Yeto Vellipoyindi Manasu Telugu Serial: ‘స్టార్ మా’లో త్వరలో ‘ఎటో వెళ్ళిపోయింది మనసు’ సీరియల్ ప్రసారం కానుంది. ఈ సందర్భంగా రిలీజ్ చేసిన ప్రోమోను చూసి ప్రేక్షకులు ఆశ్చర్యపోతున్నారు. ఎందుకంటే.. ఈ సీరియల్ ‘ప్రేమ ఎంత మధురం’ సీరియల్ తరహాలోనే ఉంది. ఇది సీతాకాంత్ అనే 40 ఏళ్లు పైబడిన ఒక బిజినెస్ మ్యాన్ కథ. అతనికి ఆడవాళ్లు అంటే నచ్చదు. ఆఫీస్ లో ఆడవాళ్ళందరికీ అతను అంటే భయం. అతనిని ముదిరిపోయిన బెండకాయ అంటూ చాటుగా తిట్టుకుంటూ ఉంటారు. కానీ సీతాకాంత్ మాత్రం నేను పెళ్లి కానీ బ్రహ్మచారిని కాదు.. పెళ్లి వద్దనుకున్న బ్రహ్మచారిని అంటూ తన గురించి తాను ఎలివేట్ చేసుకుంటూ ఉంటాడు.
అయితే అతని జీవితంలోకి నేటి జనరేషన్ కి చెందిన ఒక తింగరి అమ్మాయి రావాలని ఈ సీతాకాంత్ కి చుక్కలు చూపించాలని.. అతని స్టాఫ్ అందరు కలలు కంటూ ఉంటారు. మరి ఆ తింగరి పిల్ల సీతాకాంత్ లైఫ్ లోకి వస్తుందా? సీతాకాంత్ స్టాఫ్ అనుకున్నట్లే ఆ అమ్మాయి సీతాకాంత్ కి చుక్కలు చూపిస్తుందా తెలియాలంటే సీరియల్ వచ్చేవరకు వెయిట్ చేయాల్సిందే. ఈ సీరియల్‌లో చాలా సంవత్సరాల తర్వాత నటుడు ఆదిత్య కనిపించడంతో చాలామంది అతనికి వెల్కమ్ చెప్తూ మెసేజ్‌లు పెడుతున్నారు.
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply