Gunde Ninda Gudi Gantalu February 26th Episode: పూలగంపతో ముళ్లకంప ముచ్చట్లు! వీడియో కొట్టేస్తూ బాలుకి దొరికిపోయిన రోహిణి - గుండెనిండా గుడిగంటలు ఫిబ్రవరి 26 ఎపిసోడ్

Gunde Ninda Gudi Gantalu 2025 February 26 Episode: ప్రభావతి ఇంట్లో బొమ్మల కొలువు సందడి మొదలైంది... రోహిణి - గుణ కలసి బాలు మీనాని టార్గెట్ చేశారు. ఈ రోజు ఎపిసోడ్ లో ఏం జరిగిందంటే..

గుండె నిండా గుడి గంటలు ఫిబ్రవరి 26 ఎపిసోడ్ - Gunde Ninda Gudi Gantalu 2026  january  26 Episode

Source : https://www.hotstar.com/in/shows/gunde-ninda-gudi-gantalu/1260154100/meenas-advice-to-balu/1700097636/watch

Gunde Ninda Gudi Gantalu 2025 February 26 Episode Telugu Serial

ఇంట్లో ఏం జరిగిందో సుశీలమ్మకు చెబుతారు మీనా-బాలు. అంతా విన్న సుశీలమ్మ..నా కోడలిని బాగానే వెర్రిబాగులదాన్ని చేశారుగా అంటుంది. నువ్వు పెళ్లిచేసుకుని వచ్చిన కొత్తలో నా కోడిలితో ఎలా వేగుతావో అనుకున్నా కానీ..తెలివైనదానివే అంటుంది. 
 
పందెంలో ఓడిపోయిన ప్రభావతిని తీసుకెళ్లి పూలకొట్టు దగ్గరుంచుతారు. చాలా టెన్షన్ పడిపోతుంది ప్రభావతి. బలవంతంగా పూలకొట్టు ముందు నిల్చోబెట్టి పూలమ్మిస్తారు. ఇంత అవమానమా అని బాధపడుతూ ఒక్కసారిగా ఉలిక్కిపడిలేస్తుంది. ఇదంతా కలా అని తెలిసి ప్రభావతి హమ్మయ్య అనుకుంటుంది. ఆ తర్వాత నిద్రలేచివస్తుంది.. బాలుగాడు నిజంగానే నాతో పూలు అమ్మిస్తాడని భయపడుతుంది ప్రభావతి. పందెం వేశావ్ కదా అంటుంది సుశీలమ్మ. నీకెందుకే అంత కక్ష అని ఫైర్ అవుతుంది ప్రభావతి. అవును మీరు పూలమ్మడం నేను చూడాలి, ఫొటోలు వీడియోలు తీయాలి, లోకమంతా చూసేలా ఇంటర్నెట్ లో పెట్టాలి అంటుంది మీనా. అత్తయ్యా మీ కోడలు పూలమ్మితే మీకు పరువుతక్కువ కాదా అని సుశీలమ్మ దగ్గరకు వెళుతుంది. అదేం తప్పుకాదంటుంది సుశీలమ్మ. బాలు ఇకపై నీ పెళ్లాన్ని ఏమీ అనను అంటుంది ప్రభావతి. తప్పదు పూలావతి పద అంటాడు బాలు. పద వర్జ్యం వచ్చేస్తోంది అని కంగారుపెడతాడు బాలు. 20 మూరలు ఇవి గంప నెత్తిన పెడుతుంది మీనా. పూలమ్మా పూలు అంటూ అరుస్తుంది. వెంటనే ఆ గంప తీసి కిందపెట్టేసి మీతో పూలమ్మనిస్తానా అంటుంది మీనా. మొదటిసారి నువ్వు నా కంటికి మధుర మీనాక్షిలా కనిపిస్తున్నావ్ అంటుంది ప్రభావతి. ఇంకెందుకు వీడియో తీస్తావ్ అని రవిపై అరుస్తుంది..అదిగో మళ్లీ గయ్యాళి గంగావతిగా మారిపోయింది అంటుంది శ్రుతి

