి రావడం కోసం UTS లాంటి డిజిటల్ ప్లాట్ ఫామ్ ద్వారా ఫోన్ లోనే జెనరల్ టికెట్ బుక్ చేస్తున్నారు. అలాంటి వారికి ఈమధ్య వచ్చిన ఫేక్ న్యూస్ షాక్ ను కలిగించింది. దానిపై రైల్వే డిపార్ట్మెంట్ ఇచ్చిన క్లారిటీ వారికి ఊరట కలిగించింది. UTS లో టికెట్ బుక్ చేసుకున్న జెనరల్ బో్గీ ప్రయాణికులు మొబైల్ లో టికెట్ చూపిస్తే సరిపోతుంది.

సంక్రాంతి కి 600 ప్రత్యేక రైళ్లు: దక్షిణ మధ్య రైల్వే

పండుగ రద్దీని పురస్కరించుకొని ఇప్పటికే 100 కు ప్రత్యేక రైళ్లను నడిపిస్తోంది రైల్వే డిపార్ట్మెంట్. సంక్రాంతి దగ్గరకు వచ్చే సరికి ఈ సంఖ్య ను 600 వరకూ పెంచుతామని హైదరాబాద్ లోని వివిధ స్టేషన్ లనుండి తెలుగు ప్రయాణికుల కోసం ఈ ఏర్పాట్లు చేస్తున్నట్టు SCR రైల్వే అధికారులు తెలిపారు. వాటికి సంబందించిన టైమింగ్స్ ఎప్పటికప్పుడు ప్రయాణికులకు తెలియజేస్తామని వారు తెలిపారు.

Fact Check: భార్య ఆనందాన్నిచ్చే ఆటబొమ్మ...! జగద్గురు రాంభద్రాచార్య చేసిన వ్యాఖ్యల్లో నిజమెంత?

Shankar Dukanam — Fri, 28 Nov 2025 09:12:40 +0530

లక్నో: ఒక్కోసారి ఎంత పెద్ద పెద్ద హోదాలో ఉన్నా వారు చేసే వ్యాఖ్యలతో వివాదంలో చిక్కుకుంటారు. అందుకే నోరు మంచిదైతే ఊరు మంచిదవుతుంటారు. సమాజంలో మార్పు రావాలని కోరుకోవడం కాదు, ముందు మనం మారాలి. ఆ తరువాత సమాజంలో మార్పు కోసం ప్రయత్నించాలని ఎందరో గొప్పవారు సూచించారు. అయితే ప్రముఖ ఆధ్యాత్మిక గురువు జగద్గురు రాంభద్రాచార్యకు సంబంధించిన వీడియో ఒకటి వైరల్ అవుతోంది. ఇందులో ఆయన భార్యలను ఇంగ్లీషులో వైఫ్ అని పిలవడంపై ఫన్నీగా చేసిన వ్యాఖ్యలు హాట్ టాపిక్ అవుతున్నాయి. ఆయన భార్యలను ఆనందాన్ని పంచే ఓ ఆటబొమ్మ అని సంచలన వ్యాఖ్యలు చేసినట్లుగా కనిపిస్తోంది.

ఆధ్యాత్మికవేత్త రాంభద్రాచార్య మహిళలపై చేసిన వ్యాఖ్యలు సోషల్ మీడియాలో వైరల్ అవుతున్నాయి. ఆయన మాట్లాడిన వీడియో ఎక్కడిది, ఎప్పటిదో క్లారిటీ లేదు. కానీ ఆయన చేసిన వ్యాఖ్యలపై నెటిజన్లు, అందులోనూ ముఖ్యంగా మహిళలు మండిపడుతున్నారు. తమ ప్రాణాలు పణంగా పెట్టి ఓ బిడ్డను భూమి మీదకు తెచ్చేందుకు సిద్ధపడే మహిళలపై ఇలాంటి వ్యాఖ్యలు చేయడం సరికాదని సూచిస్తున్నారు.

రాంభద్రాచార్య WIFE నిర్వచనంపై వివాదం

ఆ వైరల్ వీడియోలో ఆధ్యాత్మిక గురువు రాంభద్రాచార్య మాట్లాడుతూ, "వైఫ్ ఎంత ప్రమాదకరం.. వైఫ్ WIFE మొదటి అక్షరం ఏమిటో మీకు తెలుసు. వివాహితులకు బాగా తెలుసు, అందుకే వారినే అడుగుతున్నాను. వైఫ్ మొదటి అక్షరం ఏమిటి ఇంగ్లీషులో..? అవివాహితులు మాట్లాడకూడదు, గొడవ జరుగుతుంది, సాధువులు దీనిపై మాట్లాడకూడదు అన్నారు.

4097
ANALYSIS: Misleading

FACT:A clipped video of spiritual leader Rambhadracharya is being circulated with misleading claims suggesting that he made disrespectful remarks about women by referring to a wife as a “Wonderful Instrument For Enjoyment.” This claim is not true.(1/3) pic.twitter.com/YU9eLoil7V
— D-Intent Data (@dintentdata) November 27, 2025

‘మొదటి అక్షరం W- అంటే.. Wonderful, రెండవ అక్షరం I- అంటే instrument, F అంటే For, చివరగా నాల్గవ అక్షరం E అంటే Enjoy." ఆ తర్వాత ఆయన దీని పూర్తి రూపం ఏమిటని అడుగుతూ, 'Wonderful Instrument For Enjoy' అంటే ఆనందాన్ని ఇచ్చే ఓ పరికరం అని, సంతోషాన్నిచ్చే ఆటబొమ్మ అన్నట్లుగా రాంభద్రాచార్య చేసిన 'వైఫ్' నిర్వచనం తీవ్ర విమర్శలకు దారి తీసింది.

భర్తలో కలిసి యజ్ఞంలో పాల్గొనే భార్య

రాంభద్రాచార్య దీనికి కొనసాగింపుగా హిందూ ధర్మంలో భార్య అర్థాన్ని వివరిస్తూ, భార్య అంటే తన భర్తతో కలిసి యజ్ఞంలో పాల్గొనేది అని చెప్పారు. భార్య మన దగ్గర ఎప్పుడూ హనీమూన్ కోసం ఉండదు. మన దగ్గర చంద్రుడు ఎప్పుడూ తేనెలాగే ఉంటాడు. మన దగ్గర స్త్రీని అనుభవానికి, యోగానికి ఉపయోగిస్తారు" అని చెప్పినట్లు ఓ వీడియో సోషల్ మీడియాలో వైరల్ అవుతోంది. అయితే ఆ వీడియో ఎడిట్ చేసిందని, ఆయన అలాంటి మాటలు అనలేదని సైతం రాంభద్రాచార్యకు మద్దతు లభిస్తోంది.

అసలు నిజం ఏంటి..

జగద్గురు రాంభద్రాచార్య భారత మహిళలపై ఈ వ్యాఖ్యలు చేయలేదు. పాశ్చాత్య ప్రపంచం వివాహిత స్త్రీని భార్యగా ఎలా చూస్తుంది, భారత సంస్కృతి భార్యను ఎలా గౌరవిస్తుందో ఆయన వివరించారు. భర్తలో పలు పుణ్యకార్యాలు, గొప్ప పనులలో భారత్ లో భార్యలకు సముచిత స్థానం ఉంటుందంటూ సాంస్కృతిక దృక్పథాలను పోల్చి చెప్పారు. అయితే కొందరు ఆయన మాటలను ఉద్దేశపూర్వకంగా ఎడిట్ చేసి భార్య (మహిళలు)ను అవమానించేలా వ్యాఖ్యలు చేశారని ప్రచారం జరుగుతోంది.

వివాదాస్పద వ్యాఖ్యలతో వార్తల్లో నిలిచే రాంభద్రాచార్య

తన ప్రకటనల కారణంగా రాంభద్రాచార్య తరచుగా వార్తల్లో నిలుస్తారని తెలిసిందే. ఇంతకు ముందు మహిళలపై చేసిన వ్యాఖ్యల కారణంగా పలు సందర్భాల్లో ఆయన వివాదాల్లో చిక్కుకున్నారు. రాంభద్రాచార్య గతంలో ముస్లిం మహిళలపై కూడా వ్యాఖ్యలు చేశారు. ఇస్లాంలో మహిళల పరిస్థితి దారుణంగా ఉందని, వారు ఇష్టం ఉన్నా లేకున్నా పదుల సంఖ్యలో పిల్లలను కనవలసి వస్తుందని అన్నారు.

Fact Check: కేంద్రం 'ఉచితంగా ఎలక్ట్రిక్‌ సైకిళ్లు ఇస్తోందా? విద్యార్థుల ఆశలతో ఆడుకుంటున్న డిజిటల్ దుర్వినియోగం

Khagesh — Sat, 22 Nov 2025 07:08:48 +0530

Fact Check: సాంకేతికత రెండు వైపుల పదునున్న కత్తిలా మారింది. ఒకవైపు సమాచారాన్ని వేగంగా అందిస్తున్న డిజిటల్ వేదికలు, మరోవైపు అవాస్తవాలను, నకిలీ వార్తలను ఉధృతంగా వ్యాప్తి చేస్తున్నాయి. దేశంలోని విద్యార్థులు, వారి తల్లిదండ్రులను లక్ష్యంగా చేసుకుని, కేంద్ర ప్రభుత్వం పాఠశాలలకు వెళ్లే పిల్లలకు ఉచితంగా ఎలక్ట్రిక్ సైకిళ్లను అందిస్తోందనే ఒక నకిలీ ప్రచారం సోషల్ మీడియాలో విస్తృతంగా వ్యాప్తి చెందుతోంది. ఈ ప్రచారానికి మద్దతుగా, ప్రధానమంత్రి నరేంద్ర మోదీ ప్రసంగించినట్లుగా ఉన్న ఒక నకిలీ వీడియో కూడా వైరల్ అవుతోంది.

AI సృష్టించిన నకిలీ పథకం

కేంద్ర ప్రభుత్వం ఉచిత ఎలక్ట్రిక్ సైకిల్ పథకాన్ని ఏదీ ప్రారంభించలేదు. ఈ వైరల్ అయిన వీడియో, పోస్ట్‌లు పూర్తిగా అవాస్తవం. వైరల్ అవుతున్న వీడియోలో, "ఎన్డీఏ బిహార్ ఎన్నికల్లో గెలిచినందున, పాఠశాలకు వెళ్లే ప్రతి బిడ్డకు ఉచిత ఎలక్ట్రిక్ సైకిల్ ఇస్తున్నాం" అని ప్రధానమంత్రి మోడీ ప్రకటిస్తున్నట్లుగా కనిపిస్తోంది. ఇది వేల మంది ప్రజల దృష్టిని ఆకర్షించింది. నకిలీ వార్తలను వ్యాప్తి చేయడానికి ఉపయోగించిన ఈ వీడియో మూలాన్ని గుర్తించడానికి, జర్నలిస్టులు మరియు ఫ్యాక్ట్ చెకర్లు కీఫ్రేమ్‌లను ఉపయోగించి గూగుల్ రివర్స్ ఇమేజ్ సెర్చ్ నిర్వహించారు.

1. అసలు వీడియో సోర్స్‌: ఈ వీడియో వాస్తవానికి 2019, ఫిబ్రవరి 24న జరిగింది. ఉత్తరప్రదేశ్‌లోని గోరఖ్‌పూర్‌లో 'పీఎం కిసాన్ సమ్మాన్ నిధి యోజన ' ప్రారంభోత్సవం సందర్భంగా ప్రధానమంత్రి మోడీ చేసిన ప్రసంగం అది.

2. అసలు ప్రసంగం ఉద్దేశం: 2019 నాటి ఆ ప్రసంగంలో, ప్రధానమంత్రి ప్రధానంగా రైతులు, పీఎం-కిసాన్ పథకం, ఇతర వ్యవసాయ సంబంధిత కార్యక్రమాల గురించి మాత్రమే మాట్లాడారు. ఆ ప్రసంగంలో ఆయన ఎప్పుడూ 'ఉచిత ఎలక్ట్రిక్ సైకిల్' ప్రస్తావన తీసుకురాలేదు.

3. AI ద్వారా ఫోర్జరీ: వైరల్ వీడియోను మరింత లోతుగా విశ్లేషించినప్పుడు, రిసెంబుల్ ఏఐ, హియా (Hiya) వంటి అత్యాధునిక ఏఐ వాయిస్-డిటెక్షన్ టూల్స్‌ను ఉపయోగించారు. ఈ టూల్స్ ఇచ్చిన ఫలితాలు, ఆ వైరల్ వీడియోలోని ఆడియో ఏఐ-జనరేటెడ్‌గా సూచించాయి. అంటే, ప్రధానమంత్రి అసలైన వీడియో ఫుటేజ్‌కు, ఆర్టిఫిషియల్ ఇంటెలిజెన్స్ ద్వారా కొత్త, నకిలీ వాయిస్‌ను జోడించి డిజిటల్‌గా మార్చారు.

ఒకప్పుడు ఫేక్ న్యూస్ అంటే కేవలం ఫోటోషాప్ లేదా తప్పుడు టెక్స్ట్ మాత్రమే ఉండేది. కానీ ఇప్పుడు, ఏఐ సాయంతో ప్రభుత్వ ప్రముఖులు చెప్పని మాటలను చెప్పించినట్టుగా వీడియోలను సృష్టించడం అనేది డిజిటల్ మీడియా ఎదుర్కొంటున్న అతిపెద్ద సవాల్‌గా మారింది. ఇది డిజిటల్ ఫోర్జరీ పరాకాష్టను సూచిస్తుంది, ఇక్కడ తప్పుడు సమాచారం వ్యాప్తి చేసేవారు ఏఐని ఒక సాధనంగా ఉపయోగించి ప్రజలను తప్పుదోవ పట్టిస్తున్నారు.

