Harsha Nagapal: మ్యాడీగా తెలుగు ప్రజలు గుండెల్లో నిలిచిపోయిన హర్ష...బెంగళూరులో పుట్టి, మోడల్గా ఎదిగిన నాగపాల్
Harsha Nagapal: మోడల్గానే గాక నటనలోనూ అదరగొడుతున్న హర్షనాగపాల్...లక్ష్మీరావే మాఇంటికిలో మ్యాడీగా తెలుగు ప్రేక్షకులకు చేరువ
Harsha Nagpal: అందం, అభినయంతోపాటు తన క్యూట్ ఎక్స్ప్రెషన్స్తో అతి తక్కువ కాలంలో తెలుగు ప్రేక్షకులకు ఎంతో చేరువయ్యాడు హర్షనాగపాల్. ఏంటి పేరు చూసి ఈ అబ్బాయి తెలుగువాడు కాదా అనుకుంటున్నారా...ఖచ్చితంగా తెలుగువాడు కాదు. కానీ చూడగానే తెలుగుదనం ఉట్టిపడేలా కనిపిస్తున్న హర్ష...బెంగళూరులో పుట్టాడు. అన్నపూర్ణ సంస్థ వారి కొత్త సీరియల్ లక్ష్మీరావే మాఇంటికిలో మ్యాడీగా కీలక రోల్ పోషిస్తున్న ఈ 20 ఏళ్ల కుర్రాడికి చిన్నప్పటి నుంచి నటనపై ఎంతో మక్కువ ఉన్న హర్ష నాగపాల్కు స్టేజీ షోలు చేయడమంటే ఎంతో ఇష్టం. పెళ్లిళ్లు, బర్త్డే పార్టీలు, ఫంక్షన్లలో ఈమ్సీగా చేసి మెప్పించేవాడు. అలా చిన్నప్పుడే స్టేషీషోలతో ఆకట్టుకున్నాడు.
యుక్త వయసు వచ్చిన తర్వాత నటను కెరీర్గా మలుచుకోవాలని నిర్ణయించుకున్న హర్ష...ఫ్యాషన్ రంగంలోకి అడుగుపెట్టి మోడల్గా మారాడు. ప్రొఫెషనల్ ఈమ్సీగా కెరీర్లో నిలదొక్కుకున్నాడు. అతర్వాత అనేక ప్రముఖ కంపెనీలకు బ్రాండ్ అంబాసిడర్గానూ పనిచేశాడు. ఆ తర్వాత బుల్లితెరపై అదృష్టాన్ని పరీక్షించుకున్నాడు. లైవ్ షోలు నిర్వహించడంలో ఎంతో అనుభవం సాధించడంతో సీరియల్లో సహజ నటనతో ఆకట్టుకుంటున్నాడు. బుల్లితెరతోపాటు.డిజిటల్ మీడియా, బ్రాండెడ్ ఉత్పత్తుల్లో నటిస్తూ అన్నిరకాల ప్రేక్షకులకు దగ్గరయ్యాడు.
మెడల్గా కెరీర్ దూసుకుపోతుండగానే....సన్టీవీలో ప్రసారమైన పుంగాయిపోవే అనే సీరియల్లో లీడ్రోల్ దక్కించుకున్నాడు. ఆ సీరియల్లో నటనకు ప్రేక్షకుల నుంచి మంచి స్పందన రావడంతో టెలివిజన్రంగంలో వెంటవెంటనే అవకాశాలు దక్కాయి. కలర్స్ కన్నడ ఛానెల్లో వివిధ షోలల్లో నటించి మెప్పించాడు. అలాగే అనేక షార్ట్ఫిల్మ్ల్లోనూ నటించి తన నటనకు సానబెట్టాడు. హర్ష నటించిన అనేక షార్ట్ఫిల్మ్స్ జాతీయస్థాయి ఫిల్మ్ ఫెస్టివల్స్లో ప్రదర్శించారు. అలాగే అనేక వర్ సాంగ్స్లోనే మెరిశాడు. హర్షనటించిన అనేక పాటలు మిలియన్కు పైగా వ్యూస్తో ఇప్పటికీ యూట్యూబ్లో దూసుకుపోతున్నాయి. నటననే కెరీర్గా ఎంచుకున్న హర్ష....అందుకోసం ప్రత్యేక శిక్షణ కూడా తీసుకున్నాడు. అది తన కెరీర్కు ఎంతో ఉపయోగపడిందిని పలు సందర్భాల్లో హర్ష తెలిపాడు.