 
అంతాకలసి యాగం కోసం బయలుదేరుతారు. మీనాక్షి ఫ్రెండ్ ఫామ్ హౌస్ కి వెళతారు. ఇక్కడ ఉన్న ప్రతి వస్తువు ఫారెన్ నుంచి తెప్పించిందే అంటూ గొప్పలు చెబుతుంది. ఓవైపు యాగానికి ఏర్పాట్లు జరుగుతుండగా గుణ విద్యకు కాల్ చేసి రోహిణితో వెంటనే మాట్లాడాలి అంటాడు. ఈ రోజు ఎలాగైనా బాలు ఫోన్ నుంచి వీడియో పంపించకుంటే దినేష్ గాడి సంగతి నేను పట్టించుకోను అంటాడు గుణ. ఇక బాలు నుంచి ఫోన్ తీసుకునే ప్లాన్ లో ఉంటుంది రోహిణి. పూజా కార్యక్రమాలు జరుగుతుండగా..మీనాక్షి వచ్చి పూలగంప తీసుకురా బాలు అంటుంది. బాలు వెళ్లి మీనాను ఎత్తుకుని తీసుకొచ్చి ఇదిగో పూలగంప అంటాడు. అంతా నవ్వుతారు. ప్రభానతి పూలగంప పట్టుకోగానే పూలమ్మా పూలు అంటూ ఆటపట్టిస్తాడు. పూలు ఇమ్మంటే ఇవ్వవేంటి అంటుంది సుశీలమ్మ. మీనా నువ్వు ఇవ్వు అంటుంది..నేనంటే లెక్కలేదా అని ప్రబావతిపై కోప్పడుతుంది సుశీలమ్మ. 

అంతా సందడిగా సాగుతున్న సమయంలో సుశీలమ్మ... రోహిణిని పిలిచి ముందు నీకు గర్భస్రావం జరిగిందంట కదా నాకు చెప్పలేదు అంటుంది. మీనానే చెప్పి ఉంటుందని ప్రభావతి, రోహిణి కోపంగా మీనావైపు చూస్తారు. సత్యం కలుగజేసుకుని ఆ విషయం మా అమ్మకు నేనే చెప్పాను అంటాడు. ఇంత చిన్న విషయం చెప్పాలా అని ప్రభావతి కోప్పడుతుంది. మా అమ్మతో నాకు దూరం లేదు ప్రతి విషయం పంచుకుంటా అంటాడు సత్యం. ఇలాంటి విషయాలు ముందుగా తెలిసి ఉంటే ఇలా జరిగేది కాదుకదా అని ప్రభావతిపై చురకలు వేస్తుంది. ఈ యాగానికి నాకు తెలిసిన డాక్టర్ ను పిలిచాను..నిన్ను పరీక్షించి సరైన సూచనలు ఇస్తుంది అంటుంది సుశీలమ్మ. షాక్ అవుతుంది రోహిణి. 
  
బాలు తన ఫోన్ చార్జింగ్ పెడతాడు.. ఆతర్వాత మీనా వచ్చి ఏదో అడుగుతుంది..ఓసారి కాల్ చేసి కనుక్కో అంటాడు బాలు. ఫోన్ కోసం వెళ్లి చూస్తే అక్కడ కనిపించకపోవడంతో షాక్ అవుతారు. మీనా ఫోన్ నుంచి కాల్ చేస్తాడు బాలు.. రోహిణి చేతిలో ఉన్న ఫోన్ మోగుతుంటే కట్ చేస్తుంటుంది. ఇద్దరూ కలసి ఫోన్ కోసం వెతుకుతుండగా ఓ మూలన రోహిణి చేతిలో బాలు ఫోన్ కనిపిస్తుంది. రోహిణి ప్లాన్ బయటపడుతుందేమో చూడాలి

మరిన్ని చదవండి

సంజయ్ కి మీనా మాస్ వార్నింగ్, బాలకృష్ణ స్టైల్లో పంచ్ డైలాగ్స్ - గుండెనిండా గుడిగంటలు ఫిబ్రవరి 25 ఎపిసోడ్

పూజ గదిలో అగ్గిపెట్టె ఉంచడం వలన కలిగే నష్టాలు తెలుసా? వాస్తు శాస్త్రం ఏం చెబుతుందంటే!