పదేపదే తప్పుడు సమాచారాన్ని వ్యాప్తి చేసే ఇలాంటి వేదికల పట్ల మరింత జాగ్రత్తగా ఉండాలి. ఒక ప్రభుత్వ పథకం నిజంగా ప్రారంభమైతే, అది కొన్ని ప్రామాణిక మార్గాల ద్వారా మాత్రమే జరుగుతుంది:

1. ప్రెస్ ఇన్ఫర్మేషన్ బ్యూరో (PIB): ప్రభుత్వ పథకాలు పీఐబీ ద్వారా అధికారిక పత్రికా ప్రకటనల రూపంలో వెలువడతాయి.

2. మీడియా సంస్థలు: విశ్వసనీయ మీడియా సంస్థలు ఆ వార్తను రిపోర్ట్ చేస్తాయి.

3. మైస్కీమ్ పోర్టల్: భారత ప్రభుత్వ అధికారిక మైస్కీమ్ పోర్టల్‌లో ఆ పథకం వివరాలు అందుబాటులో ఉంటాయి.

ఈ పథకం గురించి పరిశీలన చేసినప్పుడు ఏ ఒక్క విశ్వసనీయ మీడియా కానీ, లేదా పీఐబీ / మైస్కీమ్ పోర్టల్‌లో కానీ ఎటువంటి సమాచారం లభించలేదు.

ఉచిత ఎలక్ట్రిక్ సైకిల్ పథకం అనేది అవాస్తవం అయినప్పటికీ, దేశంలో విద్యార్థులకు సహాయం చేయడానికి రాష్ట్ర ప్రభుత్వాలు కొన్ని కీలకమైన పథకాలను అమలు చేస్తున్నాయి.

1. ఉచిత సాధారణ సైకిళ్లు: భారతదేశంలో పలు రాష్ట్ర ప్రభుత్వాలు —అస్సాం, మధ్యప్రదేశ్, మహారాష్ట్ర, ఛత్తీస్‌గఢ్, రాజస్థాన్, తమిళనాడు ప్రభుత్వ పాఠశాలల్లో చదువుతున్న విద్యార్థులకు, ముఖ్యంగా బాలికలకు, ఉచిత సాధారణ సైకిళ్లను అందిస్తున్నాయి. ఈ పథకాలు సుదూర ప్రాంతాల నుంచి పాఠశాలకు వచ్చే బాలికలకు విద్య అందుబాటును మెరుగుపరచడానికి ఉద్దేశించినవి. ఇది ఒక సామాజిక-ఆర్థిక విలువను అందించే నిజమైన పథకం.

2. ఉచిత ఎలక్ట్రిక్ స్కూటర్లు: మధ్యప్రదేశ్ ప్రభుత్వం ఒక ప్రత్యేక పథకంలో భాగంగా, ప్రభుత్వ పాఠశాలల నుంచి ఉత్తీర్ణులైన మెరిట్ సాధించిన 12వ తరగతి విద్యార్థులకు ఉచిత ఎలక్ట్రిక్ స్కూటర్లను అందిస్తోంది.

సాంకేతికత ఎంత ముందుకు వెళ్తే, నకిలీ వార్తలు సృష్టించే పద్ధతులు అంత అధునాతనంగా మారుతున్నాయి. ఒక సాధారణ పోస్ట్‌ను నమ్మి, ఉచిత సైకిల్ కోసం ఎదురుచూడటం లేదా దాని కోసం దరఖాస్తు చేయడానికి ప్రయత్నించడం ద్వారా మీరు కేవలం మీ సమయాన్ని వృథా చేసుకోవడమే కాక, మీ వ్యక్తిగత సమాచారాన్ని కూడా ప్రమాదంలో పడేయవచ్చు.

ఒక పథకం నిజంగా ప్రారంభమైందా లేదా అని తెలుసుకోవడానికి, ప్రజలు తప్పనిసరిగా విశ్వసనీయ మీడియాను, అధికారిక ప్రభుత్వ సోర్స్‌ను మాత్రమే సంప్రదించాలి. విద్యార్థులకు ఉపయోగపడే నిజమైన పథకాలు ఇప్పటికే ఉన్నాయి. వాటి వివరాలను తెలుసుకోవడానికి ప్రయత్నించాలి, అంతేకాని, AI ద్వారా వచ్చిన నకిలీ ప్రకటనల జోలికి పోకూడదు.

Fact Check: అమిత్ షా బీహార్ ఓటర్లను బెదిరించారని చెప్పే ABP న్యూస్ వైరల్ గ్రాఫిక్ ఫేక్ - ఇదిగో నిజం

Raja Sekhar Allu — Tue, 28 Oct 2025 18:02:52 +0530

Fact check Amit Shah : 2025 బీహార్ అసెంబ్లీ ఎన్నికలు నవంబర్ 06 , నవంబర్ 11, 2025 (ఇక్కడ , ఇక్కడ) రెండు దశల్లో జరగనున్నాయి. ఎన్నికలు సమీపిస్తున్న తరుణంలో, ABP న్యూస్‌కు చెందినవని చెబుతూ ఒక వార్తా గ్రాఫిక్ (ఇక్కడ, ఇక్కడ , ఇక్కడ) సోషల్ మీడియాలో వైరల్ అవుతోంది. బిజెపి నాయకుడు , కేంద్ర హోంమంత్రి అమిత్ షా బీహార్ ఓటర్లను "బీహార్ ప్రజలు మా పార్టీకి ఓటు వేయకపోతే, మేము వారిని ఢిల్లీ, ముంబైలోకి 'ప్రవేశించనివ్వము' అని హెచ్చరించారని వైరల్ గ్రాఫిక్ పేర్కొంది! ఈ వాదన వెనుక ఉన్న నిజాన్ని కనుగొందాం.

క్లెయిమ్: "బీహార్ ప్రజలు మా పార్టీకి ఓటు వేయకపోతే, మేము వారిని ఢిల్లీ , ముంబైలలోకి అనుమతించము" అని కేంద్ర హోంమంత్రి అమిత్ షా బీహార్ ఓటర్లను హెచ్చరించారని ABP న్యూస్ నివేదించింది.

వాస్తవం: ABP న్యూస్‌కు ఆపాదించిన వైరల్ గ్రాఫిక్ నకిలీది. అమిత్ షా అలాంటి ప్రకటన చేయలేదు . ABP న్యూస్ అలాంటి నివేదికను ప్రచురించలేదు లేదా ప్రసారం చేయలేదు. ఈ గ్రాఫిక్ కల్పితమని, ఈ తప్పుడు సమాచారాన్ని వ్యాప్తి చేసే వారిపై చట్టపరమైన చర్యలు తీసుకుంటామని సోషల్ మీడియాలో ఛానెల్ అధికారికంగా స్పష్టం చేసింది. కాబట్టి ఈ క్లెయిమ్ తప్పు.

ఈ వాదనను ధృవీకరించడానికి, అమిత్ షా అలాంటి ప్రకటన ఏదైనా చేశారా అని తనిఖీ చేయడానికి మేము Googleలో కీవర్డ్ శోధనను నిర్వహించాము. అయితే, ఈ వాదనకు మద్దతు ఇచ్చే విశ్వసనీయ నివేదికలు ఏవీ లేవు, ఆయన అలాంటి బహిరంగ వ్యాఖ్య చేయలేదని నిర్ధారించాయి.

మేము ABP న్యూస్ అధికారిక వెబ్‌సైట్‌ను కూడా పరిశీలించి, వారు అలాంటి నివేదికను ప్రచురించారో లేదో చూడటానికి సోషల్ మీడియా హ్యాండిల్స్‌ను (ఇక్కడ, ఇక్కడ, ఇక్కడ, ఇక్కడ ) ధృవీకరించాము. అయితే, ఈ వాదనకు సంబంధించిన ఎటువంటి సూచనలు లేదా పోస్ట్‌లు లేవు, ABP న్యూస్ అటువంటి వార్తల గ్రాఫిక్ లేదా ప్రకటనను విడుదల చేయలేదని నిర్ధారిస్తుంది. అదనంగా, ABP న్యూస్ దాని మునుపటి అనేక నివేదికలలో (ఇక్కడ, ఇక్కడ, ఇక్కడ , ఇక్కడ) అదే చిత్రాన్ని ఉపయోగించిందని మేము కనుగొన్నాము, వైరల్ గ్రాఫిక్ వాటిలో ఒకదాని నుండి సవరించి ఉండవచ్చని సూచిస్తుంది.

తదుపరి దర్యాప్తులో ABP న్యూస్ వారి సోషల్ మీడియా హ్యాండిల్స్‌లో 23 అక్టోబర్ 2025న (ఇక్కడ, ఇక్కడ , ఇక్కడ) పోస్ట్ చేసిన అధికారిక వివరణ మాకు లభించింది, దీనిలో ఛానెల్ స్పష్టంగా ఇలా పేర్కొంది: “ABP న్యూస్ పేరుతో సోషల్ మీడియాలో ప్రసారం చేయబడుతున్న గ్రాఫిక్ పూర్తిగా నకిలీది. హోంమంత్రి అలాంటి ప్రకటన చేయలేదు, లేదా ABP న్యూస్ కూడా అలాంటి వార్తలను ప్రసారం చేయలేదు.” ఈ తప్పుడు సమాచారాన్ని కల్పించి, వ్యాప్తి చేసిన వారిపై కఠినమైన చట్టపరమైన చర్యలు తీసుకుంటామని ఛానెల్ హెచ్చరించింది. ఈ ఆధారాలు వైరల్ ఫోటో నకిలీదని మరియు ABP న్యూస్ ప్రచురించలేదని నిర్ధారిస్తున్నాయి.

చివరగా, బీహార్ ఓటర్లకు అమిత్ షా ఇచ్చిన హెచ్చరిక నకిలీదని , ABP న్యూస్ నివేదించినట్లు వైరల్ అవుతున్న గ్రాఫిక్ ఛానెల్ అసలు టెంప్లేట్ ఉపయోగించి సవరించబడింది.

Fact Check: నోబెల్ శాంతి బహుమతి రేసులో ప్రధాని మోదీ - ఈ ప్రచారంలో నిజం ఎంత?

Raja Sekhar Allu — Tue, 9 Sep 2025 16:31:40 +0530

Prime Minister Modi Nobel Peace Prize: నోబెల్ శాంతి బహుమతి కోసం ట్రంప్ కిందా మీదా పడుతున్నారు. తననే నామినేట్ చేయాలని దేశాలను బెదిరిస్తున్నారు. భారత్ పైనా ఆయన అక్కసు.. .నామినేట్ చేయనందుకేనని అంటున్నారు. అయితే కొంత మంది ట్రంప్ కాదని..మోడీనే నోబెల్ ప్రైజ్ రేసులో ముందున్నారని ప్రచారం చేస్తున్నారు.

నార్వేజియన్ నోబెల్ కమిటీ డిప్యూటీ లీడర్ అస్లే టోజే ప్రధానమంత్రి నరేంద్ర మోదీని నోబెల్ శాంతి బహుమతికి "ప్రధాన అభ్యర్థి" అని పేర్కొన్నారని వీడియో వైరల్ అవుతోంది.

Deputy Leader of Nobel Peace Prize says, "PM @narendramodi is the biggest contender for the #NobelPeacePrize. pic.twitter.com/eMrKI5H8Sh
— IDU (@defencealerts) September 9, 2025

సోషల్ మీడియా ప్లాట్‌ఫామ్‌లు, ముఖ్యంగా X (పూర్వం ట్విట్టర్), ఫేస్‌బుక్ మరియు ఇన్‌స్టాగ్రామ్‌లలో ఒక వీడియో క్లిప్ విస్తృతంగా షేర్ అవుతోంది. ఈ వీడియోలో అస్లే టోజే ప్రధాని మోదీని ప్రశంసిస్తున్నట్లు కనిపిస్తుంది. వార్తా సంస్థలు , సోషల్ మీడియా యూజర్లు దీనిని "మోదీ నోబెల్ శాంతి బహుమతికి ప్రధాన అభ్యర్థి" అని ప్రచారం చేస్తున్నారు. ఈ క్లిప్ 2023 మార్చి 16న భారత్‌లో జరిగిన ఒక ఇంటర్వ్యూకు చెందినది, అప్పుడు టోజే భారత్‌ను సందర్శించారు. మోదీని అభినందించారు కానీ మోదీని "నోబెల్ శాంతి బహుమతికి ప్రధాన అభ్యర్థి" అని చెప్పలేదు.

🚨GREAT NEWS FOR INDIA 🇮🇳

Prime Minister Narendra Modi has been nominated for the Nobel Peace Prize ; News Reports

Congratulations to @narendramodi ji. From sending Free COVID Vaccines to relief materials , from sending war ships to pull out people stuck in war zones to… pic.twitter.com/ahLsK33Ss0
— Amitabh Chaudhary (@MithilaWaala) September 9, 2025

2023 మార్చి నుంచి తరచూ వైరల్ అవుతూనే ఉంది. ఇటీవల మళ్లీ వైరల్ అయింది. ఇది పూర్తిగా తప్పుడు సమాచారం అని అస్లే టోజే స్వయంగా "ఫేక్ న్యూస్" అని తోసిపుచ్చారు.