పుట్టి పెరిగింది బెంగళూరు, పనిచేస్తుంది ముంబయిలో అయినప్పటికీ చూడగానే తెలుగుదనం ఉట్టిపడేలా కనిపించే రూపం హర్షనాగపాల్ది.అందుకే అన్నపూర్ణ సంస్థ జీ-తెలుగు ఛానెల్ కోసం నిర్మిస్తున్న లక్ష్మీరావే మా ఇంటికి సీరియల్ కోసం లీడ్ రోల్ వెతుకుతుండగా...మనవాడు కంటపడ్డాడు. అగ్రశ్రేణి నిర్మాణ సంస్థ, అతిపెద్ద నెట్వర్క్ ఛానెల్ కావడంతో వెంటనే ఈ సీరియల్ చేసేందుకు అంగీకరించాడు. ఇందులో ఎంతో చలాకీ అయిన మ్యాడీ పాత్రకు హర్ష అతికినట్లు సరిపోయాడు. కాలేజీకి వెళ్లే కుర్రాడిలా, హీరో అవ్వాలని కలలు కనే యువకుడిగా....తాతయ్య మాటకు ఎదురుచెప్పలేని అమాయక పాత్రలో నటించి మెప్పించాడు. హీరోయిన్ లక్ష్మీ పాత్రకు సరైనా జోడీగా ప్రేక్షకుల మదిలో నిలిచిపోయాడు. ఈ సీరియల్లో వీరిద్దరి జోడీ కన్నులపండువగా ఉంటుంది.
కేవలం టీవీ సీరియల్స్, షార్ట్ఫిల్మ్ల్లో నటించడమే గాక...ప్రకటనలతోనూ రెండు చేతులా సంపాదిస్తున్నాడు హర్షనాగపాల్. మోడల్గా ప్రముఖ ఫొటోగ్రాఫర్లు, స్టైలిస్టులతో కలిసి అనేక ఎడిటోరియల్ షూట్లు, ప్రకటనల్లో నటించాడు. దాదాపు వందకుపైగా ప్రముఖ బ్రాండ్లకు పనిచేశాడు. అలీన్సోలీ, రేమాండ్, వీట్, బోట్, సెట్వెట్, నీల్కమల్, ప్రైస్టైజ్, పాండ్స్,లేక్మీ, జియో, టైటాన్ వాచెస్, సోనెటా, పార్క్అవెన్యూ,మేక్మైట్రిప్ వంటి అగ్రశ్రేణి బ్రాండ్లలో నటించాడు.
టీవీ సీరియల్స్, సినిమాల్లో కెమెరా ముందు నటించడం వేరు...స్టేజీపై లైవ్ ప్రోగ్రామ్ చేయడం వేరు. ఎందుకంటే సినిమాల్లో, సీరియల్లో ఒకటికి రెండు టేక్లు తీసుకునే అవకాశం ఉంది. కానీ లైవ్ ప్రోగాం అలా కాదు.అప్పటికప్పుడు స్పాంటినియస్గా మాటలు కలపాలి.వచ్చిన వేలాదిమంది ప్రేక్షకులను ఉర్రూతలూగించేలా మాట్లాడాలి. అతిథులను మెప్పించాలే మాటలు కలపాలి. కానీ ఇవన్నీ మనలోడి మంచినీళ్లు తాగినంత ఈజీగా చేసేస్తాడు. నటనలో శిక్షణ తీసుకోవడం వల్లే....ఇదంతా సాధ్యమైందని హర్షనాగపాల్ చెబుతుంటాడు.
టాప్ హెడ్ లైన్స్
ట్రెండింగ్ వార్తలు
