Meghasandesam Serial Today February 24th: ‘మేఘసందేశం’ సీరియల్: శివకు ఫోన్ చేసిన బిందు – షాపింగ్ మాల్లో గగన్, భూమిల రొమాన్స్
Meghasandesam serial today episode February 24th: భూమికి ఎస్కలేటర్ ఎక్కడం రాదని గగన్ ఎత్తుకుని వెళ్లడంతో ఇవాళ్టీ ఏపిసోడ్ చాలా రొమాంటిక్ గా జరిగింది.
Meghasandesam Serial Today Episode: శివ, పూర్ణిమల పెళ్లి కోసం షాపింగ్ చేయడానికి అందరూ కలిసి షాపింగ్కు వెళ్తారు. అక్కడ లోపలికి వెళ్లాక భూమి ఎస్కలేటర్ ఎక్కలేదని గగన్ చెప్తాడు. దీంతో భూమి అప్పుడు అలా భయపడేదాన్ని కానీ ఇప్పుడు ఏం కాదు అని చెప్తుంది భూమి
గగన్: అమ్మ భూమికి ఎస్కలేటర్ ఎక్కడం అంటే భయం.
అని చెప్తూనే గగన్,భూమిని ఎత్తుకుని ఎస్కలేటర్ ఎక్కుతాడు. భూమి పాత రోజులు గుర్తు చేసుకుంటుంది. పూర్ణి వాళ్లిద్దరిని చూసి ఇగో ఫీలవుతుంది.
పూర్ణి: చూడు మా అన్నయ్య వదిన ఎంత రొమాంటిక్గా ఉన్నారో..? అదీ పెళ్లైన తర్వాత కూడా మనం పెళ్లి కావాల్సిన వాళ్లం శివ. ఇంకెంత రొమాంటిక్ గా ఉండాలి.
శివ ఇరిటేటింగ్ గా ఫీలవుతుంటాడు. అందరూ పైకి వెళ్లిపోతారు. పైకి వెళ్లాక కూడా గగన్, భూమిని అలాగే ఎత్తుకుని నిలబడి ఉంటాడు.
పూర్ణి: అన్నయ్య ఫస్ట్ ఫ్లోర్ కు వచ్చేశాము అన్నయ్య..
గగన్: అది తనకు ఎస్కలేటర్ ఎక్కడం రాదు. అమ్మా ముందు ఏం చూద్దాం..
పూర్ణి: అభరణాలు చూడటంలో అమ్మది అందె వేసిన చెయ్యి అన్నయ్య. ఇలా అంటే అలా అయిపోతుంది షాపింగ్. బట్టలదే లేట్ అవుతుంది అన్నయ్య.
భూమి: పెళ్లి కూతురు ఆర్డర్ వేసాక.. మనం ఆచరించడం తప్పా వేరే దారి ఏముంది బావ. ఆచరిద్దాం.
గగన్: పెళ్లి కూతురు గారి ఆర్డర్.. పెళ్లి పెద్ద గారి నిర్ణయం.. శిరసావహించడం తప్పా మాకు కూడా వేరే దారి లేదు..
శివ: అవును బావ..
అంటూ అందరూ వెళ్లి షాపింగ్ చేస్తుంటారు. ఇంతలో శివకు బిందు ఫోన్ చేస్తుంటే.. బయటకు వెళ్లి ఫోన్ లిఫ్ట్ చేస్తాడు.
బిందు: ఏంటి శివ నీ ఫియాన్సీ పక్కనే ఉందా..? అందుకేనా నువ్వు ఫోన్ ఆన్సర్ చేయడం లేదు.
శివ: అంటే బావ మమ్మల్ని షాపింగ్కు తీసుకొచ్చాడు బిందు. అందుకే..
బిందు: షాపింగ్ మాలా..? అంటే పెళ్లి బట్టలు, నగలు అవి కొనుక్కోవడానికా..?
శివ: అవును
బిందు: అన్ని ఏర్పాట్లు పూర్తి అయిపోతున్నాయి అన్నమాట. ఇంకేముంది. పూరితో కలిసి నువ్వు పెళ్లి పీటలు ఎక్కడం ఒక్కటే మిగిలి ఉంది.
శివ: ఫ్లీజ్ నువ్వు అలా మాట్లాడకు బిందు. నేను పెళ్లి పీటలు ఎక్కడం అంటూ జరిగితే అది నీతోనే ఎక్కుతాను.
బిందు: మన కోసం ఎవరైనా నిలబడేవాళ్లు ఉన్నారు. మన ప్రేమను నిలబెట్టేవాళ్లు ఉన్నారు అంటే అది భూమి వదిన ఒక్కతే. భూమి వదినకు నువ్వు ఇప్పటికే చెప్పి ఉండాల్సింది శివ.
శివ: చెప్పాలి అనుకున్నాను బిందు కాకపోతే మన వల్ల అక్కా బావ ఎక్కడ విడిపోతారో ఏమోనని భయపడ్డాను. ఈరోజు ఎలాగైనా చెప్పేస్తాను. మన ప్రేమ ఒక చివరి చేదు జ్ఞాపకంగా మిగిలిపోకూడదు.
బిందు: సరే శివ
శివ: సరే బిందు. వీలు చూసుకుని మళ్లీ నీకు నేను ఫోన్ చేస్తాను. నీ చేతిలో ఉన్న ఆ ఫోన్ మీ వాళ్లు ఎవ్వరూ చూడకుండా జాగ్రత్తగా చూసుకో..
అని చెప్పగానే.. బిందు సరే అంటుంది. శివ కాల్ కట్ చేస్తాడు. ఇంతలో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
టాప్ హెడ్ లైన్స్
ట్రెండింగ్ వార్తలు