The "fake" quote attributed to Asle Toje. By @timesofindia and other news outlets. And Mr. Toje busting it himself.
Who planted this? And why?
I think we know the answers to both.
What we don't know is, for how long would Indian media continue to shame itself in this manner. pic.twitter.com/u3WFUnd44l
— Rahul Mukherji (@RahulMukherji5) March 16, 2023

నోబెల్ శాంతి బహుమతి నార్వేజియన్ నోబెల్ కమిటీ నిర్ణయిస్తారు. నామినేషన్లు రహస్యంగా ఉంచుతారు. కమిటీ సభ్యులు ఎవరూ అభ్యర్థులు లేదా షార్ట్‌లిస్ట్ గురించి పబ్లిక్‌గా మాట్లాడరు. ఎవరైనా నామినేట్ చేయవచ్చు, కానీ అది అవార్డు గెలుచుకునే అర్హతను హామీ ఇవ్వదు.

అస్లే టోజే, కమిటీ డిప్యూటీ లీడర్‌గా, ఈ నియమాలకు కట్టుబడి ఉండాలి. అతను మోదీని ప్రశంసించినప్పటికీ, అభ్యర్థిత్వం గురించి ఎలాంటి సమాచారం వెల్లడించలేదు. కొన్ని పోస్టులు మోదీని "నామినేట్ చేయబడ్డారు" అని చెబుతున్నాయి, కానీ నామినేషన్లు రహస్యం కాబట్టి, ఇది ఊహాగానాలు మాత్రమే.

Fact Check: రూ.50వేల నగదు, మందులు సిద్ధంగా ఉంచుకోవాలా? వైరల్ అవుతున్న వార్తల్లో నిజమెంత?

Khagesh — Tue, 6 May 2025 22:44:45 +0530

Fact Check: నరేంద్ర మోదీ నేతృత్వంలోని కేంద్ర ప్రభుత్వం ప్రజలను ముందు జాగ్రత్త చర్యలు తీసుకోవాలని, ఇంట్లో అవసరమైన వస్తువులను సిద్ధంగా ఉంచుకోవాలని కోరిందని ఓ వార్త వైరల్ అవుతోంది. ఈ అడ్వైజరీ ప్రకారం, ప్రజలు చేతిలో 50,000 రూపాయల నగదు, రెండు నెలలకు మందులు, అత్యవసర కాంటాక్ట్స్‌, అన్నింటినీ సిద్ధంగా ఉంచుకోవాలని కేంద్రం చెప్పినట్టు ఉంది. అయితే PIB నిర్వహించిన ఫ్యాక్ట్ చెక్‌లో అడ్వైజరీలో పేర్కొన్నవి ఫేక్ అని తేలింది.

పహల్గామ్ ఉగ్రవాద దాడి తర్వాత భారతదేశం, పాకిస్తాన్ మధ్య కొనసాగుతున్న ఉద్రిక్తతల మధ్య చాలా ఫేక్ వార్తలు ప్రజలను గందరగోళపరుస్తున్నాయి. అలాంటి వాటిలో ఈ అడ్వాజరీ కూడా ఒకటి. ఇది నిజం అనుకొని చాలా మంది సోషల్ మీడియాలో షేర్లు చేస్తున్నారు. నరేంద్ర మోడీ నేతృత్వంలోని కేంద్ర ప్రభుత్వం ప్రజలు ముందు జాగ్రత్త చర్యలు తీసుకోవాలని, ఇంట్లో అవసరమైన వస్తువులను సిద్ధంగా ఉంచుకోవాలని కోరిందనే తప్పుడు ప్రచారం చేస్తున్నారు. ఇందులో పేర్కొన్నట్టు ప్రజలు చేతిలో 50,000 రూపాయల నగదు, రెండు నెలలకు మందులు, ఎమర్జెన్సీ కాంటాక్ట్ నెంబర్స్‌, ఇతర జాగ్రత్తలు తీసుకోవాలనే సలహాలు కేంద్రం నుంచి రాలేదు.

An image of an advisory is being shared online, claiming that the Government has urged individuals to take precautionary measures and keep essential items ready at home.#PIBFactCheck

❌ This claim is #FAKE. The government has not issued any such advisory

✅ Beware! Trust… pic.twitter.com/JtEcr8iRge
— PIB Fact Check (@PIBFactCheck) May 6, 2025

సరిహద్దులో కొనసాగుతున్న ఉద్రిక్త పరిస్థితుల మధ్య ప్రజలు ప్రశాంతంగా, అప్రమత్తంగా ఉండాలని కూడా ఆ పోస్టర్‌లో పేర్కొన్నారు. దీనిపై PIB ఫ్యాక్ట్ చెక్ చేసింది. అలాంటి ఆదేశాలు ఇవ్వలేదని అందులో తేలింది. "ప్రభుత్వం అలాంటి సలహా ఏదీ జారీ చేయలేదు" అని PIB తెలిపింది.
ఇదే కాకుండా దేశంలోని ఫోన్‌ కాల్స్ రికార్డు అవుతున్నాయని, వాట్సాప్‌ ఇన్‌స్టాగ్రామ్‌, ఫేస్‌బుక్‌ పోస్టులు కూడా ప్రభుత్వ నియంత్రణలోకి వెళ్లిపోయాయనే వార్త కూడా ప్రచారంలో ఉంది. ఇది కూడా తప్పుడు ప్రచారమని పీఐబీ వెల్లడించింది. ఇలాంటి నియంత్రణ ఏదీ లేదని తెలిపింది. అయితే తప్పుడు ప్రచారం చేసి ప్రజల్లో భయాందోళనలు కలిగిస్తే కచ్చితంగా చట్టం ముందు దోషులుగా నిలబడతారని తెలిపింది. పోస్టులు పెట్టేటప్పుడు ఒకటికి రెండు సార్లు చెక్ చేసుకోవాలని కూడా సూచించింది.

Imran Khan Fact Check: జైల్లో ఇమ్రాన్ ఖాన్ అత్యాచారానికి గురయ్యారా - పాకిస్తాన్‌లో ఇలా ఉన్నారేంటి ?

Raja Sekhar Allu — Sat, 3 May 2025 16:36:08 +0530

Was Ex Pakistan PM Imran Khan Raped In Jail: పాకిస్తాన్ మాజీ ప్రధాని ఇమ్రాన్ ఖాన్ ప్రస్తుతం జైల్లో ఉన్నారు. ఆయనపై జైల్లో అత్యాచారం జరిగిందని కొన్ని రిపోర్టులు సోషల్ మీడియాలో వైరల్ అయ్యాయి. రావల్పిండిలోని పాక్ ఎమిరేట్స్ మిలిటరీ హాస్పిటల్ (PEMH) నుండి ధృవీకరించినట్లుగా ఓ వైద్య నివేదిక వైరల్ అవుతోంది. మే 3, 2025న ఓ ట్విట్టర్ అకౌంట్ లో ఇమ్రాన్ ఖాన్ మెడికర్ రిపోర్టును పోస్టు చేశారు.

BREAKING: 🚨 Former Pakistani PM and Cricketer Imran Khan has been Rap*d by a Pakistani Major inside the jail.

Medical reports leaked!

Imagine a country so doomed that even its World Cup-winning captain and a former Prime Minister isn't safe.
#imrankhanPTI #IndiaPakistanWar pic.twitter.com/3cBDzY2FXr
— 𝐊𝐨𝐡𝐥𝐢𝐖𝐚𝐥𝐚𝟏𝟖★ (@KohlikaDost18) May 3, 2025

సోషల్ మీడియాలో వైరల్ అవుతున్న రిపోర్ట్ ప్రకారం ఇమ్రాన్ ఖాన్ పై శారీరక, లైంగికదాడి జరిగింది. దీని వల్ల గాయాలయ్యాయి. జననేంద్రియ గాయం కూడా ఇందులో ఉంది. రక్తస్రావం వంటి పరిస్థితులను కూడా మెడికల్ రిపోర్టులు సూచిస్తున్నాయి.

72 years old former Pakistani Prime Minister #imrankhanPTI was raped inside jail by army Major.
If this can happen to a former Prime minister, imagine the situation of common men.
Pakistan janta is so coward that they can't fight or raise voice against their army. pic.twitter.com/p51S2PjfJo
— Pushpendra Sharma (Pujit) (@pujitsir) May 3, 2025

చాలా మంది ఇమ్రాన్ ఖాన్ పై సానుభూతి వ్యక్తం చేస్తున్నారు.

Medical reports confirm that Imran Khan was brutally r*ped inside jail.

This is the condition of a former PM of Pakistan in Pakistan, who is a Muslim himself. Now imagine the plight of Pakistani Hindus and other religious minorities living in that sick blot of a nation. pic.twitter.com/D3faQNhprV
— Diksha Kandpal🇮🇳 (@DikshaKandpal8) May 3, 2025

అది ఫేక్ డాక్యుమెంట్.. ఇమ్రాన్ ఖాన్‌పై అసత్యాలు ప్రచారం

పాకిస్తాన్ మాజీ ప్రధాని ఇమ్రాన్ ఖాన్ మెడికల్ రిపోర్ట్ అని ఒక ఫేక్ రిపోర్టును ఓ నెటిజన్ ఎక్స్ ఖాతాలో పోస్ట్ చేయడంతో వైరల్ అయింది. ఆయన కస్టడీలో ఉన్న సమయంలో అత్యాచారానికి గురయ్యారని రిపోర్టులో పేర్కొన్నారు. వాస్తవానికి అది ఫేక్ మెడికల్ రిపోర్ట్. Imran Ahmed Khan Niazi అనే పేషెంట్ మెడికల్ రిపోర్టును ఫొటో షాప్ ద్వారా ఎడిట్ చేశారు. కొందరు ఉద్దేశ పూర్వకంగా ఫేక్ రిపోర్ట్ తయారు చేసి సోషల్ మీడియాలో పోస్ట్ చేయగా వైరల్ అయింది. ఇమ్రాన్ ఖాన్ కస్టడీలో ఎలాంటి అత్యాచారినికి గురికాలేదు. ఈ రిపోర్ట్ మే 03 నాటిది, కానీ ఈ పోస్ట్ మే 02 రాత్రి 8:43 (పాకిస్తాన్‌లో రాత్రి 11:43)కి ప్రచురించారు. కనుక అది ఫేక్ డాక్యుమెంట్, అది ఇమ్రాన్ ఖాన్ మీద అసత్య ప్రచారం అని తేలిపోయింది.

🚨Disinformation Alert!

A user on X (Twitter) posted a fabricated medical report allegedly linked to former Pakistan PM Imran Khan, claiming he was raped while in custody.

The report is dated 03 May 2025, yet the post was published on 02 May 2025 at 8:43 PM CET (11:43 PM in… pic.twitter.com/iDHnbHCCIY
— Qais Alamdar (@Qaisalamdar) May 2, 2025

ఇమ్రాన్ ఖాన్ పదవి కోల్పోయిన తరవాత అవినీతి ఆరోపణలపై ఆయనను జైల్లో పెట్టారు. కోర్టు శిక్ష విధించింది. ఆయన ఇప్పుడు జైల్లో ఉన్నారు. ఆయన అనుచరులు మాత్రం రాజకీయంగా యాక్టివ్ గా ఉన్నారు. కానీ ఆయన పార్టీ ఎన్నికల్లో పోటీ చేయకుండా అనర్హతా వేటుకు గురయింది. ప్రస్తుత పరిస్థితుల్లో ఆయన జైల్లోనే ఉన్నారు. ఈ క్రమంలో లైంగిక దాడి జరిగిందని ఆరోపణలు రావడం చర్చనీయాంసం అవుతోంది. ఇమ్రాన్ ఖాన్ దిగ్గజ క్రికెటర్ గా పేరొందారు. ఆయన నేతృత్వంలో పాకిస్తాన్ క్రికెట్ జట్టు ప్రపంచకప్ ను కూడా గెల్చుకుంది.

Andhra Pradesh News: అమరావతి రైతులకు ప్రధాని మోదీతో సన్మానమా.. అసలు విషయం చెప్పిన మంత్రి నారాయణ

Vijaya Sarathi — Mon, 28 Apr 2025 07:10:00 +0530

మే 2 న ప్రధాని చేతుల మీదుగా అమరావతి రైతులకు సన్మానం అంటూ కొన్ని ప్రధాన దినపత్రికలు, మీడియా ఛానళ్ల లో వచ్చిన వార్తలు అవాస్తవం అంటూ CRDA ప్రకటించింది. అమరావతి పునర్నిర్మాణ పనులకు శంఖు స్థాపన చేయడానికి వస్తున్న ప్రధాని మోదీ అమరావతి రైతుల్లో 30 మందికి సన్మానం చేస్తారంటూ ఒక్కసారిగా వార్తలు వైరల్ అయ్యాయి. అయితే అందులో ఎలాంటి వాస్తవం లేదని ఇప్పుడు ప్రభుత్వం ప్రకటించాల్సి వచ్చింది.

మంత్రి నారాయణ మాటలను వక్రీకరించారా?

ఇటీవల ప్రధానమంత్రి పాల్గొనే బహిరంగ సభ ఏర్పాట్లను పరిశీలించి వచ్చిన మంత్రి నారాయణ మీడియాతో మాట్లాడుతూ "రాజధాని భూములు ఇచ్చిన 30 మంది రైతులను గౌరవ సూచకంగా ప్రధాని ప్రసంగించే వేదికకు దగ్గరగా మరొక వేదిక పై కూర్చోపెట్టాలని అనుకున్నామని.. వారిలో ఒకరిద్దరిని ప్రధాని వద్దకు తీసుకువెళ్లాలని అనుకుంటున్నామని అయితే భద్రత పరంగా అది కుదరకపోవచ్చు అనుకుంటున్నామని " అన్నారు. దీని ఆధారంగా మే 2 న అమరావతి రైతులకు ప్రధాని చేతుల మీదుగా సత్కారం అంటూ వార్తలు వైరల్ అయ్యాయి. ఏకంగా ఆ 30 మంది రైతులు వీరే అంటూ మరికొన్ని కథనాలు ప్రచారంలోకి వచ్చాయి.

అమరావతిలో భూములు ఇచ్చిన మిగిలిన రైతులు " ఆ 30 మందికే సన్మానమా... గత ప్రభుత్వ హయాంలో అమరావతి కోసం పోరాడింది.. పోలీస్ కేసులు అనుభవించింది మేము కాదా " అంటూ మంత్రి నారాయణ పై ఒత్తిడి తెచ్చారు. వారితో ఖంగు తిన్న CRDA " ప్రధాని చేతుల మీదుగా సన్మానం అంటూ 30 మంది రాజధాని రైతుల పేర్లతో వస్తున్న వార్తలు అవాస్తవం " స్పష్టత ఇచ్చింది. రాజధాని లోని రైతులే కాకుండా తెలుగు ప్రజలందరూ దీనిని గమనించాలని మంత్రి నారాయణ కార్యాలయం కోరింది.

Fact Check :తత్కాల్ టికెట్ల బుకింగ్ టైమింగ్ మార్చలేదు - ఫేక్ వార్తలు నమ్మొద్దు : రైల్వే క్లారిటీ

Vijaya Sarathi — Sat, 12 Apr 2025 00:14:56 +0530

Tatkal Tickets Timing: గత రెండు రోజుల నుంచి సోషల్ మీడియాలో తత్కాల్ రైల్వే టికెట్ల బుకింగ్ టైమింగ్స్ మార్చారంటూ హోరెత్తిస్తున్న ప్రచారంపై రైల్వే శాఖ క్లారిటీ ఇచ్చింది. ఆ ప్రచారంలో ఏ మాత్రం నిజం లేదని తత్కాల్ టికెట్లు ట్రైన్ బయలుదేరడానికి ముందు రోజు మాత్రమే తీసుకోవాలని చెప్పింది. ఏసీ టికెట్లు ఉదయం 10 గంటల నుంచి నాన్ -ఏసీ టిక్కెట్లు ఉదయం 11:00 నుంచి అందుబాటులో ఉంటాయని ఆ టైమింగ్స్ ఏమీ మారలేదు అంటూ స్పష్టత ఇచ్చింది.

జరిగిన ఫేక్ ప్రచారం ఇదే
రైల్వే తత్కాల్ టికెట్స్ బుకింగ్ టైమింగ్స్ ఈనెల 15 నుంచి మారిపోతున్నాయని ఏసీ క్లాస్ టికెట్లు ఉదయం 10 గంటలకు బదులుగా 11 గంటలకు, నాన్-ఏసీ టికెట్లు ఉదయం 11 గంటలకు బదులుగా 12 గంటలకు ఒకరోజు ముందుగా తీసుకోవచ్చు అంటూ ఒక ప్రచారం సోషల్ మీడియాలో వైరల్ అయింది. చాలామంది దానిని నిజమే అనుకుని వాట్సప్ ఫార్వార్డ్లు చేసుకున్నారు. కానీ ఆ వార్తలో ఎలాంటి నిజం లేదని కేంద్రం స్పష్టత ఇచ్చింది.

తాత్కాల్ టికెట్ల టైమింగ్స్‌ ఏంటీ?

తత్కాల్ పథకం ద్వారా టికెట్లు పొందే సౌకర్యాన్ని 1997లో ప్రవేశపెట్టింది రైల్వే శాఖ. ప్రయాణతేదీకి ఒక్క రోజు ముందుగానే టికెట్‌ బుక్ చేసుకోవచ్చు. స్లీపర్ క్లాస్, ఏసీ, ఎగ్జిక్యూటివ్ అన్ని బోగీల టికెట్లు పొందవచ్చు. ఏసీ క్లాస్ టికెట్లు ఉదయం పది గంటలకు బుకింగ్స్ ఓపెన్ అవుతాయి. నాన్‌ ఏసీ క్లాస్ టికెట్లు ఉదయం 11 గంటలకు బుకింగ్స్ ఓపెన్ అవుతాయి. తత్కాల్ టికెట్ బుకింగ్ ఐఆర్‌సీటీసీ వెబ్‌సైట్‌ ద్వారా లేదా నేరుగా రైల్వే స్టేషన్‌కు వెళ్లి బుక్ చేసుకోవచ్చు. ఒక పీఎన్‌ఆర్‌పై గరిష్టంగా నలుగురుకి మాత్రమే టికెట్లు మాత్రమే బుక్ అవుతాయి.

తత్కాల్‌లో బుక్ చేసుకున్న టికెట్లు రద్దు చేసుకోవచ్చు కానీ, డబ్బులు మాత్రం వాపస్ రావు. వెయిటింగ్ లిస్ట్‌లో ఉండి టికెట్‌ కన్ఫామ్‌ కాకుంటే ఆటోమెటిక్‌గా క్యాన్సిల్ అవుతాయి. డబ్బులు కూడా వాపస్ వచ్చేస్తాయి. తత్కాల్‌ టికెట్ల విషయంలో ఏ రాయితీలు వర్తించవు.

Fact Check: కన్న తండ్రి ప్రాధేయపడినా ప్రియుడితో వెళ్లిపోతున్న కూతురు? వైరల్ న్యూస్‌లో నిజమెంత

Newsmeter — Mon, 24 Mar 2025 16:05:05 +0530

Claim: కన్న తండ్రి కాళ్ళ మీద పడి ప్రాధేయపడినా వినకుండా ప్రియుడితో వెళ్లిపోతున్న కూతురిని చూపిస్తున్న వీడియో.

Fact: ఈ క్లెయిమ్ తప్పు. ఈ వీడియో కల్పితం, ఒక యూట్యూబ్ ధారావాహికలోని సన్నివేశం.

కన్న కూతురు తాను ప్రేమించిన యువకుడితో వెళ్లిపోతుంటే వద్దని ప్రాధేయపడుతున్న తండ్రిని చూపిస్తున్న ఓ వీడియో గత రెండు, మూడు రోజులుగా సోషల్ మీడియాలో వైరల్ అవుతోంది. ఈ వీడియోలో యువతీ, యువకుడు కలిసి వెళ్తుంటే ఒక వ్యక్తి 'అమ్మ,' అమ్మ' అంటూ వెనకాల నడుస్తున్నట్లు కనిపిస్తుంది. ఆ వ్యక్తి వారి కాళ్ల మీద పడినా ప్రయోజనం లేకపోయింది.

కూతురు తన జీవితంలో నుండి తండ్రిని దూరంగా ఉండమని అడుగుతోంది. ప్రియుడు తాను గత నాలుగు సంవత్సరాలుగా ఆమెను ప్రేమిస్తున్నానని, ఆమెను వదిలి వెళ్ళలేనని ఆ తండ్రికి చెబుతున్నట్లు వినిపిస్తోంది. దీనికి ప్రతిస్పందనగా, తండ్రి తన కుమార్తె కోసం నిర్ణయం తీసుకునే హక్కు తనకుందని, ప్రియుడి ఆర్థిక స్థిరత్వం గురించి ఆందోళన వ్యక్తం చేస్తున్నాడు. ఈ సంభాషణ తమిళంలో జరుగుతోంది.

ఈ వీడియో షేర్ చేస్తూ శీర్షికలో ఈ విధంగా రాశారు, "పరుగు సినిమాలో దృశ్యం.. తమిళనాడు లో ప్రత్యక్షం! కన్న కూతురు ప్రేమించిన యువకుడితో వెళ్లిపోతుంటే వెళ్ళొదని ప్రాధేయ పడుతున్న తండ్రి.. విడియో వైరల్" (ఆర్కైవ్)

ఇదే క్లెయిమ్ ఉన్న మరో పోస్ట్ ఇక్కడ చూడవచ్చు. (ఆర్కైవ్)

ఈ పోస్ట్‌లో "నాకు తమిళం రాదు. అంత ప్రాధేయపడే బదులు పెళ్లి చేస్తానంటే ఆగిపోతుంది కదా?" అని ఒకరు అన్నారు. "కన్న తండ్రి అమ్మ! అమ్మ! అని ఆర్తిగా పిలుస్తూ కాళ్లు పట్టుకుని బ్రతిమాలు కుంటున్నా కనికరం లేదు దరిద్రపు కూతురికి," అని ఇంకొకరు కామెంట్ చేశారు.

Fact Check

న్యూస్‌మీటర్ ఈ క్లెయిమ్ తప్పు అని నిర్ధారించింది. వైరల్ వీడియో ఒక కల్పిత స్క్రిప్ట్ ఆధారంగా చేయబడింది. ఇది నిజ జీవిత సంఘటనను చూపించడం లేదు.

వైరల్ వీడియోలో 'Sai Vijay' అని లోగో కనిపిస్తుంది. అలాగే వీడియోలో జరిగిన సంఘటనలు నాటకీయంగా అనిపిస్తున్నాయి. కాబట్టి ఈ వీడియోలో కనిపిస్తున్న విషయాలు అసలు నిజంగా జరిగాయా అనే సందేహం కలుగజేశాయి.

వైరల్ వీడియో కీ ఫ్రేమ్‌లను రివర్స్ ఇమేజ్ సెర్చ్ ద్వారా పరిశీలించగా, యూట్యూబ్‌లో అప్లోడ్ చేసిన వీడియో ఒకటి దొరికింది. "దయచేసి నాకు కూడా సహాయం చేయండి నాన్న" అనే శీర్షికతో 2025 మార్చి 20న అప్లోడ్ చేయబడినట్లు గుర్తించం. ఈ వీడియోను అప్లోడ్ చేసిన ఛానల్ పేరు 'SAIVIJAYOFFICIAL.'

ఇదే ఛానెల్లో కనిపిస్తున్న మరికొన్ని షార్ట్స్ పరిశీలిస్తే, వైరల్ వీడియోలో కనిపిస్తున్న జంట పెళ్లి చేసుకున్నట్టు, అంతక ముందే తండ్రితో వాగ్వివాదం జరుగుతున్నట్టు మరికొన్ని వీడియోలు కనిపించాయి.

ఈ ఛానల్లో ఇటీవల షేర్ చేసిన వీడియోల్లో "ఆ తండ్రి కాళ్ళపై పడి ఏడ్చాడు. పెళ్లి చేసుకోని స్త్రీ | పార్ట్-7 | రన్నింగ్ కపుల్ | సాయివిజయ్" అనే శీర్షికతో 13 నిమిషాల నివిడి ఉన్న వీడియో దొరికింది. ఈ వీడియోలో 10:16 నిమిషాల మార్కు వద్ద వైరల్ వీడియో కనిపించింది. ఈ వీడియో కల్పితమని తేలింది.

"ఈ వీడియో మీకు నచ్చితే Like కొట్టండి... ఈ వీడియో కేవలం వినోదం కోసం మాత్రమే, సంబంధిత వ్యక్తుల అనుమతితో తయారు చేయబడింది/అప్‌లోడ్ చేయబడింది," అని వీడియో వివరణలో రాశారు. కాబట్టి వైరల్ అవుతున్న వీడియో కల్పితమని, 'పారిపోతున్న జంట' అనే యూట్యూబ్ ధారావాహికలో భాగం అని ధృవీకరించబడింది.

హిందూ వ్యక్తిని ఇఫ్తార్ విందు నుండి బయటకు పంపమని ముస్లింలు కోరారు, రోడ్డుమీద వెళ్తున్న శారీరక వైకల్యం ఉన్న ముస్లిం వ్యక్తిని వేధించారు అని చూపిస్తున్న స్క్రిప్ట్ చేయబడిన వీడియోల గురించి గతంలో న్యూస్‌మీటర్ రాసింది. అయితే ఈ వీడియోలు కల్పితం అని తెలియజేయకుండా షేర్ చేయడం వల్ల, నిజంగా జరిగిన సంఘటనలుగా వైరల్ అవుతూ ఉంటాయి. వైరల్ అవుతున్న వీడియో కూడా కల్పితమే అని న్యూస్‌మీటర్ నిర్ధారించింది.

Claim Review: కన్న తండ్రి కాళ్ళ మీద పడి ప్రాధేయపడినా వినకుండా ప్రియుడితో వెళ్లిపోతున్న కూతురు అని వీడియో వైరల్ అయింది.
Claim Fact Check: False
Fact: ఈ క్లెయిమ్ తప్పు. ఈ వీడియో కల్పితం, ఒక యూట్యూబ్ సిరీస్‌లోని ఓ ఎపిసోడ్ సన్నివేశం అది.

This story was originally published by Newsmeter as part of the Shakti Collective. Except for the headline/excerpt/opening introduction, this story has not been edited by ABP DESAM staff.